One Wheeling by Umme Hani NovelR50409 One Wheeling Episode 35

One Wheeling by Umme Hani

شاہزیب بائیک اڑاتے ہوئے ہاسپٹل پہنچا تھا ۔۔۔۔۔ کوریڈور پر ہی اسے حیدر نظر آ گیا

“نیناں کہاں ہے “شاہزیب نے تلخ لہجے میں حیدر سے پوچھا ۔۔۔۔

“وہ سامنے آئی سی یو میں “حیدر نے شاہزیب کے سخت لہجے پر بھی اپنا لہجہ متوازن رکھا ۔۔۔۔۔

شاہزیب نے حیدر سے دوسری کوئی بات نہیں کی سیدھا آئی سی یو کے اندر داخل ہوا تھا

سامنے ہی نیناں لیٹی تھیں۔۔۔۔آکسیجن ماسک لگا ہو تھا اور نا جانے کون کون سی مشنیں لگی ہوئی تھی ۔۔۔۔وہ تیز قدموں سے اسکے پاس پہنچا تھا ۔۔۔۔۔ زرد رنگت آنکھوں کے گرد گہرے ہلکے بکھیرے بال ستا ہوا چہرہ ۔۔۔۔۔ اسے دیکھ کر شاہزیب کا دل کٹا تھا ۔۔۔۔۔

چہرہ پر وہ اذیت صاف واضع تھی جس سے وہ دوچار تھی ۔۔۔۔۔۔وہ اسکے پاس رکھی کرسی پر بیٹھ گیا ۔۔۔۔کچھ ثانیے اس کاستا ہوا چہرہ دیکھتا رہا ۔۔۔۔

اسکی محبت میں وہ کس حد سے گزر رہی تھی ۔یہ دیکھ کر ۔۔۔شاہزیب کے دل میں۔نیناں کی محبت اور بھی بڑھ چکی تھی ۔۔۔۔۔ یہ وہ آخری حد تھی جو نیناں نے اختیار کی تھی جس سے آگے اور کچھ نہیں تھا ۔۔۔۔۔۔زندگی بھی نہیں

بے اختیار ہی نیناں کا ہاتھ شاہزیب نے اپنے دونوں میں تھام لیا آنکھوں میں ہزار ضبط کے بھی آنسوں تھے ۔۔۔۔

” نیناں ۔۔۔۔ آنکھیں کھولو ۔۔۔۔۔ دیکھوں تمہارا شاہزیب تمہارے سامنے بیٹھا ہے ۔۔۔۔۔ “آواز میں کپکپاہٹ تھی آنکھوں سے آنسوں چھلک کر نیناں کے ہاتھ پر گرے تھے جنہیں شاہزیب نے اپنے ہاتھوں میں تھام رکھا تھا ۔۔۔۔۔مگر وہ بے سود لیٹی رہی شاہزیب نے پھر سے اسے پکارا آواز میں نمی تھی آنسوں کی آمیزش تھی

” نیناں ۔۔۔۔۔ او میری مینا ۔۔۔۔آنکھیں کھولو ۔۔۔۔۔ کیوں میری جان لو گئ یار ۔۔۔۔بات کرو مجھ سے ۔۔۔۔ بہت کچھ کہنا ہے تم سے ۔۔۔۔۔اور بہت کچھ سننا بھی ہے ۔۔۔۔ “مگر نیناں کے بے جان وجود میں جنبش بھی نہیں ہوئی تھی ۔۔۔۔۔شاہزیب اب پریشان ہونے لگا تھا ۔۔۔۔وہ ویسے ہی بے سود ہر چیز سے بے خبر لیٹی ہوئی تھی جیسے جینے کی ساری امیدیں چھوڑ چکی ہو ۔۔۔۔شاہزیب نے اس کا آکسیجن ماسک اتارا ۔۔۔۔۔۔

“ناؤ ویک اپ نیناں ۔۔۔۔۔اٹھو۔۔۔۔۔”ماسک اترتے ہی نیناں کو سانس لینے میں دشواری ہوئی تھی ۔۔۔۔۔ وہ کھنچ کھنچ کر سانس لے رہی تھی

“نیناں ویک اپ ۔۔۔۔ “نیناں کی دل دھڑکیں تیز ہونے لگی۔ تھیں ۔۔۔۔۔شاہزیب نے نیناں کا ہاتھ اپنے سینے پر رکھ لیا ۔۔۔۔۔دھڑکنیں تو اسکی بھی تیز رفتاری سے دوڑ رہیں تھیں ۔۔۔۔۔

“نیناں اٹھ جاؤں پلیز۔۔۔۔۔ میرے لئے ۔۔۔۔۔”نیناں کی آنکھیں کپکپائیں تھیں ساتھ ہی ہاتھوں میں لرزش ہوئی تھیں ۔۔۔۔۔

شاہزیب کے چہرے پر مبہم سی مسکراہٹ ابھری تھی

“یس ۔۔۔۔اوپن یور آئیز مینا ۔۔۔۔۔کم آن ۔۔۔۔۔اب وہ بلکل اسکے کان کے نزدیک جا کر بولا

“نیناں تمہارے سامنے تمہارا شاہزیب بیٹھا ہے کھولو آنکھیں “

“نیناں کی لرزتی ہوئی آنکھوں سے آنسوں بہنے لگے ۔۔۔۔پھر اس کی آنکھیں ذراسی کھلیں تھیں ۔۔۔۔شاہزیب کا دھندلایا ہوا چہرہ دیکھ کر اس نے آنکھیں بند کر لیں ۔۔۔۔۔شاید کوئی وہم تھا جو نیناں نے دیکھا تھا ۔۔۔۔وہ زندہ ہے ۔۔ سانس لے رہی ہے اتنا بڑا رسک لیکر بھی وہ زندگی سے ہار نہیں پائی تھی ۔۔۔۔۔۔۔لیکن کیوں۔۔۔۔ اسوقت نیناں کو اس بات کا قلق تھا کہ وہ زندہ بچ کیوں گئ

“نیناں “شاہزیب کی آواز پھر سے اسکے۔ بلکل قریب اسکی سماعتوں میں ٹکرائی ۔۔۔۔اور یہ آواز وہم نہیں تھی ۔۔۔۔برجستہ نیناں کی دوبارہ سے آنکھیں کھلیں تھیں ۔۔۔۔۔۔

وہ اب بھی سامنے ہی نظر آ رہا تھا ۔۔۔۔

“شاہزیب “وہ اٹھنے لگی

“لیٹی رہو ۔۔۔۔۔ اٹھنے کی ضرورت نہیں ہے ۔۔۔۔”شاہزیب نے اسکے کندھے پر ہاتھ رکھے دوبارہ سے اسے لیٹا دیا

“آپ ۔۔۔۔۔۔آپ کیسے آئے یہاں ۔۔۔۔کیوں آئے ہیں یہاں ۔۔۔۔۔ پوپس کو پتہ چلے گا ۔۔۔۔تو مار ڈالیں گئے آپ کو ۔۔۔۔”وہ اٹک اٹک کر بات کر رہی تھی چہرے پر اب بھی خوف تھا کچھ کھونے کا خوف

“کوئی کچھ نہیں کہے گا مجھے ۔۔۔۔۔ “شاہزیب نے مسکرا کر کہا

“نہیں شاہزیب یہ لوگ نہیں چھوڑیں گئے ۔۔۔۔۔مجھے آپ کے ساتھ جانا ہے ۔۔۔لے جاؤں مجھے یہاں سے ۔۔۔۔۔ مجھے نہیں رہنا پوپس کے ساتھ ۔۔۔۔۔”اپنا ہاتھ شاہزیب کے ہاتھوں سے چھڑوا کر وہ دوسرے ہاتھ پر لگی ڈرپ اتارنے لگیں اٹھ کر بھی بیٹھ گئ تھی ۔۔۔۔۔

“یہ کیا کر رہی ہو تم “نیناں کی افتاد پر وہ ضرور گھبرا گیا تھا اسے ڈرپ کھنچنے سے روکنے لگا

“اس سے پہلے کہ پوپس آ جائیں مجھے یہاں سے لے جاؤں ۔۔۔۔۔ اس بار کوئی اعتراض۔ نہیں کرونگی نکاح بھی کر لوں اور جہاں جیسا بھی رکھوں گئے رہ لوں گی ۔۔۔۔۔” نیناں کے آنسوں بہہ رہے تھے

“ضرور لے جاؤں گا تمہیں ۔۔۔مگر اس بار نکاح تمہارے ابا کے سامنے ہو گا ۔۔۔۔سب کے سامنے پوری بارات کے سامنے لے لیکر جاؤں گا تمہیں ۔۔۔۔۔۔”،شاہزیب کی باتیں وہ نافہم انداز سے سن رہی تھی

“نہیں شاہزیب ۔۔۔۔پوپس نہیں مانے گئے ۔۔۔”بے یقینی ہی بے یقینی تھی

“مان گئے ہیں وہ بھی ۔۔۔۔ وہی لائیں ہیں مجھے یہاں ۔۔۔۔۔۔ یقین نہیں آتا تو بلاؤں انہیں اندر ۔۔۔خود پوچھ لو “شاہزیب کی بات نیناں کے لئے غیر متوقع تھی ۔۔۔۔ وہ کنگ سی نفی میں سر ہلانے لگی شاہزیب اسکی کیفیت سمجھ سکتا تھا

“سچ کہہ رہا ہوں میں ۔۔۔۔کسی کو اب کوئی اعتراض نہیں ہے ۔۔۔۔لیکن پہلے یہ بتاؤں کیوں کیا یہ سب ” شاہزیب کی اپنی کیفیت میں اضطراری تھی ۔۔۔۔۔وہ پھر سے رونے لگی

“تو اور کیا کرتی ۔۔۔۔۔ حیدر سے شادی کر لیتی ۔۔۔ وعدہ توڑ دیتی ۔۔۔۔۔ بس یہی ایک راستہ بچا تھا میرے پاس ۔۔۔۔۔”وہ شاہزیب کا ہاتھ تھامے رونے لگی تھی

“اور اگر تمہیں کچھ ہو جاتا تو میں کیا کرتا ۔۔۔ایک پل کے لئے بھی ۔یہ نہیں سوچا تم نے کیوں نیناں “شاہزیب نے اسکے چھلکتی آنکھوں جھانکتے ہوئے پوچھا

“اسوقت تو کچھ بھی سمجھ نہیں آ رہا تھا ۔۔۔۔۔ بس مجھے یہی ٹھیک لگا “نیناں کے آنسوں اب وہ اپنے ہاتھ سے صاف کر رہا تھا

“اچھا اب بھول جاؤں سب باتوں کو ۔۔۔۔۔ رانا صاحب بہت پریشان ہیں تمہارے لئے ۔۔۔۔میں انہیں اندر بھجتا ہوں مل ان سے “شاہزیب نے اسکے بکھیرے بالوں کو اسکے کان کے پیچھے کرتے ہوئے کہا

“مجھے نہیں ملنا ان سے ۔۔۔۔۔کیا نہیں کیا انہوں نے آپ کے ساتھ ۔۔۔۔۔”شاہزیب کا ہاتھ نیناں نے اپنے ہاتھ میں اور بھی مضبوطی جکڑا لیا تھا ۔۔۔۔جیسے اگر نیناں نے چھوڑ دیا تو وہ کہیں اس سے دور نا ہو جائے

“میرے ساتھ کیا ہے نا ۔۔۔۔ خیر ہے۔۔۔ میں ویسے بھی بہت ڈھیٹ ہوں ۔مجھے فرق نہیں پڑتا ۔۔۔۔اور جب میرے دل میں انکے لئے ایسا کچھ نہیں ہے تو تم کیوں ایساسوچ رہی ہو ۔۔۔۔”شاہزیب نے پیار سے رسانیت سے سمجھانا چاہا بختیار صاحب کی اجڑی بکھری حالت پر اسے ترس آ رہا تھا ۔۔۔۔انکا سارا غرور گھمنڈ ٹوٹ کے رہ گیا تھا

“مجھے پھر بھی نہیں ملنا “وہ حتمی لہجے سے بولی

“بری بات ہے نیناں ۔۔۔۔۔ چلو ملو ان سے ۔۔۔۔باپ ہیں وہ تمہارے ۔۔۔۔۔۔”شاہزیب نے اپنا ہاتھ اسکے ہاتھ سے چھڑوایا اور اٹھ کر کھڑا ہو گیا

“آپ کہاں جا رہے ہیں ۔۔۔۔”

“اب گھر جاؤں گا ۔۔۔۔ تم ٹھیک ہو جاؤ ۔۔۔پھر بات کرونگا تم سے ” شاہزیب جانتا تھا کہ اس کے سامنے بختیار صاحب بیٹی سے اپنی غلطیوں کا اعتراف نہیں کریں گئے جو وہ کرنے کے لئے بے چین باہر کھڑے تھے ۔۔۔پھر وہ بھی نہیں چاہتا تھا کہ باپ بیٹی کے بیچ میں آئے

“نہیں آپ کہیں مت جاؤ۔مجھے چھوڑ کر ۔۔۔۔”وہ بیچین ہوئی تھی

“نیناں تمہیں اس حال میں نہیں دیکھ سکتا ہوں یار۔۔۔۔بہت مشکل ہے تمہیں یوں دیکھنا ۔۔۔۔ کیا حال کر لیا تم نے اپنا ۔۔۔۔۔بس جلدی سے پہلے والی نیناں بن جاؤں ۔۔۔۔۔ بہت ساری باتیں ہیں جو تم سے کرنی ہے ۔۔۔۔بہت سارے پلان بنانے ہیں اپنی اگلی زندگی کے بارے میں جو تمہارے ساتھ ملکر بنانے ہیں ۔۔۔ اب صرف خوشیاں ہی ہماری منتظر ہیں ۔۔۔ ” نیناں کا مرجھایا بجھا سا بے رونق چہرہ دیکھ کر دل مٹھی میں لے کر کسی نے مسلا تھا ۔۔۔۔پھر نیناں بھی آگے سے کچھ نہیں بولی چپ چاپ اسے جاتے ھوئے دیکھنے لگی ۔۔۔۔۔

شاہزیب آئی سی یو سے باہر نکلا تو سامنے ہی حیدراور بختیار صاحب کرسیوں پر بیٹھے تھے ۔۔۔۔شاہزیب کو دیکھ کر کھڑے ہو گئے ۔۔۔۔بختیار صاحب تیز قدم اٹھاتے ہوئے اس کے پاس پہنچے تھے

” نیناں کو۔۔۔۔”

“اب ٹھیک ہے وہ جائیں مل لیں اس سے جا کر “بختیار صاحب کی بات کو بیچ میں سے اچک کر شاہزیب نے انہیں خوشی کی نوید سنائی ۔۔۔۔

اور تیز قدم بڑھاتے ہوئے وہاں سے چلا گیا بختیار صاحب بے یقینی سے اسے دور جاتا ہوئے دیکھ رہے تھے ۔۔۔۔۔ کیسا عجیب شخص تھا ۔۔۔۔ اس کے پاس نا جانے کون سی بادشاہت تھی ۔۔۔۔ دولت مند نہیں تھا مگر انداز شاہانہ تھے ہمیشہ تن کر چلتا تھا ۔۔۔نا کسی کی دولت سے مرعوب ہوتا تھا نا شخصیت سے جیسے خود کسی سلطنت کا بادشاہ ہو ۔۔۔۔ انہیں زندگی دے کر بنا احسان جتائے وہ جا چکا تھا ۔۔۔۔۔۔

بختیار صاحب کی نظریں شاہزیب سے تب ہٹی۔ جب وہ کاریڈور کی دائیں جانب مڑ چکا تھا ۔۔۔۔۔

دوسرا خیال نیناں کا آیا۔۔۔فورا سے خود کو جھٹکا

اور نیناں کے پاس چلے گئے ۔۔۔۔۔وہ خاموش نظریں جھکائے بیٹھی تھی ۔۔۔۔۔

اسے یوں بنا ماسک کے خود سے بیٹھا دیکھ کر ۔۔۔۔۔بختیار صاحب کے اندر تک سکون سا پھیل گیا تھا ۔۔۔۔۔جلدی سے اسکی طرف بڑھے اس کا سر اپنے ساتھ لگا لیا

نیناں میری بچی ۔۔۔۔میری جان ۔۔۔۔شکر ہے تمہیں ہوش آگیا ۔۔۔۔۔

اسے ساتھ لگائے بختیار صاحب اپنا ضبط کھو بیٹھے تھے ۔۔۔۔۔

بلک بلک کر رو رہے تھے ۔۔۔۔نیناں بھی رونے لگی ۔۔۔۔۔

وہ دیوانوں کی طرح اسے کبھی اسکی پیشانی پر بوسہ دیتے کبھی اسکے سر پر چومتے ۔۔۔

اسکے چہرے کو اپنے دونوں ہاتھوں میں لیکر انگوٹھوں سے اسکے آنسوں صاف کرتے ۔۔۔۔۔۔

“نہیں ۔۔۔رونا نہیں ہے اب تم نے ۔۔۔۔۔۔ تمہاری ہر بات مجھےمنظور ہے میری جان ۔۔۔۔۔خود اپنے سامنے تمہاری شادی کرواں گا شاہزیب سے ۔۔۔۔۔بس تم وعدہ کرو کبھی دوبارہ ایسا قدم نہیں اٹھاؤ گی ۔۔۔۔۔”نیناں کے اس اقدام پر بختیار صاحب بھی گھبرا گئے تھے ۔۔۔۔۔

وہ منہ سے تو کچھ نہیں بولی بس باپ کے ساتھ لگی روتی رہی ۔۔۔۔۔

*****…….

چند دنوں میں ہی نیناں کافی بہتر ہو گئ تھی ۔۔۔۔لیکن شاہزیب دوبارہ اسے ہاسپٹل میں ملنے نہیں آ یا تھا ۔۔۔۔۔وہ ہاسپٹل سے ڈسچارج ہو کر واپس آگئ تھی

آتے ہی سب سے پہلے اپنا موبائل لیا اور پہلی کال اسی کو کی تھی ۔۔۔۔۔۔۔۔

“ہیلو میری مینا ۔۔۔۔اب کیسی طعبیت ہے “شاہزیب نے کہنپوچھنے پر وہ خفگی سے بولی

“آپ کو کیا فرق پڑتا ہے شاہزیب ۔۔۔۔ ایک بار بھی آپ ہاسپٹل میں مجھ سے ملنے نہیں آئے ۔۔۔۔”نیناں نے نروٹھے انداز سے کہا

“کہا تو تھا تم سے کہ اس حالت میں نہیں دیکھ سکتا ہوں تمہیں ۔۔۔۔ تم مجھے ہنستی مسکراتی ہی اچھی لگتی ہو “

“مجھے ملنا ہے شاہزیب آپ سے ۔۔۔۔”نیناں نے بےتابی دیکھائی

“ابھی نہیں ۔۔۔پہلے تم ٹھیک ہو جاؤں ۔۔۔۔۔”

“ٹھیک تو کوں میں کیا ہوا ہے مجھے “

“خاک ٹھیک ہو ۔۔۔۔۔چہرہ دیکھوں کتنا مرجھا گیا ہے ۔۔۔۔۔ بس اب اپنی صحت کا خیال رکھو۔۔۔۔۔ جلدی جلدی بھلی چنگی ہو جاؤں ۔۔۔۔ پھر آؤں گا اپنے امی ابو کے ساتھ تمہیں تمہارے پوپس سے ہمیشہ کے لئے مانگنے ۔۔۔۔۔”شاہزیب نے اسے تسلی دی

“شاہزیب پوپس کیسے مان گئے ۔۔۔یقین نہیں آ رہا ۔۔۔۔ہماری محبت میں کیا اتنی سچائی تھی کہ سب کچھ ایسے ٹھیک ہو گیا جیسے کبھی کچھ بگڑا ہی نہیں تھا “

“بلکل ہے ۔۔۔۔۔سچی محبت سب کے دلوں پر اثر کر جاتی ہے ۔۔۔۔۔نیناں جلدی سے ٹھیک ہو جاؤں نا یار ۔۔۔۔تمہیں اندازہ نہیں ہے کتنا بے چین ہوں تمہیں دیکھنے کے لئے ۔۔۔۔مگر یہ بیمار بیمار سی نیناں مجھے ذرا پسند نہیں ہے۔۔۔۔۔”شاہزیب کی بات پر وہ مسکرائی تھی

“اچھا یہ کیا بات ہوئی اگر شادی کے بعد میں بیمار ہو جاؤں گی تو دیکھیں گئے نہیں مجھے “

“تمہیں بیمار کبھی ہونے نہیں دونگا ۔۔۔۔۔ بس بہت رو چکی تم اب میں ہمیشہ تمہیں مسکراتے ہوئے دیکھنا چاہتا ہوں ۔۔۔۔۔”

“بہت دیر تک نیناں شاہزیب سے ہی باتیں کرتی رہی ۔۔۔۔پھر واقعی اپنا خیال رکھنے لگی تھی ۔۔۔۔۔

رحمت بی بی جو بھی اسکے لئے بناتیں چپ چاپ کھا لیتی تھی دوائیں بھی باقاعدگی سے لینے لگی تھی ۔۔۔محبت کے مل جانے کی خوشی تھی کہ بہت جلد وہ ٹھیک ہو رہی تھی ۔۔۔۔حیدر ایک بار بھی اس سے ملنے اس کے کمرے میں نہیں آیا تھا بختیار صاحب ضرور آفس سے لوٹتے ہی نیناں کے کمرے میں جاتے تھے پھر رات تک اسی کے پاس بیٹھے رہتے تھے اسکی میڈسن خود چیک کرتے رحمت بی بی سے بھی اسکی ڈائٹ کے بارے میں پوچھتے رہتے تھے ۔۔۔۔۔

******……

رائمہ اور رابعہ بیگم شام کو ہی نیلوفر کے گھر پہنچ گئیں اسکے والد بھی گھر پر موجود تھے باسم کا پیغام سن کر چپ سے ہو گئے نیلو کچن میں چائے بنا رہی تھی۔۔۔۔۔یہ سن کر کہ باسم منگنی کے بجائے شادی کرنا چاہتا ہے ۔۔۔۔دل تو خوشی کے مارے بلیوں اچھلنے لگا تھا ۔۔۔۔۔چہرے پر ایک دلفریب مسکراہٹ سی ٹہر گئ تھی ۔۔۔۔۔۔۔لیکن دل ابا کی خاموشی پر کانوں میں دھڑکتا ہو محسوس ہو رہا تھا ۔۔۔۔چائے بناتے ہوئے بھی ۔۔۔۔کان بس باہر ہی لگے ہوئے تھے ۔۔۔۔۔

خاموش جب طویل تر ہوتی چلی گئ تو رابعہ بیگم بھی تذبذب کا شکار ہونے لگیں

“بھائی صاحب ۔۔۔۔میں نے تو بس باسم کی تجویز آپ کے سامنے رکھی ہے ۔۔۔۔باقی ہو گا وہی جو آپ چاہیں گئے “

“بہن میری بیٹی تو آپ ہی کی امانت ہے ۔۔۔۔۔ آج بیہا کر لے جائیں یا چند ماہ بعد ۔۔۔۔بس ۔۔۔۔یہ سوچ رہا تھا کہ اسکی ماں ہوتی تو ساری رسمیں نبھاتی ۔۔۔۔ مجھے تو اتنا اندازہ ہی نہیں ہے ۔۔۔۔باسم میاں کو تو سلامی تک نہیں دے سکا میں ۔۔۔۔۔”

“ارے بھائی صاحب آپ کیوں ایسی باتیں سوچ رہے ہیں باسم کوئی غیر تھوڑی ہے ۔۔۔جیسے نیلو میری بیٹی ہے ۔۔۔ویسے باسم بھی آپکا بیٹا ہے ۔۔۔۔تو کیا میں ہاں سمجھوں؟ “رابعہ بیگم نے پھر سے تصدیق چاہی

“جی بلکل ہاں سمجھیں میں بھی اپنے فرض سے جلد سبکدوش ہونا چاہتا ہوں ۔۔۔زندگی کا کیا بھروسہ ہے اچھا ہے نیلو اپنے گھر کی ہو جائے “

“ایسا مت کہیں بھائی صاحب اللہ آپ کو ہمیشہ سلامت رکھے ” رائمہ خوشی سے مسکراتی ہوئی کچن میں چلی گئ جہاں نیلو فر چائے کپوں میں ڈال رہی تھی ساتھ ہی ساتھ کباب بھی فرائی پین میں فرائی ہونے کے لئے رکھے ہوئے تھے ۔۔۔

“واہ بھئ بڑے تواضع ہو رہے ہیں سسرال والوں کے لئے ۔۔۔”رائمہ نے نیلو کو چھیڑتے ہوئے کہا اور شلف سے چمٹی اٹھا کر کباب اتار کر پلیٹ میں رکھنے لگی

“ایسی بات نہیں ہے ۔۔۔۔ میں تو پہلے بھی یہ سب کچھ بناتی ہی تھی “نیلوفر نے اپنی خفت چھپانے کی کوشش کی

“اچھا اب تم جلدی سے چائے رکھو ۔۔۔۔۔ میری شادی میں چند ماہ ہی رہ گئے ہیں ۔۔۔۔۔ مجھے اب تمہاری بھی ساری تیاری کرنی ہے ۔۔۔۔۔شکربے کہ انکل مان گئے “رائمہ نے شلف پر رکھے بسکٹ نمکو اور کباب کی پلیٹس بڑی سے ٹرے میں رکھتے ہوئے کہا

“اتنی جلدی کیا ہے تمہارے بھائی کو “نیلو نے اوپر اوپر سے بننے کی کوشش کی ورنہ دل میں تو لڈو پھوٹ رہے تھے

“یہ تو۔ باسم سے پوچھوں ۔۔۔۔ جسے آج کل بس تم ہی تم ہر سو نظر آ رہی ہو ۔۔۔۔۔صبح امی کو صاف کہہ کر گیا تھا کہ اگر آج آپ نے بات نہیں کی تو رات کو میں فری کے بابا سے خود کہہ دوں گا ۔۔۔۔۔”رائمہ آنکھیں مٹکاتے ہوئے اسے مسکرا مسکرا کر باسم کہ باتیں بتا رہی تھی ۔۔۔۔۔ اور نیلو اپنی دراز پلکوں کو جھکائے شرم سے گلنار ہونے لگی تھی

رائمہ تو ٹرے اٹھائے باہر نکل گئ ۔۔۔پیچھے دوسری ٹرے میں چائے رکھے نیلو بھی سر پر دوپٹہ جمائے شرماتے ہوئے باہر نکل گئ چائے ہلکے پھلکے ہنسی مزاق میں ہی پی گئ تھی ۔۔۔۔۔۔

*******۔۔۔۔۔۔۔

باسم نمیرہ کی باتوں کی وجہ سے پریشان تھا ۔۔۔۔آفس کی فائل کھولے ذہنی طور پر خود کو زمان صاحب سے بات کرنے پر رضامند کر رہا تھا کہ کیسے وہ کوئی بہانہ بنا کر عاصم کوٹیوشن پڑھانے سے انکار کر دے ۔۔۔۔فون کی بیل پر چونکا تھا ۔۔۔۔فون پر رائمہ کا نمبر جگمگا رہا تھا ۔۔۔۔۔باسم نے فون اٹھا کر کان پر لگایا

“بولو رائمہ “

“مبادک ہو تمہیں سسر صاحب نے ہری جھنڈی دکھا دی ہے”رائمہ کا خوشگوار لہجہ سے بتایا مگر بات باسم سمجھ نہیں پایا تھا ۔۔۔۔ذہنی طور پر نمیرہ کی باتوں کا حل تلاش کر رہا تھا اس لئے یکسر بھول چکا تھا کہ صبح رابعہ بیگم سے کیا کہہ کر آیا تھا

“کون سی ہری جھنڈی ۔۔۔۔سیدھی بات کرو رائمہ پہلے ہی بہت مصروف ہوں ‘”

فائل کے صفحات کو بے دلی سے الٹ پلٹ کرتے ہوئے کوفت زدہ انداز سے بولا

“کون سی بات ۔۔۔کیسی بات ۔۔۔۔کون سی ہری جھنڈی ۔۔۔۔باسم اتنے بھلکڑ تو تم بلکل نہیں ہو ۔۔۔۔میں اور امی تمہاری خاطر نیلو کے ابا سے ہاں کروا کر ہی لوٹے ہیں اور تم ہو کہ …..”رائمہ تپ کے رہ گئ تھی اسے لگا تھا کہ باسم خوش ہو گا ۔۔۔۔بہن کو شاباشی اور شکریہ جیسےالقاب سے نوازے گا مگر وہ سب بھولے بیٹھا تھا باسم کے دماغ نے بروقت صبح کی بات کی یاد دہانی کروائیں

“اوووہ”اس نے ہاتھ پیشانی پر پھیرنا شروع کیا “

“”بہت بزی تھا رائمہ سچ میں ذہن سے نکل گیا تھا ۔۔۔۔۔چلو یہ اچھی بات ہے تھینک یو سو مچ ۔۔۔۔۔”

“خالی تھنکس سے کام نہیں چلے گا آج کا ڈنر تم بازار سے لاؤں گئے ۔۔۔۔۔ٹریٹ ہم گھر پر ہی منا لیں گئے “رائمہ کی بس یہی ایک فرمائش ہوتی تھی وہ بھی تب جب وہ بہت خوش ہوتی تھی

“او کے ڈن ہے ۔۔۔۔۔رات کو تمہارے فیورٹ گولا کباب۔۔۔۔اور روبی کی بریانی پکی “باسم نے ہنستے ہوئے کہا

“اور نیلو کی پسند کی چکن کڑاہی بھی لیکر آنا ۔۔۔۔”رائمہ کی اگلی فرمائش پر وہ خوش سی مسکراہٹ لئے بولا

“دیکھوں میں دعوت انکو دونگا جو میرے سامنے بیٹھ کر کھائیں گئے پارسل کا انتظام بلکل نہیں ہو گا ۔۔۔۔۔پہلے اپنی سہیلی سے پوچھ لو ۔۔۔وہ آئے گی ۔۔۔۔”باسم کا چہرہ چہک سا گیا تھا نیلو کے ذکر سے

“وہ مجھ پر چھوڑ دو ۔۔اسے لانا میری زمہ داری “

“ٹھیک ہے پھر ایک سرپرائز میں بھی رات کو تمہیں دونگا ۔۔۔۔بائے ۔۔۔۔”باسم نے معنی خیز انداز میں کہہ کر فون رکھ دیا ۔۔۔۔چہرےپر ابھی بھی مسکراہٹ سجی ہوئی تھی ۔۔۔۔۔۔فائل کو دوبارہ سے دیکھنے لگا ۔۔۔رات کاتصور ہی خوش آئین تھا

******…….

نیناں اب سب کے ساتھ ڈائنگ میں ڈنر کرنے کے لئے ڈائنگ روم میں آگئ ۔۔۔۔۔حیدر اور بختیار صاحب حیرت سے اسے دیکھنے لگے

“نیناں تم خود کیوں چلی آئی ۔۔۔بس رحمت بی بی کو کال کر دیتی جو چاہیے تھاوہ تمہیں خود لا دیتیں “

“پوپس میں اب ٹھیک ہوں اس لئے کھانا یہیں آپ کے پاس بیٹھ کر کھاؤں گئ “نیناں بختیار صاحب کے برابر کرسی کھنچ کر بیٹھ گئ

“کیوں نہیں ضرور کھاؤں مگر کھانا وہی ڈائٹ والا ملے گا ۔۔۔ابھی تیز مرچ مصالحے تم نہیں کھا سکتی ۔۔۔۔۔”بختیار صاحب نے پیار بھری سرزش سے کہا

“او کے پوپس وہی کھاؤں گی ۔۔۔لیکن آج آپکے ہاتھ سے “بختیار صاحب نے بہت دنوں بعد بیٹی کی آنکھوں میں اپنے لئے وہی محبت دیکھی جو پہلے ہوا کرتی تھی ۔۔۔۔۔وہ مسکراہٹ سجائے بول رہی تھی اسی لاڈ سے جیسے پہلے بات کیا کرتی ۔۔۔۔۔حیدر خاموش سامنے کرسی پر بیٹھا دونوں باپ بیٹی کی محبت اور نیناں کی خوش دیکھ کر مسکرا رہا تھا

“کیوں نہیں میں خود اپنی گڑیا کو اپنے ہاتھ سے سوپ پلاؤں گا ۔۔۔۔۔رحمت بی بی بے بی کا سوپ یہیں لا دیں ۔۔۔۔۔ رحمت بی بی جو وہیں کھڑی تھیں فورا سے کچن میں چلی گئیں کچھ ہی دیر میں سوپ بھی ۔۔۔بختیار صاحب کے سامنے رکھ دیا ۔۔۔۔۔

بختیار صاحب نے اپنا پورا رخ نیناں کی طرف کر لیا اور اسے سوپ پلانے لگے ۔۔۔۔۔

“ویسے تو ہمیشہ میں نے زبردستی تمہیں کھلایا ہے لیکن جب کبھی تم خود سے یہ فرمائش کرتی ہو کہ پوپس کے ہاتھ سے کھاوں گی ۔۔۔۔ تو میں سمجھ جاتا ہوں کہ ضرور دال میں کچھ کالا ہے ۔۔۔۔۔ کوئی بات منوانے کے لئے تم ایسا کئ بار کر چکی ہو “بختیار صاحب زریک نظروں سے نیناں کے مسکراتے چہرے پر کچھ ڈھونڈنے کی کوشش کرتے ہوئے کہہ رہے تھے

“نہیں پوپس ایسا کچھ نہیں ہے ۔۔۔۔ پچھلے دنوں بہت ناراض کیا ہے آپ کو اس لئے ۔۔۔۔”وہ کچھ خفت سے نظریں جھکا کر بولی

“نتھنگ لٹل فرینڈ ۔۔۔۔۔فورگیٹڈ ۔۔۔۔۔بھول جاؤں سب “بختیار صاحب نے بات کو مدافعانہ انداز سے مسکراتے ہوئے اڑایا مگر دل مسرور اس بات پر ہوا کہ چلو نیناں کو اپنی غلطی کا احساس تو ہوا

“شاہزیب بھی یہی کہہ رہے تھے کہ بھول جاؤں سب کچھ ۔۔۔اور اپنے پوپس سے ایکسکیوز کرو ۔۔۔۔”نیناں کی اس بات پر بختیار صاحب کا ہاتھ جو پیالے سے سوپ لیکر نیناں کے منہ کی طرف بڑھ رہا تھے وہیں تھم گیا ۔۔۔۔۔۔

شاہزیب ۔۔۔تو شاہزیب کے کہنے پر نیناں مجھ سے یوں بات کر رہی ہے ۔۔۔۔۔یہ لڑکا میرے اور نیناں کے بیچ میں ایسا مدخل ہوا ہے نیناں اب اسکے کہنے پر مجھ سے اپنا رویہ درست کرے گی ۔۔۔۔۔۔مطلب اسے خود اب بھی اپنی غلطی کا احساس نہیں ہوا ۔۔۔۔۔

بختیار صاحب کا سارا پیار سمندر کی ان لہروں کی طرح جو پہلے تو بڑا جوش دیکھاتے ہوئے آگے بڑھتی ہیں لیکن کنارے تک پہنچتے ہی دم توڑ دیتی ہیں ۔۔۔۔انہیں لہروں کی طرح شاہزیب کا نام سنتے ہی انکی محبت کا جوش بھی دم توڑ گیا تھا ۔۔۔۔۔

چہرے پر نا چاہتے ہوئے بھی ناگوری سے شکنیں پڑنے لگیں

“چلو یہ اچھی بات ہے کہ تمہیں احساس تو ہوا ۔۔۔”حیدر بختیار صاحب کے تاثرات سے اندازہ لگا چکا تھا کہ شاہزیب کو انہوں نے نیناں کے لئے کس دل سے قبول کیا ہے ورنہ دل میں اب بھی شاہزیب کے لئے کدورت رکھتے ہیں ۔۔۔۔۔اس لئے بات کو ہلکے پھلکے انداز میں لینے لگا

“ہاں یہ بات تو سچ ہے ۔۔۔۔۔ورنہ میں تو اب بھی پوپس سے ناراض تھی ۔۔۔۔”نیناں اپنی ہی دھن میں بول رہی تھی ۔۔۔۔۔مگر بختیار صاحب کے دل کے ابال سے نا واقف تھی بڑی مشکل سے انہوں نے سوپ ختم کیا ۔۔۔۔اور ڈائنگ ٹیبل سے اٹھ گئے

“پوپس کھانا نہیں کھائیں گئے ۔۔۔۔”نیناں بختیار صاحب کے غصے کو سمجھ نہیں پائی تھی ۔۔۔۔یا شاید وہ چہرے کے تاثرات بیٹی سے چھپانے میں کمال رکھتے تھے ۔۔۔۔۔

“میں پہلے ہی کھا چکا تھا ۔۔۔۔ میری فکر مت کیا کرو “نیناں کے سر پر محبت سے ہاتھ پھرتے ہوئے با مشکل ہی مسکرا کر بولے

“پوپس مجھے کچھ پوچھنا ہے آپ سے “نیناں کچھ تذبذب سی تھی

“پوچھوں میری جان “

“پوپس وہ ۔۔۔۔۔۔وہ ۔۔۔۔۔۔”

“کچھ چاہیے تھا تمہیں “

“نہیں ۔۔۔۔کچھ نہیں چاہیے ۔۔۔۔میں یہ کہنا چاہتی تھی ۔۔۔اب تو میں کافی ٹھیک ہو چکی ہوں تو ۔۔۔۔”

“تو “بختیار صاحب نیناں کہ ہچکچاہٹ سمجھ نہیں پا رہے تھے

“ا آپ ۔۔۔۔۔شاہزیب کی فیملی کو کب بلائیں گئے رشتے کے سلسلے میں “نیناں نے شرماتے اور کھاتے ہوئے پوچھا

اووہ تو یہ اصل فکر تھی ۔۔۔۔۔ یہ لڑکا میری سوچ سے بڑھ کر چالاک ہے بختیار صاحب نے گہری سانس لی

“تم کہہ دو اس سے اس سنڈے میں کچھ وقت نکال لوں گا انکے لئے ۔۔۔۔۔شام چھ بجے تک پہنچ جائیں لیکن میں ٹائم کا بہت سخت پابند ہوں تم جانتی ہو ۔۔۔۔بس کہہ دینا وقت پر پہنچے “بختیار صاحب اپنی اونچی ناک ابھی بھی رکھنا چاہتے تھے مگر بھول گئے تھے کے مقابل میں شاہزیب زمان ہے ۔۔۔وہ لڑکا جس نے انہیں ناک سے لکیریں تک کھنچوانے میں کوئی کسر نہیں چھوڑی تھی ۔۔۔۔۔اب بھی شاہزیب کے جمعلے انہیں راتوں کو سونے نہیں دیتے تھے جب نیناں کے لئے وہ خود چل کر اس کے گھر تک گئے تھے اور اس نے اپنے باپ سے معافی مانگنے کا حکم نامہ جاری کیا تھا

“Know come on Rana saab ….you apologized my father with folded hands”

لفظ تھے کے تذلیل کی آخری حد تھی رانا بختیار کے لئے ۔۔۔۔۔ جو انہوں نے سہہ لی تھی مگر اب ایسا کوئی ارادہ نہیں رکھتے تھے ۔۔۔۔۔لیکن شاہزیب کے مزاج سے بھی واقف نہیں تھے بختیار صاحب کی بات سن کر نیناں نے برجستہ کہا

“نو پوپس ۔۔۔۔میرے کہنے سے نہیں آئیں گئے وہ لوگ ۔۔۔آپ کو کہنا پڑے گا ۔۔۔۔میں شاہزیب کا نمبر آپ کے نمبر پر سینٹ کر دوں گی ۔۔۔۔آپ خود کہہ دیجیے گا ۔۔۔۔”نیناں اب ایک پلیٹ میں اپنے لئے سلاد ڈال رہی تھی ۔۔۔۔اس لئے لاپروائی سے کہہ کر فوک سے سلاد کھانے لگی ۔۔۔۔بختیار صاحب کو اس بات میں۔ جی اپنی ہتھک سی محسوس ہوئی یعنی کے گر کر اس دوٹکے کے لڑکے سے کہوں کہ آؤں میرے گھر ۔۔۔۔میں مرا جا رہا ہوں اپنی بیٹی تمہیں دینے کے لئے ۔۔۔۔۔”

ضبط کرتے ہوئے سرخ چہرے کے ساتھ اپنے کمرے ۔یں چلے گئے

حیدر ابھی کھانا کھا رہا تھا ۔۔۔۔ساتھ ہی نیناں کو بھی دیکھ رہا تھا ۔۔۔۔۔

“نین میں کل واپس جا رہا ہوں ” نیناں نے بس ایک نظر ہی حیدر پر ڈالی وہ کافی سنجیدہ سا لگ رہا تھا

“کچھ دن رک جاتے۔۔۔میری منگنی دیکھ کر کے جاتے “

“نہیں بس اب جاؤں گا ۔۔۔۔ نین “حیدر نیناں کی لاپروائی دیکھ رہا تھا

“ہاں بولو “وہ ساتھ ساتھ سلاد کھا رہی تھی

“کیاہم اب بھی دوست رہ سکتے ہیں ۔۔۔” حیدر نے بڑی آس سے پوچھا

“نو حیدر ۔۔۔شاہزیب میری میل فرینڈر شپ کو پسند نہیں کرتے ۔۔۔۔ایم سوری ۔۔۔۔”نیناں کے لہجے میں ذرا بھی لچک نہیں تھی

“او کے از یو وش ۔۔۔۔اینڈ وش یو بسٹ آف لک “

“تھنکس “نیناں سلاد کھا چکی تھی اس لئے اٹھ کر چلی گئ

****”……..

۔۔۔بختیار صاحب اپنے کمرے میں آ کر ۔بیڈ پر بیٹھ کر لمبے لمبے سانس بھرنے لگے اپنا غصہ کنٹرول کرنے لگے ۔۔۔۔رگوں میں خون ابل رہا تھا ۔۔۔۔۔جب بات بس سے باہر ہو گئ تو سائیڈ ٹیبل کے دراز سے بی پی کی ٹیبلٹ نکالی اور کھا لی۔اس کے بعد سگریٹ کی ڈبیہ سے سگریٹ نکالا اور لبوں پر کر لیٹر سے چلا کر لمبے لمبے کش لینے لگے ۔۔۔۔ مگر ستم یہ تھا کہ سگریٹ کے دھوئیں کے مرغولوں میں بھی شاہزیب کا مسکراتا ہوا چہرا نظر آ رہا تھا۔۔۔۔

“او یو بلڈی باسٹڈ انہوں نے سگریٹ زمین پر پھنک کر پاؤں سے یوں مسلا جیسے شاہزیب کو مسل رہے ہوں ۔۔۔۔۔

******…..

رات کو باسم کی بائیک کے ہارن پر سب سے ذیادہ رائمہ چہکی تھی۔۔۔۔نیلو فر کو بہانے سے وہ پہلے ہی نیچے لے آئی تھی کہ رات کا ڈنر وہ اس کے ساتھ ہی کرے ۔۔۔۔۔اب بس باسم کا ہی انتظار تھا ۔۔۔آج تو بھائی کی ایک ملاقات نیلو سے کروانے کے سارے انتظامات وہ کر کے بیٹھی تھی ۔۔۔۔۔رباب اور رابعہ بیگم کے ساتھ نیلو اور رائمہ بھی صحن کے تخت پر ہی بیٹھیں تھیں۔۔۔۔نیلو کے بابا کسی دوست کے گھر دعوت پر مدعو تھے اس لئے رائمہ بیفکر تھی ۔۔۔۔بائیک کے ہارن پر دوڑ کر گیٹ تک پہنچی تھی

“باسم آ گیا “خوشی سے چہکتے ہوئے جیسے ہی دروازہ کھولا سامنے رامس کو دیکھ کر متحیر سی ہو گئ ۔۔۔۔۔۔

وہ بھی سفید شلوار قمیض اور فرنچ ڈاڑھی میں اسی کو دلچسپی سے دیکھ کر مسکرا رہا تھا ۔۔۔۔۔

“ہائے اللہ آپ “رائمہ بری طرح بوکھلا ہی تو گئ تھی ۔۔۔جلدی سے ڈوپٹہ سر پر رکھنے لگی ۔۔۔۔

“جی میں ۔۔۔۔۔ سنا ہے میں مہمان خاص ہوں ۔۔۔۔۔ اور اس لئے زبردستی سے یہاں لایا گیا ہوں ۔۔۔۔۔کھینچ کھانچ کے “وہ مسکرا کر بولا

باسم بائیک کھڑی کر چکا تھا ۔۔۔۔اوربہن کا شرم سے اور خفت سے تمتمتا چہرہ بھی دیکھ۔ چکا تھا

“رائمہ یوں دیدے پھاڑ پھاڑ کے مت دیکھوں رامس ہی ہے کوئی اور نہیں ۔۔۔۔۔ ٹھیک ہے کہ تمہاراشوہر ہے ۔۔۔۔ پورا حق ہے تمہیں اسے دیکھنے کا مگر یوں بھائی سامنے نہیں دیکھنے ۔۔۔۔ کچھ شرم حیا کے تقاضے بھی ہوتے ہیں “باسم نے مسکراتے ہوئے رائمہ کو تنگ کیا تھا وہ گھبرا کر اندر کی طرف بھاگ گئ ۔۔۔۔۔باسم کے ساتھ رامس کی ہنسی بھی بے اختیار تھی

“محترمہ میرے ہوش اڑانے کا ارادہ رکھتی تھیں ۔۔۔۔دیکھ لو کیسے الٹے قدم بھاگی ہے ۔۔۔”باسم ہنستے ہوئے رامس کے ساتھ اندر داخل ہوتے ہوئے بولا

“کیوں پریشان کرتے ہو یار ۔۔۔۔۔ پہلے ہی بتا دیتے کہ مجھے بھی تم اپنے ساتھ لا رہے ہو “رامس نے باسم سے کہا ۔۔۔ سامنے رابعہ بیگم پہلے تو رائمہ کے بھاگنے پر متحیر تھی پھر مین گیٹ سے باسم کے ساتھ رامس کو دیکھ کر سمجھ گئیں۔۔۔۔اٹھ کر خود سے رامس کے پاس آ گئیں

“ارے میرا رامس آیا ہے “

“سلام خالہ “رامس نے آگے بڑھ کر سر جھکا کر سلام کیارابعہ بیگم نے بھی شفقت سے اسکے سر پر پھیرتے ہوئے دعا دی

“جیتے رہوں بیٹا سدا خوش رہو “

“وہ تو اب یہ رہنے ہی والے ہیں بس رخصتی کی دیر ہے امی “۔۔۔۔باسم نے کن انکھیوں سے نیلو فر کی طرف دیکھا جو تخت سے کھڑی ہو چکی تھی اور شاید کمرے میں جانے کے لئے پر تول رہی تھی ۔۔۔۔۔ آج تو نیلے رنگ کے لباس میں ہلکے سے میک میں کچھ الگ ہی لگ رہی تھی ۔۔۔۔ہاتھوں میں ہم رنگ چوڑیاں پہنے کا اسے شوق تھا شاید جیسا لباس تن زیب کرتی تھی ویسی چوڑیاں ضرور پہنتی تھی پھر یوں شرمائی شرمائی سی نظریں جھکائی سیدھی دل میں اتر رہی تھی ۔۔۔۔اس۔ سے پہلے کہ وہ بھی وہ کمرے کا رخ کرتی ۔۔۔۔باسم کی پکار پر رک گئ

“فری یہ کھانے کے شوہر ہیں پلیز ذرا کچن میں رکھ دیں کیونکہ رائمہ تو اب باہر نہیں آنے والی “باسم نے شوپر نیلو فر کی طرف بڑھا دیے ۔۔۔۔

نا چاہتے ہوئے بھی اسے پکڑنے پڑے ۔۔۔

“سنیں اس میں ہاتھ میں پہنے کے کلیوں کے گجرے بھی ہیں ۔۔۔۔۔آپکے لئے ۔۔۔۔آپ پہنے گی تو مجھے اچھا لگے گا ۔۔۔۔۔”دھیرے سے اسے کہہ کر پیچھے ہٹ گیا وہ فورا سے دھڑکتے دل کے ساتھ کچن میں چلی گئ ۔۔۔۔۔

“رباب سے کہہ دیتے باسم وہ بھی مہمان ہی آئی ہے “رابعہ بیگم نے پیار بھری سرزش باسم سے کی

“میں تو انہیں مہمان نہیں سمجھتا امی ۔۔۔۔۔ میرے لئے تو وہ اس گھر کا ہی فرد ہیں “

******……

اگلے ہی روز بختار صاحب کے ان باکس میں شاہزیب کا نمبر اسکے نام کے ساتھ نیناں نے بھیج دیا تھا اسوقت وہ اپنے آفس میں ایک ضروری فائل ری چیک کر رہے تھے مگر اس کا نمبر دیکھ کر ۔۔۔۔فائل سے ساری دلچسپی جیسے ختم ہو چکی تھی ۔۔۔چند لمحے فون پر شاہزیب کا نمبر گھورتے رہے ۔۔۔۔۔۔

پھر اسے کال ملا کر فون کان پر لگا لیا

چند بیلوں کے بعد ہی فون اٹھا لیا گیا

“ہیلو “آواز شاہزیب کی ہی تھی

بختیار صاحب نے گلا کھنکھارا کوئی ناپسندیدہ شخصیت سے اگر مجبورا بات کرنی پڑ جائے تو انسان شش وپنج۔ کا شکار ہو ہی جاتا ہے بختیار صاحب بھی اس وقت ایسی ہی کسی کیفیت کا شکار تھے

“جی کون صاحب “شاہزیب نے دوبارہ سے استفسار کیا

“میں ۔۔۔۔رانا بختیار راجپوت “بڑے رعب سے وہ اپنا تعارف کروانے کے عادی تھے مگر پہلی بار شاہزیب کے سامنے آواز کچھ پست سی ہو گئ تھی

“اوووہ رانا صاحب ۔۔۔۔کیسے مزاج ہیں آپکے ۔۔۔۔”وہی بے خوف اور دبدبے والا لہجہ جو بختار صاحب کی جان جلا کے رکھ دیتا تھا ۔۔۔۔۔ جس شخص کو سب نے ہمیشہ جھک کر سلام کیا تھا اسکے سامنے لہجہ دھیمہ رکھ کر بات کی تھی یہ لڑکا کچھ نا ہوتے ہوئے بھی بے دھڑک بات کرتا تھا ۔۔۔۔۔

“وہ ۔۔۔۔میں چاہتا ہوں کہ تمہارے گھر والے اتوار کو چھ بجے میرے گھر پہنچ جائیں ۔۔۔۔تا کہ معاملات کچھ آگے بڑھائے جائیں ۔۔۔۔۔ ویسے چاہوں تو تم بھی آ سکتے ہو ۔۔۔۔میں میڈل کلاس دقیانوسی سوچ کا قائل نہیں ہوں ۔۔۔۔ اور ویسے بھی میں ایک ہی سٹنگ چاہتا ہوں ۔۔۔۔۔یہ روایتی قسم کے چونچلے مجھے پسند نہیں کہ پہلے تمہارے گھر والے نیناں کو آ کر پسند کریں پھر میں لوگوں کو لیکر تمہیں دیکھنے اور پرکھنے آؤں ۔۔۔۔ویسے بھی یہ کوئی ارینج میرج تو ہے نہیں کہ ایسے تکلفات میں وقت ضائع کیا جائے ۔۔۔۔۔”کاٹ دار لہجہ مگر آواز متوازن تھی ۔۔۔۔۔لیکن باتیں طنز سے ڈوبی ہوئی تھیں

“بلکل بجا فرمایا آپ نے رانا صاحب ۔۔۔۔۔آپ جیسے رئیس لوگ کہاں ایسے جھنجھٹ پالتے ہیں ۔۔۔۔ لیکن میں ایک شریف اور رشتوں کی پاسداری رکھنے والے خاندان کا چشم وچراغ ہوں ۔۔۔ہمارے ہاں شادی چاہے لو ہو یا ارینج بات بڑے ہی طے کرتے ہیں ۔۔۔اس لئے آپ کو میرے والد سے بات کرنی ہو گی اور گھر آنے کا انوٹیشن بھی انہیں دینا پڑے گا ۔۔۔۔۔

اور باقی معاملات بھی سب ویسے ہی طے ہوں گئے جیسے ہمارے معاشرے کے اسی فیصد لوگ کرتے ہیں۔۔۔۔۔”شاہزیب نے انکی بات کو ہوا میں اڑاتے ہوئے اپنی بات اوپر رکھی تھی بختیار صاحب کی گرفت موبائل پر مضبوط ہوئی جبڑے ایک دوسرے میں غصے سے آپس میں پیوست ہوئے

“ٹھیک ہے بات کرواں اپنے باپ سے “لہجے میں اشتعال کا رنگ ٹپکا

“جی جی رانا صاحب کیوں نہیں میں نمبر سینٹ کرتا ہوں آپ کال کر لیں “شاہزیب نے یہ کہہ کر فون بند کر دیا اگلے ہی لمحے میسج کی ٹیون بجی ۔۔۔۔۔

بختیار صاحب زچ سے ہونے لگے تھے ۔۔۔۔۔فون زمان صاحب کے نمبر پر کیا اور اتوار کے دن کا بلاوا دے کر فون بند کر دیا