Ziddi Junoon By Naina Khan Readelle50224 Episode 21

سالار کھڑکی میں کھڑا کافی پیتے ہوئے باہر دیکھ رہا تھا نور اسکے پیچھے آکر کھڑی ہوئی تو سالار نے مڑ کر اسے دیکھا
نور نے اب سالار کی ریڈ کلر کی ہائی نیک اور وائٹ ٹراؤزر پہنا ہوا تھا بالوں کو سامنے ماتھے سے اٹھا کر پیچھے کی طرف وائٹ بٹر فلائے سے کلپ کیا ہوا تھا اور باقی بال پشت پر کھلے چھوڑے ہوئے تھے نور بہت خوبصورت لگ رہی تھی سالار یک ٹک اسے ہی دیکھے جا رہا تھا سالار کا بس نہیں چلتا کہ وہ اسے یونہی اپنے سامنے کھڑا کیے تا عمر دیکھتا رہے اور زندگی یونہی گزر جائے۔۔۔۔۔۔
نور اسکی نظروں کی تپش سے کنفیوز ہوتی جا رہی تھی بار بار وہ کان کے پیچھے بال اڑستی جو چہرے پہ تھے ہی نہیں۔۔۔۔۔
سالار نے اسے پیار بھری نگاہوں سے دیکھتے ہوئے اسکو ہاتھ سے پکڑ کر اپنے سامنے کھڑا کیا اور اسکی پشت پر آگیا اور دائیں ہاتھ کو اسکی گردن کے رستے گزارتے بائیں کندھے پر رکھ لیا اور مزے سے ایسے ہی کھڑے اس ہاتھ سے کافی کے چھوٹے چھوٹے سپ لینے لگا ۔۔۔۔۔۔۔
نور نے اسکے اس انداز پر تیوری چڑھائ ۔۔۔۔۔۔۔۔
میں کیا آپ کی ہینگر ہوں جس پہ لٹک کر آپ سڑا ہوا کالا پانی پی رہے ہیں ۔۔۔۔۔۔۔۔۔۔۔
نور نے منہ ٹیڑھا کرکے اسے دیکھ کر کہا ۔۔۔۔۔ مگر جب اس بار احساس ہوا کہ آواز دل میں نہیں منہ سے نکلی ہے اور سالار کے کانوں میں بھی پہنچ گئی ہے تو اپنے ہونٹوں کو اندر کی طرف کھینچ کر منہ جھکا لیا۔۔۔۔۔۔۔۔
ارے ۔۔۔۔۔۔ واہ بھئی ۔۔۔۔۔۔ میری جنم نے بلآخر اپنا منہ کھول ہی لیا میرے سامنے۔۔۔۔۔۔۔۔
سالار کو عین کا یوں چڑ کر اس سے کہنا بہت اچھا لگا تھا
سالار نے نور کا رخ اپنی طرف موڑا اور کمر سے تھام کر کھڑکی پر بٹھا دیا اور دونوں طرف ہاتھ ٹکا کر اسکی طرف جھک گیا۔۔۔
نور اسکی حرکت پر سٹپٹا ہی گئی۔۔۔۔۔۔
عین ۔۔۔۔۔۔ جنم۔۔۔۔۔۔ ایسے ہی رہنا اب ہمیشہ ۔۔۔۔۔۔۔ اسی طرح مجھے ڈانٹا۔۔۔۔۔۔۔ مجھ پر اپنا رعب رکھنا۔۔۔۔۔۔۔۔
اپنا غلام بنالو مجھے۔۔۔۔۔۔ یہ سالار شجاعت جس نے کبھی کسی کی غلامی نہیں کی ہمیشہ دوسروں کو اپنا غلام سمجھا وہ سالار شجاعت خوشی خوشی تمہاری غلامی کرنے کے لئے دل و جان سے راضی ہے ۔۔۔۔۔ تا عمر ۔۔۔۔۔۔ میری ہر سانس تک۔۔۔۔۔۔۔۔ جب تک یہ تمہارا دل میرے سینے میں دھڑک رہا ہے ۔۔۔۔۔۔۔۔۔ تمہارا سالار ہمیشہ تمہارا غلام بن کر تمہاری حفاظت کرے گا ۔۔۔۔۔۔ تم تک میں کسی کو بھی نہیں پہنچنے دوں گا۔۔۔۔۔ کبھی نہیں۔۔۔۔۔۔ کسی صورت نہیں۔۔۔
سالار اسکے گال سے اپنا گال رگڑتے ہوئے مخمور سرگوشیانہ آواز میں دیوانہ وار بول رہا تھا
نور اسکی باتوں میں جکڑی جارہی تھی اسے سالار کی اس قدر جنونیت نہ جانے کیوں اچھی لگ رہی تھی اور یہی وہ لمہہ تھا جب نور نے اپنے دل کی ایک ہارٹ بیٹ مس کی تھی۔۔۔۔۔۔
پتہ نہیں پر کیوں وہ چاہتی تھی کہ یہ لمحہ ایسے ہی چلتا رہے اور سالار ایسے ہی پیار بھری سرگوشیاں کرتا رہے ۔۔۔۔۔۔۔۔
دونوں کو ایسے ہی عالم میں کافی وقت بیت چکا تھا کہیں پر عشق اپنی منزل کے بہت پاس پہنچ چکا تھا تو کہیں پر محبت نے اپنا پہلا قدم رکھ دیا تھا۔۔۔۔۔۔۔۔۔۔
مگر محبت کی رفتار عشق کی بے تابیوں کے آگے بہت معمولی تھی
عشق اپنی منزل جلد سے جلد پانے کے لئے بے قرار و بے چین ماہی بے آب کی طرح تڑپ رہا تھا ۔۔۔۔۔۔۔۔
لیکن محبت تھی کہ اسے کوئی فکر ہی نہیں تھی ۔۔۔۔۔ شائد اسے اپنی قسمت پر بہت اعتماد تھا اس لئے یا پھر وہ عشق کو اور اپنی ہجر کی آگ میں جھلسانا چاہتی تھی۔۔۔۔۔۔
کہیں اسی چکر میں محبت اور عشق ایک دوسرے سے دور نہ چلے جائیں جہاں یہ کبھی نہ مل سکیں ۔۔۔۔۔۔!!!!!
لیکن ان سب سے بڑھ کر بھی کوئی تھا جو ان سب پر اپنا اختیار رکھتا تھا اور وہ ہے اللہ تعالہ ۔۔۔۔۔۔۔ اب یہ تو اللہ نے ہی ان کی زندگی کا فیصلہ کرنا تھا ۔۔۔۔ مگر کیا ہوگا وہ فیصلہ ۔۔۔۔۔۔
کیا قدرت انہیں ہمیشہ کے لئے ایک کرے گی یا پھر ہمیشہ کے لئے جدا۔۔۔۔۔۔۔۔۔

رباب اور برہان ہوٹل واپس آچکے تھے واپسی کے وقت بھی بابا جی نے برہان کو سخت الفاظوں میں خبردار کیا تھا جس کو لیکر برہان کو تو یہ لگ رہا تھا کہ وہ نعوز بللہ کوئی دہشت گرد ہے اور تو اور دنیا کی تمام لڑکیوں کو چھیڑنے کا ٹھیکہ لے رکھا ہے ۔۔۔۔۔۔
جب سے وہ واپس آیا تھا منہ بگاڑے گھوم رہا تھا اور رباب کی تو خوشیاں ہی نہیں ختم ہو رہی تھیں وہ بار بار کوئی ایسا جملہ چھوڑتی کہ برہان عاجز ہوئے جا رہا تھا ۔۔۔۔۔۔
رباب کو ایک شرارت سوجھی رباب نے برف ہاتھ میں لے کر برہان کی طرف دیکھا برہان اسی کی لائن میں چل رہا تھا
رباب آہستہ سے پیچھے ہوتے ہوئے برہان کے پیچھے گئی اور اسکی کالر اٹھا کر ساری برف اندر ڈال دی اور زور سے دھکا دیا اور بھاگ کر اپنی جگہ واپس آگئی ۔۔۔۔۔
یہ سب اتنی اچانک ہوا کہ کسی کو کچھ سمجھ ہی نہیں آیا جبکہ برہان منہ کے بل گرا اپنے اوپر بیتنے والی اس اچانک افتاد پر ہی حیران پریشان ویسے ہی لیٹا ہونق لگ رہا تھا
پہلے تو سب کھڑے اسے دیکھتے رہے پھر گلا پھاڑ پھاڑ کے قہقہے مارنے لگے ۔۔۔۔۔۔
ہائے ۔۔۔۔ اللہ جی یہ کیا ہوگیا ۔۔۔۔۔۔ ہٹو ہٹو ۔۔۔۔۔ پرے ہٹو ۔۔۔۔۔۔ہائے میرے سیاں جی کیا ہوگیا آپکو ۔۔۔۔۔۔۔۔ کیسے گر گئیے آپ۔۔۔۔۔۔
رباب بڑے مزے سے اسے آنکھ مارتے ہوئے ڈرامائی انداز میں بولتی ہوئی اسکے پاس آئی اور دھیمی آواز میں پوچھا۔۔۔۔.
برہان ادھر’ادھر دیکھتا ہوا یہ جان رہا تھا کہ کسی نے دیکھا تو نہیں۔۔۔۔۔۔ پھر دانت پیستے ہوئے اسے خونخوار نظروں سے دیکھا
وہ سمجھ گیا تھا کہ ساری کارستانی اسی کی ہے ۔۔۔۔۔۔
چلیں جلدی چلیں ایک جگہ کیوں جمگھٹہ بنا لیا ہے آپ لوگوں نے۔۔
سر کی آواز پر سارے سٹوڈنٹ رفو چکر ہوگئے ۔۔۔۔
اظفر جو کھانے میں ہی گم تھا جب اسکی نظر اس پر پڑی تو منہ میں برگر کا بڑا سا بائیٹ لیتے ہوئے اس سے عجیب و غریب آواز میں پوچھا۔۔۔۔۔
تمہیں کیا ہوا ۔۔۔۔۔۔۔ یہاں کیوں سجدہ کر رہے ہو۔۔۔۔۔۔۔
تمہارا کا کا ہونے کی خوشی میں۔۔۔۔۔ شکرانے کے نفل ادا کر رہا ہوں
برہان نے تپ کر اسے چبا چبا کر جواب دیا۔۔۔۔۔
آئے ہائے ۔۔۔۔ برہان ۔۔۔۔۔ پہلے میری شادی تو ہونے دو تم تو ایڈوانس میں ہی شکر ادا کر رہے ہو۔۔۔۔۔ ہی ہی ہی ہی۔۔۔۔۔۔۔۔۔
اسی عجیب و غریب آواز میں شرماتے ہوئےجیسے اسے سمجھایا تھا اور پھر اس پر سے پھلانگتا ہوا آگے چل دیا۔۔۔۔
اظفر ۔۔۔۔۔ کمینے تیرا بھی کچھ کرنا پڑے گا موٹی ڈائین۔۔۔۔۔

نور کب سے سالار کے چہرے کو دیکھ رہی تھی لیکن سالارتھا کہ اسکے کانوں میں شائد اسکی آواز ہی نہیں پہنچ رہی تھی
دیکھیں۔۔۔۔۔۔۔۔۔
جنم تمہیں دیکھوں تو تم دیکھنے نہیں دیتی ایسے ہو جاتی ہو جیسے ابھی بے ہوش ہوجاؤگی ۔۔۔۔۔۔۔ سالار نے اسے دیکھے بغیر سنجیدگی سے کہا
مم۔۔۔۔۔۔۔ میں ۔۔۔۔۔۔ مجھے باہر جانا ہے یہاں آنے کا فائدہ ہی کیا ہوا جب برف سے ہی نہیں کھیل سکوں ۔۔۔۔۔۔
نور نے روہانسی آواز میں کہا کہ وہ آئی ہی برف کے لئے تھی ورنہ گھر میں اور یہاں میں فرق ہی کیا رہ گیا پھر۔۔۔۔۔۔۔۔.
سالار نے اسے ایک نظر دیکھا اور پھر اسکے پھولے پھولے گال دیکھ کر اسے فورا کہا۔۔۔۔۔۔۔
ایک شرط پر میں تمہیں باہر لے کر جاؤں گا ۔۔۔۔۔۔ جیسا جیسا میں کہوں گا تم نے بلکل ویسا ہی اچھی بیویوں کی طرح میری ہر بات کا ماننی ہوگی۔۔۔۔۔ بولو اگر منظور ہے تو جا کے پورا کا پورا ویسے ہی پیک ہو کر آؤ جیسے یہاں آتے وقت تھی۔۔۔۔۔۔
سالار نے دوبارہ اپنے موبائل میں نظریں گاڑتے ہوئے اس سے کہا تو نور نے بغیر کوئی چوں چرا کیے جھٹ سے اٹھ کر اندر روم میں بھاگی پیک ہونے کے لئے۔۔۔۔۔۔۔
سالار اسکی اتنی جلد بازی پر بس ہنس کر ہی رہ گیا
عین جب تیار ہو کر آئی تو جاکے سیدھا باہر کے دروازے کے سامنے
کھڑی ہوگئی کہ جیسے توڑ کر باہر جانے کا ارادہ رکھتی ہو ۔۔۔۔
سالار اسکی بے صبری پہ مسکراتا ہوا دروازہ کھولنے لگا جو اس نے آتے ساتھ ہی لاکڈ کردیا تھا کیونکہ اسے پکا یقین تھا عین باہر جانے کے لئے ضرور مچلے گی۔۔۔۔۔۔۔۔۔
سالار اسکا ہاتھ پکڑ کر گرل تک لایا ۔۔۔۔۔۔۔۔
واؤ ۔۔۔۔۔۔۔ باہر کا خوبصورت منظر دیکھ کر نور مبہوت رہ گئی۔۔۔۔۔۔
جوش میں اسے یہ تک پتہ نہ چلا کہ اس نے سالار کے ہاتھ کو زور سے جکڑ رکھا ہے۔۔۔۔۔۔۔ سالار تو مسرت سے لبریز اسے ہی دیکھ رہا تھا۔۔۔۔۔ اسکے آگے باہر کے نظارے تو جیسے پھیکے سے ہیں ۔۔۔۔۔۔۔۔
عین کا پر نور پاک چہرہ دنیا میں کسی کا نہیں ہے سالار خود کو خوش نصیب سمجھتا تھا کہ اسے عین بنا کسی پس وپیش کے آسانی سے پا لیا تھا۔۔۔۔۔۔
عین نے اسکے ہاتھ کو پکڑے ہی اپنے ساتھ کھینچا تھا ۔۔۔۔۔ سالار بھی خود کو ڈھیلا چھوڑ کر اسکے ساتھ کھینچتا چلا گیا۔۔۔۔۔
آی ی ی ی ی ی ۔۔۔۔۔۔۔۔۔۔۔۔۔۔۔
ہائے یہ برف کتنی مزے کی ہے ۔۔۔۔۔۔ نور نے خوشی سے چلاتے ہوئے برف کو دیکھ کر کہا
ہاں۔۔۔۔۔۔ مگر تم سے کم جنم۔۔۔۔۔۔۔ سالار نے اسے اپنی طرف کھینچتے ہوئے کہا۔۔۔۔۔ عین کسی لچکیلی ڈال کی طرح اسکے سینے سے آلگی ۔۔۔۔۔۔۔۔۔۔۔۔
نور نے بوکھلا کر اسکی طرف دیکھا ۔۔۔۔۔۔۔ سالار اسے ہی دیوانہ وار اسکے چہرے کے ایک ایک نقوش کو محبت بھری نظروں سے دیکھ رہا تھا جیسے ناجانے کتنے عرصے سے آنکھیں اسکی دید کی پیاسی ہوں۔۔۔۔۔۔۔۔
نور بھی اسے بے ساختہ دیکھے جا رہی تھی ۔۔۔۔ سالار نے نیوی بلیو کلر کا ہائی نیک کے ساتھ وائٹ سٹائلش جیکٹ اور بلیک جینز پہن رکھی تھی ۔۔۔۔۔ بالوں کو جیل سے پیچھے کی طرف سیٹ کئیے بہت دلکش لگ رہا تھا اسکی چمکیلی آنکھوں میں اسکی عین کی وجہ سے آئی مزید چمک سورج کی چمک کو مات دے رہی تھی جیسے ۔۔۔۔۔ ایسا نور کو لگ رہا تھا
سالار نے اسکے گرد مضبوط حصار قائم کرکے اسے اپنے سینے میں بھینچ لیا تھا جیسے وہ اسے خود میں شامل کر ہر کسی سے چھپا لینا چاہتا تھا۔۔۔۔۔۔۔۔۔۔
نور ساکت کھڑی اسکی دل کی دھڑکنوں کو سن اور محسوس کر رہی تھی اسے لگا جیسے یہ دھڑکنیں اس سے کچھ کہہ رہی ہوں ایسا جس سے اسکی نا آشنا ئی ہے ۔۔۔۔۔۔ کچھ سمجھ نہ آنے کے باوجود بھی پتہ نہیں کتنی عجیب بات تھی کہ اسے سب سمجھ بھی آرہا تھا ۔۔۔۔۔۔۔۔ نور اپنی اس حالت پہ خود بھی حیران تھی اسے کیا ہو رہا ہے ۔۔۔۔۔۔۔۔ سالار جب بھی اسکے قریب آتا ہے تو وہ خود کو محفوظ کیوں سمجھنے لگتی ہے ۔۔۔۔۔۔ دل ایسا کیوں چاہتا ہے کہ وہ کبھی اس مضبوط حصار سے نہ نکلے۔۔۔۔۔۔۔۔۔۔۔۔
نور اسکے سینے میں منہ چھپائے اپنی ہی حالت کا تجزیہ کر رہی تھی کہ اسے سالار کی گھمبیر بھاری آواز سنائی دی جس کو سن کر اسکے گال لال اناری ہوگئے اور دھڑکنوں نے ایک شورسا مچا دیا
To you I give the whole me,
For I believe that you’re my destiny.
To you I offer every best of my heart,
For I believe that you will value it.
I want to share my whole life with you,
For me to show that my love is true.
I want to hold you in my arms
And sing you songs and lullabies.
Loving you is what I want to do,
Although I know that it can make me blue
‘Cause tears in my eyes has nothing to
If I’m with a girl that is you.
سالار نے اپنے لب اسکے گال پر رکھے ہوئے تھے بولتے ہوئے اسکے لب اسکے الفاظوں کے ساتھ اس کے سرخ رخسار پر بوسے دے رہے تھے
نور کی سانسیں تھم رہی تھیں پیروں سے تو جیسے جان نکلے جارہی تھی۔۔۔۔۔۔۔۔.
سالار کو جب احساس ہوا کہ نور بس ابھی گری تو ابھی ، تو اس نے نہ چاہتے ہوئے بھی اسے آہستہ سے اپنے آپ سے تھوڑا دور کیا مگر چھوڑا ابھی بھی نہیں تھا۔۔۔۔۔۔۔
جنم یار تمہارا کیا بنے گا ۔۔۔۔۔۔ سالار نے اسکے کان میں سرگوشی کی۔۔۔۔۔۔۔
پپ۔۔۔۔۔پت۔۔۔۔۔۔پتہ۔۔ نہیں۔۔۔۔۔۔۔!!!
نور نے بوکھلاہٹ میں لرزتی آواز میں ہڑبڑا کر ایکدم بول دیا ۔۔۔ سالار اسکے اس جواب پہ بمشکل اپنا قہقہہ روک سکا ۔۔۔۔۔۔۔
وہ۔۔۔۔۔۔۔ ممم۔۔۔۔۔۔مجھے۔۔۔۔۔۔۔۔
واشروم جانا ہے۔۔۔۔۔۔۔۔۔؟؟؟؟؟
نور کچھ بول ہی رہی تھی کہ سالار نے اسکا جملہ اچک لیا اور اسکی بات شوخی سے نچلا لب دانتوں میں دبائے مکمل کی۔۔۔۔۔۔۔
نور اسکے بلکل درست اندازے پر سٹپٹا ہی گئی۔۔۔۔۔۔۔
نن۔۔۔۔۔ ن۔۔۔۔ نہیں۔۔۔۔۔ نہیں تو ۔۔۔۔۔۔ وہ ۔۔۔۔۔۔ مجھے تو برف سے کھیلنا ہے ۔۔۔۔۔۔۔ ہکلاتے ہوئے جب نور نے بات بدلی تو سالار نے اسے خشمگیں نظروں سے گھور تے ہوئے سختی سے منع کیا۔۔۔۔۔۔
او۔. ۔ ہوں۔. جنم نہ یہ تو نہیں ہو سکتا ۔۔۔۔۔۔ تم بیمار پڑ جاؤ گی
نیور میں یہ خطرہ مول نہیں لے سکتا۔۔۔۔۔۔۔۔۔
سالار اس سے دور ہوتا ہاتھ پکڑ کر بولا اور آگے چل دیا۔۔۔۔
نور نے عجیب سا منہ بناتے ہوئے روہانسی آواز میں بولا کہ پھر کیا فائدہ ہوا میرے یہاں آنے کا جب برف سے ہی نہ کھیل سکوں۔۔۔
ہا ہا ہا ہا۔۔۔۔۔۔۔
میرا بچہ ۔۔۔۔۔ برف سے کھیلنا تھا میرے بچے کو۔۔۔۔ ہوں۔۔۔۔۔۔
سالار اسکو لے کر ایک جگہ بیٹھ گیا۔۔۔۔۔۔
نور سالار کے آگے اور سالار اسکے پیچھے تھوڑا اونچا بیٹھ گیا اور دونوں ٹانگوں کے درمیان ایسے پکڑ کے بیٹھ گیا جیسے کسی چھوٹے بچے کو پکڑتے ہیں کہ کہیں ادھر’ادھر نہ نکل جائے۔۔۔۔۔۔۔
نور ویسے ہی منہ پھیلائے بیٹھی تھی۔۔۔۔۔۔۔۔۔
سالار اسکے بازؤوں کو پکڑ کر کبھی اوپر کرتا کبھی نیچے ۔۔۔۔۔۔۔ وہ چاہ رہا تھا کہ عین کچھ بولے اسے ڈانٹتے اسے ٹو کے مگر وہ تھی کہ جیسے منہ پہ ٹیپ لگا کے بیٹھی ہوئی تھی۔۔۔۔۔۔۔
نور سالار سے اپنی خفگی کا احساس دلا رہی تھی اسے سالار پر بہت غصہ آیا ہوا تھا۔۔۔۔۔ غصے سے اسکی چھوٹی سی ناک کچھ سردی اور کچھ غصے کی زیادتی سے سرخ ہوا تھا۔۔۔۔نور ابھی بھی برف کو دیکھ کر خود کو کوس رہی تھی کہ اس نے اس گوند کے سامنے اپنا منہ ہی کیوں کھولا ۔۔۔۔۔ گوند کی طرح ایسا چپک گئے ہیں جیسے نہ چپکے تو قیامت آجانی ہے ۔۔۔۔۔ نور ایسے ہی اپنے آپ سے تانے بانے بن رہی تھی کہ اسکے سامنے دو ہتھیلیاں دعا کی صورت آئیں اس میں سفید برف کے بلکل درمیان بے تحاشہ خوبصورت انگوٹھی جگمگا رہی تھی ۔۔۔۔۔۔۔ نور مبہوت نظروں سے اسے دیکھ رہی تھی ۔۔۔۔۔۔ پھر اس نے دیکھا کہ سالار نے اسکا ہاتھ پکڑ کر وہ انگوٹھی اس کے سفید نرم ملائم ہاتھ کی پتلی مخروطی انگلی میں بڑے پیار سے پہنا دی اور پیچھے سے اسے ہگ کر لیا
۔۔۔۔۔۔۔ جنم۔۔۔۔۔۔۔۔۔ تمہاری ہر خواہش میری اولین چاہت ہے ۔۔۔۔۔۔۔
اسکے ہاتھ میں برف رکھ کر اسکے نیچے اپنے ہاتھ رکھ دئیے ۔۔۔۔
نور کو اور کیا چاہیے تھا ۔۔۔۔۔ اسکی خواہش کو سالار نے انوکھے انداز میں پورا کردیا تھا۔۔۔۔۔ اسکے لب بے اختیار پھیلے تھے۔۔۔
آپ ہمیشہ مجھے لاجواب کر دیتے ہیں۔۔۔۔۔۔۔!!!
نور نے اپنے دل میں ہلکی سی سرگوشی کی۔۔

سیلی کہاں ہو تم ۔۔۔۔۔۔ کیوں میرا فون نہیں پک کر رہے ہو۔۔۔۔۔
کیا کروں ۔۔۔۔۔۔ کیا کروں۔۔۔۔۔۔۔ ؟؟؟؟
ہاں ۔۔۔۔ ایک شخص ہے جو میری مدد کرسکتا ہے۔۔۔۔۔۔۔