Tere Sang Yaara by Wafa Shah NovelR50537 Tere Sang Yaara (Episode 60)

Tere Sang Yaara by Wafa Shah

ارمغان شاہ نے روباب کو پوری حویلی میں دوبارہ ڈھونڈا لیکن وہ یہاں ہوتی تو اسے ملتی ۔۔۔۔۔

حویلی کے ساتھ ساتھ وہ رحمان صاحب اور موسی شاہ کے ساتھ مل کر آس پاس کا علاقہ بھی چیک کر چکے تھے ۔۔۔۔

اسے ڈھونڈتے ہوئے صبح سے شام اور شام سے رات ہو گئی ۔۔۔۔۔لیکن روباب کا کچھ اتا پتا نہیں چلا ۔۔۔۔۔

دوسری طرف بچوں نے الگ رو رو کر اپنا برا حال کر لیا تھا ۔۔۔۔

جس پر ضارب اپنا غم پیچھے رکھ کر واسم کے ساتھ زارون کو بھی سنبھال رہا تھا ۔۔۔۔

جبکہ نجمہ بیگم نے زرمینے کے ساتھ ابرش ، ابیہا کی ذمہ داری لے رکھی تھی ۔۔۔۔۔

ارمغان شاہ نے موسی شاہ کے ساتھ رات کے دس بجے کے قریب حویلی کے اندر قدم رکھا تھا ۔۔۔۔

شاہ حویلی والے جنکے چہرے پر انکو آتے دیکھ کر ایک امید کی کرن روشن ہوئی تھی۔۔۔۔

انکے چہرے پر چھائی مایوسی اور جھکے کندھوں کو دیکھ کر دوبارہ بجھ گئی ۔۔۔۔۔

ارمغان شاہ کا چہرہ تو ایسے تھا کہ کبھی بھی رو دیں گے ۔۔۔۔۔

ابھی تو انکے بھائی بھابھی کا غم تازہ تھا ۔۔۔۔۔اوپر سے انکی محبت کی گمشدگی نے انہیں اندر سے بالکل توڑ دیا ۔۔۔۔۔

کچھ پتا چلا ؟؟؟؟

انہیں قریب آتے دیکھ کر حیدر شاہ نے ڈوبتے ہوئے لہجے میں پوچھا ۔۔۔۔کیونکہ انکے چہروں کو دیکھتے ہوئے کسی اچھی بات کی امید ہرگز نظر نہیں آ رہی تھی ۔۔۔۔

ارمغان شاہ نے ایک نظر انکے پرشفق چہرے کی طرف دیکھا ۔۔۔۔

پھر نفی میں سر ہلا کر ڈگمگاتے قدموں کے ساتھ اپنے کمرے کی طرف بڑھ گئے ۔۔۔۔۔

جبکہ پیچھے حیدر شاہ جیسے ڈھے گئے تھے ۔۔۔۔جنہیں آگے بڑھ کر موسی شاہ نے سنبھالا ۔۔۔۔

حوصلہ رکھیں تایا سائیں ۔۔۔۔۔ان شااللہ کچھ نہیں ہوگا ہماری روباب کو ۔۔۔۔۔آپ بس دعا کریں ۔۔۔۔ وہ بہت جلد مل جائیں گی ۔۔۔۔۔

نرم لہجے میں حوصلہ بڑھاتے مسکرا کر بولے ۔۔۔۔۔

اور ساتھ ہی نجمہ بیگم کے ہاتھ سے پانی کا گلاس لے کر انکی طرف بڑھایا ۔۔۔۔

ان شااللہ ۔۔۔۔

پانی لبوں سے لگاتے ہوئے ۔۔۔۔۔پرامید لہجے میں بولے ۔۔۔۔

آمین ۔۔۔۔۔

وہاں موجود سبھی افراد نے دل سے آمین بولا ۔۔۔۔۔

۔۔۔۔۔۔۔۔۔۔۔۔۔۔۔۔

واسم اپنے کمرے کی کھڑکی میں کھڑا آسمان کو دیکھتے پتا نہیں اس میں تلاش کر رہا تھا ۔۔۔۔۔

جبکہ نیلی سمندر جیسی آنکھوں سے آنسو تواتر سے بہہ رہے تھے ۔۔۔۔

اور ہونٹوں پر ایک ہی صدا تھی ۔۔۔۔

ماما واپس آجائیں ۔۔۔۔”

جب ضارب ہاتھ میں کھانا لے کر اندر داخل ہوا ۔۔۔۔۔

زارون کو تو کسی طرح دودھ پلا کر پہلے ہی اپنے کمرے میں سلا چکا تھا ۔۔۔۔۔اور اب واسم کے پاس آیا تھا ۔۔۔۔۔

کھانا ٹیبل پر رکھتے ہوئے اسکے قریب آیا ۔۔۔۔

واسم ۔۔۔۔”

نرمی سے بولایا ۔۔۔۔

جسے سن کر واسم نے فورا اپنے بہتے ہوئے آنسو صاف کیے ۔۔۔۔

اور پلٹ کر اسکی طرف سوالیہ دیکھا ۔۔۔۔۔

کھانا کھالیں ۔۔۔۔۔

جس پر اس نے نفی میں سر ہلایا ۔۔۔۔

بھوک نہیں ہے ۔۔۔۔۔

ایسے کھانا پینا چھوڑ دینے سے آنی واپس تو نہیں آ جائیں گی ۔۔۔۔اور اگر آپ کھانا نہیں کھائیں گے تو بیمار ہو جائیں گے ۔۔۔۔

تایا سائیں پہلے ہی بہت پریشان ہیں ان کی پریشانی میں مزید اضافہ ہوگا ۔۔۔۔

ایسے میں وہ آنی کو کیسے ڈھونڈ پائیں گے ۔۔۔۔۔

ضارب تمہیں پتا ہے ۔۔۔۔۔

کل ماما نے مجھ سے وعدہ کیا تھا کہ وہ مجھے کبھی چھوڑ نہیں جائیں گی ۔۔۔۔۔

لیکن دیکھو نا انہوں نے اپنا پرومس تھوڑ دیا ۔۔۔۔

تم بولو نا انہیں کہ وہ واپس آ جائیں گے ۔۔۔۔میں وعدہ کرتا ہوں اب کبھی انہیں تنگ نہیں کرونگا ۔۔۔۔۔

کبھی دوبارہ غصہ نہیں کرونگا ۔۔۔۔۔

بالکل ویسا بن جاؤں گا جیسا انہیں پسند ہے ۔۔۔۔۔انہیں تم پسند ہو ۔۔۔۔۔ بالکل تمہارے جیسا ۔۔۔۔۔

لیکن وہ ایک بار واپس آ جائیں ۔۔۔۔۔

آنکھوں سے آنسو دوبارہ ٹوٹ کر نازک گالوں پر بہنے لگے ۔۔۔۔۔

جسے دیکھتے ہوئے ضارب نے آگے بڑھ کر واسم کو گلے سے لگایا ۔۔۔۔۔

وہ ان شااللہ ضرور واپس آئیں گی ۔۔۔۔۔رونا بند کریں اور ان کیلئے دعا کریں ۔۔۔۔

اللہ تعالٰی آپکی دعا ضرور قبول کریں گے ۔۔۔۔

الگ ہو کر رسان سے سمجھاتے بولا ۔۔۔۔۔

اور آپ بہت اچھے ہیں ۔۔۔۔وہ آپ سے بہت پیار کرتی ہیں ۔۔۔۔۔آپ انہیں ایسے ہی پسند ہیں ۔۔۔۔۔

آپکو ہمارے جیسا بننے کی بالکل ضرورت نہیں ہے ۔۔۔۔۔

نرمی سے مسکراتے ہوئے اسکے آنسو پونچھے ۔۔۔۔۔

تم سچ کہہ رہے ہو ۔۔۔۔۔ماما مجھ سے پیار کرتی ہیں ۔۔۔۔

جس پر اس نے ہاں میں سر ہلایا ۔۔۔۔۔

بالکل ۔۔۔۔۔

چلیں پہلے کھانا کھا لیں پھر اللہ تعالٰی سے دعا کریں ۔۔۔۔

وہ جلد ہی آنی کو واپس آپکے پاس بھیج دیں گے ٹھیک ہے ۔۔۔۔۔

جس پر وہ مسکرایا تھا ۔۔۔۔۔

ضارب اسے لے کر بیڈ کی طرف بڑھا ۔۔۔۔۔جہاں واسم نے زیادہ نہیں لیکن چند لقمے زہر مار کر لیے تھے ۔۔۔۔۔

جب واسم نے نوالہ بنا کر ضارب کی طرف بڑھایا ۔۔۔۔۔

مجھے پتا ہے تم نے بھی کل سے کچھ نہیں کھایا ۔۔۔۔۔نا چاہتے ہوئے صرف واسم کی خاطر اس نے منہ کھولا تھا ۔۔۔۔۔

جبکہ دروازے پر کھڑے حیدر شاہ اپنے پوتوں کو ایک دوسرے کا خیال کرتے دیکھ کر شفقت سے مسکرائے۔۔۔۔۔

اور انہیں ہمیشہ ایسے ہی رہنے کی دل سے دعا دی تھی ۔۔۔۔

۔۔۔۔۔۔۔۔۔۔۔۔۔۔۔۔۔۔

صبح کا نیا سورج شاہ حویلی پر ایک اور قیامت ڈھانے کیلئے طلوع ہوا تھا ۔۔۔۔۔

رحمان صاحب کو قریبی جنگل سے ایک عورت کی مسخ شدہ لاش ملی تھی ۔۔۔۔

جسکی شناخت کیلئے انہوں نے ارمغان اور موسی شاہ کو تھانے بولایا تھا ۔۔۔۔

جبکہ یہ خبر سنتے ہی ارمغان شاہ کو اپنا دل بند ہوتا محسوس ہوا تھا ۔۔۔۔لیکن موسی شاہ اور حیدر شاہ کے سمجھانے پر کہ ان شااللہ وہ ہماری روباب نہیں ہوگی ۔۔۔۔۔

وہ بمشکل انکے ساتھ جانے پر تیار ہوئے تھے ۔۔۔۔۔

تھانے پہنچتے ہی وہ انہیں مردہ خانے کی طرف لے کر گئے تھے ۔۔۔۔۔

ارمغان شاہ کیلئے یہ چند قدم چلنا دوبھر ہو گیا ۔۔۔۔۔

ڈی ایس پی رحمان نے انکے قریب پہنچتے ہی لاش کے منہ سے کپڑا ہٹایا تھا ۔۔۔۔

جسے دیکھ کر دونوں نے گھبرا کر اپنی آنکھیں بند کی تھیں ۔۔۔۔

کیونکہ اسکا چہرہ بری طرح سے بگاڑ دیا گیا تھا ۔۔۔۔۔بےساختہ ہی ارمغان شاہ نے نفی میں سر ہلایا ۔۔۔۔

یہ میری روباب نہیں ہو سکتیں ۔۔۔۔۔

تبھی ایک کانسٹیبل نے اس لاش سے برآمد ہونے والی کچھ چیزیں رحمان صاحب کے ہاتھ میں پکڑائی ۔۔۔۔۔

یہ دیکھ لو ایک نظر ۔۔۔۔یہ چیزیں بھابھی کی تو نہیں ۔۔۔۔۔

رحمان صاحب نے وہ پیکٹ انکی طرف بڑھایا ۔۔۔۔۔

جسے انہوں نے کانپتے ہاتھوں سے تھاما ۔۔۔۔۔

اور اس میں موجود چیزوں کو دیکھتے انکی آنکھوں سے آنسو ٹوٹ کر زمین پر گرا ۔۔۔۔۔

کیونکہ اس میں موجود پینڈٹ اور انگوٹھی روباب کی ہی تھی ۔۔۔۔جو انہوں نے ہی اسے گفٹ کی تھی ۔۔۔۔۔

اور وہ انکی محبت کی نشانی کے طور پر ہمیشہ اپنے وجود کی زینت بنائے رکھتے تھیں ۔۔۔۔۔

یہ تو روباب ۔۔۔۔۔”

اس سے پہلے موسی شاہ اپنا جملہ مکمل کرتے ۔۔۔۔۔

ارمغان شاہ اپنے حواس کھوتے لہرائے ۔۔۔۔۔جنہیں زمین پر گرنے سے موسی کے ساتھ رحمان صاحب نے بھی آگے بڑھ کر تھاما تھا ۔۔۔۔۔

۔۔۔۔۔۔۔۔۔۔۔۔۔۔۔۔

حال

زرمینے کے سمجھانے پر ابرش اسکے ساتھ یونی جوائن کر چکی تھی ۔۔۔۔۔

اور آج انکا وہاں دوسرا دن تھا ۔۔۔۔۔ ضارب اور اسکے درمیان کی بول چال مکمل بند تھی ۔۔۔۔۔بلکہ اب تو وہ جو تھوڑا بہت انہیں گھر نظر آ جاتا تھا ۔۔۔۔

وہ بھی بند ہو گیا تھا ۔۔۔۔۔

البتہ انکی تمام ضرورتوں کیلئے ۔۔۔۔۔خان ہمہ وقت مینشن میں موجود رہتا تھا ۔۔۔۔۔اور انہیں یونی بحفاظت لیجانے اور واپس لانے کی زمہ داری بھی اسی پر تھی ۔۔۔۔۔

ضارب نے ان دونوں کا ایڈمیشن بھی ابیہا کی یونیورسٹی میں کروایا تھا ۔۔۔۔

تاکہ وہ ایک ساتھ رہ کر ایک دوسرے کا خیال رکھ سکیں ۔۔۔۔۔

لیکن فلحال وہ واسم کے ساتھ چھٹی پر تھی ۔۔۔۔۔

کیونکہ ابھی وہ لوگ نئی تھیں تو انکی کوئی دوست نہیں بنی تھی ۔۔۔۔۔جبکہ باقی کلاس کے اپنے علیحدہ علیحدہ گروپس تھے ۔۔۔۔۔

ویسے تو انہیں کسی کی ضرورت نہیں تھی ۔۔۔۔۔ لیکن شروعات کے کچھ لیکچرز ان سے مس ہو گئے تھے ۔۔۔۔

جنکے نوٹس بنانے کیلئے انہیں ہیلپ کی ضرورت تھی ۔۔۔۔۔

لیکن یہاں تو ساری لڑکیاں ہی کچھ اوور سمارٹ سی تھی ۔۔۔۔۔جبکہ لڑکوں کو مخاطب کرنا انکو گوارا نہیں تھا ۔۔۔۔

میں کچھ ہیلپ کر سکتی ہوں ۔۔۔۔۔

ابھی وہ کلاس سے فارغ ہو کر کینٹین میں بیٹھیں اسی موضوع کو ڈسکس کر رہی تھیں ۔۔۔۔جب انکی باتیں سن کر پاس سے گزرتی ہوئی زرتاشے اچانک انکے ٹیبل پر بیٹھتے ہوئے بےتکلفی سے بولی ۔۔۔۔

ابرش اور زرمینے نے حیرت سے اس لڑکی کی طرف دیکھا ۔۔۔۔۔

جو بنا جان پہچان کے انکی مدد کرنے چلی تھی ۔۔۔۔۔

لیکن آپ ۔۔۔۔۔

او سوری میں تعارف کروانا تو بھول ہی گئی ۔۔۔۔۔

میرا نام زرتاشے ہے ۔۔۔۔۔اور میں آپکی ہی طرح تھرڈ ایئر کی سٹوڈنٹ ہوں ۔۔۔۔

ابھی میں نے آپک لوگوں کی باتیں سنی ۔۔۔۔۔

میرے پاس تمام نوٹس موجود ہیں جن سے آپکی مشکل حل ہو سکتی ہے ۔۔۔۔لیکن اس کیلئے میری ایک شرط ہے ۔۔۔۔۔

جبکہ اسکی باتیں سن کر ابرش زرمینے جو تھوڑا ریلکس ہوئی تھی ۔۔۔۔اسکی شرط والی بات سن کر دوبارہ پریشان ہو گئی ۔۔۔۔۔

ارے یار کوئی بہت مشکل کام نہیں بولنے والی جو اتنی پریشان ہو رہی ہو ۔۔۔۔

تو پھر ۔۔۔۔”

ابرش بےساختہ بولی ۔۔۔۔۔

تم لوگوں کو مجھ سے دوستی کرنی ہوگی ۔۔۔۔

منظور ہے ۔۔۔۔۔

اپنا ہاتھ انکی طرف بڑھاتے مسکرا کر بولی ۔۔۔۔

جس پر وہ دونوں بھی مسکرائی ۔۔۔۔۔

منظور ہے ۔۔۔۔

باری باری ہاتھ ملایا ۔۔۔۔

اچھا میں کب سے بولی جا رہی ہوں تم لوگوں نے اپنا تعارف نہیں کروایا ۔۔۔۔

میرا نام ابرش ہے ۔۔۔۔

اور میرا زرمینے ۔۔۔۔

اب بھی باری باری بتایا ۔۔۔۔۔

واو بہت پیارے نام ہیں بالکل تم دونوں کی طرح ۔۔۔۔۔حجاب میں چمکتے انکے خوبصورت چہروں کی طرف دیکھتے مسکرا کر بولی ۔۔۔۔۔

شکریہ تم بھی بہت پیاری ہو ۔۔۔۔۔اور تمہارا نام بھی ۔۔۔۔۔زرمینے بولی

جس پر وہ مسکرائی ۔۔۔۔

بالکل ۔۔۔۔۔

جس پر ابرش نے بھی اسکی تائید کی ۔۔۔۔

شکریہ ۔۔۔۔

ویسے زر تم نے نوٹ کیا تم دونوں کے نام کتنے ملتے جلتے ہیں ۔۔۔۔ہیں نا

زرتاشے ،،، زرمینے

اور یہ نہیں بلکہ تم دونوں کی تو آنکھوں کا رنگ بھی ایک جیسا ہے ۔۔۔۔۔

جس پر ان دونوں نے حیرت سے دوبارہ ایک دوسرے کی طرف دیکھا ۔۔۔۔

ہاں یہ تو بالکل میری جیسی آنکھیں ہیں ۔۔۔۔۔

زرمینے بولی تھی ۔۔۔۔۔

حیران تو زرتاشے بھی تھی ۔۔۔۔۔

مجھے تو میلے میں بچھڑی ہوئی بہنیں لگ رہی ہو ۔۔۔۔۔

ابرش ہنستے ہوئے بولی ۔۔۔۔۔

جس پر ان دونوں نے بھی ایک دوسرے کی طرف دیکھتے قہقہہ لگایا تھا ۔۔۔۔۔

تب تک انکا آڈر بھی ٹیبل پر آ چکا تھا ۔۔۔۔جسے دیکھ کر تاشے اٹھنے لگی ۔۔۔۔

اچھا اب میں چلتی ہوں ان شااللہ نیکسٹ کلاس میں ملاقات ہوتی ۔۔۔

ارے تم کہاں چلی لنچ کرو ہمارے ساتھ ۔۔۔۔زرمینے نے اسے اٹھتے دیکھ کر روکا ۔۔۔۔۔

نہیں یار تم لوگ کرو فلحال میرا کچھ بھی کھانے کا موڈ نہیں ۔۔۔۔۔

اچھا کھانے کا موڈ نہیں ہے لیکن یہاں بیٹھ کر کولڈ ڈرنک پیتے ہمیں کمپنی تو دے ہی سکتی ہو ۔۔۔۔۔

جبکہ اسکے اسرار پر اب کہ اسے منع کرنا اچھا نہیں لگا ۔۔۔۔۔

اوکے اور وہ سر ہلا کر بیٹھ گئی ۔۔۔۔۔

جبکہ ان سب کے دوران ابرش کھانا سٹارٹ کر چکی تھی ۔۔۔۔کیونکہ آجکل اسے بہت زیادہ بھوک لگتی تھی ۔۔۔۔۔

جس پر زرمینے نے اس کا مذاق بنایا ۔۔۔۔

اسے دیکھو کیسے بھوکوں کی طرح ٹوٹ پڑی ہے کھانے پر ۔۔۔۔۔

تاشے مسکرائی ۔۔۔۔جبکہ ابرش نے گھوری سے نوازا ۔۔۔۔۔

تم بھی کھا لو کسی نے روکا تھوڑی ہے ۔۔۔۔۔۔ برگر کا بائٹ لیتے ہوئے نروٹھے پن سے بولی ۔۔۔۔

جس پر نفی میں سر ہلاتے اس نے ملک شیک کا پہلا سپ لیا تھا ۔۔۔۔۔ جسکے منہ کے اندر جاتے ہی اسے دودھ کی سمیل چڑھی تھی ۔۔۔۔جس سے بےساختہ اسے ابکائی آئی ۔۔۔۔۔

اور وہ منہ پر ہاتھ رکھتے ہوئے واشروم کی طرف بھاگی ۔۔۔۔۔

جبکہ اسکی حالت کو دیکھتے ہوئے وہ دونوں بھی پریشان ہوتی اسکے پیچھے آئی ۔۔۔۔۔۔

کچھ دیر بعد وہ ٹشو سے منہ صاف کرتی باہر آئی ۔۔۔۔

تمہاری طبیعت تو ٹھیک ہے ۔۔۔۔کیا ہوا تھا اچانک ؟؟؟؟؟

ابرش اسکے قریب آتے ہی پریشانی سے بولی ۔۔۔۔۔

پتا نہیں یار ۔۔۔۔۔

کچھ دنوں سے معدہ ایسے ہی ڈسٹرب ہے ۔۔۔۔۔کچھ بھی کھاتی ہوں دل خراب ہونے لگتا ہے ۔۔۔۔۔

اگر طبیعت زیادہ خراب ہے ۔۔۔۔تو ڈاکٹر کے پاس چلیں ۔۔۔۔۔

تاشے بھی اسکے قریب آتی فکرمندی سے بولی ۔۔۔۔۔

نہیں یار اب میں ٹھیک ہوں ۔۔۔۔۔

ایسے کیسے ٹھیک ہوں ۔۔۔۔۔اپنی رنگت دیکھو کیسے زرد ہو رہی ہے ۔۔۔۔۔

چلو ہاسپٹل چلتے ہیں ۔۔۔۔۔

ہاں میرے خیال میں ابرش ٹھیک کہہ رہی ہے ۔۔۔۔

تاشے نے بھی تائید کی ۔۔۔۔۔

نہیں میں ٹھیک ہوں ۔۔۔۔۔

اس نے سمجھانا چاہا لیکن ابرش نے اسکی بات درمیان میں ہی کاٹ دی ۔۔۔۔

چپ کر جاو تم میں ابھی خان لالا کو فون لگا رہی ہوں اور ہم سیدھا ہاسپٹل چلیں گے میں کوئی ایکسکیوز نہیں سنوں گی ۔۔۔۔۔

ہر وقت الٹا سیدھا کھاتی رہتی ہو ۔۔۔۔۔معدہ تو خراب ہونا ہی تھا ۔۔۔۔۔

وہ غصے سے ڈپٹتے ہوئے خان کو فون ملانے لگی ۔۔۔۔۔

جس پر وہ آنے والے وقت سے انجان نفی میں سر ہلاتے مسکرائی تھی ۔۔۔۔۔

۔۔۔۔۔۔۔۔۔۔۔۔۔۔۔۔۔۔

ابیہا کے ساتھ بھرپور ایک ہفتہ گزارنے کے بعد واسم اسے حویلی واپس لے آیا تھا ۔۔۔۔۔۔

جسے دیکھ کر حویلی والے بہت خوش ہوئے تھے ۔۔۔۔۔

ابیہا کے ابرش اور زرمینے کے بارے میں پوچھنے پر عظمی بیگم نے اسے ساری بات بتائی تھی ضارب کیسے اسے یہاں سے واپس لے کر گیا ۔۔۔۔

اور ساتھ میں اسے پھوپھو بننے کی خوشخبری بھی سنائی تھی ۔۔۔۔۔

اور اسکی طبیعت کا خیال کرتے زرمینے کا اسکے پاس رکنا بھی ۔۔۔۔

جسے سن کر اسکی خوشی کا کوئی ٹھکانہ نہیں رہا تھا ۔۔۔۔۔ اسکا بس نہیں چل رہا تھا کہ وہ اڑ کر ابرش کے اور اپنے لالا کے پاس پہنچ جاتی ۔۔۔۔۔

ابھی بھی وہ اپنے کمرے میں بیٹھی ابرش اور زرمینے کو کال ہی ملا رہی تھی ۔۔۔۔۔

جو ہاسپٹل میں ہونے کی وجہ سے وہ دونوں ہی نہیں اٹھا رہی تھی ۔۔۔۔

جبکہ ضارب کا فون فلحال بزی آ رہا تھا ۔۔۔۔۔

جس پر اس نے غصے میں آ کر فون کو گھورا جیسے اس میں فون کی غلطی ہو ۔۔۔۔۔اور ایک بار پھر ضارب کا نمبر ملایا ۔۔۔۔۔

تب ہی دروازہ کھول کر واسم روم میں داخل ہوا ۔۔۔۔۔

جسے دیکھ کر وہ فون بند کرتی مسکرا کر اسکی طرف بڑھی ۔۔۔۔۔

شکر ہے سم آپ آ گئے ۔۔۔۔۔

میں آپکو بتا نہیں سکتی کہ آج میں کتنی خوش ہوں ۔۔۔۔۔

اچھا اور ہماری مسز کی اتنا خوش ہونے کے پیچھے کیا وجہ ہے ؟؟؟؟

اسے اپنے حصار میں لیتے ہوئے پیشانی پر لب رکھتا محبت سے بولا ۔۔۔۔اور پھر پیچھے ہو کر سوالیہ اسکی طرف دیکھنے لگا ۔۔۔۔

جس پر وہ مسکرائی تھی ۔۔۔۔۔

جب آپ کو پتا چلے گا نا تو آپ بھی ایسے ہی خوش ہونگے ۔۔۔۔۔کیونکہ بات ہی ایسی ہے ۔۔۔۔۔

چہک کر بولی ۔۔۔۔۔

واسم اسکی مسکراہٹ کو اپنے ہونٹوں سے چنتے ہوئے کان کے قریب جھکا ۔۔۔۔۔

کہیں مجھے بابا تو نہیں بنانے والی گھمبیر سرگوشی کرتے معنی خیزی سے دیکھا ۔۔۔۔۔

ابیہا پل میں گلال ہوئی ۔۔۔۔۔

نہیں ،،،،نہیں ،،،،، ایسا کچھ ،،،،، نہیں ہے ۔۔۔۔۔

اٹکتے ہوئے بولی ۔۔۔۔۔

تو پھر کیسا ہے ۔۔۔۔۔۔۔

اسکا رخ موڑ کر پیچھے گردن میں اپنی ناک سہلاتے ہوئے ہونٹوں سے چھوا ۔۔۔۔۔

سم پہلے میری بات تو سن لیں ۔۔۔۔۔

التجا کی گئی ۔۔۔۔۔

بولو میں سن رہا ہوں ۔۔۔۔۔۔۔

لاپرواہ انداز ۔۔۔۔۔

جبکہ اپنا کام اب بھی جاری رکھے ہوئے تھا ۔۔۔۔۔۔

ایسے کیسے بتاؤں آپکا دھیان نہیں ہے ۔۔۔۔۔

میرے دھیان کے سارے دھاگے تمہاری طرف ہی ہیں مسز ڈونٹ وری ۔۔۔۔۔

رخ موڑ کر گال کو نرمی سے سہلایا ۔۔۔۔۔

وہ میں بتانا چاہ رہی تھی کہ لالا ۔۔۔۔۔۔

ابیہا میں تمہارے لالا کے بارے میں کچھ نہیں سننا چاہتا ۔۔۔۔۔

ضارب کا نام آتے ہی یکدم ہی اسکا لہجہ بدلہ ۔۔۔۔۔چہرے کے زاویے بگڑے اور وہ بات مکمل ہونے سے پہلے ہی درمیان میں ٹوک گیا ۔۔۔۔۔

اور اسے ایک سائڈ کرتے ہوئے ڈریسنگ ٹیبل کے آگے کھڑا ہو کر گھڑی اتارنے لگا ۔۔۔۔

واسم میری بات تو سن لیں ۔۔۔۔۔۔

ابیہا میں نے کہہ دیا نا کہ ۔۔۔۔۔” بات ابرش کے بارے میں ہے ۔۔۔۔۔اسکی بات پوری ہونے سے پہلے بولی ۔۔۔۔۔

ابرش کے بارے میں ۔۔۔۔۔

جی “

جس پر اس نے سر ہلایا ۔۔۔۔۔

بولو ۔۔۔۔۔

وہ ،،،،، وہ ۔۔۔۔۔

اب بولو بھی وہ ٹھیک تو ہے ؟؟؟؟؟ تمہارے بھائی نے پھر کوئی تکلیف تو نہیں پہنچائی ؟؟؟؟؟

ایک ہی سانس میں بولا تھا ۔۔۔۔۔

جس پر ابیہا نے منہ بنایا ۔۔۔۔۔آپ ہمیشہ میرے لالا کے بارے میں نیگٹو کیوں سوچتے ہیں ۔۔۔۔۔

شکوہ کیا گیا ۔۔۔۔۔

کیونکہ اسکی حرکتیں ہی ایسی ہیں ۔۔۔۔۔

دوبدو جواب آیا ۔۔۔۔۔

سم ۔۔۔۔۔۔

دانت پیسے ۔۔۔۔

واسم مسکرایا ۔۔۔۔۔اچھا بولو اب ۔۔۔۔۔

وہ نا آپ ماموں بننے والے ہیں ۔۔۔۔

ابیہا نے پہلے اسے آنکھیں دکھائی جسکے جواب میں واسم نے اسے گھورا ۔۔۔۔

جس پر وہ مسکراتے ہوئے خوشی سے بولی ۔۔۔۔۔

وٹ ۔۔۔۔۔”

حیرت کی زیادتی سے واسم کا منہ کھل گیا تھا ۔۔۔۔۔

جبکہ اسکے ری ایکشن پر ابیہا نے بتیسی کی نمائش کی تھی ۔۔۔۔۔۔