Tadbeer by Umme Hani NovelR50414 Tadbeer Episode 60 (Part 1)

Tadbeer by Umme Hani

اسکے بعد وہی سب کچھ ہوا جسکی مجھے توقع تھی ۔۔۔۔عفان کے فون سے کال آئی تھی وہ ہاسپٹل میں تھا اور وہ بھی بہت کرٹیکل کنڈیشن میں ۔۔۔۔۔قاسم میں پاپا ماہم سب ہاسپٹل پہنچے پورے راستے ماہم روتی رہی اور میرے تو ہاتھ پاؤں پھولنے لگے تھے میں بار بار اپنا پسینہ پونچ رہا تھا ۔۔۔۔۔ہاسپٹل پہنچ کر ہم تیزی سے ایمرجنسی وارڈ میں ہی گئے تھے عفان کو خون سے لت پت دیکھ کر میرادل دھل سا گیا تھا ۔۔۔۔مجھے اپنے کیے پر بری طرح پچھتاوا سا ہونے لگا ۔۔۔

یہ کیا کردیا میں نے میرا بھائی تھا عفان ۔۔۔۔۔عفان۔۔۔ عفان اسڑیچر پر بے ہوش لیٹا ہوا تھا میں اسے قریب ہو کر پھوٹ پھوٹ کر رونے لگا اسوقت نا میرے آنسوں جھوٹے تھے نا میری تکلیف کوئی ڈرامہ ۔۔۔۔قاسم مجھے گلے لگا کر تسلی دینے لگا پاپا کی اپنی حالت ابتر تھی ۔۔۔۔ماہم بلکل گم صم کھڑی تھی نا رو رہی تھی نا بول رہی تھی بس ایک ٹک عفان کو دیکھے جا رہی تھی ۔۔۔۔۔میں پاپا کو سنبھالنے لگا ۔۔۔۔قاسم ڈاکٹر سے بات کررہا تھا ۔۔۔۔میں نے پاپا کو کوریڈور میں رکھی کرسیوں میں سے ایک پر بیٹھایا

“پاپا پلیز حوصلہ کریں کچھ نہیں ہو گا عفان کو” ۔۔۔۔میں اپنے آنسوں صاف کرتے ہوئے پاپا کو تسلی دینے لگا

“کامران میری تو کمر ہی ٹوٹ چکی ہے ۔۔۔مجھ میں اپنے بیٹا کا دکھ برداشت کرنے کی سکت بلکل نہیں ہے ۔۔۔۔اے میرے مالک میرے بیٹے کو بچا لے کوئی معجزہ ہی کر دے ۔۔۔۔تیرے لئے کون سا نا ممکن ہے ۔۔۔۔۔مجھے میرے جیتے جی ایسا دکھ مت دکھا “۔۔۔۔۔پاپا ہاتھ جوڑے گریا وزاری میں مشغول ہوگئے میں ماہم کے پاس آیا جو ابھی بھی بت بنی کھڑی تھی

“ماہم” ۔۔۔۔۔میرے پکارنے پر بھی وہ ہلی نہیں نا اپنی آنکھیں جھپکائیں

“ماہم ہوش میں آؤں” ۔۔۔۔میں نے کچھ بلند لہجے میں بولا مگر وہ پھر بھی ویسے ہی کھڑی رہی ۔۔۔۔۔۔عفان کو اب آپریشن تھیٹر میں لے جا رہے تھے اسڑیچر پر عفان بے ہوش خون میں نہایا ہوا تھا ۔۔۔۔۔۔ماہم کی نظریں صرف عفان پر تھیں۔۔۔جیسے ہی آ پریشن تھیٹر کا دروازہ بند ہوا ۔۔۔۔ماہم چونک گئ ۔۔۔۔پھر لمبے لمبے سانس لینے لگی جیسے ہوش میں آئی ہو ۔۔۔پورے کوریڈور کو دیکھنے لگی ۔۔۔۔میں اس کے قریب آ گیا ۔۔۔

“ماہم “

“ع۔۔۔عفان ۔۔۔۔کہاں ہے عفان “۔۔۔۔وہ بری طرح ہانپ رہی تھی

“آپریشن ہو رہا ہے اس کا تم پلیز بیٹھ جاؤں” میری بات تو شاید وہ سن ہی نہیں رہی تھی

“عفان تم میرے ساتھ ایسا نہیں۔ کر سکتے ۔۔۔۔تم نے کہا تم مجھے کبھی چھوڑ کر نہیں جاؤں گئے ۔۔۔۔۔کیسے جا سکتے ہو ۔۔۔۔۔کیسے جا سکتے ہو تم۔۔۔۔پلیز لوٹ آؤ تمہاری ماہی تمہارے بغیر نہیں جی سکتی “۔۔۔۔اب وہ رونے لگی تھی ۔۔۔۔۔اسے یوں روتا دیکھ کر میرادل کٹنے لگا ۔۔۔..میں اندر سے نادم ہونے لگا

“ماہم “۔۔۔۔میں نے ماہم کابازو پکڑنا چاہا تاکہ اسے کرسی پر بیٹھاسکوں ۔۔۔۔مگر اسنے مجھے خود کو چھونے بھی دیا

“پیچھے رہو مجھ سے” ۔۔۔۔۔وہ جھٹکے سے پیچھے ہٹ گئ

“۔عفان ” ماہم دوڑ کر آپریشن روم کے سامنے کھڑی ہو گئ ۔۔۔۔قاسم وہیں کھڑا تھا ۔۔۔اس نے ماہم کو دورازے کے پاس سے پیچھے کردیا

“بھابی پلیز ہوش سے کام لیں ۔۔۔۔”

“قاسم بھائی میرا عفان اندر ہے ۔۔۔۔۔بہت خون بہہ چکا ہے اس کا ۔۔۔۔وہ بے ہوش تھا قاسم بھائی ۔۔۔۔مجھے اندر جانا ہے ۔۔۔۔۔میں اسکے پاس جا کر اسے پکاروں گی تو ہوش آ جائے گا اسے ۔۔۔۔۔فورا سے اٹھ بیٹھے گا ۔۔۔۔میں اسے کہو گی کہ عفان میں ….میں ناراض ہوں تم سے تو ۔۔۔۔اٹھ بیٹھے گا وہ ۔۔۔۔میری ناراضگی نہیں برداشت کرسکے گا ۔۔۔۔۔اٹھ جائے گا مجھے جانے دیں اندر ۔۔۔۔وہ ہوش میں نہیں ہے ۔وہ ہوش میں کیوں نہیں ہے ۔۔۔۔” وہ بلک بلک کر رونے لگی ۔۔۔قاسم اسکی باتوں سن کر رونے لگا ۔۔۔۔۔میں اور پاپا ماہم کے پاس چلے آئے پاپا نے ماہم اپنے ساتھ لگا لیا اب وہ بے تحاشہ رونے لگی تھی

“پاپا عفان میرے ساتھ ایسا نہیں کر سکتا ۔۔۔۔۔مجھے یوں چھوڑ کے نہیں جا سکتا ۔۔۔۔۔۔۔۔۔وہ ٹھیک تو ہو جائے گا نا ۔۔۔۔بولیں نا پاپا ۔۔۔۔میراعفان ٹھیک ہو جائے گا نا ۔۔۔۔”وہ اب پاپا کو جھنجھوڑتے ہوئے بولی

“ہاں ماہم ٹھیک ہو جائے گا عفان ۔۔۔۔کچھ نہیں ہو گا اسے آوں میرے ساتھ” ۔۔۔۔پاپا ماہم کو ساتھ لگائے ۔۔۔۔ایک کرسی پر بیٹھ گئے اور ماہم کو اپنے ساتھ بیٹھا لیا ۔۔۔۔

“دعا کرو بٹیا اسوقت صرف دعا ہی عفان کو بچا سکتی ہے “۔۔۔۔۔پاپا کی آنکھوں سے آنسوں تواتر سے بہہ رہے تھے ۔۔۔۔۔۔ماہم اب آنکھیں بند کیے سسک رہی تھی شاید دل ہی دل میں عفان کی زندگی کے لئے دعا گو تھی ۔۔۔۔۔۔

کچھ ہی دیر میں عفان کہ ٹانگ کا آپریشن ہو گیا سر پر گہری چوٹیں تھیں ۔۔۔۔خون بھی بہت بہہ چکا تھا ڈاکٹر اسکی ظاہری چوٹوں کاعلاج تو کر رہے تھے مگر اسے ہوش میں لائے میں بے بس تھے ۔۔۔۔۔اور عفان کے لئے کچھ پرامید بھی نا تھے ۔۔۔۔بس ایک اسکی دھڑکنیں ہی باقی تھیں ۔۔۔۔

رات کافی گزر چکی تھی گھر سے بار بار مما اور مہک کی کال پےکال آ رہیں تھیں میں مسلسل انہیں ڈسکنکٹ کر رہا تھا ۔۔۔۔پاپا کے استفسار پر میں نے بتایا کہ مہک کہ کال ہے

“کامران رات بہت ہو چکی ہے تم ماہم کو لیکر گھر جاوں ۔۔۔۔میں ہوں عفان کے پاس” پاپا کی بات پر ماہم نے فورا نفی میں سر ہلایا

“نہیں پاپا میں کہیں نہیں جاؤں گی عفان کوابھی ہوش آ جائے گا ۔۔۔۔مجھے معلوم ہے وہ مجھے ہی ڈھونڈے گا ۔۔۔۔۔میں ہر گز کہیں نہیں جاؤں گی “

“ماہم صحیح کہہ رہی پاپا ۔۔۔میں بھی گھر نہیں جا سکتا ۔۔۔۔میرا دل بھی اس وقت کہیں جانے کو نہیں کر رہا تھا”

“کامران تم گھر جاوں اور صفیہ کو تسلی دو اسے کہنا کہ عفان ٹھیک ہے ورنہ وہ بے چین ہی رہےگی ۔۔۔۔صبح اپنے ساتھ اپنی ماں کو لے آنا ۔۔۔۔میں اور ماہم ہیں یہاں۔۔۔۔” پاپا تھکے تھکے سے بول رہے تھے …..

“میں یہاں رک جاتا ہو۔ پاپا۔۔۔۔آپکو آرام کی ضرورت ہے”میرے آنسوں تواتر سے بہہ رہے تھے

“نہیں مجھے گھر پرچین نہیں آئےگا۔۔۔۔تم جاؤں”پاپا نے اپنے آنسوں پونچنے ہوئے کہا “قاسم بھی رات وہیں رک رہا تھامیں مرے مرے قدموں سے گاڑی۔میں بیٹھ گیا ۔۔۔۔میرے اندر احساس۔ ندامت جاگ اٹھا

“کاش کے وقت کچھ پیچھے کو پلٹ جائے ۔۔۔۔کاش میں اتنابڑا قدم نا اٹھاتا ۔اتنی بے رحمی سے کام نا لیتا ۔۔عفان میرا بھائی “۔۔۔۔۔میں اسٹیرنگ پکڑے اپنی پیشانی اسٹیرنگ پر مار نے لگا ۔۔۔۔رونےلگا ۔۔۔۔عفان کی پچھلی گزری ہوئی باتیں یاد آنے لگیں

” بھائی آپ کومیری یہ شرٹ اتنی پسند ہے تو آپ رکھ لیں ۔۔۔۔۔”ایک بار مجھے عفان کی پہنی ہوئی شرٹ بہت پسند آگئ تھی میں نے تعریف کی تو وہ فورا سے دینے کو تیار ہو گیا

“ارے نہیں عفان تم تو جانتے ہو کہ میں کسی کی اترن نہیں پہنتا “۔۔۔۔

مجھے نہیں یاد کہ کبھی میں نے عفان سے کچھ مانگا ہو ۔۔۔۔اور اس نے انکار کیا ہو ۔۔۔۔مجھے اپنی اس حرکت پر بے حد قلق تھا جو میں آج سرزد کربیٹھا تھا ۔۔۔۔میں نے پوری ڈرائیو آنسوں بہاتے ہوئے کی تھی ۔۔۔۔مما اور مہک داخلی دروازے پر ہی میری منتظر تھیں ۔۔۔۔۔گھر اب بھی برقی قمقموں سے سجا ہوا تھا لان میں جگہ جگہ کرسیاں بکھری پڑیں تھیں کہیں خالی بوتلیں جوس کے خالی گلاس ۔۔۔۔ ۔۔۔۔۔اب بھی پورا لان دلہن کی طرح سجا ہوا تھا مگر اب نا تو لوگوں کی رونق موجود تھی نا کھانا۔۔۔نا ہنسی مزاق کی آوازیں۔۔۔۔۔بس کاٹ کھانے والی خاموشی تھی میرا دل پھر سے کٹنے لگا ۔۔۔۔مجھے اپنے اندر اتنی گھٹن محسوس ہونے لگی کہ ابھی میرا دم نکل جائے گا میں کھنچ کھنچ کر سانس لینے لگا ۔۔۔مما مجھ سے بار بار عفان کا پوچھ رہیں تھیں ۔۔۔۔اور میں خالی خالی اس سجے ہوئے لان کو دیکھ رہا تھا ۔۔۔۔کیسے ایک پل میں میرے سفاک فیصلے نے خوشیوں کو آہوں اور سسکیوں میں بدل دیا تھا ۔۔۔۔۔

“چپ کیوں ہوکامران بتاؤں میراعفان ٹھیک تو ہے ۔۔۔۔مجھے لےچلواس کے پاس” ۔۔۔۔۔مما روتے ہوئے کہنے لگیں

“مما اس کا آپریشن کامیاب ہوا ہے ۔۔۔۔ش۔۔شاید صبح تک ہوش آجائے میں صبح آپکولےجاوں گا ۔۔۔”۔۔میری زبان بار بار اس جھوٹ پر لڑکھڑارہی تھی ۔۔۔۔مجھے اپنے قدموں پر منوں وزن محسوس ہو رہا تھا۔۔۔۔میں مجرم تھا یہ احساس پوری طرح مجھے جکڑے ہوئے تھا ۔۔۔۔میں نے مما کو تسلی دی اپنے ساتھ بھی لگایا ۔۔۔۔

مگر کمرے میں آتے ہی میرے سارے ضبط ٹوٹ گئے ۔۔۔۔۔مشعل اور عمر میرے ہی بیڈ پرسو رہے تھے ۔۔۔۔میں بے جان جسم کو لاش کی طرح گھسیٹتا ہوا بیڈ پر دھےگیا پھر میرے آنسوں نہیں رکے میں سسک سسک کر رونے لگا۔۔۔۔۔مجھے اپنی ہتھیلیوں میں خون نظر آنے لگا ۔۔۔۔۔کیا میں واقع اتنا بے حس ہوں خود غرض ہوں۔۔۔۔۔ مہک باہر بہت دیر تک مما کے پاس ہی بیٹھی رہی کافی دیر بعد کمرے میں داخل ہوئی مجھے روتا دیکھ کر مجھے تسلی دینے لگی

“کامران پلیز حوصلہ کرو ۔۔۔۔۔ٹھیک ہو جائے گا سب ۔۔”۔۔

“مہک ۔۔۔۔۔مہک ۔۔۔۔۔مجھ سے ماہم کے آنسوں دیکھے نہیں جا رہے تھے وہ بہت رورہی تھی ۔۔۔۔۔تڑپ رہی تھی ۔۔۔۔۔بے حال ہو رہی تھی مہک ۔”۔۔۔۔۔۔میں کس کرب میں تھا یہ میں کسی سے بیان نہیں کر سکتا تھا

“ظاہر ہے اس کا دکھ ہی اتنا بڑا ہے ۔۔۔۔۔اس کے دکھ کا مداوا دنیا کی کوئی شے نہیں کر سکتی ۔۔۔بس اللہ کرے عفان ٹھیک ہو جائے ۔”۔۔۔۔مہک بھی کافی رنجیدہ اور آفسردہ تھی ۔

۔۔۔میں سونے کے لئے لیٹ گیا ۔۔۔۔۔مگر آج تو نیند ایک پل کے لیے نہیں آئی ۔۔۔۔۔۔اضطراب بے چینی کرب مجھے چین نہیں لینے دے رہے تھے ۔۔۔۔۔میں بار بار گھڑی پر گزرتے وقت کو دیکھتا جو بہت ہی سست روی سے گزر رہا تھا رات کی طوالت بڑھ کر صدیوں پر محیط ہوتی جارہی تھی ۔۔۔۔مجھے پل بھر بھی چین نہیں تھا ۔۔۔۔ضمیر کی عدالت بہت کھٹن ہوتی ہے ۔۔۔۔کیونکہ انسان وہاں جھوٹ نہیں بول سکتا ۔۔۔۔اور میں خود کو اس وقت وہیں کہڑے پر کھڑا محسوس کر رہا تھا ۔۔۔۔۔وہاں میں مجرم تھا ۔۔۔۔اپنے ہی بھائی کے قتل کا ارتکاب کر چکا تھا ۔۔۔۔۔جہاں میں پھانسی کا حقدار تھا ۔۔۔۔یہ سوچتے ہی آنسوں کاگولا مجھے اپنے حلق میں پھنستا ہوا محسوس ہوا مجھے لگا میرے گلے پر کسی نے پھندا ڈال دیا ہے اور ہر گزرتے پل کے ساتھ اسکی گرفت سخت ہوتی جا رہی ہے یہاں تک کہ مجھے اپنا گلا گھٹتا ہوا محسوس ہونے لگا ۔۔۔۔۔خوف کے مارے میرے جسم کے مساموں سے پسینہ پھوٹنے لگا ۔۔۔۔میں اٹھ کر بیٹھ گیا ۔۔۔۔سامنے وال کلاک ابھی بھی صرف چار بجا رہی تھی مہک سو رہی تھی ۔۔۔۔مشعل بھی مہک کے بازو پر لیٹی بلکل مہک سے سینے سے لگی بے خبر سوئی ہوئی تھی عمر میرے برابر میں سورہا تھا ۔۔۔۔شاید ماں کی ممتا کی نرماہٹ کی اسےاس وقت اسے ضرورت تھی ۔۔۔۔وہ سوئے ہوئے اچانک سے جھٹکے سے ہلنے لگتا پھر کروٹ لیکر اپنی چھوٹی چھوٹی ہتھیلیوں کو بیڈ پر پھیرنے لگتا پھر نیند کے غلبے میں کچھ ڈھونڈنے لگتاشاید ماہم کو ڈھونڈ رہا تھا تا کہ اسکی ماں اسے سینے سے لگا لے تا کہ وہ ہرخوف سے امان میں آ جائے ۔۔۔۔کتںا ظالم ہوں میں میں نے عمر کے بارے میں بھی نہیں سوچا ۔۔۔۔۔تڑپ کر میرے ہونٹوں سے سسکی نکلی ۔۔۔۔ایک طویل تکلیف دہ سانس سینے سے با مشکل کھنچ کر میں نے خارج کیا ۔۔۔۔۔۔پھر عمر کی طرف کروٹ لے کر اسے اپنے سینے سے لگا لیا ۔۔۔۔نیند میں عمر نے میری شرٹ کے بٹن کو کس کے اپنی مٹھی میں لے لیا ۔۔۔۔۔اور ایک اطمینان سااسکے معصوم سے چہرے پر پھیل گیا ۔۔۔۔۔میرے دل سے اپنے گناہ کا بوجھ سرکنے لگا تھا

میں ہوں نا ۔۔۔۔۔کبھی عمر کو عفان کی کمی محسوس نہیں ہونے دونگا ۔۔۔۔۔۔میں خود کو مطمئن کرنے لگا اپنی اتنے بڑے گناہ کو تسلی تشنگی کے پردوں سے لپٹنے لگا ۔۔۔۔ انسان اپنے معاملے میں سب سے بڑاوکیل خود ہوتا ہے اپنے ہر برے عمل پر دلیلوں سے خود کو ہمیشہ بے قصور ثابت کر کے مطمئن ہو ہی جاتا ہے ۔۔۔۔۔اور وہی میں کر رہا تھا ۔۔۔۔۔

صبح میں مما کواپنے ساتھ ہاسپٹل لے گیا ۔۔۔۔اور مہک کو عمر کا خیال رکھنے کی خاص تاکید کر کے گیا تھا ۔۔۔۔۔حالانکہ مہک نے کبھی مشعل اور عمر میں فرق کیا ہی نہیں تھا ۔۔۔۔۔مجھے پورے راستے سے ماہم کی ہی فکر تھی ۔۔۔۔۔ہاسپٹل کے پارکنگ ایریا میں گاڑی پارک کی مما کو لیکر آئی سی یو کی طرف چلنے لگا ۔۔۔۔۔

کامران عفان ٹھیک تو ہے نا ۔۔۔۔بات تو کر رہا ہے نا اسے ذیادہ چوٹیں تو نہیں آئیں۔۔۔۔۔۔ مما میرے ساتھ چلتے ہوئے مسلسل عفان کے بارے میں پوچھے جا رہیں تھی مگر ۔میں خاموش تھا کہتا بھی کیا ان سے کے عفان اسوقت نیم مردہ حالت میں ہے ۔۔۔۔۔ہاسپٹل کی لابی کو عبور کرتے ہی کوریڈور شروع ہو جاتا تھا جس کے اطراف میں پرائیویٹ روم اورجنرل وارڈ تھے اور کوریڈور کے آخر میں دائیں جانب ہی ای سی یو تھا پاپا اور ماہم وہیں کرسیوں میں بیٹھے تھے ماہم ابھی بھی رو رہی تھی ۔۔۔۔اسکی آنکھیں بری طرح سوجی اور سرخ ہو رہیں تھیں مما کو دیکھتے ہی وہ بھاگ کر مما کے گلے لگ گئ۔۔۔۔

“مما ۔۔۔۔مما عفان اٹھ نہیں رہا ہے۔۔۔۔۔اسے کہیں نا وہ اپنی آنکھیں کھولے اسے کہیں مجھ سے بات کرے ۔۔۔۔مما آپ کی بات نہیں ٹالتا ہے وہ اسے کہیں ۔۔۔۔۔۔۔وہ “۔۔۔۔۔۔ماہم پھر سے رونے لگی ۔۔۔پاپا بھی مغموم سے مما کے پاس کھڑے ہو گئے ۔۔۔۔تسلی کے چند لفظ بھی انکے پاس نہیں تھے جو وہ مما سے کہتے۔۔۔۔مما نے پاپا کی طرف دیکھ کر سوالوں کا سلسلہ شروع کر دیا

“رضا عفان کو ہوش آیا ۔۔۔۔کب آئے گا ۔۔۔ڈاکٹر کیا کہ رہے ہیں ۔۔۔۔بتائیے نا رضا ۔۔۔میرا بیٹا ٹھیک تو ہو جائے گا نا”… مما پے در پے پاپا سے سوال کرنے لگی

پاپا کے مایوس اور جھکے ہوئے چہرے کو دیکھ کر مما رونے لگیں ۔۔۔۔ماہم مماسے پیچھے ہٹ گئ۔۔۔۔۔مما پاپا کے سامنے کھڑی ہو گئیں ۔۔۔۔

“آپ چپ کیوں ہیں رضا ۔۔۔۔بتاتے کیوں نہیں ہوش آ رہا اسے ڈاکٹر کیا کہہ رہے ہیں ۔۔۔۔کب آئے گا عفان کو ہوش “

” خود کو سنبھالو صفیہ ۔۔۔۔ہمت سے کام لو” ۔۔۔۔مما بری طرح رونے لگیں

“نہیں رضا ۔۔۔۔نہیں ۔۔۔۔ مجھ سے کچھ ایسا مت کہیے گا۔۔۔۔جو برداشت کرنے کا مجھ میں حوصلہ نہیں ہے ۔۔۔۔۔بس آپ کہہ دیجیے کہ عفان ٹھیک ہے” ۔۔۔۔مما کے ساتھ ماہم بھی بلک بلک کر رو رہی تھی

“ہاں صفیہ وہ ٹھیک ہے ۔۔۔۔۔لیکن ہوش میں نہیں آ رہا “۔۔۔۔ڈاکٹر اپنی پوری کوشش کر رہے ہیں بس تم دعا کرو۔۔۔۔

“میرا تو رواں دواں اسکے لئے دعا گو ہے رضا ۔۔۔۔”

“بس دعاؤں کی ہی ضرورت ہے اسے “

********……….************

تین دن یونہی گزر گئے کبھی مما ماہم کے پاس ہاسپٹل رک جاتیں کبھی پاپا ۔۔۔مگر ماہم ایک بار بھی گھر نہیں گئ تھی بہت دفعہ پاپا مما نے کہا کہ وہ چند گھنٹے کے لئے ہی آرام کر لے مگر وہ مانتی ہی نہیں تھی ہر بات پر بس یہی ایک جواب اسکے پاس ہوتا کہ عفان کو ہوش آ جائے گا تواسی کے ساتھ گھر جاوں گی ۔۔۔۔۔ ۔۔۔۔بس وہیں ای سی یو کے باہر بیٹھی روتی رہتی ۔۔۔۔۔مہک کو میں اپنے ساتھ ہاسپٹل لے آیا تھا تا کہ وہ ماہم کو سمجھائے ۔۔۔۔ناوہ ٹھیک سے کچھ کھا رہی تھی ۔۔۔نا آرام کرنے کو تیار تھی ۔۔۔۔اسکا یوں عفان کے لئے پل پل تڑپنا رونا بلکنا ۔۔۔۔مجھے اندر ہی اندر سے بے قرار کیے ہوئے تھا ۔۔۔۔وہ کیوں عفان کے لئے گھل رہی تھی۔۔۔۔پل پل مر رہی تھی ۔۔۔۔۔کیوں کرتی تھی اس سے اتنی محبت کے خود پر آرام نیند کھانا پینا سب ہی حرام کر رکھا تھا ۔۔۔۔۔مہک نے بھی ماہم کو بہت سمجھایا

“ماہم پلیز گھر جا کر آرام کر لوکپڑے چینج کرو تین دن سے تم اسی ساڑھی میں ہو ۔۔۔۔فرش ہو کر بے شک واپس آ جانا “

“نہیں بھابی ۔۔۔۔۔عفان ناراض ہو گا مجھ سے ۔۔۔۔اس نے اپنی پسند سے مجھے یہ ساڑھی لا کردی تھی اور خاص تاکید کی تھی ۔۔۔کہ جب تک وہ مجھے جی بھر کے دیکھ نا لے میں چینج نہیں کرونگی اور ابھی تواس نے مجھے یونہی پل بھر کے لئے بھی دیکھا ہی نہیں ہے ۔۔۔۔۔۔بھابی عفان نے کہا تھا کہ اگر اس بار میں نے اسکی بات نہیں مانی وہ بہت ناراض ہو گا مجھ سے میرے منانے پر بھی نہیں مانے گا نہیں ۔۔۔میں نہیں بدلو گی جب تک وہ دیکھ نہیں لے گا میں کہیں نہیں جاؤں گی “۔۔۔۔۔۔۔مہک اسکی بات سن کر رونے لگی ۔۔۔۔

ماہم کی ذہنی حالت پر مجھے خوف آنے لگا اگر وہ یہیں رہی تو کہیں پاگل ہی نا ہو جائے ۔۔۔۔۔

رات کو میں نے مما اور پاپا دونوں کو زبردستی گھر بھیج دیا ۔۔۔۔غم اور تھکن نے انہیں مضمحل کر کے رکھ دیا تھا ۔۔۔۔۔ماہم کرسی پر بیٹھی آس پاس سے بے خبر۔۔۔۔۔روتے ہوئے آنکھیں بند تھیں بس ہونٹ ہل رہے تھے ۔۔۔۔ شاید دعا ہی میں مشغول تھی ۔۔۔۔میں اسکی برابر والی کرسی پر بیٹھ گیا ۔۔۔۔۔۔اسکی آنکھوں کے پپوٹے سوجے ہوئے تھے مسلسل رونے کے باعث ناک اور آنکھیں سرخ ہو رہیں تھیں چہرہ چند ہی دنوں کملا سا گیا تھا لگتا تھا صدیوں کی بیمار ہو ۔۔۔ کچھ دیر اسکے ستے ہوئے چہرے کو دیکھتا رہا اندر ایک درد کی ٹھیس سی اٹھی ۔۔

۔میں نے گلا کھنکھار کر اپنی موجودگی کا احساس دلایا ۔۔۔ماہم نے آنکھیں کھول کر میری طرف گردن گھما کردیکھا مجھے اپنے پاس بیٹھا دیکھ کر وہ سٹپٹا سی گئ کچھ کھسک کر کرسی کے کنارے پر ہوگئ پھر آس پاس نظریں گھما کردیکھنے لگی ۔۔۔

“پاپا کہاں ہیں “

“مما پاپا کو میں نے گھر بھیج دیا ہے ۔۔۔۔کہیں تھکن سے بیمار ہی نا ہو جائیں” ۔۔۔۔میرے لہجے میں نرمی اور اپنایت جیسے گھل سی گئ تھی

“آپ بھی چلے جاتے ۔۔۔۔یہاں رکنا کوئی ضروری نہیں تھا آپ کا” ۔۔۔۔۔وہ بے تاثر بولی

“تمہیں اکیلا چھوڑ دیتا ۔”۔۔۔میرا لہجہ خود ہی ترش ساہو گیا

‘میں اکیلی نہیں ہوں عفان ہے نا ۔۔۔میں رہ لیتی” ۔۔۔۔ماہم بھرائی ہوئی آواز سے کہا اسکی اس قسم کی باتوں سے میں زچ ہو چکا تھا مگر پھر بھی خود پر ضبط کر کے رساں سے بولا

“ماہم بے ہوش ہے وہ ۔۔۔۔تم سمجھ کیوں نہیں رہی ہو ۔۔۔۔دیکھو میری بات سمجھو ۔۔۔۔ہم سب پریشان ہیں مگر یہاں ہاسپٹل کی کرسی پر دن رات بیٹھے رہنا مسلے کا حل تو نہیں ہے ۔۔۔۔میں نے پرائیویٹ کمرہ لیا ہے ۔۔۔تم جاؤں اندر جا کر آرام کر لو “

“نہیں ۔۔۔۔عفان کو کسی وقت بھی ہوش آ جائے گا ۔۔۔۔میں یہاں رہوں گی تو فورا سے اس کے پاس چلی جاؤں گی ۔۔۔۔اور میں بلکل نہیں تھکی نیند بھی نہیں آ رہی “۔۔۔۔وہ کرسی پر سیدھی ہو کر بیٹھ گئ اور اپنی نیند سے بوجھل آنکھیں بھی مسلنے لگیں اسکی آنکھیں اسکی بات کی چغلی کھا رہیں تھیں

“حالت دیکھی ہے تم نے اپنی ۔۔۔۔رو رو کر حال کیا ہو گیا تمہارا ۔۔۔۔عفان کو اگر ہوش آ بھی گیا تو تمہیں اس حال میں دیکھ کر کتنا دکھ ہو گا اسے یہ سوچا ہے تم نے “۔۔۔۔میں کرب کی شدت سے بول رہا تھا شاید ماہم میری اس بات پر ہی اپنے بارے میں کچھ سوچے ۔۔۔میری بات پر بس پل بھر ہی میری طرف دیکھا ۔۔۔پھر نظروں کا زوایہ بدل لیا ۔۔۔۔۔

آنسوں پھر سے اسکی آنکھوں سے بہنے لگے

“یہ میرے بس میں کہاں ہیں کامران ۔۔۔۔مجھ میں اتنی طاقت نہیں ہے کہ اپنے آنسوں کو پر ضبط کا بند باندھو ۔۔۔۔عفان کو دیکھا تم نے اس کا پورا وجود سفید پٹیوں سے چھپا ہوا ہے ۔۔۔۔کیا یہ سب دیکھ کر مجھے نیند آ سکتی ہے ۔۔۔۔۔مجھے چین مل سکتا ہے کیا میں سو سکتی ہوں ۔ نہیں میں صرف اسکے لئے دعا کر سکتی ہو تڑپ سکتی ہو رو سکتی ہوں ۔۔۔میں نہیں جاتی ایکسڈنٹ میں غلطی کس کی تھی ۔۔۔۔۔مگر عفان بہت محتاط ڈرائیو کرتا ہے ۔۔۔۔میں نہیں جانتی کہ ایسا کیسے ہو گیا ۔۔۔۔لیکن نا چاہتے ہوئے بھی میرے دل سے روز اس شخص کے لئے بددعا نکلتی ہے جس کی وجہ سے میرے عفان کا یہ حال ہو گیا “۔۔۔۔ماہم کی بات پر میں اندر سےہل سا گیا تھا ۔۔۔۔

“کاش کامران وہ شخص میرے سامنے آ جائے میں اسے بھی اتنے ہی زخم دوں جتنے اس نے عفان کو دیے ۔۔۔اسے اتنا مارو کہ اسکی جان ہی لے لوں “۔۔۔

۔ماہم کی آنکھوں کے ڈورے غصے سے مزید سرخ ہونے لگے ۔۔۔۔وہ مٹھیاں بینچے دانت بینچے قہر آلود لہجے سے بولا رہی تھی ۔۔۔۔۔

ماہم کی باتوں پر میں اسقدد گھبرا گیا۔۔۔میری پیشانی عرق آلود سی ہو گئ ۔۔مجھ پر ۔بوکھلاہٹ سی طاری ہو گئ ۔پسینہ میری کنپٹوں سے بہنے لگا ۔۔مگر ماہم اسی کیفیت میں بولے جا رہی تھی

“میں اسے کبھی معاف نہیں۔ کروں گی ۔۔۔۔۔اللہ کرے وہ بھی ہمیشہ سکون اور چین کو ترستا رہے ۔۔۔۔ایک پل بھی اسے سکون میسر نا ہو اسے ایسا روگ لگ جائے اسے کہ نا جی سکے نا مر سکے اپنی آخری سانس تک اسی روگ میں مبتلہ رہے ” ۔۔۔ماہم کا لہجہ ایکدم ہی بلند ساہو گیا ۔۔۔اور وہ سسک کر رونے لگی ۔۔۔۔میں نے اپنی آستین سے ماتھے پر آنے والا پسینہ پونچا پل بھر لگا جیسے میرے اندر کی عدالت میں میرے سامنے کٹہرے پر کھڑی ماہم جج کے سامنے میری سزا تجویز کر رہی ہے ۔۔۔۔۔موت سے بھی بری سزا ۔۔۔بڑی مشکل سے میں نے خود پر قابو پایا ۔۔۔۔۔خود کو نارمل کمپوز کرنے کی کوشش کرنے لگا ۔۔۔ حالانکہ میرے دل کی جو کیفیت تھی میں ہی جانتا تھا

“ماہم ۔”۔۔۔

“پلیز کامران مجھے یہیں بیٹھنا ہے” ۔۔۔۔۔۔ماہم کے اٹل اور اسپاٹ انداز پر میں خاموش ہو گیا ۔۔۔۔

“اچھا ٹھیک ہے ۔۔۔۔پھر کچھ کھا تو لو ۔۔۔۔تم کچھ بھی ڈھنگ سے نہیں کھارہی ہو “۔۔۔۔

“بھوک نہیں ہے مجھے” ۔۔۔۔ماہم کا بے تاثر لہجہ مجھے اندر ہی اندر مضطرب کرنے لگا

‘چلو کافی تو پی سکتی ہو نا” ۔۔۔۔

“نہیں بس ایک کپ چائے پی لوں گی” ۔۔۔۔میں نے پر سکون سانس لی کہ شکر ہے وہ کسی بات پر تو راضی ہوئی ۔۔۔میں ہاسپٹل کی کیٹین سے ایک کپ چائے اور ایک کپ کافی لے آیا ۔۔۔ماہم نے چپ چاپ میرے ہاتھ سے چائے کا کپ لیا اور اپنے لبوں پر لگا لیا ۔۔۔اسکے بعد ماہم نے میری طرف دیکھا نا بات کی بس خاموشی سے چائے کے چھوٹے چھوٹے سپ لیتی رہی ۔۔۔۔ پوری رات وہیں کریسوں پر گزارنے گئ ۔۔۔۔

میں کرسی پر ٹیک لگائے سو چکا تھا صبح کی روشنی سے سامنے لگی کھڑی سے میرے منہ پر روشنی پڑی تو میری آنکھ کھل گئ۔۔۔میں۔ نے برابر میں دیکھا تو ماہم نہیں تھی سامنے شیشے پر نظر پڑی تو ماہم عفان سے پاس بیٹھی تھی اس کا ہاتھ تھامنے روتے ہوئے نا جانے کیا کہہ رہی تھی میں نے آئی ۔سی ۔یو کا دروازہ کھولا اندر ماہم کے سے کچھ فاصلے پر ہی تھا جب اسکی آوز پر ٹھٹک گیا ۔۔۔۔

“عفان آئی لو یو ۔۔۔۔اب تو اٹھ جاؤں ۔۔۔مجھے معلوم ہے تم یہ سب اسی لئے کر رہے ہو تا کہ مجھ سے یہ سن سکوں ۔۔۔مجھے پتہ تم ابھی اٹھ بیٹھوں گئے اور کہو گئے

“دیکھ لو ماہی میں نے کہا تھا عفان رضا تم سے اظہار کروا لے گا ۔۔۔۔پھر ہنسوں گئے مجھ پر ۔۔۔۔ تنگ کرو گئے ۔۔۔۔اٹھ جاؤں نا اب ۔۔۔۔۔تمہارے لئے اب تک میں نے چینج نہیں کیا ۔۔۔بتاوں نا کیسی لگ رہی ہوں میں ۔۔۔۔عفان اٹھوں نا ۔۔۔۔ ۔۔۔۔کچھ تو کہو ۔۔۔۔۔تمہاری چپ مجھے مار ڈالے گئ ۔۔۔۔”وہ سسکیاں لیکر پھر سے رونے لگی آنسوں میرے بھی گر رہے تھے میں نے عفان کی طرف دیکھا وہ بے سود پڑا ہوا تھا پورا جسم پٹیوں میں تھا سوائے اسکے چہرے کے۔۔۔۔جہاں اب بھی مسکراہٹ تھی ۔۔۔۔

“ہاں بھئ عفان تم بھی اپنی ڈیمانڈ بتا دو ۔۔۔یہ نا ہو کہ کمرے سامنے کھڑے ہو کر کچھ ایسا مانگ لو جو اسوقت دے نا سکوں “

” بیفکر رہیں بھائی میں آپکے راستے کی دیوار کبھی نہیں بنو گا ۔۔۔۔بس ماہم کو بہت خوش رکھیے گا ۔۔۔مجھے اور کچھ نہیں چاہیے “۔۔میری شادی کے موقع پر عفان کے الفاظ میرے کانوں میں کوڑے کی طرح برسنے لگے ماہم کی سسکیاں مجھے اذیت دینے لگیں میرے اعصاب چٹخنے لگے میں آئی سی یو سے باہر آ گیا ۔۔۔۔پھر وہیں گھٹن وہی اذیت ۔۔۔۔مجھے ایک پل۔ چین نہیں تھا ۔۔۔۔ناجانے لوگ کیسے ایک ساتھ اتنے قتل کر کے بھی مطمئن رہتے ہیں ۔۔۔۔مجھے تو اپنی جان سولی پر لٹکی ہوئی محسوس ہو رہی تھی ۔۔۔۔یا شاید پہلی بار اتنا بڑا گناہ کرنے پر سب کی یہی حالت ہوتی ہے ۔۔۔۔جیسے پہلی بار گناہ کرنے پر ۔۔انسان بے سکون ہو جاتا ہے ۔۔۔لیکن اللہ کی طرف سے ایک سیاہ دھبہ اسکے دل پر لگ جاتا ہے ایسے ہی مزید گناہ کرنے پر اسکا دل اس قدر کالا جو جاتا ہے پھر گناہ کا احساس تک نہیں ہوتا ۔۔۔۔۔بس کچھ آسان لگتا ہے ۔۔۔۔۔میرے گناہوں کی فہرست کون سی کم تھی لیکن ایسا گناہ شاید پہلی بار سرزرد ہوا تھا اسلئے اتنی تکلیف دے رہا تھا ۔۔۔۔۔میں نے خود کو جھٹکا اور ہاسپٹل سے باہر نکل گیا ۔۔۔۔ پاپا بھی ہاسپٹل پہنچ گئے تھے میں گھر چلا گیا ۔۔۔۔رات کو جب میں ہاسپٹل پہنچا مما پاپا ماہم سب ہی ای سی یو میں تھے ۔۔۔۔میں اندر نہیں گیا ۔۔۔۔ان چار دونوں میں ایک بار بھی عفان کو دیکھنے اندر نہیں گیا تھا سوائے صبح کے وہ بھی دور سے ہی واپس آ گیا تھا ۔۔۔ شاید میں اندر سے گھبرا گیا تھا ۔۔۔۔اور میرے اندر عفان کو دیکھنے کی ہمت اور حوصلہ بھی نہیں تھا ورنہ میں خونی رشتے کے جذباتی بہاؤ میں بہہ سکتا تھا ۔۔۔۔۔کچھ ہی دیر میں پاپا مما تو باہر آ گئے مگر ماہم اندر ہی تھی ۔۔۔۔میں نے دروازے سے اندر جھانک کر دیکھا تو وہ عفان سے اٹھنے کا کہہ رہی تھی ۔۔۔۔۔اپنی محبت کا پھر سے اعتراف کر رہی تھی ۔۔۔۔میں دروازے سے پیچھے ہٹ گیا ۔۔۔۔ڈاکٹر کے پاس چلا گیا۔۔۔۔ڈاکٹرسے میری تفصیلی گفتگوں ہوئی عفان کے سر پر گہری چوٹ آئی تھی ۔۔۔۔جس کی وجہ سے وہ کومہ میں چلا گیا تھا ڈاکٹر پر امید تو تھے ۔۔۔۔مگر ابھی حتمی طور پر کچھ کہہ نہیں سکتے تھے کیونکہ کومہ کی کوئی معینہ مدت تو ہوتی نہیں ہے ۔۔۔۔بعض لوگ چند دن میں ہی اٹھ بیٹھتے ہیں اور بعض سالوں گزار دیتے ہیں ۔۔۔۔۔پاپا نے عفان کے لئے ایک پرائیویٹ روم لے لیا اور اسکے علاج میں میں کوئی کسر نہیں چھوڑی