Rate this Novel
Episode 7
ماما ۔۔۔ ماما دیکھیں کون آیا ہے امثال نے گھر میں داخل ہوتے ہوئے ساریہ بیگم کو آوز دی۔
کیا بات ہے ژلے کیوں چیخ رہی ہو، کبھی تو سکون سے بات کر لیا کرو ساریہ بیگم نے کچن سے نکلتے ہوئے پوچھا اور سامنے کھڑے عدید کو دیکھ کر چونکی
ارے ماشاءاللہ میرا بیٹا آیا ہے ۔کیسے ہو عدید کب آئے ۔ فاریہ بھی آئی ہے کیا۔ ساریہ بیگم نے گلے لگا کر اسکا ماتھا چومتے ہوئے کہا
ارے یار بڑی ماما سانس تو لیں نہ سب بتاتا ہوں۔ آپ بیٹھیں تو، بڑے بابا کہاں ہیں ۔
انہیں کافی دیر ہوگئی تھی باتیں کرتے ہوئے تب تک امثال اور بازل بھی چینج کر کہ آ چکے تھے شہریار اپنے کسی کام کے لیے نکل گیا تھا ۔
اچھا عدی میرے لیے کیا لائے ہو۔ امثال نے پوچھا تو عدید نے گہری سانس لی جبکہ ساریہ بیگم نے اسے گھورا تھا جسکو نظرانداز کرتے ہوئے وہ عدید کی طرف متوجہ ہوئی
یہاں آو ۔۔اسے پاس بلایا تو وہ اُٹھ کر اسکے پاس آ بیٹھی ۔
ایکچولی پرنسیز کیا ہے نہ کہ مجھے اچانک آنا پڑا اور دوسری بات کہ میں پچھلے چار پانچ دنوں سے پاکستان میں ہوں۔ سب کچھ شفٹ کر رہا ہوں نہ پاکستان اس لیے بہت بزی تھا تو کچھ نہیں لا پایا ۔ہاں ہم کل مال چلیں گے ۔میرے جگر کے ٹکڑے کو جو چایئے ہوگا ہم لیں لیے گے ٹھیک ہے نہ ۔۔عدید نے اسکا ہاتھ اپنے لبوں سے لگایا تو اسنے سمجھنے والے انداز میں سر ہلا دیا
یار عدی میں بھی ہوں۔۔۔۔ بازل نے خود کو نظر انداز ہوتا دیکھا تو دھائی دی
ہاں بابا جانتا ہوں۔۔۔۔۔۔۔۔ویسے میں سوچ رہا تھا کہ جب تمہیں بتاؤں گا تو تم میرے بال تو ضرور کھینچو گی ۔عدید نے ہنستے ہوئے کہا
ہا۔۔۔۔۔ عدید کے بچے تم نے مجھے ایسا سمجھا ہوا ہے کیا۔ امثال نے خفگی سے کہا تو اس نے جھٹ سے نفی میں سر ہلا دیا
اچھاآپ چینج کر لیں، پھر کچھ کھاتے ہیں۔۔ امثال نے اسے اُٹھایا تو وہ اُٹھ کر اپنے روم کی جانب چلا گیا ۔چونکہ وہ جب بھی پاکستان آتا تھا انھی کے ہاں ٹھہرتا تھا تو اسکا الگ کمرا مختص تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانیہ رمل بتا رہی تھی کہ عادل واپس آگیا ہے ۔خدیجہ بیگم نے لان میں بیٹھی سانیہ سے پوچھا
ہاں اور کافی غصے میں بھی تھے۔۔ ملازمہ نے چائے پانی کا پوچھا تو سے بھی ڈانٹ دیا اور کہا کہ جب تک وہ نہ کہیں کوئی اُنہیں ڈسٹرب نہ کرے ۔ سانیہ نے کندھے اچکاتے ہوئے کہا۔
یا اللہ خیر پتا نہیں کیا ہوا ہو گا۔۔۔۔
رہنے دیں ماں انکا موڈ ہمیشہ ہی خراب ہوتا ہے کونسا پہلی بار ہوا ہے۔۔۔۔ ویسے ماں جان آپ نہ بھائی کے لیے ایسی لڑکی ڈھونڈیئے گا جو انہیں تگنی کا ناچ نچائے۔۔۔ ۔ ہر کام انکے الٹ مزاج کریں، بھائی کی ٹکر کی ہو اور بھائی چاہ کر بھی اس پر غصہ نہ کر سکیں ۔۔۔ یااللہ پلیز بھائی کو کوئی ایسی لڑکی دے دینا ۔ سانیہ نے باقاعدہ ہاتھ اُٹھا کر دعا کی ۔
شرم کرو بھائی ہے تمہارا۔۔ خدیجہ بیگم نے اسے چیت لگائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا بات ہے ایس پی عادل آج گھر میں گھوم رہا ہے۔۔ مامی بتا رہیں تھیں تم پولیس سٹیشن گئے تھے اور دو گھنٹے بعد ہی واپس آگئے خیریت تھی نہ ۔امان نے عادل کو سیڑھیاں اترتے دیکھا تو پوچھا
نہ پوچھ یار اپنی زندگی کا سب سے بھیانک دن دیکھا ہے میں نےآج۔۔۔ شکر کرو میں زندہ سلامت آگیا ہوں ورنہ مجھے تو لگ رہا تھا کہ میں خود کو کچھ کر بیٹھوں گا ۔۔۔۔عادل نے گہری سانس لیتے ہوئے کہا
کیوں ایسا کیا ہو گیا جو تم اس نہج پر پہنچ گئے امان نے اچنبھے سے پوچھا
آج جب میں پولیس سٹیشن گیا تو وہاں پر ایک لڑکی اور لڑکا موجود تھے اور۔۔۔۔۔۔۔۔۔۔۔۔۔۔۔۔ جوں جوں وہ بتاتا گیا امان کی مسکراہٹ گہری ہوتی گئی جب وہ خاموش ہوا تو امان کا فلک شگاف قہقہ چھوٹا تھا
ہاہاہاہاہا ۔۔۔کیا سین ہوگا۔۔۔۔ ایس پی عادل عمر جو مجرموں کے لیے خوف و دہشت کی علامت سمجھا جاتا ہے ، دو بچوں کے آگے بے بس تھا ۔ امان نے ہنستے ہوئے کہا۔
ہا۔۔۔۔۔ بچے تو نہیں تھے ۔۔۔۔۔ خیر سے پورے فتنے تھے ۔۔ وہ لڑکا تو لڑکا اسکے ساتھ جو لڑکی تھی پوری آفت تھی۔۔۔۔۔ پہلے تو میں سمجھا شائد دوست ہیں دونوں۔۔۔۔۔ وہ تو بعد میں پتہ چلا کہ بہن بھائی ہیں اور ٹوئنز ہیں۔۔۔۔۔۔مجھے کہہ رہی تھی کہ کچھ لے دے کر بات ختم کرتے ہیں اور تمہیں پتا ہے، مجھے جعلی اور دو نمبر ایس پی بول رہی تھی ۔۔عادل نے مسکراتے ہوئے کہا تو امان اسکی مسکراہٹ دیکھ کر چونکا تھا ۔
ویسے ایک بات بتاؤ وہ بہت پیاری تھی کیا ۔ امان نے پوچھا تو اسکی آنکھوں کے سامنے اسکی صورت لہرائی
پتا نہیں لیکن ہنستے ہوئے اسکے دائیں گال پر ڈمپل پڑتا تھا۔۔۔۔۔۔ عادل نے دھیمی مسکراہٹ سے کہا
اوہ ۔۔۔آئی سی۔۔۔۔امان نے معنی خیزی مسکراہٹ سے لب سکیڑے تو عادل نے بے اختیار اسکی طرف دیکھا
ایک منٹ ۔۔۔۔ایک منٹ ۔۔۔ کیا سمجھ رہے ہو ۔ایسا کچھ نہیں ہے ۔۔ عادل نے صفائی دینا چاہی
ہاں۔۔۔ ہاں۔۔۔ ٹھیک ہے۔۔۔۔۔۔ میں کیا کہہ رہا ہوں ۔۔ امان نے مسکراہٹ دباتے ہوئے کہا
ارے ہاں ۔۔۔۔ تمہیں شہری یاد ہے ہمارا یونی کا دوست۔۔۔۔۔ وہ دونوں اسکے بہن بھائی تھے۔۔۔۔ان دونوں کو لینے وہی آیا تھا ۔۔
اوہ تو تم انکے ہتھے چڑھے تھے ۔پھر تو تمہاری ایسی حالت بنتی تھی۔ میں مل چکا ہوں دونوں سے۔ امان نے ہنستے ہوئے کہا وہ بھی ہنس دیا ویسے ایک بات کہوں۔ امان نے اسکے چہرے پر بکھری مسکراہٹ کا گہری نظروں سے جائزہ لیتے ہوئے کہا تواس نے اثبات میں سر ہلا دیا
تم جو یوں اتنا مسکرا رہے ہو
کچھ تو ہے جو چھپا رہے ہو
احمد فراز کے شعر کی ٹانگ توڑتا وہ باہر کی طرف بھاگا کیونکہ اس نے عادل کو جارحانہ انداز میں کھڑا ہوتے دیکھ لیا تھا پیچھے وہ سر پر ہاتھ پھیر کر رہ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بڑی ماما یہ ژلے اور بازی کہاں ہیں ۔صبح سے نظر نہیں آرہے ہیں ۔آج تو اتوار ہے ،یونی سے بھی چُھٹی ہے ۔عدید نے کچن میں کام کرتی ساریہ بیگم سے پوچھا
پتا نہیں ہوں گے کہیں نکلے آوارہ گردی کرنے ۔اور یہ بازل کو ہزار بار کہاں ہے کہ امثال اب بچی نہیں ہے جو اسکو لے کر مٹر گشت کے لیے نکل جاتا ہے پر اسکو بھی کہاں کچھ سمجھ آتا ہے ۔ساریہ بیگم نے کہا تو وہ مسکرا دیا
اوہ کم آن بگ مام وہ بازل کے ساتھ جاتی ہے اور ہم ہیں نہ ہمارے ہوتے ہوئے امثال کی طرف کوئی آنکھ اُٹھا کہ نہیں دیکھ سکتا اور ویسے بھی ہماری ژلے کوئی عام لڑکی نہیں ہے ۔ضرورت پڑنے پر اگلے بندے کا نقشہ بدل کر رکھ سکتی ہے ۔آپکو اندازہ نہیں ہے جب وہ ہمارے قدم سے قدم ملا کر چلتی ہے نہ تو ہم کتنا پراؤڈ فیل کرتے ہیں ۔عدید نے محبت سے کہا تو ساریہ بیگم نفی میں سر ہلا کر رہ گئیں ۔مجال ہے جو یہ تینوں اسکے خلاف ایک لفظ بھی سن لیں
کیا رازو نیاز ہو رہے ہیں بھئی امثال نے کچن میں داخل ہوئی
کچھ نہیں بس ایسے ہی تم بتاؤ کہاں غائب ہو صبح سے ،پھر مجھ سے شکایت کرتی ہو کہ میں ٹائم نہیں دیتا۔ عدید نے اسے بازو کے گھیرے میں لیا
وہ ہم نہ آپ کا گھر سیٹ کر رہے تھے ۔امثال نے اسکے سینے پر سر ٹکاتے ہوئے جتنے آرام سے کہا تھا اتنی ہی شدت سے اسے جھٹکا لگا
میرا گھر ۔۔۔۔۔۔میرا کونسا گھر ۔۔۔۔۔۔۔میں تو ابھی تک کوئی گھر نہیں لیا ۔عدید نے حیران ہوا
ہم صبح جا کر بُشرہ آنٹی سے چابیاں لے آئے تھے۔ہم نے سوچا آج اتوار ہے تو ہم لوگ سیٹ کر دیتے ہیں۔ امثال نے کندھے اچکائے
لیکن سونا میں نے ابھی تک ان لوگوں سے بات بھی نہیں کی ہے تو ایسے کیسے ۔پتا نہیں ڈیل بھی ہوتی ہے یا نہیں ۔عدید ابھی تک حیران تھا
اوہو عدی ہم نے گھر سیٹ کر دیا ہے تو اسکا مطلب یہی ہوا نہ کہ ،آپ وہ گھر لے رہے ہیں چاہے ڈیل ہو یا نہ ہو ۔۔۔۔۔ ۔میں نے شہری بھائی کے وکیل سے کاغذات بنوا لیے ہیں ،تھوڑی دیر تک آجائیں گے۔۔۔۔۔۔شام میں مل لیجے گا رحمان انکل سے۔۔۔۔۔۔فائیو سٹار ریسوٹرینٹ میں میٹینگ رکھی ہے ٹیبل نمبر آٹھ ریزرو ہے عدید ہمدانی کے نام سے ۔۔۔۔۔۔۔۔ اور ڈیل ہونی چایئے ۔۔۔۔۔۔۔۔ کل شام تک سامنے والی دیوار توڑ کر ایک دروازہ لگوا دیجے گا تاکہ ہمیں آنے جانے میں آسانی ہو۔۔۔۔۔۔۔۔۔۔۔۔۔امثال نے اسے حکم دیتے ہوئے کہا تو وہ اسکا انداز دیکھ کر ہنس دیا ۔
تو میری جان ڈیل بھی خود ہی کر لیتی۔۔۔۔۔ مجھے بتا دیتی میں پےمنٹ کر دیتا ۔۔عدید نے اسکے ماتھے پر لب رکھتے ہوئے کہا
لو ایوں ای ۔۔۔نہ مجھے پتا کسی بات کا اور انکا کیا بھروسہ وہ مجھے مہنگے میں بیچتے۔
تو پیسے تم سے اچھے تھوڑی نہ تھے ۔ عدید نےاسکے سر پہ چیت لگائی تو وہ ہنسی
شکر ہے زندگی میں تم لوگوں نے کوئی سمجھداری کا کام بھی کیا ہے۔۔ ساریہ بیگم نے کہا
اوہ ہ ہ سویٹ مام ۔۔۔۔۔۔۔۔۔۔۔ لو یو سو مچ۔۔ امثال ساریہ بیگم کے گلے لگی تھی۔
جاری ہے