Tere Sang Yaara by Wafa Shah NovelR50537 Tere Sang Yaara (Episode 27)

Tere Sang Yaara by Wafa Shah

اسے پورے بارہ گھنٹے بعد ہوش آیا تھا ۔۔۔۔۔

جب اس نے دھیرے دھیرے آنکھیں کھولیں کچھ وقت وہ غائب دماغی سے ہسپتال کی چھت کو گھورتی رہی ۔۔۔۔

لیکن پھر جیسے جیسے اسکے دماغ نے ہوش کی دنیا میں قدم رکھا تو اس نے اپنے آس پاس نظریں دوڑائی تو اسے نجمہ بیگم کمرے میں ایک طرف مسلا بچھا کر نماز پڑھتی ہوئی نظر آئی ۔۔۔۔

ان دونوں کے علاوہ فلحال کمرے کوئی تیسرا وہاں موجود نہیں تھا ۔۔۔۔۔۔

جنہیں ایک نظر دیکھنے کے اس نے دوبارہ اپنی آنکھیں بند کر لیں ۔۔۔۔لیکن آنکھیں بند کرتے ہی کل رونما ہونے والا واقعہ اور خو*ن میں لت پت لا*شیں نظر آنے لگی ۔۔۔۔۔

اس درندے کی دردنگی نے اس کے حواسوں کو ایک بار پھر بری طرح جھنجھوڑ دیا تھا ۔۔۔

جسکی وجہ سے اس کا نازک وجود پوری طرح کانپنے لگا تھا ۔۔۔۔

اور اسکے حلق سے ایک چیخ برآمد ہوئی تھی ۔۔۔۔۔

نجمہ بیگم جو نماز پڑھنے کے بعد اس کی خیریت کی دعا مانگ رہی تھیں ۔۔۔۔۔

اس کے اچانک چیخنے پر دعا کو آدھا ادھورا چھوڑ کر اسکی طرف بھاگی تھیں ۔۔۔۔۔۔

جبکہ وہ مسلسل نفی میں سر ہلا رہی تھی ۔۔۔۔

اور اسکی بند آنکھوں سے آنسو تواتر سے بہہ رہے تھے ۔۔۔۔۔

زر ،،،، زر میری جان کیا ہوا آپکو ؟؟؟؟

ہوش میں آئیں ،،،،، دیکھیں آپکی ماما آپکے پاس ہیں ۔۔۔۔

زر میری بچی آنکھیں کھولیں ۔۔۔۔۔

وہ اسے جھنجھوڑتے ہوئے اٹھانے کی کوشش کی کرنے لگی تھی ۔۔۔۔۔

جو نیم بیہوشی کے عالم میں بس روئے جا رہی تھی ،،،،،، جبکہ اسکے لبوں سے ہلکی ہلکی بڑبڑاہٹ بھی جاری تھی ۔۔۔۔

جو آواز کم ہونے کی وجہ سے وہ سمجھ نہیں پائی تھیں ۔۔۔۔۔۔

لیکن پھر انکے جھنجھوڑنے پر جیسے ہوش میں آتی آنکھیں کھول گئی تھی ۔۔۔۔۔

جسے دیکھتے ہوئے انہوں نے سکھ کا سانس لیا تھا ۔۔۔۔

ماما”

اس نے نقاہت زدہ آواز میں انہیں پکارا تھا ۔۔۔۔۔

جی ماما کی جان ،،،،، میں یہی میری بچی وہ اسکے آنسوؤں کو صاف کرتی اسکی پیشانی چوم کر محبت بھرے لہجے میں گویا ہوئی تھیں ۔۔۔۔۔

جبکہ انکی محبت پر وہ آگے بھڑ انکے سینے سے لگ گئی تھی ۔۔۔۔۔

جس سے اسکی روح تک سکون اترا تھا ،،،،،، انکی آغوش میں آ کر اسے ایسا لگا جیسے یکدم تپتے صحراؤں سے گھنی چھاؤں میں آ گئی ہو ۔۔۔۔۔

سچ کہتے ہیں لوگ ماں کی ممتا کا کوئی نیمل بدل نہیں ہوتا ۔۔۔۔۔اور نا دنیا میں آپکو کہیں ایسا سکون کہیں اور مل سکتا ہے ۔۔۔۔

جو کہ اپنی ماں کی گود میں سر رکھنے سے وجود میں اترتا ہے ۔۔۔۔۔

انسان کی ساری تھکن تکلیفیں دور ہو جاتی ہیں ۔۔۔۔

کچھ ایسی ہی حالت زرمینے کی تھی ،،،،،، اسکے تڑپتے لرزتے دل کو انکے سینے سے لگتے ہی سکون ملا تھا ۔۔۔۔۔

جس سے وہ کافی حد تک پرسکون ہو چکی تھی ۔۔۔۔

کافی دیر اپنے دل کے قرار کو سینے سے لگائے رکھنے کے بعد نجمہ بیگم نے اسے دھیرے سے الگ کیا تھا ۔۔۔۔۔

کیسی طبیعت ہے اب آپکی ،،،،، آپ ایسے رو کیوں رہی تھیں ،،،،، کوئی برا خواب دیکھ لیا تھا کیا ؟؟؟؟؟

وہ اسکے رونے کی وجہ سے سرخ ہوتے چہرے کو دیکھتی محبت سے سوال گو ہوئی تھیں ۔۔۔۔۔

ج ،،،، جی ۔۔۔۔۔

جس کے جواب میں بس وہ صرف اتنا ہی بولی تھی ۔۔۔۔۔

کوئی بات نہیں بیٹا خواب تو صرف خواب ہوتے ہیں جنکا حقیقت سے کوئی تعلق نہیں ہوتا ہے ۔۔۔۔۔

اس لیے اسے زیادہ دماغ پر سوار کرنے کی ضرورت نہیں ہے ۔۔۔۔۔

آپکی طبیعت پہلے ہی ٹھیک نہیں ہے ۔۔۔۔۔

کاش ماما میں آپکو بتا سکتی کہ یہ صرف میرا خواب نہیں ہے ۔۔۔۔۔

بلکہ ایسی بھیانک حقیقت ہے جسے میں چاہ کر بھی بھولا نہیں سکتی ۔۔۔۔۔

اور نا ہی اپنی تکلیف آپ لوگوں کے ساتھ بانٹ سکتی ہوں ۔۔۔۔۔

اگر اس درندے نے اس کے ماں باپ کو کچھ کر دیا تو ۔۔۔۔ یہ سوچ آتے ہی وہ دہل گئی تھی ۔۔۔۔۔

کیا ہو رہا ہے زر بیٹے طبیعت پھر خراب ہو رہی ہے کیا ۔۔۔۔ میں ڈاکٹر کو بلا کر لاوں ؟؟؟؟

جبکہ اسکا چہرہ دوبارہ زرد پڑتے دیکھ وہ فکرمندی سے گویا ہوئی تھیں۔۔۔۔۔

نہیں ماما میں بالکل ٹھیک ہوں ،،،،، ہم گھر کب جائیں گے ؟؟؟؟؟

وہ انکے پریشان چہرے کو دیکھتے خود کو کمپوز کرتی ہوئی بولی تھی ۔۔۔۔

سچ میں آپ ٹھیک ہیں نا ؟؟؟؟؟

انہوں نے ایک بار پھر تصدیق کی جیسے انہیں اسکے کو دیکھتے یقین نہیں ہو پا رہا تھا کہ وہ ٹھیک ہے۔۔۔۔۔

جی ماما میں بالکل ٹھیک ہوں ۔۔۔۔۔

وہ اس بار تھوڑا مسکرا کر بولی تھی ،،،،، تاکہ انہیں تسلی ہو جائے ۔۔۔۔۔

جس پر وہ بھی مسکرائی تھیں۔۔۔۔۔

بس ابھی کچھ دیر میں ،،،، ہم بس آپکے ہوش میں آنے کا انتظار کر رہے تھے ۔۔۔۔

آپکے بابا سائیں ابھی کچھ دیر پہلے ہی ڈاکٹر کے بلاوے پر ان سے ملنے کیلئے گئے ہیں ۔۔۔۔

ابھی وہ بس آتے ہی ہونگے ۔۔۔۔۔

جس پر ہاں سر ہلا گئی تھی ۔۔۔۔۔

ابھی وہ لوگ باتیں ہی کر رہے تھے ۔۔۔۔۔جب موسی شاہ کمرے میں داخل ہوئے تھے ۔۔۔۔

اور اسے ہوش میں سہی سلامت بیٹھے دیکھ انکے چہرے پر ایک خوبصورت مسکان آئی تھی ۔۔۔۔۔

جبکہ وہ ماں بیٹی بھی انہیں آتے دیکھ مسکرائی تھیں ۔۔۔۔

کیسا ہے ہمارا بچہ ،،،،،، وہ اسکے قریب آتے اسے اپنے حصار میں لے کر شفقت سے سر بوسہ دیتے محبت سے گویا ہوئے تھے ۔۔۔۔۔

میں اب بالکل ٹھیک ہوں بابا سائیں ،،،،،، جوابا وہ بھی انکے گرد بازو باندھتی ان کے سینے سے لگتی پیار سے بولی تھی ۔۔۔۔۔

آپ نے تو ہماری جان ہی نکال دی تھی آپ جانتی ہیں ہم سب کتنا پریشان ہو گئے تھے ۔۔۔۔

آپکو ایسی حالت میں دیکھ کر ۔۔۔۔۔

سوری بابا سائیں وہ ان سے الگ ہوتی روندے ہوئے لہجے میں بولی تھی ۔۔۔۔

ارے میرا بچہ آپ کیوں معافی مانگ رہی ہیں اس میں آپکی کیا غلطی ہے ،،،،،، الٹا ہم قصور وار ہیں جو آپکا ٹھیک سے خیال نہیں رکھ پائے ۔۔۔۔۔

ہماری بیٹی پتا نہیں کب سے کمرے میں بیہوش پڑی تھی ۔۔۔۔۔

اور ہمیں خبر تک نہیں ہوئی ،،،،، اگر ابیہا آپکو کمرے میں دیکھنے نا جاتی تو پتا نہیں کب تک آپ اسی حالت میں فرش پر پڑی رہتیں ۔۔۔۔۔۔

وہ اسکے من موہنے چہرے کو اپنے ہاتھوں کے پیالے میں لیتے دکھ سے گویا ہوئے ۔۔۔۔۔

جس پر وہ نفی میں سر ہلاتی ایک بار پھر انکے گلے لگ گئی ۔۔۔۔

جبکہ ان باپ بیٹی کی محبت کو دیکھتی پاس کھڑی نجمہ بیگم مسکرا رہیں تھیں ۔۔۔۔

ویسے زر بیٹا آپ جب ہمارے ساتھ شاپنگ سے گھر آئی تھی تب تو آپ بالکل ٹھیک تھیں ۔۔۔۔۔

پھر اچانک سے اتنا تیز بخار کیسے ہو ؟؟؟؟

و ،،،، وہ ماما ،،،،، میری طبیعت وہاں مال میں تھوڑی خراب لگ رہی تھی ،،،،،

مجھے لگا ایسے ہی تھکاوٹ کی وجہ سے ہو رہا ہے ۔۔۔۔۔

تھوڑا آرام کروں گی تو سیٹ ہو جائے گی ۔۔۔۔۔۔

اس لیے آپکو نہیں بتایا کہ کہیں آپ پریشان نا ہو جائیں بس ۔۔۔۔۔

وہ انکی بات پر تھوڑا جھوٹ اور سچ ملا کر جواب دیتے بولی ۔۔۔۔۔

ایسے نہیں کرتے بیٹے اگر آپکو اپنی طبیعت ٹھیک نہیں لگ رہی تو کم از کم اپنی ماں کو بتا دینا چاہیے تھا ۔۔۔۔۔

کم از کم آپ کی حالت اتنی خراب تو نا ہوتی ۔۔۔۔۔دیکھیں اب بھی تو ہم پریشان ہو رہیں ہیں نا آپکو ایسے دیکھ کر ۔۔۔۔۔۔

سوری بابا سائیں میں آئندہ خیال رکھوں گی ۔۔۔۔۔

موسی شاہ کے رسانیت سے سمجھانے پر وہ اپنی غلطی مانتے ہوئے بولی ۔۔۔۔

جس پر وہ شفقت سے مسکرائے تھے ۔۔۔۔۔

آپ ہماری بات سمجھ گئی ہیں ہمارے لیے یہی بہت ہے ۔۔۔۔۔

آپکو معافی مانگنے کی ضرورت نہیں ۔۔۔۔۔

وہ اسکے سر پر دست شفقت رکھتے بولے تھے ۔۔۔۔۔

جب ہلکا سا دروازہ ناک کرتے زارون اندر داخل ہوا تھا ۔۔۔۔۔

چلیں چھوٹے بابا ” بس ڈاکٹر صاحب آ کر زر کا چیک اپ کر لیں پھر چلتے ہیں ۔۔۔۔

جی ٹھیک ہے ۔۔۔۔۔

وہ انکے چہرے کی طرف دیکھتا ادب سے بولا تھا ۔۔۔۔۔

جب اس کی نظر اس دشمن جان پر پڑی تھی ۔۔۔۔۔ جسے دیکھ کر ایسا لگا جیسے کسی نے اسکے جلتے دل پر ٹھنڈے پانی کی پھوار پھینک دی ہو ۔۔۔۔

وہ اسے کبھی بتا نہیں سکتا تھا ،،،،،، کل سے لے کر اب تک اسکی حالت کو دیکھتے وہ کیسے انگاروں پر لوٹا تھا ۔۔۔۔۔۔

اس نے اپنے رب سے کتنی دعائیں مانگی تھی ،،،،،، کہ وہ ٹھیک ہو جائے ،،،،،، اللہ تعالٰی اسکے حصے کے سبھی درد اور تکلیف میرے حصے میں ڈال کر اسے مکمل شفا عطا کر دے ۔۔۔۔۔

کل سے لے کر اب تک اس نے ایک پل کیلئے بھی اپنی آنکھ بند نہیں کی تھی ،،،،،،، کہ نا جانے کب اسکو کسی چیز کی ضرورت پڑ جائے ۔۔۔۔۔۔

اور اب تھکاوٹ سے اسکی اپنی آنکھیں بھی سرخ ہو رہی تھیں ۔۔۔۔

جو اسکے رت جگے کی گواہ تھیں ۔۔۔۔۔۔

اب کیسی طبیعت ہے تمہاری ؟؟؟؟

زارون نے اسکے معصوم چہرے کو اپنی نگاہوں میں سماتے اسکی طبیعت کے بارے میں پوچھا تھا ۔۔۔۔۔

جی بہتر “

جسکا جواب زر نے مختصر دیا تھا اور پھر خاموش ہو گئی ۔۔۔۔۔۔

جبکہ اسکی یہ بےرخی زارون کے دل کو بری طرح چبھی تھی ،،،،، اس لیے وہ موسی شاہ کو گاڑی میں ویٹ کرنے کا کہتے ہوئے وہاں سے نکلتا چلا گیا ۔۔۔۔۔

جس پر وہ سر ہلا گئے تھے ۔۔۔۔۔

جبکہ دروازے سے غائب ہونے تک زر نے اسکی پشت کو پرسوچ نظروں سے دیکھا تھا ۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

کل رات جب ابیہا زر کو کھانے کیلئے بلانے اسکے کمرے میں گئی تو اس نے وہاں اس کو زمین پر بیہوش گرے پایا ۔۔۔۔

جسے دیکھتے پہلے تو اس نے اسے ہوش میں لانے کی کوشش کی لیکن پھر اسے بری طرح بخار پھنکتے دیکھ وہ بھاگ کر گھر والوں کو بلا لائی ۔۔۔۔۔

جبکہ اس کو اس حالت میں دیکھ سبھی بہت پریشان ہو گئے تھے ۔۔۔۔۔اور فورا اسے لے کر شہر ہسپتال کیلئے نکلے ۔۔۔۔۔

جہاں اتنے بڑی بڑی ہستیوں کو دیکھتے ڈاکٹرز نے فورا اسکا ٹریٹمینٹ شروع کر دیا تھا ۔۔۔۔۔۔

تقریبا دو سے ڈھائی گھنٹے کی جان توڑ کوششوں کے بعد جا کر کہیں اسکے بخار کا زور ٹوٹا تھا ۔۔۔۔۔۔

اور ڈاکٹروں نے انہیں اسکی حالت سدھرنے کی خبر سنائی ۔۔۔۔۔۔

جس کے بعد جا کر کہیں ان لوگوں نے سکھ کا سانس لیا تھا ۔۔۔۔۔

لیکن اسے ہوش نہیں آیا تھا اس لیے انہوں نے اسے ایک دن ہسپتال میں ہی رکھنے کی تجویز پیش کی تھی ۔۔۔۔۔

جس پر موسی شاہ نے دادا سائیں سمیت سب کو زبردستی گھر بھیج دیا تھا ۔۔۔۔

لیکن زارون وہاں رکنے کی ضد کر رہا تھا ۔۔۔۔کہ کیا پتا کب ایمرجنسی میں کسی چیز کی ضرورت پڑ جائے ۔۔۔۔۔

موسی شاہ سب اکیلے سب کچھ کیسے سنبھالیں ۔۔۔۔۔

جبکہ اسکی اتنی سمجھداری والی باتوں پر سب ہی مسکرائے تھے ۔۔۔۔

اور پھر ضارب کے کہنے پر موسی شاہ بھی مان گئے تھے ۔۔۔۔۔ جس کے بعد باقی سب حویلی کیلئے روانہ ہوئے تھے ۔۔۔۔

اس نے ساری رات زر کے کمرے کے باہر بنا کچھ کھائے پیے ہی بینچ پر بیٹھ کر جاگتے ہوئے گزار دی تھی ۔۔۔۔۔

کہ جب تک وہ مکمل ٹھیک نہیں ہو جاتی تھی ،،،،،، وہ آرام کیسے کر سکتا تھا ۔۔۔۔۔

لیکن اسکے روکھے پھیکے رویے نے زارون کے معصوم دل پر چوٹ لگائی تھی ۔۔۔۔۔

جس پر وہ اس سے بنا کوئی دوسرا لفظ کہے ہی پلٹ آیا تھا ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

شاہ سائیں یہ رہا وہ لڑکا جو بی بی جی کے ساتھ جان بوجھ کر ٹکرایا تھا ۔۔۔۔۔

اسکا ملازم ایک لڑکے کو جس کی حالت کافی بگڑی ہوئی تھی ،،،،،، جس سے پتا چل رہا تھا کہ اسکی کافی خاطر تواضع کی گئی ہے ۔۔۔۔

بالکل اسکے قدموں کے قریب پھینکتے ہوئے بولا تھا ۔۔۔۔

شاہ جی مجھے معاف کر دیں ،،،،،، میں آئندہ کبھی ایسا نہیں کروں گا ۔۔۔۔۔

کبھی کسی کی بہن بیٹی کی طرف آنکھ اٹھانے کی دوبارہ جرات نہیں کروں گا ۔۔۔۔پلیز مجھے اس بار معاف کر دیں ۔۔۔۔۔

وہ پھوٹ پھوٹ کر روتا اسکے آگے ہاتھ جوڑ کر التجا کرتا بولا تھا ۔۔۔۔۔

لیکن سامنے والے کو اس کے آنسوؤں سے کوئی غرض نہیں تھی ۔۔۔۔۔

وہ ہنوز ٹانگ پر ٹانگ جمائے سپاٹ نظروں سے اسکی طرف دیکھ رہا تھا ۔۔۔۔۔

جب پیچھے کھڑے اسکے ملازم نے ایک بار پھر اس پر چابک سے وار کیا تھا ۔۔۔۔۔

جس پر اسکی درد ناک چیخیں نکلی تھی ۔۔۔۔۔

جب اس نے ہاتھ کے اشارے سے اسے دوبارہ مارنے سے روکا تھا ۔۔۔۔۔۔

جس پر اسکا ملازم ہاتھ باندھ کر تھوڑا پیچھے ہو کر کھڑا ہو گیا ۔۔۔۔۔

اور وہ جو زمین پر بالکل اسکے قدموں میں سر ٹکائے رو رہا تھا ،،،، اس نے تھوڑا سا جھکتے ہوئے اسے بالوں سے پکڑتے اوپر کھینچا تھا ۔۔۔۔۔

جس سے اسکے منہ سے ایک کراہ نکلی تھی ۔۔۔۔ ساتھ ہی اسکے آنسوؤں میں بھی روانی آئی تھی ۔۔۔۔۔

تمہیں پتا ہے تم نے کس کی غیرت اور عزت کی طرف نگاہ اٹھانے کی غلطی کی ہے ۔۔۔۔۔

میں چاہوں تو پل میں تمہاری یہ چلتی سانسیں روک دوں ،،،،،،وہ اسکی گردن پر ایک ہاتھ کا دباؤ ڈالتے ہوئے بولا ۔۔۔۔۔

جس سے اس لڑکے کی آنکھیں ابل کر باہر آ گئی تھیں ۔۔۔۔

جبکہ سانس بند ہونے لگا تھا ۔۔۔۔۔

لیکن تمہیں اتنی آسان مو*ت دے کر مجھے مزہ نہیں آئے گا ۔۔۔۔۔

مجھے سکون تب ملے گا جب تم اپنی باقی کی زندگی سسکتے ہوئے گزارو گے ۔۔۔۔۔

لیکن پھر اسکی اکھڑتی سانسوں کا خیال کرتے اسے ایک جھٹکے سے چھوڑتا درشتگی سے گویا ہوا ۔۔۔۔۔

ایسا کرو اسکے دونوں ہاتھ ، پاؤں تو*ڑ دو اور جس سے اس نے میری عزت کی طرف دیکھا اس ایک آنکھ سے ہمیشہ کیلئے محروم کر دو ۔۔۔۔۔

نہ ،،،،، نہیں ،،،،،، سائیں رحم شاہ جی رحم مجھے معاف کر دیں ۔۔۔۔۔

نہیں تو ایسی زندگی سے اچھا ہے مجھے ما*ر دیں ،،،،،، ہاں مجھے ما*ر دیں لیکن ایسی بھیانک سزا نا دیں ۔۔۔۔۔

معاف کر دیں شاہ جی معاف کر دیں ۔۔۔۔

وہ اس کے قدموں میں گرتا منتوں ترلوں پر اتر آیا تھا ۔۔۔۔

جبکہ اسکی بات پر سامنے والا دلکشی سے مسکرایا تھا ۔۔۔۔۔

میری ڈکشنری میں معافی نام کا کوئی لفظ نہیں پایا جاتا ،،،،،، یہاں بس غلطی پر سزائیں ملتی ہیں ۔۔۔۔

جبکہ تم نے تو گناہ کیا ہے ۔۔۔۔اس شاہ کی عزت پر نگاہ اٹھا کر ۔۔۔۔

اور جو سزا میں نے تمہاری لیے تجویز کی ہے میرے حساب سے وہ بھی کم ہے ۔۔۔۔۔

وہ اسے زبردست ٹھوکر رسید کرتا جس سے وہ اسکے قدموں سے دور جا کر گرا تھا وحشت زدہ لہجے میں بولا تھا ۔۔۔۔۔

جبکہ اسکی دھاڑ پر سامنے والا سر سے لے کر پاؤں تک لرزنے لگا تھا ۔۔۔۔۔

آپکو اللہ کا واسطہ مجھے معاف کر دیں ،،،،، وہ اسکے سامنے ہاتھ جوڑتے واسطہ دیتے بولا ۔۔۔۔

جس پر اس نے اپنی آنکھیں زور سے بند کر کے کھولیں تھیں ۔۔۔۔

جن میں اب لہو اتر آیا تھا ۔۔۔۔۔

خبردار ” خبردار اگر تم نے مجھے دوبارہ اس خدا کا واسطہ دیا تو جس کی مخلوق پر ظلم کرتے ہوئے کبھی اسکے ڈر سے تمہارے ہاتھ نہیں کانپیں ۔۔۔۔۔

وہ اسکے چہرے کی طرف دیکھتے دھاڑتے ہوئے بولا تھا ۔۔۔۔۔

جبکہ اسکی بات پر سامنے والا رونا بھول کر حیرت سے اسکی طرف دیکھنے لگا ۔۔۔۔۔

جس پر وہ زیر لب طنزیہ مسکرایا تھا ۔۔۔۔۔

ساتھ ہی اسکی آنکھوں میں پر اسرار سی چمک اتر آئی تھی ۔۔۔۔۔

جس سے ظاہر ہوتے کئی راز سامنے والے کو روح تک لرزا گئے تھے ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔

زر کو گھر واپس آئے پورا ایک دن گزر چکا تھا ،،،،،، اور اب اسکی حالت میں بھی کافی سدھار تھا ۔۔۔۔۔

اور اسکے ساتھ ساتھ آج گھر میں ابرش ابیہا کی مایوں کی رسم بھی ادا کی جانی تھی ۔۔۔۔۔

جس کی تیاریاں زور و شور سے جاری تھیں ۔۔۔۔۔

حویلی میں مہمانوں کی آمد کی وجہ سے ہر طرف چہل پہل تھی ۔۔۔۔۔

باہر حویلی کے لان میں سٹیج لگا کر اس پر دو جھولوں کو پیلے مختلف پھولوں اور چھوٹی فیری لائٹس کے ساتھ سجا دیا گیا تھا ۔۔۔۔۔۔

یہ فنکشن سپیشل عورتوں کیلئے تھا جس میں مردوں کا آنا ممنوع تھا ۔۔۔۔۔

جبکہ سب مردوں کیلئے الگ ڈیرے پر انتظامات کیے تھے جہاں انہوں نے علیحدہ اپنی محفل سجانی تھی ۔۔۔۔۔

تبھی نجمہ بیگم اسکے آج فنکشن میں پہننے کیلئے ڈریس لے کر کمرے میں داخل ہوئی تھیں ۔۔۔۔۔۔

اور اسے چھت پر کسی غیر مرئی نقطے کو گھورتے دیکھ پکارا تھا ۔۔۔۔۔

زر اب کیسی طبیعت ہے آپکی ؟؟؟؟؟

وہ تھوڑا اسکے قریب آتیں پیشانی پر ہاتھ رکھتے بخار چیک کرتے ہوئے بولیں ۔۔۔۔۔

جو کے اب بالکل ٹھیک تھا ۔۔۔۔۔

میں ٹھیک ہوں ماما ،،،،، وہ اٹھ کر بیٹھتی آہستہ سے بولی ۔۔۔۔۔

تو پھر میری ایسی حالت کیوں بنا رکھی ہے ۔۔۔۔ آپکو پتا ہے آج گھر میں فنکشن ہے ۔۔۔۔۔سبھی مہمان آپکا پوچھ چکے ہیں ۔۔۔۔

اوپر سے ابیہا ابرش کو بھی چین نہیں ہے ۔۔۔۔وہ دونوں زبردستی ادھر آنے والی تھیں ۔۔۔۔

لیکن انہیں سمجھا بجھا کر تیار ہونے کیلئے بٹھا کر آئیں ہوں کہ آپکی دوست ابھی لے کر آتی ہوں ۔۔۔۔۔

لیکن آپکے موڈ کو دیکھتے ہوئے تو لگتا ہے جیسے آپ آج ان سب میں شامل ہی ہونا چاہتیں ۔۔۔۔۔

وہ اسکے چہرے کو گہری نگاہوں سے جانچتے ہوئے بولی تھیں جس پر اب بھی پژمردگی سی چھائی ہوئی تھی ۔۔۔۔۔

نہیں ایسی بات نہیں ہے ۔۔۔۔۔ بس دل تھوڑا عجیب ہو رہا تھا ۔۔۔۔

اور بھلا میں ان سب میں حصہ کیوں نہیں لوں گی میری بہنوں کی شادی ہے ۔۔۔۔

میں تو خوب ہلا گلا کرنے والی ہوں ۔۔۔۔

بھلا یہ دن روز روز تھوڑی آئیں گے ۔۔۔۔۔

وہ انکے پریشان چہرے کو دیکھتی اب کہ ہشاش بشاش لہجے میں بولی تھی ۔۔۔۔

آپ نیچے جائیں میں بس کچھ ہی منٹوں میں ڈریس چینج کر کے آتی ہوں ٹھیک ہے ۔۔۔۔۔

اور ساتھ ہی انکے ہاتھ سے ڈریس لیتے واشروم کی طرف بڑھ گئی تھی ۔۔۔۔

جبکہ وہ پیچھے ارے ارے ہی کرتی رہ گئیں ۔۔۔۔۔

شاید وہ انکے اور سوالوں سے بچنا چاہتی تھی ۔۔۔۔۔

کچھ نہیں ہو سکتا اس لڑکی کا ،،،،،، لیکن پھر نفی میں سر ہلاتی مسکرائی تھیں ۔۔۔۔۔

اور پھر ایک نظر اس کمرے کو دیکھتے منہ میں بڑبڑاتے ہوئے نیچے کی طرف بڑھ گئی تھیں ۔۔۔۔۔

جہاں دوسرے بہت سے کام انکا انتظار کر رہے تھے ۔۔۔۔۔