Ziddi Junoon By Naina Khan Readelle50224 Episode 35

سب کچھ تھم سا گیا تھا ہر شے اپنی جگہ پر ساکت ہوگئی تھی سانسوں نے بھی اپنی رفتار مدھم کر لی تھی سالار آنکھیں پھیلائے سامنے دیکھ رہا تھا
عین ۔۔۔۔۔ کا پاؤں ڈس بیلنس ہوا تھا پھر لکڑی کے تختے پر پھسلتے پھسلتے ہوا میں لٹک گیا جس سے تختہ بھی ٹیڑھا ہوکر نیچے گر گیا تھا اور ڈرم رینگتا ہوا نیچے تیزاب میں جا گرا ۔۔۔۔
عین ہوا میں لٹکی دائیں بائیں جھولنے لگی۔۔
عین کے گلے میں بندھی رسی کھچی اور اپنی سخت گرفت میں اسکی سانسوں کو چھیننے لگی ۔۔۔۔۔۔۔
وہ ایسے تڑپ رہی تھی جیسے کسی نے اس کے گلے کی نسیں کھینچ لی ہوں اور ناخنوں سے کھرچتا ہوا باہر نکال رہا ہو۔۔۔۔
اس کے منہ سے غر غت کی عجیب آوازیں نکلنے لگیں۔۔۔۔
سالار کے دل کو کسی نے چیر ڈالا تھا عین کی تکلیف اس سے اسکی دھڑکن روک رہی تھی
عین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔!!!!!
پھر جیسے سالار کو ہوش آیا اور بھاگتا ہوا آگے کی طرف دوڑا جیسے وہ بھاگ کے عین کے پاس جائے گا اور اسے پاؤں سے پکڑ کر اونچا کر لے گا اور پھر اسکی عین کو اسکی سانسیں واپس مل جائیں گی ۔۔۔۔۔۔۔
سالار اتنا پاگل ہو چکا تھا کہ اسے سامنے ابلتا ہوا تیزاب تک نہیں دکھائی دے رہا تھااسے بس دکھائی دے رہا تھا تو عین ۔۔۔۔ صرف اور صرف اسکی۔۔۔۔ عین۔۔۔۔۔۔۔۔!!
سالار تیزاب سے ایک قدم کے فاصلے پر رہ گیا تھا کہ اسے کسی نے پیچھے سے جکڑ کر کھینچا۔۔۔۔۔۔
کیا کر رہے ہیں بھائی۔۔۔۔۔۔ پاگل ہوگئے ہیں ایسے تو آپ خود بھی مریں گے اور نور کو بھی نہیں بچا پائیں گے ۔۔۔۔۔۔
اس نے چیختے ہوئے سالار کو بڑی مشکل سے پیچھے کی طرف لاتے ہوئے کہا کیونکہ سالار بلکل جنونی ہو چکا تھا اور اسکے آگے اسکی کیا طاقت ۔۔۔بہت مشکل سے وہ اسے چند قدم پیچھے ہٹا پایا تھا۔۔۔۔۔۔۔
چھوڑو ۔۔۔۔۔۔۔ چھوڑو مجھے برہان ۔۔۔۔۔۔۔۔ عین کے پاس جانے دو مجھے ۔۔۔۔۔۔۔ جانے دو ۔۔۔۔۔ وہ مر جائے گی۔۔۔۔۔۔۔۔ مجھے اسےبچانا ہے ۔۔۔۔۔ چھوڑ مجھے۔۔۔۔۔۔۔مجھے چھوڑو۔۔۔۔۔۔
سالار روتا بلکتا چیختا ہوا اسے دھکیلتے ہوئے مسلسل آگے جانے کی کوشش کر رہا تھا
بھائی آپ اپنے ہاتھوں سے اسے مار رہے ہیں ہم ایسے نور کو نہیں بچا پائیں گے سنا آپ نے مر جائے گی وہ ۔۔۔۔۔۔ مرجائے گی ۔۔۔۔۔۔۔
اس نے ایک زوردار تھپڑ سالار کے منہ پر جڑدیا
سالار نے اچانک رک کر نیچے دیکھا واقعی وہ عین کو ایسے نہیں بچا پائے گا
ادھر عین لال سرخ چہرہ لئے اپنی بچی ہوئی سانسیں کھینچ رہی تھی
کیا کروں ۔۔۔۔۔ میں۔۔۔۔۔۔ سالار اپنے سر پر مکا مارتے ہوئے تڑپ کر آس پاس دیکھا کہ شائد کچھ مل جائے ۔۔۔۔
یہ لیں بھائی۔۔۔۔۔ برہان نے اسے لوہے کا بڑا سا چوڑا راڈ کا کر دیا جو عموما” چھتوں پر استعمال ہوتا ہے سالار نے بھی برہان کے ساتھ کھینچ کر اسے آگے کی طرف کیا ۔۔۔۔۔۔۔۔۔ یہ دونوں تیزرفتاری سے یہ کر رہے تھے کیونکہ انکے پاس وقت ہی نہیں تھا جب راڈ عین کے پاؤں کے نیچے مختصر سطح پر پہنچ گیا تو سالار بنا دیر کیے تیز تیز چلتا ہوا عین کے پاس گیا ۔۔۔۔۔۔۔ عین کے پاس پہنچ کر سالار نے فورا” سے عین کو پاؤں سے پکڑ لیا اور اسے اپنے کندھوں پر اٹھا لیا اور ساتھ ہی اسکے پاؤں سے بندھی رسی کھول دی ۔۔۔۔۔۔
رسی کے کھلتے ہی عین فورا” نیچے ہوئی کیونکہ رسی اوپر چھت سے گزار کر اسکے پاؤں سے باندھی گئی تھی
سالار نے باہوں میں اٹھا کر اپنے ساتھ بھینچتے ہوئے اسے لے کر راڈ پر سے چلتا ہوا کمرے سے باہر نکل آیا تب تک برہان گاڑی اندر تک لے آیا تھا پھر اسے اپنی گود میں ہی لئے گاڑی میں بیٹھ گیا اور بنا کچھ سنے برہان نے
گاڑی کا رخ ہوسپیٹل کی طرف کر لیا کیونکہ اسے نور کا ستا ہوا چہرہ صاف کسی انہونی کی داستان سنا رہا تھا
سالار عین کے چہرے کو کانپتے ہوئے ہاتھوں سے تھپتھپا رہا تھا مگر عین نے اپنی آنکھیں نہیں کھولیں ۔۔۔۔
عین۔۔۔۔۔۔ جنم۔۔۔۔۔۔۔۔ پلیز ۔۔۔۔۔۔ نہیں ۔۔۔۔۔۔۔ ابھی ۔۔۔۔۔ نہیں ۔۔۔۔۔۔۔
سالار اسکے کان میں سرگوشی کر رہا تھا جبکہ اسکے آنسو اسکے چہرے پر گر رہے تھے
سالار کو اسکی دھڑکنیں مدھم پڑتی محسوس ہو رہی تھیں۔۔۔۔۔ سانسیں بھی بہت آہستہ ہوگئی تھیں ۔۔۔۔۔ نہ ہونے کے برابر۔۔۔۔۔۔۔
سالار سے کچھ بولا ہی نہیں جارہا تھا اسکی ہمت جیسے ختم ہو گئی تھی ۔۔۔۔ وہ بولنا چاہتا تھا کہ برہان تیز چلاؤ گاڑی میری عین ٹھیک نہیں ہے ۔۔۔۔۔ وہ دور جا رہی ہے مجھ سے ۔۔۔۔ جلدی کرو۔۔۔۔۔۔۔۔.
مگر الفاظ تو جیسے گونگے ہوگئے تھے
برہان نے اس کی طرف بیک ویو مرر سے دیکھا تو سالار منہ ہی منہ میں کچھ بڑبڑا رہا تھا آنکھوں میں کرب تھا بے انتہا کرب عین سے جدائی کا کرب لال سرخ سوجی آنکھیں عین کے چہرے کو دیوانہ وار دیکھتیں تو کبھی بند ہو کر دعائیہ انداز میں دکھتیں ۔۔۔۔۔۔
سالار بار بار اسے جھنجھوڑ رہا تھا مگر وہ تھی کہ اسے کچھ خبر ہی نہیں تھی کہ کسی سے اسکی خاموشی نہیں سہی جارہی تھی۔۔۔ بلکل بھی نہیں۔۔۔۔۔۔۔
ہاسپٹل کے سامنے گاڑی ایک جھٹکے سے رکی تو سالار بنا دیر کئے اسے باہوں میں اٹھائے اندر کی طرف بھاگا ۔۔۔۔۔ سامنے ہی ڈاکٹر آرہے تھے فورا”ہی عین کو سٹریچر پر ڈال کر آپریشن تھیٹر میں لے جایا گیا کیونکہ ڈاکٹرز کا کہنا تھا کہ زیادہ دیر دم گھٹنے کی وجہ سے انکی حالت بہت خراب ہوچکی ہے اور انکی گلے کی ایک نس بھی بہت بری طرح دبنے کی وجہ سے پھول چکی ہے جو کبھی بھی پھٹ سکتی ہے اس سے پہلے ہی انہیں آپریٹ کرنا ہوگا ورنہ بہت مشکل ہو جائے گی عین کو بچا نے میں۔۔۔۔۔۔۔
سالار تو بت بنا سب سن رہا تھا اسکے لبوں. پر تو بس اپنی عین کے بچ جانے کی پرخلوص محبت سے لبریز دعا تھی
برہان نے ہی ڈاکٹرز سے بات چیت کی تھی کیونکہ سالار تو اس قابل ہی نہیں تھا
بھائی ۔۔۔۔۔۔۔؟؟؟؟
ہونہہ۔۔۔۔۔۔۔
سالار نے برہان کے بلانے پر ناسمجھی سے اسکی طرف دیکھا
برہان کی آنکھوں میں اسکی تکلیف بھری تڑپ دیکھ کر نمی آگئی تھی
بھائی وہ۔۔۔۔۔۔ وہ ٹھیک ہوجائے گی
پتہ نہیں وہ سالار کو تسلی دے رہا تھا یا خود کو ۔۔۔۔ یہ وہ خود بھی نہیں جانتا تھا
ہاں ۔۔۔۔۔ ہوگی ٹھیک ۔۔۔۔۔۔ ہونا پڑے گا ۔۔۔۔۔۔ اسے ٹھیک ۔۔۔۔۔ میرے لئے ۔۔۔۔۔ ہونا پڑےگا۔۔۔۔۔نہیں تو میں اسے بہت زیادہ والا ناراض ہوجاؤ گا۔۔۔ ہاں ۔
ہوجائے گی نہ ٹھیک برہان۔۔۔۔۔۔۔؟؟؟؟
بچوں کی طرح بولتے ہوئے گردن ٹیڑھی کرکے سالار نے معصومیت سے پوچھا
برہان کو لگ رہا تھا کہ اسکا دل پھٹ جائے گا کہاں دیکھا تھا اس نے سالار کو اس طرح ہمیشہ تو وہ غصے میں سزائیں دیتا آیا تھا
بے ساختہ برہان اسکے گلے لگ گیا اور سر اسکے سینے میں کسی چھوٹے بچے کی طرح رکھ دیا
ہوجائے گی ٹھیک بھائی ۔۔۔۔۔۔ ہاں ۔۔۔۔ بلکل ہوگی
نہیں تو میں بھی اسکے ساتھ ناراض ہوجاؤ گا
ہٹو بھئی ۔۔۔۔۔ مجھے دعا کرنے دو عین کے لئے وہ بھی کیا کہے گی ہر وقت جنم ۔۔۔۔ جنم ۔۔۔۔ کرتا رہتا ہوں اور کرتا کچھ ہوں نہیں ۔۔۔۔۔ اسکے ٹھیک ہونے کے لئے سب سے ضروری ہے کہ میں اسکے لئے دعا کروں ۔۔۔۔ ہے نہ۔۔۔۔۔ ہٹو پرے۔۔۔۔
سالار ایسے بول رہا تھا جیسے وہ ابھی نیند سے جاگا ہو ۔۔۔۔۔۔۔
سالار بھاگتا ہوا ہاسپٹل سے باہر نکل آیا اور چمن کے خاموش گوشے میں جاکر گرنے کے انداز میں گھٹنے کے بل بیٹھا اور پھر زندگی میں آج پہلی بار سالار شجاعت اللہ کے حضور سجدے میں گر پڑا تھا اور پھوٹ کے رو پڑا تھا ۔۔۔۔۔۔
اللہ جی ۔۔۔۔۔۔ پیارے اللہ جی۔۔۔۔۔۔ پلیز ۔۔۔پلیز۔۔۔پلیز۔۔۔۔۔مجھ جیسے برے۔۔۔۔ گنہگار۔۔۔۔ بدبخت انسان کی دعا کی ارضی کو قبول کرو اللہ جی
۔۔۔۔۔۔ بہت برا ہوں نہ میں ۔۔۔۔۔۔ اور۔۔۔۔۔ بہت بد قسمت بھی ۔۔۔۔۔ کوئی۔۔۔۔۔ خوشی ٹھہرتی ہی نہیں میرے پاس۔۔۔۔۔۔ جب بھی کچھ اچھا چاہنے کی تمنا کرتا ہوں تو سب کچھ خراب ہو۔۔۔۔ جاتا ۔۔۔۔۔۔ ہے ۔۔۔۔۔۔ میں آپ سے بس کچھ نہیں مانگتا بس مجھے میری عین لوٹا دو ۔۔۔۔ اسے میرے پاس ہی رہنے دو۔۔۔۔۔ مت لے کر جاؤ اسے مجھ سے دور۔۔۔۔۔۔۔ اسکی سانسیں لوٹا دو اللہ جی۔۔۔۔ چاہے تو اسکے بدلے مجھے لے جاؤ ۔۔۔۔ میری سانسیں چھین لو میرے مالک ۔۔۔۔۔ میرے پروردگار۔۔۔۔۔۔ مجھ پر رحم کر میرے مولا۔۔۔۔رحم کر۔۔۔۔۔۔اے رحمن الرحیم۔۔۔۔۔۔۔۔ اے دو جہانوں کے مالک ۔۔۔۔۔۔ بے شک تو ہر شے پر قادر ہے تو تو مردوں تک کو زندہ کرسکتا ہے تو میری عین کو تو صحت بخش سکتا ہے میرے مالک ۔۔۔۔میرے اللہ ۔۔۔۔۔۔ میری عین کو مت چھیننا مجھ سے ۔۔۔۔۔ مجھے دعا نہیں. کرنی آتی اللہ پر دادا جان کہتے ہیں کہ اللہ تعالہ بہت غفور و رحیم ہے وہ دلوں کی نیتوں کو دیکھتا ہے وہ اندر کا حال سب جانتا ہے تو میرا بھی جان لے نہ اللہ۔۔۔
پلیز۔۔۔۔۔۔
سالار پھوٹ پھوٹ کر روتے ہوئے اپنی عین کی زندگی کی بھیک مانگ رہا تھا
مگر شائد اللہ تعالہ کو اسکے لئے ابھی اور امتحان لانے تھے

ڈاکٹر کیسی ہے میری عین ۔۔۔۔۔۔؟؟؟؟
جیسے ہی آپریشن تھیٹر کی بتی بجھی اور ڈاکٹر نمودار ہوا سالار دوڑتا ہوا آیا اور دھڑکتے دل کے ساتھ اس سے پوچھا جبکہ دل میں دعائیں جاری تھیں۔۔۔۔۔
ڈاکٹر نے ایک نظر اسے دیکھا اور پھر برہان کو۔۔۔
اس کے اس طرح کرنے اور خاموش رہنے پر ان دونوں کا دل بری طرح دھڑکا۔۔۔۔۔
مسٹر سالار ۔۔۔۔۔ ہم نے اپنی پوری کوشش کی ۔۔۔۔ بلکہ یہ میری زندگی کا ایسا کیا تھا کہ میں حیران ہوں کہ پیشنٹ یہاں آنے تک زندہ کیسے تھا اور۔۔۔۔۔
اے ڈاکٹر زیادہ بکواس مت کر یہ بتا کہ میری عین کو ٹھیک کیا یا نہیں ۔۔۔۔۔۔۔
ڈاکٹر ابھی بول ہی رہا تھا کہ سالار نے اسے بیچ میں ٹوک دیا اور گریبان پکڑ کر اسے زمین سے ۱ انچ اٹھا کر سرد آواز میں غرایا۔۔۔۔۔۔
بھائی چھوڑیں انہیں ۔۔۔۔ پلیز ۔۔۔۔۔۔
برہان نے بڑی مشکل سے ڈاکٹر کو اس سے چھڑوایا ۔۔۔۔۔ غصہ تو اسے بھی آرہا تھا کہ عین کے زندہ ہونے کا بتا نے کی بجائے وہ اپنی ہی بکواس کئے جارہا تھا۔۔۔۔
وہ ۔۔۔۔ وہ زندہ ہیں مگر۔۔۔۔۔۔۔
مگر۔۔۔۔۔۔۔ مگر کیا۔۔۔۔۔۔۔۔۔؟؟؟
جہاں عین کے زندہ بچنے کی خبر نے سالار کے دل کو سکون دیا تھا وہی اسکے مگر کہنے پر پھر سے بے چین ہو اٹھا تھا
وہ فی الحال بے ہوش ہی کچھ نہیں کہا جاسکتا وہ بچ تو گئیں ہیں مگر کب تک یہ بتانا زرا مشکل ہے اگر بارہ گھٹنوں کے اندر اندر پیشنٹ کو ہوش نہیں آیا تو ۔۔۔۔۔۔۔۔
اس سے آگے ڈاکٹر خاموش ہوگیا اور پھر سالار کے ڈر سے جلدی سے چلاگیا۔۔۔۔ جبکہ سالار سن کھڑا رہ گیا ۔۔۔۔۔۔۔
عین کو روم میں شفٹ کرنے کے بعد سالار کی چلانے اور ضد پر اسے اندر بھیج دیا گیا جہاں عین مشینوں میں جکڑی بے سدھ پڑی سالار کو اپنے سے دور بہت دور محسوس ہوئی ۔۔۔۔۔۔
سالار لپک کر اسکے پاس آیا اور اسکے ناتواں کمزور وجود کو اپنی باہوں میں لے لیا بکھرا حلیہ بکھرے بال لئے بیٹھا وہ کوئی دیوانہ لگ رہا تھا
تمہیں واپس آنا ہوگا عین ۔۔۔۔۔ آنا ہوگا۔۔۔۔۔۔
اسکے زرد گال پر اپنی محبت بھری مہر چھوڑ کر اسے لٹاتا اسکے پاس ہی ٹک گیا اور بے خود سا اسے دیکھنے لگ گیا
سالار کو عین کے ساتھ بتایا ایک ایک لمحہ اپنی آنکھوں کے سامنے گھومتا ہوا محسوس ہو رہا تھا
اسکی شفاف ہنسی۔۔۔۔۔۔ معصوم معصوم باتیں ۔۔۔۔۔ اسکے انداز ۔۔۔۔۔ اسکی حسین گھبرا ئی گھبرا ئی آنکھیں جو سالار کی شوخ قربت پر شرم سے جھک جاتی تھیں۔۔۔۔۔
آج کیسے ویران پڑی تھیں کھل ہی نہیں رہی تھیں ۔۔۔۔۔۔۔
عین اٹھ جاؤ نہ۔۔۔۔۔۔۔۔۔ پلیز ۔۔۔۔۔۔ جلدی اٹھ جاؤ ورنہ میں اس جان لیوا انتظار میں ہی نہ مرجاؤں۔۔۔۔۔۔۔۔۔
آہ ہ ہ۔۔۔۔۔۔۔۔۔۔۔۔۔
درد بھری آہ اسکے دل سے آزاد ہوئی ۔۔۔۔عین کے ہاتھ کو جکڑے کہ کہیں وہ چلی نہ جائے اسے چھوڑ کر اپنے ہاتھ میں مضبوطی سے پکڑے بیٹھا اسکی آنکھوں کو دیکھے جارہا تھا کہ اب کھلیں کہ اب کھلیں آنکھیں. ۔۔۔۔۔۔۔۔
اسکے روشن ماتھے پر جہاں ہر وقت حجاب اس پر سایہ کیے رکھتا تھا آج مرجھا یا ہوا تھا
تم ٹھیک ہوجاؤگی عین۔۔۔۔۔۔ اسکے ماتھے پر جزب سے بوسا دیتے سالار نے کہا اور اسکی آنکھ سے بےبسی بھرا قطرہ بہا ۔۔۔۔۔۔
بھائی ۔۔۔۔۔۔؟؟؟
سالار عین کو دیکھنے میں مصروف تھا کہ برہان نے کمرے میں آکر اسے آواز دی۔۔۔۔۔۔
ہونہہ۔۔۔۔۔۔۔۔
وہ نرس کہہ کر گئی ہے کہ ڈاکٹر نے ہم دونوں کو بلایا ہے کچھ ضروری بات کرنی ہے ۔۔۔۔۔
کیا بات۔۔۔۔۔؟؟
پتہ نہیں ۔۔۔۔ جاکر ہی پتہ چلے گا۔۔۔۔۔۔
ہونہہ۔۔۔۔۔ چلو ۔۔۔۔۔۔۔
سالار کا عین کو چھوڑ کر جانے کو دل تو نہیں کر رہا تھا مگر پھر یہ سوچ کر کہ نہ جانے ڈاکٹر نے کیا کہنا ہوگا نہ چاہتے ہوئے بھی اٹھ گیا۔۔۔۔

ابھی وہ دونوں وارڈ کے راستے سے مڑے ہی تھے کہ کوئی نرس منہ پر ماسک پہنے روم میں داخل ہوئی اور دروازہ لاک کر دیا
سامنے عین آنکھیں بند کئے پڑی ہوئی تھی
وہ چلتی ہوئی اسکے پاس آئی اور اسے ایک نظر سر سے پیر تک دیکھ کر طنزیہ مسکرائی جس کی جھلک اسکی کالی آنکھوں میں دیکھی جاسکتی تھی
جیب سے اس نے انجیکشن نکالا جس میں. دوائی پہلے سے ہی بھری ہوئی تھی ۔۔۔۔۔
دو قدم اور بڑھا کر وہ بلکل اسکے سامنے گئی اور سینے سے چادر ہٹادی۔۔۔۔۔۔ دیکھتے ہی دیکھتے ایک جھٹکے سے اس نے اسکے دل کے مقام پر انجیکشن گھونپ دیا۔۔۔۔۔۔۔
انجیکشن کو واپس جیب میں. ڈال کر جیسے وہ آئی تھی ویسے ہی آرام سے بنا کسی خوف کے وہاں سے چلی گئی

سالار اور برہان جب ڈاکٹر کے کیبن داخل ہوئے تو ڈاکٹر چئیر پر سے اٹھ ہی رہا تھا ان دونوں کو آگے دیکھا تو وہی رک گیا
آپ نے کوئی بات کرنی تھی ڈاکٹر ۔۔۔۔۔نرس نے کہا کہ آپ نے ہم سے کچھ بات کرنی ہے۔۔۔۔۔۔۔۔۔؟؟
برہان نے اسے کہا تو ڈاکٹر حیرانی سے انہیں دیکھتے ہوئے بولا
نہیں۔۔۔۔۔ میں نے تو کسی نرس سے ایسا کچھ نہیں کہا
برہان اسکی بات سن کر حیران ہوا مگر پھر وہ نرس۔۔۔۔۔۔۔۔۔۔۔
ابھی اس الجھن میں ہی تھا کہ ۔۔۔۔۔۔۔
نور۔۔۔۔۔۔۔۔۔۔؟؟
کہتے ہوئے جب وہ مڑا تو سالار وہاں نہیں تھا وہ پہلے ہی ڈاکٹر کی بات سن کر دوڑتا ہوا عین کے پاس چلا گیا تھا
برہان بھی بھاگا اسکے پیچھے ۔۔۔۔۔ انکے ساتھ ساتھ ڈاکٹر بھی کچھ کچھ سمجھتے ہوے نرس کو لے کر چل پڑا ۔۔۔۔۔
سالار جب روم میں. پہنچا تو سامنے کے منظر نے اسکے پیروں کے نیچے سے زمین کھینچ لی تھی۔۔۔۔۔۔
عین کا پورا جسم جھٹکے کھا رہا تھا ہارٹ بیٹ مسلسل کم ہوتی جارہی تھی
سالار بھاگتا ہوا اسکے پاس آیا اور اسکے چہرے کو دونوں ہاتھوں سے تھامے سفید پڑتے چہرے کے ساتھ اسے ہلانے لگا
کک۔۔۔۔۔۔ کیا۔۔۔۔۔۔ ہو۔۔۔۔۔۔ا۔۔۔۔۔۔۔۔۔ عین۔۔۔۔۔۔۔۔
اسکے پیچھے ہی ڈاکٹر اور برہان بھی داخل ہوئے عین کی حالت دیکھ کر برہان کو بھی جھٹکا لگا تھا
ڈاکٹر نے جب عین کی بگڑتی ہوئی حالت دیکھی تو ان دونوں کو باہر جانے کو کہا
مگر سالار کسی صورت بھی وہاں سے ہلنا تک نہیں چاہتا تھا
برہان ہی آگے بڑھا تھا اور اسکے کانپتے ہوئے وجود کو بمشکل گھسیٹتا ہوا باہر لے گیا اور ڈاکٹر اپنا کام کرنے لگے
سالار کے ہاتھ سے عین کا ہاتھ چھوٹ چکا تھا جو اس نے تھام رکھا تھا
سالار روتے ہوئے مسلسل نفی میں سر ہلا رہا تھا
روتے روتے وہ دیوار سے جا لگا اور نظریں سامنے بند دروازے پر ٹکا دیں۔۔۔۔۔۔
کافی دیر تک ڈاکٹر روم میں. رہا پھر بیس پچیس منٹ بعد وہ باہر نکلا
برہان جلدی سے اسکے پاس آیا مگر بولا کچھ نہیں جبکہ سالار دیوار سے ٹیک لگائے سوالیہ نظروں سے ڈاکٹر کو دیکھ رہا تھا
آئی ۔۔۔ ایم۔۔۔۔ سوری۔۔۔۔۔
شی از نو مور۔۔۔۔۔۔۔۔۔!!!
ڈاکٹر کے یہ الفاظ سالار کے کانوں میں بار بار گونجنے لگے۔۔۔۔۔
شی از نو مور۔۔۔۔۔۔۔۔ شی از نو مور ۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔!
سالار کی آنکھوں کے سامنے اندھیرا چھایا تھا اور پھر بے جان پتلے کی طرح لڑکتا ہوا وہ زمین بوس ہو چکا تھا۔۔۔۔۔۔۔۔۔۔۔۔۔۔
بھائی۔۔۔۔۔۔۔۔۔۔۔۔۔؟؟؟؟
جاری۔۔۔۔۔!!