چھن چھن گھنگھروں کی آواز نے وہاں بیٹھے تمام لوگوں کو اپنی طرف متوجہ کیا۔۔۔۔
وہاں پر بیٹھے لوگ بہت امیر اور عزت دار گھرانے سے تعلق رکھتے تھے جو حلال کو چھوڑ کر حرام کے پیچھے آئے تھے۔۔۔۔
سامنے سے آتی مہرو نے سرخ رنگ کا لمبا خوبصورت نفیس سا فراک زیب تن کیا ہوا تھا گہرا گلہ جس پر ہر ایک کی نظر ٹکی ہوئی تھی۔۔۔۔
مہارت سے کیے گئے میک اپ نے اس کے چہرے کے خوبصورت نقوش کو مزید نکھار دیا تھا خوبصورت کٹاؤ دار ہونٹوں پر سرخ رنگ کی لپ سٹک لگائے چھوٹے چھوٹے قدم لیتی وہ چہرے پر بناوٹی مسکراہٹ لیے چلی آرہی تھی۔۔۔۔
تمام لوگوں کی نظروں میں جو خباثت موجود تھی مہرو اچھے سے واقف تھی وہاں بیٹھے لوگ مہرو کو ایسے گھور رہے تھے جیسے ابھی اپنی غلیظ نظروں سے اسے نگل جاۓ گئے۔۔۔۔۔
مہرو کو ان سب نظروں کی عادت ہو گئی تھی اس لیے بنا کسی کی پرواہ کیے اپنی محسوس جگہ پر جاکر بیٹھ گئ۔۔۔۔
مدھم سے چلتے میوزک میں تیزی آگئی اور مہرو نے گانے کے بول کے ساتھ رقص کرنا شروع کر دیا۔۔۔۔
وہاں بیٹھے تمام لوگ مہرو کا رقص انجوائے کرنے لگے تقریباً سب کے ہاتھوں میں شراب کے گلاس موجود تھے شباب اور شراب دونوں سے لطیف اندوز ہو رہے تھے۔۔۔۔
اگر کسی کی آنکھوں میں ناپسندیدگی تھی تو وہ معارج ملک کےتھا وہ خود بھی پریشان تھا آخر کیوں وہ اتنا بےچین ہو رہا ہے جبکہ سامنے بیٹھی طوائف سے اس کا کوئی رشتہ بھی نا تھا.پھر بھی اس کی بے چینی بڑھتی جا رہی تھی۔۔۔۔
سلمیٰ بائی منہ میں پان ڈالے چاروں اور نظریں گھاڑ رہی تھیں اس کے پاس ظفر کھڑا تھا جو سلمیٰ بائی کا خاص ملازم تھا۔۔۔۔
سلمیٰ بائی کی نظر بار بار معارج کی طرف اُٹھ رہی تھی جو پیچھلے دو ماہ سے یہاں آرہا تھا اور ایک موٹی رقم سلمیٰ بائی کو دیتا اور وہاں سے چلا جاتا معارج ملک کو کون نہیں جانتا تھا۔۔۔۔
سنجیدہ سا معارج ملک دیکھنے والوں کے ہوش اڑا دینے کا ہنر رکھتا تھا یونانی دیوتاؤں جیسا حسن رکھنے والا معارج ملک بہت ضدی اکڑوں اور بدتمیز تھا جو چیز پسند آجاتی اسے حاصل کرنے کے لیے ہر جائز اور ناجائز طریقہ استعمال کرتا۔۔۔۔
براؤن بال براؤن ہی ڈاڑھی میں دلکش سا نظر آنے والا معارج اپنی خوبصورتی سے بلکل ہی لاپرواہ تھا دائیں گال پر پڑتا ڈمپل اس کی سحر انگیز شخصیت کو مزید چار چاند لگاتا۔۔۔۔
سلمیٰ بائی معارج کو دیکھ کر رشک کرنے کے ساتھ افسوس بھی کررہی تھی جو کوٹھے پر ناجانے کس مقصد کے لیے آتا تھا۔۔۔۔۔
سلمیٰ کو معارج پہلے دن سے ہی بہت اچھا لگا تھا اس نے پیچھلے دو ماہ میں ایک بار بھی کوٹھے کی کسی لڑکی کے ساتھ رات گزارنے کا مطالبہ نہیں کیا تھا لیکن یہ صرف سلمیٰ کی سوچ تھی جسے معارج ملک کچھ دیر بعد غلط ثابت کرنے والا تھا جس سے سلمیٰ بھی ابھی بے خبر تھی۔۔۔۔
سلمیٰ کو پیسے سے مطلب تھا جو اسے مل رہا تھا اسے اور کیا چاہیے تھا لیکن ایک بات اسے بھی تنگ کر رہی تھی کہ معارج ملک کے یہاں آنے کا مقصد کیا ہے۔۔۔۔؟
وہاں بیٹھے مردوں میں جوان اور بڑھے بھی شامل تھے جو پانی کی طرح مہرو پر پیسہ بہا رہے تھے لیکن مہرو کا رقص کرنے کا انداز ایسا تھا کہ کسی بھی آدمی کو چھونے نہیں دے رہی تھی اور نا ہی کسی کے پاس جا رہی تھی جبکہ باقی کے دو لڑکیاں جو مہرو کے ساتھ ہی رقص کرنے میں مصروف تھیں وہ دونوں وہاں بیٹھے امیر زادوں کے قریب جا رہی تھیں اور یہی بات معارج کے لیے حیران کن تھی۔۔۔۔۔
پورے فنکشن میں معارج کی نظریں مہرو پر جمی رہی تھیں مہرو کو جب کسی کی نظروں کی تپش کا احساس ہوا تو اس نے ایک بار معارج کی طرف دیکھا جس نے مہرو کے دیکھنے پر بھی اپنی نظروں کا زاویہ تبدیل نہیں کیا تھا۔۔۔۔
فنکشن ختم ہونے تک معارج وہی پر بیٹھا رہا آج شاید اس کا ارادہ سلمیٰ سے بات کرنے کا تھا اپنا رقص ختم کر کے مہرو بھی وہاں سے چلی گئ لیکن معارج ابھی بھی اسی جگہ کو گھور رہا تھا جہاں کچھ دیر پہلے مہرو بیٹھی تھی۔۔۔۔
یہ کوٹھا دکھنے میں ایک حویلی کی طرح لگتا تھا باہر سے جتنا بوسیدہ تھا اندر سے خاصا خوبصورت بنایا گیا تھا ایک بڑا سا صحن جسے خوبصورتی سے سجایا گیا جس کے دائیں اور بائیں جانب کمرے بنے ہوئے تھے حویلی میں پڑی چیزیں بہت پرانی اور نایاب تھیں جو حویلی کی خوبصورتی اور شان و شوکت کو مزید بڑھاتی۔۔۔۔
ملک صاحب میں آپ کی کیا خدمت کر سکتی ہوں۔۔۔۔؟؟؟
سلمیٰ نے خوشامدی لہجے میں پوچھا۔۔۔۔
یہاں کی سب سے خوبصورت لڑکی مجھے آج رات کے لیے چاہیے۔۔۔۔!!! معارج نے بغیر لگی لپٹی کہا۔۔۔۔
اچھا آپ شبنم کی بات کررہے ہیں۔۔۔۔؟؟؟
سلمیٰ حیران ضرور ہوئی تھی لیکن جلد ہی اس نے اپنی تاثرات پر قابو پا لیا۔۔۔۔
میں ابھی آپ کی خدمت میں حاضر کرتی ہوں۔۔۔۔!!!
سلمی نے جلدی سے کہا اور ظفر کی طرف اشارہ کیا وہ وہاں سے چلا گیا تھوڑی دیر بعد اس کے ساتھ شبنم ایک ادا سے چلی ہوئی آرہی تھی۔۔۔۔
میں نے کہا یہاں کی سب سے زیادہ خوبصورت لڑکی۔۔۔۔!!!
معارج نے ایک نظر شبنم کو دیکھ کر اپنی بات پر زور دیتے ہوۓ کہا۔۔۔۔
سلمیٰ معارج کی بات سن کر ایک دم پریشان ہو گئ اس کو پہلے ہی سمجھ آگیا تھا کہ معارج ملک مہرو کی بات کر رہا ہے لیکن پھر بھی اس نے شبنم کو لانے کا کہا۔۔۔۔
شبنم تو جا یہاں سے۔۔۔۔!!!
سلمیٰ نے شبنم کو دیکھتے ہوئے کہا جو کھڑی سلمیٰ کو گھور رہی تھی۔۔۔۔
ملک صاحب جیسا آپ چاہتے ہیں ویسا نہیں ہو سکتا۔۔۔۔!!!
شبنم کے جاتے ہی سلمیٰ نے پریشانی سے کہا معارج نے سلمیٰ کی طرف دیکھتے ہوئے سگریٹ سلگایا۔۔۔۔
اور ایسا کیوں نہیں ہو سکتا سلمیٰ بائی میں تمہیں منہ مانگی قیمت دوں گا پھر بھی تم نہیں مانو گئ۔۔۔۔!!!
معارج نے تھوڑا سلمیٰ کی طرف جھکتے ہوۓ پوچھا معارج کی گہری براؤن آنکھیں کا سرد پن سلمیٰ بائی سے بھی چھپا ہوا نہیں تھا۔۔۔۔
بات میرے ماننے کی تو ہے ہی نہیں ملک صاحب
میں کچھ نہیں کرسکتی وہ کبھی بھی نہیں مانے گی وہ تو آپ سے بات کرنے کے لیے بھی راضی نہیں ہو گی۔۔۔۔!!!
سلمی نے اپنا مسئلہ معارج کے سامنے رکھتے ہوۓ کہا۔۔۔۔
مجھے وہ صرف ایک رات کے لیے چاہیے اور حیرت کی بات ہے ایک طوائف کو رات گرارنے میں مسئلہ پیش آرہا ہے۔۔۔۔!!!
معارج نے اپنی بھاری آواز میں طنز کرتے ہوئے کہا۔۔۔۔
ملک صاحب وہ یہ سب نہیں کرتی وہ صرف رقص کرتی ہے وہ کبھی نہیں مانے گی چاہے آپ اسے کتنے ہی پیسے کیوں نا دے دیں۔۔۔۔!!! سلمیٰ نے پریشانی سے کہا۔۔۔۔
یہ تو بہت اچھی بات ہے اس کا مطلب میں وہ پہلا انسان ہوں جو اسے پانے میں کامیاب ہو گا۔۔۔۔!!!
معارج نے بے باکی سے قہقہہ لگاتے ہوئے کہا۔۔۔۔
سلمیٰ خاموش ہو گئ مہرو کتنی ضدی تھی سلمیٰ اس بات سے اچھی طرح واقف تھی لیکن اسے معارج زیادہ ضدی لگا تھا۔۔۔۔
سلمیٰ اس لڑکی سے بات کر لو اور اسے یہ بات بھی اچھے سے ذہن نشین کر وا دینا معارج ملک جب کسی کو آنکھ بھر کر دیکھ لیتا ہے تو وہ چیز ہو یا انسان اس کی ہو جاتی ہے اگر وہ انسان یاچیز مجھے نا ملے تو اسے کسی اور کے لائق بھی نہیں چھوڑتا۔۔۔۔!!!
ویسے ملک صاحب سے رات کے اندھیرے میں وہ مل سکتی ہے مجھ سے بات کرنے میں بھی اسے شرم محسوس ہورہی ہے عجیب بات ہے۔۔۔۔!!! معارج نے طنز کے تیر چھوڑتے ہوئے مزید کہا۔۔۔
تمھاری طوائف میرے نزدیک ایک کھلونے سے زیادہ کی حیثیت نہیں رکھتی سلمیٰ بائی اور تمھاری طوائف کا نام کیا ہے۔۔۔۔۔؟؟؟ معارج نے سنجیدگی سے کہتے ہوئے نام پوچھا۔۔۔۔
مہرو نام ہے۔۔۔۔!!! سلمیٰ بیگم نے جلدی سے جواب دیا۔۔۔
مہرو۔۔۔۔!!! معارج نے منہ میں بڑبڑاتے ہوۓ کہا۔۔۔۔
میں مہرو سے کچھ وقت کے لیے ملنا چاہتا ہوں۔۔۔۔!!!
معارج نے اپنے کندھے پر رکھی چادر کو درست کرتے ہوئے روبدار لہجے میں کہا۔۔۔۔
یہ آپ کیسی بات کر رہے ہیں وہ کبھی بھی راضی نہیں ہو گی۔۔۔۔!!! سلمی بائی نے گھبراتے ہوئے کہا۔۔۔۔
میں نے تم سے پوچھا نہیں ہے بلکہ بتایا ہے اور میرے پیچھے کوئی نہیں آئے گا۔۔۔۔!!!
معارج نے وارن کرنے والے انداز میں سلمی کو دیکھتے ہوئے کہا اس کے لہجے کی سختی کو محسوس کرتے ہوئے سلمیٰ نے خاموش رہنا ہی بہتر سمجھا۔۔۔۔
اور ہاں مجھے پوری امید ہے تم مہرو کو رات کے لیے بھی تیار کر لو گی میں کل آؤ گا اور مجھے جواب ہاں میں چاہیے نا سننے کی عادت نہیں ہے۔۔۔۔۔!!!!
معارج نے سرد لہجے میں کہا اور اُس کمرے کی طرف چلا گیا جس میں تھوڑی دیر پہلے مہرو گئی تھی۔۔۔۔
پیچھے سلمیٰ نے اپنا سر پکڑ لیا اسے معلوم تھا کہ مہرو کبھی بھی نہیں مانے گی اور ملک صاحب کے بارے میں معارج کو معلوم تھا اس بات نے بھی سلمیٰ کو پریشان کر دیا۔۔۔۔
سلمیٰ جی مجھے تو ملک جی مہرو سے زیادہ ضدی لگے ہیں اب کیا ہو گا جی۔۔۔۔؟؟؟
ظفر نے پریشانی سے سلمیٰ کی طرف دیکھتے ہوئے پوچھا۔۔۔۔
میں نہیں جانتی کیا ہونے والا ہے مجھے ملک کی فکر ہے کہی مہرو غصے میں کوئی چیز اٹھا کر ہی نا مار دے۔۔۔۔!!!
سلمی نے فکر مندی سے منہ میں پان ڈالتے ہوئے کہا۔۔۔۔
ظفر تم پنکی کو فون کرو اسے کہو سلمیٰ بائی کے کوٹھے پر آئے آج ہی مجھے اُس سے ضروری بات کرنی ہے۔۔۔۔۔!!!
سلمیٰ نے نے اپنا ساڑھی کا پلو سنبھالتے ہوئےکہا۔۔۔۔
جی سلمیٰ جی۔۔۔۔!!! ظفر نے کہا اور وہاں سے چلا گیا۔۔۔۔
💖————💖
مہرو شیشے کے سامنے بیٹھی اپنے زیورات اتارتی اپنے خیالوں میں گم بیٹھی تھی جب دروازہ کھلنے کی آواز نے اسے خیالوں کی دنیا سے باہر نکالا اور اور اس کی توجہ دروازے کی طرف مرکوز کی۔۔۔۔۔
جہاں معارج سینے پر ہاتھ باندھے گہری نظروں سے مہرو کو دیکھ رہا تھا معارج کے دیکھنے کا انداز ایسا تھا کہ مہرو کے ماتھے پر بل آگئے۔۔۔۔
آپ کون اور یہاں کیوں آئے ہیں۔۔۔۔؟؟؟
مہرو نے کھڑے ہوتے ہوئے پوچھا بےشک سامنے کھڑا مرد اپنی سحر انگیز شخصیت سے کسی کو بھی خود کی طرف مائل کر سکتا تھا مہرو نے آج تک اتنا حسین مرد نہیں دیکھا تھا۔۔۔۔
میں کون ہوں وہ تمھیں سلمیٰ اچھے سے بتا دے گی اور میں کیا چاہتا ہوں وہ بھی جلد ہی معلوم ہو جائے گا لیکن میں یہاں تم سے ایک بات پوچھنے آیا ہوں۔۔۔۔!!!
معارج نے سنجیدگی سے کہا اور چھوٹے چھوٹے قدم لیتا مہرو کے سامنے کچھ فاصلے پر کھڑا ہو گیا معارج نے ایک پل کے لئے بھی اپنی نظریں مہرو کے چہرے سے نہیں ہٹائی تھیں۔۔۔۔
ملک صاحب سے تم کیوں ملتی ہو۔۔۔۔؟؟؟؟
ویسے مجھے یہ سوال پوچھنا تو نہیں چاہیے کیونکہ ایک طوائف کا کسی امیر زادے کو رات کے وقت ملنا کوئی انوکھی بات نہیں ہے لیکن پھر بھی میں پوچھنا چاہوں گا۔۔۔۔!!!
معارج نے طنزیہ مسکراہٹ چہرے پر لاتے ہوئے کہا۔۔۔۔
معارج کی بات سن کر مہرو کے چہرے کا رنگ ایک پل کے لیے اڑا تھا جو معارج نے بھی محسوس کیا لیکن جلد ہی اس نے اپنے تاثرات پر قابو پا لیا۔۔۔۔
میری بات غور سے سنو مسٹر ایک طوائف کے کوٹھے پر آکر اس سے پوچھنا کہ وہ رات کے وقت ایک امیر زادے کے ساتھ کیا کر رہی تھی میرا نہیں خیال کہ کوئی بھی شریف زادہ اس بات سے لاعلم ہو گا اب ظاہر سی بات ہے طوائف کا جو کام ہوتا ہے وہ زیادہ تر رات میں ہی ہوتا ہے۔۔۔۔!!!
اور دوسری بات اپنا تو میں نے بتا دیا اور اب باقی کا اپنے ملک صاحب سے پوچھ لینا کہ وہ کیوں میرے پاس آتا ہے اور وہ بہتر طریقے سے آپ کو سمجھا دے گا۔۔۔۔!!!
مہرو نے عام سے لہجے میں دوبدو جواب دیتے ہوئے کہا جبکہ مہرو کے جواب نے معارج کو تپا دیا تھا وہ مہرو سے اس قسم کے جواب کی توقع نہیں کر رہا تھا۔۔۔۔
معارج کا سرخ چہرہ دیکھ کر مہرو کے چہرے پر مسکراہٹ آگئ تھی لیکن معارج کے خود کی طرف بڑھتے قدموں نے مہرو کے چہرے کی مسکراہٹ کو پریشانی میں بدل دیا۔۔۔۔
معارج مہرو کی طرف اپنے قدم بڑھا رہا تھا اور مہرو الٹے قدم لیتی دیوار کے ساتھ جا لگی مہرو نے اپنے پیچھے دیوار کو ایسے گھورا جیسی اپنی گھوری سے ہی اسے بھسم کر دے گی معارج نے مہرو کی دائیں جانب دیوار پر ہاتھ رکھا اور بائیں جانب بھی دیوار تھی معارج کی تپش دیتی نظریں مہرو کے غصے میں مزید اضافہ کر رہی تھیں۔۔۔۔
یہ کیا کر رہے ہیں آپ۔۔۔۔؟؟؟
مہرو نے غصے سے معارج کو دیکھتے ہوئے کہا جو مہرو کی نشیلی آنکھوں میں خود کو ڈوبتا ہوا محسوس کر رہا تھا اور مہرو کی آواز سن کر چونکا۔۔۔
تم سچ میں بہت حسین ہو مہرو لیکن میرے مطلب کی نہیں ہو۔۔۔۔!!!
معارج نے ہلکا سا مسکرا کر کہا اور اس کان کے پاس جھکا مہرو نے اپنی آنکھیں زور سے میچ لیں تھیں۔۔۔
کل آؤں گا تیار رہنا جاناں۔۔۔۔!!!
معارج نے ایک ایک لفظ چبا کر مہرو کے کان میں کہا اس کا تپش دیتا لہجہ اور گرم سانسوں کے تھپڑ مہرو کو اپنی گردن پر پڑتے ہوئے محسوس ہو رہے تھے اسے اپنی گردن جھلستی ہوئی محسوس ہوئی۔۔۔۔
مہرو ابھی بھی سانس روکے آنکھیں بند کیے کھڑی تھی معارج مہرو سے پیچھے ہٹا اور ایک حقارت بھری نظر ڈوپٹے سے بے نیاز کھڑی مہرو پر ڈالی اور کمرے سے نکل گیا۔۔۔۔
مہرو نے تھوڑی دیر بعد آنکھیں کھولی اور لمبا سانس لے کر پورے کمرے میں نظر گھمائی اور سائیڈ ٹیبل پر پڑے پانی کے گلاس کو پڑ کر لبوں سے لگاتے ہی ایک سانس میں سارا پانی پی گئی۔۔۔۔
مہرو کو معارج کی بات سمجھ میں نہیں آئی تھی لیکن معارج کی باتوں نے مہرو کو بہت تکلیف پہنائی تھی۔۔۔۔۔
یہ کون تھا۔۔۔۔ اور ملک کو کیسے جانتا ہے۔۔۔۔ اب کیا ہونے والا ہے۔۔۔۔ اور کتنی آزمائش لکھی یے میری قسمت میں۔۔۔۔ تھک گئ ہوں میں۔۔۔۔ کچھ سمجھ نہیں آتا کیا کروں۔۔۔۔؟؟؟
مہرو نے اپنے ماتھے کو دو انگلیوں سے دباتے خود کلامی کرتے ہوئے کہا مہرو اس بھیانک حقیقت کو تسلیم کر چکی تھی کہ وہ ایک طوائف ہے اور طوائفوں کو ایسی باتیں روزانہ سننی پڑتی ہے لیکن جب بھی مہرو کو کوئی طوائف کہتا تو برداشت نہیں کر پاتی تھی۔۔۔۔
💖————💖
سویرا بیٹا ابھی تمھارے ابو کی تنخواہ نہیں آئی ابھی میں تمہیں یہ سوٹ نہیں لے کر دے سکتی
تم جانتی ہو ابھی پورا مہینہ پڑا ہوا ہے اور میرے پاس پیسے نہیں ہیں۔۔۔۔!!!
رقیہ بیگم نے دکھی لہجے میں اپنی لاڈلی کو سمجھاتے ہوئے کہا دونوں ماں بیٹی پاس والی مارکیٹ میں گھر کا کچھ سامان لینے آئی تھیں جب سویرا کی نظر ایک سوٹ پر پڑی اور سویرا کو جب کوئی چیز پسند آجاتی تو کسی نا کسی طرح اسے حاصل کر لیتی اسے پرواہ نہیں تھی کہ پیسے کہاں سے آۓ گے۔۔۔
امی آپ ہمیشہ ایسے ہی کرتی ہے جانتی ہے ساتھ والے گھر میں جو ثناء ہے وہ ہر ہفتے نیا سوٹ پہنتی ہے اور آپ مجھے سال بعد تین نئے سوٹ بنا کر دیتی ہیں۔۔۔۔!!! سویرا نے منہ بناتے ہوئے کہا۔۔۔
بیٹا تم گھر کے حالات سے اچھی طرح واقف ہو ہمارے پاس اتنے پیسے نہیں ہے گھر کا خرچ ہی بہت مشکل سے پورا ہوتا ہے۔۔۔۔!!! سویرا کی ماں نے کہا۔۔۔
جانتی ہوں امی ساری غریبی تو ہمارے گھر ہی ہے
پتہ نہیں ہم لوگ کیوں غریب ہے اللہ تعالیٰ نے مجھے کسی امیر گھر میں کیوں پیدا نہیں کیا۔۔۔۔؟؟؟
سویرا کے منہ میں جو آرہا تھا بولتی جارہی تھی
وہ ہمیشہ اپنے لفظوں سے اپنی ماں کو تکلیف دے جاتی تھی لیکن اسے اس بات کی خبر تک نہیں ہوتی۔۔۔۔
سویرا تم ناشکری کر رہی ہو اللہ تعالیٰ نے ہمیں جس بھی حال میں رکھا ہے ہمیں شکر ادا کرنا چاہیے اور ہمیں دو وقت کی روٹی نصیب ہو جاتی ہے یہ بھی اوپر والے کا کرم ہے ورنہ کچھ لوگ تو رات کو بھوکے سوتے ہیں لیکن پھر بھی نا شکری نہیں کرتے۔۔۔۔!!!
رقیہ بیگم نے سویرا کو سمجھانے والے انداز میں کہا وہ جانتی تھی سویرا پر ان کی بات کا کوئی فرق نہیں پڑے گا وہ ایک کان سے سنے گی اور دوسرے کان سے نکال دے گی اور ایسا ہی ہوا سویرا چہرے پر بےزاریت لیے اپنی ماں کی باتیں سن رہی تھی۔۔۔۔
امی بس کر دیں آپ کی یہ باتیں سن سن کر میرے کان پک چکے ہیں اب گھر چلے۔۔۔۔!!!
سویرا نے منہ بسورتے ہوئے کہا اور وہاں سے چلی گئ رقیہ بیگم نے بسی سے اپنی اکلوتی بیٹی کو دیکھ رہی تھی کبھی کبھی تو وہ سویرا کی باتیں سن کر ڈر بھی جاتی تھی۔۔۔۔
💖————💖
عقیل صاحب پاس والے سکول میں بچوں کو پڑھاتے تھے ان کی ایک ہی بیٹی تھی سویرا عقیل صاحب کی تنخواہ بہت کم تھی جس سے گھر کا گز بسر نہیں ہو رہا تھا۔۔۔۔
سب معاملات کو دیکھتے ہوئے سویرا کی ماں رقیہ نے گھر میں کپڑے سلائی کرنے شروع کر دیے تھے
زیادہ بہتری تو نہیں آئی تھی لیکن اب گھر کا خرچ آرام سے پورا ہو جاتا۔۔۔۔
سویرا خیالوں کی دنیا میں رہنے والی لڑکی تھی اس نے اپنے خیالوں کی دنیا میں سب کچھ سیٹ کیا ہوا تھا لیکن جب سویرا حقیقت کو دیکھتی تو اسے اپنی غریبی سے نفرت محسوس ہوتی۔۔۔۔
اسے نئے کپڑے گاڑی میں آنا جانا شاپنگ مال جانا بہت پسند تھا لیکن آج تک کبھی اس کی ایک بھی خواہش پوری نہیں ہوئی تھی ایسا سویرا کو لگتا تھا۔۔۔۔
سویرا کے ماں باپ کی پوری کوشش ہوتی تھی کہ وہ اپنی بیٹی کو ہر ایک وہ چیز دلا سکے جس کی وہ خواہش مند ہے لیکن سویرا ہمیشہ ان چیزوں سے نقص نکال کر اپنے والدین کا دل توڑ دیتی۔۔۔۔
ایسا نہیں تھا کہ وہ چیز اچھی نہیں ہوتی تھی
بس وہ مہنگی نہیں ہوتی تھی اور سویرا کو مہنگی چیزیں بہت پسند تھیں۔۔۔۔
سویرا اکیس سال کی خوبصورت لڑکی تھی اللہ نے اسے بے پناہ حسن دیا تھا کالی بڑی بڑی سرمئی آنکھیں جن میں چوبیس گھنٹے کاجل ہوتا کندھے تک آتے کالے بال چھوٹی سی ناک جس میں ایک گولڈن کلر کی بالی پہنی ہوئی تھی اور ٹھوڑی پر ایک چھوٹا سا تل جو اسے مزید پرکشش بناتا۔۔۔۔۔
سویرا کو اپنی خوبصورتی پر ناز بھی بہت تھا رقیہ بیگم نے سویرا کو زبردستی نقاب کروایا تھا اور یہ بات تو سویرا ہی جانتی تھی کہ کس طرح وہ نقاب کرتی ہے۔۔۔۔
اس نے کافی بار کہا کہ میرا سانس بند ہوتا ہے لیکن اس کی ماں نے سختی سے اسے ڈپٹا کہ اگر تم بغیر پردے کے باہر گئ تو تمھارا باہر جانا بند کر دوں گی اس لیے سویرا کو مجبوراً نقاب کرنا پڑتا۔۔۔۔
سویرا زیادہ پڑھی لکھی نہیں تھی اس نے میٹرک بھی بہت مشکل سے پاس کیا تھا اور سویرا چاہتی تھی اسے کوئی اچھی سی نوکری مل جائے تاکہ اس کے پاس کچھ پیسے آسکے اور اپنی مرضی کی چیزیں خرید سکے۔۔۔۔۔
💖————💖
رابعہ تمھارے شہزادے کی واپسی کا ارادہ کب تک کا ہے۔۔۔۔؟؟؟
شاداب صاحب نے اپنی خوبصورت بیوی سے پوچھا جو نیل پینٹ لگا رہی تھی اپنے لاڈلے کے ذکر پر رابعہ کے چہرے پر مسکراہٹ آگئ۔۔۔۔
ملک صاحب وہ بھی آپ پر گیا ہے بہت ضدی ہے اپنی من مانی کرتا ہے ابھی اس کے واپس آنے کے آثار نہیں ہے۔۔۔۔!!! رابعہ نے دلکشی سے مسکراتے ہوئے کہا۔۔۔۔
یہی تو اس کی عمر ہے گھومنے پھیرنے کی۔۔۔۔!!! شاداب نے رابعہ کا ہاتھ اپنے ہاتھ میں لیتے ہوئے کہا۔۔۔۔
وہ اب بچہ نہیں ہے اسے اب اپنی ذمہ داریاں سنبھال لینی چاہیے میں سوچ رہی تھی علیدان اور مان دونوں کی شادی ایک ساتھ ہی کر دی جائے
کومل اور مان بچپن کے دوست بھی تو ہیں اور میں نے اپنی بہن کو زبان دی تھی کہ اس کی دونوں بیٹیاں میری بہو بن کر میرے گھر آئے گی۔۔۔۔!!!
رابعہ نے سنجیدگی سے شاداب کو اپنے دل کی بات بتائی جو رابعہ کو ہی دیکھ رہا تھا۔۔۔۔
رابعہ بچے اب بڑے ہو گئے ہیں ہم لوگ اپنی مرضی ان پر مسلط نہیں کر سکتے اور تم اچھے سے جانتی ہو کہ مان کتنا ضدی ہے اپنی مرضی کرتا ہے اور تم اس کے ساتھ زبردستی نہیں کر سکتی۔۔۔۔!!! شاداب نے سمجھانے والے انداز میں کہا۔۔۔
جانتی ہوں ملک صاحب لیکن مجھے اپنے بیٹوں پر پورا بھروسہ ہے وہ کبھی بھی میرا بھروسہ نہیں توڑے گے۔۔۔۔!!!
رابعہ نے یقین سے کہا شاداب صاحب رابعہ کی بات سن کر ہنس پڑے۔۔۔
رابعہ بیگم یہ تو وقت ہی بتائے گا فلحال مجھے ایک ارجنٹ کام کے سلسلے میں جانا ہے بعد میں اس بارے میں بات کرتے ہیں۔۔۔۔!!!
شاداب نے کہا ور اپنی جگہ سے اُٹھ کھڑے ہوئے اور دروازے کی طرف اپنے قدم بڑھائے۔۔۔
اور ہاں علیدان کہاں ہے۔۔۔۔؟؟؟ شاداب نے یاد آنے پر مڑ کر پوچھا۔۔۔۔
سارا کام تو آپ نے میرے بیٹے کے کندھوں پر ڈال دیا ہے دن رات بس کام کام ہی کرتا رہتا ہے ابھی بھی آفس میں ہی ہو گا۔۔۔۔!!! رابعہ نے ناراضگی سے کہا۔۔۔۔
بیگم صاحبہ آپ ناراض کیوں ہوتی ہیں کچھ دنوں کی بات ہے اس کے بعد علیدان بھی فری ہو جائے گا اس کا کام کم ہو جائے گا عظیم واپس پاکستان آرہا ہے اب اس کا بیٹا بھی علیدان کے ساتھ ہی کام کرے گا تو میرے بیٹے کا بوجھ بھی تھوڑا کم ہو جائے گا۔۔۔۔!!!
شاداب نے مسکراتے ہوئے رابعہ کو بتایا عظیم شاداب ملک کا کزن ہونے کے ساتھ ساتھ بہت اچھا دوست بھی تھا۔۔۔۔
اس کا مطلب آپی بھی آرہی ہیں۔۔۔۔؟؟؟ رابعہ نے پر جوش لہجے میں پوچھا۔۔۔۔
جی بلکل ساری فیملی پاکستان شفٹ ہو رہی ہے۔۔۔۔!!! شاداب نے مسکرا کر کہا۔۔۔۔
لیکن آپی نے مجھے نہیں بتایا۔۔۔۔!!! رابعہ نے ناراضگی سے کہا۔۔۔
کیونکہ وہ تمہیں سرپرائز دینا چاہتی تھیں اور میں نے ان کا سرپرائز خراب کر دیا۔۔۔۔!!!
شاداب نے پریشانی سے رابعہ کو دیکھتے ہوئے کہا۔۔۔
کوئی بات نہیں شاداب میں آپی کو معلوم ہی نہیں ہونے دوں گی آپ بے فکر رہیں۔۔۔۔!!!
رابعہ نے شاداب کی پریشانی کو دور کرتے ہوئے مسکرا کر کہا۔۔۔۔
اوو تھینک یو رابعہ۔۔۔۔!!! شاداب نے رابعہ کے ماتھے پر لب رکھتے ہوئے پیار سے کہا۔۔۔۔
آپ بھی نا۔۔۔۔!!! رابعہ نے شرم سے نظریں جھکا لیں۔۔۔۔
تمھاری انہی اداؤں نے تو مجھے ابھی تک تمھارا دیوانہ بنا رکھا ہے۔۔۔۔!!! شاداب نے مسکراہٹ دبا کر کہا۔۔۔۔
اب آپ کو دیر نہیں ہو رہی۔۔۔۔؟؟؟ رابعہ نے بات بدلتے ہوئے کہا۔۔۔۔
شیٹ میری تو میٹنگ تھی میں بہت لیٹ ہو گیا ہوں۔۔۔۔!!!
شاداب نے کہا اور کمرے سے نکل گیا کیونکہ میٹنگ بہت ضروری تھی رابعہ شاداب کو جاتے دیکھ مسکرا پڑی تھی۔۔۔۔
💖————💖
عظیم اور شاداب دونوں کزن تھے لیکن بچپن سے ہی بہت اچھے دوست بھی تھے شاداب کی شادی ان کی کلاس فیلو رابعہ سے ہوئی تھی۔۔۔۔
شاداب کے دو بیٹے اور ایک بیٹی تھی عظیم کی شادی اپنی کزن سے ہوئی تھی جس کا نام روبینہ تھا روبینہ اور رابعہ یونیورسٹی لائف سے فرینڈز تھیں لیکن دونوں کی نیچر مختلف تھی۔۔۔۔
روبینہ سلجھی ہوئی نرم مزاج خاتون تھی جبکہ رابعہ اس کے برعکس تھی۔۔۔۔
عظیم کے دو بیٹے تھے عظیم اور شاداب نے مل کر بزنس شروع کیا تھا اور اسے بلندیوں تک پہنچایا۔۔۔۔
تین سال پہلے عظیم صاحب اپنی فیملی کو لے کر کینڈا شفت ہو گئے اور آج تین سال بعد دوبارہ پاکستان واپس آرہے تھے۔۔۔۔
شاداب صاحب کا چھوٹا بیٹا بھی کینڈا گھومنے پھرنے گیا تھا۔۔۔۔
💖————💖
مان ہم لوگ پاکستان شفٹ ہو رہے ہیں تو کب تک یہاں رک رہا ہے۔۔۔۔؟؟؟
آکف نے سگریٹ کا گہرا کش لے کر باقی کا سگریٹ مان کی طرف بڑھاتے ہوئے پوچھا جس نے آکف کے ہاتھ سے سگریٹ لے کر اپنے ہونٹوں سے لگایا۔۔۔۔
مان اور آکف دونوں گاڑی سے ٹیک لگائے کھڑے تھے دونوں کی نظریں سامنے چلتے پھرتے لوگوں پر جمی تھیں۔۔۔۔
تم لوگ چلے جانا میرا ابھی کوئی ارادہ نہیں ہے
ابھی میں یہی رہنا چاہتا ہوں جب دل کیا آجاؤ گا۔۔۔۔!!! مان نے دوبارہ سگریٹ کو آکف کی طرف بڑھاتے ہوئے کہا۔۔۔۔
چل ٹھیک ہے میں چلتا ہوں پیکنگ بھی کرنی ہے رات کو ملتے ہیں۔۔۔۔!!!
آکف نے مان کو دیکھتے ہوئے کہا اور اپنی جیب سے گاڑی کی چابیاں نکالی۔۔۔۔
تو واپس کیسے آئے گا گاڑی تو میں لے کر جا رہا ہو۔۔۔۔؟؟؟ آکف نے مان سے پوچھا۔۔۔۔
تو فکر مت کر ما آجاؤ گا۔۔۔۔!!! مان نے ہلکا سا مسکرا کر کہا۔۔۔۔
جیسے تیری مرضی۔۔۔۔!!!
آکف نے کہا اور گاڑی میں جا کر بیٹھ گیا مان ابھی آکف کو ہی دیکھ رہا تھا جب اس کا موبائل رنگ ہوا اس نے موبائل کی چمکتی سکرین پر فضا کا نام دیکھ کر لمبا سانس بھرا مان نے موبائل کان سے لگایا جب فضا نے کہا۔۔۔۔
“مان مجھے تم سے علیدان کے بارے میں بہت ضروری بات کرنی ہے۔۔۔۔!!!”
بھابھی میں سن رہا ہوں۔۔۔۔!!!
مان نے سنجیدگی سے کہا اور فضا کی بات سننے لگا۔۔۔۔
💖————💖
جاری ہے۔۔۔۔💞💞