Phir Yun Hua By Amna Mehmood Readelle50141 Episode 9

آ پتر آ ۔۔۔۔۔۔۔۔۔۔ کدھر چلا گیا تھا ہم تو اس دن کے بعد سے تجھے دیکھنے کو ترس گئے تھے شکر ہے کہ تجھے ہمارا خیال آگیا ۔۔۔۔۔۔۔۔۔۔ حیدر جٹ نے پیار سے حسن کو اپنے ساتھ لگاتے ہوئے گلہ کیا
بس مجھے بھی آپ لوگوں کا پیار ” بھولائے نہیں بھول ” رہا تھا ۔تو سوچا آج چکر لگا آؤں۔ حسن نے بمشکل اپنے آپ کو حیدر صاحب کی گرفت سے آزاد کرتے ہوئے کہا
پتر ہم تو عروسہ کو کتنی بار بول چکے ہیں کہ تجھے بلائے مگر وہ کہہ رہی تھی کہ تم پڑھائی میں مصروف ہو اس لیے آ نہیں سکتے ۔۔۔۔۔۔۔۔۔۔۔ عباس صاحب جو ابھی ابھی باتوں کی آواز سن کر ادھر آئے تھے کمرے میں داخل ہوتے ہوئے بولے
بس جی مجھے اپنی پڑھائی سے عشق ہے میں بہت دل لگا کر پڑھنے کا عادی ہوں۔حسن نے لفظ “دل” پر خاصا زور دیا پھر ادھر ادھر دیکھنے لگا
عروسہ تو اپنی دوست کو ملنے گئی ہے آج گھر پر نہیں ہے مگر تم بے فکر ہو کر بیٹھو شام تک آ جائے گی ۔۔۔۔۔۔۔۔۔۔ عباس صاحب نے حسن کو ادھر ادھر دیکھتے ہوئے دیکھ کر شرارتی مسکراہٹ ساتھ جواب دیا
چچا یہ کوٹھی آپ کی اپنی ہے میرا مطلب ہے کہ یہ گھر آپ ہی کے نام ہے ۔۔۔۔۔۔۔۔۔؟؟؟ جو سوال اس دن سے حسن کے ذہن میں گھوم رہا تھا آج زبان پر آگیا
نہیں پتر یہ تو ہم نے کرائے پر لی ہے وہ عروسہ پتر کو اسلام آباد بہت پسند ہے پھر وہ یہاں پر بھی رہی ہے تو اس لیے ورنہ ہم تو بہاولپور کے رہنے والے ہیں نواب ہیں ہم اپنے علاقے کے ۔۔۔۔۔۔۔۔۔ لفظ بہاولپور پر حسن کے چہرے کا رنگ بدل گیا مگر وہ اپنے تاثرات پر قابو پا گیا
اچھا تو آپ بہاولپور کے ہیں پھر تو آپ کو وہاں کے بارے میں خاصی معلومات ہوگی میرا مطلب ہے کہ اگر وہاں کچھ بھی ہو تو آپ کے علم میں تو لازمی آتا ہوگا ۔حسن کو سمجھ نہیں آرہی تھی کہ وہ اپنی مطلوبہ بات کیسے پوچھے ۔۔۔۔۔۔۔۔۔۔؟؟؟
ہاں ہاں پتر وہ ہمارے آباؤ اجداد کا علاقہ ہے ہم اس علاقے کے چپے چپے سے واقف ہیں وہاں پر ہونے والی ذرا ذرا سی بات سے ہم باخبر رہتے ہیں ۔عباس صاحب نے اکڑ کر جواب دیا جس پر حیدر جٹ نے مسکراتے ہوئے حقے کا کش لگایا۔
عروسہ اپنی ہی دھن میں لاؤنچ میں داخل ہوئیں مگر سامنے حسن کو اپنے دادا اور چچا کے ساتھ بیٹھا دیکھ کر چونک پڑی ۔
تم یہاں کیا کر رہے ہو ۔۔۔۔۔۔۔۔۔؟؟؟ عروسہ نے تقریبا چیختے ہوئے پوچھا
نا پتر ایسے بات نہیں کرتے اپنے گھر والے سے ۔۔۔۔۔۔۔۔۔۔ عباس صاحب کو برا لگا
رہنے دیں چچا بیوی اسی طرح بات کرتی ہوئی اپنی لگتی ہے ۔۔۔۔۔۔۔۔۔۔۔ حسن کے جواب پے دادا مسکرانے لگے جب کہ عروسہ کے تاثرات مزید بگڑ گئے ۔
تم ذرا اوپر آ کر میری بات سنو گے ۔۔۔۔۔۔۔؟؟؟ اب کی بار عروسہ نے اپنے لہجے میں نرمی شامل کی
ہاں کیوں نہیں ۔۔۔۔۔۔۔۔۔۔۔ بالکل میں تو آیا ہی تم سے بات کرنے تھا مگر پلیز مجھے زیادہ اوپر لے کر مت جانا ابھی میرے دن اوپر جانے کے نہیں ہے ۔۔۔۔۔۔۔۔ حسن نے اٹھتے ہوئے جواب دیا جبکہ حسن سے پہلے عروسہ سیڑھیوں کی طرف بڑھ گئی۔
غصے میں آپ کی اکلوتی پوتی صرف چیختی ہی ہے ناااااا چیزیں تو اٹھا کر نہیں مارتی ۔۔۔۔۔۔۔ حسن نے رازداری سے پوچھا جس پر چچا نے مسکراتے ہوئے سر ہلا دیا
🎗️🎗️🎗️🎗️🎗️
نوراں تو نے نوٹ کیا ہے آج کل انور کچھ مشکوک کی حرکتیں کر رہا ہے ۔۔۔۔۔۔۔۔؟؟؟ اسلم نے چارپائی پر بیٹھتے ہوئے کہا
ہاں کچھ عقل آ گئی ہو گی کہہ رہا تھا اماں میں اب دل لگا کر کام کروں گا اور بہت سارا پیسہ تجھے گڑیا کی شادی کیلئے کما کر دوں گا پھر ہم خوب دھوم دھام سے شادی کریں گے تاکہ لوگوں کو پتہ چلے کہ آخر شادی کس کی ہے ۔۔۔۔۔۔۔۔۔؟ نوراں جو اپنے لئے بستر بچھاتے ہوئے کہہ رہی تھی اسلم کو حیران کر گی۔
راتوں رات ایسا کیا ہو گیا ہے کہ کایا ہی پلٹ گئی اس کی ۔۔۔۔۔۔۔۔۔؟ اسلم نے خود کلامی کی ۔
تم بھی بس ہر وقت اس کے پیچھے ہی پڑے رہتے ہو۔کام نہیں کرتا تھا تو مسئلہ تھا اب اگر اسے عقل آ گئی ہے اور وہ کام کرنے لگا ہے تب بھی تمہیی مسئلہ ہو رہا ہے ۔۔۔۔۔۔۔۔۔۔۔ نوراں بستر پر بیٹھتی ہوئی بولی
او اللہ والی بات کو سمجھ راتوں رات ایسا کون سا “آلہ دین کا چراغ” اس کے ہاتھ لگ گیا ہے کہ وہ سب کچھ منٹوں میں ٹھیک ٹھاک کر دے گا ۔۔۔۔۔۔۔۔۔ ۔ اسلم بیگ بھی کسی گہری سوچ میں تھا ۔
ہائے انور کی ابا کہیں وہ سمگلنگ تو نہیں کرنے لگا ۔۔۔۔۔۔۔؟ وہ ہاجرہ کا بیٹا سمگلنگ کرتے ہوئے رینجرز والوں نے پکڑ لیا تھا اتنی بری طرح سے مارا تھا اسے کی شکل تک پہچانی نہیں جارہی تھی ۔۔۔۔۔۔۔۔۔۔۔ کہیں کسی کے بہکاوے میں تو نہیں میرا بھی بیٹا آگیا ۔۔۔۔۔۔۔۔۔؟ نوراں نے اب کی بار خوفزدہ نظروں سے اسلم کی طرف دیکھا
پریشان مت ہو اور آرام سے سو جا میں صبح پتہ کرواتا ہوں کہ آج کل یہ کن لوگوں ساتھ اٹھ بیٹھ رہا ہے ۔۔۔۔۔۔۔۔ اسلم کی بات سن کر نور آنے لیٹتے ہوئے آنکھوں پر اپنا بازو رکھ لیا پھر کسی خیال کے تحت دوبارہ اسلم کی طرف کروٹ لی ۔
سنو کچھ دنوں تک گڑیا آ رہی ہے تم فروٹ وغیرہ لے آنا بلکہ کوشش کرکے ماجھے سے دودھ بھی زیادہ لے لینا اسے دودھ کے اندر بنی ہوئی چیزیں مزے کی لگتی ہیں میرا دل ہے کھیر بناؤں گی ۔۔۔۔۔۔۔۔۔۔ ہماری گائے کا تو دودھ ہی سوکھ گیا ہے اتنا تھوڑا دودھ دیتی ہے ویسے بھی اب وہ نخرے والی ہوگئی ہے گائے کا دودھ تو پیتی ہی نہیں ۔۔۔۔۔۔۔۔۔۔ نورا کی بات پر سلم کے چہرے پر بھی ایک عجیب سی چمک آگئی۔
اچھا ٹھیک ہے جو چیزیں تجھے چاہیے وہ مجھے بتا دینا میں تجھے لا دوں گا ہر چیز میری لاڈو کی پسند کی بنانا ۔۔۔۔۔۔۔۔۔۔۔ اسلم کی بات پر نوراں مسکراتے ہوئے دوبارہ سونے لگی جبکہ اسلم کا سارا دھیان اب بھی انور کی طرف تھا
🎗️🎗️🎗️🎗️🎗️
ماہی تمہارا پیپر کیسا ہوا ہے ۔۔۔۔۔۔۔۔۔۔؟ زبدہ نے اگزامینیشن ہال سے باہر آتے ہی پوچھا
ہمیشہ کی طرح بہت اچھا ہوا ہے آخر سٹوڈنٹ کس ٹیچر کی ہوں ۔۔۔۔۔۔۔۔۔۔۔ ماہی کے چہرے اور آواز میں عجیب سا اطمینان اور خوشی تھی
تم پیپر کے ختم ہونے پر کتنی خوش ہو جب کہ میں اتنی ہی اداس ہوں ۔۔۔۔۔۔۔۔۔۔۔ زبدہ اور ماہین اس وقت کوریڈور میں سے گزر رہی تھیں۔
تم کیوں اداس ہو۔۔۔۔۔۔۔۔۔۔۔؟؟؟ ماہی نے کینٹین کی سیڑھیوں پر بیٹھتے ہوئے پوچھا جبکہ موسم بھی ماہین کے مزاج کی طرح نہایت خوشگوار تھا ٹھنڈی ٹھنڈی ہوا کے جھونکے اس کے بالوں سے اٹکھیلیاں کر رہے تھے ۔
یار ہم سب بچھڑ جائیں گے مجھے تو پاپا نے پہلے ہی کہہ دیا ہے کہ اگر اچھے نمبر آئے تو میڈیکل کالج میں داخلہ لے دیں گے ورنہ پڑھائی ختم اور شادی ۔۔۔۔۔۔۔۔۔۔ ذبدہ بھی ماہین کے ساتھ رہتے بیٹھتے ہوئے بولی
واہ یار مبارک ہو دفع کرو “ڈاکٹر” بننے کو “دلہن” بنو اور دوسروں کے پیسے پر عیش کرو ۔۔۔۔۔۔۔۔۔۔۔ کاش میرے بابا نے بھی مجھ سے یہ کہا ہوتا مگر ان کے سر پر تو مجھے ڈاکٹر بنانے کا بھوت سوار ہے ۔۔۔۔۔۔۔۔ ماہین نے منہ بنایا جب کہ زبدہ نے اسے حیرت سے دیکھا
ایک بات پوچھوں اگر تو برا نہ منائیں تو ۔۔۔۔۔۔۔۔۔؟؟؟ زبدہ نے ماہین کی طرف دیکھتے ہوئے پوچھا جو سرسبز لان میں ہلتے ہوئے درختوں کو بہت خوشی سے دیکھ رہی تھی ۔
ایک نہیں ایک درجن باتیں پوچھو ۔۔۔۔۔۔۔۔ پھر کیا پتا کب موقع ملے بات کرنے کا ۔۔۔۔۔۔۔۔۔۔۔۔۔؟؟؟ ماہین کے جواب پر زبدہ نے سر ہلایا
اگر سر نے تم سے شادی نہ کی تو کیا کرو گی۔۔۔۔۔۔۔۔۔؟؟؟ میرا مطلب ہے کہ اگر گاؤں کے کسی “ان پڑھ شخص” سے تمہاری شادی ہو جائے تو کیا تب بھی تم اتنا ہی خوش ہوگی۔۔۔۔۔۔۔۔۔؟؟؟ ذبدہ کے سوال پہ ماہین کے تاثرات یک دم سخت ہوگئے
تم مجھے بد دعا دے رہی ہو کیسی دوست ہو تم ۔۔۔۔۔۔۔۔۔۔؟؟؟ اول تو ایسا کچھ ہوگا نہیں لیکن اگر ایسا کچھ ہوا تو میں “خود کشی” کر لوں گی میں کسی ان پڑھ جاھل ساتھ شادی نہیں کروں گی اور یہ بات آج میسر زاویار کو بتا دیں دوں گی کہ اگر انہوں نے میرے ساتھ شادی نہ کی تو میں خود کشی کر لوں گی ۔۔۔۔۔۔۔۔۔۔۔؟؟؟ ماہین کا موڈ ایک دم خراب ہو گیا تھا۔
اچھا سوری یار میں نے بس ویسے ہی کہہ دیا تھا مجھے یقین ہے تمہاری شادی کسی بہت اچھے اور پڑھے لکھے انسان سے ہوگی ۔۔۔۔۔۔۔۔۔۔۔ اب اپنا موڈ اچھا کرو لو پلیززززز دیکھو کتنا اچھا موسم ہے۔ چل کینٹین میں چل کر سموسہ کھاتے ہیں پھر پتا نہیں کب کھانا نصیب ہوگا ۔ویسے بھی کالج کے سموسے کی بات ہی الگ ہے ۔۔۔۔۔۔۔۔۔ زبدہ نے ماہین کا بازو کھینچتے ہوئے کہا جبکہ ماہین کا ذہین “ان پڑھ شخص” پر رک گیا تھا اگر واقعی ہی ایسا ہوا تو میں کیا کروں گی ۔۔۔۔۔۔۔۔۔۔؟؟؟
🎗️🎗️🎗️🎗️🎗️
عفت تم نے بہت اچھا کیا جو مہرو بھابھی کی بات مان کر حویلی آ گئی ۔سچی جب تم آتی ہو تو مجھے بہت مزہ آتا ہے کہنے کو تو تم میری بھتیجی ہو مگر میں نے تمہیں ہمیشہ اپنی دوست سمجھا ہے میں نے اپنے دل کی ہر بات تم سے کی ہے۔ ہم دونوں پھوپھی بھتیجی نہیں بلکہ بہترین دوستیں ہیں ۔۔۔۔۔۔۔۔۔ سکینہ بی نے عفت کے پاس بیٹھتے ہوئے محبت سے کہا
آپ کی کبھی کوئی دوست نہیں تھی۔۔۔۔۔۔۔۔؟ حالانکہ آپ نے میٹرک کیا ہوا ہے ۔۔۔۔۔۔۔؟ اسکول کی ۔۔۔۔۔۔۔۔۔ گاؤں کی ۔۔۔۔۔۔۔ کوئی تو آپ کی بھی دوست ہوگی ۔۔۔۔۔۔۔؟ عفت نے پوچھا
نہیں میں کسی سے بھی زیادہ دوستی نہیں رکھتی تھی ویسے بھی شاہنواز لالا مجھے پیپرز میں ہی اسکول جانے دیتے تھے باقی دنوں استانی خود حویلی آ کر مجھے پڑھاتی تھی ۔۔۔۔۔۔۔۔۔ سکینہ کی بات عفت نے سر ہلایا
اچھا بتاؤ زاویار سے تمہاری بات ہوئی ۔۔۔۔۔۔۔۔۔۔۔۔۔؟ انہوں نے اپنا پسندیدہ موضوع چھیڑا
ہوئی تھی۔۔۔۔۔۔۔۔۔ ٹھیک ہے۔۔۔۔۔۔۔۔ مگر فی الحال حویلی نہیں آنا چاہتا ۔۔۔۔۔۔۔۔ عفت کی بات پر سکینہ بی اداس ہو گئی
مجھے لگتا ہے وہ تم سے “محبت” کرتا ہے اگر تم اس سے “شادی” کر لو تو بہت خوش رہو گی۔۔۔۔۔۔۔۔۔۔ یقین مانو وقت گزرنے کے ساتھ ساتھ “تنہائی” انسان کو بہت پریشان کرتی ہے مجھے دیکھ لو ۔۔۔۔۔۔۔۔۔ سکینہ کی بات پر عفت نے اسے حیرت سے دیکھا
یہ کیا کہہ رہی ہیں میں نے اور آپ نے اسے گود میں کھیلایا ہے ۔مجھے بہت برا لگتا ہے میں جب بھی اس کے بارے میں ایسا سوچتی ہوں ۔اپنی آپ سے گھن آتی ہے۔۔۔۔۔۔۔۔۔ عفت نے قدرے تیز لہجے میں جواب دیا
مرد کا پتا نہیں چلتا کہ وہ چھوٹا ہے یا بڑا ۔۔۔۔۔۔۔۔۔۔۔ سکینہ نے اسے مطمئن کرنا چاہا
لیکن عورت کا تو پتہ چلتا ہے ناااااااا ۔۔۔۔۔۔۔۔۔۔ اور میرا صاف پتہ چلتا ہے کہ میں اس سے بہت بڑی ہوں ۔۔۔۔۔۔۔۔۔۔۔۔ میری ہمیشہ سے یہی خواہش رہی ہے کہ میں جس سے بھی شادی کروں۔ وہ مجھ سے کم ازکم پانچ چھ سال بڑا ہو۔ ذمہ دار ہو اور میرے ساتھ چلتا ہوا میرا محافظ لگے نہ کہ میرا بچہ ۔۔۔۔۔۔۔۔۔۔۔ عفت کی بات ہے سکینہ نے ہلکا سا سر ہلایا
مگر میرے خیال سے نہ ہونے سے ہونا بہتر ہوتا ہے۔ آگے تمہاری مرضی ہے ۔میرا کام تھا تمہیں سمجھانا۔ اگر وقت پر سمجھ جاؤ گی تو فائدے میں رہوں گی ورنہ میری طرح خالی ہاتھ ۔۔۔۔۔۔۔۔۔۔ سکینہ نے سرد آہ بھرتے ہوئے کہا
آپ نے کبھی کسی سے محبت کی ہے میرا مطلب ہے کہ آپ کو کبھی کسی سے محبت ہوئی ہے ۔۔۔۔۔۔۔۔۔۔؟؟؟ عفت کے سوال پر سکینہ بی مسکرا بھی نہ سکیں جواب دینا تو بہت دور کی بات تھی۔ ہاں البتہ آنکھوں میں ستارے چمکنے لگے۔
“ہر بات جانتے ہوئے بھی ، دِل مانتا نہ تھا
ہم جانے اعتبار کے ، کِس مرحلے میں تھے”
🎗️🎗️🎗️🎗️🎗️
جاری ہے