Nain Sahil By Sanaya Khan Readelle50155 Episode 15

چلو تمہیں بتاتی ہوں۔۔۔۔۔۔۔۔۔۔
عشرت چھوٹی سی خوشی کا ہاتھ تھامے اُسے دھمکاتے ہوئے کمرے میں لیجانے لگی
کتنی دفعہ کہا ہے کے اس سے بات مت کیا کرو۔۔۔۔اس کے روم میں مت جایا کرو۔۔۔۔۔۔
اس کی بڑبڑاہٹ جاری تھی اور خوشی ہاتھ چھڑانے کی کوشش کر رہی تھی
مما میں تو۔۔۔۔۔۔۔۔۔۔۔۔۔۔۔۔
چپ۔۔۔۔۔۔۔آئندہ اس کے کمرے میں نظر آئی تو ٹانگیں توڑ دوں گی تمہاری۔۔۔۔۔۔۔۔۔۔۔۔
اُسے جھڑکتے ہوئے خاموش کرا یا
کیا ہوا کیوں چلا رہی ہو میری لاڈو پر۔۔۔۔۔۔۔۔۔۔
لاؤنج میں تسبیح تھامے بیٹھیں دادی نے اُسے اپنی پر پوتی پر یوں ظلم کرتے دیکھا تو آواز دے کے روکا وہ ایک پل کو گھبرا گئی اور پھر زبردستی مسکرانے لگی
کچھ نہیں دادی ۔۔۔۔۔۔یہ بہت شرارتیں کرنے لگ گئی ہے آجکل۔۔۔۔۔۔۔۔۔۔۔۔
وہ خوشی کو ڈانٹنے کی اصل وجہ نہیں بتا سکتی تھی تبھی بہانہ بنایا اُس کا دھیان دادی کی طرف دیکھ کر خوشی اپنا ہاتھ چھڑا کر بھاگتی ہوئی اپنی بڑی دادی کی گود میں چھپ گئی
کیوں تنگ کر رہی ہے اپنی ماں کو۔۔۔۔۔۔۔۔۔۔۔
دادی نے اُسے مصنوعی خفگی سے دیکھتے ہوئے کہا
بڑی دادو۔۔ مما مجھے مار رہی ہی کیوں کے میں چاچو کے روم میں گئی تھی اُن کے دانت دیکھنے
وہ اپنی بڑی بڑی آنکھوں میں معصومیت سموئے اُنہیں دیکھنے لگی
دانت دیکھنے۔۔۔۔۔۔۔۔۔۔
دادی نے حیرت سے پوچھا جب کے عشرت اسے اشارے سے چپ کرانے کی کوشش میں اس کی دیکھنے کی منتظر تھی
ہاں ۔۔۔۔۔مما نے کہا کے چاچو کے لمبے لمبے دانت ہے۔۔۔۔۔۔۔
کیوں کے وہ راکشس ہے۔۔۔۔۔۔۔۔اور اگر میں اُن سے بات کروں گی تو وہ مجھے کھا لیں گے
وہ آنکھیں پھیلائے بتانے لگی عشرت نے اُسے دیکھ کر دانت پیسے اور دادی نے عشرت کو غصے سے دیکھا
نہیں نہیں دادی میں تو بس اسے۔۔۔۔۔۔۔۔۔
دادی کے گھورنے پر وہ صفائی دینے لگی تو اُنہوں نے ہاتھ دکھا کے روکا اور خوشی کو دیکھنے لگی
ایسی بات نہیں ہے لاڈو۔۔۔۔۔۔۔۔۔۔۔۔۔۔ تیری ماں مذاق کر رہی تھی۔۔۔۔۔۔۔۔
اُنہوں نے اُسے پیار سے سمجھاتے ہوئے کہا
مطلب چاچو راکشس نہیں ہے۔۔۔وہ مجھے نہیں کھائے گے۔۔۔۔۔۔۔
خوشی کی آنکھوں میں خوشی تھی
نہیں بیٹا چاچو تو اپنی لاڈو سے بہت پیار کرتا ہے۔۔۔۔۔
اُنہوں نے اس کے گال پر پیار کرتے ہوئے کہا
ہاں اور چاچو تو مجھے چاکلیٹ بھی دیتے ہیں
اس نے جلدی سے سر ہلایا دادی مُسکرا کر اُسے پیار کرنے لگیں
اچھا اب تم جا کے شانو کے ساتھ کھیلو جاؤ جاؤ جاؤ۔۔۔۔۔۔۔۔۔۔
اُنہوں نے خوشی کو بہلا کر وہاں سے بھیجا کیونکہ اس کے سامنے اس کی ماں کو کچھ نہیں کہنا چاہتی تھیں
معاف کیجئے گا دادی پر مجھے اپنی بیٹی کے لیے ڈر لگتا ہے ۔۔۔۔۔اس لیے میں نے ایسا کہا۔۔۔۔۔۔۔۔
اتنی چھوٹی سی ہے وہ۔۔۔۔۔اور میں نہیں چاہتی کے کسی غلط انسان کا سایہ اس پر پڑے
اُن کے کچھ کہنے سے پہلے ہی عشرت نے سر جھکائے صفائی دی
اپنی بیٹی کو اس سے دور رکھنا ہے تو رکھو میں منع نہیں کرتی۔۔۔۔۔۔۔۔۔۔۔۔ لیکن اس کے بارے میں بچوں سے الٹی سیدھی باتیں کی تو آئندہ میں سیدھے تمہاری ماں سے بات کروں گی ۔۔۔سمجھ گئی
دادی نے اُسے خطرناک دھمکی دی
جی دادی۔۔۔۔۔۔۔۔۔۔۔۔۔۔
وہ جلدی سے سر ہلاتی وہاں سے چلی گئی۔۔
دادی نے دوبارہ تسبیح اٹھائی گھر کے سب لوگ اس وقت اپنے اپنے کام میں مصروف تھے۔۔۔۔۔۔
رابعہ اور آسیہ بیگم کچن میں شیرین اور عشرت اپنے اپنے بچوں کو تیار کرنے میں اور گھر کے سارے مرد باہر اپنے کام میں۔۔۔۔بس ایک اس کے سوا جو شاید ابھی تک سویا ہوا تھا
دادی نے اُسے تیز تیز قدموں سے سیڑھیاں اتر کر سیدھے باہر نکلتے دیکھا تو تسبیح پر چلتی انگلیاں رک گئی
شہزادے۔۔۔۔۔
کہاں چلے گھوڑے پر سوار ہو کر ۔۔۔۔۔۔
آجاؤ ناشتا کرنے۔۔۔۔۔
اُنہوں نے جلدی سے پکارا وہ رک کر اُن کی جانب پلٹا
نہیں دادی۔۔۔۔۔۔۔ اپن کو لیٹ ہو رہا ہے۔۔۔۔۔۔دوست لوگ راہ دیکھ رہے ہو گے۔۔۔
وہ جلدبازی سے بولا
میں بھی یہاں راہ دیکھ رہی ہوں کب سے۔۔۔۔
ناشتہ نہیں کیا میں نے اب تک۔۔۔۔۔۔۔۔۔
دادی نے ہاتھ دکھا کر جتاتے ہوئے کہا وہ گہری سانس لے کر رہ گیا
اپنے کھانے پینے کا دھیان رکھا رکھو۔۔۔۔۔۔۔۔۔۔
خالی پیٹ صبح شام ورزش کروگے تو اندر سے کمزوری آجائے گی۔۔۔۔۔۔
اُنہوں نے اُسے جلد بازی اور بیزاری سے نوالے منہ میں ڈالتے دیکھا تو پھر سے بولیں
تیرے کو بہت تجربہ ہیں دادی۔۔۔۔۔۔
لگتا ہے جوانی میں بہت ڈمبل اٹھائے ہے۔۔۔۔۔۔
وہ مسکراتا ہوا بولا دادی نے اُسے گھور کر دیکھا
بدمعاش۔۔۔۔۔۔۔۔۔
اس کے کندھے پر ایک تھپڑ مارا اس کی مسکان گہری ہوئی
تمہارے دادا جی کو دیکھا ہے۔۔۔۔۔۔۔۔۔ایک ساتھ دس دس پہلوانوں کو چت کر دیتے تھے وہ۔۔۔۔۔۔۔۔۔۔۔ہر روز آدھا لیٹر دودھ، پانچ انڈے اور چھ دیسی گھی کے پراٹھے کھاتے تھے۔۔۔۔۔۔۔۔۔۔۔اور ایک تم ہو چار نوالے کھا کر منہ بننے لگ جاتے ہیں۔۔۔
دادی نے اپنے مرحوم شوہر کے قصے سناتے ہوئے اُسے لتاڑا
اچھا دادی باقی باتیں بعد میں ابھی میرے کو نکلنا ہے
وہ جلدی سے اٹھا اس کے موبائل پر کسی کی کال آرہی تھی۔۔۔
چپ کرکے بیٹھو۔۔۔۔۔۔۔۔اور سارے پراٹھے ختم کرو۔۔۔۔۔۔۔۔۔۔۔۔
دادی نے اُسے ڈانٹ کر واپس چیئر پر بٹھایا اور سامنے رکھی پلیٹ سے خود نوالہ اس کے منہ میں ڈالا
دادا جی کو بھی ایسے ہی ڈراتی تھی نا تو۔۔۔۔,۔۔
وہ نوالے کو زوروں سے چباتے ہوئے بولا تو دادی نے اُسے چپ ہو کر کھانے کا اشارہ کیا۔۔
اس نے سامنے رکھے ریموٹ سے ٹی وی آن کر لیا اور نیوز دیکھنے لگا جب کے نوالے اب دادی خود منہ میں ڈال رہیں تھیں
جیسا کہ آپ دیکھ سکتے ہیں۔۔۔۔دونوں ڈیڈ باڈیز کو ڈی سی پی پرتاب کی نگرانی میں پوسٹ مارٹم کے لیے لیجایا جا رہا ہے۔۔۔۔۔
ہم آپکو اک بار پھر بتاتے چلیں۔۔
کل رات کمشنر چوہان اور انسپیکٹر راکیش کا بے دردی سے قتل کر دیا گیا ہے۔۔۔دونوں کی لاش بیچ سڑک پر بے حد گمبھیر حالت میں ملی ہے۔,
جس طرح دونوں پر حملا کیا گیا اس سے اندازا لگایا جا سکتا ہے کے یہ ایک دو نہیں بلکہ پورے گروپ کا کام ہے
پولیس کو شک ہے کے یہ کام کسی دہشت گرد گرو پ کا ہے جنہوں نے سرکار کو دھمکانے کی غرض سے پہلے بھی کئی حملے کیے ہیں
شہر میں اس خبر سے بے حد غم اور غصے کا ماحول ہے اب دیکھنا یہ ہے کے ہماری پولیس اُن مجرموں کو بازیاب کرنے میں کامیاب ہوتی ہے یا نہیں۔۔۔۔
نیوز رپورٹر بنا رکے بولے جا رہی تھی اور اس کے چہرے پر پراسرار سی مسکراہٹ تھی۔۔۔۔۔۔۔۔۔
اپنے لفنڈز دوستوں سے فرصت ملے تو اپنے بالوں کا جنگل بھی صاف کروا لے نا ۔۔۔۔۔۔آج کل کی تو لڑکیوں کے سر میں بھی تم سے کم بال ہوتے ہیں۔۔۔۔۔۔۔۔۔۔
اُنہوں نے اس کی آدھی پیشانی کو ڈھکے گہرے براؤن بالوں کو دیکھتے ہوئے کہا جو ایک کان کو چھپائے ہوئے تھے اور پیچھے سے گردن تک آرہے تھے۔۔۔۔بڑے تو تھے ہی لیکِن بے ترتیب بھی تھے۔۔۔۔۔ اس نے ٹی وی سے نظریں ہٹاکر اُنہیں دیکھا اور مسکرایا
چہرے پر شیو بھی معمولی سے زیادہ بڑھ چکی تھی۔۔۔۔اور اُسے بھی شیپ دینے کی کوئی زحمت نہیں کی جاتی تھی۔۔۔۔۔
سارا دن بس ادھر سے اِدھر کرتے رہتے ہو ۔۔۔۔۔اپنے آپ پر ذرا دھیان دو گے تو بلکل شہزادے لگوگے ۔۔۔۔۔۔۔۔۔
دادی نے اس کی لاپرواہی کا احساس دلانے کی کوشش کی۔۔۔۔ رنگ معمولی سانولا تھا لیکِن نین نقش کافی اچھے تھے بس اس کے غنڈوں جیسے حلیے کی وجہ سے سب اُسے ذیادہ جنگلی سمجھتے تھے۔۔۔۔۔۔حلانکہ دادی کو تو وہ تب بھی شہزادہ لگتا تھا اپنی گہری سیاہ پرکشش آنکھوں ، اور دلکش مسکراہٹ کی وجہ سے۔۔۔۔۔۔
چھوڑ نا دادی۔۔۔۔۔۔۔شہزادہ لگ کر بھی کونسا اپن کو شہزادی مل جائے گی۔۔۔۔۔۔
وہ ہلکا سا ہنسا۔۔۔۔زِندگی سے بھرپور مسکان۔۔۔۔
کیوں نہیں ملے گی۔۔۔۔۔۔۔۔۔۔۔
دیکھنا جیسے داؤد کو اللہ نے نین جیسی شہزادی دی ہے نا تمہارے لیے بھی کوئی بہت پیاری سی لڑکی بنائی ہوگی۔۔۔۔اور جب وہ تمہاری زندگی میں آئے گی نہ تو تجھے اور تیری زندگی دونوں کو بدل دیگی۔۔۔۔۔۔
دادی نے محبت سے کہتے ہوئے اس کے چہرے پر ہاتھ رکھا وہ مُسکرا کر اُنہیں دیکھنے لگا
اچھا دادی۔۔۔۔بہت سپنے دیکھ لیے اب مجھے جاگنے دے اور ادھر سے بھاگنے دے۔۔۔۔۔۔۔۔۔۔۔۔۔۔۔۔
اُن کا ہاتھ چہرے سے ہٹا کر لبوں سے لگا یا اور دُوسرے ہاتھ میں موجود نوالہ منہ میں لے کر جلدی سے اٹھ کر باہر کی جانب بھاگا
ارے سنو تو۔۔۔۔۔۔۔۔۔۔۔۔۔۔۔
دادی اُسے پکارتی رہ گئی اور وہ ہوا کی طرح غائب ہو گیا
دروازے سے باہر نکلتے ہی جیب سے فون نکالا جس پر پرتاب صاحب کی کال آرہی تھی قدم تیزی سے چل رہے تھے اور نظریں موبائل پر تھی اس لیے سامنے سے آتی جیا کے کندھے سے اس کا بازو ٹکرایا
وہ پہلے تو جھنجھلائ اور پھر اُسے دیکھ کر مزید آگ بگولا ہوئی۔۔۔
اندھے ہو کیا تم۔۔۔۔۔۔۔۔۔۔۔
وہ دانت پیس کر اس پر برسی۔اس نے موبائل جیب میں رکھ کر اُسے دیکھا
دکھائی نہیں دیتا تمہیں یا جان بوجھ کر ہم لوگو کو پریشان کرنے کی ٹھانی ہوئے ہے۔۔۔۔۔۔۔۔۔۔۔۔۔
وہ ماتھے پر بل لیے اُسے دیکھنے لگی
ا اے۔۔۔۔۔میں بس غلطی سے۔۔۔۔۔۔۔۔۔۔۔
وہ بیزار سے شکل بنائے اُسے چپ کرنے کی غرض سے بولنے لگا لیکِن جیا نے اس کی بات کاٹی
شٹ اپ ۔۔۔۔۔۔۔۔۔۔۔۔ یہ بہانے بازی میرے سامنے مت کرنا
تمھارے اس ڈھونگ سے صرف دادی اور پاپا ہی امپریس ہو سکتے ہیں میں تو ہر گز نہیں۔۔۔۔۔۔۔۔۔
وہ اس۔کی بات کاٹ کر غصے سے بولی
دیکھ اب تو زیادہ بول رہی ہے۔۔۔۔۔۔۔۔۔۔۔۔
اس نے اُنگلی اٹھائے غصے سے اُسے دیکھا
انگلی نیچے کرو۔۔۔۔۔۔۔۔۔اور مت بھولو کے یہ میرا گھر ہے اور اس گھر میں تمہاری حیثیت ایک نوکر سے زیادہ نہیں ہے۔۔۔
اس لیے بات کرتے وقت حیثیت کے اس فرق کا خیال رکھا کرو۔۔۔۔۔۔۔۔۔۔
وہ اُسے آنکھیں دکھاتے ہوئے بولی اور وہ دانت پیس کر رہ گیا
جنگلی جانور۔۔۔۔۔۔۔
وہ بڑبڑاتی ہوئی اندر کی طرف بڑھی
جنگلی جانور میرے کو بولتی ہے اور سینگ خود مارتی ہے۔۔۔۔۔۔۔۔۔
اس کی بڑبڑاہٹ پر وہ حیرت سے آنکھیں پھاڑے اس کی جانب پلٹی ۔۔۔۔۔۔۔
کیا ۔۔۔۔۔کیا کہا تم نے۔۔۔۔۔۔۔۔۔
اُسے آنکھیں چھوٹی کیے گھورتی ہوئی پوچھنے لگی
کچھ نتھنگ۔۔۔۔۔۔تیرے کان بجنگ۔۔۔۔۔
تو اندر گوئنگ۔۔۔۔۔۔۔اپن باہر گوئنگ۔۔۔۔
ٹاٹا۔۔۔۔۔۔۔۔۔۔۔۔
الٹی سیدھی باتیں کرتا ہوا پلٹ کر گیٹ کی طرف بڑھا اور وہ پیر پٹختی ہوئی اندر چلی گئی
∆∆∆∆∆∆∆∆
کتنی دفعہ کہتی ہوں کے ابھی کھانا بنانا سیکھ لے۔۔۔۔ورنہ آگے بہت مشکل ہوگی۔۔۔۔۔۔لیکِن یہ لڑکی میری ایک بات نہیں مانتی۔۔۔۔۔۔۔۔۔
زینب غصے سے بڑبڑ کرتیں نین اور روما کے کپڑیں بیگ میں رکھ رہی تھی۔۔۔۔۔۔اُنہوں نے اگلے دن انڈیا کی فلائٹ لینی تھی۔۔۔۔وہ لوگ سالوں بعد اپنے وطن جا رہے تھے
زینب کو جہاں سالوں بعد اپنے مایکے جانے کی خوشی تھی وہیں نین کی بے حد فکر بھی ہو رہی تھی۔۔۔کیوں کے وہ بلکل بھی کسی بات میں سنجیدہ نہیں ہوتی تھی۔۔۔اور اُس کے بہت زیادہ بولنے کی عادت نے تو زینب کو پریشان کیا ہوا تھا۔۔۔
ممی مجھے کوکنگ سیکھنے کی کیا ضرورت ہے ۔۔۔۔۔وہاں تو کوک بناتا ہے نہ کھانا۔۔۔۔۔۔
اُس نے موبائل پر نظریں جمائے بیزار انداز میں کہا زینب آکر اُس کے پاس بیٹھ گئیں
ہاں لیکِن اگر کبھی کوک نہیں موجود ہوا تو کیا کروگی۔۔۔۔۔
اُنہوں نے اُسے غور سے دیکھتے ہوا پوچھا
تو بڑی مامی بنا دیا کریں گی۔۔۔۔۔یا بھابھی لوگ ۔۔۔۔۔۔
نین نے ایک نظر اپنی ماں کو دیکھ کر آرام سے جواب دیا
میرے اللہ۔۔۔۔۔۔۔اگر مان لو کے تم گھر میں کبھی اکیلی ہو۔۔۔بھوک لگے تو کیا کرو گی۔۔۔۔۔
زینب نے اپنا سر تھام لیا نین نے اُن کی طرف دیکھا
ممی۔۔۔۔ میں زومیٹو سے آرڈر کر لوں گی۔۔۔۔۔۔اس میں کونسی بڑی بات ہے
اُس کے اتنے ہی سکون سے جواب دینے پر زینب اُسے غصے سے گھور کر اٹھ گئی۔۔۔۔وہ ہر بات کو یونہی گھمانا جانتی تھی
بیڑا غرق ہو اس موبائل کا۔۔۔۔۔۔۔۔کمبخت نے نکما کر رکھا ہے تم لڑکیوں کو۔۔۔۔۔۔
زینب غصے سے دانت پیس کر کپڑے نکال نکال کر بیڈ پر پھینکنے لگی
ممی پلیز دِن رات اس کو بدعا مت دیا کرو ۔۔۔۔۔۔دل دکھتا ہے میرا۔۔۔۔۔۔۔
نین کی اپنے موبائل کے لیے ممتا جاگ اٹھی
اور کھانا بنانے کا ہی ٹینشن ہے نہ تو کوئی بات نہیں بس داؤد سے کہہ دوں گی کے وہ بریانی بنانا سیکھ لے۔۔۔۔۔۔رائتہ میں بنا لیا کروں گی۔
اُس نے شان بے نیازی سے جواب دیا
ہاں ہاں دکھا لو جتنے نخرے دکھانے ہے۔۔۔۔ سسرال جانے کے بعد عقل ٹھکانے آجائے گی۔۔۔۔۔۔۔
زینب سر جھٹک کر بڑبڑاتی کپڑے تہہ کرنے لگی
میری یا سسرال والوں کی۔۔۔۔۔۔۔۔
نین نے اُن کی طرف دیکھ کر نا سمجھی سے پوچھا زینب نے پیر سے چپل نکال کر اُس کے اوپر اچھالی جو اُس کے سر کے اوپر سے گزری۔۔۔اور دوسری چپل کے نشانہ لگنے سے پہلے وہ اٹھ کر باہر بھاگی
∆∆∆∆∆∆∆∆∆
اس آدمی نے بچے کو پولیس افسر کے حوالے کیا اور بتا یا کے کس طرح وہ اُن لوگوں کا سامان چرا کر بھاگ رہا تھا۔۔۔۔۔۔۔۔۔
پولیس والے نے حیرت سے اس پانچ سال کے روتے ہوئے بچے کو دیکھا اُسے یقین نہیں ہوا کے وہ چوری کر سکتا ہے۔۔۔۔۔۔۔لیکِن ممبئی میں ایسے گروپ کی کمی نہیں تھی جو بچوں سے چوریاں کرواتے تھے۔۔
اس کی شفٹ صبح کی تھی اس لیے وہ انجان تھا اس بچے کے بارے میں۔۔۔۔۔۔۔
اس آدمی نے کمپلینٹ لکھانے کی کوشش کی لیکن پولس افسر نے اپنی جانب سے سمجھا بجھا کر معاملے کو وہیں ختم کرنے کی صلاح دی۔۔۔۔تو وہ لوگ چلے گئے۔۔۔۔۔۔۔۔۔۔
پولیس افسر نے اُن کے جانے کے بعد بچے سے پوچھ تاچھ کرکے جاننے کی کوشش کی وہ کس کے کہنے پر چوری کر رہا تھا لیکن وہ کچھ نہیں بولا بس روتا رہا ۔۔۔۔پہلی دفعہ کسی نے اُسے اتنے زور سے مارا تھا وہ بہت بری طرح ڈر گیا تھا
دیکھ لڑکے اس دفعہ تو جانے دے رہا ہوں لیکن آئندہ کبھی چوری کی تو جیل میں بند کردوں گا۔۔,۔۔اور بہت ماروں گا۔۔۔۔۔۔نکل یہاں سے۔۔۔۔
اس افسر نے غصے سے اُسے وارن کیا اور وہاں سے جانے کو کہا وہ ہاتھ سے چہرہ رگڑتے ہوئے باہر نکل گیا
روتا ہوا پیدل پیدل چلتا راستے کی سیدھ میں بہت دور تک نکل گیا۔۔۔۔۔۔۔کل اس وقت وہ اپنے گاؤں کے ریلوے لائن کے پاس اپنی ماں کے ساتھ بیٹھا تھا ریل کو دیکھ کر خوشی سے تالیاں بجا رہا تھا اور آج آس پاس سے گزرتی ٹرین کی آوازیں بھی اُسے متوجہ نہیں کر پا رہی تھی
ماں کے واپس آنے کی آس اب بہت ماند پڑ گئی تھی۔۔۔
ننھی سی سوچیں بس اپنے گھر کا راستہ یاد کرنے کی کوشش کر رہی تھی اُسے اپنے گاؤں کا نام یاد نہیں تھا لیکن وہ یاد کرنے کی کوشش کر رہا تھا
اس نے کبھی اپنے باپ کو نہیں دیکھا تھا جب جب اپنی ماں سے پوچھا اس نے یہی کہا کہ وہ کام کرنے شہرِ گیا ہے وہاں سے بہت سارے کھلونے لے کر آئیگا
گھر میں صرف اس کی ماں اور دادی تھے اور دونوں کے ہی وہ بہت قریب تھا اور آج اچانک اُن سے اتنی دور چلا گیا تھا۔۔۔۔
اس کا معصوم ذہن لاکھ کوشش کے بعد بھی سمجھ نہیں پا رہا تھا کے اس کی ماں نے اس کے ساتھ ایسا کیوں کیا ہوگا
اے چھوٹے رک۔۔۔۔۔۔۔ کہاں جا رہا ہے۔۔۔۔۔۔۔
پیچھے سے آواز آئی تو وہ رک گیا اور پلٹ کے پیچھے دیکھنے لگا وہی آدمی جس نے بیگ چرانے کو کہا تھا اس کے سامنے کھڑا تھا۔۔ وہ اس علاقے کا معمولی چور تھا جس کا نام جونی تھا
تیرے کو بولا تھا نا کے چپکے سے بیگ اٹھانا۔۔۔۔۔۔
اس کو پتہ نہیں چلنا چاہیے۔۔۔۔۔۔۔۔۔۔
اتنا کام نہیں ہوا تیرے سے۔۔۔۔۔۔۔۔۔
جانی اس کے سامنے جھکا ناگواری سے بولا بچہ خاموشی سے اُسے دیکھنے لگا۔۔۔۔۔۔
اب رو کیوں رہا ہے۔۔۔۔۔۔۔۔۔۔
وہ کوفت زدہ لہجے میں پوچھے لگا
میری ماں کھو گئی ہے۔۔۔مُجھے اس کے پاس جانا ہے۔۔۔
وہ تھک چکا تھا یہ الفاظ دہراتے دہراتے کبھی خود سے کبھی اوروں سے پر اس کی بے بسی پر ترس کھانے کے لیے بھی کوئی نہیں تھا۔۔
یہ ممبئی ہے چھوٹے۔۔۔یہاں کھونے والے آسانی سے نہیں ملتے۔۔۔۔۔۔
وہ ہنسا۔۔۔۔اور سیدھا ہو کر اُسے دیکھنے لگا آنکھوں میں عجیب سی چمک لیے۔ ۔۔۔۔۔۔یہ لڑکا اس کے کام آسکتا تھا۔۔۔۔بچوں کے ذریعے چوری کروانا آسان تھا اور پولیس کا خطرہ بھی کم تھا
تو میرے ساتھ چل۔۔۔۔۔۔۔۔۔۔
وہ دونوں ہاتھ کمر پر رکھے بولا
تم ڈھونڈھو گے میری ماں کو۔۔۔۔۔۔۔۔۔۔
وہ جو جانے کے لیے پلٹ رہا تھا جانی کی بات پر كسی آس کے تحت پوچھا
ہاں ٹھیک ہے ۔۔۔لیکِن جب تک تو اپن کے ساتھ رہیگا اپن کے لیے کام کرنا پڑےگا۔۔۔سمجھا
اور زیادہ شان پٹّی کی نا تو یاد رکھنا۔۔۔۔۔۔۔
وہ اس کی بات پر بیزاری سے حامی بھر کر اپنی بات جتاتے ہوئے بولا
اور وہ کیا کرتا اس کے ساتھ جانے کے علاوہ کیوں کے نا اس شہرِ میں اس کا کوئی تھا نا اس کے بس میں تھا کے وہ کچھ سوچ پائے
نام کیا ہے تیرا۔۔۔۔۔۔۔۔۔۔
وہ جانی کے ساتھ چلتا اس کے قدم سے قدم ملانے کی کوشش کر رہا تھا
“ساحل”
❤️❤️❤️❤️❤️❤️❤️❤️❤️❤️
“ساحل”
اس کے سامنے سفید جیپ آکر رکی اور اس کا نام پکارا تو اس نے موبائل سے سر اٹھا کر اوپر دیکھا اور دروازہ کھول کر اندر بیٹھ گیا
اتنا ٹائم لگا دیا تم نے۔۔۔۔
ڈی سی پی پرتاب نے کلائی اوپر کرکے اس کی توجہ اپنی گھڑی پر دلائی
سوری سر وہ دادی ۔۔۔۔۔۔۔۔ آپ کو تو معلوم ہے نا۔۔۔۔۔۔۔
وہ جلدی سے صفائی دیتے ہوئے مسکرایا۔۔۔پرتاب نے سر نفی۔میں ہلاتے ہوۓ گاڑی آگے بڑھا لی
یہ تمہارے لیے تحفہ۔۔۔۔۔۔۔۔
مسکراتے ہوئے سفید لفافہ اس کی طرف بڑھایا تو اس نے تحفے کے نام پر ہلکا سا گھورا اور لفافہ ہاتھ سے تقریباً جھپٹا۔۔۔۔
اپن کی کوئی بہن نہیں ہے۔۔۔۔۔۔۔۔اور داؤد کی بہن ابھی ذرا چھوٹی ہے۔۔۔پھر یہ رشتا کس واسطے لے کر آئے آپ
اس لفافے سے نکلی تصویر کو دیکھتے ہوئے پوچھا جو ایک ہٹے کٹے آدمی کی تھی جو بلیک بنیان میں اپنے کسرتی بدن کی نمائش کر رہا تھا
تمہارے لیے۔۔۔۔۔۔۔۔۔۔
پرتاب نے ہنستے ہوئے کہا
استغفر اللہ۔۔۔۔۔اب اپنی محبت میں یہ سب بھی کروائے گے میرے سے۔۔۔۔۔۔۔۔
اس نے حیرت اور صدمے کی بھرپور ایکٹنگ کی
گاڑی میں پرتاب کا قہقہہ گونجا
کروا تو کچھ بھی سکتا ہوں لیکن فلہال میرا ایسا کوئی ارادہ نہیں ہے۔۔۔۔۔۔۔۔۔۔۔ویسے بھی چوہان کی حالت دیکھ کر مجھے تم سے تھوڑا تھوڑا ڈر لگنے لگا ہے۔۔۔۔۔۔
پرتاب نے اس کی جانب دیکھتے ہوئے کہا وہ ہنسا خوبصورتی سے۔۔۔۔۔۔۔
یار ہاتھ ذرا ہلکا رکھا کرو ۔۔۔۔۔۔شکل نہیں پہچانی جا رہی تھی بیچارے کی۔۔۔۔۔۔۔
پرتاب نے اس کے ہنسنے پر گھورا۔۔
جیکی۔۔۔۔۔رویل باکسنگ کلب کا اونر۔۔۔۔۔۔۔۔
ساحل اس تصویر کو دیکھتے ہوئے اب کے سنجیدگی سے بولا
لیکن اس باکسنگ کلب کے پیچھے سفید رنگ نظر آرہا ہے مجھے
پرتاب نے اس کی معلومات میں اضافہ کیا جسے و بخوبی سمجھ گیا
سمجھ لو یہ وہ مچھلی ہے جو ہمارے ممبئی کو گندا کرنے کی فراغ میں ہے۔۔۔۔ اور یہی مچھلی ہمیں۔۔۔۔سمندر تک پہنچا سکتی ہے ۔۔۔
اسٹیئرنگ وہیل کو گھما کر موڑ کاٹتے ہوئے پرتاب نے مزید بتایا۔۔۔۔۔۔۔۔
تو یہ ابھی تک آزاد کیوں ہے۔۔۔۔۔۔۔۔۔۔۔
ساحل کی پر سوچ نظریں سنسان سڑک پر تھی
کُچھ ثبوت ہاتھ لگے ہے لیکن میں اسے گرفتار نہیں کرنا چاہتا۔۔۔۔۔۔۔۔۔ہر بار یہ مہرے یا تو خود راستے سے ہٹ جاتے ہیں یا ہٹا دیے جاتے ہیں۔ ۔۔۔۔۔لیکِن مجھے اس بار ان کا کنٹرولر چاہیے ۔۔۔۔۔
پرتاب نے گویا اُسے حکم دیا
ٹھیک ہے۔۔۔۔آپ اٹھا لو اس کو۔۔۔۔۔۔۔۔
وہ سنجیدگی سے بولا
شیور۔۔۔۔۔۔۔۔۔؟؟؟
پرتاب نے سوالیہ انداز میں اس کی جانب دیکھا تو اس نے اُن کی طرف دیکھ کر سر ہلا دیا