Tere Sang Yaara by Wafa Shah NovelR50537 Tere Sang Yaara (Episode 18)Part 2

Tere Sang Yaara by Wafa Shah

حجاب کچن میں ڈنر کی تیاری کر رہی تھی ۔۔۔۔۔جب مان نے پیچھے سے اسے اپنے حصار میں لیا تھا ۔۔۔۔۔

کیا کر رہی ہیں جان مان ؟؟؟

جبکہ وہ تو اس اچانک پڑنے والی افتاد پر خوف سے اچھل پڑی ،،،،، جس کی وجہ سے ہاتھ میں پکڑا چمچہ چھوٹ کر زمین پر گرا۔۔۔۔۔

مان فورا اپنا حصار توڑ کر پیچھے ہوا تھا ۔۔۔۔۔

آپ ٹھیک ہیں لگی تو نہیں آپکو ۔۔۔اسکا رخ اپنی طرف کر کے اسکے پاؤں کو دیکھتا محبت سے گویا ہوا ۔۔۔۔۔

نہہ ،،،،، نہیں میں ٹھیک ہوں مان ،،،،، بس آپ کے ایسے اچانک آ جانے سے تھوڑا ڈر گئی تھی بس اسی وجہ ۔۔۔۔۔

لیکن پھر مان کو پریشان ہوتے دیکھ خود کو سنبھالتے ہوئے نرم لہجے میں بولتی ایک نظر زمین پر گرے چمچے کو دیکھتی بات ادھوری چھوڑ گئی ۔۔۔۔

کوئی بات نہیں غلطی میری ہے مجھے آپکو ایسے ڈرانا نہیں چاہیے تھا ۔۔۔۔

” سو سوری “

میرا ہرگز مقصد آپکو ڈرانا نہیں تھا میں تو بس ،،،،،،

میں جانتی ہوں ،،،،،، “مان”

آپکو صفائی دینے کی ضرورت نہیں ۔۔۔۔۔۔

اس سے پہلے کہ وہ اپنا جملہ مکمل کرتا حجاب اسکا جملہ درمیان میں ہی کاٹتی مسکرا کر بولی۔۔۔۔۔

جس پر وہ بھی دھیرے سے مسکراتا محبت سے اسکی پیشانی چوم گیا ۔۔۔۔۔

جبکہ حجاب کو اسکے لمس میں موجود محبت و عقیدت سے اپنی روح تک سکون اترتا محسوس ہوا ۔۔۔۔۔۔

جس پر وہ دھیرے سے اپنی آنکھیں موند گئی ۔۔۔۔۔۔

انہیں ایسے کھڑے کتنے ہی لمحے بیت گئے ،،،،، جن کا انہیں خود بھی اندازہ نہیں تھا۔۔۔۔۔۔۔

ہوش تو تب آیا جب انکے نتھنوں سے کسی چیز کی جلنے کی بو ٹکرائی ۔۔۔۔۔۔

ہائے اللہ میرے کباب “وہ فورا اسکے حصار سے نکلتے ہوئے چولہا بند کرتی بولی ۔۔۔۔۔

مان ایک نظر پین میں جلے ہوئے کبابوں کو دیکھتا اسکا پھولا ہوا چہرہ دیکھنے لگا جس پر خفگی کے آثار تھے ۔۔۔۔۔

کیا ہوا بھئی؟؟

میری طرف کیوں ایسے دیکھ رہی ہیں ۔۔۔مجھ معصوم نے کیا کیا ؟؟؟

اسکے خود کو پلٹ کر گھورنے پر وہ اپنے ہاتھ کھڑے کرتا معصومیت سے بولا ۔۔۔۔۔۔

سارا قصور آپکا ہے ،،،،،، نا آپ یہاں آتے ،،،،، نا میرا دھیان بھٹکتا ،،،،، نا ہی یہ جلتے ۔۔۔۔۔۔

جبکہ اس کے ایسے معصوم بن جانے پر وہ تپ کر بولی ۔۔۔۔۔۔

اچھا کیا سچ میں ایسا ہے ،،،،،، کیا میرے آپکے قریب آنے پر سچ میں آپ کا دھیان بھٹک جاتا ہے ۔۔۔۔۔

وہ اسکی ساری باتوں کو نظرانداز کرتے اپنی مطلب کی بات نکالتے بولا ۔۔۔۔۔

اور نہیں تو کیا کہیں پر بھی شروع ہو جاتے ہیں ،،،،،، نا پبلک پلیس کا خیال کرتے ہیں نا ہی بھائی اور آپو کا ،،،،،،، اور نا ہی صبح یا پھر شام کا خیال ہے بس ہر وقت ،،،،،،،

وہ غصے سے بولتی آخری بات پر زبان دانتوں تلے دبا گئی ۔۔۔۔۔۔جبکہ چہرہ غصے اور شرم و حیا کے ملے جلے تاثرات سے سرخ ہو کر تپ گیا ۔۔۔۔۔

بس ہر وقت ” کیا ؟؟؟ آگے بھی تو کچھ بولیں ۔۔۔۔۔۔

اسکے تپ کر ایسے روانی سے بولنے اور اچانک رک جانے پر وہ اسے آگے بولنے کیلئے اکساتا شرارت سے گویا ہوا ۔۔۔۔۔۔

مجھے نا آپ سے بات ہی نہیں کرنی ،،،،،، وہ اسکے لبوں میں چھپی مسکراہٹ دیکھتی ناراض ہو کر اپنا رخ ہی پلٹ گئی ۔۔۔۔۔

اچھا سوری میں اب بالکل آپکو تنگ نہیں کرونگا ،،،،،، اب اپنی ناراضگی ختم کریں ۔۔۔۔وہ پیچھے سے اسے دوبارہ اپنے حصار میں لیتا محبت سے گویا ہوا ۔۔۔۔۔

جس پر وہ مسکرائی تھی لیکن اس پر ظاہر نہیں ہونے دیا ۔۔۔۔۔۔

صرف ایک شرط پر مانوں گی آپ شرافت سے باہر جا کر لاؤنج بیٹھے گے ،،،،،، مجھے کھانا بنانے کے دوران دوبارہ ڈسٹرب نہیں کریں گے ۔۔۔۔۔

اور اگر آپ نے دوبارہ ایسا کیا تو میں آپ سے پکا والا ناراض ہو جاؤں گی ۔۔۔۔۔۔

یار یہ کیا بات ہوئی ،،،،،، اپنی ہی بیوی سے پیار کرنے پر اتنی پابندیاں ،،،،، چھوڑیں یہ سب کھانا وغیرہ ،،،،،، میں باہر سے آڈر کر لیتا ہوں ۔۔۔۔۔۔

آپ کیا میرے ساتھ ہنی مون پر کھانا بنانے کیلئے آئی ہیں ؟؟؟

وہ اسکی شرط کو سن کر رد کرتے ہوئے اس سے سوال گو ہوا تھا ۔۔۔۔۔۔

تو پھر اور کیا کرنے آئی ہوں ۔۔۔۔۔

اسکے اپنی بات کو اہمیت نا دینے پر وہ غصے سے بولی تھی ۔۔۔۔۔۔

ظاہر سی بات ہے اپنے شوہر کے ساتھ ٹائم سپینڈ کرنے کیلئے اس سے پیار کرنے کیلئے ۔۔۔۔۔

جبکہ اسکی بات کے جواب میں وہ بےباکی سے بولا ۔۔۔۔۔۔

ماااااااااان “

حکم جان مان ،،،،،،،

پلیز مجھے کھانا بنا لینے دیں ،،،،، ورنہ میں آپ سے سچ میں ناراض ہو جاؤں گی ۔۔۔۔۔

وہ التجا کرتے ہوئے آخر میں دھمکی آمیز لہجے میں بولی ۔۔۔۔۔

لیکن ،،،،،،،

پلیزززز ،،،،،، ابھی وہ کچھ کہتا کہ وہ چہرے پر معصومیت طاری کرتی التجائی لہجے میں بولی ۔۔۔۔۔

جس پر وہ اسے اور تنگ کرنے کا ارادہ ترک کرتے ہوئے خاموشی سے پلٹ گیا ۔۔۔۔۔

جس پر حجاب سکھ کا سانس لیتی ،،،،، ایک بار پھر اپنے کام مشغول ہو گئی ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روباب یار اب بس کر دیں کیوں رو رو کر خود کو ہلکان کر رہی ہیں ۔۔۔۔۔

وہ اسے خود سے آرام سے الگ کرتا نرم لہجے میں بولا ۔۔۔۔۔۔

آپکو پتا ہے مجھے آپ کا یوں رونا بالکل اچھا نہیں لگ رہا ،،،،،، آپکے یہ جو آنسو ہیں سیدھے میرے دل پر گررہے ہیں۔۔۔۔۔

اس لیے وعدہ کریں کہ دوبارہ کبھی ان آنکھوں میں آنسو نہیں آنے دیں گی ۔۔۔۔

وہ اسکے گرتے آنسو اپنے ہونٹوں سے چنتا محبت سے گویا ہوا ۔۔۔۔۔

جس پر وہ دھیرے سے مسکرائی تھی ۔۔۔۔۔

گڈ گرل “

اچھا ادھر دیکھیں میرے پاس آپ کے لئے اور بھی سرپرائز ہیں ۔۔۔۔۔

اس کے مسکرانے پر وہ اس کی توجہ اپنے پیچھے دلواتے ہوئے نرمی سے بولا ۔۔۔۔۔

جسے دیکھتے اس کے بڑی بڑی خوبصورت آنکھیں حیرت سے پھیل گئی تھی ۔۔۔۔۔۔

جہاں بالکل جھیل کے کنارے ایک ٹیبل کو پھولوں اور کینڈلز کے ساتھ خوبصورتی سے سجایا گیا تھا۔۔۔۔

اور اسکے اردگرد پھولوں اور سفید رنگ کے خوبصورت کرٹنز سجایا گیا تھا ٹیبل پرخوبصورت سا ہارٹ شیپ ریڈ ویلوٹ کیک رکھا گیا تھا اور ساتھ ہی کھانے کے دوسرے لوازمات سجے تھے ۔۔۔۔۔

اسکے بالکل سامنے ایک پھولوں کی رویش بنائی گئی تھی ۔۔۔۔۔۔

جو پہاڑ کے ساتھ لگاۓ گئے کیمپ تک جاتی تھی ۔۔۔۔۔

کیمپ کے اندر ایک بلب روشن تھا جس سے اندر کے ماحول کو واضح کیا گیا تھا ۔۔۔۔۔

جسے دیکھتے ہوئے اور آنے والے لمحات کا سوچتے روباب کی شفاف ہتھیلیاں پسینے سے بھیگی تھیں ۔۔۔۔۔۔

جبکہ نرم گداز گالوں پر گلال اتر آیا تھا ۔۔۔۔۔

جسے دیکھتے غنی کے چہرے پر ایک محفوظ کن مسکراہٹ آئی تھی ۔۔۔۔۔۔

چلیں ” اسکے آگے اپنی مظبوط ہتھیلی پھیلاتے پیار سے بولا ۔۔۔۔۔۔

جس کو دیکھتے روباب نے مسکرا کر اسکی ہتھیلی پر اپنی نرم ہتھیلی رکھ دی تھی ۔۔۔۔۔

جسے محبت سے تھامتے وہ ٹیبل کی طرف بڑھا تھا ۔۔۔۔۔

جہاں اسے اپنے حصار میں لے کر سب سے پہلے کیک کٹ کرتے ہوئے اسے محبت سے کھلایا ۔۔۔۔۔

ابھی روباب بھی ایک پیس اٹھا کر اسے کھلاتی جب اس نے نفی میں سر ہلاتے اسکا رخ اپنی اور کیا ۔۔۔۔۔

اور اچانک اسے بنا کچھ سمجھنے کا موقع دیے اسکے مخملی لبوں پر جھکا۔۔۔۔۔

جسکے کناروں پر کریم لگی ہوئی تھی۔۔۔۔۔۔۔

ویسے یہ والا زیادہ میٹھا تھا۔۔۔۔۔۔

کچھ دیر بعد اسے دھیرے سے آزاد کرتا اپنے لمس سے بھیگے اسکے لبوں کو دیکھتے گمبھیرتا سے بولا۔۔۔۔۔۔

جس پر شرماتے ہوئے وہ اپنا چہرہ جھکا گئی۔۔۔۔۔۔

آپکو پتا ہے روباب مجھے آپ سے محبت کب ہوئی تھی۔۔۔۔۔۔۔

ایک چیئر کو کھینچ کر اسے اس پر بیٹھنے کا اشارہ کرتے اس کیلئے پلیٹ میں کھانا نکالتے بولا۔۔۔۔۔۔

جس پر اس نے نفی میں سر ہلایا تھا۔۔۔۔۔۔

جب میں نے بابا سائیں سے ضد کر کے سائیکلینگ کی تھی ،،،،،،، اور پھر اسے پہلی بار چلاتے ہوئے گر گیا تھا ،،،،،،، اس وقت وہاں لان میں کوئی موجود نہیں تھا سوائے ہم دونوں کے ،،،،،،،

اور آپ نے بھاگ کر آتے مجھے اٹھانے کی کوشش کی تھی ۔۔۔۔۔۔۔

حالانکہ اس وقت آپ خود بھی بہت چھوٹی تھیں ۔۔۔۔۔۔

پھر بھی میرے گھٹنے سے خون نکلتے دیکھ ڈرنے یا رونے کی بجائے اپنے چھوٹے چھوٹے ہاتھوں سے اسے روکنے کی کوشش کر رہی تھیں ۔۔۔۔۔۔

اور بالکل مجھے ایسے دلاسہ دے رہی تھیں ،،،،،، جیسے حجاب کے رونے یا پھر گھبرانے پر دیتی ہیں ۔۔۔۔۔۔

اس وقت مجھے آپ پر بہت پیار آیا تھا ۔۔۔۔۔

اس چوٹ کا درد تو بہت پیچھے رہ گیا ،،،،،، اس پر آپکی کی جانے والی عنایت غالب آ گئی ۔۔۔۔۔۔

وہ نرم لہجے میں اسے اپنی زندگی اور محبت کے بارے میں آگاہ کرتا ۔۔۔۔۔ساتھ ساتھ اپنے ہاتھ سے کھانا بھی کھلا رہا تھا ۔۔۔۔۔

جب روباب نے نوالا بنا کر اسکی طرف بڑھایا ۔۔۔۔۔

جسے ایک نظر دیکھنے کے بعد اس نے اپنا منہ کھول دیا ۔۔۔۔۔

ابھی وہ اسے کھلا کر ہاتھ پیچھے کرتی جب اس نے اسے تھامتے ہوئے ،،،،،، اسکے پوروں کو محبت سے چوما تھا ۔۔۔۔۔۔

جس پر اس نے کپکپاتے ہوئے ۔۔۔۔۔ہاتھ کھینچا لیکن اب وہ چھوڑنے کے موڈ میں ہرگز نہیں تھا ۔۔۔۔۔۔

وہ اسکے خوبصورت چہرے پر نظریں ٹکاتے ۔۔۔۔۔اسے لیے ساتھ کھڑا ہو گیا تھا ۔۔۔۔۔

ڈانس “

اسکے سامنے ہاتھ پھیلاتے پوچھا ۔۔۔۔۔۔

جس پر وہ مسکراتی اسکا ہاتھ تھامتی اسکے بانہوں کے گھیرے میں آ گئی تھی ۔۔۔۔۔۔

جب اس نے موبائل پر میوزک آن کیا تھا ۔۔۔۔۔

گلوکار کی خوبصورت آواز نے فضا میں اپنا جادو جگایا ۔۔۔۔۔۔

جبکہ وہ اسکے ساتھ ہی ہلکے ہلکے سٹیپ لینے لگے تھے ۔۔۔۔۔

” یہ راتیں یہ موسم ندی کا کنارہ یہ چنچل ہوا

کہا دو دلوں نے ،، کہ ملکر کبھی ہم نا ہونگے جدا “

یہ راتیں یہ موسم ندی کا کنارہ یہ چنچل ہوا ،،،،

یہ کیا بات ہے آج کی چاندنی میں

کہ ہم کھو گئے پیار کی راگنی میں

یہ بانہوں میں بانہیں یہ بہکی نگاہیں لو آنے لگا زندگی کا مزہ

یہ راتیں یہ موسم ندی کا کنارہ یہ چنچل ہوا ،،،،،،

اسکے ساتھ غنی نے اسے گھول گھماتے ہوئے اسکا رخ پلٹتے اسے اپنے حصار میں لیا ۔۔۔۔

جبکہ اس نے جو چادر اپنے چاروں طرف پھیلا رکھی تھی ،،،،، وہ اتر کر ایک کندھے پر جھولنے لگی تھی ۔۔۔۔

ستاروں کی محفل نے کر کے اشارہ

کہا اب تو سارا جہاں ہے تمہارا

محبت جواں ہو کھلا آسماں ہو کرے کوئی دل آرزو اور کیا

یہ راتیں یہ موسم ندی کا کنارہ یہ چنچل ہوا ،،،،،،

گلوکارہ کے ان آخری لفظوں پر اس نے شرماتے ہوئے غنی کے کشادہ سینے میں اپنا چہرہ چھپایا تھا ۔۔۔۔۔

جس پر وہ دھیرے سے مسکرایا ۔۔۔۔

قسم ہے تمہیں تم اگر مجھ سے روٹھے ،،،،،،

ان الفاظ پر اس نے غنی کی آنکھوں میں دیکھا ،،،،،، جس پر مسکراتے ہوئے اسکا ڈر سمجھتے انہیں باری باری چاہت سے چوم گیا ۔۔۔۔

قسم ہے تمہیں تم اگر مجھ سے روٹھے

رہے سانس جب تک یہ بندھن نا ٹوٹے

غنی اسکا چہرہ اپنے ہاتھوں کے پیالے میں لیتے ساتھ خود بھی گنگنایا تھا ۔۔۔۔۔

تمہیں دل دیا ہے یہ وعدہ کیا ہے صنم میں تمہاری رہوں گی صدا

اسکے دل کے مقام پر اپنے لب رکھتے وعدہ کیا تھا ۔۔۔۔۔

یہ راتیں یہ موسم ندی کا کنارہ یہ چنچل ہوا

کہا دو دلوں نے کہ ملکر کبھی ہم نا ہونگے جدا

یہ راتیں یہ موسم ندی کا کنارہ یہ چنچل ہوا ۔۔۔۔۔

گانے کے ختم ہوتے ہی اس نے روباب کو اپنے بازوؤں میں اٹھایا ۔۔۔۔۔

اور کیمپ کی طرف بڑھ گیا ،،،،،، جبکہ دوسری طرف روباب کی دھڑکنیں اسکے ارادوں کو سمجھتے اب شور مچانے لگی تھیں ۔۔۔۔۔

غنی نے اسے لاکر دبیز نرم پھولوں سے سجے بستر پر اتارا تھا ،،،،،،

اور ساتھ ہی اپنا کوٹ اتار کر ایک طرف رکھتے ،،،،، اسکی طرف متوجہ ہوا ۔۔۔۔۔

غنی آپکو نہیں لگتا کہ ہمیں گھر چلنا چاہیے ،،،،،، میرا مطلب ہے کہ یہ علاقہ کافی سنسان ہے ،،،،، کیا یہاں رات رکنا سیف رہے گا ؟؟؟

اس سے پہلے وہ کچھ بولتا یا کرتا وہ انکے درمیان تھوڑا فاصلہ بناتی معصومیت سے بولی ۔۔۔۔۔۔

جس پر غنی نے لب دبا کر بمشکل اپنے قہقہے کو روکا تھا ۔۔۔۔۔۔

نہیں جاناں یہ بالکل سیف علاقہ ہے آپکو ڈرنے کی ضرورت نہیں ۔۔۔۔۔

وہ اتنا کہتے درمیان کا فاصلہ سمیٹتے اسکے قریب ہوا تھا ۔۔۔۔۔۔

جبکہ اسکی بات پر وہ اپنا سوکھا حلق تر کرنے لگی تھی ۔۔۔۔۔۔

وہ اسکی چادر کو کندھے سے اتار کر اپنے کوٹ کے ساتھ رکھتا اسکی کمر میں ہاتھ ڈال کر اسے اپنے قریب کھینچ گیا ۔۔۔۔۔

جس سے ان کے درمیان انچ بھر کا فاصلہ بھی سمٹ گیا تھا ،،،،،،،

کبھی سوچا نہیں تھا کہ اوپر والا یوں بن کہے ہی میری خاموش محبت میری جھولی میں ڈال دے گا ۔۔۔۔۔۔

میں آپکو بتا نہیں سکتا روباب جب اچانک سے آپ میری زندگی میں شامل ہوئی اس وقت میری فیلنگز کیا تھیں ۔۔۔۔۔۔

میری رگ رگ میں نئی زندگی دور گئی تھی ،،،،،، آپکی محبت جو میری سانسوں میں بسی تھی اسے زندگی کا پروانہ ملا تھا ۔۔۔۔۔۔

وہ ساری رات میں نے اپنے رب کا شکر ادا کرتے گزاری تھی ۔۔۔۔۔۔

ہاں میں جانتا ہوں ہے کہ میں نے اظہار کرنے میں تھوڑی دیر کر دی ،،،،، اور شاید آپ اسکی وجہ سے ہرٹ بھی ہوئی لیکن میں وعدہ کرتا ہوں کہ آئندہ ایسا کبھی نہیں ہوگا ۔۔۔۔۔۔

وہ اسکے ایک ایک نقش کو محبت سے چومتا گمبھیر سرگوشی میں بولا ۔۔۔۔

پتا ہے روباب جب جب بھی آپکو اپنی زندگی میں شامل دیکھتا ہوں تو سورت الرحمن کی اس آیت پر میرا ایمان اور مظبوط ہو جاتا ۔۔۔۔۔

( ترجمہ )

کہ تم اپنے رب کی کون کون سی نعمت کو جھٹلاؤ گے ۔۔۔۔۔

جبکہ اسکی اتنی محبت پر روباب کی آنکھوں میں آنسو آ گئے تھے ۔۔۔۔۔

جسے وہ نرمی سے صاف کرتا اسے اپنے حصار میں لے گیا ،،،،،، اور کیمپ میں جلتا واحد بلب بھی بند کر دیا تھا ۔۔۔۔۔

اسکی گردن میں جھکتے ہوئے اس نے ابھی اپنی محبت کی برسات کی شروعات ہی تھی جب وہ ایک بار پھر سے بول پڑی ۔۔۔۔۔۔

غنی آپکو نہیں لگتا ،،،،،، کہ بچے گھر میں اکیلے ہیں ،،،،، اور کبھی بھی کسی بھی وقت کسی بھی چیز کی ضرورت پڑ سکتی ہے ۔۔۔۔۔تو ہمیں انکے پاس ہونا چاہیے ۔۔۔۔۔۔

کونسے بچے ؟؟؟

وہ جو اسکے نرم لمس میں کھویا ہوا تھا ،،،،، اسکی بات پر حیران ہوتے تعجب سے بولا ۔۔۔۔۔۔

مان حجاب کی بات کر رہی ہوں ۔۔۔۔۔۔

وہ اپنی مسکراہٹ دباتے بولی ۔۔۔۔۔

سیریسلی روباب ،،،،،،

آپ جسے بچہ کہہ رہی ہیں وہ آپ سے بھی سات سال بڑا ہے ،،،،، اور حجاب بھی آپکی ہی ہم عمر ہیں ،،،،،، بھولیں مت آپ دونوں ٹونز ہیں ۔۔۔۔۔۔

اس لیے وہ اپنا خیال اچھے سے رکھ سکتے ہیں اس لیے آپ تھوڑا اپنے اس مظلوم شوہر پر دھیان دیں لیں ۔۔۔۔۔۔

وہ تو اسکی بات پر جل ہی گیا تھا اس لیے تپ کر بولا ۔۔۔۔۔۔

پھر بھی ،،،،،،،،

اس سے پہلے کہ وہ اپنا جملہ مکمل کرتی وہ اسکے لبوں پر جھکتا باقی کے الفاظ چن گیا ۔۔۔۔۔۔۔

جبکہ وہ اس کے لمس کی نرمی کو محسوس کرتی اسکی گردن میں اپنی بازوؤں کا ہار ڈالتی خود بھی اسکی شدتوں میں شامل ہو گئی ۔۔۔۔۔۔

جس پر وہ مسرور ہوتا اس گداز روئی جیسے وجود کو خود میں سمیٹ گیا ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حجاب کھانا بنا کر ٹیبل سیٹ کرتی جب اسے بلانے کیلئے جانے لگی تو وہ اسے سیڑھیوں سے نیچے آتا دکھائی دیا ۔۔۔۔۔۔

جس پر وہ مسکرا کر ابھی کچھ بولتی جب وہ اسے نظرانداز کرتے ہوئے خود ہی جا کر ٹیبل پر بیٹھتے کھانا اپنی پلیٹ میں نکال کر کھانے لگا ۔۔۔۔۔۔

جبکہ وہ اسکے رویے سے اب پریشان ہو گئی تھی ۔۔۔۔۔۔

اس لیے اسکے قریب آ کر نرمی سے پوچھنے لگی ۔۔۔۔۔

کیا ہوا مان سب ٹھیک ہے ؟؟؟

جی سب ٹھیک ہے ۔۔۔۔۔

اس کے مختصر سوال پر مختصر ہی جواب آیا تھا ۔۔۔۔۔۔

جبکہ وہ بری طرح اپنے کھانے کی متوجہ تھا ۔۔۔۔۔۔

یہ بات حجاب کو محسوس تو بہت ہوئی لیکن پھر سر جھٹکتے ہوئے اسکی طرف کباب کی پلیٹ بڑھا گئی ۔۔۔۔۔۔۔

یہ میں نے فرسٹ ٹائم بناے ہیں ۔۔۔۔۔زرا چکھ کر بتائیں کیسے بنے ہیں ۔۔۔۔۔

جس پر وہ اس پر ایک خاموش نظر ڈالتا ایک کباب فوک سے اٹھا کر اپنی پلیٹ میں رکھ کر خاموشی سے کھانے لگا ۔۔۔۔۔۔۔

آپ نے بتایا نہیں کیسے بنے ہیں ؟؟؟

ہممم ” اچھے ہیں ۔۔۔۔۔۔اس پر بنا نظر ڈالیں اسکی بات کا جواب دیتے انہماک سے اپنا کھانا مکمل کرنے لگا ۔۔۔۔۔۔

جبکہ اس کی بے رخی پر اب اسکی شفاف آنکھوں میں آنسو جھلملانے لگے تھے ۔۔۔۔۔۔۔

لیکن وہ خاموشی سے اپنا کھانا مکمل کرتے بنا اس پر کوئی بھی دھیان دیئے دوبارہ کمرے کی طرف بڑھ گیا ۔۔۔۔۔۔۔

جب کہ حجاب کے آنسو ٹپ ٹپ اسکی آنکھوں سے ٹیبل پر گرنے لگے تھے ۔۔۔۔۔

لیکن اسے وہاں خاموش کروانے والا وہاں کوئی نہیں تھا ۔۔۔۔۔۔

کیونکہ جو اسکی ایک بوند آنسو پر تڑپ جایا کرتا تھا ،،،،،،، آج خود بے رحم بن کر اس سے لاپرواہی برتتے روٹھ گیا تھا ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بہت سارا رو لینے کے بعد اپنے دل کو اچھے سے ہلکا کرکے وہ اس کیلئے چائے بنا کر کمرے کی طرف بڑھی تھی ۔۔۔۔۔۔۔

لیکن جب وہ کمرے میں پہنچی تو خالی کمرہ اسے منہ چڑا رہا تھا ۔۔۔۔۔

لیکن پھر آس پاس غور سے دیکھنے پر اسے بالکنی کا دروازہ کھلا نظر آیا تھا ۔۔۔۔۔

وہ چائے کو ٹیبل پر رکھتی اسکی کی طرف بڑھی ،،،،،لیکن بنا کوئی گرم کپڑا لیے جب وہ بالکنی میں آئی ،،،،،، سوات کی اس ٹھٹھرا دینی والی سردی سے اسکے دانت بجنے لگے ۔۔۔۔۔۔

مان آپ اتنی سردی میں باہر کیوں کھڑیں ہیں ۔۔۔۔۔پلیز اندر آ جائیں آپکو سردی لگ جائے گی ۔۔۔۔۔۔۔

وہ دروازے پر ہی رکتی اسے بلانے لگی ،،،،،،جو ٹروزر شرٹ میں ملبوس بنا کوئی گرم کپڑا لیے کھڑا تھا ۔۔۔۔۔۔۔

میں ٹھیک ہوں حجاب آپکو میری فکر کرنے کی ضرورت نہیں ۔۔۔۔آپ جا کر سو جائیں ،،،،،، جب میرا دل کرے گا میں کمرے آ جاؤں گا ۔۔۔۔۔۔

جبکہ اسکے جواب پر حجاب کی آنکھوں میں ایک بار پھر نمی اترنے لگی تھی ۔۔۔۔۔۔

لیکن پھر وہ خود کو رونے سے باز رکھتی اسکی طرف بڑھی جو پتا نہیں کس بات پر روٹھ کر اس سے منہ موڑے کھڑا تھا ۔۔۔۔۔۔۔

سوری ” اگر آپکو میری کسی بات کا برا لگا ہو ۔۔۔۔۔۔پلیز مان مجھ سے یوں ناراض مت ہو ،،،،،،،، آپکو پتا ہے میں آپکے بغیر ایک پل نہیں رہ سکتی ۔۔۔۔۔۔

آپ کے ایسے روٹھنے سے میری سانسیں رکنے لگتی ہیں ۔۔۔۔۔

وہ پیچھے سے اسکی کمر کے گرد اپنی نازک بازوؤں کا حصار کھینچتی اسکی پشت پر چہرہ ٹکاتے اسے مناتے ہوئے بولی ۔۔۔۔

جبکہ لہجہ بھیگا ہوا تھا ۔۔۔۔۔۔

لیکن شاید وہ اتنی جلدی ماننے کا ارادہ نہیں رکھتا تھا ،،،،،، اس لیے اپنے آگے بندھے ہوئے اسکے ہاتھ کھولنے لگا ،،،،،،، جسے محسوس کرکے وہ اپنی پکڑ اور مظبوط کر گئی ۔۔۔۔۔۔

پلیزززز نہیں ،،،،،،،

جس پر وہ ہلکا سا مسکرایا تھا لیکن اس پر ظاہر نہیں ہونے دیا ۔۔۔۔۔۔۔

نہیں اب بھی کیوں آئی ہیں میرے پاس اب بھی جا کر کھانا بنائیں ۔۔۔۔۔۔

وہ سخت لہجے میں بولا ۔۔۔۔۔۔

مان یہ بھی کوئی روٹھنے والی بات ہے جس پر آپ خفا ہو کر بیٹھے ہیں ۔۔۔۔۔۔

وہ اسکے سخت لہجے پر گھبرائی ضرور تھی ۔۔۔۔۔لیکن پھر اسکی بات کرنے پر دل کو مظبوط کرتی نرمی سے گویا ہوئی ۔۔۔۔۔۔

جب یکدم ہی پلٹ اس نے حجاب کو بالوں سے پکڑتے قریب کھینچا تھا ۔۔۔۔۔۔

حجاب میں آپکو آج ایک بات کلیئرلی بتا دینا چاہتا ہوں کہ ،،،،،، آپ کسی بات یا پھر چیز کو اہمیت دیتے ہوئے مجھے نظرانداز کریں ،،،،،،، یہ مجھے قطع برداشت نہیں ہے ۔۔۔۔۔۔

اس لیے اس بات کو اچھی طرح اپنے دماغ میں بٹھا لیں کے آپ کیلئے سب سے زیادہ ضروری صرف اور صرف میری ذات ہونی چاہیے ۔۔۔۔۔۔

وہ اسکی آنکھوں میں آنکھیں ڈالتا اسے باور کراتے بولا ۔۔۔۔۔اور پھر دھیرے سے اسکے بالوں کو چھوڑتا کمرے کی طرف بڑھ گیا ۔۔۔۔۔۔

جبکہ وہ اسکی باتوں پر شوکڈ ہوتی اب بھی وہیں سٹل کھڑی تھی ۔۔۔۔۔۔

ایسا نہیں تھا اسکی پکڑ بہت مظبوط تھی یا پھر اسے کوئی تکلیف پہنچی تھی ۔۔۔۔۔۔

بس اس کے لب و لہجے اور پازیزیونس پر حیران تھی ۔۔۔۔کیونکہ مان کا یہ روپ اس نے پہلی بار دیکھا تھا ۔۔۔۔۔

پھر اسکی باتوں پر مسکراتے ہوئے اسکی پیچھے ہی کمرے میں آ گئی ۔۔۔۔۔

یہاں ہیٹر کی گرمی سے اسے تھوڑا سکون محسوس ہوا تھا ۔۔۔۔۔

وہ بالکنی کا دروازہ اچھے سے بند کرتی اسکی طرف دیکھنے لگی جو اب بیڈ پر براجمان ہو چکا تھا ۔۔۔۔۔

چہرے پر ایک بازو رکھ کر اسے کور کیا ہوا تھا ۔۔۔۔۔۔

جبکہ سائڈ ٹیبل پر چائے ویسی کی ویسی پڑی ٹھنڈی ہو چکی تھی ۔۔۔۔

جسے دیکھتے وہ نفی میں سر ہلا گئی ۔۔۔۔۔۔

مان “

اسکے قریب بیڈ پر بیٹھتے نرمی سے پکارا ۔۔۔۔۔۔

لیکن جواب ندارد ۔۔۔۔۔۔

اچھا سوری نا میں آئندہ ایسا نہیں کروں گی پلیز مان جائیں ۔۔۔۔۔

اب کے وہ التجائی لہجے میں بولی ۔۔۔۔۔

پلیزززززز “

جبکہ اسکے اتنے لمبے پلیز پر اس نے دھیرے سے اپنی آنکھوں سے ہاتھ ہٹایا تھا ۔۔۔۔۔۔

ایسے نہیں مانوں گا پہلے وعدہ کریں ۔۔۔۔۔۔

ٹھیک ہے وعدہ کرتی ہوں ،،،،،، پلیز اب تو مان جائیں ۔۔۔۔۔۔

اچھا ٹھیک ہے آپ مجھے منانا چاہتی ہیں تو ڈریسنگ کی الماری میں ایک ڈریس پڑا ہے ۔۔۔۔۔۔

اسے بنا کوئی چوں چراں کیے پہن کر آئیں پھر ملے گی آپکو معافی ۔۔۔۔۔

جس پر وہ بلا سوال جواب کے اٹھ کر ڈریسنگ کی طرف بڑھ گئی تھی ۔۔۔۔۔کیونکہ فلحال اس کیلئے مان کو منانا سب سے زیادہ ضروری تھا ۔۔۔۔۔

جس کیلئے وہ کچھ بھی کر سکتی تھی ۔۔۔۔۔۔

جبکہ اس کے پیچھے وہ دلکشی سے مسکرا تھا ۔۔۔۔۔۔

اس نے جذبات میں آ کر یہ ڈریس پہن تو لیا تھا ،،،،،،، لیکن اب ایسے باہر جاتے ہوئے اسے شرم آ رہی تھی ۔۔۔۔۔۔

جبکہ اب تو کھڑے کھڑے اسکے پاؤں بھی شل ہونے لگے تھے ۔۔۔۔۔

لیکن کمرے میں جانے کی ہمت خود میں ناپید پاتی تھی ۔۔۔۔۔۔۔

حجاب کیا ہوا کہیں ڈریسنگ میں ہی تو نہیں سو گئی ،،،،،،، مان باہر سے ہی اس کی پتلی ہوئی حالت کا اندازہ لگاتے ۔۔۔۔۔۔

اپنی مسکراہٹ دبا کر سنجیدہ لہجے میں بولا ۔۔۔۔۔۔

حجاب نے ایک بار اپنے ڈریس کی طرف دیکھا جہاں آستین تو سرے سے ہی غائب تھیں اور اگلا گلا اتنا گہرا کہ جسے دیکھتی وہ خود ہی شرم سے چہرہ جھکا گئی ۔۔۔۔۔۔گھٹنے سے تھوڑی نیچے آتی نائٹی میں وہ مان کے سامنے جانے کا سوچتے ہی پسینے سے پوری شرابور ہو گئی تھی

حجاب !!

لیکن پھر اسکے دوبارہ پکارنے پر مرتے کیا نا کرتے کے مترادف چھوٹے چھوٹے قدم اٹھاتی باہر تو آ گئی لیکن اس کے پاس جانے کی ہمت کہاں سے لاتی اس لیے وہیں اسکے دروازے ساتھ جم کر کھڑی ہو گئی ۔۔۔۔۔۔

ادھر میرے پاس آئیں حجاب ،،،،،،،

ایک نظر اسکی طرف دیکھتے جس نے اپنے دوپٹے سے خود کو پوری کور کر رکھا تھا ،،،،،، لیکن پھر بھی اس میں سے اسکی رعنائیاں صاف نظر آ رہی تھیں ۔۔۔۔۔ اس نے اپنا ہاتھ آگے کرکے نرمی سے بولایا تھا ۔۔۔۔۔۔

لیکن وہ اپنی جگہ سے ایک انچ تک نہیں ہلی ۔۔۔۔۔۔

آخر وہ خود ہی اٹھ کر اسکے قریب گیا ،،،،،،، اور دھیرے سے اسکے ہاتھ کو تھامتے اسی دروازے سے پن کرتے تھوڑا اسکے قریب ہوا ۔۔۔۔۔۔

جس سے اسکی گرم سانسیں اسکے چہرے پر پڑتے اسے سلگانے لگی تھیں ۔۔۔۔۔۔

یکدم اسکے چہرے پر ٹوٹ کر گلال بکھرا تھا ۔۔۔۔۔۔

جسے دیکھتے وہ ہلکا سا جھکا اور اسکے دہکتے گالوں پر اپنا نرم گرم لمس چھوڑ گیا ۔۔۔۔۔۔

مان “

اس نے تڑپ کر اسے پکارا ،،،،،،،، وہ جو چہرے سے ہوتے اس کی گردن سے دوپٹے کو الگ کرتے اپنی محبت کے پھول کھلا رہا تھا رک کر اسکی طرف دیکھنے لگا۔۔۔۔۔۔

و ،،،،،،، وہ میں کہہ رہی تھی ،،،،،،،

کیا ؟؟؟

بھائی لوگ وغیرہ نہیں آئے ،،،،،،، اب تو کافی دیر ہو گئی ہے ۔۔۔۔۔۔

وہ اسکا دھیان بھٹکانے کیلئے اسکی کی توجہ غنی والوں کی طرف کراتی نا محسوس انداز میں اپنا دوپٹہ سیٹ کرنے لگی ۔۔۔۔۔۔

جس پر وہ دھیرے سے مسکرایا ۔۔۔۔۔۔

وہ آج نہیں آئیں ،،،،،،، وہ اتنا کہتے جھک کر اسے بانہوں میں اٹھاتے بیڈ کی طرف بڑھا ۔۔۔۔۔۔

لیکن کیوں ؟؟؟

وہ اپنا حلق تر کرتے ہوئے خشک لبوں پر زبان پھیرتی دبے لہجے میں بولی ۔۔۔۔۔۔۔

کیونکہ آج بھائی نے انکے کیلئے سپیشل سرپرائز پلین کیا تھا ،،،،،،،، آج کی رات وہ لوگ وہی گزارے گے ۔۔۔۔۔۔

اسے بیڈ پر اتارتے ہوئے اسے اپنے حصار میں لیتا نرم لہجے میں بولا ۔۔۔۔۔۔

آپکو پہلے سے پتا تھا اس بارے میں ؟؟؟

ہممم !!

وہ جو اسکے نرم وجود میں کھونے لگا صرف اتنا کہنے پر ہی اتفاق کیا ۔۔۔۔۔

پھر آپ نے مجھے پہلے ،،،،،،،

ابھی تھوڑی دیر پہلے ہماری کیا بات ہوئی تھی ،،،،،،، اس سے پہلے کہ وہ اپنا جملہ مکمل کرتی وہ اسکے لبوں پر انگلی رکھتے تھوڑا سخت لہجے میں بولا ۔۔۔۔۔۔

مان میں تو بس ،،،،،،

بس وس کچھ نہیں آپ بتا دیں کہ آپکی نظر میں میری بات کی کوئی ویلیو ہے یا نہیں ۔۔۔۔۔

وہ اسکی آنکھوں میں دیکھتے اب کے غصے سے بولا ۔۔۔۔۔۔اور ساتھ ہی اٹھ کر وہاں سے جانے لگا تھا جب اس نے فورا اٹھتے اسکے گلے میں اپنے بازوؤں کا ہار ڈالا ۔۔۔۔۔۔

اچھا سوری دوبارہ ایسا نہیں ہوگا ۔۔۔۔۔۔

وہ اسکے ہی دونوں کان پکڑ کر مسکراتے گویا ہوئی ۔۔۔۔۔۔

جس پر وہ ایک پل کیلئے رک اسکے چہرے طرف دیکھتا ،،،،،، اچانک اسکے لبوں پر جھکا ۔۔۔۔۔۔۔

اور اسکے لمس میں اس قدر شدت تھی کہ وہ بری طرح گھبرا گئی ۔۔۔۔۔۔

اس بار تو اس نے اسکی بگڑتی حالت کا احساس بھی نہیں کیا بلکہ اچھی طرح اپنی من مرضی کرنے کے بعد ہی پیچھے ہٹا ۔۔۔۔۔۔

حجاب نے آنکھوں میں شکوہ لیے اسکی طرف دیکھا تھا ۔۔۔۔۔

جسکا وہ بنا اثر لیے اسے دوبارہ بیڈ پر ڈالتا اس پر گھنی گھٹا کی طرح چھا گیا ۔۔۔۔۔۔

حجاب میرا آج خود پر بس نہیں ہے اس لیے آپکو آج تھوڑا برداشت کرنا ہوگا ۔۔۔۔۔۔

اسکی گردن میں گہرا سانس کھینچتے وہ گمبھیرتا سے بولا ۔۔۔۔۔۔

مان”

جبکہ اسکی بڑھتی شدتوں پر حجاب کی آنکھوں میں آنسو آ گئے تھے ۔۔۔۔۔۔

جس کے چلتے وہ ایک بار پھر اسے پکار گئی ۔۔۔۔۔۔جسے سنتے وہ اسکی گردن سے چہرہ اٹھاتا اسکی پلکوں سے آنسوؤں کو چنتا اسکے کانپتے لبوں کو اپنی نرم گرفت میں لیتے اسے دنیا بھولا گیا ۔۔۔۔۔۔۔

جبکہ ان کے خوبصورت پاکیزہ ملن پر سوات کی یک بستہ فضاؤں میں محبت رقص کرنے لگی تھی ۔۔۔۔۔۔

جس پر دور کھڑی قسمت استہزائیہ مسکرائی تھی ۔۔۔۔۔۔