Tere Sang Yaara by Wafa Shah NovelR50537 Tere Sang Yaara (Episode 67)

Tere Sang Yaara by Wafa Shah

ضارب کو گھر آئے تقریبا ایک ہفتے سے اوپر کا وقت ہو چکا تھا ۔۔۔۔۔

اور ان دنوں میں پوری شاہ فیملی نے اس کا مکمل خیال رکھا تھا ۔۔۔۔۔یہاں تک کے واسم بھی اسکے خیال سے پچھلے ایک ہفتے سے شاہ مینشن میں رکا ہوا تھا ۔۔۔۔۔اور اس کے زخم اب کافی حد تک مند میل ہو چکے تھے ۔۔۔۔۔

اس لیے آج شام میں ہی ان لوگوں نے حویلی واپس چلے جانا ۔۔۔۔۔ضارب نے تو کافی روکنے کی کوشش کی تھی انہیں کہ کچھ اور رکن جائیں اسکے پاس لیکن حیدر شاہ کے بنا وہاں گاؤں میں ارمغان اور موسی شاہ سے سب کچھ سنبھالنا مشکل ہو رہا تھا ۔۔۔۔۔

حیدر شاہ نے اسے اپنے ساتھ چلنے کا بولا تھا ۔۔۔۔۔جس سے اس نے یہ کہہ کر انکار کر دیا کہ وہ فلحال ان کے ساتھ نہیں جا سکتا کیونکہ اسکی طبیعت خرابی کی وجہ سے اسکے بہت سے کام پینڈنگ میں چلے گئے تھے ۔۔۔۔

جنہیں اس نے کور کرنا تھا ۔۔۔۔۔

آج بھی معمول کے مطابق واسم کی گاڑی شاہ مینشن میں داخل ہوئی تھی ۔۔۔۔۔

گاڑی پورچ میں رکتے ہی وہ اپنی شاندار پرسنیلٹی کے ساتھ باہر نکلا ۔۔۔۔۔

ابھی اس نے اندر جانے کیلئے قدم بڑھائے تھے ۔۔۔۔۔جب چوکیدار گیٹ بند کر کے دوڑتا ہوا اسکے قریب آیا ۔۔۔۔۔

شاہ سائیں ۔۔۔۔”

واسم نے پلٹ کر سوالیہ دیکھا ۔۔۔۔۔

جی یہ کچھ دن پہلے ایک کوریئر والا دے کر گیا تھا ۔۔۔۔۔ایک وائٹ کلر کا لفافہ اسکی طرف بڑھاتے ہوئے بولا ۔۔۔۔۔

جبکہ واسم کے ادب میں اس نے نظروں کے ساتھ اپنا سر بھی جھکا رکھا تھا ۔۔۔۔۔

واسم نے اسکے ہاتھ سے لفافہ لیتے ہوئے اسے جانے کا اشارہ کیا ۔۔۔۔۔

جس پر وہ سر ہلا کر وہاں چلا گیا ۔۔۔۔۔

جبکہ واسم نے ایک نظر اس پیکٹ کی طرف دیکھا ۔۔۔۔۔جس پر اسی ہاسپٹل کا نام لکھا ہوا تھا ۔۔۔۔۔جہاں سے ضارب کا ٹریٹمینٹ کروایا گیا تھا ۔۔۔۔۔

اس نے حیرانی سے اسے الٹ پلٹ کر دیکھا ۔۔۔۔۔شاید کسی ٹیسٹ وغیرہ کی رپورٹ ہو ۔۔۔۔۔

اتنا کہتے اس نے قدم اندر کی طرف بڑھائے ۔۔۔۔۔

لیکن ناجانے دل میں کیا آیا کہ اس نے یہ رپورٹ سیدھا ضارب کو دینے کی بجائے پہلے خود دیکھنے کا فیصلہ کرتے ہوئے اسے کھولا ۔۔۔۔۔

اور اسکا اندازہ بالکل درست تھا اندر ٹیسٹ رپورٹ ہی تھی لیکن ضارب کی نہیں بلکہ زرمینے کی ۔۔۔۔۔۔

جس کا نام پڑھتے ہی اس نے بنا پڑھے اسے بند کرنا چاہا جب اچانک اسکی نظر ایک لفظ پر گئی ۔۔۔۔۔اس نے حیرت سے دوبارہ رپورٹ کو کھولا ۔۔۔۔۔۔

اور جیسے جیسے وہ پڑھتا گیا اسکی آنکھوں میں غصے کی زیادتی سے سرخی بڑھتی گئی ۔۔۔۔۔دماغ کی رگیں تن گئی ۔۔۔۔۔لہو میں شرارے پھوٹنے لگے ۔۔۔۔۔

تبھی نجمہ بیگم کچن سے سنیکس لے کر لاؤنج میں آئی تھیں ۔۔۔۔۔جن پر نظر پڑتے ہی وہ لمبے ڈگ بھرتا پل میں انکے پاس پہنچا تھا ۔۔۔۔۔

حیدر شاہ کے ساتھ اماں سائیں اور عظمی بیگم وہی بیٹھے شام کی چائے سے لطف اندوز ہو رہے تھے ۔۔۔۔۔

ابرش ابیہا فلحال کچن میں تھیں اصل میں ابرش ابیہا سے پوچھ پوچھ کر اپنے سائیں کیلئے اسکی فیورٹ بریانی بنانے کی تیاری کر رہی تھی ۔۔۔۔۔

جبکہ ضارب اپنے کمرے میں آرام کر رہا تھا ۔۔۔۔

سب لوگ اسکے سرخ چہرے کو دیکھتے پریشان ہوئے تھے ۔۔۔۔۔

کیا ہوا واسم بیٹا سب ٹھیک ہے ؟؟؟؟ حیدر شاہ نے پیار سے مخاطب کرتے سوال کیا ۔۔۔۔۔

جسکا اس نے کوئی جواب نہیں دیا تھا ۔۔۔۔۔بلکہ وہ رپورٹ سیدھا نجمہ بیگم کے ہاتھ میں پکڑاتے ان سے مخاطب ہوا تھا ۔۔۔۔۔

آپ اپنی بیٹی سے خود پوچھے گی اس بارے میں ۔۔۔۔۔یا پھر میں پوچھوں ؟؟؟؟

نہایت ہی سپاٹ اور سرد لہجہ ۔۔۔۔۔

جسے سن کر نجمہ بیگم کا دل ایک پل کیلئے لرزہ ۔۔۔۔۔ انہوں نے کانپتے ہوئے ہاتھوں سے اس سفید کاغذ کو کھولا ۔۔۔۔۔

اور جیسے ہی انکی نظریں اس پر لکھے ہوئے لفظوں پر پڑی تھیں ۔۔۔۔انہیں اپنا آپ شرمندگی کی اتھاہ گہرائیوں ڈوبتا ہوا محسوس ہوا ۔۔۔۔

ذلت اور رسوائی کے احساس سے انکی آنکھوں میں نمی اتر آئی ۔۔۔۔

انکا دل کر رہا تھا کہ فورا ملکلموت وہاں آئے اور انکی روح قبض کر لے تاکہ انہیں یہ ذلالت اور برداشت نا کرنی پڑے ۔۔۔۔۔

وہ کبھی سوچ بھی نہیں سکتی تھیں ۔۔۔۔انکی بیٹی انکی زر کبھی ایسا کام بھی کر سکتی ہے ۔۔۔۔۔

رپورٹ سے نظر ہٹا کر انہوں نے ایک نظر واسم شاہ کی طرف دیکھا ۔۔۔۔۔ جس کے چہرے کے تاثرات اس حد تک سخت تھے کہ اگر زرمینے اس وقت اسکے سامنے ہوتی تو اسکی جان لینے سے بھی گریز نا کرتا ۔۔۔۔۔

اس کاغذ کو اپنی مٹھی میں بھینچتے ہوئے وہ تیز قدموں سے زرمینے کے کمرے کی طرف بڑھی تھیں ۔۔۔۔۔۔

جبکہ پیچھے سب نے پریشان نظروں سے انکی پشت کو دیکھا تھا

۔۔۔۔۔۔۔۔۔۔۔۔۔۔

وہ جب دروازہ کھول کر اسکے کمرے میں داخل ہوئی تو زر واشروم سے منہ صاف کرتی ہوئی باہر نکل رہی تھی ۔۔۔۔

اور اسکے زرد پڑتے چہرے سے صاف پتا چل رہا تھا کہ اسکی طبیعت ٹھیک نہیں تھی ۔۔۔۔۔

کیا ہوا ہے آپکو ؟؟؟؟ نجمہ بیگم نے اسکی حالت کو دیکھتے ہوئے سپاٹ لہجے میں سوال کیا ۔۔۔۔۔

پتا نہیں ماما پچھلے کچھ دنوں سے طبیعت ٹھیک نہیں ہے دل بار بار خراب ہو رہا ہے ۔۔۔۔

حالانکہ میں نے کچھ بھی الٹا سیدھا نہیں کھایا ۔۔۔۔پھر بھی پتا نہیں ۔۔۔۔زرمینے جو صبح سے وومٹنگ کر کر کے اب نڈھال ہو چکی تھی اپنی طبیعت خرابی کے بارے انہیں بتا رہی تھی کہ اسکی بات مکمل ہونے سے پہلے ہی نجمہ بیگم نے زندگی میں پہلی بار اس پر ہاتھ اٹھایا تھا ۔۔۔۔۔

جس کی گونج پورے کمرے میں گونجی تھی ۔۔۔۔۔

زرمینے نے ششدر چہرے کے ساتھ انکی طرف دیکھا ۔۔۔۔۔جبکہ آنکھوں میں فورا نمی اتر آئی ۔۔۔۔۔۔

ماما “

بےآواز اسکے لب پھڑپھڑائے ۔۔۔۔۔۔

جب ایک اور تھپڑ اسکے چہرے کی زینت بنا تھا ۔۔۔۔۔۔

ارے آپ جیسی اولاد ہونے سے تو بہتر تھا کہ ہم بےاولاد ہی رہتے ۔۔۔۔۔

ماما زرمینے نے تڑپ کر پکارا ۔۔۔۔۔

مت پکاریں مجھے اس نام سے ۔۔۔۔

مر گئی آپکی ماما ،،،،، کاش آپ پیدا ہوتے ہی مر جاتی تو آج مجھے یہ دن تو نہیں دیکھنا پڑتا ۔۔۔۔۔

وہ پھوٹ پھوٹ کر روتے ہوئے غصے سے بولی ۔۔۔۔۔

جبکہ ان کو یوں روتے دیکھ کر وہ انکے قریب ہوئی تھی ۔۔۔۔۔

پلیز ماما ایسے روئے تو مت ۔۔۔۔

جب نجمہ بیگم نے اسکا ہاتھ جھٹکا ۔۔۔۔

اگر مجھ سے کوئی غلطی ہو گئی ہے تو مجھے معاف کر دیں ۔۔۔۔۔لیکن پلیز خود سے یوں دور مت کریں ۔۔۔۔۔

وہ تڑپ کر روتے ہوئے بولی تھی ۔۔۔۔۔

آپ نے غلطی نہیں بلکہ گناہ کیا ہے ۔۔۔۔گناہ

آخر کیا کمی رہ گئی تھی میری تربیت میں جو آپ اس حد تک گر گئیں ۔۔۔۔۔

ہاتھ میں پکڑی ہوئی رپورٹس اسکے منہ پر مارتے ہوئے چیخ کر بولیں ۔۔۔۔

زرمینے نے حیرت سے ان کے کی طرف دیکھتے دوسری نظر اس کاغذ پر ڈالی تھی ۔۔۔۔۔

جس نے اسکی اتنا پیار کرنے والی ماما کو اس سے دور کر دیا تھا ۔۔۔۔

جس پر لکھے الفاظ کو پڑھتے ٹھاہ ٹھاہ کر کے ساتوں آسمان اس کے سر پر گرے تھے ۔۔۔۔۔۔

کہ وہ شرمندہ ہوتے نظریں جھکا گئی ۔۔۔۔۔

کسی اور کے نکاح میں ہوتے ہوئے آپکو شرم نہیں آئی یہ سب کرتے ہوئے ۔۔۔۔۔

ماما ۔۔۔۔”

زرمینے نے کچھ کہنا چاہا لیکن نجمہ بیگم نے ایک اور تھپڑ اسکے منہ پر مارتے خاموش کروا دیا ۔۔۔۔۔۔

کس کا گناہ ہے جو اپنے وجود میں لے کر گھوم رہی ہیں ۔۔۔۔۔ بتائیں مجھے ؟؟؟؟

ماما میں نے کوئی گناہ نہیں کیا ۔۔۔۔۔

اب کہ اونچی آواز میں بولی تھی ۔۔۔۔۔اچھا تو پھر یہ سب کیا ہے ؟؟؟؟

ماما ،،،، وہ ،،،،، وہ کچھ کہنا چاہتی تھی لیکن منہ سے الفاظ نہیں نکل رہے تھے ۔۔۔۔۔

آخر اسی دن سے تو ڈرتی تھی ۔۔۔۔

کیا وہ وہ لگا رکھی ہے ۔۔۔۔نام بتائیں مجھے ؟؟؟؟ اسے جھنجھوڑتے ہوئے بولیں ۔۔۔۔۔

وہ ،،،،، شاہ ۔۔۔۔۔”

زرمینے کے منہ سے بس اتنا ہی نکلا تھا ۔۔۔۔۔

شاہ کے نام پر نجمہ بیگم کے کان کھڑے ہوئے تھے ۔۔۔۔۔چونکا تو دروازے پر کھڑا واسم بھی تھا ۔۔۔۔۔

کون شاہ ؟؟؟؟؟

سوال کیا گیا ۔۔۔۔۔

جسکا جواب عین انکی توقع کے برابر آیا تھا ۔۔۔۔۔

زارون ۔۔۔۔”

زارون کا نام لیتے وہ چہرے پر ہاتھ رکھتی ہوئی پھوٹ پھوٹ کر روتے زمین پر بیٹھتی چلی گئی ۔۔۔۔۔

جسے نجمہ بیگم نے فورا جھک کر اپنے سینے میں بھینچا تھا ۔۔۔۔۔

جبکہ واسم شاہ کو ملامتی نظروں سے دیکھا ۔۔۔۔۔۔جس پر وہ لب بھینچ کر غصے کو کنٹرول کرتا اوپر ضارب کے کمرے کی طرف بڑھا تھا ۔۔۔۔۔

اور اسکے تاثرات سے اتنا تو پتا چل ہی گیا تھا کہ آج اسکے ہاتھوں زارون شاہ کی خیر نہیں تھی ۔۔۔۔۔

۔۔۔۔۔۔۔۔۔۔۔۔۔

اس دن خان کو یونیورسٹی بلا کر ابرش اسے زبردستی قریبی ہاسپٹل لے کر گئی تھی ۔۔۔۔

جہاں ڈاکٹر نے اس کا اسکا تفصیل چیک اپ کرتے ہوئے پوچھا تھا ۔۔۔۔۔آپکی شادی کو کتنا ٹائم ہوا ہے ؟؟؟؟

جس پر وہ کافی حیران ہوئی تھی ۔۔۔۔۔معدے کی خرابی کا آخر میری شادی سے کیا تعلق ۔۔۔۔۔

نہیں ابھی انکی شادی نہیں ہوئی ۔۔۔۔

ابرش نے جواب دیا تھا ۔۔۔۔۔

جس پر ڈاکٹر اسے عجیب سی نظروں سے دیکھنے لگی تھی ۔۔۔۔۔

اور پھر اس نے میڈیسنز کے ساتھ کچھ ٹیسٹ بھی لکھ کر دیئے تھے ۔۔۔۔۔جو وہ گھر آنے سے پہلے کروا کر آئی تھیں ۔۔۔۔۔

شاید انکی عمروں کو دیکھتے ہوئے وہ ڈاکٹر کھل کر بات نہیں کر سکیں تھیں اس لیے نیکسٹ ٹائم ان رپورٹس کے ساتھ کسی بڑے کو بھی ساتھ لانے کا بولا تھا ۔۔۔۔۔

اور وہ اتنے دنوں میں اپنی طبیعت کی وجہ سے پریشان تھی کہ آخر اچانک اسے کیا ہو گیا تھا ۔۔۔۔۔اسکی اصل وجہ بھی سامنے آ گئی تھی ۔۔۔۔

لیکن جس طریقے سے آئی تھی ۔۔۔۔۔اس نے زرمینے کو شرمندگی کی اتھاہ گہرائیوں میں گرا دیا تھا ۔۔۔۔۔

کہ وہ کسی کو منہ دکھانے قابل نہیں رہی تھی ۔۔۔۔۔

اور اسکی اس حالت کا ذمہ دار صرف ایک ہی انسان تھا اور وہ تھا ۔۔۔۔

زارون شاہ ۔۔۔۔”

۔۔۔۔۔۔۔۔۔۔۔۔۔۔

واسم نے زارون کو فون کر کے اسے ارجنٹ گھر واپس آنے کا بولا تھا ۔۔۔۔۔

جس پر وہ کافی پریشان ہوا تھا ۔۔۔۔۔اور سارے کام پس و پشت ڈال کر فورا گھر پہنچا ۔۔۔۔۔

جہاں لاؤنج میں گھر کے سبھی بڑے افراد پریشان سے بیٹھے تھے ۔۔۔۔۔

جبکہ ابرش ابیہا زرمینے کے پاس تھیں جس نے اس تھوڑے سے وقت میں رو رو کر اپنا برا حال کر لیا تھا ۔۔۔۔۔

السلام وعلیکم ۔۔۔”

اس نے اندر داخل ہوتے ہی بلند آواز میں سلام کیا تھا ۔۔۔۔۔

جسکا کسی نے بھی جواب دینا ضروری نا سمجھا ۔۔۔۔۔بلکہ اسکو دیکھتے ہوئے سب ایک ایک کر کے اٹھ کر اپنے کمروں کی طرف بڑھ گئے ۔۔۔۔۔

جب عظمی بیگم بھی اس سے بات کیے بنا ہی وہاں سے جانے لگی تو زارون نے آگے بڑھ کر انکا راستہ روکا ۔۔۔۔۔

کیا ہوا ماما ۔۔۔۔سب کچھ ٹھیک ہے ؟؟؟؟

جس پر انہوں نے ناراضگی سے اسکی طرف دیکھا ۔۔۔۔۔اوپر ضارب کے کمرے میں آپکے دونوں بھائی آپکا انتظار کر رہے ہیں ۔۔۔۔۔

ان سے ہی پوچھ لیں ۔۔۔۔۔

اتنا کہہ وہاں سے جانے لگی جب ایک پل کیلئے رک کر اسکی طرف دیکھا ۔۔۔۔

مجھے آپ سے یہ امید ہرگز نہیں تھی ۔۔۔۔

اور پھر اپنے کمرے کی طرف بڑھ گئیں ۔۔۔۔

زارون نے پریشان نظروں سے انکی طرف دیکھا ۔۔۔۔۔لیکن انکی بات کا مطلب نا سمجھتے ہوئے اوپر ضارب کے کمرے کی طرف بڑھ گیا ۔۔۔۔۔

ہلکا سا دروازہ ناک کرتے وہ اندر داخل ہوا ۔۔۔۔۔

جہاں ضارب بیڈ کراون سے ٹیک لگا کر بیٹھا تھا جبکہ واسم صوفے پر ۔۔۔۔۔

لالا آپ نے بلایا مجھے ؟؟؟؟؟

ان دونوں کے سپاٹ چہروں کو دیکھتے ہوئے وہ بھی سیریس انداز میں بولا ۔۔۔۔۔

اور ساتھ ہی دروازہ بند کرتے ہوئے تھوڑا ان دونوں کے قریب آیا ۔۔۔۔۔

جب واسم اپنی جگہ چھوڑ کر اٹھا تھا ۔۔۔۔۔

اور بنا اسے کچھ بھی سمجھنے کا موقع دیئے زبردست مکا اسکے چہرے پر جڑا ۔۔۔۔۔

جس کے بعد وہ رکا نہیں ۔۔۔۔۔در پہ در مکے مارتے اسکے چہرے کا نقشہ بگاڑ دیا تھا ۔۔۔۔۔

ارے یار پہلے میری غلطی تو بتا دیں ۔۔۔۔۔آخر میرا قصور کیا ہے ؟؟؟؟

کیوں مجھ معصوم کو ایسے بنا بات کے دھو رہیں ہیں ۔۔۔۔۔جیسے دھوبی میلے کپڑوں کو دھوتا ہے ۔۔۔۔۔۔

وہ خود کا بچاؤ کرتے ہوئے التجائی لہجے میں بولا تھا ۔۔۔۔۔

جس کا اسے خاطر خواہ کوئی فائدہ نہیں ہوا تھا ۔۔۔۔۔کیونکہ واسم بنا رکے اب بھی اسے مار رہا تھا ۔۔۔۔

تم جیسے دو چار معصوم اور پیدا ہو گئے نا اس دنیا میں تو معصوموں کو منہ چھپانے کیلئے کہیں جگہ نہیں ملے گی ۔۔۔۔۔

اسکی گدی پر دو ہاتھ جڑتے ہوئے غصے سے بولا ۔۔۔۔۔

زارون کے لبوں پر مسکراہٹ آئی ۔۔۔۔۔۔

ضارب لالا بچاؤ یار ۔۔۔۔۔

بیڈ پر سکون سے بیٹھے ہوئے ضارب کو مخاطب کرتے بولا ۔۔۔۔۔

جس نے کوئی جواب نہیں دیا ۔۔۔۔۔۔وہ سکون سے واسم کی کاروائی دیکھ رہا تھا ۔۔۔۔۔

اچھا مجھے بتائیں تو صحیح آخر ہوا کیا ہے ؟؟؟؟؟ وہاں نیچے سب گھر والے میرے خوبصورت چہرے کو دیکھتے اٹھ کر اپنے کمروں کی طرف منہ موڑ کر ایسے گئے جیسے میں نے کسی کے گھر سے لڑکی بھگا لی ہو ۔۔۔۔۔

اور آپ بھی مجھے ایسے ہی مار رہے ہیں ۔۔۔۔۔۔

وہ دونوں ہاتھوں سے اپنا بچاؤ کرتا مسکرا کر بولا ۔۔۔۔۔

تو نے اپنے شکل دیکھی ہے ۔۔۔۔کون تجھ جیسے نکمے کے ساتھ بھاگے گی ۔۔۔۔۔

الحمدللہ سب کہتے ہیں بالکل اپنے بھائی پر گیا ہوں ۔۔۔۔۔ وہ اس سے تھوڑا دور ہو کر شرارت سے گویا ہوا ۔۔۔۔۔

واسم کا چہرہ پل میں سرخ ہوا تھا ۔۔۔۔۔جبکہ ضارب نے قہقہہ لگایا ۔۔۔۔۔

ابھی بتاتا ہوں تجھے توں کس پر گیا ہے ۔۔۔۔۔۔

وہ اپنے بازو فولڈ کرتا دوبارہ اسکی طرف بڑھا ۔۔۔۔۔جبکہ زارون قہقہہ لگاتا ضارب کی طرف دوڑا ۔۔۔۔۔

واسم ضارب نے اشارے سے روکا ۔۔۔۔۔

زارون ادھر بیٹھے ہمارے پاس ۔۔۔۔۔ آپکو پتا ہے آپ نے جو حرکت انجام دی ہے اس سے زرمینے کی کتنی بدنامی ہو سکتی ہے ؟؟؟؟

زارون کے کان کھڑے ہوئے اس نے پریشان نظروں سے اسکی طرف دیکھا ۔۔۔۔۔

آپ یہ سب کرنے کے بجائے ہمیں بول سکتے تھے ہم دادا سائیں اور ماموں جان سے بول کر آپکی رخصتی کروا دیتے ۔۔۔۔۔

تو کیا سب کو پتا چل گیا جو ہم دونوں درمیان ۔۔۔۔لیکن بتایا کس نے کیا زرمینے ۔۔۔۔۔۔

زرمینے نے کسی کو کچھ نہیں بتایا ۔۔۔۔۔اور نا کسی کو کبھی پتا چلتا اگر زرمینے کی رپورٹس واسم کے ہاتھ نا لگتیں ۔۔۔۔

ضارب نے اسکے چہرے سے اسکی سوچ پڑھ لی ۔۔۔۔۔

رپورٹس ؟؟؟؟

زارون نے ناسمجھی سے دیکھا ۔۔۔۔۔

ہممم وہ پریگنینٹ ہیں ۔۔۔۔۔

کیا ؟؟؟؟ وہ حیرت سے منہ کھول کر بولا ۔۔۔۔۔

آپ کو یہ نہیں کرنا چاہیے تھا ۔۔۔۔۔۔ رخصتی سے پہلے یہ سب آپ خود سمجھدار ہیں ۔۔۔۔۔

ضارب قدرے نرمی سے سمجھاتے بولا ۔۔۔۔۔

سوری لالا ۔۔۔۔۔”

وہ میں بس ۔۔۔۔۔۔مجھے نہیں پتا تھا کہ یہ سب ہو جائے گا ۔۔۔۔۔وہ سرخ چہرے کے ساتھ جس پر واسم کی مار کی وجہ سے نیل پڑے ہوئے تھے انتہائی معصومیت سے بولا ۔۔۔۔۔

جس پر بےساختہ ہی ضارب کے ہونٹوں پر مسکراہٹ بکھری تھی ۔۔۔۔جبکہ اسکے برعکس واسم نے اسے گھورا ۔۔۔۔۔

تمہیں یہ کارنامہ کیسے انجام دینا ہے یہ پتا تھا ۔۔۔۔۔واسم طنزیہ بولا ۔۔۔۔۔

زارون کانوں کی لوں تک سرخ پڑ گیا ۔۔۔۔۔

اوں ہوں ۔۔۔۔۔

جسے دیکھتے ہوئے ضارب نے اسے ٹوکا ۔۔۔۔

تم چپ رہو تمہاری ہی شہہ پر یہ اتنا بگڑا ہوا ہے ۔۔۔۔۔وہ غصے سے گھورتے ہوئے بولا ۔۔۔۔

ہم نے بگاڑا ہے نا ہم سنبھال بھی لیں گے ۔۔۔۔سکون دہ انداز میں مسکراتے ہوئے جواب آیا ۔۔۔۔۔

جس پر واسم نے غصے سے ان دونوں کی طرف دیکھا ۔۔۔۔۔

تھینک یو سو مچ لالا ۔۔۔۔۔زارون فورا خوش ہوتے ضارب کے سینے کا حصہ بنا ۔۔۔۔۔

جب ضارب نے اس کیلئے بھی بازو پھیلائی ۔۔۔۔۔

واسم نفی میں سر ہلاتے مسکرا کر ان دونوں کے گلے لگا ۔۔۔۔۔

“Congratulations”

زارون کے سر پر چپت لگاتے بولا ۔۔۔۔۔

تھینک یو ۔۔۔۔۔

زارون مسکرایا ۔۔۔۔۔

لیکن گھر والوں کا خیال آتے ہی وہ مسکراہٹ سمٹی ۔۔۔۔۔اور اس نے معصوم چہرہ بنا کر ان دونوں کی طرف دیکھا ۔۔۔۔۔

دونوں نے سوالیہ دیکھا ۔۔۔۔۔

وہ گھر والے تو بہت ناراض لگ رہے تھے ۔۔۔۔۔ اور بابا سائیں ۔۔۔۔”

ارمغان شاہ کو یاد کرتے اسکے چہرے کا رنگ بدلہ تھا ۔۔۔۔۔کیونکہ اسے انکے ساتھ انکا دس نمبر جوتا بھی یاد آیا تھا ۔۔۔۔۔

زارون کے گلے میں گلٹی ابھر کر معدوم ہوئی ۔۔۔۔۔

ضارب واسم نے اسکی حالت سمجھتے ہوئے قہقہہ لگایا ۔۔۔۔۔

لالا “

وہ رونے جیسا ہو گیا ۔۔۔۔۔

ہم سب سنبھال لیں گے ۔۔۔۔۔ضارب نے پیار سے اسکے بال بکھیرے ۔۔۔۔

جس پر واسم نے بھی تائید میں سر ہلایا تھا ۔۔۔۔۔

تھینک یو تھینک یو آپ دونوں ورلڈ کے بیسٹ لالا ہیں ۔۔۔۔

وہ دوبارہ دونوں کو ایک ساتھ گلے لگاتے ہوئے بولا ۔۔۔۔

گھر والوں کو تو ہم سنبھال لیں لیکن زر کی گارنٹی نہیں لے سکتے ۔۔۔۔۔

مطلب ؟؟؟؟

واسم کی بات پر اس نے ناسمجھی سے دیکھا ۔۔۔۔

کیونکہ بیٹا جتنی آج اسے تیری وجہ سے مار پڑی ہے مجھے نہیں لگتا وہ تجھے دوبارہ کبھی اپنے قریب بھی بھٹکنے دے گی ۔۔۔۔۔

اسکی آپ ٹینشن نا لیں اسے سنبھالنا آپکے بھائی کے بائیں ہاتھ کا کام ہے ۔۔۔۔

وہ گردن اکڑا کر بولا ۔۔۔۔۔

یہ تو وقت بتائے گا ۔۔۔۔۔

واسم استہزائیہ بولا ۔۔۔۔۔

اسکی باتوں سے زارون اندر سے پریشان ہو گیا تھا ۔۔۔۔۔لیکن بظاہر مسکراتے ہوئے سر ہلا گیا ۔۔۔۔۔

۔۔۔۔۔۔۔۔۔۔۔۔۔۔۔۔

ضارب نے اپنے وعدے کے مطابق باقی سب گھر والوں کو بھی منا لیا تھا ۔۔۔۔۔۔

زارون نے سب کے سامنے نجمہ بیگم سے معافی مانگی تھی ۔۔۔۔۔ جس پر وہ آگے سے کیا کہتیں ۔۔۔۔۔تھیں تو ایک بیٹی کی ماں اس لیے چپ چاپ خاموشی اختیار کر گئیں ۔۔۔۔

کیونکہ اس میں صرف زارون ہی نہیں بلکہ انکی اپنی بیٹی کی بھی غلطی شامل تھی ۔۔۔۔

حیدر شاہ نے واپس گاؤں پہنچتے ہی ارمغان اور موسی شاہ سے بات کر کے رخصتی کی تاریخ طے کرنے کا فیصلہ کر لیا تھا ۔۔۔۔۔

جس پر زارون تو بہت خوش تھا البتہ جتنی شرمندگی زرمینے کو اسکی وجہ سے اٹھانی پڑی تھی ۔۔۔۔۔

وہ اس سے کبھی نا بات کرنے کا فیصلہ کر چکی تھی ۔۔۔۔۔

البتہ رخصتی کا اعلان سنتے ہی ابرش اور ابیہا نے اسے چھیڑنا شروع کر دیا تھا ۔۔۔۔۔

جس پر وہ شرمانے کی بجائے رونا شروع ہو گئی ۔۔۔۔۔

ابرش ابیہا نے پریشان نظروں سے ایک دوسرے کی طرف دیکھا ۔۔۔۔۔

دیکھو زر جو ہونا تھا وہ تو ہو چکا ۔۔۔۔۔اب اس پر رونے یا افسوس کرنے کی بجائے تمہیں اپنی آنی والی زندگی کے بارے میں سوچنا چاہیے ۔۔۔۔

زارون تم سے بہت محبت کرتا ہے اور اس بات کا ثبوت میں تمہیں آنکھیں بند کر کے بھی دے سکتی ہوں ۔۔۔۔۔

اور جیسے آج زارون نے سب کے سامنے چھوٹی ماں سے معافی مانگی انہیں منایا ۔۔۔۔۔کوئی بھی مرد ایسا نہیں کرتا ۔۔۔۔۔

اس لیے پیچھے جو کچھ بھی ہو چکا ۔۔۔۔۔اسے بھول جاو اور اپنی آنے والی زندگی کے بارے سوچو اپنے بچے کے بارے سوچو ۔۔۔۔۔

آنے والی خوشیوں کے بارے سوچو ۔۔۔۔۔

تم خوش نصیب ہو جو اللہ تعالٰی نے تمہیں اس نعمت سے نوازا ہے ۔۔۔۔۔

اس لیے افسوس کرنے کی بجائے اپنے رب کا شکر ادا کرو ۔۔۔۔۔

اسکے بہتے ہوئے آنسو صاف کر کے پیار سے سمجھاتے ہوئے بولی ۔۔۔۔۔

جس پر وہ بھی مسکرائی تھی ۔۔۔۔۔

تبھی ابرش ابیہا دونوں ایک ساتھ اسکے گلے لگی تھیں ۔۔۔۔۔

بہت بہت مبارک ہو تمہیں ۔۔۔۔۔

اسکے دونوں گالوں پر ایک ساتھ پیار کرتی ہوئی محبت سے بولی ۔۔۔۔۔

جس پر زرمینے اب شرمائی تھی ۔۔۔۔۔

جبکہ ان دونوں نے اسکے سرخ چہرے کو دیکھتے ہوئے قہقہہ لگایا ۔۔۔۔۔

۔۔۔۔۔۔۔۔۔۔۔۔۔۔۔۔

سب لوگ اسکے وقت ڈائنگ ٹیبل پر بیٹھے ہوئے رات کا کھانا کھا رہے تھے ۔۔۔۔سوائے زرمینے کے جسکی طبیعت ٹھیک نہیں تھی ۔۔۔۔۔

کھانے پر آج خاص اہتمام کیا گیا تھا ۔۔۔۔۔

تقریبا سبھی کی ہی فیورٹ ڈشز بنی ہوئی تھی ۔۔۔۔۔جو کہ کسی کک نے نہیں بلکہ گھر کی عورتوں نے بنائی تھیں ۔۔۔۔۔

عظمی اور ابیہا سب کو کھانا سرو کر رہے تھے ۔۔۔۔۔

جب ابیہا نے ابرش کو اشارہ کیا تھا کہ جو بریانی اس نے ضارب کیلئے بنائی ہے خود اسے سرو کرے لیکن وہ نفی میں سر ہلاتے ہوئے انکار کر گئی ۔۔۔۔۔

کیونکہ اسے ضارب سے ڈر لگ رہا تھا کہ کہیں وہ سب کے سامنے اسکی بیعزتی نا کر دے ۔۔۔۔۔

ابیہا نے اسے گھورا ۔۔۔۔۔جس پر مرتے کیا نا کرتے وہ اپنی جگہ سے اٹھی تھی ۔۔۔۔۔

اور اس سے پہلے وہ ضارب کو کھانا دیتی وہ ابیہا سے مخاطب ہوا تھا ۔۔۔۔۔

ابیہا ہمیں بریانی پاس کریں ۔۔۔۔۔

جس سے ابرش کی آنکھوں میں آنسو آ گئے تھے جسے سب سے چھپاتی ہوئی واپس اپنی جگہ پر بیٹھ گئی ۔۔۔۔۔

ابیہا نے ایک نظر اسکی طرف دیکھنے کے ضارب کی پلیٹ میں کھانا ڈالا اور پھر واسم کے ساتھ جا کر بیٹھی ۔۔۔۔۔

ضارب نے بریانی کا فرسٹ بائٹ لیا ۔۔۔۔۔

ایک خوش ذائقہ اسکے منہ میں گھلا ۔۔۔۔اس نے دوسری بائٹ لی ۔۔۔۔۔

جب اچانک ابیہا اس سے مخاطب ہوئی ۔۔۔۔۔

لالا کیسی بنی ہے ؟؟؟؟

جس پر ضارب مسکرایا ۔۔۔۔۔بہت اچھی ۔۔۔۔”

آپکو پتا ہے یہ ابرش نے بنائی ہے ۔۔۔۔۔خاص آپ کیلئے ۔۔۔۔۔وہ ایک نظر ابرش کے جھکے سر کو دیکھتی مسکرا کر بولی ۔۔۔۔۔

ابرش نے چہرہ اٹھایا ۔۔۔۔

ضارب کے چہرے کی مسکراہٹ سمٹی ۔۔۔۔

اس نے ہاتھ میں پکڑا چمچ واپس پلیٹ میں رکھ دیا ۔۔۔۔۔

ابرش کی آنکھوں میں نمی اترنے لگی ۔۔۔۔۔۔جسے دیکھتے ہوئے واسم کو اب غصہ آنے لگا لیکن فلحال سب کا لحاظ کرتے ابرش سے مخاطب ہوا ۔۔۔۔۔

میری گڑیا نے پہلی بار کچھ بنایا ہے ۔۔۔۔۔کیا اپنے لالا کو ٹیسٹ نہیں کرواؤ گی ۔۔۔۔

جس پر وہ زبردستی مسکرائی اور اٹھ کر اسے سرو کرنے لگی ۔۔۔۔۔

ماشاءاللہ بہت اچھی بنی ہے ۔۔۔۔۔۔واسم نے فرسٹ بائٹ لیتے تعریف کی تھی ۔۔۔۔۔

ابرش مسکرائی ۔۔۔۔۔تھینک یو ۔۔۔۔۔

بھئی آج تو انعام بنتا ہے ۔۔۔۔۔بولو کیا چاہیے میری گڑیا کو ۔۔۔۔۔نہیں مجھے کچھ نہیں چاہیے ۔۔۔۔۔

مسکرا کر نفی کی ۔۔۔۔۔

ارے لے لو چوہیا ایسی آفرز روز روز نہیں ملتی اب کے زارون نے اپنا حصہ ڈالا ۔۔۔۔۔

لالا ۔۔۔۔”

خود کو چوہیا کہنے پر ابرش نے اسے گھورا ۔۔۔۔۔

اگر تم اپنے چہرے کا نقشہ اور نہیں بگڑوانا چاہتے تو اپنی چونچ بند کر لو ۔۔۔۔

جس پر اس نے منہ بنایا ۔۔۔۔اور دوبارہ کھانا کھانے لگا ۔۔۔۔

ابرش ابیہا نے اسکے چہرے کو دیکھتے بمشکل مسکراہٹ چھپائی ۔۔۔۔۔جس پر جگہ جگہ نیل پڑے تھے جبکہ ایک طرف سے گال سوجھا ہوا تھا ۔۔۔۔۔۔

جسکی وجہ سے وہ کافی مزاحیہ خیز لگ رہا تھا۔۔۔۔۔

ابرش جا کر دوبارہ اپنی جگہ پر بیٹھی ۔۔۔۔۔بہت خوشگوار ماحول میں کھانا کھایا گیا ۔۔۔۔۔

جس کے بعد حیدر شاہ واسم اور زارون کے ساتھ اماں سائیں اور عظمی بیگم حویلی کیلئے روانہ ہوئے تھے ۔۔۔۔۔

نجمہ بیگم زرمینے کے ساتھ یہی رک گئی تھیں تاکہ کل اسکا کسی اچھی ڈاکٹر سے چیک اپ کروا کر سکیں ۔۔۔۔۔جبکہ ابیہا کو ضد کر کے ابرش نے ایک دن کیلئے اور اپنے پاس روک لیا تھا ۔۔۔۔۔

اسکی ضد کے سامنے واسم کو ہتھیار ڈالنے پڑے تھے ۔۔۔۔۔جس پر وہ مسکرا کر اسکے سینے کا حصہ بنی ۔۔۔۔

واسم نے اسکی پیشانی پر پیار کرتے اسے صدا خوش رہنے کی دعا دی تھی ۔۔۔۔