Meri Hayat By Zarish Hussain Readelle50271 Meri Hayat (Episode 03)

Meri Hayat By Zarish Hussain

تمہیں اگر میرے پیار کو ٹھکرانا ہی تھا تو مجھے اس حد تک لائے ہی کیوں۔۔۔۔۔آخر کیا کمی ہے مجھ میں۔۔۔ اور ایسی کیا بات ہے اس شینا میں جس کیلئے تم در بدر کی ٹھوکریں کھا رہے ہو۔۔۔۔۔۔۔۔کتنے نصیب والی وہ جسکے پیار کے بغیر دو دو مرد جی نہیں سکتے۔۔۔۔۔۔۔۔

تو ٹھیک ہے مار دو مجھے۔۔۔۔۔۔۔اپنے ہاتھوں سے گلہ دبا دو میرا۔۔۔۔۔۔۔۔۔۔۔تمہارے بغیر نہیں جینا مجھے۔۔۔۔۔۔وہ زاروقطار روتے ہوئے سامنے کھڑے مجنوں جیسے حلیے والے آدمی کے دونوں ہاتھ پکڑے اپنے گلے پر رکھے چلا رہی تھی۔۔۔۔۔۔۔۔۔۔۔۔”

کٹ۔۔۔۔۔۔۔کٹ۔۔۔۔۔۔۔۔اسی مجنوں کے حلیے والے آدمی نے کیمرہ میںن کو اشارہ کیا۔۔۔۔۔۔۔۔۔”

ذلیل,کمینہ,بےبغیرت,,ماہی نے دانت پیس کر دل ہی دل میں اسے بے شمار گالیوں سے نوازا جو کہ کوئی دسویں مرتبہ یہ کہہ کر ری_ٹیک کروا رہا تھا کہ ماہی صحیح ایکسپریشنز نہیں دے رہی۔۔۔۔۔۔۔۔۔۔۔۔”

یہ اظفر علوی تھا۔۔۔۔۔۔۔۔۔’

جو کہ شوبز میں بہت سالوں سے کام کر رہا تھا۔۔۔لیکن ابھی تک اس فیلڈ میں اپنا کوئی خاص مقام نا بنا سکا تھا۔۔۔۔۔۔۔۔مگر دوسروں پر ظنز کرنا۔۔۔۔۔۔۔۔۔۔۔۔۔۔۔۔ اور انکی ایکٹنگ میں کیڑے نکالنا تو اسکی فیورٹ ہابی تھی۔۔۔۔

سیٹ پر ہیروئنز کو تنگ کرنا۔۔۔۔۔۔۔۔۔۔۔۔۔۔بار بار ری ٹیک کروانا۔۔۔۔۔۔۔۔۔۔۔۔انہی بری عادتوں کی وجہ انڈسٹری کی بہت سی ہیروئنز اسے سخت ناپسند کرتی تھیں۔۔۔۔۔۔۔۔

یہی وجہ تھی اسکے ساتھ کوئی ہیروئن بھی کام کرنے کیلئے تیار نا ہوتی تھی”اس پر اپنی کمسن ملازمہ کے جنسی استحصال کا الزام بھی تھا۔۔۔۔۔۔۔اس واقعے کے بعد نئی فلمیں تو کیا ملنی تھیں،،سائن شدہ فلموں سے بھی آؤٹ کر دیا گیا۔۔۔۔۔۔۔۔۔۔۔۔”

ڈائریکٹرز اسے اپنی فلموں میں لینے سے کترانے لگے۔۔۔

بڑے عرصے تک اسے کوئی فلم نا مل سکی۔۔۔۔۔۔۔۔۔بڑی مشکل سے ایک چھوٹے بجٹ کی فلم ملی تو دوبارہ سے فلمی دنیا میں واپسی کی کچھ راہ ہموار ہوئی۔۔۔۔۔۔۔۔۔۔۔۔۔۔ یہ فلم بھی اسے کسی کی سفارش سے ملی تھی۔۔۔۔۔۔۔۔۔۔۔۔ فلم اگرچے کوئی بہت بڑے بجٹ کی فلم نہیں تھی۔۔۔۔۔لیکن اس میں،شائقین کی توجہ حاصل کرنے کیلئے رومینس کا مرچ مصالحہ تڑکا وغیرہ لگایا جا رہا تھا۔۔۔۔۔۔۔۔۔۔۔۔۔”

اظفر علوی کے مد مقابل ماہی بلوچ اس فلم کی ہیروئن تھی۔۔۔۔۔۔۔۔۔جو کہ انڈسٹری کی جانی مانی اداکارہ تھی

بہت سی کامیاب فلمیں دے چکی تھی”٫٫جن میں کئ ماحر سکندر خان کے ساتھ تھیں۔۔۔۔۔۔۔۔۔۔۔۔۔۔۔”

شائقین کی جانب سے ان دونوں کی جوڑی کو کافی پزیرائی بھی ملی تھی۔۔۔۔۔۔۔۔ ماحر سکندر اس کا صرف فلمی پارٹنر ہی نہیں رہا تھا۔۔۔۔۔بلکہ بہت قریبی دوست بھی رہا۔۔۔۔۔۔۔۔۔۔اور اب تک انکے درمیان دوستی چلی آ رہی تھی۔۔۔۔۔۔۔۔۔۔۔ ماہی بلوچ پانچ سال تک فلموں میں کام کرنے کے بعد شادی کر کے پیا کے سنگ امریکہ جا بسی تھی۔۔۔۔۔۔۔۔۔ پچھلے ایک سال سے فلمی دنیا سے دور رہتے ہوئے اب اچانک سے اسکی شوبز میں واپسی ہوئی اور آتے ہی اسے نصیرالدین شاہ کی فلم ہوش ربا ملی تو فوراً سائن کر لی۔۔۔۔۔۔یہ فلم کچھ بولڈ مناظر پر مبنی تھی،،لیکن وہ چونکہ ماضی میں بھی کئی بولڈ سینز کر چکی تھی سو اسے فرق نہیں پڑتا تھا۔۔۔۔۔”

اظفر علوی کو وہ بہت پہلے سے جانتی تھی۔۔۔۔۔۔۔۔مگر فلم اسکے ساتھ پہلی ہی تھی۔۔۔۔۔ اور پہلے دن ہی سیٹ پر اظفر علوی اسے سخت زہر لگا تھا جب اس نے ماہی بلوچ کو دیکھتے ہی فوراً کہا۔۔۔۔۔۔۔”

“ارے…..ماہی تم تو پہلے سے بھی زیادہ موٹی ہو گئی ہو۔۔۔۔۔۔۔۔۔۔۔۔”

ماہی نے بھی ترکی بہ ترکی جواب دیا….اور تم بھی پہلے سے بھی زیادہ بے ڈھنگے ہوگئے ہو۔۔۔۔۔۔۔۔اس کے بعد سے لے کر اب تک اس نے سیٹ پر ماہی کو بری طرح زچ کیا ہوا تھا۔۔۔۔۔۔۔۔کسی بھی سین کو پہلے شاٹ میں اوکے نا ہونے دیتا۔۔۔۔۔۔۔۔۔۔۔۔۔۔بار بار کبھی ماہی کی ایکٹنگ اور کبھی ایکسپریشنز پر اعتراض کرتا۔۔۔۔۔۔چینج کرنے کے بہانے ڈریسنگ روم میں بیٹھ کر سموکنگ کرتا۔۔۔۔۔۔۔۔میک آپ آرٹسٹ،اور باقیوں سے گپیں لگاتا اور ماہی بچاری کو ایک ایک سین کیلئے گھنٹوں انتظار کرواتا۔۔۔۔۔۔۔۔۔۔۔۔۔۔”

اللّٰہ کرے منحوس مر جائے یا کسی کیس میں ہمیشہ کیلئے اندر ہو جائے تاکہ انڈسٹری کی جان چھوٹے اس ذلیل آدمی سے۔۔۔۔۔۔۔۔ وہ منہ ہی منہ میں بڑ بڑاتی ہوئی کچھ فاصلے پر رکھی چیئر پر جا بیٹھی،،خدا خدا کر کے سین اوکے ہوا تھا۔۔۔۔۔۔۔۔۔۔۔۔۔۔”

آئندہ اس کمینے کے ساتھ کبھی کسی فلم میں کام نہیں کرونگی اس نے دل میں پکا ارادہ کیا۔۔۔۔۔۔۔ اچانک ماحر سر آگئے،ماحر سر آگئے کی آوازوں پر اس نے گردن موڑ کر دیکھا۔۔۔۔۔۔ماحر سکندر خان انکی فلم کے سیٹ پر آیا ہوا تھا۔۔۔۔۔۔۔۔اس فلم کے ڈائریکٹر سے چونکہ ماحر کے بہت اچھے تعلقات تھے،،لہذا اس کی درخواست پر ماحر اس فلم میں مہمان اداکار کے طور پر جلوہ گر ہونے والا تھا جس میں اس کا پانچ منٹ کا چھوٹا سا رول تھا۔۔۔۔

دنیا کی ہر فلم انڈسٹری میں کچھ فلمیں ایسی ہوتی ہیں جہاں بڑے بڑے اداکاروں کو مہمان اداکار کے طور پر پیش کیا جاتا ہے،اور بعض مرتبہ کسی فلم میں انکی محض ایک جھلک ہی دکھائی جاتی ہے،، ماحر بھی اکثر اپنے قریبی دوستوں کی فلموں کیلئے ان کی ریکوئسٹ پر چند منٹ کے چھوٹے موٹے رول فری میں کردیتا تھا۔مگر اس احسان کا بدلا وہ ایک دوسرے کو مہنگے گفٹس دے کر اتار دیا کرتے تھے۔۔۔۔۔۔۔کچھ عرصہ پہلے ماحر کے ایک بہت قریبی اداکار دوست نے ماحر کی فلم میں مہمان اداکار کے طور پر چند منٹ کا رول نبھایا تھا اور پیسے نہیں لئے تھے،لیکن ماحر نے اس احسان کا بدلہ اس کی برتھڈے پر ایک مہنگی فراری دے کر اتار دیا تھا۔۔۔۔۔۔۔۔۔۔”

ماہی بلوچ اسے دیکھتے ہی فوراً اٹھی،، وہ ڈائریکٹر نصیرالدین سے دعا سلام کر رہا تھا۔۔۔۔۔۔۔۔اچانک سے

اسکی بھی ماہی پر نظر پڑی تو مسکرایا”٫ ماہی قریب آ کر اسکے گلے لگ گئی۔۔۔۔۔۔۔۔۔یہ شوبز میں عام رواج تھا اداکار اداکارائیں بے تکلفی سے ایک دوسرے سے گلے ملتے تھے۔۔۔۔۔۔۔۔۔

اور سناؤ کیسی چل رہی ہے شوٹنگ۔۔۔۔؟

ایک سال بعد پھر سے فلم میں کام کرنا کیسا لگ رہا ہے

ماحر کے پوچھنے پر اس نے برا سا منہ بنایا۔۔۔۔۔۔۔۔ مت پوچھو یار بہت ایکسائیٹڈ تھی میں اس فلم کیلئے۔۔۔ کہ اتنے عرصے بعد ایکٹنگ کرتے ہوئے مزہ آئیگا.. مگر اس ایڈیٹ،بے ڈھنگے انسان نے تپایا ہوا ہے مجھے۔۔۔۔۔ساتھ ہی کچھ فاصلے پر کیمرہ میںن سے محو گفتگو سموکنگ کرتے اظفر علوی کی طرف اشارہ کیا۔۔۔۔۔ماحر ہنس پڑا۔۔۔۔۔۔۔۔۔۔۔۔۔۔۔صرف تمہیں ہی نہیں سب کو تپاتا ہے۔۔۔۔۔۔۔۔۔۔کئی بچاری لڑکیاں اسکی ستائی ہوئی ہیں”

اچھا خیر دفعہ کرو اسے.. یہ بتاؤ شادی کب کر رہے ہو؟” ماہی نے کئی بار کا پوچھا ہوا سوال دہرایا۔۔۔۔

یار میڈیا کی طرح تمہارا بھی یہی سوال ہوتا ہے ہمیشہ،،،ماحر نے سر کھجاتے ہوئے بے زاری سے کہا

ہاں تو جب تک شادی نہیں کروگے تب تک سب کے منہ سے یہی سوال سنتے رہو گے۔۔۔۔۔۔۔۔۔۔۔۔تمہارے ساتھ کی مجھ سمیت کئی ہیروئنز تمارے خواب دیکھ دیکھ کےمجبورا کسی اور کے سنگ چل دیں۔۔۔۔۔۔ اور تم ہو کہ ابھی تک کنوارے رہ کہ بچاری نئی آنے والی لڑکیوں کو اپنے خواب دیکھنے پر مجبور کر رہے ہو،،،ماہی نے ہنس کر کہا تو وہ بھی ہنس دیا۔۔۔۔۔۔۔۔”

جب تم لوگوں کی دال نہیں گلی تو نئی ہیروئنز کی کیسے گلے گی،،،،،،،،فخریہ انداز میں کالر جھاڑتے ہوئے بولا۔۔۔۔۔۔۔۔۔۔۔۔۔”

تم کسی کی گلنے دو تب نا۔۔۔۔۔۔۔ماہی نے مصنوعی آہ بھرتے ہوئے کہا۔۔۔۔۔۔۔۔ ویسے ماحر کیا تم سچ میں کبھی شادی نہیں کروگے۔۔۔۔۔۔۔۔؟”اس نے سیریس انداز میں پوچھا۔۔۔۔۔۔۔۔۔”

ہاں میرا شادی کا کوئی ارادہ نہیں۔۔۔۔۔۔ ماحر نے بھی سیریس انداز میں جواب دیا۔۔۔۔۔۔ اور اگر تمہیں کسی سے محبت ہوگئی تو۔۔۔۔۔۔۔۔۔؟ ماہی کے سوال پر اس نے کچھ دیر سوچا،،،،پھر کروں گا لیکن بشرطیکہ اگر وہ محبت مجھے پاگل پن کی حد تک ہوئی تو۔۔۔۔۔۔۔۔۔”

اچھا تو تمہارے نزدیک شادی کیلئےمحبت کا پاگل پن کی حد تک ہونا ضروری ہے؟”ہاں لیکن میں اپنے لئے ایسا کہہ رہا ہوں دوسروں کا میرے خیال سے متفق ہونا ضروری نہیں،،،ہمم،،،،ماہی نے سر ہلایا۔۔۔۔۔۔۔۔’

ماحر،،،،،،،،ماہی جی……..اسی وقت ڈائریکٹر کے آواز پہ وہ باتیں چھوڑ کر اسکی طرف بڑھ گئے جو شاٹ دینے کیلئے بلا رہا تھا۔۔۔۔۔۔۔۔۔۔۔۔۔”

حیا آج یونیورسٹی سے غائب تھی اور اوپر سے فون بھی اپنا بند کر رکھا،،حورین کا غصے سے برا حال تھا رات بھی ٹرائی کرتی رہی..لینڈ لائن پر کیا تو ملازمہ نے بتایا کہ حیا بی بی کے سر میں درد ہے وہ سو گئی ہیں

سو یونیورسٹی سے واپسی پر گھر جانے کے بجائے سیدھی حیا کے گھر آئی جو لان میں بیٹھی سامنے ٹیبل پر کتابیں پھیلائے پڑھنے میں مصروف تھی،،،

حورین جارحانہ تیور لئے اسکے سر پر پہنچی اور ہاتھ میں پکڑی فائل اسکے سر پر ماری،،،،حیا جو اسکی آمد سے بے خبر ہاتھ میں پن لئے فائل پر جھکی نوٹس بنانے میں مگن تھی،،،اپنے اوپر پڑنے والی آفتاد سے بوکھلا گئی پن اور فائل دونوں نیچے جا گرے،،،،،،سر پر ہاتھ رکھ کر کراہتے ہوئے نگاہ سامنے کی تو حورین کو کڑے تیوروں سے گھورتے پایا،،،،،،،،،اف حوری کی بچی میرا سر توڑنے کی کیا ضرورت تھی،،،،،،ایک ہاتھ سے ہنوز سر پکڑے دوسرے ہاتھ سے جھک کر فائل اور اس میں سے گر کر ادھر ادھر بکھرے پیجز اٹھانے لگی۔۔۔۔۔۔۔”

اور تمہیں مجھے بتائے بنا یونی سے چھٹی کرنے کی کیا ضرورت تھی۔۔۔۔۔۔؟”حورین نے تیز نظروں سے گھورا

ایک تو کل بھی تم مجھے بنا بتاۓ گھر چلی آئی فرحین کے ساتھ مل کر پوری یونی میں ڈھونڈھتی رہی تمیں پہلے تو میری کالز پک نہیں کیں اوپر سے نمبر بھی آف کر دیا جو کہ ماشاءاللہ سے ابھی تک آف ہے،،آتے ہوئے بھی وہ اس کا نمبر ٹرائی کرتی رہی تھی،،،،کمر پر ہاتھ رکھے کھڑی وہ ایک ہی سانس میں بولتی جواب طلب نظروں سے اسے گھورے ہی جا رہی تھی،،،،،،،،،تم بیٹھو تو سہی بتاتی ہوں،،،،،حیا کو اس کا انداز دیکھ کر ہنسی آگئی،،،،جی نہیں جب تک مجھے میرے سوالوں کے جواب نہیں مل جاتے میں نہیں بیٹھوں گی،،،،وہ ہنوز کھڑی رہی،،،،،،حیا نے خود ہی اسکا پکڑ کر بٹھایا پھر بتانے لگی،،ایکچولی کل میں تم سے ناراض تھی،تم مجھے زبردستی وہاں لے گئی میں چپ رہی پھر زبردستی سٹیج پر لے گئی میں نے کچھ نہیں کہا مگر ہم ہم بول کے اپنے اس ہیرو کے فینز کی لسٹ میں مجھے شامل کرنے کی کیا ضرورت تھی،،،اسلئے میں نے تمہاری کالز ریسیو نہیں کیں اور موڈ خراب تھا سو اسلئے گھر چلی آئی ،،نمبر آف تمہیں سزا دینے کیلئے کیا تھا اور آج یونی اسلئے نہیں آسکی کیونکہ رات سے طبیعت کچھ مضحمل سی تھی،، صبح بہت لیٹ اٹھی تھی،،،بس یا اور کچھ،،،،،،،؟؟”

اچھا تو تم مجھ سے اس لئے ناراض تھی کہ میں نے اسکے سامنے تمہیں بھی اسکی فین بولا۔۔۔۔۔۔۔۔۔۔ہاں تو اور کیا میں نے نا کبھی اسکی فلمیں دیکھیں نا اسے جانتی ہوں پھر میں کیوں ہونے لگی اسکی فین حیا نے منہ بنایا۔۔۔۔۔۔۔۔۔۔۔۔۔۔۔۔۔۔۔۔

لو تم تو صرف فین کہنے پر ناراض ہوگئ تھی میں تو تمارا نمبر بھی اسے دے آئی۔۔۔۔۔۔۔

حورین نے چیئر پر ریلیکس انداز میں بیٹھے ہوئے قہقہہ لگایا۔۔۔۔۔۔۔۔

کیا۔۔۔۔۔۔۔۔۔۔۔۔۔حیا چلائی۔۔۔۔۔۔۔”

ارے نئیں نئیں یار مذاق کر رہی تھی،،،وہ اتنا بڑا سپرسٹار ہے تمہارا نمبر کیوں مانگنے لگا بھلا،،،،،ابھی زبان سے جو سچ پھسلا تھا،،حیا کے ری ایکشن پر ڈر کر فوراً اسکو جھوٹ کے پردے میں لپیٹا۔۔۔۔۔۔۔۔۔۔”

ہاں یہ بھی ہے،،،اچھا کھانا منگواوں تمارے لئے یا چائے پیو گی،،،،،،؟”نہیں کھانے کا موڈ نہیں ہے۔ کینٹین سے برگر لے کر کھایا تھا،چائے منگوا لو،،،،،،،،حیا نے سر ہلایا چلو اندر چلتے ہیں وہیں بیٹھ کر چائے پیں گے،،،،،، اوکے،،،،حورین نے اثبات میں سر ہلایا،،، کتابیں اٹھا کر وہ دونوں اندر کی طرف چل دیں،،،،،،ارے حیا ایک امپورٹینٹ بات تو بتانا بھول گئی تمہیں،،،،حورین کو اچانک یاد آیا،،،،،،،،تم میری کتابیں لو اور میرے روم میں جاؤ میں رحمت بوا کو چائے کا بول کے آتی ہوں تو وہیں تماری امپورٹینٹ بات بھی سنتی ہوں حیا نے اسے اپنی کتابیں پکڑاتے ہوئے کہا……………………”

ہاں اب بتاؤ کونسی اہم بات بتانی ہے؟”رحمت بوا کو چائے کا کہہ کر حیا روم میں آئی اور حورین کے پاس بیڈ پر بیٹھتے ہوئے بولی ،،،،،،،،،،اہم بات یہ ہے کہ ہماری یونیورسٹی میں نیو وائس پرنسپل آئے حورین ایکسائٹیڈ ہو کر بولی۔۔۔۔۔۔۔۔۔۔۔۔۔”

تو,,,,,,,,,,,؟”حیا کو اس کی ایکسائٹمنٹ سمجھ نا آئی

تو یہ کہ وہ مسٹر ہمارا زولوجی کا لیکچر بھی لیں گے،،،،،اور انتہائی سخت ہیں آج پہلے دن ہی آدھی کلاس کو باہر نکال دیا۔۔۔۔ہائیں وہ کیوں،،،،،؟”حیا حیران ہوئی۔۔۔۔۔۔۔۔۔۔۔”

“وہ اس لئے کہ سٹوڈنٹس نے انہیں باقی پرفیسزز کی طرح سمجھ کر ہلکا لینے کی کوشش کی پھر تو وہ عزت افزائی ہوئی سب کی..کہ سب کے سب خود ہی ہلکے پھلکے ہوگئے،،،،،حورین کھلکھلا کے ہنسی،،،حیا بھی ہنس دی،،،،،اور ایک مزے کی بات بتاؤں حورین نے ہنستے ہوئے کہا،،،،،وہ بہت ہی ہینڈسم،،بہت ہی ڈیشنگ اور ینگ ہیں۔۔۔۔۔۔۔۔۔ حورین نے آ نکھ دبائی۔۔۔۔۔۔۔۔۔۔”

مرو تم۔۔۔۔۔۔۔جہاں بھی کوئی اچھی شکل دیکھتی ہو رال ٹپکنے لگتی ہے تماری ۔۔۔۔۔۔۔حیا جل کر بولی اور پاس پڑا تکیہ اٹھا کر اسے مارا۔۔۔۔۔۔۔”

ہاں تو رال بھی تو اچھی چیزوں پر ہی ٹپکتی ہے،،،،وہ بھی اپنے نام کی ڈھیٹ تھی،،،،

اسی وقت رحمت بوا چائے لئے اندر داخل ہوئیں،،،

اسلام علیکم بوا،،،حورین نے فوراً انہیں سلام کیا, حیا کی طرح وہ بھی انکی بہت عزت کرتی تھی،،،،

وعلیکم السلام،،،،کیسی ہو بیٹا،،،وہ محبت سے پوچھنے لگیں،،،،ٹھیک ہوں بوا،،،آپ کیسی ہیں،،،؟”بس یہ حیات صاحبہ نے آج یونی سے بنا بتائے چھٹی کر لی تو اسی کی خبر لینے آگئ،،،وہ دونوں مسکراتے ہوئے بوا سے باتوں میں لگ گئیں۔۔۔۔۔۔۔۔۔۔۔۔۔۔۔۔”

خوبصورت رنگ برنگے پھولوں سے سجا ایک بڑا سا سیٹ لگا ہوا تھا،،،اطراف میں سارے سرخ اور پیلے رنگ کے پھول تھے،،،،، سیٹ کے اردگرد لوہے کی اونچی تاریں لگائی گئی تھیں جن پر سبزے اور موتیے کے پھولوں کی لڑیاں لٹکائی گئی تھیں،،،اوپر سی پھوار کی صورت میں بارش برس رہی تھی..یہ کوئی حقیقی بارش نہیں تھی بلکہ مصنوعی بارش تھی جو کہ پائپوں کی مدد سے اوپر سے پھوار کی صورت میں گرتی اصلی بارش کے جیسے لگ رہی تھی،،،، اور اسی پھوار کے نیچے مثال شیرانی لال اور پیلے کنٹراسٹ میں انڈین ہیروئنز کی طری ہاف بلاؤز ریشمی ساڑھی پہنے،، مکمل بھیگی ہوئی۔۔۔۔۔بھیگا بھیگا سا یہ سماں،،، اس میں بھیگی بھیگی سی میری جاں گانے پر محو رقص تھی،،،خوبصورت لچکدار جسم کی ایک ایک لچک سے دیکھنے والوں کی آنکھیں خیرہ ہو رہی تھیں۔۔۔۔۔۔۔۔۔۔۔۔ماحر سکندر بھی پیلے رنگ کی شرٹ پہنے فل گریبان کھولے ہوئے تھا، جس سے اس کی مضبوط باڈی صاف جھلک رہی تھی،،ہیروز ناجانے کیوں ہمیشہ یہی سمجھتے ہیں کہ جب تک شرٹ اتار کر باڈی نہیں دکھائیں گے ان فلم سپر ہٹ نہیں ہوگی،،کچھ ہیروز اگر کسی فلم میں پوری شرٹ نا بھی نکالیں تب بھی انکے سامنے کے بٹن لازمی کھلے ہوتے ہیں…ماحر بھی اسوقت مثال کی طرح مکمل بھیگا ماتھے پر بھیگے سلکی بال بکھرائے ہیروئن کو کمر سے پکڑے اسے انتہائی قریب کیے دوسرے ہاتھ کی انگلیوں سے اسکی چہرے اور گردن کو چھو رہا تھا،،،جیسے جیسے گانے کے بول ہوتے،،اسی کے مطابق کبھی اسے گماتا،،، کبھی سونگھنے کی انداز میں اپنے ناک اور ہونٹوں کو ہیروئن کی کمر گردن نا جانے کہاں کہاں لگا رہا تھا،،، یہ کوئی نئی بات نہیں تھی،،،بارش رومینٹک سونگ پکچرائز ہو رہا تھا تو ایسے سینز تو گانے کی ڈیمانڈ ہوتے ہیں،،، پھر جب فلموں والوں کو عادت ہو جائے تو انہیں کہاں فرق پڑتا ہے،،،پھر پبلک بھی فلموں میں ایسے سینز کو دیکھ کر کافی خوش ہوتی ہے،،،،اس سے پہلے بھی ماحر سکندر کئی ایسی رومینٹک سپر ہٹ فلمیں دے چکا تھا،،،جن میں فلم مہکا مہکا سماں نے تو سب فلموں کے ریکارڈ توڑ دیے۔۔۔۔۔۔۔باکس آفس پر صرف تین دن میں ہی ایک کروڑ بیس لاکھ کا بزنس کیا۔۔۔۔۔۔۔۔۔۔۔۔۔۔جبکہ مجموعی چند ہفتوں کے اندر اندر چھیالیس کروڑ اکیس لاکھ کا بزنس کر کے سب سے زیادہ کمائی کرنے والی فلم بن گئی تھی،،،فلم کو آسکر ایوارڈ کیلئے بھی نامزد کیا گیا تھا،،،،ڈائریکٹر واجد علی کیمرہ مین کے ساتھ ان دونوں کو کیمرے کی آنکھ سے دیکھ رہے تھے،،،اس فلم میں شروع میں ایک ایٹم سانگ بھی رکھا گیا تھا،،جس میں اداکارہ نینا پرفارم کرنے والی تھی ایٹم سانگ کے ساتھ اسے ایک چھوٹا سا رول بھی دیا گیا تھا،،تاہم شوٹنگ سے ایک ہفتہ قبل اداکارہ نینا نے ایک انٹرویو میں ماحر سکندر خان کو کڑی تنقید کا نشانہ بنایا تو ماحر نے فلمساز سے کہہ کر نینا کو فلم کی کاسٹ سے کٹ کروا دیا،،نینا ماحر کی دو سال تک گرل فرینڈ رہی تھی،جسکے بعد ان کا بریک اپ ہوگیا تھا،،،،،،،گانا پکچرائز ہو گیا تو سیٹ پر آئے میڈیا کے نمائندوں نے سوالات کرنے شروع کردیے۔۔۔۔۔۔۔۔۔۔۔”

سر فلم کب تک مکمل ہونے والی ہے اور اسکے ریلیز کس ڈیٹ کو گی،،،،،،؟” ایک صحافی نے سوال کیا

بس کل لاسٹ ڈے ہے شوٹنگ کا اسکے بعد ٹریلر ریلیز کر دیا جائے گا اور ساتھ میں فلم کی پروموشن بھی شروع کر دیں گے پھر ٹریلر کے بعد فلم بھی سینما گھروں کی زینت بنا دی جائے گی،،،،ماحر نے رپورٹر کو جواب دیتے ہوئے کہا تو رپورٹر نے اگلا سوال پرسنل داغ دیا۔۔۔۔۔۔۔۔”

سر آپ کے اور مثال شیرانی کے بارے میں کہا جا رہا ہے کہ فلم سے ہٹ کر بھی آپ دونوں آجکل ایک ساتھ کافی وقت گزار رہے ہیں،،،اس پر کیا کہیں گے،،،،،؟؟”

سوال سن کر ماحر کے ماتھے پر ناگواری سے چند بل آئے،،،،،،پھر ضبط کر کے تحمل سے جواب دیا،،،،،،،اس طرح کی خبریں تو سب کے بارے میں میڈیا میں چلتی رہتی ہیں،،،اب تو ہمیں عادت ہوگئی ہے اپنے بارے میں یہ سب سننے کی سو اس پر میں کوئی کمنٹ نہیں کرونگا،،،بہت شکریہ آپ لوگوں کا،،،،میں مزید باتیں کرتا آپ لوگوں سے بٹ مجھے ایک شو میں جانا ہے سو معذرت چاہتا ہوں،،، روکھے انداز میں کہتا میڈیا کے نمائندوں سے جان چھڑوا کر وہ ڈائریکٹر کی طرف بڑھ گیا جو اپنی ٹیم سے پیکنگ کروا رہے تھے،،،،،،،،،،،

ارے ماحر ہماری فلم کا تو ریلیز سے پہلے ہی ہر جگہ چرچا ہو رہا ہے،،وہ کافی خوش لگ رہے تھے

جی میں نے دیکھا ہے،،اخبارات نیوز چینلز ہر جگہ ہماری فلم کا ذکر ہو رہا ہے،،،،امید ہے باکس آفس پر کامیاب ہوگی،،،،،،،،امید کیوں مجھے تو پکا یقین ہے کہ کامیاب ہوگی،، ویسے بھی جسے فلم میں تم ہوتے ہو اس کی کامیابی تو سو فیصد یقینی ہوتی ہے،،،اور پرموشن کی بھی خاص ضرورت نہیں پڑتی،،خودبخود ہی ہر جگہ چرچے ہونے لگتے ہیں،،،،ڈائریکٹر نے مسکراتے ہوئے کہا،،،،ان کی تعریف پر وہ بھی مبہم سا مسکرایا۔ویسے بھی جانتا تھا کہ ان کی بات بالکل سچ تھی۔ماحر کی فلم کے ریلیز سے پہلے ہی ہر جگہ چرچے ہونے لگتے تھے،،،میڈیا تو ہاتھ دھو کہ پیچھے پڑ جاتا تھا۔۔۔۔۔۔۔

اوکے واجد بھائی میں جا رہا ہوں کل ملاقات ہوگی،،انہیں مطلع کر کے وہ اپنی گاڑی کی طرف جانے ہی لگا تھا کہ میک اپ روم سے مثال شیرانی تیزی سے باہر آئی،،،،ماحر جا رہے ہو،،،؟”اس نے اسے روکا

ہاں میں جا رہا ہوں،،،میرا ڈرائیور تمہیں ہوٹل ڈراپ کر دے گا،،میں خود تمہیں ساتھ نہیں لے جا سکتا،،میڈیا کہ لوگ ابھی تک یہیں کھڑے ہوئے ہیں،،انہوں نے ہمیں ساتھ جاتے ہوئے دیکھ لیا تو انکو تو ایک اور خبر مل جائے گی،،،،

خیر ٹیک کئر بائے،،،،وہ اسے ہاتھ ہلاتا اپنی گاڑی کی طرف بڑھ گیا ۔۔۔۔۔۔۔۔۔۔۔”

حیا جیسے ہی گیٹ سے اندر پہنچی حورین اسے دور سے ہی کینٹین کے پاس ٹہلتی ہوئی نظر آگئ تھی،،اس نے بھی حیا کو دیکھ لیا تھا اور تیزی سے اسکی طرف بڑھی۔۔۔۔۔۔۔۔۔”

پچھلے دس منٹ سے تمہارا ویٹ کر رہی ہوں۔۔۔۔۔ یار،،،جلدی نہیں آسکتی تھی،،،قریب پہنچتے ہی حورین نے بے صبری سے حیا کا ہاتھ تھماما۔۔۔۔۔۔۔۔”

کیا ہوا۔۔۔۔۔۔۔؟”میں لیٹ تو نہیں ہوئی ہوں ۔پہلے بھی اسی ٹائم آتی ہوں تم شائد آج دس منٹ پہلے آئی ہو،،،حیا نے اسکے جلدبازی پر اچنبھے سے دیکھا۔۔۔۔۔

ارے یار جلدی چلو… فرسٹ کلاس ارتضی حسن کی ہے اگر ایک منٹ بھی لیٹ ہوئیں نا ہم ۔تو وہ کلاس روم میں نہیں آنے دیں گے،،،،،،،،،،،،،بہت ہی سخت ہیں یار….

کون ارتضی حسن،،،،،،،،،،؟”حیا نے ناسمجی سے دیکھا

ارتضی حسن وہی نیو وائس پرنسپل، جو کل آئے تھے،،ہماری سائیکالوجی کی کلاس وہی لیں گے نا۔۔۔۔۔۔اس کا ہاتھ پکڑے حورین نے تیز تیز چلتے ہوے آگاہ کیا۔۔۔۔۔۔”

اچھا تو ان کا نام ارتضی حسن ہے،،، اور فرسٹ کلاس سائیکالوجی کی ہوگی کیا۔۔۔۔۔۔۔۔۔۔۔” حورین نے اثبات میں سر ہلایا………….”

جب وہ کلاس روم میں داخل ہوئیں تو سب لوگ پہلے سے ہی نشستوں پر بیٹھے ہوئے سرگوشیوں میں مصروف تھے،،،ان کے داخل ہونے پر سامنے بیٹھے کافی سارے سٹوڈنٹس کی نظریں انکی طرف اٹھیں،،، حیا جب سے یونیورسٹی آرہی تھی۔۔ اپنے اوپر پڑنے والی بوائز کی ستائشی+فضول نظریں برداشت کر رہی تھی،،،،سو پہلے دن سے ہی وہ ایسی نظروں کو اگنور کر رہی تھی،،،،،،،،،،،،،،،،، ارتضی سر آرہے ہیں کیا،،،،؟”ان کی کلاس فیلو نرمین نے سوال کیا،،،،نفی میں سر ہلاتے ہوئے وہ اینڈ والی رو کی طرف بڑھیں کیونکہ فرسٹ والی ساری چیئرز فل تھیں،،،،،،،،،آئیندہ سے جلدی آئیں گے اور آگے والی چئیرز پر ہی بیٹھیں گے،،کیونکہ پیچھے ہمیشہ نالائق سٹوڈنٹس ہی بیٹھتے ہیں

،،حورین نے آہستہ سے کہا۔۔۔۔۔۔۔۔”

،اسی وقت بلیک پینٹ پر بلیک کوٹ پہنے،انتہائی گھنے کھڑے ہوئے بال۔ ہلکی ہلکی بیئرڈ، اور چہرے پر انتہائی سنجیدہ اور مغرورانہ تاثرات والا ایک ہینڈسم شخص ہاتھ میں لیب ٹاپ پکڑے چمکتے دمکتے جوتوں کی بھاری دھمک کے ساتھ کلاس میں داخل ہوا۔۔۔۔۔۔۔۔جسے دیکھ کر تمام سٹوڈنٹس اپنی نشتوں پر سے کھڑے ہوگئے۔۔۔۔۔۔۔۔۔۔۔حیا اور حورین نے بھی سب کی تقلید کی،،،،،،،،آگیا ہینڈسم+مغرور بوائے،،،حورین نےاس کے کان میں سرگوشی کی،،،،،،،،،،چپ کرو،،،،،،،،،،حیا نے جواباً سرگوشی میں ٹوکا،،،،اسکے اشارہ کرنے پر سب سٹوڈنٹس پھر سے اپنی نشتوں پر بیٹھ گئے،،،،،کچھ دیر بالکل خاموشی چھائی رہی پھر اس خاموشی کو ارتضی حسن کی گھمبیر آواز نے توڑا،،،،،،،،،کل کا لیکچر جو میں نے آپ لوگوں کو دیا تھا،وہ آپ لوگوں کو یاد ہے۔۔۔۔؟ “سب کے سب خاموش………………”

گائز کچھ پوچھا ہے میں نے،،،،،،چند منٹ انتظار کرنے کے بعد جب کوئی نا بولا تو اس کے ماتھے پر بل پڑنے لگے،،،،سب سر جھکائے ایسے خاموش بیٹھے تھے جیسے سب کی روح قبض کر لی گئی ہو،،،،،،وہ انتہائی سنجیدہ نگاہوں سے کچھ دیر سب کو دیکھتے+گھورتے رہے،،”

مس آپ آئیے یہاں۔۔۔۔۔۔۔۔۔ اب کہ سرد آواز میں انہوں نے لاسٹ والی رو میں بیٹھی کسی لڑکی کی طرف انگلی سے اشارہ کیا،،سب کی گردنیں پیچھے کی طرف گھوم گئیں۔۔۔۔۔۔ یہ دیکھنے کیلئے کہ کس غریب کی قضا آئی ہے۔۔۔۔۔۔۔۔۔مگر کوئی سمجھ نا سکا کہ ارتضی سر کا مخاطب کون ہے۔۔۔۔۔۔۔۔۔کیونکہ لاسٹ رو والی گرلز دھڑکتے دلوں کے ساتھ ایک دوسرے کو سوالیہ نظروں سے دیکھ رہی تھیں۔۔۔۔۔۔۔۔جس کو مخاطب کیا گیا تھا وہ بھی کسی اور کا سمجھ رہی تھی۔۔۔۔۔۔۔”

مس پنک ڈپٹے والی آپ سے مخاطب ہوں میں،،،اسی سرد آواز میں دوبارہ کہا گیا تو باقی سب کی جان میں جان آئی۔لیکن پنک ڈوپٹے والی کا دل دھک سے رہ گیا،،،،،،،ارتضی حسن کی کلاس میں اس کا فرسٹ ڈے،،،اور زندگی میں پہلی مرتبہ اتنے سارے لوگوں کے درمیان متوقع بے عزتی کا سوچ کر اسکی ہتھیلیاں بھیگنے لگیں،،،،،حورین بھی پریشان ہوگئ آخر کو جان سے پیاری دوست تھی،،اور ارتضی حسن کی کل فرسٹ کلاس جس جس سٹوڈنٹ نے اٹینڈ کی تھی اسے اچھی طرح اندازہ ہوگیا تھا کہ وہ کتنے سخت مزاج ہیں،،،،،،،،،اور اوپر سے ابھی جس انتہائی سخت +سرد انداز میں وہ بول رہے تھے،،،جان نکالنے کو ہی کافی تھا

یہاں آئیں اور کل کے لیکچر میں جو ڈایاگرام بنائی تھی میں نے وہ بنائیں،،کہنے کے ساتھ انہوں نے بورڈ کی طرف اشارہ کیا۔۔۔۔۔۔۔۔۔ “

سر آپکی کلاس میں میرا فرسٹ ڈے ہے آج،،،،،،حیا ہمت کر کے بولی۔۔۔۔۔۔”

یہ میرا ہیڈک نہیں ہے آپ کا میری کلاس میں آج فرسٹ ڈے ہے یا سیکنڈ،،،،یہاں آئیں۔ ڈایاگرام بنائیں۔ otherwise آؤٹ ہو جائیں میری کلاس اب کہ خاصے درشت لہجے میں کہا۔۔۔۔۔۔۔۔۔۔”

اتنے سارے لوگوں کے سامنے کلاس روم سے آؤٹ ہو جانا اس سے بڑی اور بے عزتی کی بات کیا ہوگی،،وہ کوئی نالائق سٹوڈنٹ نہیں تھی کہ یہ بات برداشت کر لیتی،،ٹرائی تو کر سکتی تھی،،،سو خود میں کچھ اعتماد پیدا کر کے وہ آہستہ آہستہ قدم اٹھاتی بورڈ کے سامنے آ کر رکی،،سب اسی کی طرف متوجہ تھے،،،،

سر بورڈ مارکر،،،،؟؟”کچھ ہچکچاتے ہوئے کہا ڈائس پر ایک ہاتھ رکھے کھڑے ارتضی حسن نے جو سامنے رکھے لیب ٹاپ کی طرف متوجہ تھا نظریں اٹھائے بغیر ہاتھ سے ڈائس کے ایک طرف اشارہ کیا جہاں بورڈمارکر پڑا تھا،،حیا نے آگے بڑھ کر مارکر اٹھا لیا اور ڈایا گرام بنانے لگی،،یہ تو اچھا تھا کل باتوں باتوں میں حورین سے پوچھ لیا تھا کہ اس نئے پروفیسر نے کیا پڑھایا تھا۔۔۔۔۔۔۔۔حورین نے ذہن پر

کچھ زور دیا تو یاد آنے پر کچھ ٹاپکس بتائے تھے

اور حیا کی بھی اچھی قسمت کہ رات سونے سے کچھ دیر پہلے ان ٹاپکس کو ایک بار دیکھ لیا تھا،،،تبھی ڈایا گرام تو اسے یاد رہ گئی تھی مگر پارٹس نیم کوئی چند ایک ہی یاد تھے،،سو ڈایاگرام بنانے کے بعد چند ایک نام جو آتے تھے وہ لکھ دیے اور ڈرتے ڈرتے ارتضی حسن کی طرف دیکھا جو ابھی بھی اپنے لیب ٹاپ کی طرف متوجہ تھے۔۔۔۔۔۔۔۔۔۔”

سر،،،،،،،مدھم سی آواز پر ارتضی حسن نے سر گھما کے دائیں طرف کنفیوز کھڑی نیلی آنکھوں والی بے حد کیوٹ لڑکی کو دیکھا، پھر سر مزید گھما کر پیچھے بورڈ کو دیکھا جہاں لیبل ڈایاگرام بنی ہوئی تھی،،،جو کہ بالکل کمپلیٹ نہیں تھی،،مگر اس نے ٹرائی تو کی تھی نا۔ جبکہ وہ لیکچر میں بھی شامل نہیں تھی،،”

اوکے جائیں،،،،چند سیکنڈ بورڈ کی طرف دیکھنے کے بعد اس نے سپاٹ انداز میں اسے جانے کا اشارہ کیا اور باقی سٹوڈنٹس کی جانب متوجہ ہوا۔۔۔۔۔۔۔۔۔۔۔”

سٹینڈ اپ،،،،،،،،،،،کھڑے ہو جائیں سب کے سب لوگ۔ بے حد سخت انداز میں کہا گیا،،،،سب سٹوڈنٹس گھبرا کے کھڑے ہوگئے،،،،،،،،،،

آپ بیٹھ جائیں مس،،،،،،حیات جو بیٹھنے ہی لگی تھی کہ ارتضی حسن کے آرڈر پر باقی سب کی طرح کھڑی ہوگئی،،،،،، اس نے اسے بیھٹنے کا اشارہ کیا،،،یہ بات کہتے ہوئے پہلے کی سخت کے بجائے سپاٹ لہجہ تھا

حیا فوراً بیٹھ گئی،،،،،،،،،،،،،،،،،،،،،،،،،،،یہ محترمہ کل کے لیکچر میں نہیں تھیں اسکے باوجود انہوں نے کوشش کی،،،لیکن آپ سب لوگوں نے کل کا لیکچر سنا بھی تھا اس کے باوجود بھی پڑھنے کی زحمت نہیں کی سو آپ یہ سارا لیکچر آج کھڑے ہو کر ہی سنیں گے،،،سب کے چہرے لٹک گئے سوائے حیا کہ،،””

ہر طرف شام کا ملگجا سا اندھیرا پھیل رہا تھا۔موسم بدل رہا تھا،،جاتی گرمی اور آتی سردی کی آمد آمد تھی۔۔۔۔۔۔۔ہوائیں سمندر کی نمی لئے چل رہی تھیں

شو سے واپسی پر وہ سیدھا اپنے پروڈکشن ہاؤس آیا

گڈ ایوننگ سر،،”فرقان اور فراز جو بیٹھے کچھ کام کر رہے تھے اسے دیکھ کر کھڑے ہوگئے،،،”

گڈ ایوننگ،،، انہیں جواب دے کروہ اپنے پرائیویٹ روم میں آ کر بیٹھ گیا۔ روم میں ڈیڈ عبیر اور زین کے علاوہ کسی کو آنے کی پرمیشن نہیں تھی،،اسکے علاؤہ صرف مینجر فرقان کبھی کبھی وہاں آتا وہ بھی تب جب ماحر اسے خود کسی کام سے بلاتا۔۔۔۔۔۔۔۔”

اس روم کے اندر کی طرف ایک چھوٹا سا شیشے کا کیبن تھا۔۔۔۔۔جس کا ڈور صرف اسی روم میں ہی اوپن ہوتا تھا،اس کیبن میں ہر طرح کی امپورٹیڈ شراب کی بوتلیں رکھی ہوئی تھیں،،یہ کمرہ ایک لحاظ سے اس کا چھوٹا سا بار تھا،،جہاں کبھی وہ اکیلے اور کبھی زین اور ڈیڈ کے ساتھ بیٹھ کر شراب پیتا اور شطرنج کھلتا تھا،،،،،صرف عبیر اس کیبن میں نہیں آتا تھا کیونکہ وہ شراب نہیں پیتا تھا،، “

انڑکام پر اس نے مینیجر کو اندر آنے کیلئے کہا،،وہ اندر آیا تو ماحر نے اسے کہا،،،فرقان کل میرا واجد صاحب کی فلم کی شوٹنگ کا لاسٹ ڈے ہے،،، آور ڈیڈ آج رات کو لندن سے واپس آنے والے ہیں،،،،ان سے سٹوری میں نے شیئر کی تھی انہیں پسند آئی،،اب تم جلد از جلد رائڑ،،موسیقار امجد صاحب،ظفر صاحب اور دوسرے سب لوگوں کو جو اس میں شامل ہیں۔ فون کر کے پرسوں کا کوئی ٹائم دے دو میٹنگ کیلئے،،،،میں اب جلد از جلد اپنی فلم کی شوٹنگ سٹارٹ کرنا چاہتا ہوں ، یہ ایک بڑے بجٹ کی فلم ہوگی،،،اسکی ساری شوٹنگ ہم ترکی اور آسٹریلیا میں کریں گے،،، یہ میرے کئریر کی میرے اپنے پروڈکشن میں بننے والی بھاری بجٹ والی پہلی فلم ہوگی،،،،،،،،،،،ڈانسرز وغیرہ سب باہر سے ہی ہائر کریں گے ہم،،ہر چیز بہترین اور پرفیکٹ سوچی ہے میں نے۔۔۔۔۔۔۔۔۔”

ہیروئن بھی تو کتنی پرفیکٹ ہے نا،،،،،حیات عبدالرحمان کامعصوم حسن فوراً ذہن میں آنے پر آخر میں ہلکا سا مسکرایا۔۔۔۔پھر یاد آنے پر چونکا،،،،،،،،تم نے بات تو نہیں کی تھی اس لڑکی سے۔۔۔۔۔ ؟

نہیں سر آپ سے پوچھے بغیر کیسے کرسکتا

تھا،،،،،ٹھیک ہے پھر ایسا کرنا اس لڑکی کا نمبر فراز کو دے دینا(فراز اسکا سیکرٹری تھا)

اسے زیادہ تجربہ ہے اس طرح کے معاملات کا،،،،،،،،،،”،سو وہ بہتر طور پر بات کر لے گا اس سے،،،”اوکے مجھے ابھی گھر جانا ہے،،،،جو سب کچھ تمہیں کہا ہے وہ آج ہی ہو جانا چاہیے،،،،،،” اسے پھر سے یاددہانی کرواتے ہوئے اٹھہ کھڑا ہوا،،،،،،،،،،”

،اوکے فائن سر،،،،،،،مینجر نے مؤدب ہو کر کہا

وہ اسے ہدایات دیتا ہوا آفس سے نکل گیا جبکہ مینیجر فرقان فراز کو بلا کر اسے حیات عبدالرحمان کا نمبر نوٹ کروانے لگا کہ وہ اسے کال کر کے فلم کیلئے بات کرے،،نمبر نوٹ کروا کے خود وہ سٹوری رائٹر اور دوسرے لوگوں کو میٹنگ کا انویٹیشن دینے کیلئے کالز کرنے میں لگ گیا۔ یہ دھیان دیے بغیر کہ اس نے فراز کو جو نمبر دیا وہ حیات عبدالرحمان کا ہے یا کسی اور کا

اور اسکی اس غلطی سے ان کا کتنا نقصان ہونے والا تھا اس بات سے انجان وہ اپنے کام میں لگ گیا تھا،،،