Tadbeer by Umme Hani NovelR50414 Tadbeer Episode 19

Tadbeer by Umme Hani

صبح جب میں ڈائنگ روم میں آیا کامران بھی ٹیبل پر موجود تھا ۔۔۔۔۔اسکا چہرہ بے حد اسپاٹ تھا ۔۔۔۔پاپا بھی وہیں بیٹھے تھے مگر مزاج کافی برہم لگ رہا تھا ۔۔۔۔میں کامران کے سامنے والی کرسی پر بیٹھ گیا ۔۔۔مما پاپا کو چائے ڈال کر دے رہیں تھیں ۔۔

ماہم کچن سے سلائس کی پلیٹ ٹیبل پر رکھ کر میرے برابر کرسی پر بیٹھ گئ ۔۔۔۔۔لیکن بہت نروس تھی بار بار کامران کو دیکھ رہی تھی ۔۔۔۔کامران کی گھورتی ہوئی نظریں ماہم پر جمی تھی ۔۔۔۔۔مجھے برا تو بہت لگ رہا تھا ۔۔۔۔۔مگر میں خاموش بیٹھا رہا ۔۔۔۔سلائس پر جیم لگاتے ہوئے ماہم کا ہاتھ کپکپا رہا تھا ۔۔۔۔نا جانے کس بات کا خوف مسلط تھا

“تم چھوڑو اسے ماہی ۔۔۔۔ریلیکس ہو کر بیٹھو ۔۔۔کس بات کی ٹینشن ہے تمہیں” ۔۔۔۔میری بات پر وہ بوکھلا سی گئ

“نہیں ک۔۔۔ کچھ بھی نہیں “۔۔ سلائس پر جیم لگاتے ہوئے اسکے ہاتھ کپکپاتہے تھے اور نظریں سامنے بیٹھے کامران پر تھی جس اسے بنا کسی لحاظ کے گھور رہا تھا ۔۔۔۔

“کچھ نہیں تو پھر اتنی گھبرائی ہوئی کیوں ہو ہاتھ کیوں کانپ رہے ہیں تمہارے ۔۔”۔۔میں بہت آرام سے اسے جیم لگاتے ہوئے اس کی کیفیت بتانے لگا

“کیا ہوا ماہم طبیعت تم ٹھیک ہو نا بیٹا” ۔۔۔مما نے فکرمندی سے پوچھا

“کہاں ٹھیک ہے مما ۔۔۔۔دیکھیں نا ۔۔۔۔کیسے کپکپارہی ہے ۔۔۔میں نے فورا سے جوس کے جگ سے گلاس بھرا اور ماہم کو اپنے ہاتھ سے پلانے ۔لگا ۔۔۔۔

“میں خود پی لوں گی عفان “۔۔۔۔ماہم کچھ جھینپ سی گئ ۔۔۔۔۔۔

“کیوں میرے ہاتھ سے پینے میں کیا پرابلم ہے ۔۔۔۔چلو شاباش منہ کھولو ۔۔۔تمہیں ذرا بھی اپنی پروا نہیں ہے ماہی ۔۔۔مما آپ پلیز اس کی ڈائٹ کا خود خیال رکھا کریں “۔۔۔۔ماہم نے ایک گھونٹ بھرتے ہی میرے ہاتھ سے گلاس لے لیا میں نے ماہم کے ہاتھ سے سلائس لیااور خود جیم لگانے لگا

“ہاں میرا بھی یہی خیال ہے مجھے خود ہی اسے ۔۔۔۔کھلانا پڑے گا ۔”۔۔۔۔۔مما نے بھی میری بات کی تائید کی ۔۔۔۔۔

میں نے جیم لگا سلائس ماہم کے ہاتھ میں پکڑا دیا

“کھاؤ اسے” ۔۔۔۔۔ماہم نے مجھ سے سلائس پکڑ لیا ۔۔۔پھر کامران کو دیکھنے لگی کامران کا لال بھبوکا چہرا دیکھ کر ۔۔۔مجھے بہت سکون سا ملا تھا ۔۔۔یہ سب میں نے کیا بھی کامران پر یہ جتانے کے لئے تھا کہ ماہم میری ہے ۔۔۔۔۔پھر میں نے جان بوجھ کر پاپا سے ماہم کے کنگن کا تذکرہ کیا

“پاپا آپ نے ماہی کے ہاتھ نہیں دیکھے ۔۔۔۔۔۔دیکھیں میری چوائس کے کنگن کتنے سج رہے ہیں اس کے ہاتھوں میں “۔۔۔۔۔۔

“ہاں میں نے تو غور ہی نہیں کیا ہیں نا” ۔۔۔۔پاپا نے ماہم کے ہاتھوں میں کنگن دیکھ کر کہا

“آف کورس پاپا آپکی کی بہو کو میری لائی ہوئی ہر چیز بہت پسند آتی ہے ۔۔۔۔کیوں ماہی ۔۔۔۔”

ماہم نے ایک نظر کامران کے تمتماتے چہرے پر ڈالی پھر پاپا کی طرف دیکھا جو ماہم کو ہی دیکھ رہے تھے پھر اثبات میں سر ہلانے لگی ۔۔۔۔

“جی بہت اچھے ہیں “

“ماہی شام کو تیار رہنا ۔۔۔۔۔ڈنر ہم باہر ہی کریں گئے ۔”۔۔۔ماہم کے ساتھ کامران کی تنفر بھری نگاہیں مجھی پر تھیں ۔۔۔۔۔

“پاپا آج فرائی ڈے ہے آپ کو یاد ہے نا قاسم کے ڈیڈ سے میٹنگ ہے آپ کی “

“ہاں بیٹا مجھے یاد ہے میں ٹائم پر پہنچ جاؤں گا ۔۔۔۔تم بیفکر رہو ۔۔۔۔۔”

“او کے مما پاپا ۔۔۔۔” میں اپنی کرسی سے کھڑا ہو گیا ۔۔۔۔اور اپنا ہاتھ ماہم کی طرف بڑھا دیا ۔۔۔۔ماہم بار بار کامران کو دیکھ رہی تھی با مشکل ہی اس نے اپنا ہاتھ میرے ہاتھ رکھا ۔۔۔۔

کامران سرخ آنکھوں سے ماہم کو دیکھ رہا تھا ۔۔۔۔۔میں باہر پورچ کی طرف بڑھ گیا

*********………

…

شام کو ماہم کھانے کی تیاری کر رہی تھی ۔۔۔جب صفیہ بیگم اسے ڈھونڈتے ہوئے کچن میں آئیں تھیں ۔۔۔ماہم ٹیبل پر بیٹھی پیاز کاٹ رہی تھی صفیہ بیگم نے اس سے پیاز اور چھری لی اور واپس کٹنگ بورڈ پر رکھ دی ۔۔۔

“تمہیں کتنی بار سمجھاؤ ماہم کچھ دنوں تک تم مجھے کچن میں نظر مت آؤں ۔۔۔۔نی نئ شادی ہوئی ہے تمہاری کچھ دن تو مجھے بھی میرے ارمان پورے کرنے دیا کرو ۔۔۔ ۔۔۔۔حلیہ دیکھو اپنا کہیں سے لگتی ہو نئ دلہن ۔۔۔۔۔۔تیار رہا کرو میری جان “صفیہ بیگم اسکے گال کو پیار سے چھو کر بولیں

“خالہ ۔۔۔” وہ بیزار سی صورت بنانے لگی

“کچھ نہیں سننا مجھے ۔۔عفان کہہ کر گیا تم سے تیار رہنے کو چلو جاؤں اور بہت پیاری سی ماہم بن کر نیچے آنا ۔۔۔۔”

“خالہ میرے سر میں درد ہے ۔۔۔۔مجھے کہیں نہیں جانا ۔۔۔پھر کبھی چلی جاؤں گی “وہ بہانے تراشنے لگی

“نہیں ماہم تیار ہو کر آؤں ۔۔۔میں چائے بناتی ہوں تمہارے لئے۔۔۔سر درد تو منٹوں میں غائب ہو جائے گا ۔”۔۔۔ماہم کا کوئی بہانہ بھی کام نہیں آیا تھا چپ چاپ وہ اپنے کمرے میں چلی گئ ۔۔۔۔۔

******……….

قاسم نے آج مجھے اور ماہم کو ڈنر کی دعوت دی تھی ۔۔۔۔۔۔۔فکس چار بجے پاپا بھی پہنچ گئے تھے ۔۔۔میٹنگ بھی بہت سکسس فل ہوئی تھی ۔۔۔۔۔فرم کی جگہ پاپا خرید چکے تھے ۔۔۔لیکن شیرز میرے اور قاسم کے برابر ہی ہونے تھے ۔۔۔۔۔قاسم کے والد کو یہ آئیڈیا بہت پسند آیا تھا وہ قاسم کی لاپروا طعبیت سے بھی واقف تھے اور میری محتاط مزاجی سے بھی ۔۔۔انہیں معلوم تھا کہ میں اکیلا بھی سنبھال سکتا ہوں مگر قاسم کو مشکل درپیش آ سکتی تھیں ۔۔۔۔اس لئے باخوشی قاسم کو اجازت دیدی ۔۔۔۔۔پاپا بہت خوش تھے قاسم کے ڈیڈ نے جس انداز اور الفاظ سے میری تعریف کی پاپا کاسر خود فخر سے اونچا ہو گیا ۔۔۔۔۔۔واپسی پر میں اور پاپا اکٹھے ہی گھر پہنچے تھے ۔۔۔۔مما چونکہ لان میں بیٹھی تھیں اس لئے ہم بھی وہیں بیٹھ گئے ۔۔۔۔۔۔۔۔قاسم اور اسکے والد سے ہونے والی میٹنگ کے بارے میں مما کو بتانے لگے

“عفان کل میں تمہیں وہ جگہ بھی دیکھا دونگا ۔۔۔۔کافی تو آل ریڈی بنی ہوئی ہے اور کچھ تم اپنی مرضی سے ڈیٹکوریٹ کروا لینا ۔”پاپا مجھے مشورہ دینے لگے ۔۔۔۔رانی کے ساتھ ماہم نے چائے کا انتظام لان میں کر دیا تھا ۔۔۔۔۔چائے کے ساتھ شامی کباب ۔۔۔۔چپس بسکٹس وغیرہ وہ ٹیبل پر رکھنے لگی ۔۔۔۔۔لائٹ پنک اور بلیک کامبنشن کے شفون کے سوٹ میں وہ ہلکے سے میک اپ میں بہت الگ اور دلکش لگ رہی تھی ۔۔۔۔گھر پر وہ عام سے حلیے میں ہی رہتی تھی ۔۔۔۔اور اسکی آج کی تیاری میرے لئے تھی یہ احساس ہی میرے لئے اور بھی دلفریب تھا ۔۔۔۔۔اور میں بھر پور نظروں سے اسے دیکھ رہا تھا ۔۔۔۔۔وہ کچھ نروس نروس سی لگ رہی تھی ۔۔۔۔۔شاید میری میری نظروں کی وارفتگی سے گھبرا رہی تھی جو آج اسی کا طواف کر رہیں تھیں۔۔۔۔۔ میرے دل اور جذبات پر لگے سارے بندھ کھلنے لگے تھے ۔۔۔۔۔۔نا میری نظروں پر اب کوئی پابندی عائد ہوتی تھی نا دل پر ۔۔۔۔۔ماہم میرے برابر میں بیٹھی تو اسکے وجود سے اٹھی کلیوں کی بھینی بھینی خوشبو مجھے اندر تک مسرور کرنے لگی ۔۔۔۔ماہم نے ایک کپ چائے پاپا کے سامنے رکھا اور دوسرا کپ میرے سامنے رکھ دیا ۔۔۔۔

“نہیں میں چائے نہیں پیو گا “…میں نے اپنا کپ مما کی جانب بڑھا دیا ۔۔۔۔اسوقت تو میرا دل صرف ماہم کے ہمراہ تنہائی کا متمنی تھا ۔۔۔۔۔

“پاپا ۔۔۔وہ ۔۔۔۔۔سات بج رہے ہیں “۔۔۔۔میں نے گھڑی دیکھتے ہوئے بات شروع کی

“تو پھر” ۔۔۔پاپا شاید سمجھ نہیں پائے تھے ۔۔۔۔

“وہ…. ہم جائیں ۔۔”۔۔میں نے ہچکچاتے ہوئے دریافت کیا ۔۔۔ایسا نہیں تھا کہ میں پہلے ماہم کے ساتھ کہیں اکیلا گیا نہیں تھا یہ نیا حوالہ ہی کچھ ایسا تھا کہ خود با خود ہی جھجک سی محسوس ہونے لگی تھی

“ارے ہاں میں تو بھول ہی گیا تم لوگوں کا ڈنر کا پلان تھا ۔۔۔۔جاو جاؤ شاباش ۔۔۔۔۔اور کوئی ضرورت نہیں ہے جلدی آنےکی” ۔۔۔۔پاپا نے مسکرا کر کپ ہونٹوں پر لگا لیا ۔۔۔۔۔میں سامنے رکھی گاڑی کی چابی اٹھائی ۔۔۔۔۔۔ماہم کو اٹھنے کا اشارہ کر کے میں گاڑی کی طرف بڑھ گیا وہ بھی مما سے اجازت لیکر میرے پیچھے آنے لگی ۔۔۔۔فرنٹ ڈور کھول کر وہ میرے برابر میں بیٹھ گئ

گاڑی کو روڈ پر ڈالتے ہی میں نے ایک گہری نظر سے ماہم کا جائزہ لیا ۔۔۔۔۔

“بہت پیاری لگ رہی ہو ماہی” ۔۔۔۔میری تعریف پر وہ چڑ سی گئ ۔۔۔۔۔

“عفان پلیز مجھ سے اس قسم کی باتیں مت کرو ۔۔۔”۔اسکی بات سن کر میں تپ گیا ۔۔۔۔۔۔

“اچھا ٹھیک ہے” ۔۔۔میں نے ماہم کو دوبارہ غور سے دیکھا ۔۔۔۔۔وہ میری نظروں سے کنفوژ ہونے لگی تھی ۔۔۔۔

“بہت بری لگ رہی ہو ۔۔۔اور ان کھلے بالوں میں بلکل چڑیل لگتی ہو” ۔۔۔۔ماہم نے پوری گردن گھما کر حیرت سے آنکھیں پھلائے میری طرف دیکھا ۔۔۔۔

“اور یہ لپ سٹک کیسی لگائی ہے تم نے ذراسنس نہیں تمہیں میک اپ کا “۔۔۔۔۔ماہم سامنے لگے شیشے سے اپنی لپپ اسٹک دیکھنے لگی ۔۔۔۔

“پنک کلر کیوں پہنا ہے تم نے مجھے ذرا پسند نہیں ہے ۔۔۔۔۔”

“مطلب کیا ہے تمہارا ۔۔۔۔۔میں پہلے بھی ایسے ہی کلر پہنتی ہوں اور میک اپ بھی بس اتنا ہی کرتی ہوں ۔۔۔۔”

“سیدھا سا مطلب ہے اب شادی ہو چکی ہے تمہاری تمہیں اس حساب تیار ہونا چائیے تھا ۔۔۔یہ کیا سر جھاڑ منہ پھاڑ۔۔۔۔ایسے ہوتے ہیں تیار ذرا تمیز نہیں سکھائی تمہاری خالہ نے تمہیں کہ شادی کے بعد کیسے سجتے سنورتے ہیں” ۔۔۔۔میں لڑاکا ساس کی طرح شروع ہو گیا تو ماہم تعجب سے مجھے دیکھنے لگی

“ارے یہ کیا بکواس کیے جا رہے تم “۔۔۔۔۔ماہم تپ کر بولی۔۔۔

“لو اور سنو ارے لڑکی کچھ گن تو اپنے میکے سے بھی سیکھ کے آنے چاہیے تھے نا اب شوہر سے بات کرنے کی تمیز بھی میں تمہیں سیکھاوں گا “۔۔۔۔۔میں ممانی کے انداز سے بولا

“عفان”۔۔۔۔۔ وہ بھپر سی گئ

“اب کیا تکلیف ہے ۔۔۔۔۔۔ تعریف تمہیں پسند نہیں تنقید بھی چبھ رہی تو اور کیا کرو ۔۔۔۔۔یسو پنجو کھیلو تمہارے ساتھ “۔۔۔۔میرے مصنوعی غصے کو بھی وہ خاطر میں نا لاتے ہوئے اپنے دانت کچکچا کر کھڑی کی طرف مڑ گی ۔۔۔۔

“ماہی اگر آج تم نے چپ شاہ کا روزہ رکھ کر کھڑی سے باہر دیکھا تو قسم سے اسی کھڑی سے باہر پھنک دوں گا” ۔۔۔۔۔میری دھمکی پر ماہم پوری طرح سے میری طرف رخ کر کے پھاڑ کھانے والے انداز سے بولی

“اگر میں چپ چاپ تمہارے ساتھ آ گئ ہوں ۔۔۔۔تو کیا عزت راس نہیں ہے تمہیں” ۔۔۔۔اسکے گھورنے میں نے آبرو اچکائے

“۔اوہ ۔۔۔۔ یہ تو میرے لئے اعزاز کی بات ہے کہ ماہم صاحبہ اپنے قیمتی وقت سے مجھے کچھ وقت عنایت فرما رہیں ہیں ۔۔۔۔اب ذرا مجھ نا چیز پر ایک احسان اور کر دیں مادام ۔۔۔۔بس مجھ سے باتیں کرتی رہیں ۔۔۔کیا ہے نا مجھ سے چپ رہ کر گاڑی چلتی ہی نہیں ہے ۔”۔۔۔میری مسکین سی بنی شکل پر وہ مسکرانے لگی

“بہت برے ہو تم ۔۔۔۔کبھی باز نہیں آ سکتے ہو” ۔۔۔۔۔ماہم نے ایک دھموکا میرے بازو پر جڑتے ہوئے کہا پھر مجھ سے پوچھنے لگی

۔”۔۔۔ویسے ہم جا کہاں رہے ہیں ۔”۔۔۔۔ماہم کا لہجہ اب بدل چکا

تھا ۔۔۔۔

“قاسم نے ڈنر پر انوایٹ کیا ہے ریسٹورینٹ میں اسکی فیانسی فاریہ بھی ساتھ ہوگی ۔۔۔ پلیز ماہی اپنا موڈ ٹھیک رکھنا “۔۔۔۔۔میری التجا پر ماہم نے شرط رکھ دی

“ایک شرط پر “۔۔۔۔وہ انگلی دیکھا کر بولی

“ہاں ۔۔۔۔ہاں ۔۔۔معلوم ہے واپسی پر تمہیں آئسکریم کھلا دوں گا “۔۔۔میں نے بے نیازی کا مظایرہ کیا۔۔۔۔

“وہ تو میں و یسے بھی کھاؤں گئ وہ شرط میں شامل نہیں ہے ۔۔۔۔”

“یعنی آئسکریم کے علاؤہ بھی تمہاری زندگی میں کچھ اور ہے” ۔۔۔۔میں نے تعجب سے لفظ “اور”پر زور دے کر پوچھا

“ہاں بہت کچھ ہے” ۔۔۔۔میرے ذہن میں جھمکا سا ہوا

“ایک منٹ ۔۔۔۔۔ایک منٹ ماہی ۔۔۔۔۔میں تمہیں پان ہر گز نہیں کھلاو گا ۔۔۔۔یاد ہے نا لاسٹ ٹائم تمہاری اس ضد کی وجہ سے پاپا سے کتنی ڈانٹ پڑی تھی مجھے ۔۔۔”۔مجھے کچھ عرصہ پہلے گزری بات یاد آ گئ۔۔۔۔۔

“نہیں نا عفان۔ پاں نہیں کھانا ہے ۔۔۔۔بس تم وعدہ کرو کہ میری ایک بات مانو گئے بنا کسی سوال اور اعتراض کے “۔۔۔۔ماہم نے اپنا ہاتھ وعدے کے غرض سے آگے بڑھایا میں نے بس سرسری سی نظر اسکی کے ہاتھ پر ڈالی ۔۔۔۔مگر وعدہ نہیں کیا میرا ایک ہاتھ سے اسٹیرنگ پر جما ہوا تھا مگر ماہم کی بے تکی بات پر میں نے سنبھل کر دونوں ہاتھ اسٹیرنگ پر رکھ لئے کہ کہیں ماہم وعدے کا اصرار ہی نا کرنے لگے

“کیا بات ۔۔۔۔”

“وہ میں تمہیں بعد میں بتاؤں گئ ۔۔۔۔۔مگر تم وعدہ کرو کہ تم انکار نہیں کرو گئے” ۔۔۔۔ماہم کاوعدہ کیا ہو سکتا تھا میں با خوبی جانتا تھا ۔مگر اسوقت اس مسلے پر ماہم سے بحث کرنا ۔۔۔آ بیل مجھے مار کے مترادف تھا ۔۔۔۔وہ میرے انکار پر ڈنر میں بد مزگی پیدا کر سکتی تھی اس لئے میں نے بات ٹالنے میں ہی عافیت جانی

“وعدے کا کیا ہے ماہی وہ بھی ہو جائے گا میں کون سا کہیں بھاگا جا رہا ہوں ۔۔۔۔۔وہ فاریہ سے تمہاری اچھی دوستی ہو چکی ہے نا ۔۔۔۔۔”

“ہاں ۔۔۔۔تم کیوں پوچھ رہے ہو “

“بس یونہی ۔۔۔۔۔اچھی لڑکی ہے” ۔۔۔۔پھر میں نے ماہم باتوں میں ہی الجھائے رکھا۔۔۔۔۔۔

******……..

بہت پر تپاک طریقے سے قاسم نے ہمارا استقبال کیا ۔تھا۔۔۔فاریہ بھی بہت خوشی مزاج لڑکی تھی ماہم سے بہت خوش دلی سے ملی ۔۔۔۔حالانکہ ماہم سے اسکی بے تکلفی پہلے سے تھی مگر فاریہ نے شادی کے حوالے سے اس سے کوئی ذکر تک نہیں کیا ۔ ۔۔۔۔۔۔بلکل نارمل انداز سے ہی بات کرتی رہی ۔۔۔۔کھانے کا آڈر دینے کے بعد قاسم ایک نئی بحث لیکر بیٹھ گیا ۔۔۔۔فاریہ سے اسکی شادی چھ ماہ بعد طے پائی تھی ۔۔۔۔مگر اگلے ماہ فاریہ کی بہن یو کے سے پورے چار سال بعد آ رہی تھی وہ بھی پورے ایک ماہ کے لئے ۔۔۔اور اسکے بعد اسکے دوبارہ آنے کے چانسز بھی چار سال بعد کے ہی تھے اس لئے سب بڑوں کے مشورے سے قاسم کے والد نے شادی اگلے ماہ ہی طے کر دی تھی ۔۔۔۔۔۔قاسم جو اپنی شادی کو لیکر کافی لمبی چوڑی امیدیں باندھے ہوئے تھا ۔۔۔۔۔۔سخت دل برداشتہ ہو گیا ۔۔۔۔گھر میں صرف بڑوں کے فیصلے ہی چلتے تھے اور کچھ وہ اپنے والد سے ڈرتا بھی بہت تھا ۔۔۔۔اس لئے وہاں تو خاموش ہی رہا مگر اب موقع ملنے پر فاریہ پر طنز کے نشتر ضرور چلا رہا تھا

“ایک تو اسکی بہن کو شوق تھا رنگ میں بھنگ ڈالنے کا ۔۔دوسرا ہمارے خاندان کے بزرگوں کو ہاتھ میں سرسوں جمانے کی جلدی ہے ۔۔۔۔میرے تو سارے ارمان ہی دھرے کے دھرے رہ گئے “۔۔۔۔۔قاسم کے اس متاسفانہ انداز پر فاریہ اپنی پوزیشن کلیر کرنے کی کوشش کرنے لگی

“قاسم اس میں میرا کیا قصور ہے ۔۔۔۔میں نے کیا کیا ہے “۔۔۔۔فاریہ کچھ ہمارے سامنے سبکی سی محسوس کر رہی تھی ۔۔۔۔اسے شاید اندازہ نہیں تھا کہ قاسم اتنی پرسنل بات یوں بے دھڑک ہمارے سامنے کر دے گا یا پھر میری اور قاسم کی دوستی سے نا واقف تھی ۔۔۔۔اس لئے شرمندہ شرمندہ سی لگ رہی تھی ۔۔۔مگر قاسم تو شاید اپنا غصہ نکالنے کے غرض سے ہی اسے لایا تھا اس لئے بنا لحاظ کے بھیگو بھیگو کر اسے سنا رہا تھا

“سارا قصور ہی تمہارا ہے ۔۔۔مجھے تو شک ہے کہ یہ تم دونوں بہنوں کی ملی بھگت ہے “۔۔۔۔۔قاسم کا یوں کھلے عام ہمارے سامنے فاریہ کو الزام دینا فاریہ کو بری طرح نروس سا کر گیا

“قاسم تم کہیں بھی ۔۔کسی کے سامنے کچھ بھی بول دیتے ہو بھلا عفان بھائی اور ماہم کیاسوچ رہے ہوں گئے میرے بارے میں” ۔۔۔۔وہ خفگی سے بولی

“ارے یہ عفان ہے کوئی غیر نہیں ہے ۔۔۔۔کم از کم مجھے اس کے سامنے تو اپنا دل ہلکا کرنے دو ۔۔۔۔اور یہ بھی اچھی طرح سمجھ لو کہ میرا عفان سے کچھ بھی سکریٹ نہیں ہے ۔۔۔۔اس لئے ذیادہ مظلوم بننے کی ضرورت نہیں ہے تمہیں “۔۔۔۔قاسم نے لاپروائی دیکھائی ۔۔۔۔۔ویٹر کے کھانا رکھنے کے دوران ہم سب خاموش ہی رہے۔۔۔۔۔۔۔

“میرے خیال سے یہ اتنا بڑا ایشو بھی نہیں ہے قاسم کے تم بھابی سے خفا ہو جاو۔۔۔۔۔یہ سب تو گھر پر بھی ارینج ہو سکتا ہے” ۔۔۔۔میں نے متانت سے معاملہ سلجھانا چاہا مگر قاسم کو میرا آئیڈیا پسند نہیں آیا

“او خدا کو مانو یار شادی ایک بار ہوتی ہے اور مجھے شادی شامیانوں اور کناتوں میں نہیں کرنی ۔۔۔مجھے آجکل کے جدید طریقے کی مناسبت سے سارا انتظام کرنا تھا ۔۔۔جو اتنی جلدی تو پاسبل نہیں ہے ۔۔۔۔ اتنے کم وقت میں تو کوئی ڈھنگ کا وڈنگ ارینج منٹ بھی نہیں ملے گا ۔۔۔۔کچھ سوچوں میرے یار میری تووسے ہی مت ماری گئ ہے” ۔۔۔۔قاسم ساتھ ساتھ چاول کی پلیٹ پر غصہ نکال رہا تھا ۔۔۔۔

فاریہ منہ پھلائے بیٹھی تھی کھانا بھی نہیں کھا رہی تھی ماہم اسے تسلی دینے لگی

“فاریہ پلیز کچھ کھا لو ۔۔۔۔ایک مہنہ ہے نا ہو جائے گا کچھ نا کچھ ارینج “۔۔۔۔ماہم نے اسکی پلیٹ میں بار بی کیو ڈالتے ہوئے کہا

“اتنی جلدی کچھ نہیں ہو گا ماہم اور یہ شخص مجھے ساری زندگی طعنے دیتا رہے گا “۔۔۔۔فاریہ فورک کی مدد سے بار بی کیو۔ منہ میں ڈالتے ہوئے بولی مگر اسکی بات سن کر قاسم کا چمچ منہ میں جاتے جاتے رک گیا ۔۔۔۔قاسم نے چمچ واپس پلٹ میں پٹخا اور پوری آنکھیں کھولے فاریہ کو گھورتے ہوئے بولا

“ہاں میں تو تمہیں چھوڑو گا نہیں تمہاری وجہ سے میرا سرا پلان چوپٹ ہوا ہے ۔۔۔۔میں اور میری آنے والی اولاد ساری زندگی تمہیں طعنے دیں گئ ۔۔۔۔”۔قاسم لفظ چبا چبا کر بولا تو فاریہ کا نوالہ بھی ہاتھ میں رہ گیا ۔۔۔۔کچھ وہ قاسم کی بات پر چھنپ سی گئ اور کچھ کوفت میں مبتلہ ہوئی

“سن رہی ماہم کتنا بے شرم شخص ہے یہ” ۔۔۔۔فاریہ نے آنسوں ٹپ ٹپ بہنے لگے تو ماہم کے ساتھ میں بھی تذبذت کا شکار ہونے لگا مگر قاسم بے نیازی سے سلاد پلیٹ میں ڈالے کھانے میں مصروف شاید فاریہ کارونا انجوائے کر رہا تھا ۔۔۔۔

ماہم فاریہ کے آنسوں صاف کرنے لگی

“رہنے دیں بھابی آپ کھانا کھائیں ۔۔۔۔یہ اسکی پرانی عادت ہے چار آنسوں بہا کر خود کو معصوم ثابت کرنے کی “۔۔۔۔۔قاسم اب بھی فاریہ کو گھور رہا تھا ۔۔۔۔ میں نے ہی مسلے کا حل نکالا

“تم پریشان مت ہو قاسم ۔۔۔تمہاری شادی بلکل ویسی ہی ہو گئ جیسی تم چاہتے ہو وہ ایک مہنے میں آئی پرومس ۔”۔۔۔میری مسکراہٹ پر قاسم خاک ہو کر بولا

“کیسے خواب میں ۔۔۔۔کیونکہ اتنی جلدی تو خواب میں ہی ممکن ہے” ۔۔۔۔۔قاسم جل کر بولا

“نہیں اصل میں ہو گی وہ بھی تمہارے بنگلے کے لان میں ارینجمنٹ کی فکر مت کرو ۔۔۔۔سب کچھ تمہاری خواہش کے عین مطابق ہو گا ۔”۔۔میرے پر اعتماد لہجے پر بھی قاسم بے یقین ہی تھا

ا”ور یہ سب کرے گا کون ۔۔۔ “

“ماہی کرے گی” ۔۔۔۔میرے فی الفور جواب پر ماہم دنگ سی رہ گئ ۔۔۔۔۔

“عفان” ۔۔۔۔ماہم متحیر سی مجھے دیکھنے لگی

اور قاسم اور فاریہ بھی تعجب سے بیک وقت بولے

“واٹ ۔۔۔بھابی ۔۔۔۔۔وہ کیسے ۔۔۔۔۔”

“بھئ ہمارے گھر پر جب بھی کوئی پارٹی ہوتی ہے ۔۔۔۔ماہی ہی ارینج کرتی ہے ۔۔۔۔۔اور تم بلیو نہیں کر سکتے سب کچھ اتنا شاندار ہوتا ہے کہ کوئی کہہ نہیں سکتا کہ یہ سب گھر پر ارینج ہوا ہے “۔۔۔۔میں۔ بہت اطمینان سے کولڈرنک کا سپ لیتے ہوئے ماہم کے بے چین چہرے کو دیکھا

“عفان گھر کے چھوٹے موٹے گیٹ ٹو گیدر اور شادی میں فرق ہوتا ہے ۔۔۔۔میں نہیں کر پاؤں گی” ۔۔۔۔ماہم کنفوژ سی ہونے لگی ۔۔۔نا جانے سے اپنی صلاحیتوں پر اعتماد کیوں نہیں تھا ۔۔۔۔میں پورے وثوق سے یہ دعوا کر سکتا تھا کہ جیساارینجمنٹ وہ کر سکتی تھی ۔۔۔وہ قاسم کے لئے امیزنگ ثابت ہوتا مگر ماہم کی عدم اعتمادی مجھے بری سی لگی ۔۔۔

“بھابی ٹھیک کہہ رہی ہیں عفان یہ سب اتنا آسان نہیں ہے ۔”۔۔۔۔قاسم نے ماہم کی تائید کی

“تمہیں مجھ پر کتنا بھروسہ ہے قاسم ۔۔”۔۔میں نے ماہم کی گھورتی نظروں کو نظر انداز کر کے پوچھا

“سوفیصد ۔۔۔۔۔”

“اس سے ذیادہ مجھے اپنی ماہی پر بھروسہ ہے وہ کر لے گی”۔۔۔۔۔میں نے سامنے ٹیبل پر رکھے موبائل کو اٹھا کر اس میں سے گھر ہونے والے فنگشن کی پک نکال کر قاسم کو موبائل تھما دیا ۔۔۔۔قاسم نے بس چند تصاویر دیکھ کر ہی بے یقینی سے ماہم کو ستائشی انداز سے دیکھکر میری طرف متوجہ ہو کر کہا

“مائے گاڈ یہ واقع بھائی نے ارینج کروایا ہے ۔۔۔۔دس از آمیزنگ” ۔۔۔۔۔قاسم سے موبائل فورا فاریہ نے چھین لیا ۔۔۔اور دیکھنے لگی ۔۔۔۔۔

“واو ماہم دس از تو مچ یار “۔۔۔۔۔ وہ دونوں ہی اپنی جگہ حیران تھے اور ماہم پریشان

“تو بس ہو گیا فائنل ۔۔۔میری شادی کا سارا ارینجمنٹ بھابی کریں گی”… قاسم نے گہری طمانیت بھری سانس لیتے ہوئے کہا

“قاسم بھائی پلیز میں نہیں کر پاؤں گی” ۔۔۔۔۔ماہم پھر سے نروس سی انگلیاں چٹخانے لگی

“پلیز ماہم انکار تو مت کرو ۔۔۔فاریہ بھی منت پر اتر آئی تو ماہم نے دوسرا بہانہ جڑ دیا۔۔۔

“رضا انکل سے پوچھ کر بتاؤں گی” ۔۔۔۔ماہم نے جھجکتے ہوئے کہا قاسم نے پر امید نظروں سے مجھے دیکھا

“تم فائنل سمجھو قاسم پاپا سے میں بات کر لوں گا

میں نے قاسم کو تسلی دی تو ماہم بھی خاموش ہو گئ ۔۔۔۔فاریہ تو باقاعدہ اپنی پسند سے ماہم کو آگاہ کرنے لگی تقریبا تین دن کا فنگشن تھا ۔۔۔۔۔جسے ہر روز اسے نئے انداز سے سیٹ کرنا تھا

واپسی پر آئسکریم کھاتے ہوئے کوئی چھٹی بار ماہم نےمجھ سے پوچھا

“تمہیں لگتا ہے کہ میں یہ سب کر پاؤں گی” ۔۔۔۔۔ماہم کے چہرے پر چھائی بے یقینی دیکھ کر میں نے پورے اعتماد سے اسکی آنکھوں دیکھ کر کہا

“آف کورس کر سکتی ہو ۔۔۔۔۔۔اور بہت شاندار طریقے سے ۔۔۔۔۔”

لیکن

“اب اگر دوبارہ تم نے یہ پوچھا تو میں تمہارا سر پھاڑ دونگا ۔۔۔۔۔ ادھر کرو اپنی آئسکریم کب سے اکیلی کھا رہی ہو اتنی بھی توفیق نہیں ہوئی کہ جھوٹے منہ ہی پوچھ ہی لو کہ عفان تم کھاؤ گئے کہ نہیں ۔”۔۔۔۔ماہم کا ہاتھ پکڑے میں اسکی کون آئسکریم کھانے لگا

“کتنے بد تمیز ہو تم ۔۔۔۔اپنے لئے الگ سے نہیں لے سکتے تھے ہٹو پیچھے” ۔۔۔۔وہ مجھے پیچھے دھکیلتے ہوئے بولی

“جو مزہ تم سے چھین کر کھانے میں آتا ہے وہ لگ سے کھانے میں بلکل نہیں نہیں آتا ۔۔۔اچھا ایک بائٹ اور ۔۔”۔میری منت پر ماہم نے آئسکریم والا ہاتھ پیچھے کر دیا

“نہیں عفان میں نہیں دونگی آئسکریم ۔۔میں ہر گز بھی آئسکریم میں کاپرومائز نہیں کر سکتی”۔۔۔وہ اب ایک بڑی سے بائٹ لیتے ہوئے بولی ۔۔۔۔یہ بات تو میں بچپن سے جانتا تھا ۔۔۔۔۔۔جب پہلی بار میری آئسکریم کھانےکے بعد مجھے دوبارہ دینے سے انکار کر دی تھی ۔۔۔۔

“اس کا مطلب ہے باقی معاملات میں کامپرومائز کر سکتی ہو ۔۔۔۔”میں نے کچھ ذو معنی سی بات کی

“ہاں ۔۔۔کر لوں گئ۔”۔۔۔۔وہ لاپروائی سے آئسکریم کھاتے ہوئے بولی ۔۔۔۔۔ میں نے مسکرا کر گاڑی اسٹاٹ کی