Tum Joh Aaye Zindagi Mein By Shagufta Kanwal Readelle50238 Episode 12

شہری بھائی کیا کر رہے ہیں ۔ دیکھیں میں نوڈلز بنا کر لائی ہوں۔۔۔آجائیں کھاتے ہیں ۔۔امثال نے لاونج میں کام کرتے شہریار کے پاس آئی
امثال تم دیکھ رہی ہو نہ میں اس وقت بزی ہوں تنگ مت کرو ۔۔ شہریار نے سنجیدگی سے کہا تو وہ ششدر رہ گئی ۔شہریاراسکو امثال تب ہی کہتا تھا جب وہ اس سے ناراض ہوتا
بھائی ۔۔۔۔بھائی آپ ناراض ہیں مجھ سے ۔۔۔۔۔ امثال نے پوچھا لیکن شہریار ہنوزلیپ ٹاپ پر جھکا کام کرتا رہا
بھائی میں آپ سے بات کر رہی ہوں آپ ناراض ہیں۔۔ امثال نے بے چینی سے اسکا بازو ہلایا
تو کیا نہیں ہونا چائیے ۔۔۔۔۔ تم لوگوں نے جو حرکت کی ہے ۔۔ اگر میں نے صبح تمہاری حمایت کی تھی تو اسکا مطلب یہ نہیں کہ مجھے پتا نہیں کہ وہ سب کس نے کیا ہے ۔۔۔۔۔۔ میں نے تم لوگوں کو یہ تو نہیں سکھایا ۔۔ کتنی شرمندگی اُٹھانی پڑی ہے مجھےعادل کے سامنے۔۔۔۔۔شہریار نے لیپ ٹاپ سائیڈ پر رکھتے ہوئے اسکی طرف متوجہ ہوا
کیوں کیا تھا ۔۔۔۔ جب میں نے منع کیا تھا کہ کوئی شرارت نہیں کرنی تو پھر ۔۔۔۔
سوری بھائی ۔ امثال نے سرجھکایا
تمہارے سوری کرنے سے اسکا نقصان پورا ہو جائے گا ۔ شہریار نے اب کی بار تھوڑا سختی سے کہا تو اسکے کب کے رکے آنسو رواں ہوگئے شہریار نے آنکھیں بند کر کہ گہری سانس لی
سوری بھائی آئیندہ نہیں کریں گے امثال نے روتے ہوئے اسکا ہاتھ پکڑ کر کہا تو اسنے رخ موڑا ۔ وہ کہاں اسکو روتا دیکھ سکتا تھا لیکن اس وقت اسکو ڈھیل نہیں دینا چاہتا تھا
سوری مجھے نہیں عادل کو جاکہ کہو۔اورتب تک مجھ سے بات مت کرنا جب تک تم اس سےسوری نہ کر لو،۔اور بازل کو بھی کہہ دینا ۔۔۔۔۔ شہریار اسے کہتا دوبارہ لیپ ٹاپ اُٹھا چکا تھا مطلب صاف تھا کہ وہ جا سکتی ہے ۔ وہ روتے ہوئے اپنے کمرے کی طرف بھاگی ۔
سوری گڑیا یہ ضروری تھا۔۔ پیچھے شہریار نے اپنی نم آنکھیں صاف کی اور لیپ ٹاپ آف کر دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے کمرے میں جا کہ وہ کافی دیر تک روتی رہی خوب سارا رو لینے کے بعد واش روم میں جا کہ منہ پر پانی کے چھینٹے مارے ۔اپنی حالت درست کی ۔ اور کمرے سے نکل گئی اسکے کمرے میں جھانکا تو وہ کمرے نہیں تھا ملازمہ سے پوچھا تو اس نے بتایا کہ وہ سٹڈی روم میں ہے اور امان اور شہریار بھی وہیں ہیں ۔۔چلو اچھا ہے بھائی کے سامنے سوری کر لوں گی وہ سوچتے ہوئے نیچے آئی سٹڈی روم کے باہر جا کہ اسے نئے سرے سے غصہ چڑھا تھا آخر کو اسکی وجہ سے اسکا بھائی ناراض ہو گیا تھا۔ خود کو کنٹرول کرتے ہوئے اس نے دھاڑ سے دروازہ کھولا اور آندھی طوفان کی طرح اندر داخل ہو کر صوفے پر بیٹھے فائل سٹڈی کرتے عادل کے سر پر جا کھڑی ہوئی ۔وہ جو مگن انداز میں کسی کیس کی فائل دیکھ رہا تھا ۔اس اچانک پڑنے والی افتاد پر اچھل کر رہ گیا ۔فائل ہاتھ سے گرتے گرتے بچی اسکو اپنے سامنے دیکھ کر اس نے گہری سانس لی
سوری کرنے آئی ہوں۔۔ امثال نے ایک پاؤں صوفے کے سامنے پڑے ٹیبل پر رکھا اور کہنی گھٹنے پر ٹکا کر اسکی طرف جھکتے ہوئے چبا چبا کر کہا۔ انداز وارن کرنے والا تھا۔اس نے ایک نظر اسکے پاؤں کی طرف دیکھا پھر اسکی شعلے اگلتی آنکھوں کو ۔۔
شہریار نے اپنی مسکراہٹ دبائی جانتا تھا اسکا غصہ بھی عادل پر نکلے گا۔
تم سوری کرنے آئی ہو یا دھمکانے ۔۔۔ عادل نے بے ساختہ پوچھا تھا
میری کیا مجال جو میں ایس پی عادل عمر شاہ کو دھمکا سکوں۔۔ بہرحال میں نے جو آپکی شان میں گستاخی کی اس کے لیے میں دل کی گہرائیوں سے آپ سے معافی چاہتی ہوں۔ پلیز مجھے معاف کر دیجیے گا ۔اور اپنے کزن کو بھی بتا دیجیے گا کہ آپ مجھے معاف کر چکے ہیں ۔۔۔ میں تا عمر آپکی احسان مند رہوں گی ۔۔ ایک ایک لفظ پر زور دیتے ہوئے امثال نے کہا اور جس رفتار سے آئی تھی اسی سے واپس لوٹ گئی پیچھے وہ جھر جھری لے کر رہ گیا۔
یار شہری آج کے بعد کچھ بھی ہو جائے تم اسے سوری کرنے کا نہیں بولو گے ۔۔۔ میں باز آیا ایسی سوری سے ۔۔۔ میرا دل ابھی تک دھڑک رہا ہے ۔عادل کے بیچارگی سے دل پر ہاتھ رکھ کر کہنے پر امان کا کب کا رکا قہقہ بلند ہوا تھا
سٹڈی کے دروازے پر کھڑی زروا الٹے قدموں پلٹی آخر کو اسے سب کو بتانا تھا
امثال تیز تیز قدموں سے باہر نکلی شہریار کی کافی لے کر آتی ساریہ بیگم دیکھ کر رکی
ماما آپکے بیٹے نے اس دو نمبر جعلی ایس پی کے لیے مجھے ڈانٹا ہے میں بھی اب بات نہیں کروں گی ان سے ۔۔انکے ساتھ بیٹھ کر کھانا بھی نہیں کھاؤں گی ۔۔اپنے شو لیس بھی خود ہی باندھ لوں گی اور۔۔۔۔اور انکے آفس بھی نہیں جاؤں گی۔۔ساریہ بیگم سے کہتی یہ جا وہ جا
تمہارے لیے پیغام ہے شہری۔۔۔۔ ساریہ بیگم نے مسکراتے ہوئے کافی شہریار کو پکڑائی
سن چکا ہوں۔۔۔ آپ فکر مت کریں میں منا لوں گا شہریار نے ہنستے ہوئے کہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپی کیا کر رہی ہیں ۔۔۔ میرے پاس ایک مزے کی خبر ہےآپ لوگ سنیں گی تو حیران رہ جائیں گیں۔ زروا نے چہکتے ہوئے کہا
کیوں ایسی کیا بات ہے جو تم اتنی پرجوش ہو رہی ہو۔۔ رامین نے مسکراتے ہوئے پوچھا
ارے آپی آپ سنیں تو ۔۔۔۔آپکو پتا ہے میں ابھی عادل لالہ کی درگت بنتے دیکھ کر آئی ہوں۔۔۔زروا نے بلا آخر بلی تھیلے سے نکالی تھی
واٹ عادل لالہ کی درگت ۔۔۔امپوسیبل۔۔۔۔۔ ۔زروا چندا کتنی بار کہا ہے لمبی لمبی مت چھوڑا کرو ۔۔شامین نے اسے ٹوکا
میں سچ کہہ رہی ہوں ۔۔ابھی اپنی آنکھوں سے دیکھ کر آ رہی ہوں۔۔۔ امثال آپی کے ہتھے چڑھے ہوئے تھے ۔آپکو پتا ہے جم میں جو بھی ہوا وہ امثال آپی اور بازل لالہ نے کیا ہے شائد اسی بات پر وہ سوری کر رہیں تھیں۔۔اور سوری بھی اس انداز میں کر رہی تھیں کہ صاف لگ رہا تھا کہ وہ دھمکا رہی ہیں اور آپکو پتا عادل لالہ آگے سے کچھ نہیں بولے بس آنکھیں پھاڑے انہیں دیکھ رہے تھے ۔
ایسا ہو کیسے سکتا ہے عادل لالہ اور کسی کی باتیں سن لیں وہ بھی ایک لڑکی ۔۔ ہو ہی نہیں سکتا سانیہ نے نفی میں سر ہلایا
ارے سانی تمہیں یاد نہیں اس دن امان بھی بتا رہا تھا کہ عادل پہلے بھی انہیں بھگت چکا ہے ۔۔ابکی بار رمل نے کہا
لگتا ہے سانیہ تمہاری دعائیں قبول ہو گئی ہیں۔۔ رامین نے ہنستے ہوئے کہا
تم کتنی بدتمیز ہو ہمیں نہیں بتا سکتی تھی۔۔ہم بھی دیکھ لیتے ۔۔اچھا اور بتاؤ کیا ہوا وہاں پر۔۔۔ سانیہ نے اشتیاق سے پوچھا تو زروا اٹھ کر امثال کے انداز میں کھڑی ہوکر انہیں بتانے لگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگلی صبح وہ خود ہی تیار ہو کر ایکسرسائز کے لیے نیچے آ گئی تھی سیڑھیوں پر کھڑے شہریار کی طرف دیکھے بغیر اسکے پاس جا کہ کھڑی ہوئی ۔ اسکا انداز دیکھ کر شہریار بے اختیار مسکرا دیا ۔شہریار اپنے شہر والے جم کی مشینری عادل کے بہت منع کرنے کے باوجود حویلی میں شفٹ کر چکا تھا
نصیب دشمناں طبعیت اور موڈ دونوں خراب لگتے ہیں ۔۔ سیڑھیاں اترتےبازل نے ہانک لگائی۔لیکن کوئی جواب نہ پا کر تشویش سے شہریار کی طرف دیکھا تو اس نے سر ہلا دیا
آج ہم جم نہیں جا رہے ہیں آؤ کہیں باہر چلتے ہیں ۔ شہریار نے امثال کی طرف ہاتھ بڑھایا جو اس نے منہ بناتے ہوئے پکڑ لیا ۔وہ جانتا تھا جتنا بھی اس سے ناراض صحیح وہ اسکا ہاتھ نہیں جھٹکے گی۔باہر نکلتے ہی اس نے بازل کو اشارہ کیا تو وہ آگے چلا گیا۔ آتے جاتے لوگ ان دونوں کو دیکھ کر حیران تھے ۔۔ ان لوگوں نے کہاں شاہ فیملی کے بچوں اسپیشلی لڑکیوں کو یوں باہر دیکھا تھا ۔ تھوڑی سی واک کے بعد شہریار نے اس ایک درخت کے نیچے بٹھایا اور خود بھی اسکے پاس بیٹھ گیا
میرا بیٹا ناراض ہے مجھ سے ۔۔ شہریار نے اسکا ہاتھ پکڑ کر لبوں سے لگایا تواس نے منہ بسورتے ہوئے رخ موڑا
اچھا ادھر میری طرف تو دیکھو نہ۔۔ شہریار نے اسکا رخ اپنے طرف کیا
آپ نے اس دو نمبر ،جعلی اور کھڑوس ایس پی کے لیے مجھے ڈانٹا ۔۔۔۔۔۔ ڈانٹا تو چلو ایک طرف آپ ناراض ہو گئے تھے ۔۔امثال نے ڈبڈبائی آنکھوں سے اسے دیکھا
دیکھو بھائی کی جان ۔۔۔۔ وہ ضروری تھا ۔۔۔۔ میں نہیں چاہتا کوئی میری گڑیا کے لیے اپنے دل میں میل رکھے یا پھر تمہارے بارے میں کوئی غلط سوچے ۔۔۔۔سوہنے یہ گاؤں ہے ۔۔یہاں پر لوگ چھوٹی چھوٹی باتوں کو نوٹ کرتے ہیں ۔۔بھلا سوچو مجھے کیسا لگتا جب کوئی مجھے کہتا کہ شہریار کی بہن بدتمیز ہے ۔۔ تم سمجھ رہی ہو نہ میری بات ۔۔۔پہلے کبھی ڈانٹا یا منع کیا ہے کسی بات سے ۔۔۔۔۔ شہریار نے اسکے آنسو صاف کرتے ہوئے کہا تو اس نے سر ہلا دیا
آپ کو پتا ہے میں اتنا روئی تھی ۔۔۔۔ امثال نے آنکھیں پھیلائیں
سوری بھائی کی جان ۔۔دوبارہ نہیں ڈانٹوں گا ۔۔۔۔ شہریار نے اسے اپنے ساتھ لگایا
اگر صلح ہو گئی ہو تو گھر چلیں مجھے بہت بھوک لگ رہی ہے رات بھی کھانا نہیں کھایا تھا ۔۔۔ بازل نے انٹری ماری
کیوں تم نے کیوں نہیں کھایا تھا امثال نے حیرانی سے پوچھا
کیوں کہ تم نے نہیں کھایا تھا نہ ۔۔۔۔۔۔ ماما نے مجھے بتایا تھا کہ آپ دونوں کی کٹی چل رہی ہے۔۔۔۔ بازل نے اسکا گال کھینچا
ویسے راز کی بات بتاؤں۔۔۔۔ میں نے بھی نہیں کھایا تھا۔۔۔
ہیں ۔۔۔۔۔۔۔۔۔۔کیوں ۔۔۔دونوں نے یک زبان ہو کر کہا
کیوں کہ میرے ٹوئنز نے نہیں کھایا تھا نہ۔۔۔۔ شہریار ہنستے ہوئے کہا تو وہ بھی ہنس دیے
ان تینوں کو ہنستا مسکراتا اندر آتا دیکھ کر ساریہ بیگم دل ہی دل میں انکی نظر اتارتی کچن کی طرف بڑھی کیونکہ وہ جانتی تھیں ابھی شور مچ جائے گا ناشتے کا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عدی تم کب آئے ۔۔ امثال نے اسکے گلے لگی
بس ابھی ابھی آیا ہوں تم تو یہاں آ کہ بھول ہی گئی ہو میں نے سوچا میں مل آؤں ۔۔ عدید نے اسکی پیشانی چومی
تمہیں پتا تو ہے ہماری یونی سٹارٹ ہو چکی ہے اسائنمنٹس بھی ملنا شروع ہو گئی ہیں تو ٹائم ہی نہیں ملتا ۔۔۔
اچھا یہ بتاؤ دل لگ گیا ہے تم لوگوں کا یہاں ۔۔۔عدید نےاس سے پوچھا
ہاں۔۔۔۔ آپکو تو پتا ہے ہم کہیں بھی اپنا دل لگا لیتے ہیں ۔
یہ تو ہے ۔۔عدید ہنسا تھا۔
کیسی ہیں بڑی مام ۔۔ساریہ بیگم لاؤنج میں داخل ہوئیں تو عدید نے کھڑے ہوتے پوچھا
میں ٹھیک ہوں فاریہ کیسی ہے اسکو بھی لے آتے ساریہ بیگم نے کہا
ایکچولی انکی طبعیت تھوڑی خراب تھی اس لیے نہیں آ سکیں ۔
کیوں کیا ہوا اسے۔
وہی بلڈ پریشر اور فیور کئی بار کہہ چکا ہوں کہ ٹیسٹ کروا لیں لیکن ہر بار منع کر دیتیں ہیں۔۔
چلو اللہ خیر کرے گا ۔۔اچھا تم کھانا تو کھا کر جاؤ گے نہ ۔
نہیں بڑی مام مجھے ابھی جانا ہے کچھ سٹاف ہائیر کرنا ہے تو ابھی ایک گھنٹے بعد انٹرویو لینے ہیں ۔۔۔۔میں پھر آؤں گا ۔۔۔۔۔۔ابھی بس یہ بازل اور ژلے سے ملنے آگیا۔ عدید نے کہا
ارے واہ عدی ۔۔۔۔۔آج آپکے ساتھ میں بھی انٹرویو لوں گی ۔۔۔۔ میں آپ کے ساتھ چلتی ہوں ۔۔امثال نے چہکتے ہوئے کہا
ٹھیک ہے تم تیار ہو کہ آ جاؤ پھر چلتے ہیں۔۔
ہر گز نہیں سکون سے بیٹھو ۔۔۔۔۔۔۔ایک تو ہر جگہ تمہیں جانا ہوتا ہے اور ان کو بھی دیکھو فوراً لے کے جانے کو تیار ہو جاتے ہیں ۔۔۔۔۔۔۔۔۔ویسے بھی تم نے شائد ٹھیک سے سنا نہیں عدید نے سٹاف ہائیر کرنا ہے فائیر نہیں جو تمہیں ساتھ لے جائے۔۔ عدید کے فورا ہامی بھرنے پر ساریہ بیگم تپ گئیں تھیں
کچھ نہیں ہوتا یار بڑی مام۔۔۔۔۔۔۔۔۔۔۔۔
بس میں نے کہہ دیا نہ عدید کہ یہ نہیں جائے گی تو نہیں جائے گی ۔اس سے پہلے وہ اپنی بات مکمل کرتا ساریہ بیگم نے اسے ٹوکا
سوری ۔۔۔۔۔۔۔۔۔ عدید نے کان پکڑا
اچھا ٹھیک نہیں جاتی امثال نے احسان کرنے والے انداز میں کہا اور دوبارہ سے اسکے ساتھ باتوں میں مگن ہو گئی
ہائے ڈی جے خالہ کیا کر رہی ہیں امثال نے کچن میں داخل ہوتے ہوئے چولہے کے پاس کھڑی خدیجہ بیگم سے کہا رمل اور سانیہ نے اسے حیرت سے دیکھا
امثال تمیز کرو خالہ ہیں تمہاری، ہم عمر نہیں ہیں ۔ کس طرح سے بات کر رہی ہو ساریہ بیگم نے اسے گھورا
اوہو امثال کی ماں میں کب بدتمیزی کر رہی ہوں میں نے تو انہیں انکے نیم سے پکارا ہے وہ میں نے نہ ایک ناول میں پڑھا تھا ایک لڑکی کا نام خدیجہ ہوتا ہے تو سب پیار سے اسے ڈی جے کہتے تھے آج سے میں بھی بلکہ ہم سب انہیں اسی نام سےپکاریں گے ۔ امثال نے لاڈ سے ساریہ بیگم کے گلے میں باہیں ڈالیں
تائی جان آپ کیا بنا رہیں ہیں ۔۔۔۔ارے واہ۔۔۔۔ بھنڈی مزہ آجائے گا ۔۔امثال نے چمچ سے سالن نکال کر منہ میں ڈالا تو وہ اسکا انداز دیکھ کر ہنس دیں جبکہ ساریہ بیگم سر جھٹک کر رہ گئیں
اچھا فوزیہ ڈارلنگ میں نے نہ حویلی کی پچھلی طرف بھی ایک بڑا سا کچن دیکھا ہے وہ کس کے استعمال میں ہے امثال نے سلاد بناتی رمل کے آگے سے سلاد کا ٹکڑا اٹھایا
بیٹا یہ کچن گھر کے لوگوں کے لیے اور اگر زیادہ لوگوں کا کھانا بنانا ہو کوئی تقریب وغیرہ ہو یا کوئی بڑی دعوت ہو تو وہ والا کچن تب استعمال کیا جاتا ہے اور اس کچن میں کھانا وغیرہ ہم خود ہی بناتے ہیں جبکہ باہر والے میں ملازم کھانا بناتے ہیں ۔۔ فوزیہ بیگم نے اسے تفصیل بتائی تو اس نے سر ہلا دیا
صحیح ۔۔ رمل سے سلاد ایک پلیٹ میں ڈلوا کر باہر نکل گئی
سوری بھابی ، خدیجہ آپا اگر کوئی بات بری لگی ہو تو یہ ایسے ہی بولتی رہتی ہے ۔ساریہ بیگم نے صفائی دینا چاہی
ارے کوئی بات نہیں اس میں برا لگنے والی کیا بات ہے اس نے کونسا ہم سے کوئی بدتمیزی کی ہے۔۔ فوزیہ بیگم نے کہا تو خدیجہ بیگم نے بھی تائید کی
خدیجہ وہ مرچی والا ڈبی دینا ۔۔۔ فوزیہ بیگم نے کہا
ارے ممانی جان خدیجہ نہیں ، ڈی جے کہیں ابھی امثال کہہ کہ تو گئی کہ ڈی جے کے نام سے بلایا جائے ۔۔۔ رمل نے ہنستے ہوئے کہا تو وہ سب ہنس دیں
جاری ہے