Tere Sang Yaara by Wafa Shah NovelR50537 Tere Sang Yaara (Episode 19)

Tere Sang Yaara by Wafa Shah

نہیں نہیں ایسے کیسے ہو سکتا ہے ،،،،،،، میری شادی وہ بھی ضارب لالا کے ساتھ ،،،،، ناممکن ۔۔۔۔۔۔۔

ایسا کبھی نہیں ہو سکتا ۔۔۔۔۔۔۔

وہ تو بالکل بھی اچھے انسان نہیں ہیں ۔۔۔۔۔

میں کبھی ان سے شادی نہیں کروں گی ۔۔۔۔۔

ابرش اپنے کمرے میں پریشانی سے منہ میں بڑبڑاتے ہوئے ادھر سے ادھر چکر کاٹ رہی تھی ۔۔۔۔۔۔۔۔

وہ جب سے دادا سائیں کے کمرے سے آئی تھی تب سے اب تک ایک منٹ کیلئے بھی چین سے نہیں بیٹھی تھی ۔۔۔۔۔۔

حالانکہ ابیہا جاتے ہوئے اسے آرام کرنے کی تلقین کر کے گئی تھی ۔۔۔۔۔۔

لیکن ضارب سے صرف شادی کے خیال سے اسے اپنی جان جاتی ہوئی محسوس ہو رہی تھی ۔۔۔۔۔۔۔

ایسے میں وہ سکون سے کیسے بیٹھ سکتی تھی ۔۔۔۔۔

نہیں مجھے کچھ کرنا ہوگا ۔۔۔۔۔۔۔

لیکن کس سے بات کروں ،،،،،، کون کرے گا میرا یقین ،،،،،، دادا سائیں کے تو وہ لاڈلے ہیں ۔۔۔۔۔۔

اگر میں انہیں بتا بھی دوں تو وہ کبھی نہیں مانے گے ،،،،، وہ اسے میری غلط فہمی قرار دے دیں گے ۔۔۔۔۔۔

بابا سائیں ” نہیں وہ تو ہم سے بھی زیادہ ان سے پیار کرتے ہیں ،،،،،، کہیں الٹا مجھے ان سے ڈانٹ ہی نا پڑ جائے ۔۔۔۔۔۔

اپنے نچلے لب کو دانتوں تلے کچلتے ہوئے نفی میں سر ہلا گئی ۔۔۔۔۔

تو کیا واسم لالا “

نہیں ان کا تو خود ابیہا کے ساتھ رشتہ طے ہو رہا ہے اور اگر انہوں نے غصے میں آ کر کچھ الٹا سیدھا بول دیا تو ۔۔۔۔۔

گھر میں نیا بوال کھڑا ہو جائے گا ۔۔۔۔۔۔۔۔

اب تو چکر لگا لگا کر اسکے پاؤں بھی جواب دے گئے تھے اس لیے تھک کر بیڈ پر بیٹھتی دونوں ہاتھوں میں اپنا سر گرا گئی ۔۔۔۔۔

لیکن اسے اس مسئلے کا کوئی حل نظر نہیں آ رہا تھا ۔۔۔۔۔۔۔

کیا میں ماما سے بات کروں ،،،،،، کہ مجھے ابھی شادی نہیں کرنی ،،،،، کیونکہ اگر میں انہیں بھی یہ سچ بتاؤں کے ضارب لالا اچھے انسان نہیں تو میری بات کا یقین تو وہ بھی نہیں کریں گی ۔۔۔۔۔

کیونکہ انہوں نے گھر والوں کے سامنے امیج جو ایسا بنا رکھا ہے ۔۔۔۔۔۔

لیکن ہو سکتا ہے کہ وہ میری بات کو سمجھے کہ میں ابھی اور پڑھنا چاہتی ہوں اور شادی نہیں کرنا چاہتی ۔۔۔۔۔۔

تو ہو سکتا ہے کہ کچھ وقت کیلئے یہ مصیبت ٹل جائے ،،،،، اور کیا پتا وہ اور انتظار نا کریں اور کہیں اور شادی کر لیں ۔۔۔۔۔

ہاں یہ سہی رہے گا ،،،،،، میں ماما سے بات کرتی ہوں وہ اپنے اس آڈیئا سے مطمئن ہوتی ایکسائٹڈ سی اٹھ کر عظمی بیگم کے کمرے کی طرف بڑھ گئی تاکہ ان سے اس بارے میں بات کر سکے ۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عظمی بیگم پورے بیڈ پر کپڑے پھیلائے کبرڈ کی صفائی کر رہی تھیں ،،،،،، جب وہ دروازہ ناک کرتے ہوئے کمرے میں داخل ہوئی تھی ۔۔۔۔۔

وہ تیز ہاتھوں سے جلدی جلدی اپنا کام سمیٹ رہی تھیں جب دروازہ ناک ہونے کی آواز پر اس طرف متوجہ ہوئی اور اسے اندر آتے دیکھ کر مسکرائی تھی ۔۔۔۔۔۔۔

کیا کر رہی تھیں ماما ؟؟؟

وہ عظمی بیگم کو مصروف دیکھ کر بیڈ پر جگہ بناتے بیٹھتے ہوئے بولی ۔۔۔۔۔

کچھ نہیں بیٹے بس کبرڈ کی صفائی کر رہی تھی ،،،،،، لیکن اب تو کام تقریبا مکمل ہو گیا ہے ۔۔۔۔

وہ طے لگا کر رکھے کپڑوں کو اٹھاتے ہوئے اسکے چہرے کی طرف دیکھتے مسکرا کر بولی ۔۔۔۔۔۔

میں کچھ ہیلپ کر دوں آپکی ؟؟؟

نہیں اسکی ضرورت نہیں ہے آپ ایک منٹ بیٹھیے میں انہیں ابھی سیٹ کر کے آتی ہوں ۔۔۔۔وہ اتنا کہتے ڈریسنگ کی طرف بڑھ گئی۔۔۔۔۔

ہاں جی تو بتائیں کیسی طبیعت ہے اب آپکی ،،،،،، مجھے ابیہا نے بتایا تھا کہ آپکی طبیعت ٹھیک نہیں ہے کیا ہوا میری بیٹی کو ۔۔۔۔۔

وہ جب کپڑے ڈریسنگ میں رکھ کر واپس آئی تو اسکے پاس بیٹھتے ہوئے محبت سے گویا ہوئی ۔۔۔۔۔۔۔

کچھ نہیں ماما بس ایسے ہی دل تھوڑا گھبرا رہا تھا ،،،،،،، لیکن اب آپکے پاس آ گئی ہوں نا تو سب ٹھیک ہو گیا ہے ۔۔۔۔۔

وہ انکے سینے لگتی لاڈ سے بولی تھی ،،،،،، جس پر انہوں نے اسے سینے میں بھینچتے محبت سے اسکے سر پر بوسہ دیا تھا ۔۔۔۔۔۔

و ،،،،، وہ ،،،، ماما مجھے نا آپ سے ،،،،، کچھ ضروری بات کرنی ہے ؟؟؟

وہ ایسے ہی انکے آگے تھوڑا ہچکچاتے ہوئے بولی تھی ۔۔۔۔۔۔

جی بولیں میری جان میں سن رہی ہوں ۔۔۔۔۔

اسکی ہچکچاہٹ انہوں نے بھی بخوبی محسوس کر لی تھی اس لیے نرمی اور پیار سے گویا ہوئی ۔۔۔۔۔۔

و ،،،،، وہ ماما “

وہ ان سے الگ ہوتی انکے چہرے کی طرف دیکھتے ہوئے ایک پل کیلئے رکی ،،،،،

جی میری جان “

وہ ماما میں ،،،،،، میں یہ ،،،،، شادی نہیں کرنا چاہتی ۔۔۔۔۔۔۔

لیکن پھر انکے چہرے پر شفقت کو دیکھتے تھوڑا اٹک کر ہی سہی لیکن اپنا جملہ مکمل کر گئی ۔۔۔۔۔

عظمی بیگم نے غور سے اسکے معصوم چہرے کی طرف دیکھا جس پر ڈر کے ساتھ پریشانی جھلک رہی تھی ۔۔۔۔۔۔

اب انہیں اسکی اچانک طبیعت خرابی کی بھی وجہ بھی سمجھ آ رہی تھی ۔۔۔۔۔۔

کیونکہ حیدر شاہ سے انکی ہونے والی بات کے بارے میں انہیں علم تھا ۔۔۔۔۔۔شاید وہ اس بات کو اچانک سن کر قبول نہیں کر پائی تھی ۔۔۔۔۔

لیکن بیٹا کیوں ؟؟؟ آپ شادی کیوں نہیں کرنا چاہتی ؟؟؟

لیکن پھر اسے اسکی فطری گھبراہٹ سمجھتے ہوئے اسے سمجھانے کا فیصلہ کرتے سوال گو ہوئی تھیں ۔۔۔۔۔۔

ماما ابھی میری عمر ہی کیا ہے ،،،،، دوسرا ابھی میں بہت سارا پڑھنا چاہتی ہوں ۔۔۔۔۔۔اور ان سب کے دوران یہ شادی وغیرہ ۔۔۔۔۔

نہیں ابھی میں شادی نہیں کرنا چاہتی پلیز آپ دادا سائیں کو انکار کر دیں ۔۔۔۔۔

وہ انکے سوال کے جواب میں اپنا سوچا ہوا بہانا بتاتے بولی ۔۔۔۔۔

جس پر وہ مسکرائی تھی ۔۔۔۔۔۔

لیکن بیٹا یہ اتنی بڑی بات تو نہیں جو ہم ایسے رشتے سے انکار کر دیں ۔۔۔۔۔ویسے بھی شادی کر کے کونسا آپکو کسی دوسرے گھر جانا ہے ،،،،،، ضارب کے ساتھ یہی پر ہی تو رہنا ہے ،،،،، اور مجھے نہیں لگتا کہ انہیں آپکی پڑھائی سے کوئی مسئلہ ہوگا ۔۔۔۔۔۔

آپ شادی کے بعد بھی اپنی پڑھائی جاری رکھ سکتی ہیں اور سب سے بڑھ کر یہ آپکے دادا سائیں کی خواہش ہے ۔۔۔۔۔۔

جسے ہم رد نہیں کر سکتے ،،،،،، وہ اسے رسان سے سمجھاتی ہوئیں بولی ۔۔۔۔۔

دوسری طرف واسم جو ابیہا سے جھگڑے کے بعد آخری فیصلہ کرتے ہوئے اس شادی کیلئے ہاں کرنے آیا تھا ،،،،،، دروازہ ہلکا سا کھلا ہونے کی وجہ سے ساری باتیں سن کر غصے سے اپنی مٹھیاں بھینچ گیا ۔۔۔۔۔۔

اسکا دماغ تو پہلے ہی ابیہا کی باتوں کی وجہ سے خراب ہو رکھا تھا ،،،،،، رہی سہی کسر عظمی بیگم کے دادا سائیں کی خواہش کے نام پر ابرش کو اس شادی کیلئے مجبور کرنے نے پوری کر دی تھی ۔۔۔۔۔۔

کیونکہ اسکے حساب سے ابرش ان سب کیلئے ابھی بہت چھوٹی تھی ،،،،،،

دوسرا ابرش اور ضارب کی ایج میں اتنا فرق تھا گھر والے ایسا سوچ بھی کیسے سکتے تھے ۔۔۔۔۔

اپنے مسئلے کو وہی چھوڑ اسے اب ابرش کی فکر لگ گئی تھی ،،،،،، اس لیے وہ ارمغان شاہ سے اس بارے میں بات کرنے کا ارادہ کرتا دروازے سے واپس پلٹ گیا ،،،،،، کیونکہ اسے اتنا اندازہ تو ہو گیا تھا ۔۔۔۔۔

فلحال وہ یہاں موجود نہیں تھے ۔۔۔۔۔

اور وہ اسے کہاں مل سکتے تھے ،،،،،، اس بات کا اندازہ بھی اسے بخوب تھا ۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیٹا ہمیں لگ رہا ہے کہ جیسا ہم نے سوچا تھا ۔۔۔۔۔۔

ہمارے بچے اس فیصلے سے خوش نہیں ہیں ۔۔۔۔۔اس لیے ہمیں لگ رہا ہے ۔۔۔۔۔

ہمیں ایک بار اور اس بارے میں سوچ لینا چاہیے ۔۔۔۔۔۔

آخر زندگی تو انہوں نے ہی گزارنی ہے ۔۔۔۔۔

اور جب وہ ہی لوگ خوش نہیں ہیں تو اپنا فیصلہ ان پر تھوپنے کا کیا فائدہ ،،،،،، یہ تو سراسر زیادتی ہی ان کے ساتھ ۔۔۔۔۔۔

حیدر شاہ ان سب کے رویوں کے دیکھتے مایوسی سے گویا ہوئے تھے ۔۔۔۔۔۔

بابا سائیں ایسا کیوں سوچ رہے ہیں ،،،،،، آپ کسی پر اپنا فیصلہ نہیں تھوپ رہے ،،،،، آپ نے تو بس اپنی رائے دی اگر ان لوگوں کو قبول ہوگا تو ٹھیک ہے ۔۔۔۔۔ورنہ ہم کوئی زور زبردستی تو نہیں کر رہے نا ان کے ساتھ ،،،،،، اللہ پاک نے جو ان کے نصیب میں لکھا ہوگا ہونا وہی ہے اس لیے آپ پریشان ہونا چھوڑ دیں ۔۔۔۔۔

ان شااللہ سب بہتر ہی ہوگا ۔۔۔۔۔۔

ارمغان شاہ انہیں تسلی دیتے بولے ۔۔۔۔۔۔

جس پر وہ سر ہلا گئے تھے ۔۔۔۔۔۔

ابھی وہ باتیں ہی کر رہے تھے جب دروازہ ناک کرتے واسم اندر داخل ہوا تھا ۔۔۔۔۔

السلام و علیکم دادا سائیں “

وعلیکم السلام ،،،،،، کیسے آنا ہوا برخوردار ،،،،،، اصل میں حیدر شاہ اسکی کل والی حرکت سے ناراض تھے اس لیے کھینچے کھینچے سے بولے ۔۔۔۔۔

دادا سائیں ،،،،، ڈیڈ مجھے آپ لوگوں سے کچھ ضروری بات کرنی ہے ۔۔۔۔۔۔

لیکن وہ انکے اس بات کا اثر لیے بنا مطلب کی بات پر آیا تھا ۔۔۔۔۔

جی بولیں سن رہیں ہیں ہم ۔۔۔۔۔۔

دادا سائیں یہ ضارب اور ابرش کا رشتہ آپ لوگوں نے کب طے کیا اور مجھے بتانا تک ضروری نہیں سمجھا ۔۔۔۔۔۔

وہ بنا لحاظ کے بدتمیزی سے بولا ۔۔۔۔۔۔

جس پر حیدر شاہ کے ساتھ ارمغان شاہ کے ماتھے پر بھی بل پڑے تھے ۔۔۔۔۔۔

سب سے پہلے تو آپ اپنا بولنے کا طریقہ درست کریں یہ کس لہجے میں بات کر رہے ہیں آپ ،،،،، بڑوں سے بات کرنے کی تعمیز آداب سب بھول گئے ہیں آپ ،،،،،، دوسرا مجھے اپنی بیٹی کا رشتہ کس سے طے کرنا ہے کس سے نہیں ،،،،، کم از کم آپ سے اجازت لینے کی ضرورت نہیں ہے مجھے ۔۔۔۔۔

ارمغان شاہ حیدر شاہ سے اسکی بدتمیزی پر درشتگی سے گویا ہوئے تھے ۔۔۔۔۔

سوری ڈیڈ لیکن وہ میری بہن ہے ،،،،،، کوئی بھیڑ بکری نہیں ہے جو آپ کسی سے بھی اسکا یوں رشتہ طے کر دیں اور مجھے بولنے تک کی بھی اجازت نا دیں ۔۔۔۔۔

آپکو لوگوں کو ان دونوں کی عمر میں فرق نظر نہیں آ رہا ،،،،،، ضارب ایک میچور اور سنجیدہ انسان ہے ،،،،،،اسکے ساتھ اسکے مزاج کی میچور لڑکی ہی سوٹ کرے گی نا کے ابرش جیسی ،،،،،

آپ لوگوں نے ایک بار بھی اسکے بارے میں نہیں سوچا کہ وہ کیسے ایڈجسٹ کرے گی اسکے ساتھ ۔۔۔۔۔اور بس فیصلہ سنا دیا ۔۔۔۔۔۔

ارمغان شاہ کے ٹوکنے پر اس نے اپنا لہجہ تھوڑا دھیما ضرور کیا تھا لیکن انداز اب بھی گستاخانہ ہی تھا ۔۔۔۔۔۔

واااسم ” آپکو پتا بھی ہے کہ آپ کس کے بارے میں اور کیا بول رہے ہیں ،،،،،، آپکی ہمت کیسے ہوئی ضارب کو کسی یا غیر بولنے کی ،،،،،

اور آپ سے بہتر پتا ہے ہمیں کہ ہماری بیٹی کیلئے کیا اچھا رہے گا اور کیا برا ،،،،،، آپ نے اپنی زندگی کا فیصلہ لے لیا ہے نا ۔۔۔۔۔۔

ہم نے کوئی اعتراض اٹھایا نہیں نا ،،،،،، پھر آپ کون ہوتے ہیں ہمارے فیصلے پر اعتراض کرنے والے ،،،،،، وہ ہماری بیٹی ہے اور انکی شادی ضارب سے ہی ہوگی یہ ہمارا آخری فیصلہ ہے ۔۔۔۔۔

اب آپ یہاں سے جا سکتے ہیں ۔۔۔۔۔۔

جبکہ اس کی بدتمیزی پر حیدر شاہ کے متغیر ہوتے چہرے کو دیکھ کر ارمغان شاہ دھاڑ اٹھے تھے ۔۔۔۔۔۔

لیکن ڈیڈ “

بس کہہ دیا ہے نا ہم نے آگے ایک لفظ نہیں سننا چاہتے ،،،،، آپ فلحال چلے جائیں یہاں سے ،،،،،،

جس پر وہ مٹھیاں بھینچتا ایک نظر سر جھکائے بیٹھے حیدر شاہ کو دیکھ کر لمبے لمبے ڈگ بھرتا وہاں سے نکلتا چلا گیا ۔۔۔۔۔

جبکہ پیچھے ارمغان شاہ پریشان سے صوفے پر ڈھے گئے ۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حیدر شاہ کی اچانک بگڑنے والی طبیعت نے پوری حویلی میں بھگڈر مچا دی تھی ۔۔۔۔۔۔

کسی کو سمجھ ہی نہیں آ رہا تھا کہ اچانک انہیں ہوا کیا ،،،،، اوپر سے وہ کسی بھی ہسپتال جانے سے صاف انکار کر چکے تھے ۔۔۔۔۔۔

اس لیے ضارب نے فیملی ڈاکٹر کے ساتھ ساتھ شہر کے مشہور ہسپتالوں سے دوسرے بڑے ڈاکٹر بھی گھر ہی بلوا لیے تھے ۔۔۔۔۔۔

لیکن حیدر شاہ ان سے چیک اپ کروانے کیلئے مان کہ ہی نہیں دے رہے تھے سوائے فیملی ڈاکٹر کے جس پر بھی وہ بہت منتوں اور ترلوں کے بعد جا کر راضی ہوئے تھے ۔۔۔۔۔

ابھی سب لوگ ان کے کمرے کے دروازے کے باہر کھڑے تھے جبکہ حیدر شاہ کے کمرے میں ان کے اور ڈاکٹر کے علاوہ صرف ارمغان شاہ موجود تھے ۔۔۔۔۔

جبکہ گھر کے سبھی افراد کے چہرے پر پریشانی واضح تھی ۔۔۔۔۔۔

ابھی سب لوگ پریشان حال کھڑے دروازے کی طرف ہی دیکھ رہے تھے ۔۔۔۔۔جب ڈاکٹر یاسر دروازہ کھول کر باہر آئے تھے ،،،،،، ڈاکٹر کیا ہوا ہے ہمارے دادا سائیں کو وہ ٹھیک تو ہیں نا ،،،،،، ہاں ڈاکٹر کوئی پریشانی والی بات تو نہیں ،،،،،، جبکہ انکو باہر آتے دیکھ کر ضارب کے ساتھ واسم اور زارون بھی فورا انکی طرف لپکے تھے ۔۔۔۔۔

جی ضارب بیٹا وہ الحمداللہ اب بالکل ٹھیک ہیں لیکن ” وہ ایک پل کیلئے رکے ۔۔۔۔

لیکن کیا ڈاکٹر “

دیکھیں فلحال تو وہ ٹھیک ہیں لیکن اگر وہ ایسے ٹینشن لیتے رہے تو یہ بات ان کیلئے بہت بڑا خطرہ ثابت ہو سکتی ہے ۔۔۔۔۔۔

اس عمر میں اتنا زیادہ بی پی کا شوٹ کر جانا ،،،،،، جان لیوا بھی ثابت ہو سکتا ہے ۔۔۔۔۔۔

اس لیے جتنا زیادہ ہو سکے انہیں ٹینشن سے دور رکھے ۔۔۔۔۔۔

گھر میں ایسا ماحول بنائیں جس سے ان کی صحت پر اچھے اثرات پڑ سکے ۔۔۔۔۔

باقی میں کچھ دوائیاں لکھ دیتا ہوں جو انہیں روٹین سے دیں ۔۔۔۔۔

ان شااللہ اللہ پاک سب بہتر کریں گے ۔۔۔۔۔

وہ مسکرا کر انہیں ساری صورتحال سے آگاہ کرتے کچھ ہدایات دے کر روانہ ہوئے تھے ۔۔۔۔۔

جنہے زارون باہر دروازے تک چھوڑنے گیا تھا ۔۔۔۔۔

جبکہ باقی سب ان کے کمرے میں داخل ہو گئے ۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حیدر شاہ بیڈ پر آنکھیں موند کر لیٹے ہوئے تھے جبکہ ارمغان شاہ انکی دائیں طرف کرسی پر براجمان تھے ۔۔۔۔۔۔

جب ان سب کی آہٹ پر انہوں نے دھیرے سے اپنی آنکھیں کھولیں ،،،،،، جو لہو نما رنگ کی ہو رہی تھیں ۔۔۔۔۔۔

جسے دیکھتے ان سب کی پریشانی میں کچھ اور اضافہ ہوا تھا ۔۔۔۔۔۔

کیا ہو گیا دادا سائیں کس بات کی آپ نے اتنی ٹینشن لی ہے جو آپکی طبیعت اس حد تک خراب ہوگئی ۔۔۔۔۔۔

آپ ہمیں بتائیں ،،،،،، ہم سے کوئی غلطی ہوگئی ہے کیا ۔۔۔۔۔

پلیز دادا سائیں کچھ بولیں ،،،،،، آپکی یہ خاموشی ہمیں اندر سے مار رہی ہے۔۔۔۔۔

انکی حالت کو دیکھتے ہوئے ضارب انکے قریب بیڈ پر بیٹھتا محبت سے گویا ہوا ۔۔۔۔۔۔

نہیں بیٹا غلطی آپ سے نہیں ہوئی بلکہ ہم سے ہوئی ہے ،،،،،، جو ہم نے آپ سب سے ضرورت سے زیادہ امیدیں باندھ لی ۔۔۔۔۔۔

لیکن اب ہمیں اپنی اہمیت کا اچھے سے اندازہ ہو گیا ہے ۔۔۔۔۔۔

اس لیے ہم نے سوچ لیا ہے آج سے ہم آپ کے معاملے میں ایک لفظ تک نہیں بولے گے ۔۔۔۔۔۔۔۔

آج سے آپ لوگ آزاد ہیں اپنی زندگی کا فیصلہ خود کر سکتے ہیں ۔۔۔۔

ہم کوئی اعتراض نہیں اٹھائیں گے ۔۔۔۔۔۔۔

جبکہ انکی بات سنتا واسم اچھے سے سمجھ چکا تھا ،،،،،، وہ یہ سپیشلی اسی کیلئے بول رہے ہیں ،،،،، اس لیے دھیمی مسکراہٹ لیے انکے قریب دوسری طرف بیٹھتے ہوئے ،،،،،،

ان کے سینے سے لگ گیا ۔۔۔۔۔۔

یہ بھی اسکا ایک انداز تھا انہیں منانے کا ،،،،،، لیکن وہ اس بار اس سے شدید برہم تھے اس لیے اسکے پیار جتانے پر بھی اسکے گرد اپنا حصار نہیں کھینچا تھا ۔۔۔۔،،

بلکہ ناراضگی سے چہرے کا رخ بدل گئے تھے ۔۔۔۔۔۔

جبکہ باقی گھر والوں کے چہروں پر واسم کے انہیں منانے کے اس انداز پر آسودہ مسکراہٹ آئی تھی ۔۔۔۔۔

سوائے تین لوگوں کے ،،،، ایک ارمغان شاہ جو اسکی دوپہر کی بدتمیزی بھولے نہیں تھے ،،،،،،، دوسری ابیہا جو اسکا دوسرا روپ دیکھ چکی تھی کہ وہ کیسی سوچ کا مالک تھا اس لیے اب بھی اسے سپاٹ نظروں سے دیکھ رہی تھی ،،،،،

تیسرا ضارب جسے معاملہ اب تھوڑا تھوڑا سمجھ آ رہا تھا ،،،،، جسکی وجہ سے غصے سے اسکی دماغ کی رگیں تن گئی تھیں ۔۔۔۔۔۔

یار اب بس بھی کر دیں میرا کوئی ارادہ نہیں تھا آپ کو ہرٹ کرنے کا ،،،،،، بس ایسے ہی غصے میں منہ سے نکل گیا ۔۔۔۔۔۔

یار معاف کر دیں ،،،،،، آپ کو پورا حق ہے ہماری زندگی کا فیصلہ لینے کا ،،،،،،

اگر آپ کہیں تو انہی کپڑوں میں میں دلہا بننے کیلئے بھی تیار ہوں ۔۔۔۔۔۔

اب تو خوش ہو جائیں ۔۔۔۔۔۔

وہ انکا چہرہ اپنے ہاتھوں کے پیالے میں لیتا لاڈ سے بولا ،،،،،، لیکن انہوں نے کوئی خاص رسپانس نہیں دیا تھا ۔۔۔۔۔

جس کا مطلب تھا وہ اتنی جلدی ماننے کا ارادہ نہیں رکھتے تھے ۔۔۔۔۔۔

اچھا بتائیں کیسے مانے گے میں وہی کرنے کو تیار ہوں ،،،،،، لیکن پلیز آپ ٹینشن لے کر اپنی طبیعت خراب نا کریں ۔۔۔۔۔۔

آپ ہی تو ہماری زندگی ہیں ۔۔۔۔۔۔

جنہوں نے ہمیں ایک ساتھ جوڑ کر رکھا ہے ۔۔۔۔۔۔ اور اگر آپ ہی ایسے روٹھ جائیں گے تو ہمیں کون سمجھائے گا ۔۔۔۔۔۔۔

وہ انکے چہرے کی طرف دیکھتے محبت سے کہتا ایک بار پھر انکے سینے سے لگ گیا تھا ۔۔۔۔۔

جس پر وہ بھی اپنی ناراضگی ختم کرتے اس کے گرد اپنا حصار کھینچ گئے تھے ۔۔۔۔۔

جبکہ ضارب جو انکی طرف ہی سنجیدگی سے دیکھ رہا تھا ،،،،،،، اس کیلئے بھی اپنا دوسرا بازو واں کیا تھا ۔۔۔۔۔

جس پر وہ مسکراتے ہوئے نفی میں سر ہلاتا فورا سما گیا ۔۔۔۔۔

ہم آپ دونوں کو اپنی زندگی میں ہی دلہا بنا دیکھ لینا چاہتے ہیں ،،،،،،، اس سے زیادہ کچھ نہیں ۔۔۔۔۔۔

یار دادا سائیں یہ تو زیادتی ہے ۔۔۔۔۔۔

آپ صرف ضارب اور واسم لالا کو دلہا بنا دیکھنا چاہتے ہیں مجھے نہیں ،،،،، تو اسکا مطلب کیا میں ساری زندگی کنوارہ ہی رہوں گا ۔۔۔۔۔

زارون جو ابھی ڈاکٹر کو باہر چھوڑ کر آیا تھا ۔۔۔۔۔۔

اس کی سماعت میں حیدر شاہ آخری جملہ پڑا تھا ،،،،،، جس پر فورا اس نے اپنا دکھڑا رویا تھا ۔۔۔۔۔

جسے سنتے محفل زعفران زار بنی تھی ۔۔۔۔۔۔

نہیں ایسی بات نہیں ہے ۔۔۔۔۔ہم آپکو بھی دلہا بنائے گے ،،،،،، لیکن پہلے آپ اس قابل تو ہو جائیں اب ایسے تو آپ کو کوئی اپنی بیٹی نہیں دے گا ۔۔۔۔۔۔

جبکہ دادا سائیں کے جواب پر کمرے میں ایک بار پھر قہقہے گونج اٹھے تھے ۔۔۔۔۔۔

جس پر وہ خجل ہوتا سر جھکا گیا ۔۔۔۔۔۔

دادا سائیں یہ سب تو ٹھیک ہے لیکن آپکو ایک بار ابیہا ، ابرش سے بھی پوچھ لینا چاہیے کہ کیا وہ اس رشتے سے خوش ہیں ۔۔۔۔۔

ان سب کی باتیں سنجیدگی سے سنتا ان دونوں کی طرف دیکھتے نرمی سے گویا ہوا تھا ۔۔۔۔۔

جس پر دادا سائیں بھی مسکرائے تھے ۔۔۔۔۔۔

ضارب نے ابیہا کو اپنے پاس آنے کا اشارہ کیا تھا ۔۔۔۔۔

جس پر وہ دھیمے قدم لیتی اسکے پہلو میں آ کر بیٹھ گئی ۔۔۔۔۔۔

دیکھیں بیا بیٹے آپ پر کوئی بھی دباؤ یا زور زبردستی نہیں اگر آپ یہ شادی نہیں کرنا چاہتی ہیں تو اپنے لالا کو کھل کر بتا سکتی ہیں ،،،،،، ہم کوئی اعتراض نہیں کریں گے ۔۔۔۔۔۔

اسکے ضارب کے قریب بیٹھتے حیدر شاہ اس سے گویا ہوئے تھے ۔۔۔۔

جس پر ضارب نے تائید میں سر ہلایا تھا ،،،،،، کیونکہ دادا سائیں کی خواہش اپنی جگہ لیکن وہ اپنی معصوم گڑیا کے سے ساتھ کوئی بھی زیادتی نہیں ہونے دینا چاہتا تھا ۔۔۔۔۔۔

جبکہ انکی بات پر اس نے سر اٹھا کر ایک نظر سامنے بیٹھے واسم شاہ کی طرف دیکھا تھا ۔۔۔۔۔۔

جس کے چہرے پر ایک تمسخرانا سی مسکراہٹ تھی ۔۔۔۔۔۔

جس کا مطلب وہ اچھے سے جانتی تھی ،،،،،، ایک پل کیلئے تو دل میں آیا ابھی سب کو سچ بتا کر اس کمینے ڈریگن کی اصلیت سب کے سامنے لے آئے ۔۔۔۔۔

لیکن اسکی نظر دادا سائیں کے چہرے پر پڑی تھی ۔۔۔۔۔۔

جو اسے ہی امید بھری نظروں سے دیکھ رہے تھے ،،،،،،، جس پر وہ نا چاہتے ہوئے بھی اپنا سر جھکا گئی ۔۔۔۔۔۔

نہیں دادا سائیں مجھے کوئی اعتراض نہیں ہے ۔۔۔۔۔۔وہ دھیمے لہجے میں بولتی اپنی رضامندی دے گئی تھی ۔۔۔۔۔۔

جس پر انہوں نے اسکے سر پر اپنا دست شفقت رکھا تھا ،،،،،، جبکہ ضارب اسے سینے سے لگاتے سر پر محبت سے بوسہ دے گیا ۔۔۔۔۔۔

اسکے بعد سب کی نظریں ابرش کی طرف اٹھی تھی ،،،،،، جسے دیکھتے وہ تھوڑا گھبرا گئی تھی ۔۔۔۔۔

جسے دیکھتے واسم ابھی اٹھ کر اسے گلے سے لگاتا یا پھر کچھ کہتا اس سے پہلے ہی ارمغان شاہ اٹھ کر اسے اپنے حصار میں لے گئے ۔۔۔۔۔۔۔

جس پر وہ جل بھن ہی تو گیا تھا ،،،،،، لیکن مصلحتا فلحال خاموش ہی رہا ۔۔۔۔۔۔

بولیں ابرش دادا سائیں کچھ پوچھ رہیں ہیں بیٹا ۔۔۔۔۔۔

ارمغان شاہ محبت سے گویا ہوئے تھے ۔۔۔۔۔۔

وہ ایک نظر انکی طرف اور پھر دادا سائیں کی طرف دیکھ کر نفی میں سر ہلا گئی ۔۔۔۔۔

نہیں مجھے ،،،،،، کوئی اعتراض نہیں ،،،،،،

وہ اٹک اٹک کر بولتی حیدر شاہ کو خوشیوں کی نوید سنا گئی تھی ۔۔۔۔۔۔

جس پر سب ہی مسکرائے تھے ۔۔۔۔۔۔

لیکن ضارب جو اسکی طرف ہی غور سے دیکھ رہا تھا ،،،،،، اسے ایسا لگا جیسے وہ رشتہ مجبوری میں قبول کر رہی ہے ۔۔۔۔۔

اس لیے اس نے بعد میں اس سے دوبارہ پوچھنے کا ارادہ کیا تھا ۔۔۔۔۔۔

چلیں تو پھر ٹھیک ہے ۔۔۔۔۔آنے والے جمعہ کے مبارک دن کو نکاح کا فریضہ انجام دیا جائے اور ایک ہفتہ بعد ہم اپنے پوتوں کی دھوم دھام سے شادی کریں گے ۔۔۔۔۔

اسکے جواب سنتے ہی حیدر شاہ نے اپنا فیصلہ سنایا تھا ،،،،،، جس پر سب نے ادب سے اپنا سر ہلایا تھا ۔۔۔۔۔۔

جبکہ ان سب سے نظر بچا کر حیدر شاہ نے ارمغان شاہ کی طرف دیکھتے ہوئے شرارت سے ایک آنکھ دبائی تھی ۔۔۔۔۔

جس پر وہ لب دبا کر اپنا منہ نیچے کرتے اپنی مسکراہٹ چھپا گئے تھے ۔۔۔۔۔۔

اگر واسم اور ضارب شاہ سیر تھے تو حیدر شاہ سوا سیر تھے ،،،،،، اپنے بپھرے اونٹوں جیسے پوتوں کو پہاڑ کے نیچے کیسے لانا ہے وہ یہ اچھے سے جانتے تھے ۔۔۔۔۔۔

اور اپنے مقصد میں کامیاب بھی ٹھہریں تھے ۔۔۔۔۔

جبکہ ان سب کے نکاح کا سنتے حویلی میں خوشی کی لہر دوڑ گئی تھی ۔۔۔۔۔

جو کب تک برقرار رہنی تھی کوئی نہیں جانتا تھا ۔۔۔۔۔۔