Tere Sang Yaara by Wafa Shah NovelR50537 Tere Sang Yaara (Episode 20)

Tere Sang Yaara by Wafa Shah

دادا سائیں کے کمرے سے نکلتے ہی زر نے ان کو دونوں دبوچ لیا تھا ۔۔۔۔۔۔

اور گھسیٹ کر اپنے کمرے میں لے گئی ۔۔۔۔۔۔ تاکہ انکی کلاس لے سکے اتنی بڑی بات چھپانے کیلئے ۔۔۔۔۔

کیونکہ اندر اب دوسرے معاملات طے ہو رہے تھے ۔۔۔۔۔تو لڑکیوں کے ساتھ زارون بھی باہر آ گیا تھا ۔۔۔۔۔

لیکن پھر ضروری کال آ جانے کی وجہ سے وہ انہیں جوائن کرنے کی بجائے اپنے کمرے کی طرف بڑھ گیا تھا ۔۔۔۔۔۔

اپنے کمرے میں لاتے ہی دروازے کو لاک کرتے اس نے ان دونوں پر پلوز کی برسات شروع کر دی تھی ۔۔۔۔۔۔

جس پر وہ ہنستے ہوئے اپنا بچاؤ کرتیں اسے رکنے کا بول رہی تھی ۔۔۔۔۔۔

لیکن زر کا غصہ کسی طور کم نہیں ہو رہا تھا ۔۔۔۔۔

تم لوگوں کی ہمت کیسی ہوئی مجھ سے اتنی بڑی بات چھپانے کی ۔۔۔۔۔

آج نہیں چھوڑوں گی ،،،،،، وہ بیڈ پر چڑھ کر ان دونوں کو پکڑنے کی کوشش کرتی جو دوسری طرف کھڑی تھیں غصے سے بولی ۔۔۔۔۔

یار ہمیں خود صبح پتا چلا ہے ۔۔۔۔۔ صبح جب دادا سائیں نے ہمیں اپنے کمرے میں بلایا تھا تب ذکر کیا تھا اس بات کا ہمیں نہیں پتا تھا کہ معاملات اتنی جلدی طے ہو جائیں گے ۔۔۔۔۔۔

یقین کرو ہمارا ہم بس تمہیں بتانے ہی والے تھے ۔۔۔۔۔۔

وہ دونوں اسے منانے کی کوشش کرتی عاجزی سے بولی تھیں ۔۔۔۔۔

نا تم لوگوں کو مجھے بتانے کی کیا ضرورت تھی اکٹھے شادی والے دن بتا دیتی ۔۔۔۔۔

وہ غصے سے منہ پھلا کر بیڈ پر بیٹھتے ہوئے پھولے سانسوں کے درمیان بولی ۔۔۔۔۔۔

کیونکہ وہ ان کے پیچھے بھاگ بھاگ کر اب تھک گئی تھی ۔۔۔۔۔

جبکہ اس کو تھک کر بیٹھتے دیکھ وہ مسکراتے ہوئے اسکے دائیں بائیں بیٹھتی اسے گلے لگا گئی ۔۔۔۔۔

جس پر وہ بھی اپنی ناراضگی ختم کرتے انہیں اپنے سینے میں بھینچ گئی ۔۔۔۔۔۔۔

یار میں بتا نہیں سکتی کہ میں تم لوگوں کیلئے کتنی خوش ہوں ۔۔۔۔۔

تم دونوں میری بھابھی بننے والی ہو ،،،،،، وہ ان سے الگ ہو کر ایکسائٹڈ سی بولی ۔۔۔۔۔

جس پر وہ دونوں سہی سے مسکرا بھی نہیں سکیں ۔۔۔۔۔۔

دیکھنا تم دونوں کی شادی پر میں ساری رسمیں ادا کروں گی ۔۔۔۔۔۔

ضارب لالا کی بہن بن کر اور واسم لالا کی سالی بن خوب لوٹنے والی ہوں میں انہیں ،،،،،، لیکن میں تم دونوں کو پہلے سے بتائے دے رہی ہوں۔۔۔۔۔

کہ وہ صرف میرے پیسے ہونگے ان میں سے تم دونوں کو ایک روپیہ بھی نہیں ملے گا ۔۔۔۔۔۔

وہ انہیں چڑاتے ہوئے بولی لیکن پھر ان دونوں کو خاموش دیکھ کر انکے چہرے کی طرف دیکھنے لگی یہاں ڈھونڈنے سے بھی کوئی خوشی کی رمک تک نہیں تھی ۔۔۔۔۔۔

کیا ہوا ہے تم لوگوں کو کیا تم لوگ خوش نہیں ہو اس رشتے سے ؟؟؟

نہیں ایسی بات نہیں ہے بس سب کچھ اتنی جلدی جلدی ہو رہا ہے نا تو دل ابھی ان سب کو قبول نہیں کر پا رہا ۔۔۔۔۔

اس کے سوال کے جواب میں ابیہا جبرا مسکراتے ہوئے بولی تھی ۔۔۔۔۔

اور ابرش تم ؟؟؟؟؟

میں کچھ ،،،، بھی نہیں ،،،،،

کیا تم خوش نہیں ہو ؟؟؟

جبکہ زر کے پوچھنے پر اب ابیہا بھی اسکی طرف متوجہ ہوئی تھی ۔۔۔۔۔

اپنی پریشانی میں وہ یہ تو بھول ہی گئی کہ ابرش کی شادی اس کے لالا کے ساتھ ہونے والی ہے ۔۔۔۔۔۔

اور وہ تو اس سے بھی چھوٹی تھی جب اسکا دل اتنی جلدی یہ تبدیلی قبول نہیں کر پا رہا تھا ،،،،، تو اسکی حالت کیسی ہوگی ۔۔۔۔۔

اور وہ تو ضارب سے ڈرتی بھی بہت تھی ،،،،، اسکے ڈر کے پیچھے وجہ کیا تھی وہ یہ تو نہیں جانتی تھی ،،،،،،

لیکن اسے اس بات کا یقین ضرور تھا کہ شادی کے بعد وہ سب کچھ اچھے سے سنبھال لیتا کیونکہ وہ اپنے لالا کی کیئرنگ نیچر سے اچھے سے واقف تھی ۔۔۔۔وہ جلد ہی اسے خود سے مانوس کر لیتے ۔۔۔۔۔

دیکھو چندا اگر آپکو کوئی بھی پریشانی ہے تو آپ ہمیں کھل کر بتا سکتی ہیں ۔۔۔۔۔۔

ابیہا اٹھ کر اسکی طرف آتی اسکے چہرے کو محبت سے اپنے ہاتھوں کے پیالے میں بھرتی ایک بڑی بہن کی طرح محبت سے گویا ہوئی تھی ۔۔۔۔۔

جس پر زر نے بھی تائید میں سر ہلایا تھا ۔۔۔۔۔

وہ ایک نظر ان دونوں کے چہرے کی طرف دیکھتے سوچنے لگی تھی کہ کیا یہ میری بات کا یقین کریں گی ،،،،،،

اور ابیہا کی اپنے لالا کے ساتھ محبت سے کون واقف نہیں تھا ۔۔۔۔

وہ کبھی بھی اتنی بڑی بات برداشت نہیں کر پاتی کہ جسے وہ اپنا ہیرو سمجھتی ہے اصل میں وہ کیسا انسان تھا ۔۔۔۔۔

وہ چاہ کر بھی اپنی بیا کو ضارب کی وجہ سے دکھ نہیں دے سکتی تھی ۔۔۔۔۔

نہیں بیا ایسی کوئی بات نہیں بس اتنی جلدی شادی کا سنتے تھوڑا دل گھبرا رہا ہے ،،،،، بس کچھ اور نہیں ۔۔۔۔

اس لیے خود کو کمپوز کرتے ہوئے دھیرے سے مسکرا کر بولی ۔۔۔۔۔

جسے سن کر وہ تھوڑا پرسکون ہوئی تھی ۔۔۔۔۔

آبی میرے لالا بہت اچھے ہیں دیکھنا وہ تمہیں بہت خوش رکھے گئے ان شااللہ وہ محبت سے اسے اپنے ساتھ لگاتی بولی ۔۔۔۔

میرے لالا بھی بہت ،،،، بلکہ بہت بہت زیادہ والے اچھے ہیں وہ بھی آپکو بہت خوش رکھیں گے دیکھنا آپ کے لالا سے زیادہ ،،،،،،

جبکہ اسکی بات پر وہ بھی پرجوش سی معصومیت سے بولی تھی ۔۔۔۔

جس پر زر نے قہقہہ لگایا تھا ،،،،،، جبکہ اس ڈریگن کے ذکر پر ابیہا کا منہ ایسے بن گیا تھا جیسے کسی نے اسے کڑوا بادام کھلا دیا ہو ۔۔۔۔۔۔

لیکن پھر زر کے قہقہے پر اسکا پھولا منہ دیکھ کر وہ بھی ہنستی ان سے باتوں میں مشغول ہو گئی ۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صبح ناشتے کے بعد حویلی میں افراتفری کا عالم تھا ۔۔۔۔۔

کیونکہ اب جمعہ کے دن میں صرف ایک دن ہی باقی تھا ،،،،،، اور بہت ساری تیاریاں ابھی باقی تھی ۔۔۔۔۔

جسکی وجہ سے دادا سائیں نے گھر کے افراد کے ساتھ ساتھ نوکروں کی بھی دوڑیں لگوائی ہوئی تھیں ۔۔۔۔۔

اور ان سب سے الگ جن کا نکاح تھا وہ اپنے اپنے کام پر نکلنے کی تیاری کر رہے تھے ۔۔۔۔۔۔

جب ابیہا ضارب کے جانے کا سنتی اسے رکنے کیلئے منانے اسکے کمرے میں آئی تھی ۔۔۔۔۔جسے دیکھتے وہ مسکرایا تھا ۔۔۔۔۔

کیا ہو گیا آپکو لالا کل آپکا نکاح ہے اور آج آپ شہر جا رہے ہیں ۔۔۔۔۔

آپ نکاح کے بعد چلے جائیے گا نا ،،،،، مجھے ایسے اچھا نہیں لگ رہا آپ کا جانا ۔۔۔۔۔

گڑیا اگر ہمارا جانا بہت ضروری نا ہوتا تو ہم کبھی نا جاتے ،،،،، لیکن ہماری مجبوری ہے جسے آپکو سمجھنا ہوگا ۔۔۔۔

اور ویسے بھی ہم زیادہ دیر کیلئے نہیں جا رہے ،،،،، بس شام تک واپس آ جائیں گے ۔۔۔۔۔۔۔

ہمیں پتا ہے کل آپکا نکاح ہے ،،،،،، اور ہماری گڑیا کو ہماری ضرورت ہے ،،،،، بس ہم یہ امپورٹنٹ میٹنگ اٹینڈ کر آئیں ۔۔۔۔۔

اسکے بعد کا ہمارا سارا وقت آپکا ،،،،،

وہ اسے اپنے پاس بٹھاتے رسان سے سمجھاتے ہوئے بولا ۔۔۔۔۔

جس پر وہ مسکرا کر سر ہلا گئی ۔۔۔۔۔

گڈ گرل “

اچھا اب چلتے ہیں ان شااللہ شام سے پہلے واپس آ جائیں گے ۔۔۔۔۔

وہ اس کے گال کو محبت سے تھپتھپاتے ہوئے اٹھ گیا تھا ۔۔۔۔۔۔

لیکن پھر کچھ یاد آنے پر مڑا ،،،،،، وہ بیا بیٹا ہمیں آپ سے ایک معاملے میں مدد چاہیے تھی ۔۔۔۔۔۔

کیا آپ کریں گی ؟؟؟؟

یہ بھی کوئی پوچھنے والی بات ہے آپ حکم کریں ۔۔۔۔۔

اسکی بات کے جواب میں وہ تابعداری سے سر جھکا کر بولی ،،،،، جس پر وہ مسکرایا تھا ۔۔۔۔۔

ہمیں نکاح سے پہلے ابرش سے ایک بار بات کرنی ہے ،،،،،، پتا نہیں کیوں لیکن ہمیں لگتا ہے کہ وہ اس رشتے سے خوش نہیں شاید ۔۔۔۔۔۔

اس لیے ہم ان سے مل کر ایک بار کنفرم کرنا چاہتے ہیں ۔۔۔۔۔

لیکن ان سے بات کیسے کریں یہ سمجھ نہیں آ رہی ،،،،،، وہ سب کے درمیان ہم سے بات نہیں کرتی ۔۔۔۔۔

ہمارے بلانے پر اکیلے کیسے آئیں گی ،،،،،،

آپ کچھ ارینج کر سکتی ہیں ۔۔۔۔۔

اس کی طرف دیکھتے دھیمے لہجے میں گویا ہوا تھا ۔۔۔۔

جس پر ابیہا کو اپنے بھائی پر فخر محسوس ہوا ،،،،،، کتنا اچھا انسان تھا اب بھی خود سے پہلے ابرش کی خوشی کے بارے میں سوچ رہا تھا ۔۔۔۔

یہ کونسا بڑی بات ہے ،،،،، ابھی ارینج کر دیتے ہیں ۔۔۔۔۔

لیکن پہلے مجھے بتائیں آپ نے ملنا کب ہے ان سے ابھی یا پھر شام میں ؟؟؟؟؟؟

جس پر اس نے ایک نظر گھڑی کی طرف دیکھا ،،،،، میٹنگ میں ابھی کافی ٹائم تھا ،،،،،، اور شام میں ٹائم ملتا یا نہیں کوئی پتا نہیں تھا ۔۔۔۔۔

نہیں ابھی کافی ٹائم ہے ہماری میٹنگ میں آپ انہیں نیچے لان میں بلا لائیں ،،،،،،

لیکن ہمارا نام مت لیجئے گا ،،،،، ورنہ وہ نہیں آئیں گی ،،،،، ٹھیک ہے؟ ۔۔۔۔

جی ٹھیک ہے ۔۔۔۔۔

اس کی بات پر وہ سر ہلاتی بولی ۔۔۔۔۔۔جس پر وہ اٹھتے اپنی تیاری مکمل کرنے لگا تھا ،،،،،، جبکہ ابیہا باہر کی طرف بڑھ گئی تھی ۔۔۔۔

تاکہ ابرش کو اپنے فون سے میسج کر کے اسے لان میں بلا سکے ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ میسج ٹائپ کر کے ابرش کو بھیج چکی تھی ،،،،، جس پر اس نے اوکے کا سائن دیا تھا ۔۔۔۔۔

جسے دیکھتے وہ مسکراتی ہوئی عظمی بیگم کے کمرے کی طرف بڑھ گئی ۔۔۔۔۔

کیونکہ اسے ملازمہ سے پیغام ملا تھا کہ وہ اسے اپنے کمرے میں بلا رہی ہیں ۔۔۔۔۔

جب کوریڈور سے گزرتے ہوئے واسم شاہ پر اس کی نظر پڑی تھی ،،،،،، جسے اگنور کرتے ہوئے وہ سائڈ سے نکل کر جانے لگی ،،،،، لیکن پھر اسکی بات سن کر قدم تھمے تھے ۔۔۔۔۔

جبکہ غصے سے اس نے اپنی مٹھیاں بھینچی تھیں ۔۔۔۔۔

کل کوئی بہت بڑی بڑی باتیں کر رہا تھا کہ آپ اگر دنیا کے آخری مرد بھی بچیں تب بھی میں آپ سے شادی نہیں کروں گی ،،،،،،

بلکہ کسی پڑھے لکھے آئیڈیل اور کیا تھا ،،،،، ہاں تعمیز دار ادب و آداب جاننے والے شخص جس میں انا اور غرور نا ہو اس کی دلہن بنوں گی ۔۔۔۔۔

لیکن ہوا کیا ،،،،،، جب رات میں دادا سائیں نے پوچھا شادی کا تب تو بنا کوئی چوں چراں کیے ہی ہاں کر دی ۔۔۔۔۔

اسکا کیا مطلب نکلتا ہے ،،،،، کل تم نے جو کچھ بھی کہاں بس ایسے ہی اپنی ذات کا برہم رکھنے کیلئے ،،،،،، ورنہ اندر سے تو تم بھی وہی چاہتی تھی جو باقی گھر والے ،،،،،،

اصل میں تم بھی اسی گوری چمڑی پر مرنے والی نکلی ۔۔۔۔۔

وہ اپنے چہرے پر استہزائیہ مسکراہٹ سجاتے طنزیہ بولا تھا ۔۔۔۔۔

جس پر ابیہا کا چہرہ غصے کی شدت سے سرخ ہو گیا ۔۔۔۔۔

تب ہی وہ پیچھے پلٹی اور واسم جو اسکی طرف ہی رخ کر کے کھڑا تھا اسکا سرخ چہرہ دیکھتے دھیرے سے طنزیہ مسکرایا ۔۔۔۔۔

جیسے اسے تپا کر اسے تسکین ملی تھی ۔۔۔۔۔

مسٹر واسم شاہ کسی غلط فہمی میں مت رہیے گا ،،،،،، میں نے آپکی وجہ سے یا پھر آپکی گوری چمڑی پر مرتے ہوئے شادی کیلئے ہاں کہی ہے ۔۔۔۔۔

میں اگر جھکی ہوں تو صرف اور صرف اپنی فیملی اور اپنے دادا سائیں کی وجہ سے ،،،،،، کیونکہ میں اپنی وجہ سے انہیں کوئی دکھ نہیں دینا چاہتی ۔۔۔۔۔

اور جیسی کل انکی حالت تھی اگر میں انہیں آپکی اصلیت بتا دیتی تو کیا بیتتی انکے دل پر ،،،،،، اس لیے زیادہ خوش ہونے کی ضرورت نہیں ،،،،،

اگر میرے بس میں ہوتا تو میں آپ پر تھوکنا بھی پسند نا کرتی ،،،،،، شادی تو بہت دور کی بات ہے ۔۔۔۔۔

وہ اس کی آنکھوں میں آنکھیں ڈال کر جتاتی بولی تھی ۔۔۔۔۔

جبکہ اس کی بات پر واسم کی آنکھوں میں خون اتر آیا تھا ،،،،،، جبکہ اتنی تذلیل پر چہرہ غصے کی شدت سرخ ہو گیا ۔۔۔۔۔۔

جس کے چلتے اس نے اسکے ہاتھ کو موڑ کر اسکی پشت سے لگا دیا۔۔۔۔۔

تمہاری ہمت کیسی ہوئی مجھے یہ سب کہنے کی ،،،،،، تمہاری اوقات کیا ہے ،،،،،، خود کو سمجھتی کیا ہو ،،،،،،،

بہت خوبصورت ہو ،،،،،،، جو میرے سامنے اتنا اکڑ رہی ہو ،،،،،،

میں اپنی آئی پر آ جاؤں تو تم مجھے چند لمحوں کیلئے بھی برداشت نہیں کر سکتی ۔۔۔۔۔

اس لیے اپنی اوقات میں رہ کر بات کرو ،،،،،، ایسا نا ہو تمہیں تمہارے بولے ہوئے الفاظ مہنگے پڑ جائیں گے ۔۔۔۔۔

وہ اسے اپنے قریب کرتے ہوئے پوری شدت سے اسکے ہاتھ پر دباؤ ڈالتے بولا نہیں بلکہ پھنکارا تھا ۔۔۔۔۔

جس پر ابیہا کا دل سہم گیا تھا ،،،،،، جبکہ اسکی باتوں کا مطلب سمجھتے شرمندگی سے اپنا چہرہ جھکا گئی ۔۔۔۔۔

جبکہ اب اسکے منہ سے الفاظ نکلنے سے انکاری تھے ۔۔۔۔۔

جسے دیکھتے وہ اسے ایک جھٹکے سے چھوڑتا ،،،،،، جس پر وہ بمشکل گرتے گرتے بچی تھی ،،،،،، بنا اس پر دوسری نظر ڈالے چلا گیا ۔۔۔۔۔

جبکہ پیچھے سے ابیہا نے اسے ہزاروں صلواتوں سے بخشا تھا ۔۔۔۔۔۔

ایک بات تو اسے سمجھ آ گئی تھی ،،،،، کہ وہ اس کمینے ڈریگن سے نہیں جیت سکتی تھی ۔۔۔۔۔۔

لیکن اسے اچھے سے سبق سکھانے کا خود سے وعدہ ضرور کیا تھا ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ابرش جو دادا سائیں کے ساتھ بیٹھی تھی ،،،،،، ابیہا کا میسج ملتے ہی حیران سی اٹھ کر حویلی سے باہر آ گئی تھی ۔۔۔۔۔

کیونکہ اس نے بہت ضروری بات کرنے کا بولا تھا ۔۔۔۔۔۔اور فورا آنے کا کہا ۔۔۔۔۔

جس پر وہ پریشان ہو گئی تھی ،،،،،،

اس لیے فورا آ گئی ،،،،،لیکن باہر لان میں کوئی بھی موجود نہیں تھا ،،،،،، لیکن پھر اس کی نظر لان میں ایک طرف رکھی کرسیوں پر بیٹھے ضارب شاہ پر پڑی تھی ۔۔۔۔۔۔۔

جسے دیکھتے وہ گھبراتی فورا پلٹنے لگی جب ضارب نے اسے پیچھے سے پکارا تھا ۔۔۔۔۔۔۔۔

رکیے ابرش ہمیں آپ سے ضروری بات کرنی ہے ۔۔۔۔۔۔

وہ جو اسے لان میں بیٹھے دیکھ کر واپس جانے لگی تھی ،،،،،، اسکے بلانے پر آنکھیں بند کرتی اپنے ڈر کو دل میں دباتی ایک لمبی سانس کھینچ کر خود کو پرسکون کرتے ہوئے تھوڑا قریب چلی آئی ،،،،، لیکن پھر بیٹھے یا نا بیٹھے اس کشمکش میں پڑ کر اپنی انگلیاں چٹخانے لگی ۔۔۔۔۔

بیٹھ جائیں “

اسکی جھجک کو سمجھتے ہوئے ضارب نے خود ہی اس کی پریشانی دور کر دی تھی ۔۔۔۔۔

جس پر وہ سر ہلاتی بیٹھ گئی ،،،،،، اور اسے سوالیہ نظروں سے دیکھنے لگی ۔۔۔۔۔۔

دیکھیں ابرش شادی ایک دو پل یا کچھ سال ساتھ گزار لینے کا نام نہیں ہے ۔۔۔۔۔یہ عمر بھر کا ساتھ ہوتا ہے۔۔۔۔۔

اور اگر آپکو یہ رشتہ قبول نہیں ہے ،،،،، تو آپ اب بھی ہمیں بتا سکتی ہیں ،،،،، دادا سائیں سے ہم خود بات کر لیں گے ۔۔۔۔۔

اسکے معصوم چہرے کی طرف دیکھتے وہ نرمی سے گویا ہوا ۔۔۔۔۔۔

جبکہ اس کی بات سن کر ابرش نے چہرہ اوپر اٹھاتے اپنے سامنے بیٹھے اس وجاہت کے شہکار کو دیکھا تھا ۔۔۔۔۔۔

کتنا خوبصورت تھا وہ اگر ابرش اسکی حقیقت نا جانتی ہوتی تو ہر عام لڑکی کی طرح اپنی قسمت پر رشک کرتی ۔۔۔۔۔۔

لیکن اس وقت اسکی بات سن کر اسے ضارب پر شدید غصہ آیا تھا ۔۔۔۔۔۔

ویل ڈن مسٹر ضارب شاہ کتنا اچھا دکھاوا کر لیتے ہیں آپ ،،،،،، یہ سب باتیں کرکے مجھ پر کیا ظاہر کرنا چاہتے ہیں ۔۔۔۔۔۔

کہ آپ کتنے اچھے اور مہربان انسان ہیں ۔۔۔۔۔۔

بٹ سوری ٹو سے ،،،،،، میں آپکو بتا دوں مجھ پر آپکی ان باتوں کا کوئی اثر نہیں ہونے والا ۔۔۔۔۔

کیونکہ میں آپکی حقیقت سے اچھی طرح واقف ہوں ۔۔۔۔۔

وہ اس پر کاٹدار نظریں ڈالتی استہزائیہ لہجے میں بولی تھی ۔۔۔۔۔

جبکہ اسکی بات سن کر ضارب کی پیشانی پر واضح بل پڑے تھے ۔۔۔۔۔۔

کیا مطلب ہے آپکا ؟؟؟ کونسی حقیقت کی بات کر رہی ہیں ؟؟؟

یہی کہ آپ کتنے بڑے جھوٹے ، منافق اور درندہ صفت انسان ہے ۔۔۔۔۔۔

دوسروں کے سامنے اپنے چہرے پر کیسے اچھائی کا نقاب اوڑھے رکھتے ہیں اور حقیقت میں آپ ایک ظالم و جابر، بےرحم و بےحس اور قا*تل ہیں ۔۔۔۔۔۔

جس کی نظر میں دوسروں کی زندگی کی کوئی اہمیت نہیں ،،،،،، اس لیے تو کسی کو بھی ختم کرنا آپکے بائیں ہاتھ کا کھیل ہے ۔۔۔۔۔۔

اسکے سوال کے جواب میں وہ اس بار کھڑی ہوتی بولی نہیں بلکہ پھنکاری تھی ۔۔۔۔۔۔

جسے سنتے ضارب کے چہرے کے تاثرات پل میں سپاٹ ہوئے تھے جبکہ گہری سبز کانچ سی آنکھوں میں لہو اتر آیا تھا ۔۔۔۔۔۔

آپکو پتا بھی ہے کہ آپ کس سے اور کیا بول رہی ہیں ،،،،،، آپ کا کہیں دماغ وغیرہ تو خراب نہیں ہو گیا ۔۔۔۔۔

وہ بھی اپنی جگہ سے کھڑا ہوتا ٹھنڈے ٹھار لہجے میں بولا تھا ۔۔۔۔۔۔

بالکل ہوش میں ہوں ،،،،،، اور یہ بھی پتا ہے کس سے کیا کہہ رہی ہوں ،،،،،،،

اپنی ان آنکھوں سے دیکھا ہے ،،،،،،، آپکو دوسروں کی زندگی سے کھلواڑ کرتے ہوئے ۔۔۔۔۔

اسکا ٹھنڈا لہجہ سن کر ایک بار تو ابرش کی ریڑھ کی ہڈی میں سنسناہٹ سی ہوئی لیکن پھر خود کو کمپوز کرتی وہ سرد لہجے میں بولی۔۔۔۔۔۔

اچھا ایسا کیا دیکھا ہے آپ نے ؟؟؟

اسکی بات سن کر اب کہ وہ ریلکس انداز میں جیب سے سگریٹ نکال کر سلگاتا استہزائیہ بولا ۔۔۔۔۔۔جبکہ چہرے پر طنزیہ مسکراہٹ تھی ۔۔۔۔۔۔۔

ایک معصوم انسان کی جان لیتے ہوئے دیکھا ہے آپکو بےرحمی سے ،،،،،،، اس کی مسکراہٹ کو دیکھتے ابرش کا دل تو چاہا وہ منہ نوچ لے اسکا ،،،،،، لیکن خود کو بےبس محسوس کرتے ہوئے صرف چیخ ہی سکی ۔۔۔۔۔۔

جبکہ اسکی آنکھوں کے ساتھ ساتھ لہجے میں بھی نمی گھلی ہوئی تھی ۔۔۔۔۔۔

آں ہاں ” یہ تو بہت بڑا راز پتا چل گیا آپکو ہمارا ،،،،،،، آپ تو بہت بڑا خطرہ ثابت ہو سکتی ہیں ہمارے لیے ۔۔۔۔۔۔۔

تو پھر کیا کرنا چاہیے آپ کے ساتھ ،،،،،،،

وہ سگریٹ کا گہرا کش لیتے دھواں اسکے منہ پر چھوڑتا ذومعنی انداز میں بولا ،،،،،، جسکی وجہ ابرش کی آنکھوں میں فورا خوف اترا تھا ۔۔۔۔۔

اسے اب محسوس ہو رہا تھا کہ اس نے کتنی بڑی غلطی کر دی تھی اسے سچ بتا کر ،،،،، لیکن اب کیا ہو سکتا ،،،،،، کیونکہ اب تیر کمان سے نکل چکا تھا ۔۔۔۔۔

لیکن ہمارے خیال سے آپ ان سب کے بارے میں بہت پہلے سے جانتی ہیں ،،،،، سہی کہہ رہے ہیں نا ہم ،،،،،،

اتنا کہتے رک کر جیسے ضارب نے اس سے تائید چاہی تھی ،،،،،،جس پر ابرش نے اسکی آنکھوں میں اترتی وحشت کو دیکھتے فورا ہاں میں سر ہلایا تھا ۔۔۔۔۔۔

تو جیسے آج تک اس راز کو اپنے دل میں دفن کر رکھا تھا آگے بھی رکھیے تو آپ کیلئے یہی بہتر ہوگا ۔۔۔۔۔

ویسے تو کوئی ہمارا راز جانے ہمیں بالکل پسند نہیں لیکن رازدان آپکے روپ میں ہو تو ایسا کوئی مضائقہ بھی نہیں ۔۔۔۔۔

وہ اسے سر سے لے کر پاؤں تک گہری نگاہوں سے دیکھتا بولا ۔۔۔۔۔

جس پر ابرش نے ایک جھرجھری لی تھی ۔۔۔۔۔۔

ویسے بھی آپ ہماری ہمسفر بننے والی ہیں تو اچھا ہی ہوا کہ پہلے ہی ہماری اصلیت جان گئی ۔۔۔۔۔آپ کے سامنے فضول میں ہمیں اچھا بننے کا ناٹک نہیں کرنا پڑے گا ۔۔۔۔۔

وہ اس کے چہرے قریب جھکتے طنزیہ گویا ہوا ،،،،،، جس سے اسکے ناک منہ سے نکلتا دھواں ابرش کے چہرے پر پڑتے اسے سلگانے لگا تھا ۔۔۔۔۔۔

ایک نظر اسکے چہرے کو قریب سے غور سے دیکھنے کے بعد جس پر خوف و دہشت کے سائے لہرا رہے تھے ،،،،،، پلٹنے لگا جب کچھ یاد آنے پر دوبارہ اسکے تھوڑا قریب ہوا ۔۔۔۔۔۔۔

اور جب بولا تو اسکے لہجے میں ایسی سفاکیت تھی ،،،،،، کہ ابرش روح تک کانپ گئی ۔۔۔۔۔۔

اور کیا کہا تھا آپ نے ” درندہ صفت اور قا*تل ” تو بس کچھ دن انتظار کر لیں بہت جلد آپ اسی قا*تل کے نکاح میں آنے والی ہیں ،،،،،،

اس درندے کی دردنگی سے اچھے سے روشناس کروائیں گے آپکو ،،،،،، ہماری درندگی سہنے کیلئے مظبوط بن کر آئیے گا ” لٹل باربی ” ایسے تو آپ ہمارا مقابلہ نہیں کر پائیں گی ۔۔۔۔۔

اسکے چہرے کے گرد جھولتی لٹ کو اسکے کان کے پیچھے اڑستے وہ ذومعنی انداز میں گمبھیرتا سے بولتا اسکے تھر تھر کانپتے سراپے پر ایک استہزائیہ نظر ڈالتا پلٹ گیا ۔۔۔۔۔