Tadbeer by Umme Hani NovelR50414 Tadbeer Last Episode (Last Part)

Tadbeer by Umme Hani

“بھائی میں نے یہی قریب ہی کرایے پر بنگلہ لیا ہے پاپا پیدل بھی آ کر مشعل سے روز مل سکتے ہیں اور آپ پر بھی پابندی نہیں ہے ۔۔۔جب چاہیں عمر سے مل لیں “۔۔۔۔پھر عفان نے خود ہی آگے بڑھ کر مجھے گلے لگا لیا ۔۔۔۔۔۔پھر بنا کچھ کہے میرے کمرے سے نکل گیا ۔۔۔۔میں کھڑی کے پاس ہی کھڑا تھا مہک ماہم سے مما پاپا سے مل رہی تھی پاپا مشعل کو گود میں لیے پیار کر رہے تھے ۔۔۔۔

“مشعل تم اداس مت ہونا میں روز تم سے ملنے آؤں گا “۔۔۔۔

“کامران کہاں ہے مہک ملے گا نہیں “۔۔۔۔پاپا مہک سے میرے بارے میں پوچھ رہے تھے ۔۔۔۔

“پاپا ہم ملنے آئیں گے آپ سے “۔۔۔مہک نے خوش دلی سے کہا ۔۔۔۔جاتے ہوئے بے دھیانی سے ماہم کی نظر مجھ پر پڑی ۔۔۔۔بس ایک ہی لمحہ تھا میری تباہ کاری کا وہ جلد ہی نظریں بدل کر عفان کا ہاتھ تھامے مین گیٹ عبور کر گئ تھی۔۔۔مگر میرے اندر توجیسے حشر بھرپا ہوچکا تھا ۔۔۔۔۔میرا دل ایسے بیقرار ہوا کہ جیسے بنا پانی کے مچھلی بے تاب ہو جاتی ہے ۔۔۔۔میں بے اختیار کمرے سے نکل کر لان میں بھاگتے ہوئے پہنچا ۔۔۔۔سامنے مین گیٹ کریم بابا بند کر رہے تھے ۔۔۔مہک اور مشعل بھی وہیں تھیں مجھے دیکھ کر مہک کہنے لگی

“اب آئے ہو تم کامران پاپا کب سے تمہارا پوچھ رہے تھے ۔”۔۔میں مہک کی بات سن ہی کب رہا تھا ۔ میرادم گھٹ رہا تھا ۔۔۔۔ مجھے لگاکسی نے میری گلے میں پھندا ڈال کر کھنچنا شروع کر دیا ہو

“مہک مہک خدا کے لئے روک لو اسے ۔۔۔۔۔۔میں مر جاؤں گا ۔۔۔اسے دیکھے بنا میں مر جاؤں گا مہک ۔۔۔۔۔واپس بلا لو ماہم کو “۔۔۔۔۔۔میں مہک کے سامنے ہاتھ جوڑے رونے لگا ۔۔۔۔مہک چپ رہی کچھ نہیں بولی مشعل اب پاؤں پاؤں چلنے لگی تھی ۔۔۔۔مہک نے اس کی انگلی تھامی اور لاونج کے دروازے کی طرف چلنے لگی ۔۔۔۔ میں نے مہک کا ہاتھ پکڑ کر اسے روکنا چاہامگر اس نے میرا ہاتھ بری طرح جھٹک دیا ۔۔۔۔

“بس کرو کامران اپنی ایک خوشی کی خاطر کتنی زندگیوں سے کھیلو گئے ۔۔۔۔مجھے تو برباد کر چکے ہو خدا کے لئے ماہم اور عفان کو خوش رہنے دو ۔۔۔۔ میں تمہارے آگے ہاتھ جوڑتی ہوں” ۔۔۔مہک کی آنکھوں میں بھی آنسوں تھے ۔۔۔۔مگر مجھ پر تو شاید دیوانگی سوار ہونے لگی تھی ۔۔۔۔میں مہک کے سامنے گھٹنوں کے بل بیٹھ گیا ہاتھ جوڑے رونے لگا

“مہک ۔۔۔۔مہک میرا مجھ سے سب کچھ لے لو ۔۔۔۔۔بس بس میرے لئے ماہم کو یہاں روک لو ۔۔۔۔”

“تمہیں کیا لگتا ہے میرے کہنے پر وہ رک جائے گی” مہک کی آنکھوں میں تاسف تھا افسوس تھا مگر مجھے پروا نہیں تھی ۔۔۔۔

“رک جائے گئ اسے کوئی واسطہ دے کر روک لو ۔۔۔مہک تم بھی رکی تھی اس کے کہنے پر ۔۔۔۔ تم جا رہی یہاں سے مجھ سے طلاق بھی لینا چاہتی تھی مجھے معلوم ہے تمہیں ماہم کا فون آیا تم اسکے ۔۔۔اسکے کہنے پر رکی تھی ۔۔۔۔تم اسے کہہ دو اس بار وہ تمہارے کہنے پر رک جائے ۔۔۔۔میں مر جاؤں گا مہک ۔۔۔۔سچ میں میں مر جاؤں گا “۔۔۔۔۔میں رو رہا مہک کے سامنے ہاتھ جوڑ رہا تھا ۔۔۔۔۔

مگر وہ روکی نہیں اپنے آنسوں پونچتے ہوئے کمرے میں بھاگ گئ ۔۔۔میں وہیں زمین پر بیٹھ کر رونے لگا اپنے ہاتھوں سے اپنا چہرہ چھپا کر بلک بلک کر رو رہا تھا ۔۔۔ یہ کیا کر دیا میں نے ۔۔۔۔کھو دیا اسے ۔۔۔۔۔میری ہاتھوں کی لکیروں میں تھی وہ ۔۔۔۔ میرے نام کی مہندی لگاتی تھی ۔۔۔میرے لئے دلہن بنی میرا انتظار کرتی رہی ۔۔۔۔۔میں نے خود اپنے ان ہاتھوں سے اسکی ہاتھ کی لکیروں سے اپنا نام مٹا ڈالا ۔۔۔۔میں اپنے ہاتھ غور سے دیکھ کر چیخ کر بولنے لگا ۔۔۔۔۔۔کیا کرو میں کیسے لاؤ اسے واپس اسے دیکھے بنا میں کسے جی پاؤں گا ۔۔۔۔۔۔میں اٹھ کر تیزی سے اوپر کا زینہ چڑھ کر عفان کے کمرے میں آ گیا۔۔۔۔سب کچھ وہیں تھا بس وہ نہیں تھی ۔۔۔۔میں بیڈ پر بیٹھ کر بیڈ پر بچھی چادر پر ہاتھ پھرنے لگا ۔۔۔۔۔رونے لگا ۔۔۔۔

ماہم ۔۔۔۔ماہم ۔۔۔۔۔میں نہیں جانتا میری محبت کا یہ کون سا مقام ہے ۔۔۔۔مگر۔۔۔۔۔میں ۔۔۔۔۔میں” ۔۔۔۔یک دم ہی میرے سینے میں تیز درد کی لہریں اٹھنے لگیں ۔۔۔۔۔بے اختیار میں نے اپنا سینہ پکڑ لیا درد کی شدت اتنی بڑھ گئ کہ میں پل میں پسینے سے شرابور ہو چکا تھا ۔۔۔۔۔مہک جب کمرے میں آئی میں درد کے مارے اوندھا ہو چکا تھا ۔۔۔۔

“کامران ۔۔۔کامران کیا ہوا ہے تمہیں” ۔۔۔مہک چلانے لگی میرے پاس آ کر مجھے سیدھا کرنے کوشش کرنے لگی ۔۔۔۔لیکن میں اب درد کے مارے اپنے ہواس کھو رہا تھا ۔۔۔۔۔۔

*******………**********

میں ماہم کا نام سن کر ہوش میں آیا تھا ۔۔۔۔عفان دھیرے دھیرے کسی سے فون پر منت سماجت کر رہا تھا

“پلیز ماہی ۔۔۔۔بس کچھ دیر کے لیے ہاسپٹل آ جاؤں ۔۔۔۔کامران بھائی ٹھیک نہیں ہیں تین دن سے ہوش میں نہیں آئے ۔۔۔۔مما پاپا مہک کا رو رو کر برا حال ہے” ۔۔۔۔میں ہاسپٹل میں تھا میں نے ذہن پر زور ڈالا مگر کیوں ۔۔۔۔۔میں نے ذراسی آنکھیں۔ کھولنے کی کوشش کی مگر مجھے اپنا آپ بہت نڈھال اور مضمحل سا لگ رہا تھا ۔۔۔۔۔اور سینے میں میٹھا میٹھا درد اب بھی موجود تھا ۔۔۔۔۔میں نے آنکھیں دوبارہ کھولنے کی کوشش ہی نہیں کی ۔۔۔۔۔بس عفان کی آواز خاموشی سے سنتا رہا وہ ماہم سے بات کر رہا تھا ۔۔۔۔

“ماہی اتنی بھی کھٹور مت بنو ۔۔۔ہارٹ اٹیک کوئی معمولی سی بات نہیں ہے میری خاطر ہی آجاؤ ۔۔۔۔۔خدارا کچھ پل کے لئے آ جاؤں شاید تمہارے پکارنے پر بھائی ہوش میں آ جائیں ۔۔۔۔۔ماہی ۔۔۔۔ماہی فار گاڈ سیک یار ۔۔۔۔ماہی “۔۔۔۔ماہم نے شاید انکار کے ساتھ فون بند کر دیا تھا ۔۔۔۔میں نے نیم وا بامشکل آنکھیں کھولیں عفان کی میری طرف پشت تھی وہ مسلسل موبائل پر کال کررہا تھا

“عفا۔۔۔۔ن” ۔۔۔۔با مشکل میں نے اسے پکارا وہ برجستہ میری طرف پلٹا فورا میرے قریب آ گیا

“بھائی ۔۔۔۔بھائی ۔۔۔۔آپ ۔۔۔۔”

“میں ۔۔۔۔۔ٹھیک ہوں اور ۔۔۔۔۔۔ہوش میں آ چکا ہوں ۔۔۔۔۔تم ۔۔۔۔۔تم ماہم کو مجبور مت ۔۔۔۔۔کرو” ۔۔۔۔ میں دھیرے دھیرے بولا عفان کچھ شرمسار سا ہو گیا ۔۔۔۔

“مجھے معاف کر دیں بھائی ۔۔۔مجھے نہیں معلوم تھا کہ میرے اس قسم کے اقدام پر آپ اتنی بڑی تکلیف سے دوچار ہو جائیں گئے ۔۔۔۔ورنہ خود پر جبر کر لیتا “۔۔۔۔عفان کسی معصوم بچے کی طرح آنسوں بہا رہا تھا ۔۔۔۔کیسا عجیب ہے عفان بھی ۔۔۔۔میں نے کتنے جتن کیے اسے مارنے کے ۔۔۔۔اور میرے ایک دل کے دورے پر یہ رو رہا ہے ۔۔۔۔خود کوملامت کر رہا ہے۔۔۔۔کس مٹی کا بنا ہے یہ ۔۔۔۔۔میرے لئے ماہم کی منتیں کر رہا ہے ۔۔۔۔۔کوئی اور ہوتا تو میرے مر جانے کی دعا کرتا ۔۔۔۔۔میں با مشکل سینے سے لمبا سانس کھنچ کر نکالا

“بھائی آپ فکر نا کریں ۔۔۔۔میں ۔۔۔۔میں سمجھاؤں گا ماہم کو منالوں گا اسے ۔۔۔۔”

“نہیں ۔۔۔۔۔عفان ۔۔۔۔۔ماہم کا مجھ سے سامنا مت کروانا ۔۔۔۔بڑی مشکل سے یہ دل سنبھلا ہے ۔۔۔۔اور اس کم بخت دل کو سنبھالتے سنبھالتے میں بہت کمزور بھی ہو چکا ہوں ۔۔۔۔بار بار کا دھچکا اسے نہیں دے سکتا ۔۔۔۔۔۔اچھا ہے کہ وہ سامنے نا آئے۔۔۔۔۔ کبھی میرے سامنے نا آئے” ۔۔۔۔۔میں نے دوبارہ آنکھیں بند کر لیں بند آنکھوں سے

میں نے عفان کا ہاتھ پکڑ کر اپنے سینے پر رکھ لیا

“ہو سکے تو مجھے دل سے معاف کر دینا یار ۔۔۔۔میں نے کیا نہیں کیا تمہارے ساتھ ۔”۔۔۔۔میں نے آنکھیں کھول کر عفان کو دیکھا

“کیسی باتیں کر رہے آپ میں بھول چکا ہوں سب۔۔۔ آپ بھی بھول جائیں بھائی۔۔۔۔”

“جھوٹ تو نا بولو مجھ سے ۔۔۔۔جو میں نے کیا وہ فراموش کے قابل ۔۔۔۔۔۔نہیں ہے ۔۔۔۔۔”

“عفان ایک وعدہ کرو مجھ سے ۔۔”۔۔

“جی بھائی کہیں۔”۔۔۔عفان میرا ہاتھ چومتے ہوئے بولا

“ماہم سے کہنا کبھی اگر میں اتفاق سے اسکے سامنے آجاؤں تو نظر جھکا کر فورا سے اپنا رستہ بدل لے ۔۔۔۔مگر مجھے نفرت سے نا دیکھے ۔”۔۔۔۔میں نے با مشکل اپنی آنکھوں سے نکلنے والے آنسوں کو روکنے کی کوشش کی مگر میں نا کام ہی رہا آنسوں بہہ کر میری کنپٹوں تک پہنچ گئے ۔۔۔۔عفان نے میرے آنسوں صاف کیے ۔۔۔۔

“بھائی پلیز “۔۔۔۔۔

“کیا کروں یار دل کا مریض ہو گیا ہوں اسکی نفرت میرا دل اب کہاں برداشت کر سکتا ہے ۔۔۔۔میں بھی کوشش کرو گا کہ کبھی اس سے سامنا نا ہو ۔۔۔۔۔مگر تمہیں اور عمر کو نہیں چھوڑ سکتا ۔۔”۔۔۔عفان نے میرا ہاتھ تھام کر اسے چوما میرے سر پر بھی بوسہ دیا ۔۔۔ ۔

“بس اب آپ کوئی ٹینشن نہیں لیں گئے جلدی سے ٹھیک ہو جائیں۔ بھائی “

“ہو جاؤں گا ۔۔۔۔مما پاپا کہاں ہیں ۔۔۔بلاو انہیں میں دیکھنا چاہتا ہوں انہیں ۔۔۔مہک کہاں ہے “۔۔۔۔مجھے ہمیشہ کی طرح مہک کا خیال آخر میں ہی آتا تھا ۔۔۔۔۔عفان اٹھ کر کھڑا ہو گیا

” میں بلاتا ہوں سب کو اندر” ۔۔۔۔عفان کے باہر جاتے ہی میں نے آنکھیں بند کر لیں ۔۔۔۔۔کچھ دیر پاپا مما مہک سب ہی میرے قریب تھے مہک رو رہی تھی آنکھیں ناک سب رونے سے سرخ ہو رہے تھے ۔۔۔میں نے اسکا ہاتھ پکڑ کر اسے تسلی دی مما اور پاپا کو یہی کہاں کہ میں اب ٹھیک ہوں ڈاکٹر نے چیک اپ کے بعد مجھ سے پوچھا

“کیا پریشانی تھی تمہیں ینگ مین “۔۔۔۔۔میں ڈاکٹر سے اب کیا کہتا بس زبردستی ذراسا مسکرا دیا

“ویسے میری زندگی میں اس نوعیت کا یہ پہلا کیس ہے ۔۔۔۔ان کے ہارٹ کا کوئی وال بند نہیں ہے ۔۔۔۔کالسٹرول لیول بڑا ہوا نہیں ہے ساری رپورٹس بلکل ٹھیک ہیں لیکن یہ بھی سچ ہے کہ انہیں ہارٹ اٹیک ہوا ہے” ۔۔۔۔۔ڈاکٹر کیا جانے کہ دل پر جو گزری اسکی تکلیف پر تو میں مر بھی جاتا تو کم تھا ۔۔۔۔۔نرس نے میری بی پی کی مشین دیکھ کر کہا

“سر بی پی اب بھی نارمل ہی ہے ۔۔”۔۔

“آپ کو نئ زندگی مبارک ہو مسٹر کامران ۔۔۔۔آپ بلکل ٹھیک ہیں لیکن دو دن یہیں ہمارا مہمان رہنا پڑے گا” ۔۔۔ڈاکثر کافی خوش مزاج ٹائپ کا تھا ۔۔۔مسکراتے ہوئے باہر چلاگیا

۔۔۔۔کچھ دیر میں۔ سب مجھ سے ملکر چلے گئے ۔۔۔۔میں کمرے میں اکیلا تھا نا جانے کون کون سی مشینوں سے میرا جسم جکڑا ہوا تھا ۔۔۔۔۔میں نے کوفت سے آنکھیں بند کر لیں کچھ ہی دیر میں سو بھی گیا ۔۔۔۔رات کو مجھے ایک نرم نازک سے ہاتھ کا لمس اپنے چہرے پر محسوس ہوا کوئی جانی پہچانی خوشبوں میرے چار سو پھیلنے لگی۔۔۔۔۔ماہم بے اختیار میں نے آنکھیں کھولیں سامنے ماہم کھڑی مسکرا رہی تھی ۔۔۔

“کیا ہوا کامی آپ کو “۔۔۔۔ ماہم کو میں حیرت سے دیکھنے لگا ۔۔۔

“ایسے کیا دیکھ رہے ہیں ۔۔۔۔مجھے تو آنا ہی تھا ۔۔۔۔آخر محبت جو کرتی ہوں آپ سے “۔۔۔۔وہ ویسے ہی مسکرا کر بولی جیسے پہلے بولا کرتی تھی

“تم ۔۔۔۔۔تم ۔۔۔۔ماہم اس وقت رات کے اس پہر چار بج رہے ہیں ۔۔۔۔کس کے ساتھ آئی ہو” ۔۔۔۔میرے سامنے لگی گھڑی رات کے چار بجا رہی تھی

“مجھے آپ سے ملنے کے لئے وقت دیکھنے کی ضرورت ہے نا آنے کیلئے کسی سواری کی بس آپ

مجھے یاد کریں گئے میں فورا سے آجاؤ گی “۔۔۔وہ دلکش سی ہنسی ہنسی کے کمرے میں جل جلترنگ سے بجنے لگے ۔۔۔۔۔

” ماہم پاس آؤ ماہم ادھر بیٹھو میرے پاس “۔۔۔۔۔میں نے بیقراری سے کہا وہ مسکراتے ہوئے میرے قریب میرے بیڈ پر بیٹھ گئ

میں نے اسے چھونا چاہا تو وہ پیچھے ہٹ گئ

“نہیں نا کامی مجھے شرم آتی ہے “۔۔۔۔ماہم کا چہرہ حیا سے دھمکنے لگا

“عفان نے تمہیں آنے کیسے دیا “۔۔۔۔۔میں اب بھی بے یقین تھا اور ماہم کی باتیں ۔۔۔۔میری توقع کے برخلاف تھیں

“عفان تو کیا مجھے آپکے پاس آنے سے کوئی نہیں روک سکتا “۔۔۔۔۔ماہم میرے پاس آگئ میرا ہاتھ دیکھ کر مسکرا کر اپنی انگشت میری کلائی پر بنی آڑی ٹہری لکیروں پر پھیرنے لگی ۔۔۔۔پھر ایک لکیر کی طرف اشارہ کر کے بولی

“کامی ۔۔۔۔میں اب بھی آپ کے ہاتھ کی لکیروں میں ہوں اور ہمیشہ رہوں گی یہ دیکھیں “۔۔۔ میں اپنا ہاتھ دیکھنے لگا ۔۔۔۔ماہم نے ایک باریک اور مدھم سی لکیر کی طرف اشارہ کیا ۔۔۔۔

“یہ دیکھیں کامی یہ جو مٹی مٹی مدھم سے دیکھنے والی لکیر ہے یہ میں ہوں بس اتنی ہی آپ کو میسر ہوں کبھی آنکھوں کے سامنے رہوں گی اور کبھی اوجھل ہو جاؤں گی ۔۔۔”۔میں نے اپنے ہاتھ کی لکیروں کو غور سے دیکھا جس محبت کی لکیر بہت گہری تھی ۔۔۔۔۔اتنی گہری کے باقی کی سب لکیریں مجھے اسکے سامنے ماند لگنے لگیں ۔۔۔۔شاید سچ میں گہری جس چکی تھی یا مجھے یوں نظر ا رہی تھی ۔۔۔۔

“بس آپ میرے ہاتھوں کی لکیروں میں کہیں نہیں” ۔۔۔۔۔اب وہ اداس سی بول رہی تھی

“ایسے مت کہو ماہم “۔۔۔۔میرے آنسوں بہنے لگے

“کامی رو کیوں رہیں ہیں میں روز آپ سے ملنے آؤں گی ۔۔۔۔”

“کب آیا کرو گی” ۔۔۔۔میں نے بے چینی سے پوچھا

“جب آپ کے پاس کوئی دوسرا نہیں۔ ہو گا “۔۔۔وہ ہسنے لگی ۔۔۔میں اسکی بات سمجھ نہیں پایا تھا

۔۔۔۔اب آپ سو جائیں کامی ۔۔۔۔آپ کو آرام کی ضرورت ہے”

“ہاں ماہم میں تمہاری ہر بات مانو گا ۔۔۔۔بس تم میرے پاس رہو ۔۔”۔۔ماہم مسکرانے لگی ۔۔۔۔پھر دیکھتے ہی دیکھتے ماہم کا وجود معدوم سا ہوتے ہوئےغائب ہو گیا ۔جیسے ہوا میں تحلیل ہو کا ہو ۔۔۔چاروں طرف کمرہ خالی تھا کمرہ بند تھا نا ماہم کے آنے پر کھلا نا جانے پر ۔۔۔۔۔کہاں گئ وہ کیسے چلی گئ ۔۔۔۔۔

“ماہم کہاں ہو تم ۔”۔۔۔میں بلند آواز سے بولا ایک بار دو بار کمرے کا دروازہ کھلا تو سامنے ایک نرس تھی

“کیا بات ہےسر آپکی طعبیت تو ٹھیک ہے ۔۔۔۔

“وہ ۔۔۔۔وہ۔۔۔۔باہر میری فیملی میں سے کون ہے ؟”میں نے بیقرارہ سے پوچھا

“ایک پیاری سی لیڈی ہیں شاید آپکی وائف” ۔۔۔۔۔نرس کچھ سوچتے ہوئے بولی

“ہاں ہاں جلدی سے اسے بلا دیں “۔۔۔۔ماہم باہر جا کر کیوں بیٹھ گئ ۔۔۔وہ اندر آئے گئ تو پوچھو گا اس سے ۔۔۔کچھ دیر بعد دروازہ کھلا اور مہک اندر آ گئ ۔۔۔۔میرا دل بجھ سا گیا ۔۔۔۔۔

“تم “

“ہاں کامران کیا بات ہے تمہاری طعبیت تو ٹھیک ہے ۔۔۔۔نرس نے کہا تم مجھے بلا رہے ہو ۔۔۔۔”

“وہ مہک ۔۔۔۔مہک وہ ۔۔۔۔کیا تم سو رہی تھی “

“نہیں جاگ ہی رہی تھی ۔۔۔عفان چائے لینے کیٹین گیا تھا ۔۔۔’

“عفان کب آیا “

“وہ تو تین دن سے یہیں ہے کامران گھر گیا ہی نہیں میں نے بہت کہاں اس سے کہ کچھ دیر آرام کر لئے چلا جائے مگر نہیں “

“مشعل کہاں ہے “۔۔۔۔میں مہک سے جان بوجھ کر سب کا پوچھنے لگا کہ شاید وہ کہہ دے کہ ماہم بھی باہر ہے ۔۔۔یا وہ مجھ سے ملنے آئی تھی

“ماہم کے گھر پر…. میں ہاسپٹل میں اسے کیسے رکھ سکتی تھی” ۔۔۔۔مہک نے بتایا اور میرے پاس آ کر کھڑی ہو گئ

“ماہم اپنے گھر پر ہے ۔۔۔۔وہ نہیں آئی”

“نہیں ۔۔۔۔۔وہ نہیں آئی ۔۔۔۔حالانکہ میں نے بہت منتیں کی اسکی بہت کہاں کہ ایک بار آ جائے ۔۔۔۔تمہاری خاطر واسطے بھی دئیے ہاتھ بھی جوڑے ۔۔۔مگر وہ نہیں مانی کامران ۔۔۔۔عفان نے بھی بہت سمجھایا لیکن وہ نہیں آئی ۔۔۔۔آنا تو دور کی بات اس نے جھوٹے منہ تمہاری خیریت بھی نہیں پوچھی “۔۔۔۔مہک خفا خفا سی بول رہی تھی

“اچھی بات ہے نہیں آئی ۔۔۔۔مجھے اب اسکی پروا بھی نہیں کے ۔۔۔۔”یہ وہ جھوٹ تھا جس

جگے سب باقی کہ ساری زندگی سب سے بولنا تھا

“اگر ایسا ہو جائے کامران تو کتنا اچھا ہو کہ تمہیں ماہم کی پروا نا ہو “۔۔۔۔مہک شاید بے یقین تھی

“اچھا مجھے کیوں بلایا ۔”۔۔مہک کو پھر سے یاد آ گیا

“بس تنہائی میں جی گھبرا رہا تھا ۔۔۔۔تم بیٹھو میرے پاس ۔۔۔اب میں مہک سے کیا کہتا ۔۔۔۔۔کہ مجھے ماہم کے تصور نے بے چین کر دیا تھا ۔۔۔وہ ماہم نہیں تھی بس میرا لا شعور تھا جو میرے سامنے کھڑا ہو گیا ماہم کی شکل میں بلکل ویسے جیسے میں اسے دیکھنا چاہتا تھا ۔۔۔۔مہک میرے پاس بیٹھ گئ ۔۔۔۔میں نے مہک کا ہاتھ پکڑ لیا ۔۔۔۔۔اپنی آنکھیں بند کر لیں ۔۔۔۔مہک دھیرے دھیرے میرے سر پر ہاتھ پھیرنے لگی

میری آنکھوں سے آنسوں بہنے لگے کنپٹیوں سے ہوتے ہوئے تکیہ بھگونے لگے ۔۔۔۔

شاید میری سزا کبھی ختم نہیں ہو گی ۔۔

“مہک ہو سکے تو مجھے معاف کر دینا “

“اسی باتیں مت کرو کامران ۔۔۔۔دل پر کوئی بوجھ مت ڈالو مجھے کوئی شکایت نہیں تم سے ۔”۔۔۔مہک مجھے تسلی دینے لگی اس سے کیا کہتا کہ دل کا بوجھ سرکا ہی کب ہے وہیں ہے ۔۔۔اور شاید زندگی کے آخری سانس تک میں اس بوجھ کو ہر روز اٹھائے پھرو گا ۔۔۔۔۔شاید یہ روگ مجھے ماہم کی بددعا کے طفیل ملا ہے ۔۔۔جو عفان کے حادثے پر اس نے مجھے دی تھی ۔۔۔۔۔وہ اب حقیقت میں کبھی میرے سامنے نہیں آئے گی ۔۔۔۔اود میرے تصور میں روز آیا کرے گی میری سزا بن کر ۔۔۔۔۔میرا قصور یہ تھا کہ مجھے بچپن سے اپنی چیزیں کسی سے شیر کرنے کی عادت نہیں تھی ۔۔۔۔۔بس چھین لینا جانتا تھا ۔۔۔۔۔کاش کہ ہم بچوں کے بچپن میں ہی دیکھیں کہ انکے اندر کونسی منفی عادت جنم لے رہی ہے اور اسے نظر انداز کرنے کے بجائے انہیں اسی وقت بدلنے کی کوشش کریں انہیں سیکھائیں کہ دینے سے برکت بڑھ جاتی ہے ۔۔۔کھولنے توڑنے پر تھپڑ کے بجائے یہ سمجھائیں گئے کہ مل کر کھلنے سے زیادہ مزہ آتا ہے ۔۔۔۔ہر بچہ الگ عادت کا مالک ہوتا ہے عفان کو جوڑنے کی عادت تھی اور ۔مجھے توڑنے کی ۔۔۔۔۔وہ ذہین تھا خود سے سیکھ لیتا تھا ۔۔۔مجھے ضرورت تھی کہ کوئی مجھے جوڑنا سیکھاتا ۔۔۔۔ہمہیں اپنے ایسے بچوں کو ذیادہ توجہ دینی چاہیے جو نیگٹو سوچ کے مالک ہوں اگر انہیں میری طرح بے لگام چھوڑ دیا جائے اور انکے ذہین بہن بھائی کی برتری ہمیشہ ان پر جتائی جائے تو وہ اپنے ہی بہن بھائیوں سے بغض ۔۔۔نفرت اور حسد جیسے جذبات رکھنے لگتے ہیں جو وقت کے ساتھ ساتھ پروان چڑھتے رہتے ہیں اور انجام یہ ہوتا ہے جو میرا ہوا