Tere Sang Yaara by Wafa Shah NovelR50537 Tere Sang Yaara (Episode 18)

Tere Sang Yaara by Wafa Shah

صبح فجر کے ٹائم اسکی آنکھ کھل گئی تھی ۔۔۔۔اسکا سر ابھی بھی غنی کے سینے پر تھا ،،،،، جبکہ اسکے دونوں ہاتھ اسکی نازک کمر کے گرد ابھی بھی سختی سے بندھے تھے ۔۔۔۔۔

اس نے ہلکا سا سر اٹھا کر اسکے چہرے کی طرف دیکھا ۔۔۔۔۔

بلاشبہ وہ مکمل وجاہت کا شہکار تھا ۔۔۔۔۔۔

اسکی اور غنی کی شادی گھر والوں کی مرضی سے ہوئی تھی ۔۔۔۔۔۔

ویسے بھی وہ شادی سے پہلے کسی سے پیار محبت اور عشق کرنے کو فضولیات اور غلط قرار دیتی تھی ۔۔۔۔۔

اسکی نظر میں محبت صرف اپنے محرم سے کی جائے تو وہی بہتر ،،،،،، اس لیے اس نے اپنے تمام جذبات صرف اور صرف اپنے محرم کیلئے بچا کر رکھے تھے ۔۔۔۔۔۔

اور غنی کو تو وہ بچپن سے جانتی تھی ۔۔۔۔۔

وہ ایک میچور اور صوبر سا انسان تھا ،،،،،، اس نے کبھی اسے فضول بولتے یا ہنستے نہیں دیکھا تھا ۔۔۔۔۔۔

وہ ہمیشہ اپنے خول میں بند رہتا تھا ،،،،،،، لیکن پھر بھی اسے اسکی خاموش نظروں میں اپنے لیے ایک الگ سا احساس الگ ہی جذبات نظر آتے تھے ۔۔۔۔۔

جو کے بہت پاکیزہ تھے ۔۔۔۔۔۔

اس کی آنکھوں میں اسے اپنے لیے محبت کے ساتھ ساتھ عزت و احترام بھی نظر آتا تھا ۔۔۔۔۔۔

اور ایک عورت کیلئے عزت کرنے والا مرد محبت کرنے والے شخص سے بھی زیادہ عزیز ہوتا ہے ۔۔۔۔۔۔

اس لیے جب گھر والوں نے اس سے اسکی مرضی پوچھی تو اس نے بلا جھجک اپنی رضامندی دے دی تھی ۔۔۔۔۔۔

انکی شادی کے بعد ان دونوں کے درمیان سب کچھ نارمل تھا ۔۔۔۔۔۔جیسا کہ اس نے سوچا تھا ،،،،،،، غنی نے اسے مکمل عزت اور خود کے برابر کا ہی درجہ دیا تھا ۔۔۔۔۔۔۔

اور اس کے ہر عمل سے عزت کے ساتھ ساتھ محبت بھی جھلکتی تھی ،،،،،،، لیکن کمی تھی تو صرف ایک بات کی کہ وہ کبھی منہ سے اظہار نہیں کرتا تھا ۔۔۔۔۔۔

اس نے کبھی اسکی تعریف نہیں کی تھی ،،،،،،، وہ اسکی کیئر کرتا تھا ،،،،،،لیکن اس پر رعب جما کر اس پر اپنی ملکیت کا احساس نہیں دلاتا تھا ۔۔۔۔۔

دوسری طرف جب وہ حجاب کو مان کی باتوں پر ایسے شرماتے اور اسکی شرارتوں پر ہنستے دیکھتی تھی تو اس کے دل میں بھی خواہش جاگتی تھی کہ اسکا ہمسفر بھی اس سے کھل کر اپنی محبت کا اظہار کرے ۔۔۔۔۔۔

ایسا نہیں تھا کہ وہ اس سے حسد کرتی تھی ،،،،،، بلکہ انہیں ایک ساتھ خوش دیکھ کر وہ بہت پرسکون تھی اور ان کیلئے ہمیشہ دل سے دعا کرتی تھی کہ وہ ہمیشہ ایسے ہی رہیں ۔۔۔۔۔۔

لیکن انہیں مکمل دیکھ کر اسے اپنی زندگی میں ایک خلا سا محسوس ہوتا تھا۔۔۔۔۔۔

ڈیڑھ ماہ کے عرصے وہ اسکے حد سے زیادہ قریب آ چکی تھی ،،،،،،، لیکن اس نے کبھی روباب کو اپنے اندر جھانکنے کی اجازت نہیں دی تھی ۔۔۔۔۔۔۔

اسکی ذات کے گرد ابھی بھی ایک خول موجود تھا ،،،،،، جسے اس نے روباب کیلئے بھی نہیں ہٹایا تھا ۔۔۔۔۔

لیکن وہ تو اسے روح تک جان لینا چاہتی تھی اسکے عمل سے ہی نہیں بلکہ لفظوں سے اظہار چاہتی تھی ۔۔۔۔۔

اس لیے پچھلے کچھ دنوں سے اس نے اسے خود سے مخاطب کرنا چھوڑ دیا تھا ۔۔۔۔۔

وہ اسکی ہر ضرورت کا خیال رکھتی تھی ،،،،،،،

لیکن اسکے بلانے پر بات کا جواب کم ہی دیتی تھی اپنی خوبصورت آنکھوں میں ڈھیروں شکایتیں جمع کر کے اسکی طرف دیکھتی تھی کہ شاید اسے تھوڑا احساس ہو جائے ۔۔۔۔۔

لیکن وہ ایسا بےرحم اور ظالم تھا ،،،،،، اسکی بے رخی محسوس کر کے بھی منہ سے ایک لفظ تک نہیں بولا۔۔۔۔۔

جسے یاد کر کے اسکی آنکھوں سے دو آنسو ٹوٹ کر اسکے سینے پر گرے تھے ۔۔۔۔۔

جنہیں بےدردی سے وہ صاف کرتے ہوئے ،،،،،،، اپنی کمر سے اسکے ہاتھ ہٹانے کی کوشش کرنے لگی ۔۔۔۔۔۔

لیکن وہ نازک سی جان کیا اس مضبوط توانا وجود کی طاقت کا مقابلہ کر سکتی تھی ،،،،، قطع نہیں ۔۔۔۔۔۔۔

غنی چھوڑیں مجھے نماز کیلئے دیر ہو رہی ہے ۔۔۔۔۔۔

آخر کار جب وہ اتنی تگ و دو کے بعد بھی ایک انچ تک نا ہلا تو مجبوری میں اسے مخاطب کرنا پڑا ۔۔۔۔۔۔

جسے سنتے ہی اس نے فورا اپنی آنکھیں کھولیں ۔۔۔۔۔۔۔

جبکہ چہرے پر محظوظ کن سی مسکراہٹ تھی ۔۔۔۔۔۔

آپ جاگ رہے تھے ؟؟؟ اسکی مسکراہٹ کو دیکھ وہ تپ کر بولی ۔۔۔۔۔۔

جبکہ اسکا غصے سے سرخ چہرہ دیکھتے وہ محظوظ کن سا زندگی سے بھرپور قہقہ لگا گیا ۔۔۔۔۔۔

وہ تو اسے ایسے ہنستے دیکھ کر ہی اس کے چہرے کی دلکشی میں کھو گئی ،،،،، کہاں کا غصہ ،،،،، کہاں کی ناراضگی ،،،،،، سب بھول بھال کر ۔۔۔۔۔۔

جبکہ اسے خود کو ایسے تکتے دیکھ کر غنی نے تھوڑا سا جھکتے اسکی صبیح پیشانی پر عقیدت سے لب رکھے تھے ۔۔۔۔۔

جسے محسوس کرتے وہ ہوش میں آئی تھی ،،،،، پھر اپنی بےاختیاری پر خود کو دل میں کوستی ایک بار پھر اسکے حصار سے نکلنے کی کوشش کرنے لگی ۔۔۔۔۔

لیکن کامیاب نا ہو سکی ۔۔۔۔۔۔

کیا ہے آپکو ؟؟؟ چھوڑ کیوں نہیں رہے آپ مجھے ؟؟؟

پہلے آپ بتائیں ؟؟ آپ بات کیوں نہیں کر رہی مجھ سے ؟؟؟

اس کے سوال کا جواب دینے کی بجائے آگے سے سوال کیا تھا ۔۔۔۔۔۔

جبکہ آنکھوں کے حصار میں اسکا معصوم خفا خفا سا چہرہ تھا ۔۔۔۔۔۔

کر تو رہی ہوں ،،،،، اور کیسے کرتے ہیں بات ۔۔۔۔۔۔

وہ اپنی نظریں جھکا کر دھیرے سے گویا ہوئی ،،،،،، کیونکہ اس کے سوال پر یکدم اسکی آنکھوں میں ڈھیروں پانی اتر آیا ۔۔۔۔۔۔

جو وہ کم از کم اس بےرحم کو نہیں دکھانا چاہتی تھی ۔۔۔۔۔۔

لیکن کیا کوئی اپنے روح کے مکین کے احساسات سے انجان رہ سکتا تھا ۔۔۔۔۔۔

ایسے ہی غنی بھی نہیں تھا ۔۔۔۔۔۔

میری بات کے جواب میں ہوں ہاں کر دینا ،،،،، یا پھر کھانے پینے اور کپڑوں کا پوچھ لینا اسے آپ بات کرنا کہتی ہیں ۔۔۔۔۔

روباب آپ تو ایسی نہیں تھیں ۔۔۔۔۔

آپ تو زندگی کو کھل کر انجوائے کرنے والی ،،،،،، ہر بات منہ پر کہہ دینی والی نڈر اور بہادر لڑکی تھیں ۔۔۔۔۔۔۔

ایسے اپنے احساسات کو خود تک محدود کر کے صرف اپنے آپ کو عزیت دینے والا کام کب سے شروع کر دیا ۔۔۔۔۔

وہ اسکے جھکے سر کو دیکھتے سوال گو ہوا تھا ؟؟؟

اسکے سوال پر روباب نے ایک نظر اسکے چہرے کی طرف دیکھا ،،،،، جی میں تو آیا سیدھا اسکے منہ پر کہہ دے کہ جب سے آپ جیسے پتھر دل انسان سے شادی ہو گئی ۔۔۔۔۔

آپکی بےرحم محبت نے مجھے ایسا بنا دیا ،،،،، لیکن پھر اسے اپنی جذبوں کی توہین سمجھتے اپنے لب بھینچ گئی ۔۔۔۔۔۔

لیکن اسکی نظروں کا پیغام بنا کہے بھی اس تک پہنچ گیا تھا ۔۔۔۔۔۔

کچھ نہیں ہوا ہے مجھے میں شروع سے ہی ایسی تھی ۔۔۔۔۔

اور اب پلیز مجھے چھوڑ دیں مجھے نماز کیلئے دیر ہو رہی ہے ۔۔۔۔۔۔

میں تو نہیں چھوڑ رہا ،،،،،، آپ میں ہمت ہے تو خود چھڑوا لیں ۔۔۔۔۔۔میں بھی تو دیکھوں آخر میری بیگم میں کتنا دم خم ہے ۔۔۔۔۔

وہ بھی اس کی بات کے جواب میں آنکھوں میں شرارت سموتے ڈھٹائی سے گویا ہوا ۔۔۔۔۔۔

آخر چاہتے کیا ہیں آپ ؟؟؟

اسکے جواب پر اب کہ وہ چڑ کر بولی۔۔۔۔۔۔

آپ اور آپ کی محبت وہ بےباکی سے گویا ہوا ۔۔۔۔۔۔

یہ کوئی وقت ہے محبت کرنے کا ،،،،،،وہ منمنا کر بولی ،،،،، جبکہ حیا کی لالی سے پورا چہرہ سرخ تھا ۔۔۔۔۔۔

محبت کرنے کیلئے کوئی خاص وقت مقرر تو نہیں ہوتا ،،،،،، یہ تو کسی بھی وقت کی جا سکتی ہے ۔۔۔۔۔بس محبوب کی رضامندی ہونی چاہیے ۔۔۔۔۔

وہ اپنی نظریں اسکے چہرے پر ٹکاتے بوجھل لہجے میں بولا ۔۔۔۔۔

نہیں پلیزززز ،،،،،،

وہ اپنا چہرہ اسکے سینے میں چھپاتے التجائی لہجے میں گویا ہوئی ۔۔۔۔۔

جس پر اس نے روباب کا مان رکھتے ہوئے اسکے سر پر بوسہ دیتے ہاتھ ہٹا لیے تھے ۔۔۔۔۔

جبکہ اس نے آزادی ملتے ہی واشروم کی طرف دوڑ لگائی ۔۔۔۔۔

اسکی جلد بازی کو دیکھتے ایک بار پھر کمرے میں اسکا جاندار قہقہ گونجا تھا ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ نماز ادا کرنے کے بعد سورت الرحمن کی تلاوت کر کے فارغ ہوتے اپنے گرد چادر لیتی کمرے سے باہر آ گئی تھی۔۔۔۔۔۔

پورا گھر خاموشی میں ڈوبا ہوا تھا ۔۔۔۔۔لگتا ہے حجاب اور مان ابھی اٹھے نہیں۔۔۔۔۔

وہ خود سے حساب لگاتی ،،،،،،ایک نظر ارد گرد دیکھتے ہوئے دھیرے سے دروازہ کھول کر باہر آ گئی ۔۔۔۔۔۔

یہاں سوات کی یک بستہ ٹھنڈی ہواووں نے اس کا استقبال کیا تھا ۔۔۔۔۔

سوات کی یہ صبح بہت خوبصورت تھی ،،،،،،، جسے وہ کچھ دیر وہی کھڑے رہ کر محسوس کرتی رہی۔۔۔۔۔۔۔

پھر اس چھوٹے سے لان میں رکھے جھولے میں بیٹھ گئی ،،،،،، اور اپنے اور غنی کے رشتے کے بارے میں سوچنے لگی ۔۔۔۔۔

اسے یہاں کتنا وقت گزر گیا تھا اسے خود بھی اندازہ نہیں تھا ،،،،، وہ تو بس غنی کے کچھ دیر پہلے کیے گئے عمل کے بارے میں سوچ رہی تھی ۔۔۔۔۔

یہ شادی کے بعد پہلی بار تھا جب اس نے ایسے بےتکلف ہو کر اس سے بات کی ۔۔۔۔۔۔

جسے سوچتے اسکے ہونٹوں پر ایک خوبصورت مسکراہٹ تھی ۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ جب اندر داخل ہوئی ،،،،،، تو پہلی نظر مان اور حجاب پر پڑی جو سیڑھیوں سے نیچے آ رہے تھے ۔۔۔۔۔۔جنہیں دیکھتے وہ مسکرائی تھی ۔۔۔۔۔

السلام و علیکم صبح بخیر !!

وعلیکم السلام بھابھی اتنی صبح باہر کہاں سے آ رہی ہیں اور بھائی کہاں ہیں وہ بھی آپ کے ساتھ گئے تھے کیا ؟؟؟

اسکے سلام کا جواب دیتے وہ سردی سے سرخ پڑتے اسکے چہرے کو دیکھتے سوال گو ہوا تھا ۔۔۔۔۔۔۔

نہیں وہ تو ابھی سو رہے ہیں ۔۔۔۔۔مجھے نیند نہیں آ رہی تھی اس لیے کچھ دیر کیلئے لان میں چلی گئی تھی ۔۔۔۔۔

اچھا آپ لوگ بیٹھو میں ابھی ناشتہ تیار کرتی ہوں ۔۔۔۔۔۔تب تک تمہارے بھائی بھی اٹھ جائیں گے ۔۔۔۔۔۔

اس کے سوال کا جواب دیتے وہ کچن کی طرف جانے لگی تھی جب مان نے اسے روکا ۔۔۔۔۔۔

نہیں روباب رہنے دیں اس کی ضرورت نہیں ،،،،، ہم ناشتہ باہر سے کریں گے ،،،،، بس آپ بھائی کو بلا لائیں ۔۔۔۔۔پھر چلتے ہیں ۔۔۔۔۔۔

اچھا سہی ۔۔۔۔اتنا کہتے ابھی وہ کمرے کی طرف بڑھتی جب غنی خود فریش سا وہاں آیا تھا۔۔۔۔۔۔

بھئی کہاں جانے کی بات ہو رہی ہے صبح صبح ؟؟؟

سوات کا سپیشل ناشتہ کرنے ،،،،، بس میں روباب سے کہہ رہا تھا کہ وہ آپکو بلا لائے پھر چلتے ہیں ۔۔۔۔۔

مان اس کے سوال کا جواب دیتے بولا ۔۔۔۔۔۔

ہاں ضرور کیوں نہیں ،،،،،، چلتے ہیں ،،،،،، لیکن روباب پہلے آپ کچھ گرم پہن کر آئیں کیونکہ یہ آپکی چادر باہر موجود سردی کا مقابلہ کرنے کیلئے ناکافی ہے ۔۔۔۔۔

جی ٹھیک ہے ۔۔۔۔وہ اسکی بات پر سر ہلاتی ایک نظر حجاب کو دیکھتی ،،،،،، جسے مان نے گرم کپڑوں سے بالکل پیک کیا ہوا تھا کہ وہ بالکل چھوٹا سا کیوٹ بھالو معلوم ہو رہی تھی ۔۔۔۔۔ مسکراتے کمرے کی طرف بڑھ گئی ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پہاڑ کی چوٹی پر بنا چھوٹا ڈابے نما ہوٹل ،،،،،، آس پاس موجود آنکھوں کو خیرہ کرتے پہاڑ ،،،،،، ساتھ انکے درمیان میں بہتی خوبصورت ندیاں ،،،،،،، مختلف ممالک سے تفریح کے لیے آئے سیاح،،،،،، اور دل موہ لینے والے نظاریں روباب اور حجاب کو مہبوت کر رہے تھے ۔۔۔۔۔۔۔

وہ دونوں وہاں مقامی لباس میں ملبوس لوگوں کو بڑے اشتیاق سے دیکھ رہی تھیں ۔۔۔۔۔۔

ساتھ وہاں کے روایتی لذیذ ناشتے سے لطف اندوز ہو رہی تھیں ۔۔۔۔۔

ناشتے کے بعد انہیں وہاں کی سپیشل چائے پیش کی گئی ،،،،، جس کا ذائقہ انہیں بہت پسند آیا تھا ،،،،، کہ وہ تعریف کیے بنا نا رہ سکیں ۔۔۔۔۔

ناشتے کے فورا بعد غنی ضروری کام کا بولتے فورا وہاں سے چلا گیا ،،،،، جس کے جانے کے بعد روباب کا دل ہر چیز سے اچاٹ ہو گیا تھا ۔۔۔۔۔۔۔

لیکن پھر بھی وہ چہرے پر ہلکی سی مسکراہٹ سجائے بیٹھی رہی کیونکہ وہ اپنی وجہ سے حجاب اور مان کو پریشان نہیں کرنا چاہتی تھی ۔۔۔۔۔۔

اس نے پہلی بار اپنی بہن کو بنا ڈرے کسی چیز میں دلچسپی لیتے دیکھا تھا ،،،،، اس لیے وہ اسکی خوشی برباد نہیں کرنا چاہتی تھی ۔۔۔۔۔

مان ناشتے کے بعد انہیں آس پاس کی دو چار جگہوں پر گھمانے کیلئے لے گیا تھا اور جب حجاب نے کہاں کے وہ اس سے آگے نہیں چل سکتی تو انہوں نے مسکراتے ہوئے واپسی کی راہ لی تھی ۔۔۔۔۔۔۔

انہیں گھر پہنچتے تقریبا دوپہر دو بجے کا وقت ہو گیا تھا ۔۔۔۔۔۔

وہ دونوں تو آتے ہی کمرے کی طرف بڑھ گئے آرام کرنے کی غرض سے ،،،،،، جنہیں اس نے کھانے کا پوچھا تھا لیکن وہ نفی میں سر ہلا گئے تھے ۔۔۔۔۔۔

ان کے جانے کے وہ بھی بجھے دل کے ساتھ اپنے کمرے میں آ گئی تھی ۔۔۔۔۔۔

یہاں پر آ کر بھی اس شخص کے پاس اس کیلئے وقت نہیں تھا جس کی وجہ سے ایک بار پھر اسکی خوبصورت آنکھوں میں آنسو آ گئے تھے ۔۔۔۔۔۔

صبح اس کے رویے سے جو دل میں ایک امید کی کرن جگی تھی اسکے روخے رویے اور اس نذر اندازی پر پھر سے بجھ گئی ۔۔۔۔۔۔۔

وہ آس پاس دیکھے بنا اپنی چادر بے دلی سے اتار کر صوفے پر پھینکتی واشروم کی طرف بڑھ گئی ۔۔۔۔۔

اور جب وہ فریش ہو کر واپس آئی تو اسکی نظر بیڈ پر رکھے کچھ شاپنگ بیگز پر پڑی ،،،،، جنہیں دیکھ کر وہ کافی حیران ہوئی ۔۔۔۔

فورا آگے بڑھ کر انہیں ایک ایک کر کے کھولا تھا ،،،،،، جس میں ایک ڈیپ ریڈ کلرکی ساڑھی تھی ۔۔۔۔۔ساتھ میچنگ جیولری ،، سینڈلز اور ساڑھی کی ہی ہم رنگ شال تھی ۔۔۔۔۔۔

اور ساتھ ایک خوبصورت سا کارڈ تھا ،،،،،،

جس پر خوبصورت ہینڈ رائٹنگ میں “فار مائی بیوٹیفل وائف” لکھا تھا ۔۔۔۔۔

اور ساتھ ہی اسے پہن کر تیار رہنے کی تلقین بھی کی گئی تھی ۔۔۔۔۔۔

جس پر وہ مسکراتی اپنے لب رکھ گئی تھی۔۔۔۔۔پھر آس پاس دیکھتے خجل ہوتی ساڑھی اٹھا کر دیکھنے لگی ۔۔۔۔ جس کے باڈر پر خوبصورت بلیک ڈائمنڈ کا کام تھا ،،،،، ساتھ ہی ہاف بلیک بلاووز ،،،،،، جسے دیکھتے وہ ایک پل کیلئے سٹپٹا گئی ،،،،، کیونکہ اس نے ایسا لباس پہلے کبھی نہیں پہنا تھا ۔۔۔۔۔

لیکن پھر غنی کے بارے سوچتی ساری چیزیں اٹھا کر ڈریسنگ کی طرف بڑھ گئی ۔۔۔۔۔

کیونکہ غنی نے پہلی بار اس سے بولا تھا ۔۔۔۔۔۔اور بھلا اسے کیسے انکار کر سکتی تھی ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ جیسے تیسے کر کے ساڑھی پہن آئی تھی ،،،،، جس میں اسکا دبلا پتلا خوبصورت سراپا بہت بھلا لگ رہا تھا ۔۔۔۔۔۔۔

اس نے آئینے کے سامنے کھڑے ہو کر خود کو ایک نظر دیکھا اور پھر خود ہی شرما گئی ۔۔۔۔۔

اس کے بعد اس نے چہرے پر ہلکا پھلکا میک اپ کا ٹچ دیا اور ہونٹوں پر ساڑھی کی ہم رنگ ڈیپ لپ اسٹک لگائی ۔۔۔۔۔

اتنے میں ہی وہ نظر لگ جانے کی حد تک پیاری لگ رہی تھی ۔۔۔۔۔

اس نے بالوں کو آگے سے ہلکا سا سٹائل دیتے باقی بال کمر پر ایسے ہی کھلے چھوڑ دیئے ۔۔۔۔۔۔۔

ابھی وہ جیولری نکال کر پہنتی تبھی غنی نک سک سا تیار کمرے داخل ہوا تھا ۔۔۔۔۔

اور شیشے میں اسکا خوبصورت عکس دیکھتا مہبوت رہ گیا۔۔۔۔۔

جبکہ ساکت تو وہ بھی رہ گئی تھی اسکے ایسے اچانک آ جانے پر ،،،،،، اسکی صرف نظروں کے ہی ارتکاز پر اسکا نازک سا دل اچھل کر حلق میں آگیا تھا ۔۔۔۔۔

وہ نپے تلے قدم لیتا آگے بڑھا اور آئینے میں بالکل اس کے پیچھے آ کر کھڑا ہو گیا ۔۔۔۔۔۔

روباب نے نظر اٹھا کر آئینے میں اسکے اور اپنے عکس کو دیکھا تھا ،،،،، بلاشبہ وہ دونوں ایک ساتھ بہت حسین لگ رہے تھے ۔۔۔۔۔۔۔

جب اس نے ڈریسنگ ٹیبل سے جیولری اٹھا کر اسے پہنانی شروع کی ،،،،،، دونوں کانوں میں ڈائمنڈ کے خوبصورت آویزے پہنانے کے بعد اس نے اسکی شفاف صراحی دار گردن میں پینڈٹ پہنایا اور ساتھ ہی وہاں اپنے لب رکھے تھے ۔۔۔۔۔۔

جس پر وہ پوری جان سے لرزی تھی ۔۔۔۔۔اور اس سے پہلے کے وہ خود پر سے اختیار کھوتا اسے باہر آنے کا اشارہ کرتا باہر چلا گیا ۔۔۔۔۔۔

جبکہ وہ سرخ چہرے کے ساتھ باقی تیاری مکمل کرتی ،،،،،، چادر کو اپنے گرد اچھے سے اوڑھتی باہر کی طرف بڑھ گئی ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گاڑی پتھریلے راستوں پر رواں دواں تھی ،،،،،، جس میں ایک معنی خیز سی خاموشی تھی ۔۔۔۔۔۔

مان کی باتوں کی وجہ سے اسکا چہرہ ابھی تک شرم سے پورہ سرخ تھا جبکہ غنی کے چہرے پر محظوظ کن سی مسکراہٹ تھی ۔۔۔۔۔۔

جو کہہ رہا تھا مجھےدال میں کچھ کالا لگ رہا ہے ،،،،،، جو آپ لوگ ایسے تیار شیار ہو کر ہم معصوموں کو گھر میں ہی چھوڑیں جا رہے ہیں ۔۔۔۔۔ بھابھی آپ آج اتنی خوبصورت لگ رہی ہیں مجھے آج بھائی کی خیر نہیں لگ رہی ۔۔۔۔۔اور حجاب کا اسکی ہاں میں ہاں ملانا ۔۔۔۔اور غنی کا محظوظ ہوتے قہقہ لگانا اسے بری طرح شرمندہ کر گیا ۔۔۔۔۔۔

اس لیے اب بھی وہ سرخ چہرے کے ساتھ اس سے خفا سی بیٹھی تھی،،،،، جبکہ وہ ایک دو بار بلانے کی کوشش بھی کر چکا تھا ۔۔۔۔

لیکن اس نے کوئی جواب نہیں دیا ۔۔۔۔۔

آخر دو تین گھنٹوں کے سفر کے بعد گاڑی ایک پہاڑ کے پاس آ کر رکی تھی ۔۔۔۔اس سے پہلے کہ وہ کچھ دیکھتی غنی نے اسکی آنکھوں پر کالی پٹی باندھ دی۔۔۔۔۔۔

پھر خود گاڑی سے باہر نکلتے اسکی طرف کا دروازہ کھولتے اسے بانہوں میں اٹھایا تھا ۔۔۔۔۔

جس پر اس نے سٹپٹاتے ہوئے اپنے دونوں ہاتھ اسکے گلے میں باندھ دیئے ۔۔۔۔۔۔

اور پھر ایک جگہ آ کر وہ رک گیا ،،،،،، اسے اس کے قدموں پر کھڑا کرتے ،،،،، انکھون سے پٹی ہٹائی اور کان میں دھیمی سرگوشی سے اسے سامنے دیکھنے کو بولا تھا ۔۔۔۔۔۔

اس نے آرام سے اپنی آنکھیں کھولتے سامنے دیکھا ،،،،،، جس پر ایک پل کیلئے وہ ساکت رہ گئی ۔۔۔۔۔

جہاں سامنے پہاڑ پر فینسٹی لائٹ سے بڑے حروف میں” آئی لو یو روباب” لکھا تھا ۔۔۔۔۔۔۔جو اتنا خوبصورت لگ رہا تھا ۔۔۔۔۔۔

کہ تعریف کیلئے الفاظ کم پڑ جائیں ۔۔۔۔۔اس نے آنکھوں میں خوشی کے آنسو لیے مڑ کر دیکھا تو اس کی نظر ہاتھ میں انگوٹھی لیے گھٹنوں کے بل بیٹھے غنی پر پڑی ۔۔۔۔۔

جس پر اس نے اپنے دونوں ہاتھ اپنے منہ پر رکھ لیے ۔۔۔۔۔جبکہ آنکھوں سے آنسوؤں کی برسات جاری ہو چکی تھی ۔۔۔۔۔۔

تو مسز غنی کیا آپ میری محبت قبول کریں گی ۔۔۔۔۔

وہ مسکراتے ہوئے محبت سے بولا ۔۔۔۔۔۔

جبکہ وہ تو اس خوبصعرت اظہار پر اپنی جگہ پر بالکل ساکت رہ گئی ۔۔۔۔اس لیے کوئی جواب نہیں دے سکی ۔۔۔۔۔

یار جلدی جواب دو اب ایسے بیٹھے بیٹھے میرے گھٹنے میں درد شروع ہو گیا ہے ۔۔۔۔۔۔

وہ تو اسکا جواب اسکی آنکھوں میں آنسو دیکھ کر ہی جان چکا تھا ۔۔۔۔اس لیے اسے ہنسانے کیلئے شرارتی لہجے میں بولا ۔۔۔۔۔۔

جس پر وہ مسکراتے ہوئے فورا ہاں سر ہلا گئی ۔۔۔۔۔

اس نے بہت چاہت سے ہاتھ میں انگوٹھی پہنائی پھر وہاں اپنے دہکتے لب رکھ کر اٹھ گیا ۔۔۔۔۔

جب روباب آگے بڑھ کر اسکے سینے سے لگتی زار و قطار رونا شروع کر چکی تھی ۔۔۔۔۔۔

جس کے جذبات کو سمجھتے اس نے بھی اسکے گرد بانہوں کا حصار کھینچا تھا ۔۔۔۔۔۔