Ziddi Junoon By Naina Khan Readelle50224 Episode 36

شششش۔۔۔۔۔۔۔۔۔۔۔۔۔۔۔۔۔۔۔۔۔
کیا شش۔۔ شش۔۔۔۔ لگا رہی ہو ۔۔۔۔۔ ایسے چلیں گے تو کبھی بھی اپنے ٹارگٹ تک نہیں پہنچ پائیں گے۔۔۔۔۔
ہاں۔۔۔۔۔۔۔۔تمہاری طرح اگر تلیں گے تو پھر لاجمی پتلے دائیں دے۔۔۔۔۔۔۔۔۔۔
افف او چپ تو کرو تتتتت کی دکان اور ٹارگٹ پہ کانسنٹریٹ کرو۔۔۔۔۔ بھئی۔۔۔۔۔
زچ ہوتے ہوئے سر پر ننھا ہاتھ مار کر اسے گھورتے ہوئے کہا۔۔۔
اسکی بات پر اسکی آنکھوں میں نمی آگئی
او گاڈ اب مما کی طرح رونے مت لگ جانا ایکٹنگ کی دکان ۔۔۔۔۔۔۔
میں ممی تو بتاؤں دی تم نے ایسا کا ہے
تو بتاؤ جاؤ پھر میں بھی بتاؤں گی کہ تم بابا کو مما کی ساری خبریں دیتی ہو ۔۔۔۔۔۔۔۔۔
ممی ۔۔۔۔۔ آں ں ں۔۔۔۔۔۔ ممی۔۔۔۔۔۔۔۔۔
تینو مجھے مال لئی ہے۔۔۔۔۔۔۔۔۔ ممی۔۔۔۔۔۔ آں ں ں۔۔۔
ممی۔۔۔۔۔۔۔
جیسے ہی اسے لگا کہ اب بھانڈہ پھوٹنے لگا ہے تو ہمیشہ کی طرح باجا بجانے بیٹھ گئی
کیا ہوا میرے بے بی کو ۔۔۔۔۔۔۔؟؟؟
کچن سے بے حال ہو کر نکلتے ہوئے رباب تیزی سے ماہ نور کی طرف بھاگی آئی۔۔۔۔
مما یہ ایکٹنگ کر رہی ہے آپ کی طرح۔۔۔۔۔۔۔
تانیہ نے جب مما کہا تو رباب نے اسکی طرف بھی پیار سے دیکھا تھا مگر جب پوری بات سنی تو منہ کھولے اسے گھور نے لگی
حد ہوگئی بھئی کوئی اولاد ماں کو ایسے بول سکتا ہے۔۔۔۔ توبہ توبہ۔۔۔۔۔۔۔۔۔۔۔
تانیہ بیٹا یہ کیسے کہہ رہے ہو آپ میں آپ کی مما ہوں ۔۔۔۔۔۔۔ آپ مجھے ایکٹنگ باز کہہ رہے ہو
رباب نے اسے ہلکا سا ڈانٹتے ہوئے کمر پکڑ کر لتاڑا۔۔۔
نہیں مما ۔۔۔۔۔ فرسٹ آف آل ۔۔۔۔۔۔۔ پہلے آپ کریکشن کر لیں ۔۔۔۔۔ میں. نے ایکٹنگ باز نہیں کہا
میں نے کہا کہ مما یہ ایکٹنگ کر رہی ہے آپ کی طرح۔۔۔۔۔۔۔۔!!!
تانیہ نے ماتھے پر بل ڈالے رباب کی کریکشن کروائ
اففففففف۔۔۔۔۔ ایک تو تمہاری یہ زچ کرکے کر دینے والی عادت ۔۔۔۔۔۔
رباب نے کوفت سے سر جھٹکا ۔۔۔۔۔
اسے تانیہ کی اس عادت سے بہت چڑ تھی کہ وہ ہر کسی کی بات کو کریکٹ کرتی رہتی تھی
تم کتنا زچ کر دیتی ہو مجھے تینو۔۔۔۔۔۔
مینو کو دیکھو کتنی کیوٹ سی ہے صرف کام کی بات کرتی ہے اور پھر بس زیادہ خاموش رہتی ہے
رباب نے مینو کی تعریف کرتے ہوئے جیسے ہی پیچھے مڑ کر دیکھا تو مینو کہیں بھی نہیں تھی۔۔۔۔
ہیں۔۔۔۔۔ یہ کہا گئی۔۔۔۔۔۔۔۔۔؟؟؟
مما۔۔۔۔۔۔۔۔۔۔
تینو نے رباب کی پیٹھ اپنے چھوٹے سے ہاتھ سے تھپتھپائی۔۔۔۔۔
ہاں ۔۔۔۔۔۔
وہ رہی آپ کی کیوٹ سی مینو۔۔۔۔۔۔۔ اکیلے ہی
چاکلیٹ چوری کرکے ٹھوس رہی ہے آئی تو میرے ساتھ تھی پر ہمیشہ کی طرح دھوکہ دے دیا ۔۔۔۔۔
تینو نے مینو کو گھور تے ہوئے کہا جو ان دونوں کو ہمیشہ کی طرح آپس میں الجھا کر خود بڑے مزے سے فریج سے چاکلیٹ نکال کر اس سے بھرپور انصاف کر رہی تھی۔۔۔۔۔۔۔ پورا منہ اسکا چاکلیٹ سے بھر چکا تھا اور ہاتھ تو لگ رہے تھے کہ بنے ہی چاکلیٹ سے ہیں۔۔۔۔۔۔
رکو مینو میری لئے بھی چھوڑنا ۔۔۔۔۔۔ تینو بھی اسکے پیچھے لپکی اور پھر ہر بار کی طرح منی جنگ عظیم شروع ہو گئی تھی۔۔۔۔
دونوں ایک دوسرے سے چاکلیٹ چھین رہی تھیں
افففف کیا کھا کر پیدا کیا تھا انہیں۔۔۔۔۔۔۔
اس نے ان دونوں جڑواں خوبصورت بچیوں کی طرف دیکھا جو اسے دل و جان سے پیاری تھیں
ہائے رے میری قسمت ایک انکا باپ کم تھا کہ اب یہ بھی۔۔۔۔۔۔۔
رباب دھڑام سے زمین پر بیٹھے سر پکڑے اپنا روز کا رونا رو رہی تھی

رباب شام کی چائے بنا کر لاؤنج میں دیگر لوازمات کے ساتھ لائی جہاں سب گھر والے بظاہر تو ساتھ بیٹھے تھے مگر پچھلے پانچ سالوں سے ایک دوسرے سے بہت دور ہوچکے تھے سب ساتھ تو بیٹھتے تھے مگر کوئی خاص بات چیت نہیں کرتے تھے بس ساتھ بیٹھ کر چائے پیتے پھر کسی نہ کسی کام کے بہانے
اٹھ جاتے ۔۔۔۔۔۔۔۔
ابھی بھی ایسا ہی ہوا تھا جیسے ہی چائے ختم ہوئی سب ہی کسی نہ کسی بہانے سے اپنے اپنے کمروں میں چلے گئے تھے
رباب پیچھے کھڑی نم آنکھوں سے سامنے لگی دیوار پر نور کی انلارج تصویر کو دیکھ کر سسک پڑی
یہ صرف آج ہی نہیں ہوا تھا یہ تو پچھلے پانچ سالوں سے ہوتا آیا تھا جب سے نور اس گھر سے گئی تھی مانو ساری خوشیاں بھی ساتھ ہی لے گئی تھی ہر کسی کو توڑ گئی تھی۔۔۔۔۔۔
نور۔۔۔۔۔۔۔۔۔۔!!!!
رباب کی آنکھ سے ہر روز کی طرح آج بھی ازیت بھرا قطرہ گرا تھا اور کارپٹ میں جزب ہوکر گم ہوگیا تھا

سس۔۔۔۔۔۔۔ سر ۔۔۔۔۔ پلیز میں نے کچھ نہیں کیا یہ سب اس غفور نے کیا تھا اور مجھے لالچ دی تھی کہ مجھے ڈھیر سارے پیسے دے گا اس لئے۔۔۔۔۔۔ ااس۔۔۔۔۔۔لئے لالچی ہوگیا تھا معافی دے دیں۔۔۔۔۔ پلیز۔۔۔۔۔۔۔
ملازم گھٹنے ٹیکے ہاتھ جوڑے سامنے کھڑے شخص سے رحم کی بھیک مانگ رہا تھا مگر یہ جانتے ہوئے بھی کہ اس شخص کی ڈشنری میں رحم نام کی جگہ تک نہیں تو وہ رحم کرے گا کیسے۔۔۔۔۔۔۔۔
بھاری قدم بڑھاتے وہ اس کے پاس آیا اور اپنے نوک دار بوٹ سے اسے پیچھے کی طرف بے رحمی سے دھکیلا ۔۔۔۔۔۔۔۔ جیسے ملازم نیچے گرا اسنے اپنا بوٹ اسکی شہ رگ پر مضبوطی سے جما کر مسلا۔۔۔۔۔۔۔
ملازم کا چہرہ خوف سے سفید پڑ گیا تھا
پھر اس نے پیچھے ہاتھ لے جاکر ٹیبل سے کٹر اٹھایا اور اس ملازم کی ہاتھوں کی ساری انگلیاں ایک ایک کرکے آہستہ آہستہ سے ایسے کھینچیں کہ اسے زیادہ سے زیادہ تکلیف ہو۔۔۔۔
ملازم کے منہ سے دردناک چیخیں نکلنے لگیں
مگر سامنے کھڑا شخص مسکرا پڑا تھا جو پہلے تک تو غصے سے آگ بگولا ہوا تھا اب اسے تڑپتا ہوا دیکھ کر دل میں سکون محسوس کر رہا تھا
ایک جھٹکے سے اسکا سر دیوار سے مارتے وہ ایسے اٹھا کہ جیسے بوٹ کے تسمے باندھ کر اٹھا ہو اور پھر ہاتھ جھاڑ کر کوٹ ایک انداز سے جھٹکتا ہشاش بشاش چہرہ لئے وہاں سے چلا گیا
پیچھے کھڑا نادر اسکی پشت کو ہی دیکھتا رہ گیا تھا وہ تو پہلے ہی سے ظالم تھا مگر پچھلے پانچ سالوں سے وہ وحشی درندہ بن چکا تھا
ان سالوں میں اس نے کوئی بھی دن کوئی بھی رات بنا کسی کو ازیت و تکلیف میں تڑپتا دیکھ نہیں سویا تھا ورنہ اسے نیند کی نہیں آتی تھی
حالات نے اسے کیا سے کیا بنا دیا تھا
آج کا سالار شجاعت کل کے سالار شجاعت سے یکسر انجان تھا اور باقی ان سب کے لئے ایک وحشی تھا وحشی جو کبھی کبھی بنا کسی غلطی کے بھی انہیں سزا دینے میں گریز نہ کرتا تھا

ابو جان آگئے آپ ۔۔۔۔۔۔۔۔؟؟؟
سکندر مرزا جیسے ہی گھر کے اندر داخل ہوئے اکبر مرزا انہیں فورا” سے سہارہ دیتے ہوئے اندر لائے اور صوفی پر بٹھا دیا
دادا جان نے بیٹھتے ہی گہرا سانس لیا جیسے نہ جانے کتنی لمبی مسافت طے کر آئے ہوں
کیوں جاتے ہیں آپ روز وہاں ۔۔۔۔۔۔ کوئی نہیں ہے وہاں پہ اب ۔۔۔۔۔ جس وجود کو ہم نے سالوں پہلے دفنایا تھا وہ کب کا مٹی میں جا کے مٹی ہو کر فنا ہوچکا ہے ہمیشہ کے لئے۔۔۔۔۔ پھر کیوں خود کو تکلیف دیتے ہیں آپ ابو جان۔۔۔۔۔۔۔۔
اکبر مرزا نڈھال لہجے میں سکندر مرزا سے ہمیشہ کی طرح بحث شروع کر چکے تھے مگر نتیجہ وہی صفر۔۔۔۔۔۔۔
کیا کروں پھر میں پھر ۔۔۔۔۔ ہاں بتاؤ ۔۔۔۔۔ کیا کرو ایک یہ ہے کہ بنا کسی جرم کی سزا دے کر خود چلی گئی لمبی نیند لینے مگر ایک وہ زندہ ہوتے ہوئے بھی مردہ بنا پھر رہا ہے ۔۔۔۔۔۔۔ مردہ بنا پھر رہا ہے۔۔۔۔. ۔۔۔۔
کب سے اس کی شکل تک نہیں دیکھی میں نے اب تو لگتا ہے کہ سانسیں بھی گنی چنی رہ گئیں ہیں میرے پاس ۔۔۔۔۔۔۔۔۔۔
دادا جان تھک چکے تھے اب ان بوڑھیوں ہڈیوں میں جان نہیں رہی تھی اپنے
بچوں کے غموں نے انہیں توڑ کر رکھ دیا تھا اس لئے پھوٹ پھوٹ کر روتے ہوئے کانپتی آواز میں اپنے غم بیاں کر رہے تھے
اکبر مرزا آگے سے کیا کہتے وہ بھی تو ایک ہی جیسے غم کے مارے تھے
بس سر جھکائے آنسو پینے کی کوشش کرنے لگے
جاری۔۔۔۔۔۔۔۔۔۔۔۔