Tere Sang Yaara by Wafa Shah NovelR50537 Tere Sang Yaara (Episode 59)

Tere Sang Yaara by Wafa Shah

ماضی

ماما “

وہ ایک جھٹکے سے بیدار ہوا تھا ۔۔۔۔

جبکہ اسکی چیخ سن کر ۔۔۔۔پاس لیٹی ہوئی

ابرش ڈر کر رونے لگی تھی ۔۔۔۔اور ابیہا جو بیڈ پر بیٹھی کھیل رہی تھی ۔۔۔۔اپنی بڑی بڑی سنہری آنکھوں سے اسکی طرف دیکھنے لگی ۔۔۔۔

واسم نے ایک نظر پورے کمرے کی طرف دوڑائی ۔۔۔۔جہاں روم کی کھڑکی سے اندر آتی سورج کی کرنیں صبح ہونے کی نوید سنا رہی تھیں ۔۔۔۔

جبکہ روباب اسے کہیں نظر نہیں آئی ۔۔۔۔

جس کے بعد وہ ابرش کو روتے دیکھ کر اسے گود میں اٹھا کر چپ کرواتے اسے لے کر باہر روباب کو دیکھنے جانے لگا ۔۔۔۔

جب ابیہا کرولنگ کرتی اس کے قریب آئی ۔۔۔۔اور اپنے دونوں ہاتھ بڑھائے ۔۔۔۔

مطلب کہ اسے بھی اٹھائے ۔۔۔۔

واسم نے ایک نظر کندھے سے لگی ابرش کی طرف دیکھا ۔۔۔۔جو رونا تو بند کر چکی تھی البتہ منہ ابھی بھی بسور رہی تھی ۔۔۔۔

اور دوسری ابیہا کی جو اسے خاموش کھڑے دیکھ کر رونے کی تیاری پکڑ رہی تھی ۔۔۔۔

جبکہ وہ ان دونوں کو دیکھتے پریشان ہو چکا تھا ۔۔۔۔

کیونکہ وہ ابھی اتنا بڑا نہیں تھا کہ دونوں کو ایک ساتھ اٹھا سکتا ۔۔۔۔

ویسے بھی ابیہا تھوڑی ہیلتھی تھی ۔۔۔۔

وہ کسی صورت ان دونوں کو نہیں اٹھا سکتا تھا ۔۔۔۔

ماما ۔۔۔۔”

آخر ہار کر اس نے روباب کو وہی کھڑے پکارا ۔۔۔۔کیونکہ ابیہا آجکل تھوڑا چلنے لگی تھی ۔۔۔۔

کہیں اسکے پیچھے آنے کے چکر میں بیڈ سے گر ہی نا جاتی ۔۔۔۔

ماما ۔۔۔۔

دوبارہ پکارا ۔۔۔۔

لیکن جواب نہیں آیا ۔۔۔۔

البتہ ابیہا کا بھونپو بجنا شروع ہو چکا تھا ۔۔۔۔

کیونکہ واسم اسے اٹھانے کی بجائے روباب کو آوازیں لگا رہا تھا ۔۔۔۔

اور یہ بات ابیہا میڈم کو اچھی نہیں لگی تھی ۔۔۔۔

گڑیا رونا بند کرو یار ۔۔۔۔

یہ دیکھو میں نے چھوٹی گڑیا کو اٹھایا ہے نا ۔۔۔آپکو کیسے اٹھاو ۔۔۔۔

اگر میں آپ دونوں کو اٹھاؤں گا تو کہیں گر کر چوٹ وغیرہ نا لگ جائے ۔۔۔۔

ایک ہاتھ سے اسکے نازک پھولے روئی جیسے گال کو سہلاتے ہوئے پیار سے بولا ۔۔۔۔

کہ شاید وہ چپ کر جائے ۔۔۔۔

لیکن نہیں وہ تو اپنا سپیکر اور اونچا کر کے رونے لگی ۔۔۔۔

جس پر اس نے بےبسی سے اسکی طرف دیکھا ۔۔۔۔

اور دوبارہ روباب کو پکارا ۔۔۔۔

ماما “

جسے سن کر روباب تو نہیں البتہ ضارب ضرور کمرے میں داخل ہوا اور روتی ہوئی ابیہا کو دیکھ کر فورا آگے بڑھ کر اسے گود میں اٹھایا ۔۔۔۔

اور ایک نظر ابرش کو گود میں لے کر کھڑے واسم کو دیکھنے کے بعد چپ چاپ باہر کی طرف بڑھنے لگا ۔۔۔۔

جب واسم کی آواز نے اس کے قدم روکے۔۔۔۔

میں نے جان بوجھ کر نہیں رُلایا ۔۔۔۔

وہ ابرش رو رہی تھی تو میں نے اسے گود میں اٹھا لیا جسے دیکھ کر بیا بھی رونے لگی کہ اسے بھی اٹھاؤں ۔۔۔۔

اور میں ایک ساتھ نہیں اٹھا سکتا تھا اسی لیے ماما کو بلا رہا تھا ۔۔۔۔

اسکے قریب آتے نرمی سے بولا ۔۔۔۔

کہ کہیں ضارب اسے غلط نا سمجھے ۔۔۔۔

ہم سمجھ سکتے ہیں ویسے بھی ہم نے آپ سے کوئی صفائی نہیں مانگی ۔۔۔۔

پلٹ کر سپاٹ لہجے میں جواب دیا ۔۔۔۔

اور دوبارہ پلٹنے لگا ۔۔۔۔واسم نے دوبارہ روکا ۔۔۔۔

ضارب تم ٹھیک ہو ؟؟؟؟

فکرمندانہ لہجہ ۔۔۔۔

ہمم “

یک لفظی جواب ۔۔۔۔

اور پھر وہاں سے نکلتا چلا گیا ۔۔۔۔۔واسم نے پریشان نظروں سے اسکی پشت کو دیکھا ۔۔۔۔

لیکن گود میں روتی ہوئی ابرش کو دیکھتے ۔۔۔۔

گہرا سانس کھینچ کر باہر روباب کو دیکھنے کیلئے بڑھا ۔۔۔۔

۔۔۔۔۔۔۔۔۔۔۔۔۔۔۔۔۔۔

وہ کچن کے ساتھ ساتھ باقی پوری حویلی میں بھی ڈھونڈ چکا تھا لیکن روباب اسے کہیں نظر نہیں آئی ۔۔۔۔

جس کی وجہ سے وہ کافی پریشان ہو چکا تھا ۔۔۔۔

بےساختہ اسکی آنکھوں کے سامنے اپنا کچھ دیر پہلے دیکھا گیا خواب لہرایا ۔۔۔۔

جس میں روباب ایک اندھیرے کمرے میں بیٹھی ہوئی رو رہی تھی ۔۔۔۔

واسم کا دل گھبرایا ۔۔۔۔

اس نے فورا مردان خانے کی طرف دوڑ لگائی ۔۔۔۔

جبکہ ابرش کو اس نے ابھی تک گود میں اٹھا رکھا تھا ۔۔۔۔

ڈیڈ ۔۔۔”

دروازے سے اندر داخل ہوتے واسم نے فورا ارمغان شاہ کو پکارا ۔۔۔۔۔

جو موسی شاہ کے ساتھ تعزیت کے لیے آئے ہوئے مہمانوں کے ساتھ بیٹھے تھے ۔۔۔۔ابھی کچھ ہی دیر میں کل خانی کا ختم دلایا جانا تھا ۔۔۔۔۔

جی ۔۔۔۔

اسکے چہرے کی اڑی ہوئی رنگت اور گود میں روتی ہوئی ابرش کو دیکھ کر قریب آتے نرمی سے بولے تھے ۔۔۔۔

ساتھ ہی ابرش کو اپنی گود میں لیا ۔۔۔۔

وہ ۔۔۔” وہ

حلق سے الفاظ نکلنے مشکل ہو گئے ۔۔۔۔

سانسیں اٹکنے لگی ۔۔۔۔

کیا ہوا ؟؟؟؟

وہ ،،،،، وہ ،،،، ماما نہیں مل رہی ۔۔۔۔۔

واسم کی آنکھوں سے آنسو بہہ نکلے ۔۔۔۔۔

اس میں رونے والی کونسی بات ہے ۔۔۔۔گھر میں اتنے مہمان آئے ہوئے ہیں ۔۔۔۔

یہی کہیں کسی کے پاس بیٹھی ہونگی ۔۔۔۔

آپ نے ٹھیک سے دیکھا نہیں ہوگا ۔۔۔۔

اسکے بہتے ہوئے آنسوؤں کو دیکھتے نرمی سے سمجھایا ۔۔۔۔

نہیں میں نے پوری حویلی میں دیکھ لیا ۔۔۔۔۔

وہ کہیں نہیں ہیں ۔۔۔۔نا اماں سائیں کے کمرے میں نا ہی کسی دوسرے مہمان کے ۔۔۔۔

میں نے ممانی جان سے بھی پوچھا لیکن وہ کہہ رہی ہیں انہوں نے بھی صبح انہیں نہیں دیکھا ۔۔۔۔

روتے ہوئے بتایا ۔۔۔۔

جسے سن کر وہ پریشان ہوئے تھے ۔۔۔۔جبکہ اسکو اپنے ساتھ لگایا ۔۔۔۔

اچھا چلیں آپ آئیں میرے ساتھ ۔۔۔۔میں دیکھتا ہوں ۔۔۔۔۔

اور رونا بند کریں یہی کہیں ہوگی آپکی ماما ۔۔۔۔۔آپ تو میرے بہادر بیٹے ہیں ایسے روتے ہوئے بالکل اچھے نہیں لگ رہے ۔۔۔۔۔

پھر موسی شاہ کو اشارہ کرتے مہمانوں کے پاس بیٹھنے کا کہا ۔۔۔۔۔جس پر انہوں نے سمجھتے ہوئے سر ہلایا تھا ۔۔۔۔ خود اندر کی طرف بڑھ گئے ۔۔۔۔۔

۔۔۔۔۔۔۔۔۔۔۔۔۔۔۔۔۔۔

اس نے بھاری ہوتے سر کے ساتھ اپنی کھولیں ۔۔۔۔۔

جو پہلا منظر اسکی انکھوں نے دیکھا وہ تھا گھپ گہرا اندھیرہ ۔۔۔۔۔

اس نے اپنی آنکھیں بند کر کے اپنے دھکتے ہوئے سر پر ہاتھ رکھا ۔۔۔۔اور پھر سر جھٹکتے ہوئے دوبارہ اپنی آنکھیں کھولیں جو اب ماحول سے تھوڑی مانوس ہونے لگی تھیں ۔۔۔۔۔

یہ کوئی چھوٹا سا کمرہ تھا ۔۔۔۔یہاں نا کوئی روشنی تھی اور نا ہی ساز و سامان ۔۔۔۔۔

وہ خود بھی زمین پر بےترتیب سی پڑی ہوئی تھی ۔۔۔۔

لیکن وہ تو حویلی میں تھی پھر آہستہ آہستہ اسے کل رات کا واقعہ یاد آنے لگا ۔۔۔۔

اور وہ ایک جھٹکے سے اٹھ کر بیٹھی ۔۔۔۔۔مطلب کہ وہ کڈنیپ ہو چکی تھی ۔۔۔۔۔

روباب کا دل گھبرایا ۔۔۔۔۔

ارمغان “

پہلا نام جو ذہن میں آیا ۔۔۔۔۔

بےساختہ ہونٹوں سے نکلا ۔۔۔۔

لیکن اسے کون کڈنیپ کر سکتا تھا ؟؟؟؟؟

کہیں جنہوں نے مان حجاب کو مارا ۔۔۔۔۔

اسکی صبیح پیشانی پر پسینے کی ننھی بوندیں نمودار ہوئی ۔۔۔۔۔

اسے ڈر اس بات سے نہیں لگ رہا تھا کہ وہ لوگ اسے مار دیں گے بلکہ اس بات سے کہ کہیں اسکی عصمت کو کوئی نقصان نا پہنچائیں ۔۔۔۔۔

اسے ارمغان اور اپنے بچوں کی شدت سے یاد آئی تھی۔۔۔۔

بےساختہ آنکھوں سے دو آنسو ٹوٹ کر چہرے بہہ نکلے ۔۔۔۔۔

لیکن وہ ایسے ہاتھ پر ہاتھ رکھ کر تو نہیں بیٹھ سکتی تھی ۔۔۔۔ اسے خود کو بچانے کی کوشش کرنی تھی ۔۔۔۔۔

اور ویسے بھی وہ روباب ارمغان شاہ تھی ہر مشکل کا ڈٹ کر مقابلہ کرنے والی ۔۔۔۔۔ہاں اگر اسکی جگہ حجاب ہوتی تو بات الگ تھی ۔۔۔۔۔

وہ اپنے پیچھے موجود دیوار کا سہارا لے کر کھڑی ہوئی ۔۔۔۔۔

جس سے یکدم اسکا سر چکرایا ۔۔۔۔۔ قدم ڈگمائے ۔۔۔۔

لیکن وہ ہمت کرتی ہوئی ۔۔۔۔۔اسکے ساتھ ساتھ چلتے دروازے تک پہنچی ۔۔۔۔۔

جو کہ باہر سے بند تھا ۔۔۔۔

اس نے واپس مڑتے پورے کمرے میں نظریں دوڑائی ۔۔۔۔لیکن اسے کوئی کھڑکی یا دوسرا راستہ نظر نہیں آیا ۔۔۔۔۔

جہاں سے وہ بھاگ سکتی ۔۔۔۔۔

کوئی ہے ؟؟؟؟؟ پلیز مجھے یہاں سے نکالو ؟؟؟؟

اس نے پلٹ کر اس دروازے کو بجایا ۔۔۔۔

ایک بار نہیں بلکہ کئی بار ۔۔۔۔۔

لیکن دوسری طرف سے کوئی جواب نہیں آیا ۔۔۔۔۔ اسکی آواز اسی کمرے کی چار دیواری سے ٹکراتی ہوئی یہی دفن ہو گئی ۔۔۔۔۔

جس کے بعد وہ بہتے ہوئے آنسوؤں اور گھومتے ہوئے سر کے ساتھ وہی بیٹھتی چلی گئی ۔۔۔۔۔

ابھی اسے بیٹھے ہوئے اسے چند ہی لمحے گزرے تھے ۔۔۔۔۔

کہ اسے بھاری قدموں کی آواز سنائی دی ۔۔۔۔جو اس کمرے کی طرف ہی بڑھ رہے تھے ۔۔۔۔۔

جس پر وہ فورا دروازے سے ہٹتی پیچھے ہو کر کھڑی ہو گئی ۔۔۔۔۔

جسے آنے والے نے آرام سے کھولتے اندر داخل ہو کر اپنے پیچھے دوبارہ بند کر دیا ۔۔۔۔۔

روباب اپنی آنکھیں پوری کھول کر اسکے چہرے کو پہچاننے کی کوشش کرنے لگی ۔۔۔۔۔۔جو اندھیرے کی وجہ سے صاف نہیں دکھائی نہیں دے رہا تھا ۔۔۔۔۔

جسے سامنے والا بھی سمجھ چکا تھا ۔۔۔۔۔

اس لیے قدم آگے بڑھاتے اسکے قریب ہوا ۔۔۔۔۔

پہنچانا مجھے ؟؟؟؟؟

مسکرا کر سوال کیا گیا ۔۔۔۔۔

جس سے روباب کی آنکھوں کے سامنے چند سال پہلے کا منظر لہرایا ۔۔۔۔

۔۔۔۔۔۔۔۔۔۔۔۔۔۔۔۔

روباب اپنے ہی دھیان میں فون کان سے لگائے ہوئے بات کرتی اندر کی طرف بڑھ رہی تھی ۔۔۔۔۔

جب کوریڈور سے گزرتے ہوئے کسی سے ٹکرائی ۔۔۔۔۔

موبائل فون ہاتھ سے چھوٹ کر زمین پر گرا ۔۔۔۔۔جبکہ گرنے کے ڈر سے وہ سامنے والے کا بازو تھام گئی ۔۔۔۔۔

احسن حیات نے بہت غور سے اپنے قریب اس حسن کے شہکار کو دیکھا تھا ۔۔۔۔

جسے دیکھ کر زندگی میں پہلی بار اسکا دل دھڑکا ۔۔۔۔۔

جبکہ اپنے گھر میں کسی اجنبی کو دیکھتے روباب فورا سنبھل کر پیچھے ہوئی ۔۔۔۔

جس پر وہ کچھ ہوش میں آیا ۔۔۔۔

اور ایک نظر زمین پر پڑے ہوئے اسکے فون کی طرف دیکھا جو گرنے کی وجہ سے ٹوٹ چکا تھا ۔۔۔۔۔

اوہ آئی ایم سوری ۔۔۔۔

میری وجہ سے آپ کا فون ٹوٹ گیا ۔۔۔۔

اسکے خوبصورت چہرے کی طرف دیکھتے نرمی سے بولا ۔۔۔۔۔

کوئی بات نہیں اصل میں غلطی میری تھی ۔۔۔۔۔

میں نے آپکو دیکھا نہیں تھا ۔۔۔۔۔

لیکن پھر بھی ۔۔۔۔آپکا نقصان تو میری وجہ سے ہی ہوا ۔۔۔۔۔

ایسے ہی بات بڑھائی ۔۔۔۔۔

آپ یہاں کس سے ملنے کیلئے آئے ہیں ؟؟؟؟

اسکی بات کو اگنور کرتے سوال کیا ۔۔۔۔۔

جس پر وہ مسکرائے ۔۔۔۔۔حیدر شاہ سے ۔۔۔۔۔

مختصر جواب ۔۔۔۔۔۔

تو آپ یہاں کیا کر رہے ہیں ؟؟؟؟ تایا سائیں آپکو یہاں نہیں ملیں گے ۔۔۔۔۔

جی ۔۔۔۔مجھے پتا ہے ۔۔۔۔ایکچلی ابھی باہر مجھے ایک ملازم ملے تھے ۔۔۔۔جن سے میں نے یہی بات کی کہ مجھے حیدر شاہ سے ملنا ہے ۔۔۔۔۔

تو وہ اپنے ساتھ اندر لے آئے اور یہاں انتظار کا بولا ۔۔۔۔

اب شاید پوچھنے گئے ہیں ۔۔۔۔۔

اب کہ تفصیل سے بتایا ۔۔۔۔۔

جس پر اس نے سر ہلایا ۔۔۔۔۔

اور پھر خاموشی سے فون اٹھا کر وہاں سے جانے لگی ۔۔۔۔جب اس نے پیچھے سے دوبارہ مخاطب کیا ۔۔۔۔

آپکے ہاں مہمانوں کو چائے ناشتے کا نہیں پوچھتے ؟؟؟؟

اسے روکنے کیلئے پیچھے سے سوال کیا ۔۔۔۔۔اصل میں انہیں اچھا لگ رہا تھا اس سے بات کر کے ۔۔۔۔۔پتا نہیں لیکن یہ لڑکی انہیں پہلی نظر میں ہی پسند آئی تھی ۔۔۔۔۔

جی پوچھتے ہیں ۔۔۔۔لیکن جن کے ساتھ جان پہچان ہو ایسے اجنبیوں کو نہیں ۔۔۔۔

اسے اس شخص کی نظریں کنفیوژ کر رہی تھیں اس لئے پلٹ کر سپاٹ لہجے میں بولی ۔۔۔۔۔

اور بنا دوسری بات سنے وہاں سے نکلتی چلی گئی۔۔۔۔۔

جبکہ پیچھے وہ نفی میں سر ہلا کر مسکرائے تھے ۔۔۔۔۔

زندگی میں پہلی بار کسی لڑکی کو دیکھ کر انکا دل دھڑکا تھا ۔۔۔۔۔

جس پر وہ خود بھی حیران تھے ۔۔۔۔۔

۔۔۔۔۔۔۔۔۔۔۔۔۔۔۔۔

آپ ؟؟؟؟؟

جی میں آپکے چہرے سے لگ رہا ہے ۔۔۔۔کہ آپ مجھے پہچان چکی ہوں ۔۔۔۔۔

ہاں ۔۔۔۔۔” لیکن آپ نے مجھے کیوں کڈنیپ کروایا ؟؟؟؟

ہماری آپ سے کیا دشمنی ہے ؟؟؟؟

حیرانی سے پوچھا ۔۔۔۔۔

کیونکہ اسے نہیں یاد پڑتا کہ اس ایک بار کے بعد اس نے کبھی اس شخص کو اپنے گھر میں دوبارہ دیکھا ہو ۔۔۔۔

اور آج اتنے سال بعد ۔۔۔۔وہ سامنے آیا بھی تو کس روپ میں ۔۔۔۔۔حیرانی ہی حیرانی تھی ۔۔۔۔۔

ہمم دشمنی ” کتنے بےخبر ہیں سارے شاہ حویلی والے ۔۔۔۔۔جنکی وجہ سے میری کل کائنات لٹ گئی اور انہیں خبر بھی نہیں ۔۔۔۔۔

یکدم ہی انکا لہجہ بدلہ ۔۔۔۔۔

جبکہ آنکھوں میں لہو اتر آیا ۔۔۔۔۔

میں سمجھی نہیں ۔۔۔۔۔کس بارے میں بات کر رہے ہیں ؟؟؟؟؟

اپنے بھائی کی بات کر رہا ہوں جو تم لوگوں کی وجہ سے اس دنیا سے چلا گیا ۔۔۔۔۔

جبکہ اسکی بات روباب ناسمجھی سے اسکی طرف دیکھا ۔۔۔۔۔

کیا قصور تھا اسکا صرف اتنا ہی نا کہ تمہاری بہن سے پیار کرتا تھا ۔۔۔۔۔اس سے شادی کرنا چاہتا تھا ۔۔۔۔۔

لیکن کیا کیا تمہارے تایا سائیں نے رشتے سے انکار کر دیا یہ کہہ کر کہ وہ اپنے خاندان سے باہر رشتہ نہیں کرتے ۔۔۔۔۔

اور اسکی شادی اپنے بیٹے سے کروا دی ۔۔۔۔

جسے وہ برداشت نہیں کر سکا اور اسکا دل ہی بند ہو گیا ۔۔۔۔۔

بس اسی دن قسم کھائی تھی میں نے کہ پورے شاہ خاندان کو میرے بھائی کی ایک ایک تکلیف اسکے ایک ایک آنسو کا جواب دینا ہوگا ۔۔۔۔

جیسے میں اپنے بھائی کو کھو کر پل پل مر رہا ہوں ۔۔۔۔ایسے ہی شاہ حویلی والے تڑپے گے ۔۔۔۔۔

وہ عجیب وحشت زدہ لہجے میں گویا ہوا ۔۔۔۔۔

جس سے ڈر کر وہ فورا دو قدم پیچھے ہوئی ۔۔۔۔۔

اور کل ۔۔۔ ایک پل کیلئے رکا ۔۔۔۔۔چہرے پر پر اسرار سی مسکراہٹ تھی ۔۔۔۔

روباب کے چہرے پر سایہ سا لہرایا ۔۔۔۔۔

اور کل میں نے اپنا پہلا وار کیا تھا ۔۔۔۔۔۔ جس میں کامیاب ٹہرا اور میں تمہیں بتا نہیں سکتا کہ حیدر شاہ کے خاندان کو تڑپتے دیکھ مجھے کتنا سکون ملا ۔۔۔۔۔

اپنی آنکھیں بند کر کے گہرا سانس کھینچتا مسکرا کر بولا ۔۔۔۔۔

وہ شخص روباب کو پاگل سا لگا ۔۔۔۔۔جبکہ آنکھوں کے سامنے مان حجاب کے خوبصورت چہرے لہرا گئے ۔۔۔۔۔

اور تو اور رات و رات انکے اپنے گھر سے انکی دوسری بہو بھی اٹھا لی ۔۔۔۔اور انہیں پتا بھی نہیں چلا ۔۔۔۔

قہقہہ لگایا ۔۔۔۔

اولاد کے ساتھ عزت جانے کا غم جلد ہی اس بڈھے کو قبر کے اندر لے جائے گا ۔۔۔۔۔

پھر کہیں جا کر میرے بھائی کی روح کو سکون ملے گا اور مجھے اس دنیا میں چین ۔۔۔۔۔

جبکہ اسکی بات سن کر روباب نے آگے بڑھ کر اسکے چہرے پر ایک تھپڑ مارا تھا ۔۔۔۔

کتنے گھٹیا اور کم ظرف انسان ہو تم ۔۔۔۔۔

ارے تم سے اچھا تو تمہارا وہ بھائی تھا جو اپنی محبت کو اپنے دل میں دفن کیے اس دنیا سے چلا گیا ۔۔۔۔

اس کا تماشا نہیں بنایا ۔۔۔۔۔

اور کس بات کا بدلہ لے رہے ہو تم ۔۔۔۔۔میری معصوم بہن کا اس میں کیا قصور تھا ۔۔۔۔۔وہ تو جانتی تک نہیں تھی تمہارے بھائی کو ۔۔۔۔۔نا ہی اسے کوئی امید دی ۔۔۔۔

تو پھر اسکی موت کی ذمہ دار وہ کیسے ہوئی ۔۔۔۔

تمہارے بھائی کے ساتھ جو کچھ بھی ہوا مجھے اسکا افسوس ہے ۔۔۔۔۔

لیکن اس میں ہمارا کوئی قصور نہیں تھا ۔۔۔۔

اور تم نے اپنی جھوٹی انا اور غرور کے چلتے ہمارے ہنستے بستے گھر کو اجاڑ دیا ۔۔۔۔۔

دو معصوم بچوں کے سر سے انکے ماں باپ کا سایہ اٹھا دیا ۔۔۔۔۔ارے تمہیں تو اوپر والا بھی کبھی معاف نہیں کرے گا ۔۔۔۔۔

میری بددعا ہے تمہیں کبھی چین اور سکون نا ملے نا ہی اس دنیا میں نا ہی آخرت میں ۔۔۔۔۔

تم یونہی تڑپتے ۔۔۔۔۔

اس سے پہلے وہ اپنی بات مکمل کرتی احسن حیات نے اسے یکے با دیگر دو تھپڑ مارے تھے ۔۔۔۔۔

اور اسے بالوں سے پکڑتے چہرہ اپنے قریب کیا ۔۔۔۔۔۔

چپ ایکدم چپ ۔۔۔۔

خبردار اگر اب تمہاری آواز نکلی تو ابھی تمہاری چلتی ہوئی سانسیں بند کر دوں گا ۔۔۔۔۔

تم لوگ ہی ہو میرے بھائی کی موت کے ذمہ دار ۔۔۔۔۔اگر حیدر شاہ اس رشتے کیلئے ہاں کر دیتا تو میرا بھائی آج زندہ ہوتا ۔۔۔۔۔

لیکن چھوڑو گا تو میں بھی نہیں ۔۔۔۔ایک بہو بیٹا تو پہلے ہی اوپر پہنچا چکا ہوں ۔۔۔۔۔

دوسری بہو جب عزت لٹوا کر گھر پہنچے گی تو ۔۔۔۔شرمندگی سے اپنی موت خود ہی مر جائے گا ۔۔۔۔۔

سپاٹ لہجے میں بولتے ہوئے وہ پر اسرار سا مسکرایا ۔۔۔۔۔

اور تم فکر نہیں کرنا اگر ارمغان شاہ نے اسکے بعد تمہیں نہیں اپنایا تو ۔۔۔۔میرے پاس چلی آنا ۔۔۔۔

دل کی رانی بنا کر رکھوں گا ۔۔۔۔۔

اسکے پسینے پسینے ہوئے چہرے پر پھونک مارتے کمینگی سے بولا ۔۔۔۔۔

جس پر روباب نے بےساختہ اسکے منہ پر تھوکا تھا ۔۔۔۔

یہ اوقات ہے میری نظر میں تمہاری ۔۔۔۔اور تم یہ سوچ رہے ہو کہ میں تمہارے پاس آوں گی ۔۔۔۔۔

ارے لعنت بھیجتی ہوں میں تم پر ۔۔۔۔۔

احسن حیات نے ایک ہاتھ سے تھوک اپنے چہرے سے صاف کرتے اسکے خوبصورت چہرے کی طرف دیکھا ۔۔۔۔۔

اور ایک زور دار تھپڑ اسکے چہرے پر مارا ۔۔۔۔

جسکی شدت اتنی تھی کہ روباب کا نچلہ ہونٹ پھٹ گیا جبکہ اسے اپنا کان سن ہوتا محسوس ہوا ۔۔۔۔۔

تو مجھے میری اوقات بتائے گی ۔۔۔۔گالی ۔۔۔۔۔

دوسرا تھپڑ مارا اور پھر وہ رکا نہیں پہ در پہ کئی تھپڑ روباب کے چہرے پر جڑے ۔۔۔۔جس سے اسے اپنے حواس گھم ہوتے محسوس ہوئے ۔۔۔۔۔

وہ لہرا کر زمین پر گری ۔۔۔۔۔

جبکہ وہ اپنی پینٹ سے بیلٹ نکال کر ہاتھ پر لپیٹتا ہوا اسکی طرف بڑھا ۔۔۔۔

جسے دیکھ کر اس نے بےساختہ نفی میں سر ہلایا تھا ۔۔۔۔۔