Tadbeer by Umme Hani NovelR50414 Tadbeer Episode 47

Tadbeer by Umme Hani

پورا دن وہ مما کے کمرے میں ہی رہی ۔۔۔۔ رات کو ماہم میرے کمرے میں ہی بیٹھی تھی ۔۔۔۔پورا دن اس نے ٹھیک سے کچھ نہیں۔ کھایا تھا ۔۔۔۔۔میں نے دودھ کا گلاس اس کے آگے کیا

“چلو شاباش پیو اسے ۔۔صبح سے ٹھیک سے تم نے کچھ نہیں کھایا ۔۔۔۔۔”میں اسکے برابر میں بیٹھ گیا ۔۔۔۔ ہے حد نرمی سے کہنے لگا وہ ایک ٹک مجھے دیکھنے لگی ۔۔۔۔چند دنوں میں۔ مرجھا سی گئ تھی آنکھوں کے نیچے ہلکے واضع ہونے لگے تھے ۔۔۔۔میرے ہاتھ سے گلاس لیکر سائیڈ ٹیبل پر رکھ دیا ۔۔۔۔

“عفان ۔۔۔۔میں سچ کہہ رہی ہوں ۔۔۔۔۔کامران نے “

“ماہم مجھے کچھ نہیں۔ سننا ۔۔۔۔ہمم ۔۔۔سب ٹھیک ہو جائے گا ۔۔۔۔تم یہ دودھ پیو ۔۔۔۔اپنی حالت دیکھی ہے تم نے ۔۔۔۔۔”

مجھے بھوک نہیں ہے “وہ اپنا رخ بدل کر بولی میں نے دودھ کا گلاس لیا اور اسکے لبوں ۔ پر لگا دیا وہ پیچھے ہٹ گئ

“پلیز ماہی پیوں اسے بھوک نہیں ہے۔ تب بھی پیو میرے لئے ۔۔۔۔”میں نے بہت اپنایت سے اسے کہا پھر وہ کچھ نہیں۔ بولی ۔۔۔چپ چاپ دودھ بھی پی لیا ۔۔۔اپنی سائیڈ کا لمپ آف کیے لیٹ گئ ۔۔۔۔۔مگر رات کو پھر سے اسکی دبی دبی چیخوں سے میری آنکھ کھلی وہ سوئے ہوئے چیخ رہی تھی

“مت آؤں میرے قریب ۔۔۔۔میں مار ڈالوں گی تمہیں ۔۔۔۔دور رہو مجھ سے “وہ سوئے اپنے ہاتھوں کو ہوا میں چلا رہی تھی جیسے کسی کو خود سے قریب آنے سے روک رہی ہو ۔۔۔

“ماہم ۔۔۔”میں اسے کندھے سے پکڑ کر ہلا دیا وہ ہڑبڑا کر اٹھی فورا سے بیڈ سے کھڑی ہو گئ ۔۔۔بد حواس سی اپنے سلیپر پہنے لگی ۔۔۔۔میں اسکی اس افتاد پر پریشان سا ہو کر اٹھ بیٹھا ۔۔۔وہ اب بھی پسینے سے شرابور بد حواس سی نظر آ رہی تھی اس سے پہلے کہ وہ کمرے سے نکلتی میں فورا اسکے پاس آ کر کھڑا ہو گیا

“کہاں جا رہی ہو تم “

“عفان مجھے باہر جانا ہے ہوا میں مجھے گھٹن ہو رہی ہے ۔۔۔میرا سانس رک رہا ہے ۔۔۔

تمہیں پتہ ہے کامران نے میرے منہ پر ہاتھ رکھا تھا ۔ابھی۔۔۔۔۔ میرا سانس رک رہا ہے ۔۔۔۔”وہ لمبے لمبے سانس لے رہی تھی ۔۔۔۔

“اچھا آؤں میں ٹیریس میں لے جاتا ہوں تمہیں ۔۔۔تمہاری گھٹن کم ہو جائے گی ۔۔۔میں اسے ٹیریس میں کے گیا ۔۔۔۔کافی دیر وہ وہیں کھڑی لمبے لمبے سانس لیتی رہی ۔۔۔۔اس کے چہرے پر اب بھی پسینہ آ رہا تھا ۔۔۔۔وہ آنکھیں بند کیے ۔۔۔۔کھڑی تھی ۔۔۔کافی دیر یونہی کھڑی رہی ۔۔۔۔میں اسکے ستے ہوئے چہرے کو دیکھنے لگا ۔۔۔۔اب وہ آنکھیں کھولے مجھے دیکھنے لگی

“عفان مجھے ڈر لگ رہا ہے “میں اسکے قریب آیا اور اسے اپنے حصار میں لے لیا اپنے ساتھ لگائے رکھا

“کس سے ڈر رہی تم اور کیوں ڈرتی ہو میں ہوں نا تمہارے ساتھ ۔۔۔۔۔”

“تم بھی مجھے جھوٹا سمجھتے ہو “

وہ مجھ سے پیچھے ہٹنے لگی میں نے بھی اسے چھوڑ دیا

“ماہی کیوں سوچتی ہو اسکے بارے میں ۔۔۔۔”

“اس لئے کہ و ہ ۔۔۔آتا ہے میرے پاس ۔۔۔۔تمہیں کیسے یقین دلاؤ۔ “

“کوئی نہیں آتا تمہارے پاس وہم ہے تمہارا ۔۔۔چلو اب آ کرلیٹو میں اسے اپنے ساتھ لئے بیڈ پر کے آیا ۔۔۔۔اسے بیڈ پر لیٹا کر اس پر لحاف دیدیا ۔۔۔۔کچھ ہی دیر میں وہ پھر سے سو گئ ۔۔۔۔۔اگلے ہی روز میں اسے اسی سائیکٹریس کے پاس لے گیا جو کامران نے بتایا تھا ۔۔۔۔۔وہ لگ بھگ کامران کی عمر کا ہی تھا ۔۔نوجوان تھا ۔۔۔۔میری ساری بات اس نے خاموشی سے سنی ۔۔۔۔ماہم بس خاموش ہی بیٹھی رہی ۔۔۔

“مسٹر عفان کیا میں آپکی وائف سے اکیلے میں بات کر سکتا ہوں ۔۔۔یہ پیشنٹ کے لئے بہت ضروری ہے ۔۔۔۔

“یا ۔۔۔شیور “میں کرسی سے اٹھنے لگا تو ماہم نے میرا ہاتھ پکڑ لیا ۔۔۔

“تم کہیں نہیں جاؤں گئے عفان ۔۔۔”

“ماہم میں بس کچھ ہی دیر میں آ جاؤں گا ۔۔۔ہی از یور ڈاکٹر ۔۔۔تمہیں جو بھی خوف محسوس ہوتا ہے تم ڈاکٹر سے ڈسکس کر سکتی ہو ۔۔۔

“عفان میں۔۔۔۔”

“میں باہر ہی ہوں کچھ دیر میں اندر آ جاوں گا “میں نے ماہم کے سرد ہاتھ سے اپنا ہاتھ چھڑوایا ۔۔۔۔۔اور کمرے سے باہر نکل گیا ۔۔۔۔آدھے گھنٹے بعد مجھے اندر بلایا گیا ۔۔۔اور ماہم کو باہر بھیج دیا گیا ۔۔۔۔ڈاکٹر نے سامنے کرسی پر بیٹھنے کا اشارہ کیا میں چپ چاپ بیٹھ گیا کچھ لمحے خاموشی کی نظر ہو گئے پھر ڈاکٹر نے ایک گہری سانس لی اور بات شروع کی

“مسٹر عفان ۔۔۔اپکی وائف نے میرے ساتھ ذرا بھی کاپریٹ نہیں کیا ۔۔۔۔۔۔ایک لفظ بھی نہیں بولیں میرے کسی سوال کا جواب نہیں دیا ۔۔۔۔”

“شاید پہلی بار وہ آپکے پاس آئی ہے اس لئے پریشان ہوگئ ایک دو سیشن کے بعد بتا دےگی ۔۔۔”مجھے ماہم سے یہ امید نہیں۔ تھی کہ وہ یوں چپ بیٹھی رہے گی میرے مشورے پر ڈاکٹر نے کندھے اچکا کر مدافعانہ انداز سے کہا

“جی ہو سکتا ہے”پھر سیدھا ہوکر بیٹھ گیا

” ۔۔۔دیکھیں ۔۔۔۔جب پیشنٹ کاپریٹو نا ہو تو ہمیں دوسرے طریقے اختیار کرنے پڑتے ہی جو کہ آپکی وائف اس کنڈیشن میں برداشت نہیں کر سکتیں ۔۔۔۔لیکن آپکی باتوں سے لگتا ہے کہ کوئی ایسا واقعہ انکی لائف میں گزرا ہے ۔۔۔۔جو لا شعوری طور پر انہیں پریشان کیے ہوئے تھا ۔۔۔مگر اب وہ انکے شعور پر حاوی ہونے لگا ہے ۔۔۔۔۔۔اس لئے انہیں۔ اس طرح کے دورے پڑنے لگے ہیں اگر انکا علاج نا ہوا تو یہ خطرناک شکل بھی اختیار کر سکتے ہیں ۔۔۔۔

“کیا مطلب ڈاکٹر “میں بے چین سا ہوا

“خود کو ختم کرنے کی کوشش کر سکتی ہیں یا کسی دوسرے شخص کو ۔۔۔۔اٹس سو ڈینجریس ۔۔۔بہتر یہ ہے کہ آپ خود اس سے پوچھنے کی کوشش کریں “ڈاکٹر کی بات پر میں مزید پریشان ہو گیا تھا ۔۔۔کون سی بات ہو سکتی ہے ۔۔۔۔۔۔کون سا ایساواقع گزرا ہے ۔۔۔۔۔میں دو دن تک یہی سوچتا رہا ۔۔۔۔مجھے ایسا کچھ بھی سمجھ نہیں آ رہا تھا ۔۔۔۔سوائے ایک واقع کے ۔۔۔جس دن کامران ماہم کو اپنے ساتھ زبردستی لیکر گیا تھا ۔۔۔۔میں اس بات کو فراموش کر چکا تھا ۔۔۔۔دوبارہ یاد بھی نہیں کرنا چاہتا تھا مگر ماہم کی کنڈیشن کے پیش نظر مجھے اس سے پوچھنا تھا ۔۔۔۔مگر ہر بار ہی میں ہمت نہیں جتا پاتا تھا ۔۔۔۔زندگی اس بات سے بہت آگے نکل چکی تھی ۔۔۔۔میں کیسے ان باتوں کو دوہراتا ۔۔۔۔میں رات کو سونے کے ارادے سے کمرے میں آیا ماہم بالوں کو سلجھا رہی تھی ۔۔۔۔بہت دن بعد آج کچھ فریش لگ رہی تھی ۔۔۔۔میں دھیرے سے اس کے پیچھے کھڑا ہو گیا۔۔۔۔۔وہ ڈرسنگ کے سامنے نہیں کھڑی تھی سائیڈ پر تھی اس لئے مجھے دیکھ نہیں سکتی تھی ۔۔۔۔۔میں نے دھیرے سے اسکے بالوں کو پیچھے کیا میرے ہاتھ نے ابھی اسکی کمر کو چھوا ہی تھا کے وہ تڑپ کر پیچھے ہو گئ

“کامران “وہ بے اختیار ہی بولی تھی ۔۔۔۔اس وقت اسکے منہ سے کامران کا نام وہ بھی ایسے موقع پر سن کر میں بے اختیار سا ہو گیا تھا پھر ڈاکٹر کے کہے جمعلے میرادماغ گھمانے کے لئے کافی تھے ۔۔۔۔ماہم نے پلٹ کر مجھے دیکھا۔۔۔۔اسکا رنگ اڑا ہوا تھا مجھے دیکھ کر اسکی رکی سانس بحال ہوئی ۔۔۔

“عفان “وہ ۔مجھے دیکھتے ہی میرے قریب آئی مگر میں نے غصے سے اسے جھٹک دیا ۔۔۔

“اٹس انف ماہی ۔۔۔۔”

“عفان ۔۔مجھے نہیں معلوم تھا کہ تم ہو ایم سوری “

“تمہیں میرے علاؤہ کون ایسے چھو سکتا ہے ۔۔۔۔۔۔ایسے موقعے پر تم کیسے کامران کا نام لے سکتی ہو ۔۔۔۔”میں اب غصے سے بے قابو سا ہونے لگا تھا ۔۔۔

“عفان ۔۔۔۔تمہیں میں یہی سمجھانا چاہ رہی ہوں ۔۔۔۔وہ مجھے تنگ کر رہا ہے ۔۔۔میرے قریب آنے کی کوشش کرتا ہے ۔۔۔۔مجھے بلیک میل کرتا ہے ۔۔۔ کیسے سمجھاؤں تمہیں ۔۔۔۔”وہ بے حد اپ سیٹ تھی

“نہیں وہ اب ایسا کچھ نہیں کر رہا کیوں کہ جہاں تم ایسا دعوہ کرتی ہو وہاں اس کا کوئی وجود ہی نہیں ہوتا ۔۔۔۔ہاں یہ ہوسکتا ہے کہ ماضی میں کچھ ایسا ہوا ہو ۔۔۔جو اب تمہارے حواسوں پرسوار ہے ۔۔۔۔۔ماہم میں انسان ہوں کیوں سمجھ نہیں۔ آتا تمہیں ۔۔۔۔۔جب بھی میں خود کو یہ یقین دلانے لگتا ہوں کہ تم مجھ سے محبت کرنے لگی ہو تم میرے یقین کی ترید کر دیتی ہو ۔۔۔میں نے آج تک تم سے اس رات کا سوال نہیں کیا جب کامران تمہیں اپنے ساتھ لیکر گیا تھا ۔۔۔مگر اب میں جاننا چاہتا ہوں ۔۔۔۔بتاوں مجھے کیا کیا تھا اس نے “میں نے بہت ضبط سے پوچھا تھا ۔۔۔۔ماہم کچھ پل بے یقینی سے مجھے دیکھنے لگی ۔۔۔۔پھر اپنی آنکھیں بند کر لیں ۔۔۔۔۔

“مجھے بہت مان تھا تم پر کہ۔ تم کبھی مجھ سے یہ سب نہیں پوچھوں گئے ۔۔۔ مگر کامران ٹھیک کہتا ہے ۔۔۔ تم مجھ سے سوال ضرور کروں گئے ۔۔مجھ سے میری پاکبازی کا ثبوت بھی مانگوں گئے ۔۔۔۔ٹھیک ہے ۔۔۔”ماہم نے آنکھیں کھولیں جو نم تھیں

“۔بتاوں مجھے کیسے یقین دلاؤ تمہیں ۔۔۔۔عفان مجھے میرے ماں باپ کی قسم ہے میں صرف تمہاری ہوں” ۔۔۔۔وہ اپنے آنسوں پونچنے لگی

“ماہی میرا ہر گز مطلب یہ نہیں ہے “

“نہیں ۔۔۔میں سمجھ سکتی ہوں ۔۔۔تمہاراقصور نہیں ہے ۔۔۔۔لیکن تمہارا شک مجھے دور کرنا ہے عفان ۔۔۔ شاید میرے ماں باپ حیات نہیں ہے ۔۔۔۔تمہیں یہ نا لگے کہ مرے ہوں کی قسم کھا کر جھوٹ بول رہی ہوں ۔۔۔میں اپنے بچے کی قسم” ۔۔۔۔میں نے اسکے منہ پر ہاتھ رکھ دیا ۔۔۔۔۔

“بس ۔۔۔۔۔۔چپ ۔۔۔۔۔۔ایک لفظ اور نہیں ۔۔۔۔”اسکے آنسوں تواتر سے بہہ رہے تھے ۔۔۔۔۔

“کچھ نہیں سننا مجھے تم سے ۔۔کیا لگتا ہے تمہیں۔۔۔۔۔ مجھے” اب “تمہاری گواہی کی ضرورت ہے ۔۔۔ماہی “اب” ۔۔۔۔۔مجھے اگر ایسا کوئی ثبوت چاہیے ہوتا تو اس دن مانگتا جس دن تمہیں اپنانے سے پہلے مجھے تم سے کوئی وضاحت نہیں ملی تھی ۔۔۔۔”میں نے اسکا ہاتھ پکڑا اور اسے بیڈ لے جا کر بیٹھایا ۔۔۔۔خود بھی اسکے سامنے بیٹھ گیا

“تم کیا سمجھتی ہو بچہ ہوں میں ۔۔۔۔بیوقوف ہوں ۔۔۔۔جو اب تم پر شک کی بنیاد پر سوال کرونگا ۔۔۔۔۔میں صرف یہ جاننا چاہتا ہوں کہ کون سا خوف تمہیں پاگل کر رہا ہے ۔۔۔۔تا کہ تمہیں اس خوف سے نکال سکو ۔۔۔۔میری بیوی کو تم ۔۔۔۔تمہیں تکلیف میں دیکھ کر مجھے دوہری تکلیف ہوتی ہے ۔۔۔۔حالت دیکھی ہے تم نے اپنی کیسے مرجھا گیا ہے تمہارا چہرہ ۔۔۔۔رہ گی بات میرے اعتبار کی ۔۔۔۔تومیرے لئے بس ایک وہ رات ہی آزمائش کی تھی جس دن تم واپس آئی تھی میں تم سے جھوٹ نہیں بولوں گا ماہم ۔۔۔۔ لیکن اس دن میرے لئے سب سے مشکل تمہیں اپنانا تھا ۔۔۔۔۔۔بہت سے سوال تھے میرے پاس ۔۔۔۔کوئی جواب مجھے تم سے ایسا نہیں ملا جو مجھے مطمئن کرتا ۔۔۔۔۔لیکن پھر بھی میں تمہیں چھوڑ نہیں سکتا تھا تمہیں تحفظ دینا میرا فرض تھا ۔۔۔۔تم صرف میری محبت نہیں تھی میری عزت بھی تھی ۔۔۔۔جس حلیے میں تم آئی تھی ۔۔۔۔۔۔تمہیں ایک لمحہ دیکھ کر مجھے لگا میں بے لباس ہو گیا ہوں ۔۔۔۔

تمہیں ڈھانپ لینا میرا فرض تھا ۔۔۔۔اور وہ میں نے ادا کر دیا ۔۔۔۔۔۔ساری خوبیوں اور خامیوں سمیت ۔۔۔۔۔میں جانتا ہوں کہ کامران نے ایسا کچھ نہیں کیا کہ تم مجھ سے نظریں نا ملا سکوں ۔۔۔۔مگر خدا نخواستہ اگر کچھ ہو بھی جاتا میں تب بھی تمہیں نہیں چھوڑ نہیں سکتا تھا ماہم ۔۔۔۔۔کیونکہ تم قصوروار نہیں تھی ۔۔۔۔”وہ ٹکٹکی باندھے مجھے دیکھ رہی تھی ۔۔۔۔

“تمہیں کس بات کا خوف ہے۔۔۔۔اگر یہ خوف ہے کہ کسی کی باتوں میں آ کر میں تمہیں چھوڑ دونگا تو ۔۔۔نکال دو اس خوف کو ۔۔۔۔کامران سے ڈرنا چھوڑ دو ورنہ تمہیں اپنا سایہ بھی کامران لگے گا اور یہ میں برداشت نہیں کر سکتا ۔۔۔۔۔”ماہم اب بھی مجھے ایک ٹک دیکھ رہی تھی ۔۔۔۔۔

“اور کیسے یقین دلاؤ تمہیں ۔۔۔۔ماہی۔۔۔۔”

“اب نہیں ڈرو گی کسی سے ۔۔۔۔کیونکہ تم میرے ساتھ ہو ۔۔۔بس ۔مجھے یہی بات ستاتی تھی کہ کہیں تم مجھے چھوڑ نا دو ۔۔۔۔عفان میں نہیں رہ سکتی ہوں تمہارے بغیر “میرا ہاتھ تھامے وہ اب بہت مطمئن سی تھی ۔۔۔۔پھر میرے ہاتھ اپنے ہونٹوں پر لگانے لگی ۔۔۔۔۔پھر باری باری اپنی دونوں آنکھوں پر ۔۔۔۔ماہم کی حرکت مجھے کچھ عجیب سی لگی ۔۔۔۔۔ایسا کوئی مرید اپنے مرشد کے ہاتھ کے ساتھ کرتے تھے جیسا وہ کر رہی تھی ۔۔۔۔

“یہ کیا کر رہی ہو ۔۔۔”

“بس یونہی تمہارا احترام کر رہی ہوں” ۔۔۔۔

“اچھا ۔۔۔۔وہ کیوں” ۔۔۔۔ اسکے جواب پر میں متعب ہوا تھا

“کیونکہ تم ہو ہی ایسے ۔۔۔۔۔دل چاہتا ہے تمہیں بے حد اونچا مقام دوں “۔۔۔۔

“نہیں ماہی ۔۔مجھے کوئی مقام نہیں چاہیے ۔۔۔بس ۔۔۔تم جیسی ہو ویسی ہی ہو جاؤں ۔۔۔مجھے ویسی ہی اچھی لگتی ہو ۔۔۔۔ہاں اگر مجھے خوش کرنا چاہتی ہو تو بس مجھ سے آئی لو یو بول دو “میری فرمائش پر وہ مسکرانے لگی ۔۔۔۔کتنے دن بعد میں نے اسے یوں مسکراتے دیکھا تھا ۔۔۔ میں چاہتا تھا وہ بھول جائے سب کچھ

“وہ میں نہیں کہو گی “وہ یوں مکر جائے گی مجھے امید نہیں۔ تھی

“کیوں”

“میری مرضی “وہ اترا کر بولی

“ہمم ۔۔۔مت بولو ۔۔۔۔میں بلوا لوں گا تم سے “

“خوش فہمی کے تمہاری “

“جی نہیں خود کہو گئ تم یہ میرا وعدہ ہے تم سے “وہ میری بات پر صرف مسکراہٹ تھی ۔۔۔اور ۔مجھے لگا زندگی پھر مجھ پر مہربان ہو گئ ہے

******……..****

ماہم پھر سے نارمل ہونے لگی تھی ۔۔۔۔۔کچھ دن بعد ہی قاسم نے مجھے یہ خوش خبری سنائی کہ اللہ نے اسے بیٹا دیا ہے ۔۔۔۔کامران تو ہمارے ساتھ نہیں گیا مگر مہک ضرور تیار ہو گئ ۔۔۔۔میں ماہم اور مہک کو لئے ہاسپٹل پہنچا جیسے ہی روم کا دروازہ کھولا ۔۔قاسم نے ہمہیں خاموش رہنے کا اشارہ کیا سامنے

قاسم کی والدہ ور بہن کھڑی مسکرا رہیں تھی فاریہ نیم بے ہوشی میں تھی کچھ بڑبڑا رہی تھی قاسکی والدہ کی گود میں ایک ننھا منا سا بچہ تھا ۔۔۔۔قاسم فاریہ کے پاس اس کا ہاتھ تھامے کھڑا تھا

“میں کہاں ہوں زندہ ہوں یا مر چکی ہوں “فاریہ نیم وا آنکھیں کھولے بولی

” تم مر چکی ہو “قاسم کے جواب پر سب کے چہروں پر مسکراہٹ تھی اور فاریہ کی آنکھیں پوری کھول گئیں تھیں ۔۔۔۔

“لیکن تم تو قاسم ہو “

” ۔۔۔۔تمہیں اپنے شوہر سے محبت ہے اس لئے بھی مرنے کے بعد بھی تمہیں وہ ہی نظر آ رہا ہے ۔۔۔۔”قاسم کی والدہ فاریہ کے پاس گئیں اور قاسم کی کمر پر ایک دھموکا مارا

“کیوں پریشان کر رہے ہو میری بیٹی کو ۔۔۔۔تم ٹھیک ہو فاریہ ۔۔۔یہ دیکھوں کتنا پیارا اور خوبصورت بیٹا اللہ نے تمہیں دیا ہے ۔۔۔۔۔

“لیکن قاسم تو کہہ رہا ہے ۔۔۔۔۔”

“کس کی باتوں کا اعتبار کر رہی ہو تم ۔۔۔۔”مہک بھی فاریہ کے پاس پہنچ کر بولی ۔۔۔۔

“یعنی کے میں زندہ ہوں ۔۔۔۔۔قاسم مجھے بیوقوف بنا رہا تھا ۔۔۔۔”

“چلو شکر ہے ایک ہی بچے کے بعد تمہیں سمجھ آ گئ ورنہ میں تو سمجھا تھا چار پانچ بچوں کے بعد سمجھو گئ میرے مزاج کو ۔۔۔۔میں نے تم سے کہا تھا کہ میرے اعمال اتنے نیک نہیں ہیں “۔۔۔قاسم اب بھی آنکھوں میں شوخی لئے فاریہ کو زچ کرنے میں مصروف تھا ۔۔۔۔۔میں اور ماہم بھی انکے پاس ہی پہنچ گئے ۔۔۔

“کبھی تو سنجیدہ بھی جو جایا کرو ۔۔۔اب باپ بن چکے ہو ۔۔۔۔”میں نے قاسم کی کمر پر تھپکی لگائی ۔۔۔۔پھر اسکو گلے لگایا ۔۔۔مبارک باد دی

“تمہیں بھی مبارک ہو ۔۔۔۔آخر تم بھی سسر کے درجے پر فائز ہو چکے ہو ۔۔۔۔”گلے لگے ہوئے قاسم نے میرے کان میں سرگوشی میں کہا ۔۔۔۔میں پیچھے ہٹ کر سے خشمگین نظروں سے دیکھنے لگا ۔۔۔۔

ماہم نے فاریہ کی خیریت ہی پوچھیں پھر قاسم کی والدہ کی گود سے بچے کو گود میں لئے سامنے رکھی کرسی پر بیٹھ گئ ۔۔۔۔اپنی انگلیوں سے اسکے نازک سے چہرے کو چھونے لگی مسکرانے لگی اسکے ننھے منے ہاتھ پکڑ کر دیکھنے لگی ۔۔۔

“فاریہ کتنا چھوٹا سا ہے یہ ۔۔۔”فرط محبت سے اسکا چہرہ چمک رہا تھا

“بچے تو اتنے چھوٹے ہی ہوتے ہیں بیٹا ۔۔۔۔۔”قاسم کی والدہ نے ماہم سے کہا

“آنٹی میں اسے پیار کر لوں “ماہم قاسم کی والدہ سے پوچھنے لگی ۔۔۔۔”

“ارے کیوں نہیں بھابی ۔۔۔یہ بھی کوئی پوچھنے کی بات ہے ۔۔۔۔یہ بھی آپکا اپنا ہی بیٹا ہے ۔۔۔۔”قاسم کے کہنے پر ماہم اس بچے کے نازک سے ہاتھ کو چومنے لگی ۔۔۔۔

“دیکھو ۔۔۔کتنا خیال ہے انہیں اپنے داماد کا ۔۔۔۔ساس ہو تو ایسی “قاسم کی بے تکی ہانکنے پر میں نے اسے گھور کر دیکھا

“بکو مت ۔۔۔۔شرم تو شاید بیچ لگائی کے تم نے ۔۔۔اور اتنے نکمے شخص کو میں اپنی بیٹی نہیں دینے والا ۔۔۔منہ دھو کر رکھو اپنا “میں نے گھورتے ہوئے کہا

“میری جان منہ دھونے کی کیا بات کرتے ہو ۔۔۔۔ پورا نہا دھو کر آؤں گا اپنے بیٹے کی بارات لیکر ۔۔۔۔”

“تم تو ایسے کہہ رہے ہو جیسے مجھے بیٹی ہی ہو گی”

“سو فیصد بیٹی ہو گی ۔۔۔۔انشااللہ “قاسم یقین سے بولا ۔۔۔۔

گھر آ کر بھی رات کو ماہم قاسم کے بیٹے کے بارے میں ہی باتیں کرتی رہی ۔۔۔۔۔اسے اب بے صبری سے اپنے بچے کا انتظار تھا ۔۔۔۔جو چند ماہ بعد وہ بھی ختم ہو گیا ۔۔۔۔۔ماہم کو میں مما اور پاپا کے ہمراہ ہی ہاسپٹل لے کر گیا تھا ۔۔۔۔۔رات کاوقت تھا اس لئے مہک اور کامران کو جگانا مناسب نہیں۔ سمجھا ۔۔۔۔لیکن ابھی ماہم کا آپریشن ہو ہی رہا تھا جب کامران اور مہک بھی ہاسپٹل میں داخل ہوئے ۔۔۔۔مہک کوفت زدہ منہ بنائے کرسی پر بیٹھ گئ جیسے زبردستی گہری نیند سے جاگی ہو ۔۔۔۔۔ کامران البتہ متفکر سا لگ رہا تھا ۔۔۔کچھ ہی دیر میں آپریشن تھیٹر سے ڈاکٹر باہر آئی ساتھ ہی نرس ایک ننھے منے وجود کے ساتھ باہر مسکراتی ہوئی نکلی ۔۔۔۔

“مبارک ہو مسٹر عفان ۔۔۔بیٹا ہوا ہے “نرس نے آ کر بتایا سب سے پہلے پاپا نے اسے گود میں لیا ۔۔۔۔مجھے ماہم کی فکر تھی اس لئے نرس سے ماہم کا پوچھنے لگا۔۔۔۔

باری باری سب نے ہی اسے گود میں لیا۔۔۔۔پاپا نے اسکے کان میں آذان دی ۔۔۔۔پھر عمر مما کی گود میں دے کر مجھے گلے لگا کر مبارک باد دی۔۔۔خلاف توقع کامران بھی خوش تھا مجھ سے گلے ملا ۔۔۔۔پھر عمر کو گود میں لیکر پیار کرنے لگا ۔۔۔۔

“عفان کیا نام سوچا ہے میرے ہوتے کا ‘”پاپا نے مجھ سے پوچھا

“پاپا وہ آپ رکھیں گئے یہ حق آپ کا اور مما کا ہے ۔۔۔میں نے اور ماہم نے سوچا تک نہیں ہے “میں نے مسکرا کر پاپا سے کہااور سچ بھی یہی تھا ۔۔۔شروع سے ہی یہی طے تھا کہ بیٹا ہو یا بیٹی نام ۔۔۔مما پاپا ہی رکھیں گئے ۔۔۔۔

“پاپا اگر آپ اور عفان برا منائیں تو اس کا نام میں رکھ دوں پلیز ۔۔۔”کامران کی فرمائش مجھے عجیب سی لگی مگر اسکے لہجے میں اتنی لجاجت تھی کہ میں نے برجستہ پاپا کی طرف دیکھا جن کے چہرے پر کامران کی بات سن کر ابھی تک حیرانی تھی۔۔۔پھر نا جانے کیوں مجھ سے انکار نہیں ہو پایا ۔۔۔۔۔

“رکھ لیں بھائی ۔۔۔آپ تایا ہیں اس کے “میں نے خوشدلی کا مظاہرہ کیا ۔۔کامران کا چہرہ کھل سا گیا وہ ایسے خوش تھا جیسے نا جانے کون سی بڑی خوشی اسے مل گئ ہو

“تھیک یو عفان ۔۔۔ورنہ مجھے لگا تھا یہ حق تم مجھے کبھی نہیں دو گئے ۔۔۔۔”

‘”بھائی آپ جو چاہے اس کا نام رکھ دیں “

“عمر ۔۔۔۔۔عمر عفان ۔۔۔یہ نام بہت پسند ہے مجھے ۔۔۔عفان جب میرا بچہ ہو گا تو بے شک اس کا نام تم رکھ لینا مجھے کوئی اعتراض نہیں ہوگا ‘”کامران نے عمر کا گال چومتے ہوئے اسکا نام بتایا اور مہک کی گود میں دے دیا ۔پھر مجھے سے کہنے لگا کہ اسکے بچے کا نام میں رکھ دوں کامران واقع بدل چکا تھا جو غرور گھمنڈ ہر وقت اسکے چہرے پر رہتا تھا اب اسکا شائبہ تک اسکے چہرے پر نہیں تھا ۔۔۔پاپا ممابھی کامران کے رویے سے خوش تھے ۔۔۔۔کچھ ہی دیر میں ماہم کو کمرے میں شفٹ کر دیا گیا وہ اب بھی بے ہوش تھی ۔۔۔۔میں اور مما وہیں ہاسپٹل میں رکے تھے ۔۔۔۔کامران مہک اور پاپا جا چکے تھے