Tadbeer by Umme Hani NovelR50414 Tadbeer Episode 54

Tadbeer by Umme Hani

کراچی پہنچ کر میں نے سب سے پہلے ایک چھوٹے سے کلینک کارخ کیا ۔۔۔۔ایک معمولی سے کمپاڈر کو چند پیسے دے کر اپنے سر اور ہاتھ پاوں پر پٹیاں کروائیں۔۔۔۔میں نے سوچا بولو گا کہ میراایکسڈنٹ ہو گیا تھا ۔۔۔۔پاپا نے اگر یقین نہیں بھی کیا تو مماکادل مجھے یوں اس حال میں دیکھ کر ضرور تڑپ جائے گا ۔۔۔۔۔اور ہوسکتا ہے مما کے جذبات پر پاپا کادل بھی پگھل جائے ۔۔۔۔میں نے ایک کیپ کروائی اور گھر پہنچ گیا ۔۔۔۔۔کریم بابا مجھے یوں دیکھ کر گھبرا گئے میں کچھ لنگڑا کر چلنے لگا ۔۔۔۔۔اور کریم بابا سے بھی یہی کہا کہ میراایکسڈنٹ ہو گیا تھا وہ مجھے سہارا دیتے ہوئے اندر ڈائنگ روم تک لے گئے ۔۔۔۔مجھے دیکھ کر پاپا کا چہرا غصے سے لال ہونے لگا ۔۔۔عفان بس پاپا کے برابر میں خاموشی سے کھڑا ہو گیا ۔۔۔۔بس ایک مما تھیں جو بھاگ کر میرے ساتھ لگ کر رونے لگیں ۔۔۔۔پوچھنے لگیں کہ مجھے چوٹیں کیسے لگیں ہیں۔۔۔۔۔مگر پاپا کے چلانے اور غصے سے اندر جانے کے حکم پر وہ روتے ہوئے اندر چلی گئیں پاپا میری کوئی وجہ سننے کو تیار نہیں تھے ۔۔۔۔۔عفان بس خاموش ہی کھڑا رہا ایک لفظ نہیں بولا۔۔۔۔میرے دل میں مما کی طرف سے جو ایک موہوم سی امید تھی کہ وہ پاپا کو منا لیں گئ وہ بھی اب ختم ہو چکی تھی ۔۔۔۔۔ماہم مجھے وہاں کہیں نظر ہی نہیں آئی اور وہ آتی بھی کیوں میں نے کون سا اسکے ساتھ اچھا کیا تھا ۔میں بلکل نا امید سا ہو کر رہ گیا تھا ۔۔۔پھر اچانک میری نظر لاونج کی سیڑیوں پر پڑی ماہم تیزی سے سیڑیاں اترتے ہوئے میری طرف ہی آ رہی تھی۔۔۔۔میں بری طرح سے گھبرا گیا کہ ماہم مجھے بہت برا بھلا کہے گی ۔۔۔۔ہوسکتا ہے دھکے دے کر باہر ہی نکال دے گی ۔۔۔۔مگر وہ اندر آتے ہی میرے سینے سے لگ کر بلک بلک کررونے لگی ۔۔۔ایک دم اسکی اس حرکت پر میں ہکا بکا سا رہ گیا ۔۔۔۔وہ مجھ سے روتے ہوئے پوچھنے لگی کہ میں اسے چھوڑ کر کہاں چلا گیا تھا ۔۔۔۔شاید یہ ماہم کا بےاختیار عمل تھا ۔۔۔۔اسکااترا ہوا چہراسوجی ہوئیں آنکھیں دیکھ کر مجھے آزرد گی اور ملال سا ہی ہونے لگا ۔۔۔۔خود با خود ہی میرا ہاتھ ماہم کے سر کی پشت پر چلا گیا میں اسکے سلکی بالوں کو سہلانے لگا اور اسے تسلی دینے لگا ۔۔۔۔میری نظر عفان پر پڑی تو وہ غصے سے اپنی مٹھیاں بھنچے بڑے ضبط سے ماہم کو دیکھ رہا تھا ۔۔۔۔۔اسکا غصہ میری سمجھ سے بالا تر تھا ۔۔۔۔اگلے ہی لمحے پاپا نے ماہم کاہاتھ پکڑ کر اپنی طرف کھنچ کر مجھ سے جدا کیا اور مجھے باہر جانے کے لئے کہنے لگے ۔۔۔۔مگر ماہم نے انہیں منتیں اور واسطوں سے سے منا ہی لیا ۔۔۔۔میں دل سے ماہم کا ممنون تھا ۔۔۔۔پاپا نے ماہم کو جانے کے لئے کہا۔۔۔۔۔میں بھی اپنے کمرے میں آ گیا ۔۔۔۔اپنا کمرہ دیکھ کر مجھے شرمندگی نے آن گھیرا میرے کمرے میں ہر چیز ماہم کی پسند کی تھی ۔۔۔۔مگر وہ نہیں تھی ۔۔۔۔میں بیڈ پر بیٹھ گیا ۔۔۔۔۔قالین اور بیڈ پر اب بھی کہیں کہیں گلاب کی مرجھائی ہوئی پتیاں بکھری ہوئیں تھیں ۔۔۔۔۔میں اپنے بیڈ پر لیٹ گیا ۔۔۔۔پھر ماہم کی کہی ہوئی بات میری سماعتوں میں گونجنے لگی

“عورت اپنی پہلی محبت کو کبھی نہیں بھولتی ۔۔۔۔”وہ اب بھی مجھ سے محبت کرتی ہے ۔۔۔۔کیسے رو رو کر پاپا کو آخر ماہم نے منا ہی لیا تھا ۔۔۔۔۔کچھ دن میں میں دوبارہ پاپا سے معافی مانگوں گا اور سادگی سے ہی صحیح مگر ماہم سے شادی کر لوں گا رفتہ رفتہ سب ٹھیک ہو جائے گا ۔۔۔۔میں آنکھیں بند کر لیں

“اور مہک “جیسے میرے اندر سے کوئی بولا

کب تک اسے بہلا کر ٹالوں گا پھر مجھے یاد آیا کہ نکاح نامہ تو میرے پاس موجود ہے مہک کے پاس تحریری کوئی ثبوت نہیں ہے اس لئے اسکی بات پر کون بھروسہ کرے گا ۔۔۔۔۔۔میں بہت مطمئن ساہو گیا ۔۔۔۔۔اگلے روز شام میں مما میرے کمرے میں آئیں ۔۔۔۔میں اپنے بیڈ پر ہی لیٹا ہوا تھا ۔۔۔۔۔مما کو دیکھ کر اٹھ کر بیٹھ گیا ۔۔۔۔مما کی آنکھوں کے پپوٹے سوجے ہوئے تھے جیسے وہ کئ دن سے روتی رہیں ہوں میں دل ہی دل میں شرمسار تھا ۔۔۔ مماآ کر میرے بیڈ پر میرے برابر میں بیٹھ گئیں ۔۔۔۔

“مما آپ مجھے معاف کر دیں ۔۔۔۔مجھے نہیں معلوم تھا کہ میں خود حادثے کا شکار ہوجاوں گا ٫۔۔۔مما نے تاسف بھری نظروں سے مجھے دیکھا

“بس کرو کامران ۔۔۔۔۔۔میں ماں ہوں تمہاری ۔۔۔تمہاری ہربات اسوقت بھی سمجھ جاتی تھی جب تم نے بولنا بھی نہیں سیکھا تھا ۔۔۔۔۔میں جانتی ہوں ۔۔۔۔تمہارے ساتھ کوئی حادثہ پیش نہیں آیا ۔۔۔۔۔٫”مما کی بات پر میں مزید شرمندہ ہونے لگا ان سے نظریں نہیں ملا پا رہا تھا اور کیسے انہیں بتاتا کہ اس بار میں بے قصور تھا

“مما ایم سوری لیکن میں “

“مجھے کوئی وضاحت نہیں چاہیے کامران ۔۔۔۔۔میں صرف تمہارے پاپا کاپیغام تمہیں دینے آئی ہوں ۔۔۔۔۔”مما نے ہاتھ کے اشارے سے مجھے بولنے سے روک دیا

“پلیز مما ایسے اجنبیوں کی طرح بات نا کریں میں پاپا سے بھی دوبارہ معافی مانگ لوں گا ماہم سے ہاتھ جوڑ کر معافی مانگوں گا ۔۔۔۔مما میں اپنی غلطی کی تلافی کرنے کوبھی تیار ہوں سب سے معذرت کرنے کو تیار ہوں ۔۔۔۔آپ پاپا سے کہیں وہ میرا ماہم سے نکاح سے کر دیں ۔۔۔میں انہیں کبھی شکایت کا موقع۔۔۔۔۔”

“اس کی اب کوئی ضرورت نہیں ہے۔۔۔۔تمہاری معذرت کسی کی کھوئی ہوئی عزت نہیں لوٹا سکتی ” مما نے مجھے وہیں ٹوک دیا

“کیوں ضرورت نہیں ہے ۔۔۔میں ۔۔۔۔”

“پلیز کامران ۔۔۔۔۔۔۔۔ماہم کے بارے سوچنا چھوڑ دو ۔۔۔ پہلے بھی وہ ہماری زمہ داری تھی ۔۔۔۔اب بھی ہم زندہ ہیں اسکے اچھے برے کے بارے میں سوچنے کے لئے ۔۔۔۔۔تم نے جو خاک ہمارے سر ڈالنی وہ تم ڈال چکے ہو ۔۔۔۔۔ماہم سے شادی تمہاری اپنی خواہش تھی ۔۔۔۔ہم نے زبردستی نہیں کی تھی پھر بھی جگ رسوائی ہمیں اٹھانی پڑی ۔۔۔۔۔تمہاری غلطی قابل معافی نہیں ہے ۔۔۔۔ اگر تم یہاں نظر آ رہے ہو تو وہ ماہم کا احسان مانو ۔۔۔۔ میں تو ماں ہوں مجبور ہوں اپنی ممتا کے ہاتھوں ۔۔۔۔۔مگر تم اپنے پاپا کے غصے سے اچھی طرح واقف ہو ۔۔۔۔اور وہ چاہتے ہیں کہ تم اب ماہم سےدور رہو ۔۔۔۔۔تمہارا اب ماہم سے کوئی واسطہ نہیں ہے “

“کیسے کوئی واسطہ نہیں ہے ۔۔۔۔مما میں معافی مانگنے کو تیار تو ہوں ۔۔۔۔۔آپ ماہم کے بارے میں سوچیں ۔۔۔۔۔اس طرح سے کون اپنائے گا اسے ۔۔۔۔۔۔”مما کی آنکھوں میں رنج و ملال تھا

“یہ پروا تمہیں اس دن کرنی چاہیے تھی کامران جس دن تمہیں اسکے ساتھ ہونا چاہیے تھا اور تم

نہیں تھے ۔۔۔۔ تم کیا سمجھتے ہو ۔۔۔۔ماہم کیا جاگیر ہے تمہاری جب چاہے اسے چھوڑ جاؤں بدنامی کے گڑھے میں پھینک دو اور جب جی میں آئے اپنا لو ۔۔۔۔۔مگر ہر کوئی تمہاری طرح کم ظرف نہیں ہے۔۔۔۔ یقین نہیں آتا کہ میری ایک ہی کوک سے تم نے عفان نے جنم لیا ہے۔۔۔۔ہم نے تم دونوں کی تربیت میں کہیں کوئی کمی نہیں چھوڑی ۔۔۔۔مگر کتنے گھٹیا نکلے تم اور کتنا اعلی ظرف ہے میرا عفان” ۔۔۔۔٫مما کی اس بات پر میں سلگ کر رہ گیا ۔۔۔۔۔

“مما ٹھیک ہے میں نے غلطی کی ہے ۔۔۔۔ میں سزا بھگتنے کو بھی تیار ہوں ۔۔۔۔۔آپ کو عفان ہی کیوں نظر آتا ہے ۔۔۔۔”میں چڑ کر بولا

“اس لئے بیٹا کہ جب تم نے ہمیں ذلیل اور رسوا کرنے میں کوئی کسر نہیں چھوڑی تھی تب عفان نے ہی ہماری عزت رکھی ہے ۔۔۔۔ ماہم کو بدنامی اور رسوائی جو تم نے دی تھی ۔۔۔۔اسے میرے عفان نے عزت کی چادر میں ڈھانپا ہے ۔۔۔۔ عفان نے نکاح کیا ہے ماہم سے ۔۔۔۔”مجھے لگا کسی نے مجھے آسمان سے پٹخ کر زمین پر پھینک دیا ہو ۔۔۔۔۔کچھ ثانیے تو میری سوچنے سمجھنے کی صلاحیت ہی ختم ہو گئ ۔۔۔۔۔

“عفان ۔۔۔۔۔ماہم ۔۔۔۔۔۔۔نکاح۔۔۔۔۔نہیں ۔۔۔۔۔۔آپ ۔۔۔۔۔آپ۔۔۔۔۔مما آپ جھوٹ بول رہیں ہیں مجھ سے “پہلی بار مجھے اپنا سانس گھٹتا ہوا محسوس ہوا پہلی بار لگا اندر کچھ چھن سے ٹوٹا ہے پہلی بار لگا میرے اندر سب کچھ درھم برھم سا ہو گیا ہو ۔۔۔۔۔میں ہر بار کی طرح کیسےاتنی بڑی شکست کھا سکتا ہوں ۔۔۔۔وہ بھی عفان سے ۔۔۔۔۔۔؟

“تمہیں لگتا ہےکہ میں اتنا بڑا جھوٹ بولوگی تم سے”مما کی آنکھوں میں میرے لئے غصہ نفرت نا جانے کیا تھا مگر مجھے کسی بات کی پروا نہیں تھی ۔۔۔۔۔

“ماہم ۔۔۔۔ماہم عفان کی نہیں ہوسکتی ۔۔۔۔۔۔کبھی نہیں ہو سکتی ۔۔۔۔۔۔۔۔”میں اپنا سر دونوں ہاتھوں میں لئے اپنے بالوں کو نوچنے لگا ۔۔۔۔ ۔میری کنپٹیاں درد کی شدت سے لگتا تھا پھٹ جائیں گی مما مجھے اسی حال میں چھوٹ کر چلی گئیں میں ہذیانی سی کیفیت میں مبتلہ سا ہو گیا ۔۔۔۔۔

“کیا کیا جتن نہیں کیے تھے میں نے کہ ماہم کسی طور عفان کی نا ہو سکے ۔۔۔۔۔مجھے ماہم سے کوئی غرض نہیں تھی وہ میرے معیار کی بھی نہیں تھی مگر میں نے اسے صرف اس لئے اپنانا چاہا کہ وہ عفان کی نا ہو جائے ۔۔۔۔میری اتنی کوشش کے باوجود بھی وہ عفان کی ۔۔۔۔۔۔نہیں ۔۔۔۔۔نہیں ٫میں پھوٹ پھوٹ کررونے لگا ۔۔۔۔مجھ سے اپنی شکست کسی طور برداشت ہی نہیں ہو رہی تھی ۔۔۔۔۔میں نے اپنے ہاتھوں کی پشت سے آنسوں صاف کیے اور ڈرسنگ میں رکھی ساری پرفیوم کی بوٹلز زور زورسے زمین پر پٹخنی شروع کر دیں بیڈ کی چادر اٹھا کر سامنے صوفے پر پھینک دی تکیے کشن سب ادھر ادھر پھنکنے لگا۔۔۔۔۔مما شاید شور سے اوپر آئیں تھیں کمرے کا حشر دیکھ کر مجھ پر چلانے لگیں

“یہ کیا حشر کیا ہے تم نے کمرے کا ۔۔۔۔۔پاگل ہوگئے ہو کیا ؟”

“ہاں ہو گیا ہوں پاگل “میں مما کے پاس جا کر چلا کر بولا

٫ماہم میری ہے مما ۔۔۔۔میں کبھی اس سے دستبردار نہیں ہو سکتا ۔۔۔۔۔عفان سے بولیں طلاق دیدے ماہم کو “

میرے اشتعال پر مما بھی بلند آواز سے بولیں

“بکو مت کامران ۔۔۔۔۔یہ بات اگر تمہارے پاپا نے سن لی تو ابھی دھکے دے کر تمہیں گھر سے نکال دیں گئے بھول جاؤں ماہم کو ۔۔۔۔”

“آپ کو کیا لگتا ہے ۔۔۔۔وہ بھول پائے گی مجھے ۔۔۔۔۔”میری آنکھوں سے آنسوں بہہ رہے تھے ۔۔۔آنسوں کا گولا حلق میں پھر س گیا تھا با مشکل ہی میں بول پا رہا تھا

“ہاں بھول جائے گی ۔۔۔۔۔یہ سب قسمت کے فیصلے ہوتے ہیں ۔۔۔۔۔اور قسمت کا لکھا انسان کو قبول کرنا پڑتا ہے ۔۔۔۔وہ عفان کا نصیب تھی اس لئے اسکی ہو گئ ۔۔۔۔ تم بھی اس بات کو مان لو تو بہتر ہے “

“مجھے نہیں منظور قسمت کا ایسا کوئی فیصلہ ۔۔۔میرا نصیب ہے وہ میں ہوں اسکی قسمت عفان نہیں ہے ۔۔۔۔۔۔اگر آپ کو لگتا ہے کہ میں یہ سب تسلیم کر لونگا تو یہ بھول ہے آپکی ۔۔۔۔ماہم کو میں کسی صورت عفان کا نہیں ہونے دونگا ۔”۔۔۔۔میری آنکھوں میں جنون وحشت نفرت تھی۔۔۔۔۔میں نے تو کبھی اپنا معمولی سا کھلونا تک عفان کو نہیں دیا یہ تو پھر ماہم تھی۔۔۔۔۔۔

“یہ قدرت کا فیصلہ ہےکامران تم ۔۔۔۔۔اور میں کچھ نہیں کرسکتے ۔۔۔۔۔تم ابھی اپنے ہواسوں میں نہیں ہو ۔۔۔۔جب تمہاری عقل ٹھکانے آ جائے پھر بات کرونگی میں تم سے “

“مجھے نہیں کرنی کسی سے بات ۔۔۔۔کہاں ہے ماہم بلائیں اسے ۔۔۔۔۔کیسے کر سکتی ہے وہ عفان سے شادی ۔۔۔۔۔”میں اپنے کمرے سے نکلنے لگا تا کہ ماہم کے کمرے میں جا سکوں مگر مما میرے سامنے ہی کھڑی تھیں مجھے پیچھے دھکیل کر بولیں

٫ماہم تمہاری جوابدہ نہیں ہے ۔۔۔۔۔اور اب تمہارا اس سے کوئی تعلق بھی نہیں ہے ۔۔۔۔ماہم سے دور رہو تو بہتر ہے ۔۔۔۔”مما مجھے تنبیہ کرتے ہوئے چلی گئیں ۔۔۔۔میرا دل چاہا سارے کمرے کو آگ لگا دوں ۔۔۔۔۔یا عفان کا قتل ہی کرڈالوں ۔۔۔۔۔جب سے میری زندگی میں آیا تھا سکھ چین برباد ہوچکا تھا میرا۔۔۔۔۔۔عفان ۔۔۔۔ میں تمہیں چھوڑو گا نہیں ۔۔۔۔۔میں جنونی سی کیفیت میں بول دیا تھا ۔۔۔۔

*******……..

راشد رات کا کھانا میرے کمرے میں لایا تھا میں نے چلاتے ہوئے اسے باہر بھیج دیا ۔۔۔۔پوری رات سگریٹ پھونکتا رہا اور اپنی شکست کا ماتم مناتا رہا ۔۔۔۔۔

“کاش میں مہک کا فون سنتا ہی نہیں ۔۔۔۔۔کاش میں ۔۔۔۔میں۔۔۔۔۔مہک سے بات ہی نا کرتا اس سے دوستی کاسلسلہ شروع نا کرتا ۔۔۔۔۔یہ کیا ہو گیا مجھ سے یہ کیا کر دیا میں نے۔۔۔ صبح کی ہلکی ہلکی روشنی پھیلنے لگی ۔۔۔۔۔میں نے پوری رات ٹیرس میں بیٹھ کر سگریٹ پی کر گزاری تھی ۔۔۔۔۔اب بھی نیند آنکھوں میں کہیں نہیں تھی مگر میرے اعصاب تھک چکے تھے ۔۔۔۔۔میں اپنے کمرے میں آ گیا ۔۔۔۔نڈھال اور مضمحل سا ہو کر بیڈ پر دراز ہو گیا ۔۔۔۔۔شاید نیند کو بھی مجھ پر رحم آ ہی گیا ۔۔۔ لیٹے لیٹے کب میں نیند کی آغوش میں گیا مجھے ہوش نہیں جب میری آنکھ کھلی اسوقت شام ہو چکی تھی ۔۔۔میرا کھانا سامنے چھوٹی سی گول میز پر رکھا تھا ۔۔۔۔۔رات بھی میں نے کچھ نہیں کھایا تھا اس وقت بھوک کی شدت کی وجہ سے آنتیں منہ کو آ رہیں تھیں ۔۔۔۔میں نے منہ پر پانی کے چھنٹے مارے اور مجبورا زہر مار کر کے کھانا کھانے لگا۔۔۔۔۔بس اب مجھے ایسے موقع کی تلاش تھی جب میں ماہم سے بات کر سکوں ۔۔۔۔اور یہ بھی مجھے دوسرے دن مل ہی گیا ۔۔۔۔۔رات کو میں اپنے کمرے سے باہر آیا ۔۔۔۔لاونج بلکل خالی تھا عفان کے کمرے کی بھی لائٹ بند تھی مطلب وہ سو چکا تھا ۔۔۔۔ماہم کے کمرے کا بلب جل رہا تھا اسکا مطلب ماہم اپنے کمرے میں ہی تھی یہ سوچ کر میں کچھ پر سکون سا ہو گیا۔۔۔۔میں نے احتیاط سے چاروں طرف نظریں گھمایں پھر دبے قدموں سے ماہم کے کمرے کے پاس آ گیا اسکے کمرے کا نیب گھمایا دروزہ لوک نہیں تھا فورا سے کھل گیا ۔۔۔۔وہ بیڈ پر بیٹھی اپنے ہاتھ میں پہنے کنگن دیکھ

رہی تھی مجھے دیکھ کر بوکھلا سی گئ ۔۔۔۔سانس لینا ہی بھول گئ ۔۔۔۔بدحوس ہو کر میری طرف بڑھی اور کمرے کے دروازے پر کھڑی ہو گئ

“آپ کیوں آئیں۔ ہیں کامی انکل نے دیکھ لیا تو غصب ہو جائے گا ۔۔۔۔آپ پلیز جائیں یہاں سے “وہ بوکھلائی ہوئی بولی میں نے ماہم کا بازو پکڑر کر سے پیچھے کیا اور خود اسکے کمرے میں آکر کمرہ بند کر کے ے لوک کر دیا ۔۔۔اسوقت تو مجھے پاپا کا بھی کوئی۔ خوف نہیں تھا میرے اندر تو ایسی آگ لگ چکی تھی کہ ماہم سے بات کیے بغیر ممکن ہی نہیں تھا کہ میں واپس اپنے کمرے میں جاتا ۔۔۔۔اور میری اس حرکت پر ماہم کا رنگ فق ہو گیا تھا

“کامی آپ پلیز جائیں۔ یہاں سے انکل اگر”

“آ جائے جس نے آنا ہے تم سے بات کیے بغیر تو میں بھی نہیں جاؤں گا ۔۔۔۔”میرے غصے سے بھرے ہوئے تیور دیکھ کر ماہم خاموش ہو گئ

“یہ تھی تمہاری محبت ماہم ۔۔۔۔۔دو دن کا بھی انتظار نہیں کر سکی تم میرا ۔۔۔۔میں مر نہیں گیا تھا تو جو ۔میرے ہی بھائی سے نکاح کرنے سے پہلے تم نے ذرا بھی نہیں سوچا ۔۔۔۔”میں اپنا قصور فراموش کیے ماہم سے سختی سے پوچھنے لگا ۔۔۔۔

“آپ نے کوئی اور راستہ چھوڑا ہی کب تھا میرے پاس ۔۔بنا مجھ سے کچھ کہے کہاں چلے گئے تھے آپ۔۔۔۔اسوقت میرا۔ خیال۔ آپ کو کیوں نہیں آیا کامی ۔۔۔کیا دوست مجھ سے میری عزت سے بڑھ کر تھا ۔۔۔کہاں تھے آپ اسوقت جب ہال میں بیٹھا ہر شخص میری عزت اچھال رہا تھا کہاں تھے کامران ۔۔۔۔وہ رونے لگی تھی

“چار گھنٹے میں نے انتظار کی سولی پر کاٹے تھے ۔۔۔۔ایک ایک لمحہ صدیوں کی طرح گزر رہا تھا مجھ پر ۔۔۔۔ہر آہٹ پر مجھے لگتا تھا کہ آپ ابھی آ جاؤں گئے ۔۔۔میری نظریں صرف آپکی منتظر تھیں ۔۔۔کیوں چھوڑ گئے تھے ۔مجھے کامران ۔۔۔۔کیوں “اب وہ مجھے جھنجھوڑ رہی تھی ۔۔۔۔اس نے اسکے دونوں ہاتھوں کو اپنے ہاتھوں سے پکڑلیا ۔۔۔۔

” ہوش میں ہوتا تو پہنچتا تمہارے پاس ۔۔۔۔جیسے ہی میں دوست کے پاس ہاسپٹل جانے کے لیے نکلا بہت اسپیڈ سے گاڑی ڈرائیو کر رہا تھا ۔۔۔تا کہ جلدہی ہال پہنچ سکو ۔۔۔۔کیا خبر تھی کہ خود بھی حادثے کا شکار ہو جاؤں گا ۔۔۔۔سب مجھے جھوٹا سمجھ رہےہی تم تو میرا اعتبار کرو ۔۔۔۔۔کیوں گھومتی پھر رہی ہو عفان کے ساتھ دور رہو اس سے ماہم ۔۔۔۔اسکے ساتھ تمہیں دیکھ کر تمہیں اندازہ نہیں ہے مجھے کتنی تکلیف ہوتی ہے ۔۔۔۔”میری بات سن کر ماہم نے اپنے ہاتھ میرے ہاتھوں سے کھنچ لئے اور تاسف سے مجھے دیکھنے لگی

“آپکو تکلیف ہوتی ہے ۔۔۔۔نہیں تکلیف وہ نہیں ہے جو آپکو ہو رہی ہے ۔۔۔۔تکلیف وہ ہے جو میں سہہ رہی ہوں ۔۔۔۔۔رضا انکل نے وعدہ لیا ہے کہ میں انکی ہر بات مانو گی اسی شرط آپکو رکھا ہے ۔۔۔۔مجھے اجازت نہیں ہے آپ سے بات کرنے کی یا آپکے کمرے میں قدم رکھنے کی ۔۔۔۔۔مشکل میں ۔۔۔میں پھنسی ہوئی ہوں ۔۔۔نکاح کے بندھن میں۔۔۔میں بندھ چکی ہوں ۔۔۔عفان کے ساتھ نئ زندگی کی شروعات کے لئے مجھے مجبور کیا جا رہا ہے ۔۔۔۔جو میرے لئے ممکن ہی نہیں ۔۔۔۔۔میں آپ سے محبت کرتی ہوں ۔۔۔۔اسکی

نہیں ہو سکتی ۔۔۔۔لیکن رضا انکل کی بات سے اختلاف بھی نہیں کر سکتی” وہ بے بسی سے آنسوں بہاتے ہوئے بولی رہی تھی ۔۔۔۔اسکی باتوں سے مجھے تسلی سی ہوگئ ۔۔۔۔کہ وہ بھی عفان سے رشتہ نہیں رکھنا چاہتی تھی

“تم کہو عفان سے طلاق دیدے تمہیں۔۔۔۔۔”میں نے ماہم

سےکہا

“وہ انکل کی مرضی کے خلاف کچھ نہیں کرے گا صاف منع کر چکا ہے مجھے ۔۔۔اب جو کچھ بھی کرنا ہے وہ آپ کو کرنا ہے کامی ۔۔۔۔۔”

“ٹھیک میں کرتا ہوں پاپا سے بات ۔۔۔لیکن تم عفان سے دور رہو ۔۔۔۔”

“اب آپ جائیں یہاں سے انکل روز رات کو اوپر کے لاونج میں چکر کاٹتے رہتے ہیں ۔۔۔۔اگر آپ کو دیکھ لیا تو ۔۔۔۔”ماہم اب خوفزدہ تھی ڈر تومجھے بھی پاپا سے لگتا تھا ۔۔۔۔ میں اپنے کمرے میں ا کر لیٹ گیا ۔۔۔۔ مجھے ماہم کی باتوں سے بہت اطمینان ہوا تھا ۔۔۔۔۔اس لئے میں آج سکون سے سویا تھا ۔۔۔۔۔

۔۔۔۔۔اگلے روز میں ناشتے کے ٹیبل بیٹھ کر ناشتہ کرنے لگا ۔۔۔۔ماہم مسلسل میری نظروں میں تھی ۔۔۔۔۔عفان کے ساتھ اسے بیٹھا دیکھ کر میرا خون کھول رہا تھا ۔۔۔۔عفان ایسے ریایکٹ کر دیا تھا جیسے میں وہاں موجود ہی نا ہوں ۔۔۔۔ماہم گاہے بگاہے مجھے ترچھی نظروں سے دیکھ رہی تھی ۔۔۔۔عفان نے ماہم کے ہاتھ میں پہنے کنگن کے بارے میں دریافت کیا کہ وہ کیسے ہیں پھر مجھ پر یہ کھلا کہ رات کو ماہم جو کنگن اتنے غور سے دیکھ رہی تھی وہ عفان نے اسے رونمائی پر دیے تھے میرا جی چاہا ماہم کا ہاتھ پکڑو اور اتار پھنکو یہ کنگن اس کے ہاتھ سے ۔۔۔۔مگر میں بہت ضبط سے بیٹھا ناشتہ کرتا رہا ۔۔۔۔عفان ناشتہ ختم کر کے جانے سے پہلے ماہم سے ہاتھ ملا کر گیا میری گھورتی ہوئی نظروں پر ماہم پزل سی ہونے لگی تھی

“ماہم بٹیا آپ باہر جائیے ۔۔۔۔مجھے اور تمہاری خالہ کو کامران سے بات کرنی ہے “

“جی انکل ‘ماہم اپنا چائے کا کپ اٹھا کر باہر چلی گئ

“میں نے اور تمہاری ماں نے فیصلہ کیا ہے کہ اب جلد از جلد تماری شادی کر دی جائے “میں نے چائے کا کپ ٹیبل پر پٹختے ہوئے غصے سے رکھا ۔۔۔پاپا نے میری حرکت نوٹس کیے بغیر اپنی بات جاری رکھی

“اگر تمہیں کوئی لڑکی پسند ہے تو بتا دو ورنہ یہ کام اپنی ماں پر چھوڑ دو “پاپا کے کرخت لہجے کی پروا نا کرتے ہوئے میں غصے سے پھنکارا تھا

“میری پسند اور محبت تو اپنے عفان کے حوالے کر دے ۔۔ا۔ب مجھ کیا پوچھ رہے ہیں ۔۔۔۔بہت ہو چکا پاپا ۔۔۔اب بھی کچھ نہیں بگڑا ۔۔۔آپ عفان سے کہیں طلاق دیدے ماہم کو ۔۔۔۔میں ماہم کے علاؤہ کسی سے شادی نہیں کرونگا “میرے حتمی انداز پر پاپا اس زور سے دھاڑے کے اندر سے میں ڈر گیا تھا

“بکواس بند کرو اپنی خبردار جو اپنی زبان پر ماہم کا نام بھی لائے تو زبان کھنچ لوں گا تمہاری ۔۔۔۔۔۔۔”میں پیج وتاب کھاتا رہ گیا لیکن پاپا کا غصہ کم ہونے کو نہیں ا رہا تھا

“تمہارے نزدیک رشتے کھیل تماشہ ہوں گئے ہمارے نزدیک رشتے رشتے ہی ہوتے ہیں ۔۔۔۔تمہارے چھوٹے بھائی کی بیوی ہے وہ اس ناطے تمہاری بھابی ہے۔۔۔۔”پاپا کی آنکھیں غصے سے سرخ ہو رہیں تھیں

“پاپا ماہم بھی خوش نہیں ہے اس رشتے سے ۔۔۔۔آپ پوچھ لیں اس سے ۔۔۔۔یوں زبردستی سے نہیں نبھائے جاتے رشتے”میں بھی اپنے موقف سے ہلنے کو تیار۔ نہیں تھا۔۔

“میں تمہیں آخری بار کہہ رہا ہوں کامران ماہم کا نام مت لو ۔۔۔۔وہ ۔میری بیٹی ہے ۔۔۔میری تربیت ۔۔۔میرا مان ۔۔۔۔مجھے ناز ہے اس پر اور وہ تمہیں یہ رشتہ نبھا کر دیکھائے گی ۔۔۔۔جو بچی بھری برادری میں میری عزت رکھ سکتی ہے ۔۔۔وہ گھر کی چار دیواری میں مجھے رسوا نہیں کر سکتی ۔۔۔۔۔ماہم جیسی پیاری بیٹی کے لئے میرا عفان ہی ہونا چاہیے تھا تم تو اسکے بلکل قابل نہیں ہو “ایک چوٹ تھی جو میری آنا پر لگی تھی ۔۔۔۔عفان عفان کیا ہے یہ عفان ۔۔۔ میں تلملا کر رہ گیا تھا

“ٹھیک ہے میں بھی دیکھتا ہوں پاپا کب تک چلتا ہے یہ رشتہ ۔۔۔”میں اپنی کرسی سے کھڑا ہو گیا ۔۔۔۔

“بکو مت کامران ۔۔۔۔عفان اور ماہم سے دور رہو ۔۔۔اور اسے میری آخری ورانئگ سمجھ لو ۔۔۔۔”مجھے تنبیہ کرنے کے بعد وہ مما کی طرف غصے سے دیکھتے ہوئے بولے

“صفیہ بیگم لڑکی ڈھونڈنا شروع کرو اس کے لئے “

“کوئی ضرورت نہیں ہے اس زحمت کی “میں نے دو ٹوک لہجے سے کہا اور آفس کے لئے نکل گیا ۔۔۔۔۔۔۔۔آفس میں بھی میرا سارا دھیان ماہم کی طرف ہی تھا ۔۔۔۔۔عفان اسے رات کو ڈنر کے لئے کہہ کر گیا تھا اور میں چاہتا تھا کہ وہ مت جائے ۔۔۔۔میں نے فون اٹھایا اور ماہم کو میسج کیا کہ وہ عفان کے ساتھ اب کہیں نہیں جائے گی ۔۔۔۔۔مگر جب میں گھر واپس لوٹا تو معلوم ہوا کہ وہ عفان کے ساتھ ڈنر پر گئ ہے ۔۔۔۔میں نے رات کا کھانا بھی نہیں کھایا اوپر اپنے کمرے میں چلا گیا ۔۔۔۔۔مما میرے کمرے میں آئیں تو میں آفس کے کپڑوں میں ہی بیڈ پر لیٹا تھا

“یہ کیا طریقہ ہے کامران ۔۔۔۔۔اٹھو اور چینج کر کے نیچے آ کر کھانا کھاؤں ۔۔۔۔کیا سارے طور طریقے بھول گئے ہو تم صبح بھی تمہارے پورے واڈروب کے کپڑے زمین پر گرے ہوئے تھے کیا تمیز بلکل بھول گئے ہو “مما کی سرزش پر میں اٹھ کر کھڑا ہو گیا مما کے سامنے آکر ڈھٹائی سے بولا

“چینج کرنے کے لئے میرے کپڑے پہلے سے ہنگ ہو کر مجھے میرے بیڈ پر ملتے تھے ۔۔۔۔۔صبح بھی مجھے میری ہر چیز طریقے سلیقے سے میری مرضی کے مطابق ملتی تھی مما اور یہ سب ماہم کرتی تھی۔۔۔۔ماہم سے کہیں جیسے وہ پہلے میرے سارے کام کرتی تھی اب بھی ویسے ہی کیا کرے آپ کو میں بھی ویسا ہی ملوں گا ول مینرڈ “میرا لہجے ترش ہونے لگا

“قصور تو تمہارا ہی ہے کامران ۔۔۔۔اب شکایت ہم سے مت کرو ۔

“٫میری غلطی اتنی بھی بڑی نہیں تھی “۔۔۔۔٫میں دانت جچکچا کر بولا میری اتنی سی بات کی یہ سزامجھے بہت کھل رہی تھی

۔”میں تم سے بحث کرنا نہیں چاہتی کل سے جاؤں گی تمھارے لئے لڑکی دیکھنے جلد ہی تمہاری شادی بھی کر دوں گی ۔۔۔مگر تب تک ۔۔۔۔۔۔”

“مجھے شادی نہیں کرنی ہے ۔۔۔۔۔چھوڑ دیں یہ بے کار کی کوشش ۔۔۔۔

“ماہم کو بھول جاؤں کامران “مما کی بات پر میں کچھ دیر انہیں غور سے دیکھتا رہا ٫۔۔۔۔

“چلیں ۔۔۔۔۔بھول گیا ماہم کو ۔۔۔۔ٹھیک ہے۔۔۔۔ مان لیا میں نے کہ اب وہ میری نہیں ہو سکتی ۔۔۔۔۔مما میرا اس سے صرف یہی ایک رشتہ تو نہیں تھا ۔۔۔۔۔وہ میری کزن بھی لگتی ہے پہلے بھی میرے سب کام وہی کرتی تھی اس سے کہیں اب بھی وہی کیا کرے ۔۔۔بلکل ویسے ہی جیسے پہلے کرتی تھی ۔۔۔۔ میری بیوی بن کر نہیں کر سکتی ۔۔۔۔تو کوئی بات نہیں بھائی کی بیوی کی حیثت سے ہی کر دیں آخر یہ تعلق تو ہے میرا اس سے ۔۔۔۔۔اس رشتے پر تو کسی کو کوئی اعتراض نہیں ہے ” میرے کاٹ دار لہجے کا مما نے کوئی جواب نہیں دیا ایک گہری سانس لیکر میرے واڈروب سے میرے کپڑے نکال کر بیڈ پر رکھ دیے

“فریش ہو کر نیچے آؤ ۔۔۔۔میں کھانے پر تمہارا انتظار کر رہی ہوں “مما یہ کہہ کمرے سے باہر جانے لگیں

“بھوک نہیں ہے مجھے “میرے چلانے پر مما نے پلٹ کر مجھے دیکھا

“کامران “

“پلیز مما جائیں یہاں سے ۔۔۔۔چھوڑ دیں مجھے اکیلا “مما چلی گئیں ۔۔۔۔۔میں نے کپڑے تبدیل کیے اور ٹیرس پر بیٹھ کر سگریٹ پینے لگا ۔۔۔۔میں اپنی اندر کی کھولن میں ہی سلگ رہا تھا جب مہک کی کال آنے لگی میں نے غصے سے ڈسکنیکٹ کر دی اس لڑکی کی وجہ سے آج میں اس مقام پر بے بسی کی تصویر بنا کھڑا تھا ۔۔۔مگرمہک کی مسلسل کال آنے لگی ۔۔۔۔میں نے فون اٹھایا

“اب کیا چاہتی ہو مجھ سے بہت شوق تھا تمہیں مجھے پانے کا ۔ہو گئ تمہاری خواہش پوری ۔۔۔۔۔۔۔اب کیوں بار بار فون کر کے پریشان کر رہی ہو مجھے “میں سارے لحاظ بھول کر غصے سے مہک پر گرجا

“کیا ہوا ہے تمہیں کامران ۔۔۔ایوری تھنک از آل رائٹ “

“نھتنگ ۔۔۔۔آل آر از فینش ان مائی لائف ۔۔۔۔۔پلیر ڈونٹ کال می اگین ۔۔۔۔”میں نے اپنا نچلا ہونٹ کاٹتے ہوئے بہت غصے سے کہا اور فون آف کر کے رکھ دیا ۔۔۔۔۔دوسرے دن میں آفس سے باہر نکلا تو مہک اپنی گاڑی میں میرے آفس سے باہر ہی کھڑی تھی ۔۔۔۔۔پاپا میرے ساتھ تھے ۔۔۔۔۔مجھے دیکھ کر مہک اپنی گاڑی سے نیچے اتر گئ ۔۔۔۔میں نے مہک کو اپنے پاس آنے سے اشارے سے روک دیا ۔یہ لڑکی میری جان کو آ چکی تھی ۔۔۔۔۔۔۔پاپا گاڑی میں بیٹھ چکے تھے اور میرے بیٹھنے کا انتظار کر رہے تھے

“پاپا آپ گھر جائیں ۔۔۔۔مجھے اپنے کسی دوست سے ملنا ہے میں واپسی پر اسی کے ساتھ آ جاؤں گا ۔۔۔۔۔,پاپا کے جانے بعد میں مہک کی گاڑی میں بیٹھ گیا ۔۔۔۔مہک گاڑی بہت خاموشی سے ڈرائیو کر رہی تھی شاید اسے میرے بولنے کا انتظار تھا ۔۔۔۔۔میرے ایک دوست کا فلیٹ تھا ۔۔۔۔جہاں کبھی کبھی ہم دوست سب مل کر ہلا گلا کرتے تھے ۔۔۔۔۔وہ آفس سے کچھ قریب ہی تھا اور اتفاق سے اسکی ڈبلی کیٹ چابی بھی میرے پاس موجود تھی ۔۔۔۔۔۔میں مہک کو راستہ بتانے لگا اور مہک اسے فالو کرنے لگی ۔۔۔۔فلیٹ کا چوکیدار مجھے پہچانتا تھا اس لئے کھڑا ہو کر سلام کرنے لگا ۔۔۔۔میں نے جیب سے ایک سو کا نوٹ نکال کر اسے دیا پھر مہک کو اپنے ساتھ اس فلیٹ پر لے آیا ۔۔۔۔مہک نے مجھ سے کوئی سوال جواب نہیں کیا وہ فلیٹ دو کمروں پر مشتمل تھا مگر کمرہ ایک ہی فرنش تھا ۔۔۔باقی سارا گھر خالی تھا ۔۔۔۔۔ میں مہک کو کمرے میں لے آیا ۔۔۔۔مہک اب بھی خاموش تھی ۔۔۔۔جب میں نے بھی کوئی بات نہیں کی تو اسی نے چپ کا قفل توڑا ۔۔۔۔

“کامران ۔۔۔۔۔میں ذیادہ دیر تک یہ نکاح اپنی فیملی سے پوشیدہ نہیں رکھ سکتی ۔۔۔۔تم نے بات کی اپنے پاپا سے ” مہک کی بات سن کر میں ایک دم ہی ہتھے سے اکھڑ گیا

“تمہیں صرف اپنی پروا ہے ۔۔۔۔۔بھاڑ میں جاؤں تم ۔۔۔۔اور تمہاری فیملی “میں نے ترش لہجے سے کہا

وہ حیرت سے مجھے دیکھنے لگی

“کیا ہوا ہے کامران “مہک نے اپنا لہجہ متوازن ہی رکھا

“برباد ہو گیا ہوں میں ۔۔۔۔نا جانے میں نے تمہاری بات مانی ہی کیوں ۔۔۔۔مہک تم میری زندگی میں آئی ہی کیوں تھی ۔۔۔۔۔او مائی گاڈ ۔۔۔۔۔سب کچھ برباد ہو کر رہ گیا میرا “٫میں نے اپنی انگلیاں اپنے بالوں میں پھسا لیں اور گردن جھکا کر لمبے لمبے سانس لینے لگا ۔۔۔۔اتنے دنوں کا غبار تھا ۔۔۔۔۔میں تو اپنی کیفت کو لفظ بھی نہیں دے پا رہا تھا ۔نا خود سمجھ پا رہا تھا کہ میں اتنی تکلیف میں کیوں ہوں۔۔۔۔مہک نے اپنا ہاتھ میرے ہاتھوں پر رکھا میں نے غصے سے جھٹک دیا

“پیچھے ہٹو مجھ سے ۔۔۔۔۔”

“ہوا کیا ہے تمہیں کامران بتاتے کیوں نہیں ہو “

“ماہم ۔۔۔۔۔میری ماہم “میں نے انگلی سے اپنی طرف اشارہ کیا

۔”۔تمہاری وجہ سے بہت دور ہو گئ مجھ سے ۔۔۔۔۔تمہاری اسٹوپٹ جذباتی باتوں نے مجھ سے میری ماہم چھین لی مہک ۔۔۔۔۔”مہک میری غائب دماغی پر آنکھیں پھاڑے مجھے دیکھ رہی تھی

“تمہاری ماہم ۔۔۔۔کامران ۔۔۔۔ہوش میں تو وو تم “مہک چلا کر بولی

“میں بھی اسے اسی انداز سے جواب دینے لگا

“تمہیں میں ہوش میں لگ رہا ھوں ۔۔۔۔۔میں اپنے ہوش وحواس میں ہو سکتا ہوں ۔۔۔۔نہیں ۔۔۔۔نہیں ہوں میں اپنے حواسوں میں۔۔۔۔۔یاد رکھو مہک اگر مجھے ماہم نا ملی ۔۔۔۔تو آگ لگا دونگا ہر چیز کو ۔۔۔۔سب کو مار ڈالوں گا ۔۔۔۔عفان کو بھی۔۔۔۔اس نے کیسے شادی کرلی ماہم سے کیسے وہ کیسے اسے مجھ سے دور کر سکتا ہے “میں مہک کو جھنجھوڑتے ہوئے ہذیانی سی کیفیت میں نا جانے کیا کیا بولے جا رہا تھا ۔۔۔۔

“کامران تم واقع ہوش میں نہیں ہو ۔۔۔۔۔پلیز ہوش میں آؤ ماہم تمہاری محبت تو کبھی نہیں تھی ۔۔۔۔۔تم تو یہ رشتہ مجبوری میں کر رہے تھے ۔۔۔۔آخر ہوا کیا ہے تمہیں “مہک حیران سی مجھ سے پوچھ رہی تھی

“میں نہیں جانتا سچ کیا ہے ۔۔۔۔۔۔مگر ۔۔۔۔۔”میں ایک دم ہی خاموش ہو گیا مہک کے بازو بھی چھوڑ دیے۔۔۔۔پھر میں ایک لمحے کے لئے سوچا سچ تو یہی تھا ماہم میری محبت تو ہر گز نہیں تھی ۔مجھے تکلیف ہو کیوں رہی ہے ۔۔۔شیاید عفان کی خوشی پر ۔۔۔جوماہم کے ساتھ مشروط تھی ۔۔۔۔۔ماہم تو ویسے ہی مجھ سے دور ہو چکی تھی ۔۔۔۔۔ اور مہک کو میری بیوقوفی مجھ سے دور کر سکتی تھی۔۔۔۔میں نے خود پر ضبط کیا ۔۔۔۔۔مہک سے ایک گلاس پانی مانگا ۔۔۔۔کمرے میں موجود فریج سے مہک نے پانی کی بوتل نکال کر مجھے گلاس میں پانی ڈال کر دیا ۔۔۔میں نے پانی ایک گھونٹ میں پی کر گلاس مہک کو پکڑا دیا ۔۔۔۔۔مجھےاس وقت ایک ہمدرد اور ساتھی کی اشد ضرورت تھی ۔۔۔۔مہک میرے پاس بیٹھ گئ ۔۔۔۔۔۔

“اب بتاؤ ہوا کیا ہے ۔۔۔۔”مہک نے نرمی سے مجھ سے پوچھا

“اس وقت کچھ مت پوچھو ۔۔۔۔۔۔۔میں نے مہک کا ہاتھ پکڑ لیا

“مہک تم مجھے چھوڑ کر نہیں جاؤں گی نا ۔۔۔۔٫”میں نے مہک کا ہاتھ اپنے سینے پر رکھ کر پوچھا

“نہیں کامران میں کیوں تمہیں چھوڑو گی ۔۔۔میں محبت کرتی ہو۔ تم سے “

“وہ تو ماہم بھی کرتی ہے ۔۔۔پھر بھی اس نے عفان سے شادی کر لی میرا انتظار نہیں کیا اس نے ۔۔۔۔۔میرے سامنے وہ عفان کے ساتھ ڈنر پر چلی جاتی ہے ۔۔۔۔۔مہک تم ساتھ دوگی نا میرا “مجھے کیا چیز بے چین کیے ہوئے تھی میں خود نہیں جان پا رہا تھا ۔۔۔۔کچھ پل مہک کی قربت سے میں سب کچھ بھول جانا چاہتا تھا