Tere Sang Yaara by Wafa Shah NovelR50537 Tere Sang Yaara (Episode 21)

Tere Sang Yaara by Wafa Shah

خان باہر گاڑیوں اور گارڈز کے ساتھ بالکل تیار کھڑا ضارب کا انتظار کر رہا تھا ۔۔۔۔۔۔

جب اسے وہ غصہ میں باہر آتا ہوا دکھائی دیا تھا ۔۔۔۔۔

اسکی آنکھوں میں اتری لالی اور وحشت کو دیکھتے وہ کافی حیران ہوا تھا ۔۔۔۔۔۔

کیونکہ اس نے اسکا یہ روپ زیادہ تر گھر کے باہر ہی دیکھا تھا ۔۔۔۔۔

تو پھر اچانک ایسی کیا بات ہوگئی جو ایسے خوشی کے موقع پر بھی اسکی آنکھوں میں ایسی دہشت اتری ہوئی تھی ۔۔۔۔۔

لیکن چاہ کر بھی وہ پوچھنے کی ہمت اپنے اندر مفقود پاتا تھا ۔۔۔۔۔

کیونکہ ضارب شاہ نے اپنے معاملات میں بولنے یا پھر مداخلت کرنے کی اجازت کسی کو نہیں دی تھی ۔۔۔۔

سوائے دادا سائیں کے ،،،،،، لیکن اسکی ذات کے بہت سارے پہلوؤں سے تو ابھی تک وہ بھی ناواقف تھے ۔۔۔۔۔۔۔

اسکے قریب پہنچنے سے پہلے ہی اس نے گاڑی کا دروازہ کھول دیا تھا ۔۔۔۔۔

جس میں وہ اپنے جاہ و جلال کے ساتھ براجمان ہوتا ایک بار پھر سگریٹ سلگا گیا ۔۔۔۔۔

جس کے بعد وہ بھی دروازہ بند کرتا بھاگ کر ڈرائیور کے ساتھ فرنٹ سیٹ پر بیٹھا ،،،،،، جس کے بیٹھتے ہی ڈرائیور نے گاڑی سٹارٹ کی تھی ۔۔۔۔۔۔

ایک ساتھ کئی گاڑیاں ھول اڑاتی ہوئی حویلی سے نکلتی چلی گئی ۔۔۔۔۔۔

سفر خاموشی سے طے ہو رہا تھا ،،،،،،،

جب گاڑی میں خان کی آواز گونجی ۔۔۔۔۔۔

سردار سائیں آپ ٹھیک تو ہیں ؟؟؟؟؟؟

اپنے اندر کی ساری ہمت جمع کرنے کے بعد آخر ڈرتے ڈرتے اس نے پوچھ ہی لیا تھا ۔۔۔۔۔

جس کے جواب میں ضارب نے اسے ایسی نظروں سے دیکھا تھا ،،،،،،، جس سے اسکی ریڑھ کی ہڈی میں سنسناہٹ سی دوڑ گئی ۔۔۔۔۔۔

جس پر اس نے فورا معذرت کرتے ہوئے اپنا رخ سیدھا کیا اور بھول کر بھی دوبارہ اپنے حلق سے لفظ نا نکالا ۔۔۔۔۔۔

جبکہ ضارب جس کا دماغ ابرش کی باتوں پر پہلے سے ہی خراب تھا اسکی مداخلت پر اسکا غصہ سوا نیزے پر پہنچ چکا تھا ۔۔۔۔۔۔

بہت غلط کیا تھا اس لڑکی نے ،،،،،،، جو اسکے اندر کے حیوان کو للکار دیا تھا ۔۔۔۔۔

جس کے جاگنے پر وہ خود پر سے ہر اختیار کھو دیتا تھا ۔۔۔۔۔۔

اس نے اپنے جس روپ کو اپنے خاندان سے چھپا کر الگ رکھا تھا ،،،،،، وہ اس سے واقف ہو چکی تھی ۔۔۔۔۔۔

اوپر سے اسکی نے جو اس سے بدتمیزی کی تھی ،،،،،، بالکل ناقابل معافی تھی ۔۔۔۔۔

جسکا انجام کتنا برا ہو سکتا تھا ،،،،،، وہ نادان لڑکی کبھی اپنے خیالوں میں بھی نہیں سوچ سکتی تھی ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

واسم جو بہت غصے میں آفس پہنچا تھا ۔۔۔۔۔۔۔

اس نے سب سے پہلے اپنے پی اے کی بلاوجہ ہی کلاس لے ڈالی تھی ۔۔۔۔۔

جس پر وہ بیچارہ تو اپنے غلطی ہی ڈھونڈتا رہ گیا تھا ،،،،،،، لیکن اس غریب کو کیا پتا ،،،،،،

کسی اور کی غلطی کی سزا اس غریب کو بھگتنی پڑی ہے ۔۔۔۔۔۔

اور یہی نہیں باقی جو جو بھی اسکے ہتھے چڑھ رہا تھا ،،،،،، اس سے بیعزتی کروا رہا تھا ۔۔۔۔۔۔

جبکہ آج صبح صبح اسے اس روپ میں دیکھ کر سارے سٹاف کی سانسیں خشک ہو چکی تھیں ۔۔۔۔۔۔

کہ پتا نہیں کب انکا باس عزرائیل کی طرح انکی روح قبض کرنے کیلئے پہنچ جائے ۔۔۔۔۔اور ان بیچاروں کو پتا بھی نا چلے ۔۔۔۔۔

ان سب پر اچھی طرح اپنا غصہ نکالنے کے بعد جب وہ اپنے آفس روم میں پہنچا تو ،،،،،،، معروف کو پہلے سے وہاں موجود دیکھ کر اسکا دماغ ہل کر رہ گیا ۔۔۔۔۔

اور غصے کا گراف جو تھوڑا کم ہوا تھا دوبارہ سے بڑھ گیا ۔۔۔۔۔۔

آپ جہاں کیا کر رہی ہیں مس حسن ؟؟؟؟؟

وہ اپنے غصے کو بنا دبائے اپنے لہجے میں درشتگی لاتے چیخ کر بولا ،،،،،،، جس پر وہ اپنی جگہ سے ایک فٹ تک اچھلی تھی ۔۔۔۔۔

اس کا دل واسم کی دھاڑ پر سہم سا گیا ۔۔۔۔۔۔

لیکن اسکے ساتھ ساتھ وہ تھوڑی حیران بھی تھی ،،،،، کیونکہ کل اسی نے تو اسے اسکے آفس پہنچنے سے پہلے کیبن میں آنے کا کہا تھا اب وہ اس پر برہم ہو رہا تھا ۔۔۔۔۔۔

س ،،،،، سر ،،،،، آپ ،،،، نے ہی تو ،،،، بولا تھا ،،،، میرے آنے سے پہلے کل آفس روم ،،،،، میں موجود رہنا ۔۔۔۔۔۔

بس ،،،، اسی لیے ۔۔۔۔۔۔

وہ فورا اپنی جگہ کھڑی ہوتی ،،،،، اسے اپنی جہاں موجودگی کی وجہ بتانے لگی ۔۔۔۔۔

جبکہ اسکے ڈر کی وجہ سے اسکے منہ سے الفاظ ٹوٹ ٹوٹ کر نکل رہے تھے ۔۔۔۔۔

کالی خوبصورت آنکھوں میں آنسو جھلملانے لگے تھے ۔۔۔۔۔ اور پورا سراپا ڈر کی وجہ سے تھر تھر کانپنے لگا تھا ۔۔۔۔۔

جبکہ اس کی بات پر واسم کے کانوں میں اسکے ہی کل کے بولے گئے لفظ گونجنے لگے تھے ۔۔۔۔۔۔۔

جس پر اس نے سختی سے اپنی مٹھیاں بھینچی تھیں اور ساتھ ہی اپنی جلتی آنکھوں کو ایک پل کیلئے بند کرتے خود کو پرسکون کرنے کی کوشش کی تھی ۔۔۔۔۔

اب کہ جب وہ بولا تو اسکی آواز میں پہلے جیسی درشتگی مفقود تھی البتہ لہجہ اب بھی سپاٹ ہی تھا ۔۔۔۔۔۔

نہیں مس حسن اب مجھے کوئی بات نہیں کرنی ،،،،،، اس لیے آپ جا سکتی ہیں ۔۔۔۔۔

لیکن ،،،، سر ،،،،،

آپکو میری بات سمجھ نہیں آ رہی کہ مجھے کوئی بات نہیں کرنی ،،،،،، اب کہ وہ دھاڑ کر بولا ۔۔۔۔۔۔

جس پر وہ سر ہلاتی فورا سے پہلے اسکے کیبن سے نکلتی چلی گئی ۔۔۔۔۔

جبکہ پیچھے واسم شاہ نے اپنا سیل فون غصے سے سامنے موجود دیوار دے مارا تھا ۔۔۔۔۔

لیکن اسکا غصہ کسی طور پر کم نہیں ہو پا رہا تھا ۔۔۔۔۔

آج جو ابیہا نے اسکی تذلیل کی تھی ،،،،،،، وہ الفاظ اسکے کان میں بار بار گونجتے اسکے رگ و پے میں ایک جنون اور نفرت کی لہر برپا کر رہے تھے ۔۔۔۔۔

اب وہ لڑکی واسم شاہ کی ضد بن چکی تھی ،،،،،،

اور اس ضد کے چلتے اپنے جنون میں وہ اسکا کیا حشر کرتا ،،،،،، وہ کبھی سوچ بھی نہیں سکتی تھی ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سر آپ نے ہمیں جس لڑکی کا پتا لگانے کو بولا تھا ۔۔۔۔۔۔ اس فائل میں اسکی ساری انفارمیشن موجود ہے ۔۔۔۔۔۔

اسکا باس جو اپنی کرسی کا رخ دوسری طرف کر کے بیٹھا تھا ،،،،،، ٹیبل پر ایک فائل رکھتے اس نے اسے اپنی طرف متوجہ کرنے کی کوشش کی تھی ۔۔۔۔۔

جس میں وہ کامیاب بھی ٹھرا تھا ۔۔۔۔۔

کیونکہ اس کا باس اسکی بات سنتے ہی سیدھا ہوتے ،،،،، اپنی سامنے رکھی فائل کو اٹھاتے اسے دیکھنا شروع کر چکا تھا ۔۔۔۔۔

جسے دیکھتے ہی اسکے چہرے پر ایک مکروہ مسکراہٹ آئی تھی ۔۔۔۔۔۔

تو میرا شک سہی نکلا ،،،،،، یہ لڑکی بھی اسی خاندان سے تعلق رکھتی ہے ۔۔۔۔۔

آر جے ” مجھے یہ لڑکی ہر حال میں چاہیے ۔۔۔۔۔

کسی بھی قیمت پر ،،،،،، تمہیں اسے حاصل کر کے مجھ تک پہنچانا ہوگا ۔۔۔۔۔

لیکن سر یہ کام اتنا بھی آسان نہیں ہے ۔۔۔۔۔

وہ سردار ضارب شاہ کی بہن ہے ،،،،،،، جس سے دشمنی مول لینا مطلب اپنی موت کو دعوت دینے کے برابر ہے ۔۔۔۔۔۔۔

اور آپ تو سیدھا اسکی بہن کو اٹھانے کی بات کر رہے ہیں ۔۔۔۔۔۔

جسے وہ اپنی زندگی کہتا ہے ۔۔۔۔۔

اگر اس کام میں ہم سے ایک چھوٹی سی بھی غلطی ہو گئی اور ہم اسکے ہاتھ چڑھ گئے تو ،،،،،، وہ ہمیں ایسی مو*ت دے گا ۔۔۔۔۔

جس سے خود مو*ت بھی خوف کھاتی ہوگی ۔۔۔۔۔۔

سر وہ انسان نہیں بلکہ ایک درندہ ہے ،،،،،، جو کب اور کہاں سے وار کر دے کچھ پتا نہیں چلتا ۔۔۔۔۔۔

وہ ڈرے ہوئے لہجے میں اسے ضارب کی طاقت اور دردنگی کے بارے میں بتا رہا تھا ۔۔۔۔۔

جسے سنتے اسکا باس قہقہ لگا گیا ۔۔۔۔۔۔

بھلا اس سے بہتر ضارب شاہ کو اور کون جان سکتا تھا ۔۔۔۔۔۔

یار آر جے مجھے تم سے ایسی بزدلی کی ہرگز امید نہیں تھی ،،،،،، کچھ نہیں بگاڑ سکتا ہمارا یہ شاہ خاندان ۔۔۔۔۔

نا برسوں پہلے وہ کچھ کر پائے تھے ،،،،،، نا ہی وہ اب کچھ کر سکیں گے ۔۔۔۔۔۔

یہ ضارب شاہ چاہے کتنا بھی بڑا درندہ کیوں نا بن جائے ،،،،،،

لیکن میرے سامنے ابھی وہ چھوٹا بچہ ہی ہے ۔۔۔۔۔۔۔

اس لیے ریلکس رہو ،،،،،، جب اسکے بڑے ہمارا کچھ نہیں بگاڑ پائے تھے تو یہ اکیلا کیا کر لے گا ۔۔۔۔۔۔

تم بس اس لڑکی کی اٹھانے والی بات کرو ،،،،،، وہ اپنے چہرے پر استہزائیہ مسکراہٹ سجاتے طنزیہ کہتے ہوئے اسے اپنا اگلا حکم سنا گیا ۔۔۔۔۔۔

لیکن سر وہ اکیلا ہی سو کے برابر ہے ۔۔۔۔۔۔

اور رہی بات اسکی لڑکی کو اٹھانے کی یہ تو اب ناممکنات سے ہے ۔۔۔۔۔۔

ایک وہ لڑکی کبھی گھر سے اکیلی نکلتی نہیں ہے ۔۔۔۔۔

اور دوسرا اسکی اب شادی ہو رہی ہے ،،،،،، ضارب شاہ کے ہی تایا زاد کزن واسم شاہ سے ،،،،،، جو خود بھی ایک سائیکو انسان ہے ۔۔۔۔۔۔

جو وقت پڑنے پر اپنوں کو بھی نہیں بخشتا ۔۔۔۔۔۔

اسکی بات سنتے اس نے اپنے باس کو ابیہا کے نکاح کے بارے میں بتایا تھا ۔۔۔۔۔

جس پر وہ ایک پل کیلئے چونکا لیکن پھر پہلے سے بھی زیادہ جاندار قہقہ لگا گیا ۔۔۔۔۔

اب ہی تو مزہ آئے گا بیوقوف ،،،،،، سوچوں ذرا کتنی بیعزتی ہوگی شاہ خاندان کی جب شادی والے دن بارات دلہے سمیت در پر کھڑی ہوگی ۔۔۔۔۔

اور دلہن گھر سے غائب “

ضارب شاہ کی ساری اکڑ اور ہیکڑی ایک ہی وار سے نکل جائے گی ۔۔۔۔۔

جس کے بعد وہ لوگ آپس میں ہی لڑ لڑ کر م*ر جائیں گے ۔۔۔۔۔۔

وہ مکروہ قہقہ لگاتا اسے اپنے پلین سے آگاہ کرنے لگا تھا ،،،،،، جسے سننے کے بعد آر جے کے چہرے پر بھی ایک محفوظ کن مسکراہٹ آئی تھی ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساری حویلی کو برقی قمقموں اور پھولوں کے ساتھ سجا دیا گیا تھا ۔۔۔۔۔۔

کئی ہزار رقبے پر بنی یہ شاہ حویلی ،،،،،، جو سادگی میں بھی اپنی خوبصورتی سے دیکھنے والوں کو مہبوت کر دیتی تھی ۔۔۔۔۔۔

آج جگمگ کرتی ہوئی لائٹوں سے سجی اس میں رہنے والے افراد کی خوشی کا پتا دے رہی تھی ۔۔۔۔۔۔

نکاح بھلے ہی ان لوگوں کا سادگی سے ہو رہا تھا ،،،،،، لیکن حیدر شاہ نے اتنے کم وقت میں بھی انتظامات ایسے کیئے تھے ۔۔۔۔۔۔

جسکی تعریف کرنے کیلئے الفاظ کم پڑ جائیں ۔۔۔۔۔

آج سردار حیدر شاہ کے پوتوں سردار ضارب شاہ اور واسم شاہ کا نکاح تھا جسکی خوشی میں آج پورے گاؤں میں مٹھائی کے ساتھ ساتھ کھانا تقسیم کرنے کا اعلان کر دیا گیا تھا ۔۔۔۔۔۔

جس کے بعد ایک بھی گھر میں چولہا نہیں جلا تھا ۔۔۔۔۔۔

حویلی کے لان میں ایک بڑا سٹیج تیار کیا گیا تھا ۔۔۔۔۔

جس کے درمیان میں پھولوں کی لڑیاں لگا کر اسے دو حصوں میں تقسیم کر دیا گیا تھا جو نکاح مکمل ہونے کے بعد ہٹائی جانی تھی ۔۔۔۔۔

دلہنوں کو تیار کرنے کیلئے بیوٹیشن کو حویلی میں ہی بلا لیا گیا تھا ۔۔۔۔۔۔

جس نے اپنا کام سر خوبی انجام دیتے ہوئے انہیں تیار کر دیا تھا ۔۔۔۔۔۔

جن کو دیکھنے کے بعد وہ خود بھی حیران تھی ،،،،،، کیونکہ اس نے اتنی خوبصورت دلہنیں ایک ساتھ آج تک نہیں دیکھی تھیں ۔۔۔۔۔۔۔

جن میں یہ فیصلہ کرنا مشکل تھا کہ زیادہ کون پیاری ہے ۔۔۔۔۔۔

عظمی بیگم نجمہ بیگم کے ساتھ اماں سائیں بھی انکی بلائیں لیتی نہیں تھک رہی تھیں ۔۔۔۔۔۔

اور ان کے ساتھ سفید فراک میں ملبوس ہلکے پھلکے میک اپ میں تیار ہوئی زر بھی بہت خوبصورت لگ رہی تھی ۔۔۔۔۔۔کہ اس پر سے نظر نہیں ٹھر رہی تھی ۔۔۔۔۔

جس کی وجہ سے اماں سائیں نے دونوں دلہنوں کے ساتھ ساتھ اسکا صدقہ بھی اتار دیا تھا ۔۔۔۔۔

کہ کہیں انکی گلشن کی کلیوں کو کسی نظر نا لگ جائے ۔۔۔۔۔

لیکن نظر تو بہت پہلے کی ہی لگ چکی تھی ،،،،،، وہ علیحدہ بات کے وہ فلحال اس بات سے انجان تھیں ۔۔۔۔۔

ان سب سے فارغ ہو کر وہ تینوں خواتین زر کو انکا خیال رکھنے کی تلقین کرتی باہر چلی گئی تھیں ۔۔۔۔۔

کیونکہ ابھی کچھ دیر میں ہی نکاح کا فریضہ انجام دیا جانا تھا ،،،،،، اور ساتھ ساتھ حویلی میں آنے مہمانوں کی خاطر تواضع کیلئے ان کا وہاں موجود ہونا بھی ضروری تھا ۔۔۔۔۔۔۔

ان کے جانے کے بعد زر ان دونوں کی طرف متوجہ ہوئی تھی ۔۔۔۔۔۔

جو اب بھی منہ لٹکائے ہی بیٹھیں تھیں ۔۔۔۔۔

کیونکہ ایک لڑکی کیلئے یہ وقت بالکل بھی آسان نہیں ہوتا ،،،،،،، بھلے ہی ان لوگوں نے شادی کر کے اسی گھر میں رہنا تھا ۔۔۔۔۔۔

لیکن اپنی ذات کے ساتھ ساتھ اپنی روح پر بھی کسی دوسرے انسان کو مکمل اختیارات دے دینا بہت ہی مشکل امر ہوتا ہے ۔۔۔۔۔

اور انسان بھی وہ جو ان دونوں کو بالکل بھی پسند نہیں تھے ۔۔۔۔۔۔

ایسے میں وہ خوش دکھائی کیسے دے سکتی تھیں ۔۔۔۔۔۔

جب اندر سے انکا دل دماغ اور روح ہی خوش نہیں تھی ۔۔۔۔۔۔

کیا ہوا ہے تم لوگوں کو کوئی اپنے نکاح کے دن بھی ایسا منہ بناتا ہے ،،،،،، جیسے تم لوگ بنا کر بیٹھی ہو ۔۔۔۔۔۔۔

وہ انکے سڑے ہوئے منہ دیکھ کر تپ کر بولی ۔۔۔۔۔۔

تم لوگوں کو پتا تم لوگ کتنی لکی ہو ،،،،،، ایک تو تمہیں اتنے پیارے دلہے مل رہیں ہیں ۔۔۔۔۔۔

دوسرا پڑھائی سے تم لوگوں کی جان چھوٹ جائے گی ۔۔۔۔۔۔

تم لوگ ہر ٹینشن سے فری ہو کر اپنی زندگی جی سکتی ہو ۔۔۔۔۔۔

اور پتا تم لوگوں کو اب تو مجھے تم سے جیلسی بھی فیل ہو رہی ہے ۔۔۔۔۔ میرا بھی دل کر رہا ہے ،،،،،،، میں بھی جلدی دلہن بن جاؤں ،،،،،، میرے لیے بھی تمہارے ہی جیسا پیارا سا دلہا آئے اور مجھے دلہن بنا کر ڈھولی میں بٹھا کے لے جائے ۔۔۔۔۔۔

ہائے سب کی باراتیں آئی ڈھولی توں بھی لاں نا

دلہن بنا کے ہمیں راجا جی لے جا ناں سب کی باراتیں آئی

وہ اپنی آنکھیں بند کرتی خوابدیدہ لہجے میں ہلکا سا گنگنا کر بولی ۔۔۔۔۔۔

جس پر ان کی ہنسی چھوٹی تھی ،،،،،، جسے دیکھتے ہی وہ ہوش میں آتی منہ بنا گئی ۔۔۔۔۔

کیا ہے اب کیوں ہنس رہی ہو تم دونوں ؟؟؟؟

ان کے ایسے ہنسنے پر اب کہ وہ غصے سے بولی تھی ۔۔۔۔۔۔جس پر وہ ایک بار پھر قہقہ لگا گئی ۔۔۔۔۔۔

لیکن پھر اسکے بگڑتے تاثرات کو دیکھتے انہوں نے بمشکل اپنے منہ پر ہاتھ رکھتے ہنسی کو کنٹرول کیا تھا ،،،،،،، اچھا اچھا سوری اب ہم لوگ نہیں ہنسے گے اس لیے اپنا موڈ ٹھیک کرو ۔۔۔۔۔۔

ابیہا اسے مناتے ہوئے پیار سے گویا ہوئی تھی جس پر وہ بھی مسکرائی ۔۔۔۔

اچھا زر پتا ہے میں کیا سوچ رہی ہوں ۔۔۔۔۔

ہاں بولو ” ابرش کے کہنے پر وہ اسکی متوجہ ہوتی بولی ۔۔۔۔۔۔

کہ کیوں نا دادا سائیں سے بات کر کے اپنے ساتھ ساتھ آج تمہارا بھی نکاح نا پڑھوا دیں ۔۔۔۔۔۔

ہائے سچی پر اتنی جلدی دلہا کہاں سے ڈھونڈ کر لائیں گے ۔۔۔۔۔

وہ اسکی بات پر خوش ہوتی اینڈ میں پریشانی سے گویا ہوئی تھی ۔۔۔۔۔

جس پر ان دونوں نے اپنی مسکراہٹ چھپائی ۔۔۔۔۔

یار باہر ڈھونڈنے کی کیا ضرورت ہے ،،،،،، دلہا تو گھر میں ہی موجود ہے ،،،،،، زارون سے شادی کروا دیتے ہیں تمہاری ،،،،، کیوں کیسا لگا میرا آئیڈیا ۔۔۔۔۔

اس کے چہرے کی طرف شرارت سے دیکھتے اب کے ابیہا بولی تھی ۔۔۔۔۔

جس کی تائید میں ابرش نے بھی زور و شور سے سر ہلایا تھا ۔۔۔۔۔۔۔

جبکہ زارون کے نام پر زر نے برا سا منہ بنایا تھا ۔۔۔۔۔۔

کبھی سوچنا بھی مت میں کبھی شادی نہیں کروں گی تمہارے اس نکمے نالائق اور بدتمیز لالا سے ،،،،،، انکی بات پر اس نے انکار کرتے ہوئے اپنا فیصلہ سنایا تھا ۔۔۔۔۔۔

جبکہ اپنے لالا کے بارے میں اسکے نادر خیالات جان کر ابرش کا منہ بن گیا تھا ۔۔۔۔۔

اسکے برعکس ابیہا قہقہ لگا گئی ۔۔۔۔

دوسری طرف زارون جو اپنی بہنوں کو نکاح سے پہلے ملنے اور پیار کرنے کیلئے آیا تھا ،،،،،، اور اسکے خیالات جان کر اپنی ہنسی چھپاتے اسکے سجے سنورے سراپے کو اپنی نگاہوں میں سماتے چھپکے سے اسکی فوٹو بھی اپنے فون میں بنا لی تھی ۔۔۔۔۔

لیکن جب ابیہا نے اسکا ذکر کیا تو ایک پل کیلئے اسکے دل نے خواہش کی تھی وہ فورا سے ہاں کر دے ۔۔۔۔۔

لیکن اسکے اپنے بارے میں نادر خیالات جان کر اسکے سارے ارمانوں ہر پانی پھیر گیا تھا جیسے ۔۔۔۔۔۔

مس زرمینے موسی شاہ ” دیکھیے گا دلہن آپ اسی نکمے اور نالائق انسان کی ہی بنے گی ،،،،،، یہ زارون ارمغان شاہ کا آپ سے وعدہ ہے ۔۔۔۔۔۔

اس کے خوبصورت چہرے کی طرف دیکھتے زارون نے خود سے وعدہ کیا تھا ۔۔۔۔۔

لیکن قسمت میں کیا لکھا تھا اس سے اندر موجود تینوں ہستیوں کے ساتھ ساتھ وہ باہر کھڑا وہ وجود خود بھی انجان تھا ۔۔۔۔۔