Tere Sang Yaara by Wafa Shah NovelR50537 Tere Sang Yaara (Episode 26)

Tere Sang Yaara by Wafa Shah

وہ جب آفس سے گھر پہنچا تو جو خبر روباب بھابھی نے اسے سنائی ایسا لگا کہ اللہ تعالٰی نے دنیا کی تمام خوشیاں اسکی جھولی میں ڈال دی ہو ۔۔۔۔۔۔

اس نے خوشی سے جھومتے روباب کو بری طرح سے گھما دیا ۔۔۔۔جس کی وجہ سے اسے اپنی آنکھوں کے آگے دن میں بھی تارے ناچتے ہوئے نظر آئے ۔۔۔

بس کر دیں مان مجھے چکر آ رہے ہیں اب ،،،، اسکی بات پر ہنستے ہوئے اس نے اسے چھوڑ دیا تھا ۔۔۔۔ہم آپکو بتا نہیں سکتے کہ آج ہم کتنے خوش ہیں ،،،،،،

تو پھر جس نے آپکو یہ خوشی دی ہے اسے مبارکباد نہیں دے گے ،،، وہ مسکراتے ہوئے بولی تھی ۔۔۔۔

دیں گے نا پہلے انکی بہن کو تو دے لیں ،،،، آپ کو بہت بہت مبارک ہو ،،، ویسے آپ ہمیں یہ خوشخبری کب سنا رہی ہیں اس نے خوشی سے اسے مبارکباد دیتے ہوئے اینڈ میں شرارت سے کہا ۔۔۔۔۔

جس پر وہ بری طرح بلش کر گئی ،،،، ارے آپ تو شرما رہی ہیں چلیں ہم بھیا سے پوچھ لیں گے ،،،،، ماااان جبکہ اسکی بات پر وہ شرماتے ہوئے زور سے چلائی تھی ۔۔۔۔۔

جس پر اس نے جاندار قہقہ لگایا تھا ،،،، اچھا ویسے وہ ہیں کہاں ذرا انہیں بھی مبارکباد دے دیں ۔۔۔۔۔۔

میں یہاں ہوں برخوردار “

بہت بہت مبارک ہو تمہیں ۔۔۔۔۔۔ وہ اس کے چمکتے چہرے کو دیکھتے مسکراتے بولا تھا ۔۔۔۔۔۔

آپکو بھی بہت مبارک ہو ۔۔۔۔

وہ آگے بڑھ کر اسکے سینے سے لگتا خوشی سے گویا ہوا ۔۔۔۔۔

جس پر اس نے اسکی پیٹھ تھپتھپائی تھی ۔۔۔۔۔۔۔

بھائی ماما بابا کو پتا ہے ۔۔۔۔۔۔

جی انہیں پتا ہے اور وہ بہت خوش ہیں ،،،،،،، بلکہ تمہارا انتظار کر رہے تھے ۔۔۔۔۔

ٹھیک ہے میں پہلے ان سے مل لیتا ہوں ۔۔۔۔۔۔

اس کی بات کے جواب میں کہتا وہ مسکراتا ہوا اپنے ماں باپ کے کمرے کی طرف بڑھ گیا تھا ۔۔۔۔۔۔

جبکہ پیچھے غنی کے چہرے پر آسودہ سی مسکراہٹ تھی ۔۔۔۔۔۔

جب روباب اس کے پاس آئی تھی ۔۔۔۔۔

کتنا خوش ہے نا مان اللہ پاک ہمیشہ ان دونوں کو ایسے ہی ہنستے مسکراتے رکھے ۔۔۔۔۔

وہ اس کی طرف دیکھتی دل سے بولی تھی ۔۔۔۔۔۔

جس پر اس نے آمین بولا تھا ۔۔۔۔۔۔

اور اس سے پہلے کہ وہ پلٹ کر کچن میں جاتی غنی نے اسے اپنے حصار میں لیا تھا ۔۔۔۔۔

جبکہ اس اچانک رونما ہونے والی افتاد پر وہ حیران نظروں سے اسکے چہرے کی طرف دیکھنے لگی ۔۔۔۔۔۔

رکیے ڈیئر وائفی جا کہاں رہی ہیں پہلے مجھے یہ تو بتا دیں آپ کب سنا رہی ہیں ہمیں ایسی خوشخبری ؟؟؟؟؟؟

وہ اسکے کان کے قریب جھکتا گمبھیرتا سے بولا تھا ۔۔۔۔

جس پر وہ پل میں سرخ ہوئی تھی ،،،،،، جبکہ وہ اسکے چہرے کے بدلتے رنگوں کو دیکھتا محظوظ ہوتا اسکی چھوٹی ستواں ناک کو ہونٹوں سے چھو گیا ۔۔۔۔۔

جس پر وہ مسکرائی تھی ۔۔۔۔۔

جب اللہ تعالٰی کی مرضی ہوگی وہ آپکو بھی اس نعمت سے نواز دیں گے ۔۔۔۔۔

وہ اسکے کوٹ کے بٹنوں سے کھیلتی ہوئی شرمائے ہوئے لہجے میں بولی تھی ۔۔۔۔۔

جس پر وہ اسے چاہت لٹاتی نظروں سے دیکھنے لگا تھا ۔۔۔۔۔

اور اسکی وارفتگی لٹاتی نظروں سے بچنے کیلئے روباب نے اس کے کشادہ سینے میں پناہ ڈھونڈی تھی ۔۔۔۔۔

جس پر وہ ہنستا ہوا اسکے گرد حصار کو اور تنگ کرتا سر پر اپنے ہونٹ رکھ گیا ۔۔۔۔۔۔

انہیں سوات سے آئے دو ماہ ہو چکے تھے ،،،،،، اور وہ دونوں بھائی اپنی اپنی شریک حیات کے ساتھ خوشحال زندگی گزار رہے تھے ۔۔۔۔۔۔

اور اس آنے والی خوشخبری نے انکی خوشیوں میں چار چاند لگا دیئے تھے ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ جب اپنے ماں باپ سے مل کر اور انکی دعائیں لے کر کمرے میں پہنچا،،،،،،، حجاب بیڈ پر بیٹھی ہوئی تھی ۔۔۔۔۔۔

جبکہ اسکے ہاتھ میں ایک فوٹو فریم تھا ،،،،،، جس پر وہ محبت سے ہاتھ پھیر رہی تھی ۔۔۔۔۔

جبکہ اسکی آنکھوں میں ہلکی سی نمی تھی جسے دیکھتے مان نے نفی میں سر ہلایا تھا ۔۔۔۔۔

کیا ہو رہا ہے بیگم وہ ہنستا ہوا اسکے قریب ہی بیڈ پر براجمان ہوتے ہلکے پھلکے لہجے میں بولا تھا ۔۔۔۔۔۔

کچھ نہیں بس وہ میں ماما بابا ،،،،،، وہ اتنا کہتے ہی روتے ہوئے اس کے کندھے پر سر ٹکا کر رونے لگے تھی ۔۔۔۔۔۔

جب مان نے بھی اس کے گرد اپنا حصار کھینچتے فوٹو میں موجود ہنستے مسکراتے چہروں کو دیکھا تھا ۔۔۔۔۔

جو اپنے ہاتھوں میں ان دونوں کو اٹھائے مسکرا رہے تھے جبکہ ان دونوں کے درمیان گیارہ بارہ سال کا ایک بچہ کھڑا تھا ۔۔۔۔۔۔

جس کے چہرے کے زاویے بگڑے ہوئے تھے ۔۔۔۔۔

اور کہیں سے بھی اس فیملی کا حصہ نہیں لگ رہا تھا ۔۔۔۔۔

لیکن اسکے باوجود بھی وہ وہاں موجود تھا ۔۔۔۔۔ مطلب وہ ان سب کیلئے بہت اہم تھا ۔۔۔۔۔۔

چاچا چاچی کی یاد آ رہی ہے ۔۔۔۔۔۔

وہ اسکے ہاتھ سے فریم لے کر اسے سائڈ ٹیبل پر رکھتا محبت سے گویا ہوا تھا ۔۔۔۔

جس پر وہ معصومیت سے ہاں میں سر ہلا گئی تھی ۔۔۔۔۔

جبکہ اسکی آنکھوں سے بہنے والے آنسوؤں کو وہ نیچے گرنے سے پہلے ہی اپنے ہونٹوں سے چن گیا تھا ۔۔۔۔۔۔

جس سے حجاب کے چہرے پر ٹوٹ کر لالی بکھری تھی ۔۔۔۔۔

تو جانا آپکو چاہیے کہ ان کیلئے کچھ پڑھ کر دعائے مغفرت کریں ناکہ ایسے رو کر انکی روح کو اور تکلیف پہنچائے ۔۔۔۔۔

سمجھ رہی ہیں میں کیا کہنا چاہتا ہوں ۔۔۔۔۔

وہ اسکے معصوم چہرے کو اپنے ہاتھوں کے پیالے میں لیتے مسکرا کر بولا تھا ۔۔۔۔۔

جس کے بدلے میں وہ ہاں میں سر ہلاتی دلکشی سے مسکرائی تھی ۔۔۔۔۔

جسے دیکھتے مان کے دل کو سکون ڈھیروں سکون پہنچا تھا ۔۔۔۔۔

اچھا آپ کچھ بھول تو نہیں رہی ۔۔۔۔۔

مطلب کیا ،،،،، اسکی بات پر وہ اس سے الگ ہوتی سوال گو ہوئی تھی ۔۔۔۔۔

جیسے کے آپ مجھے کچھ بہت خاص بتانا چاہتی ہو ۔۔۔۔۔

اب کہ اسکی بات پر حجاب کے دماغ میں کلک ہوا تھا جس سے بےساختہ اسکے چہرے شرمیلی مسکراہٹ آئی تھی ۔۔۔۔۔

لیکن پھر اسے تھوڑا تنگ کرنے کی نیت سے لب دانتوں تلے دبا کر چھپا گئی ۔۔۔۔۔۔اور جب بولی تو لہجہ تجسس لیے ہوا تھا ۔۔۔۔۔

نہیں ایسی کوئی بات نہیں ہے ۔۔۔۔ میں نے آپ کو کچھ خاص بتانا تھا کیا ؟؟؟؟؟

جس پر وہ جی بھر کر حیران ہوا تھا ۔۔۔۔۔

آپکو سچ میں نہیں یاد ؟؟؟؟؟ وہ چاہ کر بھی اپنی حیرت پر قابو نہیں پایا تھا ۔۔۔۔۔۔

نہیں تو

وہ دوبدو بولی تھی ۔۔۔۔۔

لیکن اس بار اسکی آواز میں ہلکی سی ہنسی کی رمک تھی ۔۔۔۔۔

جسے بھانپ کر وہ اسکی شرارت سمجھ گیا تھا ۔۔۔۔۔اور پھر اسے تنگ کرنے کی نیت سے تھوڑا اسکے قریب ہوا تھا ۔۔۔۔۔۔

سوچ لیں ایک بار ۔۔۔۔۔اسکے کان پر لب رکھتا گمبھیرتا سے بولا تھا ۔۔۔۔۔

جس سے اسکی گرم سانسیں اسکے چہرے پر پڑ کر حجاب کو جھلسانے لگی تھیں ۔۔۔۔۔

جس پر وہ نفی میں سر ہلاتی کسمسا کر اسکے حصار سے نکلنے کی کوشش کرنے لگی ،،،،،،لیکن مان کی سخت گرفت نے اسے ناکام بنا دیا تھا ۔۔۔۔۔

اور وہ تھوڑا اور اسکی طرف جھکا تھا جس سے وہ بیڈ پر گرنے کے انداز سے لیٹ گئی تھی ۔۔۔۔۔اور مان نے اسکے دائیں بائیں ہاتھ رکھتے اسکی فرار کی تمام راہیں مسدود کر دی ۔۔۔۔۔

اب بھی نہیں ۔۔۔۔۔

وہ اسکے چہرے پر جھکتا ہوا بولا تھا ۔۔۔۔۔۔

آ گیا یاد آ گیا وہ اسکے تیوروں سے گھبراتی ہوئی فورا بولی تھی ۔۔۔۔

جس پر مان نے لب دبا کر اپنی ہنسی کو چھپایا تھا ۔۔۔۔۔۔

آپ تھوڑا پیچھے ہو پھر بتاتی ہوں ۔۔۔۔۔۔ جس پر اس نے نفی میں سر ہلایا تھا ۔۔۔۔۔

مان پلیزززز “

لیکن پھر اس کی التجا پر دھیرے سے پیچھے ہٹا تھا ۔۔۔۔لیکن اب بھی وہ اسکے حصار میں پوری طرح قید تھی ۔۔۔۔۔

وہ آپ ،،،،،، وہ آپ ،،،،،، اتنے کہتے وہ رک کر اسکے چہرے کی طرف دیکھنے لگی ۔۔۔۔

وہ کیا میں ؟؟؟؟؟

وہ آپ ،،،،،، اتنا بولتے وہ ایک بار پھر سے رک گئی ۔۔۔۔۔

کیا وہ آپ وہ آپ لگا رکھی ہے آگے بھی تو کچھ بولو ۔۔۔۔۔وہ اسکے یوں رک رک کر بولنے پر اب کہ جھنجھلا کر بولا تھا ۔۔۔۔۔

مجھے نہیں پتا آپکو پتا ہے نا پھر کیوں مجھے تنگ کر رہیں ہیں ۔۔۔۔۔۔

اسکی بات کے جواب میں وہ غصے سے بولی تھی ۔۔۔۔۔

ہاں مجھے پتا ہے لیکن میں تمہارے منہ سے سننا چاہتا ہوں ۔۔۔۔۔۔

وہ اسکے چہرے کے گرد جھولتی لٹ کو اسکے کان کے پیچھے اڑستے اس بار محبت سے بولا تھا ۔۔۔۔۔

جس پر حجاب نے برا سا منہ بنایا تھا

جبکہ مان نے اسے وارفتگی بڑھی نظروں سے دیکھا تھا ۔۔۔۔۔

وہ آپ ،،،،،، حجااااب

وہ آپ بابا بننے والے ہیں ۔۔۔۔۔اتنا کہتے ہی وہ شرم سے اپنا چہرہ اپنے دونوں ہاتھوں میں چھپا گئی تھی ۔۔۔۔۔

جبکہ اس کے یوں شرمانے پر مان نے زندگی سے بھرپور قہقہ لگایا تھا ۔۔۔۔۔۔

اور اسکے چہرے پر سے دونوں ہاتھوں کو ہٹاتا وہ جابجا اپنی محبت کے پھول بکھیرنے لگا تھا ۔۔۔۔۔۔

جس سے اسکے گلابی گال تپ کر لال قندھاری ہوئے تھے ۔۔۔۔۔

بہت برے ہیں آپ پیچھے ہٹیں مجھے آپ سے بات نہیں کرنی ۔۔۔۔۔

وہ اسکی بڑھتی شدت کو محسوس کرتی منصوعی غصے سے بولی تھی ۔۔۔۔۔۔

اب یہ ناممکن ہی جان مان “

آپ نے مجھے آج اتنی بڑی خوشی دی ہے ۔۔۔۔۔۔ کہ میں آپکو بتا نہیں سکتا کہ میں آج کتنا خوش ہوں ۔۔۔۔۔

ایسا لگ رہا ہے جیسے میری زندگی مکمل ہو گئی ہو ۔۔۔۔

جس کیلئے میں اپنے رب کا جتنا بھی شکر ادا کروں اتنا ہی کم ہے ۔۔۔۔۔

اور میں اپنی یہ خوشی آپ کی سانسوں میں اتر کر منانا چاہتا ہوں ۔۔۔۔۔جس سے آج آپ بھی مجھے نہیں روک سکتی ۔۔۔۔۔

اتنا کہتے ہی وہ اسے اپنی محبت بھری گرفت میں لے گیا تھا ۔۔۔۔۔

جس سے اب رہائی نامکمن تھی ۔۔۔۔اور نا ہی حجاب اس حصار سے کبھی نکلنا چاہتی تھی ۔۔۔۔۔

اس لیے وہ بھی اپنی چاہت کا اظہار کرتی اسکے گلے میں اپنے بازوؤں کا ہار ڈال گئی ۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ششش !! خاموش ایک لفظ نہیں نکلنا چاہیے تمہارے منہ سے ورنہ میرے ہتھیار کو تمہارے گردن پر چلنے سے کوئی دقت نہیں ہوئی گی ۔۔۔۔۔۔

تم یہاں اکیلی کھڑی کر کیا رہی تھی ۔۔۔۔۔۔

وہ اسکی روئی روئی سرمئی آنکھوں میں دیکھتا درشتگی سے سوال گو ہوا ۔۔۔۔۔۔

جس سے زر کو اس سے ڈر کے ساتھ ساتھ اپنی بےبسی پر بھی غصہ آ رہا تھا ۔۔۔۔۔

کہ وہ چاہ کر بھی اس درندے کا مقابلہ نہیں کر سکتی تھی ۔۔۔۔۔۔

جس سے اسکے آنسوؤں میں کچھ اور روانی آئی تھی ۔۔۔۔۔

اب بول کیوں نہیں رہی منہ میں دہی جما لی ہے کیا ؟؟؟؟؟

اس کے جواب نا دینے اور مسلسل رونے پر اب کہ وہ اکتا کر بولا تھا ۔۔۔۔۔

جبکہ اس کے سوال پر زر نے غصے سے اپنی مٹھیاں بھینچی تھیں ۔۔۔۔۔۔

جی میں تو آیا کہ کہہ دے کمینے خود ہی تو منہ سے لفظ منا کیا ہے ،،،،، لیکن پھر اپنے لبوں پر چاقو کی تیز دھار کو محسوس کرتے خاموش رہنے میں ہی عافیت جانی تھی ۔۔۔۔۔

جبکہ اسکی نظروں کا مفہوم سمجھتے اس نے خود ہی چا*قو ہٹا لیا لیکن اپنی قید سے اسے آزاد نہیں کیا تھا ۔۔۔۔۔۔

بولو “

وہ میں ،،،،،، ا ،،،،اپنی ک ،،،،، کزن کا ،،،،، انتظار،،،،، کر رہی ،،،،،تھی ۔۔۔۔۔۔

جو ،،،،، واشروم ،،،،،،گئی ،،،،تھی ۔۔۔۔۔یقین ،،،،،، جانے ،،،،،، میں آپکا پیچھا نہیں ،،،،، کر رہ ،،،،،،،،

اس سے پہلے کہ ابھی وہ ٹوٹے پھوٹے لفظوں میں اپنا جملہ مکمل کرتی جب اس نے ایک بار پھر اس کے ہونٹوں پر چا*قو رکھ دیا تھا ۔۔۔۔۔

جس سے باقی کے الفاظ اسکے منہ میں ہی رہ گئے تھے ۔۔۔۔۔۔۔

تمہارے لیے اچھا بھی یہی ہے ۔۔۔۔۔۔

اور اسکے علاوہ ابھی جو کچھ تم دیکھا اس کا ذکر کسی سے بھی کیا یا اسکے بارے کسی کو بتانے کی کوشش بھی کی تو تمہارے ساتھ ساتھ تمہاری اس کزن کا کام تمام کرنے میں میں ایک منٹ نہیں لگاؤں گا ۔۔۔۔۔۔

جس کے ساتھ تم یہاں آئی ہو ۔۔۔۔۔

سمجھ رہی ہو نا میری بات ۔۔۔۔۔۔

وہ چا*قو کی تیز دھار ہلکے سے اسکے گلابی روئی جیسے گال پر پھیرتے ہوئے ۔۔۔۔۔۔

استہزائیہ بولا تھا ۔۔۔۔۔۔

جس سے زر کی بڑی بڑی آنکھیں خوف سے کچھ اور بڑی ہوتی پھٹ گئی تھیں ۔۔۔۔۔

جبکہ اسے اپنے قدموں سے جان بھی نکلتی ہوئی محسوس ہو رہی تھی ۔۔۔۔۔

اس کے الفاظ تو پہلے ہی اس کے لبوں سے نکلنے کو انکاری تھے اب تو دل بھی پتے کی طرح لرز رہا تھا ۔۔۔۔۔

جس کی وجہ سے وہ کانپتی ہوئی ۔۔۔۔۔

بس گردن کو اوپر نیچے ہلا گئی ۔۔۔۔۔۔

اسکی اتنی فرمانبرداری دیکھتے اس نقاب پوش کے لب ماسک کے اندر مسکرائے تھے ۔۔۔۔۔

جبکہ اسکے برعکس آنکھوں سے وحشت ٹپک رہی تھی ۔۔۔۔۔

گڈ گرل مجھے تم سے امید بھی یہی تھی ۔۔۔۔۔۔اب چپ چاپ جہاں سے آئی تھی وہی واپس چلی جاو ۔۔۔۔۔

وہ سپاٹ لہجے میں کہتا اسے اپنے حصار سے آزاد کر گیا ۔۔۔۔۔۔

جسے غنیمت جانتے ہوئے زر نے وہاں سے دوڑ لگائی تھی ۔۔۔۔۔

جب اس نقاب پوش کی نظر اپنے قدموں میں گرے اسکے بریسلٹ پر پڑی تھی ۔۔۔۔۔جسے اٹھا کر ایک نظر دیکھتے اس نے اپنی جیب میں رکھ لیا تھا ۔۔۔۔۔

اور پھر چوکنا سا آس پاس دیکھتا وہاں سے نکلتا چلا گیا ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ اپنا حلیہ درست کرتی واپس جا رہی تھی جب ابیہا اسے واپس آتی نظر آئی تھی ۔۔۔۔۔۔

وہ بھاگ کر اسکے گلے لگ گئی ۔۔۔۔۔ اس نے بمشکل خود کو رونے سے روکا تھا ۔۔۔۔۔۔

جبکہ اس کے برعکس ابیہا اسکے اس عمل سے کافی حیران ہوئی تھی ۔۔۔۔

کیا ہوا زر سب کچھ ٹھیک تو ہے ۔۔۔۔۔

وہ اس کے الگ ہوتے ہی پریشانی سے بولی تھی ۔۔۔۔۔۔ ہاں ،،،،،، ہاں سب کچھ ٹھیک ہے میں تو بس ویسے ہی چلو سب کے پاس چلتے ہیں ۔۔۔۔۔

لیکن مجھے تمہاری طبیعت ٹھیک نہیں لگ رہی ۔۔۔۔۔

نہیں بیا میں ٹھیک ہوں چلو سب کے پاس چلتے ہیں ۔۔۔۔۔۔

وہ اسکی بات کے جواب میں خود کو سنبھالتی اسے وہاں سے کھینچتے ہوئے لیجانے لگی ،،،،،، اور ان سب کے دوران وہ بار بار پیچھے مڑ کر بھی دیکھ رہی تھی ۔۔۔۔۔۔

کہ کہیں وہ درندہ پھر سے اسکے پیچھے نا آ جائے ۔۔۔۔۔۔

جسے ابیہا نے محسوس کر لیا تھا لیکن پھر اسکی حالت کو دیکھتے ہوئے کچھ بھی پوچھنے سے گزیر کیا تھا ۔۔۔۔۔۔

دوسری طرف ان لوگوں کی شاپنگ بھی مکمل ہو چکی تھی اور انکے آتے ہی سب گھر کیلئے روانہ ہوئے تھے ۔۔۔۔۔۔

جبکہ گھر پہنچتے ہی وہ سیدھا اپنے کمرے کی طرف بڑھ گئی تھی اور دروازہ بند کرتے ہی پھوٹ پھوٹ کر روتی اپنا ڈر کم کرنے کی کوشش کرنے لگی ۔۔۔۔

جس میں وہ بری طرح ناکام ہوئی تھی کیونکہ اسکا یہ ڈر وقت کے ساتھ کم ہونے کی بجائے بڑھ رہا تھا ۔۔۔۔۔

اسے اپنی آنکھوں کے سامنے ابھی بھی خو*ن میں لت پت لا*شیں نظر آ رہی تھی ۔۔۔۔۔۔

جس کا نتیجہ شدید بخار کی صورت میں نکلا تھا ۔۔۔۔۔۔

شام ہونے سے پہلے وہ بری طرح بخار میں پھونکتی اپنے ہوش و حواس مکمل کھو چکی تھی ۔۔۔۔۔۔۔