Tere Sang Yaara by Wafa Shah NovelR50537 Tere Sang Yaara (Episode 22)

Tere Sang Yaara by Wafa Shah

وہ تینوں ابھی آپس میں نوک جھونک کرنے میں مصروف تھیں ۔۔۔۔۔۔

جب زارون دروازہ ہلکا سا ناک کرتے اندر داخل ہوا تھا ،،،،،، جسے دیکھتے ابیہا اور ابرش دونوں مسکرائی تھیں ۔۔۔۔۔

جبکہ زر کا اسے دیکھتے ہی منہ بن گیا ۔۔۔۔۔

لو شیطان کا نام لیا اور شیطان حاضر ،،،،،، وہ اپنا چہرہ نیچے جھکا کر منہ میں نروٹھے پن سے بڑبڑائی تھی ۔۔۔۔۔

جو کم از کم ان تینوں کو سنائی نہیں دیا تھا ۔۔۔۔۔۔

آج تو میری بہنیں بہت پیاری لگ رہی ہیں ۔۔۔۔۔ ماشاءاللہ اللہ پاک نظر بد سے بچائے ،،،،،، اور ڈھیروں خوشیوں سے نوازے ۔۔۔۔۔

زارون نے بھی اسے مکمل طور پر نظر انداز کرتے ،،،،،، اپنی طبیعت سے ہٹ کر آج بنا کوئی شرارت کئے ہی ان دونوں کی دل سے تعریف کی تھی ۔۔۔۔۔

اور ساتھ ہی انہیں ہمیشہ خوش رہنے کی دعا دی ،،،،،،

جبکہ اسکی آنکھوں میں ہلکی ہلکی نمی بھی اپنی جھلک دکھا رہی تھی ۔۔۔۔۔

بھلے اسکی بہن نے شادی کر کے اسی گھر میں رہ جانا تھا ۔۔۔۔۔

لیکن اسکی چھوٹی سی گڑیا آج ہمیشہ کیلئے پرائی ہونے جا رہی تھی ۔۔۔۔۔۔

اس بات پر اسکا دل بھر آیا تھا ۔۔۔۔۔۔

جسے دیکھتے ہوئے ابرش بھی روتی ہوئی اسکے سینے سے آ لگی تھی ۔۔۔۔۔

جس کے گرد محبت سے حصار کھینچتے اس نے اس کے سر پرلب رکھے تھے ۔۔۔۔۔

جبکہ ان دونوں کو ایسے دیکھ کر ابیہا اور زرمینے کی آنکھیں بھی بھر آئی تھیں ۔۔۔۔۔۔

اچھا اب بس بھی کرو گڑیا ،،،،،، ورنہ تمہارا میک اپ خراب ہوجائے گا ۔۔۔۔۔

اور پھر تم پری کی جگہ پوری چڑیل لگو گی ۔۔۔۔۔ جسے دیکھ کر ضارب لالا بھی ڈر جائیں گے ۔۔۔۔۔

وہ کچھ دیر تو اسے سینے لگائے کھڑا لیکن پھر اسے چپ نا ہوتے دیکھ کر خود کو کمپوز کرتا شرارت سے گویا ہوا تھا ۔۔۔۔۔۔

جس پر وہ منہ بناتی اس سے الگ ہوگئی ۔۔۔۔۔۔زارون نے مسکراتے ہوئے اسکی نرم و نازک گالوں سے آنسوؤں کو صاف کیا اور ساتھ ہی اسکی رونے کی وجہ سے سرخ ہوئی ناک کو ہلکا سا کھینچا تھا ،،،،،، جس پر وہ چیخ پڑی ۔۔۔۔۔۔

البتہ اسکی شرارت پر ابیہا اور زرمینے مسکرائی تھیں۔۔۔۔۔

جسے دیکھتے ہوئے زارون نے ابیہا کے سر پر ایک بڑے بھائی کی طرح ہاتھ رکھا تھا ۔۔۔۔۔۔۔

اور صدا خوش رہنے کی دعا دیتا وہاں سے نکلتا چلا گیا ۔۔۔۔۔۔

جبکہ اسکے اتنے سیریس انداز کو دیکھتے زر کافی حیران ہوئی تھی ۔۔۔۔۔کیونکہ اس نے ہمیشہ زارون کو شرارت کرتے یا پھر دوسروں کو تنگ کرتے ہی دیکھا تھا ۔۔۔۔۔

اس لیے اسکا یہ صوبر سا انداز اسے ہضم نہیں ہو رہا تھا ۔۔۔۔۔

لیکن پھر جلد ہی سر جھٹکتی ہوئی دوبارہ ابیہا اور ابرش کی طرف متوجہ ہو گئی ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وائٹ اینڈ گولڈن کمبینیشن کا بھاری لہنگا زیب تن کیے ،،،،،،

بھاری نگینوں زرک سے سجے دوپٹے کا گھونگھٹ اوڑھے ہوئے ،،،،،،

اپنے دونوں ہاتھوں سے بھاری لہنگے کے بھاری باڈر کو اٹھائے وائٹ اونچی ہیل میں سہج سہج کر قدم رکھتی ،،،،،،

وہ عظمی اور نجمہ بیگم کی سنگت میں چلی آ رہی تھی ۔۔۔۔۔۔

اس کی دونوں کلائیوں میں ڈائمنڈ کے خاندانی خوبصورت کنگن تھے ۔۔۔۔۔۔۔ جبکہ مخروطی نازک انگلیاں ڈائمنڈ اور سونے کی انگوٹھیوں سے سجی ہوئی تھی ۔۔۔۔۔

جبکہ لائٹ مہرون رنگ کی لپ سٹک سے سجے ہونٹوں کو اس نے سختی سے آپس میں پیوست کر رکھا تھا ۔۔۔۔۔۔

جو اسکے ضبط کی گواہی دے رہے تھے ۔۔۔۔۔۔

وہ آسمان سے اتری کوئی حور لگ رہی تھی ۔۔۔۔۔۔

اس نے قدم دادا سائیں کی محبت میں اٹھا تو لیا تھا ،،،،،،

لیکن واسم شاہ کے خود کے ساتھ اب تک کیے سلوک کو مدنظر رکھتے ہوئے یہ رشتہ اسے اپنی زندگی کی سب سے بڑی بھول لگ رہا تھا ۔۔۔۔۔۔

جسے وہ چاہ کر بھی اب سدھار نہیں سکتی تھی ۔۔۔۔۔۔

اس لیے صبر کے گھونٹ بھرتی ہوئی اپنے درد کو دل میں ہی دبائے بظاہر خوش دکھائی دینے کی کوشش کر رہی تھی ۔۔۔۔۔۔

کہ کہیں اسکے چہرے کی ویرانی دیکھ کر اسکے لالا کو اسکے اندر کا حال پتا نا چل جائے ۔۔۔۔۔

جسکے چلتے وہ انتہائی قدم اٹھا لیں ،،،،،،

اور ابرش کی آنے والی خوبصورت زندگی متاثر ہو جائے ۔۔۔۔۔۔

عظمی اور نجمہ بیگم نے اسے لاکر سٹیج پر بیٹھی اماں سائیں کے پہلوں میں بٹھا دیا تھا ۔۔۔۔۔۔

جنہوں نے اسکے گرد شفقت بھرا حصار کھینچا تھا ،،،،،،

اور ساتھ ہی پاس بیٹھی دوسری خواتین سے اسکا تعارف کروانے لگی تھیں ۔۔۔۔۔۔

جبکہ تھوڑی ہی دیر میں نکاح ہو جانا تھا جس کے بعد ساری زندگی کیلئے اس نے اس بدتمیز ڈریگن کی دسترس میں چلے جانا تھا ۔۔۔۔۔۔

یہ سوچتے ہوئے اسکی دھڑکنوں میں اشتعال پیدا ہو رہا تھا ۔۔۔۔۔

جسے وہ مٹھیاں بھینچے بمشکل کنٹرول کرنے کی کوشش کر رہی تھی ۔۔۔۔۔۔

جبکہ پردے کے اس پار واسم شاہ بلیک ٹیکسڈو میں اپنی چھا جانے والی شخصیت کے ساتھ پوری شان سے صوفے پر براجمان تھا ۔۔۔۔۔۔۔

اور ساتھ وائٹ تھری پیس سوٹ میں ارمغان شاہ بیٹھے تھے ۔۔۔۔۔۔

جو اسکے والد کم اور بڑے بھائی زیادہ لگ رہے تھے ۔۔۔۔۔۔

وہ شکل و صورت میں بالکل انکے ہی جیسا تھا ،،،،،،،

سوائے اسکے بالوں اور اوشن بلیو آئز کے کیونکہ وہ دونوں چیزیں اسکی اپنی ماں پر گئی تھیں ۔۔۔۔۔

ساتھ دوسرے صوفے پر اپنے پورے جاہ و جلال کے ساتھ کالے کلف دار سوٹ میں سرداروں کی روایت کو برقرار رکھتے ہوئے شانوں پر کالی چادر اوڑھے ،،،،، اپنے گھنے کالے بالوں کو سٹائل سے ایک طرف سیٹ کیے ہوئے اپنی شاندار وجاہت کے ساتھ بیٹھا ضارب شاہ ماحول پر طلسم کی طرح چھایا ہوا تھا ۔۔۔۔۔

اور ساتھ ہی وائٹ کلف دار سوٹ میں ملبوس دو مولویوں گواہوں اور گاؤں کے معزز بزرگان کے ساتھ حیدر شاہ بیٹھے تھے ۔۔۔۔۔

جن کے چہرے پر آج خوشی ہی نرالی تھی ۔۔۔۔۔

ہوتی بھی کیوں نا انکے جان سے پیارے پوتے پوتیوں کا نکاح تھا ۔۔۔۔۔

انکا بس چلتا تو وہ انکی خوشی میں زمین آسمان ایک کر دیتے ۔۔۔۔۔

زارون بھی نک سک سا تیار ہونٹوں پر نرم مسکراہٹ سجائے اپنے بھائی اور باپ کے ساتھ بیٹھا تھا ۔۔۔۔۔

جبکہ موسی شاہ گرے تھری پیس سوٹ میں ملبوس ہونٹوں پر مسکراہٹ سجائے آنے والوں مہمانوں کا خیر مقدم کر رہے تھے ۔۔۔۔۔

تبھی فضا میں دوسری دلہن کے آنے شور بلند ہوا تھا ۔۔۔۔۔۔

گرے اور پیچ کمبینیشن کی لانگ میکسی میں جس پر سفید ڈائمنڈ اور نگینوں کا نفیس کام تھا جو دیکھنے والوں کی آنکھوں کو خیرہ کر رہا تھا ۔۔۔۔۔

ڈائمنڈ کی نفیس جیولری ہاتھوں میں کنگن اور چوڑیاں ،،،،،،

چھوٹی ستواں ناک میں چمکتا لونگ ہونٹوں پر پیچ لپ اسٹک لگائے ابرش کوئی نازک سی گڑیا معلوم ہو رہی تھی ۔۔۔۔۔۔

حالانکہ اس کے چہرے پر میکسی کے باریک پلو کا گھونگھٹ تھا لیکن اس کے باوجود وہ دیکھنے والوں کو مہبوت کر گئی تھی ۔۔۔۔۔۔

یہ جوڑا اس کیلئے ضارب شاہ لے کر آیا تھا ،،،،،، جب دلہن کے کپڑوں کی بات ہوئی تھی تو وہ ابیہا کیلئے کپڑے خود لانا چاہتا تھا ۔۔۔۔۔۔۔

لیکن پھر عظمی بیگم کے کہنے پر کہ دلہن کا نکاح کا جوڑا سسرال والوں کی طرف سے آتا ہے ۔۔۔۔۔

اور وہ ابیہا اور ابرش کیلئے کپڑے خرید چکی ہیں تو انکی بات کا احترام کرتے ہوئے وہ مان گیا تھا ۔۔۔۔۔

لیکن اس شرط پر کہ پھر ابرش کے کپڑے اسکی طرف سے آئیں گے ۔۔۔۔۔۔

اسکی بات پر انہوں نے کچھ کہنا چاہا تھا لیکن پھر ارمغان شاہ کے اشارہ کرنے پر خاموش ہو گئی تھیں ۔۔۔۔۔

ابرش کو لا کر ابیہا کے ساتھ ہی بیٹھا دیا گیا تھا ۔۔۔۔۔۔

جبکہ زر سمیت دوسری خواتین بھی ساتھ ہی براجمان ہو گئی تھیں ۔۔۔۔۔

کیونکہ اب کچھ ہی دیر میں نکاح شروع ہونے والا تھا ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضارب شاہ کی خواہش پر ابیہا کا نکاح پہلے پڑھوایا گیا تھا ،،،،،، جس کے شروع ہوتے ہی ضارب اٹھ کر اس سائیڈ پر پر آ گیا تھا اور اسے اپنے حصار میں لے کر سہارا دیا ۔۔۔۔۔

تاکہ اس موقع پر اسے اپنے ماں باپ کی کمی محسوس نا ہو ۔۔۔۔۔۔۔

جس کے بعد تمام مراحل بس چند لمحوں میں ہی طے ہو گئے تھے ،،،،،،

ابیہا نے غائب دماغی سے ہی قبول ہے کہتے نکاح نامے پر سائن کر دیئے تھے ۔۔۔۔۔

جبکہ اسکی آنکھوں سے ایک آنسو ٹوٹ کر اسکی گالوں سے پھسلتا نکاح نامے پر گرا تھا ۔۔۔۔۔۔

جبکہ دوسری طرف اسکے ہامی بھرنے پر واسم شاہ اپنی جیت پر دلکشی سے مسکرایا تھا ۔۔۔۔۔

اس لڑکی کی انا و غرور کو ٹوٹتے دیکھ کر اسکے اندر تک سکون اترا تھا ۔۔۔۔۔

وہ صرف اس لڑکی کو اپنے آگے جھکا ہوا دیکھنا چاہتا تھا ۔۔۔۔۔۔

اسکے لفظوں نے جو اسکی انا پر کاری ضرب لگائی تھی ،،،،،، وہ اس سے معافی منگوا کر تسکین حاصل کرنا چاہتا تھا ۔۔۔۔۔۔

اور نکاح اس سفر کی پہلی سیڑھی تھی ،،،،،، جس پر کامیابی سے وہ اپنے قدم رکھ چکا تھا ۔۔۔۔۔

ابیہا سے سائن کروانے کے بعد اس کے سر پر شفقت سے بوسہ دیتے ہوئے ضارب اسے صدا خوش رہنے کی دعا دیتا واپس اپنی جگہ پر آ گیا تھا ۔۔۔۔۔

جس کے بعد واسم شاہ کی رضامندی دینے پر نکاح مکمل ہوتے ہی سب نے اسے مبارکباد دی تھی ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واسم ابیہا کے نکاح کے بعد اب ضارب اور ابرش کی باری تھی ۔۔۔۔۔۔

وہ جو ابھی تک اپنے بھائی کا نکاح خیریت سے مکمل ہونے پر ریلکس بیٹھی تھی ۔۔۔۔۔۔

اپنا نام آنے پر اسکے ہاتھوں میں ایک لرزش واقعہ ہوئی تھی ۔۔۔۔۔

جسے چھپانے کیلئے وہ اپنے ہاتھ کی مٹھیاں سختی سے بھینچ گئی تھی ۔۔۔۔۔

جبکہ عظمی بیگم نے اسے اپنے حصار میں لیا تھا ،،،،،، جب دوسری طرف سے مولوی صاحب کی آواز ابھری تھی ۔۔۔۔۔

ابرش ارمغان شاہ ،،، ولد ارمغان حیدر شاہ ،،،،، آپکا نکاح سردار ضارب شاہ کے ساتھ ایک کروڑ روپے سکا رائج الوقت قرار پایا گیا ہے ۔۔۔

کیا آپکو یہ نکاح قبول ہے ؟؟؟؟

جس پر اسکے کانوں میں ضارب کے کل کے بولے گئے الفاظ گونجنے لگے تھے ۔۔۔۔۔۔

ہماری درندگی سہنے کیلئے مظبوط بن کر آئیے گا ” لٹل باربی ” ایسے تو آپ ہمارا مقابلہ نہیں کر پائیں گی ۔۔۔۔۔

اس کی آنکھوں کی وحشت اور اسکے لفظوں کی کاٹ اسکے لہجے کی درشتگی کو یاد کرتے اسکا ننھا سا دل ڈوبنے لگا تھا ۔۔۔۔۔

جس کی وجہ سے لفظ اسکے حلق سے نکلنے سے انکاری تھے ۔۔۔۔۔

جبکہ اسکی خاموشی کو دیکھتے ہوئے مولوی صاحب نے اپنے الفاظ دوبارہ دوہرائے تھے ۔۔۔۔۔

ابرش ارمغان شاہ ،،،، ولد ارمغان حیدر شاہ ،،،، آپکا نکاح سردار ضارب شاہ کے ساتھ ایک کروڑ روپے سکا رائج الوقت قرار پایا گیا ہے ۔۔۔۔

کیا آپکو یہ نکاح قبول ہے ؟؟؟؟

لیکن دوسری طرف سے جواب اب بھی خاموشی ہی تھا ۔۔۔۔۔۔

جس پر سب لوگ پریشان ہو گئے تھے ۔۔۔۔۔

سوائے دو لوگوں کے ایک واسم شاہ جو اس شادی کے حق میں بالکل بھی نہیں تھا ،،،،،

لیکن اپنے والد کے فیصلے کے احترام میں خاموش ہو گیا تھا ۔۔۔۔۔

دوسرا ضارب شاہ جو اسکے اندر کے خیالات سے اچھے سے واقفیت رکھتا تھا ،،،،،

اسکی خاموشی اور ڈر کو بھی اچھے سے سمجھتا تھا ۔۔۔۔۔۔

لیکن اسکے دل میں اس کیلئے کوئی احساسات نہیں تھے ،،،،،، نا ہی رحم کے اور نا ہی ہمدردی کے ،،،،،، اسکا چہرہ جس پر کچھ دیر پہلے ایک نرم مسکراہٹ تھی ۔۔۔۔۔

اب بالکل سپاٹ ہو چکا تھا ۔۔۔۔۔۔

جب مولوی صاحب نے اپنے الفاظ آخری بار دوہرائے تھے ۔۔۔۔۔۔

ابرش ارمغان شاہ ،،،، ولد ارمغان حیدر شاہ آپکا نکاح سردار ضارب شاہ کے ساتھ ایک کروڑ روپے سکا رائج الوقت قرار پایا گیا ہے ۔۔۔۔

کیا آپکو یہ نکاح قبول ہے ؟؟؟؟

بیٹا ہاں بولو ۔۔۔۔۔

جبکہ اب کی بار عظمی بیگم نے اسکے کندھے پر ہلکا سا دباؤ ڈالتے ہوئے کان میں ہلکی سی سرگوشی کی تھی ۔۔۔۔۔

ق ،،، قبول ہے ۔۔۔۔۔

جس پر وہ ہوش میں آتی ٹوٹے پھوٹے لفظوں میں اپنی رضامندی دے گئی تھی ۔۔۔۔

جبکہ اس کے جواب دینے پر سب نے سکون کا سانس لیا تھا ۔۔۔۔۔

جس کے بعد ضارب سے اسکی رضامندی پوچھی گئی تھی ۔۔۔۔۔

جس نے سپاٹ انداز میں ہی قبول ہے کہتے نکاح نامے پر سائن کرتے اسے ہمیشہ کیلئے اپنی دسترس میں لے لیا تھا ۔۔۔۔۔۔

جس سے رہائی اسے اپنی آخری سانس تک نہیں ملنی تھی ۔۔۔۔۔

اسکے سائن کرتے ہی ارمغان شاہ کے ساتھ واسم اور زارون بھی نکاح نامہ لے کر ابرش کے پاس آئے تھے ۔۔۔۔

جس پر کانپتے ہاتھوں سے سائن کر دیئے تھے ۔۔۔۔۔

اور ہمیشہ کیلئے اپنا آپ اس بےرحم شخص کے نام لکھ دیا ،،،،، جسکی پرچھائی تک سے وہ ڈرتی تھی ۔۔۔۔۔

اس کے سائن کرنے پر وہ تینوں باپ بیٹے اسے باری باری پیار کرتے ہوئے اس کے سر پر ہاتھ رکھتے دوسری طرف چلے گئے تھے ۔۔۔۔

جبکہ دونوں نکاح مکمل ہونے پر فضا میں ایک مبارکباد کا شور بلند ہوا تھا ۔۔۔۔۔

ساتھ ہی تمام مہمانوں میں مٹھائی کے ساتھ ساتھ نکاح کے چھوارے بھی تقسیم کر دیئے گئے تھے ۔۔۔۔۔

جس میں سے سب سے زیادہ زارون نے مٹھی بھر کر اٹھائے تھے ۔۔۔۔۔۔

اس نے سن رکھا تھا کہ نکاح کے چھوارے کھانے سے کنواروں کی بھی جلدی شادی ہو جاتی ہے ۔۔۔۔۔

اس لیے اس نے چھوارے زیادہ اٹھائے تھے ۔۔۔۔۔ تاکہ اثر زیادہ ہو ،،،،،،اور اسکی شادی بھی جلدی ہو جائے ۔۔۔۔۔

جبکہ دوسری طرف جیسے زرمینے میڈم کے اس کے بارے میں خیالات تھے ،،،،،، اسے تو اپنی شادی ہی خطرے میں پڑتی نظر آ رہی تھی ۔۔۔۔۔۔

سٹیج کے درمیان میں لگا پھولوں کا پردہ جو نکاح کے فورا بعد ہٹایا جانا تھا ۔۔۔ اسے ضارب اور واسم کے کہنے پر روک دیا گیا تھا ۔۔۔۔۔

کیونکہ شاہ خاندان میں رواج تھا کہ نکاح کے بعد دلہن کا چہرہ سب سے پہلے اسکا خاوند اسکا مجازی خدا دیکھتا ہے ۔۔۔۔۔۔

لیکن ان دونوں نے سب کے سامنے گھونٹ اٹھانے سے انکار کر دیا تھا ۔۔۔۔۔۔

جس پر وہاں بیٹھی خواتین کے منہ بن گئے تھے ،،،،،، کیونکہ جب تک وہ لوگ دلہنوں کا چہرہ نہیں دیکھ لیتے تھے ۔۔۔۔

وہ بھی نہیں دیکھ سکتیں تھیں ۔۔۔۔۔

جبکہ دوسری طرف زارون اور خاندان کے دوسرے لڑکوں نے ان کی اس بات پر زبردست ہوٹنگ کی تھی ۔۔۔۔۔۔

جس سے محفل زعفران بنی تھی ۔۔۔۔۔

اور ساتھ ہی ڈھول جنکا انتظام انہوں نے پہلے سے ہی کر رکھا تھا ۔۔۔۔۔۔

اسے گلے میں ڈالتے بجانا اور پھر بھنگڑے ڈالنے شروع کر دیئے تھے ۔۔۔۔۔۔

جس میں ان لوگوں نے زارون ، واسم ، ضارب ، ارمغان موسی شاہ کے ساتھ حیدر شاہ کو بھی کھینچ لیا تھا ۔۔۔۔۔۔

ضارب واسم تو انکے اسرار پر بس درمیان میں کھڑے تالیاں بجا رہے تھا ۔۔۔۔۔

جبکہ باقی سب نے جم کر اس میں اپنا حصہ ڈالا تھا ۔۔۔۔۔

ارمغان شاہ، حیدر شاہ، اور موسی شاہ نے نوٹوں کی کئی گڈیاں ان دونوں کے سر پر وار کر ہوا میں اڑا دی تھے ۔۔۔۔۔۔

وہاں موجود تمام خواتین پردے کے پار لڑکوں کو بھنگڑا ڈالتے دیکھ خوش ہو رہی تھیں ۔۔۔۔۔۔۔

جبکہ ابیہا اور ابرش کو انکی تھکاوٹ کا احساس کرتے انکے کمرے میں پہنچا دیا گیا تھا ۔۔۔۔۔۔

کیونکہ یہ تو ابھی بس شروعات تھی ۔۔۔۔۔ اصل جشن تو سرداروں کے ڈیرے پر منایا جانا تھا ،،،،،، جو ساری رات جاری رہنا تھا ۔۔۔۔۔۔