Blind Friends By Isra Rao NovelR50463 Blind Friends (Episode - 6)

Blind Friends By Isra Rao

“کیا ہوا؟”

آرب نے سامنے بیٹھی منہا کو دیکھا۔۔۔

“مجھے نوٹس چاہیے۔۔۔بھائی کی شادی ہے اگلے ہفتے۔۔۔بنانے کا بلکل ٹائم نہیں مل رہا۔۔۔”

اس نے معصومیت سے کہا

“میرے لے لو۔۔۔۔” وہ سادگی سے کہنے لگا۔۔۔

“لوں گی تبھی تو بلایا ہے”

وہ ہنس کر کہنے لگی۔۔۔

“اچھا تو میں ایسے ہی خوش فہم ہوگیا۔۔۔کہ تم مجھے مس کر رہی ہوگی۔۔۔۔”

وہ برا سا منہ بنا کر رہ گیا

“اب ایسی بھی بات نہیں۔۔۔۔مس بھی کر رہی تھی میں”

وہ مسکرا کر کہنے لگی۔۔۔

“کتنا۔۔۔۔؟” وہ اس کی أنکھوں میں دیکھتے ہوئے پوچھنے لگا۔۔۔

“اتنا..”منہا نے ایک ڈبی سامنے رکھی۔۔۔۔

آرب نے مسکرا کر ڈبی کو دیکھا۔۔۔۔

پھر ہاتھ بڑھا کر اٹھائی۔۔۔

اس میں ایک رنگ تھی جس میں فیروزہ جڑا تھا۔۔۔۔

آرب کے ماتھے پر بل پڑے۔۔۔

“یہ۔۔۔۔۔” وہ حیرانی سے اسے دیکھنے لگا۔۔۔

“ہاں۔۔۔یہ فیروزہ ہے۔۔۔سنا ہے پروٹیکشن سٹون ہوتا ہے یہ۔۔۔۔تم یہ پہنو گے تو یہ انگوٹھی تمہاری حفاظت کرے گی۔۔۔۔”

وہ چہک کر بتانے لگی۔۔۔

وہ اس کی بات سن زور زور سے ہنس دیا۔۔۔۔

“ایسا کچھ نہیں ہوتا”

آرب نے ہنستے ہوئے مزاق اڑایا۔۔۔۔

منہا کے تیور یک دم بدلے۔۔۔۔

اسے اس کا ہنسنا برا لگ رہا تھا۔۔۔

منہا نے ڈبی اچک کر پرس میں ڈالی اور اٹھ کھڑی ہوئی۔۔۔

“منہا۔۔۔یار۔۔۔۔میری بات سنو۔۔۔۔”

وہ اٹھ کھڑا ہوا

“کیا سنوں۔۔۔”

وہ غرائی تھی

“یار تم بے تکی بات کر رہی ہو۔۔۔۔انگوٹھی کیا حفاظت کرے گی کسی کی۔۔۔۔”

وہ نرمی سے سمجھانے لگا۔۔۔۔

“تمہیں میری کیئر بے تکی لگتی ہے؟ یہ نظر نہیں آیا کہ میں کتنے پیار سے لائی تھی۔۔۔”

وہ خفگی سے کہنے لگی۔۔۔

“میں نے پہننے سے منع تو نہیں کیا۔۔۔۔”

وہ صفائی دینے لگا۔۔۔

“مجھے سب پتا ہے۔۔۔یہ سستی سی انگوٹھی تم کیوں پہنو گے۔۔۔۔؟ تمہیں تو برانڈڈ چیزیں یوز کرنے کی عادت ہے”

وہ روانی سے کہ رہی تھی۔۔۔

“یار منہا۔۔۔۔میری جان۔۔۔تم خوامخواہ بات کو بڑھا رہی ہو۔۔۔”

وہ نرمی سے کہنے لگا۔۔۔

“نہیں اب تمہیں مہیں مہنگی والی انگوٹھی ہی دوں گی۔۔۔۔یہ چاندی کی انگوٹھی تمہارے لائک نہیں۔۔۔۔”

وہ طنزیہ کہتی باہر نکل گئی۔۔۔

“یار منہا پلیز۔۔۔۔”

وہ اس کے پیچھے لپکا۔۔۔

تبھی اس کا فون بجنے لگا۔۔۔۔

اس نے دیکھا۔۔۔۔مام کالنگ لکھا آرہا تھا۔۔۔

“ایک منٹ رکو۔۔۔۔جانا مت”

وہ سائیڈ پر گیا۔۔۔۔

“یس مام۔۔۔۔۔” اس نے کان سے لگایا۔۔۔

“تمہارے بابا کی طبیعت ٹھیک نہیں میں حیدرآباد جا رہی ہوں۔۔۔۔ٹائم سے گھر آجانا”

وہ اسے سمجھا رہی تھی۔۔۔

“اوکے مام۔۔۔بائے”

اس نےجلدی سے فون بند کر پیچھے دیکھا منہا وہاں سے جا چکی تھی۔۔۔

“کہاں ہو؟”

وہ لیٹا تھا کہ موبائل پر بپ ہوئی۔۔۔

“گھر پر”

اس نے ایدہ کا میسج پڑھ کر ریپلائے کیا

“ریڈی رہو۔۔۔۔باہر چلتے ہیں۔۔۔۔میں پندرہ منٹ میں تمہیں پک کرتی ہوں”

ایدہ کا میسج پڑھ وہ کچھ سوچنے لگا۔۔۔

“پر کہاں؟”

اس نے ٹائپ کیا

“دیکھتے ہیں۔۔۔۔اوکے پندرہ منٹ”

اس نے میسج سین کیا پھر گہرہ سانس خارج کرتا اٹھ کھڑا ہوا۔۔۔۔اور باتھروم کی جانب بڑھ گیا۔۔۔

“بھائی۔۔۔۔مجھے برگر لادیں گے؟”

وہ ٹی وی دیکھ رہا تھا جب زیمل وہاں آئی۔۔۔۔

“نہیں۔۔۔۔۔۔”

اس نے منہ بنا کر کہا

“لادیں۔۔۔۔میں نے کھانا نہیں کھایا”

وہ معصومیت سے کہنے لگی

“تو میں کیا کروں؟”

اس نے ایک نظر اس پر ڈالی

“تو برگر لاکر دیں۔۔۔۔”

وہ پھر سے کہنے لگی۔۔۔

“نو”

وہ بے رخی سے کہتا پھر سے ٹی وی دیکھنے لگا۔۔۔

“آپ۔۔۔۔اللہ کرے بابا اپ کا رشتہ پکا کر آئیں۔۔۔۔اس صدف کے ساتھ۔۔۔۔”

اس نے جل کر بددعا کی۔۔۔۔

ابراہیم نے تپ کر اس دیکھا ۔۔۔

“چچی۔۔۔۔۔” ابراہیم نے سامنے سے گزرتی عظمیٰ بیگم کو دیکھ کر آواز لگائی۔۔۔

“چچی۔۔۔۔بدتمیزی کر رہی ہے۔۔۔۔سمجھا لیں۔۔۔۔ورنہ پٹ جائے گی یہ ۔۔۔”

ابراہیم نے غصے سے کہا

“زیمل۔۔۔۔۔بری بات بڑا بھائی ہے”

انہوں نے ڈانٹٹے ہوئے کہا ۔۔۔

“برگر نہیں لا کر دے رہے ۔۔۔کل کو بیگم کہے گی نا فٹافٹ لادیں گے”

وہ بھن کر بولے جارہی تھی۔۔۔

“فکر نہیں کر۔۔۔۔میں جورو کا غلام نہیں بنوں گا”

وہ مسکرا کر جواب دینے لگا

“تو لا کر کیوں نہیں دے رہے آپ۔۔۔۔”

پیچھے سے آتی سونیا بیگم نے اس ٹوکا۔۔۔

“مام۔۔۔۔میرا موڈ نہیں بلکل بھی۔۔۔۔”

وہ پھر سے ٹی وی دیکھنے لگا۔۔۔

“اٹھیں لا کر دیں اسے۔۔۔۔۔چلیں۔۔۔۔بہنوں کو تنگ نہیں کرتے”

وہ سمجھانے لگی۔۔۔

“یہ جو بددعا دے رہی ہے مجھے”

وہ چڑ کر کہنے لگا۔۔۔

“میں نے کوئی بددعا نہیں دی۔۔۔۔”

وہ یک دم صفائی دینے لگی۔۔۔

“ابھی جو دی ۔۔۔صرف کے نام سے”

وہ اٹھ کھڑا ہوا

“بری بات ہے زیمل۔۔۔۔”

عظمیٰ بیگم نے زیمل کو گھورا

“دوبارا دی نا۔۔۔۔بابا کو کہ کر شادی کروا دوں گا”

وہ اس کے بال کھینچتا وہاں سے نکل گیا۔۔۔

“آہ۔۔۔۔اب یہ نہیں دکھ رہا آپ کو”

وہ سر پر ہاتھ رکھتی عظمیٰ بیگم کو دیکھنے لگی ۔۔۔

موسم بہت خوشگوار تھا۔۔۔۔

ٹھنڈی ہوا چل رہی تھی۔۔۔۔

آسمان پر بادل چھائے تھے۔۔۔۔مانو بارش کا امکان ہو۔۔۔

وہ دونوں ہاتھ میں آئسکریم پکڑے سڑک پر چل رہے تھے۔۔۔

“بس اتنی سی بات پر ناراض ہوگئی؟”

وہ حیرت سے پوچھنے لگی۔۔۔

“ہاں نا۔۔۔۔اب کل سے فون کر رہا ہوں ۔۔۔تو اٹھا بھی نہیں رہی”

وہ ساتھ چلتی ایدہ کو دیکھتے ہوئے کہنے لگا۔۔۔

“ویسے آرب۔۔۔منہا تمہارے ٹائپ کی نہیں ہے ۔۔۔ تم دونوں ساتھ کیسے۔۔۔مطلب کیسے ایڈجسٹ کرو گے سب۔۔۔۔”

وہ ناسمجھی سے کہنے لگی ۔۔

وہ اس کی بات پر مسکرایا ۔۔۔

“وہ میرے ٹائپ کی ہی ہے۔۔۔ مجھے اس کے علاوہ کوئی اچھی نہیں لگتی۔۔۔۔وہ واحد لڑکی ہے۔۔۔جس کے سارے نخرے میں خوشی خوشی اٹھا سکتا ہوں۔۔۔۔”

وہ بلا وجہ ہی مسکرا رہا تھا ۔۔۔

“کیا تمہاری مام مان جائیں گی؟”

وہ شک ظاہر کرنے لگی ۔۔

میں نے مام سے بات کرلی ہے۔۔۔۔وہ منہا سے ملنا چاہتی ہیں۔۔۔۔”

وہ ہنس کر بتانے لگا۔۔۔

ایدہ کے تاثرات بدلے تھے۔۔۔وہ خاموش تھی ۔۔۔

کچھ تھا جو اسے اندر تک سلگھا گیا تھا۔۔۔۔

تبھی بارش برسنے لگی ۔۔۔

آرب نے یک دم آسمان کی جانب دیکھا۔۔۔

“اوہ گاڈ۔۔۔چلو۔۔۔۔۔”

وہ تیزی سے ساتھ والی شاپ کی جانب بھاگا۔۔۔۔

مگر ایدہ وہیں کھڑی تھی ۔۔۔اپنے سوچوں میں گم۔۔۔۔

بارش میں بھیگ رہی تھی۔۔۔۔

آرب نے دور سے اسے دیکھا۔۔۔۔

پھر آواز لگائی جب نہیں سنی تو۔۔۔۔بھاگتا ہوا آیا۔۔۔۔

وہ پوری بھیگ چکی تھی۔۔۔۔

“ایدہ تم بھیگ گئی ہو۔۔۔۔بیمار پڑ جاؤ گی۔۔۔۔”

اس نے بازو سے پکڑا۔۔۔

ایدہ یک دم اس کا ہاتھ اپنے بازو پر دیکھنے لگی۔۔۔۔

پھر خود کو دیکھا جو پوری بھیگ گئی تھی۔۔۔۔

آرب آس پاس دیکھا۔۔۔۔

وہاں لوگوں کا رش تھا۔۔۔۔

آرب نے ایک نظر اس کے حلیے پر ڈالی۔۔۔۔

اس کی وائٹ ٹی شرٹ بھیگ کر جسم کو نمایاں کررہی تھی۔۔۔۔

اس نے اپنی جیکٹ اتاری اور ایدہ کی جانب بڑھائی۔۔۔

“یہ پہن لو۔۔۔۔۔”

آرب کا اشارہ وہ سمجھتے ہوئے جیکٹ تھام کر اس کے ساتھ گاڑی کی جانب بڑھ گئی۔۔۔۔

مگر نظریں آرب پر ہی تھی۔۔۔جو اس سے دو قدم آگے چل رہا تھا۔۔۔۔

“یہ تو بھیگتی ہوئی کہاں سے آئی ہے؟”

کامی نے اندر آتے دیکھا۔۔

“آئسکریم کھانے گئی تھی۔۔۔۔” اس نے خوش دلی سے کہا۔۔۔۔

“یہ آبی کی جیکٹ تیرے پاس کیا کر رہی ہے”

اس کی نظر جیکٹ پر اٹکی۔۔۔

“ہم دونوں ہی گئے تھے ۔۔۔راستے میں بارش ہوگئی تو میں بھیگ گئی تھی۔۔۔۔”

وہ تفصیل سے بتانے لگی۔۔۔۔

“یہ ہاتھ میں کیا ہے؟”

وہ کامی کے ہاتھ میں بوکس دیکھ پوچھنے لگی۔۔۔

“یہ۔۔۔۔میں نے گفٹ لیا ہے”

وہ بوکس کھول کر دکھانے لگا۔۔۔

جہاں ایک خوبصورت بریسلیٹ تھا۔۔۔۔جو ڈوریوں سے بنا تھا۔۔۔۔

اور بیچ میں گھڑی کی طرح ڈائل تھا۔۔۔۔جس کے شیشے کے اندر کانٹوں کی جگہ خوبصورتی سے بلائنڈ فرینڈز لکھا تھا

“واؤ۔۔۔۔” ایدہ نے ہاتھ میں اٹھا کر دیکھا۔۔۔۔

“یہ میں نے سب کے لیے بنوائے ہیں۔۔۔۔تو یہ رکھ لے۔۔۔۔میں باقیوں کو ابراہیم کے آنے کے بعد دوں گا”

وہ مسکرا کر کہنے لگا

ایدہ کو وہ واقع بہت حسین لگا تھا۔۔۔۔

وہ کلائی پر باندھنے لگی۔۔۔

“بھتیجے۔۔۔۔آپ کے بابا صاحب ہاں کرنے کے موڈ میں ہیں۔۔۔۔”

وہ جو ٹیبل پر رکھی پلیٹ سے فروٹ کھانے میں مصروف تھا۔۔۔

ان کی بات سن چونکا۔۔۔۔

“آپ نے روکا بھی نہیں؟”

وہ الٹ پوچھنے لگا۔۔۔

“کہا تھا مگر وہ مانے نہیں ۔۔۔”

انہوں نے شانے اچکائے ۔۔

“میں نہیں کر رہا شادی۔۔۔مجھے وہ لڑکی ہی پسند نہیں آئی۔۔۔عجیب بہن جی ٹائپ تھی۔۔۔۔۔۔۔”

وہ روہانسی ہوا ۔۔۔

“اچھا کیا خرابی تھی لڑکی میں؟”

اس بار آواز پیچھے سے آئی تھی۔۔۔

جسے پہنچاننے میں ابراہیم کو سیکنڈ بھی نہیں لگا۔۔۔

وہ اٹھ کھڑا ہوا۔۔۔

“بہت ہی افسوس کی بات ہے۔۔۔۔انکار کرنے کے لیے کوئی اور وجہ نہیں ملی تھی؟”

انہوں نے تلخ لہجے میں کہا۔۔۔۔

پھر اس کے سامنے آ کھڑے ہوئے۔۔۔۔

وہ نظریں جھکائے کھڑا تھا۔۔۔۔

“آپ کی بہن بھی اب بڑی ہوگئی۔۔۔۔شادی کی عمر ہوگئی ہے۔۔۔”

انہوں نے سائیڈ پر کھڑی زیمل کی جانب اشارہ کیا۔۔۔۔

“کل کو اگر کوئی لڑکا اسے یہی بول کر ریجیکٹ کردے تو۔۔۔۔؟”

وہ اسے بغور دیکھ رہے تھے۔۔۔۔

ابراہیم شرمندہ ہوا۔۔۔۔مگر نظریں نہیں اٹھائی۔۔۔۔

“ایک بات میں بتا دوں۔۔۔۔اگر کوئی لڑکی ہے آپ کی لائف میں۔۔۔تو میں اس کا نام بھی نہیں سننا چاہوں گا۔۔۔۔سمجھ گئے”

وہ تلخ لہجے میں کہتے وہاں سے چلے گئے۔۔۔۔

سب خاموش کھڑے تھے۔۔۔۔

 (اگر کوئی تمہارے ساتھ بدتمیزی کرے گا تب بھی میرا رئکشن سیم ہی ہوگا)

وہ اس کی جیکٹ ہاتھ میں لیے اسے دیکھ رہی تھی۔۔۔

(ایدہ۔۔۔تم بھیگ رہی ہو۔۔۔۔بیمار ہوجاؤ گی)

وہ مسکرائی تھی ۔۔

(یہ پہن لو)

اس نے بے اختیار ہی جیکٹ کو چہرے کے قریب کیا۔۔۔۔

آرب کے پرفیوم کی مہک اس کے سانسوں سے ٹکرائی۔۔۔۔

“یہ مجھے کیا ہوتا جارہا ہے۔۔۔۔؟”

وہ خود کلامی کرنے لگی۔۔۔۔

اس نے جیکٹ سامنے ٹیبل پر رکھی۔۔۔۔

“وہ منہا سے محبت کرتا ہے۔۔۔۔”

وہ خود کو سمجھانے لگی۔۔۔

“مگر منہا اس کے لائق نہیں۔۔۔۔وہ تو اس کی عزت تک نہیں کرتی۔۔۔۔آبی کو کیا نظر آتا ہے اس میں۔۔۔۔”

وہ دل میں سوچنے لگی۔۔۔

“آپ کرتے ہو کسی کو پسند؟”

وہ گود میں سر رکھے لیٹے ابراہیم کے بال سہلانے لگی۔۔۔

“نہیں۔۔۔مام۔۔۔میں کسی کو پسند نہیں کرتا ۔۔۔بابا غلط سمجھ رہے ہیں”

وہ صفائی دینے لگا۔۔۔

“پھر بھی بیٹا آپ کو لڑکیوں کی عزت کرنی چاہیے۔۔۔۔الفاظ تو آپ نے غلط استعمال کیے تھے نا۔۔۔؟”

وہ اسے یاد دہانی کروانے لگی۔۔۔

“میں بابا سے معافی مانگ لوں گا۔۔۔۔”

وہ معصومیت سے کہنے لگا

“آپ ان کی بات مان لیں۔۔۔۔وہ خود ہی معاف کردیں گے”

وہ اسے سمجھانے لگی

“ٹھیک ہے۔۔۔اپ انہیں کہ دیں جو انہیں ٹھیک لگتا ہے وہ کریں”

وہ بے دلی سے کہنے لگا۔۔۔

“میرا بچہ۔۔۔۔”

وہ جھک کر اس کے پیشانی چومنے لگی۔۔۔

ابراہیم مسکرا دیا

“سنو”

بپ سے میسج اسکرین پر جگمگایا

“کیا؟”

اس نے جواب دیا

“ائی مس یو”

وہ پڑھ کر مسکرائی۔۔۔

“مجھے بات نہیں کرنی تم سے”

اس نے مسکراہٹ دبا کر غصہ ظاہر کیا

“سوری نا۔۔۔۔پتا ہے مام ملنا چاہتی ہیں تم سے”

وہ بھی مسکرا کر بتانے لگا

“تم نے بتا دیا انہیں؟”

وہ حیرانی سے پوچھنے لگی

“ہاں۔۔۔۔بتاؤں گا نہیں تو شادی کیسے ہوگی؟”

آرب کے میسج پر وہ مسکرائے بنا نا رہ سکی۔۔۔

“اگر تمہاری مام نے ریجیکٹ کردیا پھر؟”

وہ پوچھنے لگی

“ہو ہی نہیں سکتا۔۔۔میری پسند کسی سے کم ہے کیا؟”

الفاظوں نیں تعریف تھی

“پھر بھی”

وہ مسکرائی

“انہیں کوئی اعتراض نہیں۔۔۔۔بس تم ملنے آجانا۔۔۔۔”

آرب کی باتیں سن وہ بے حد خوش ہوئی۔۔۔

“تم ساری عمر میرے نخرے اٹھاؤ گے۔۔۔تنگ تو نہیں ہونگے؟”

وہ پوچھنے لگی۔۔۔

“میں تمہارے نخرے اٹھانے کے لیے تیار ہوں میڈم”

آرب کا میسج پڑھ وہ ہنسی تھی۔۔۔۔

“آئی لو یو آبی۔۔۔۔”

اس کا سارا غصہ فک ہوا

“آئی لو یو ٹو مائی لو۔۔۔۔۔”

فوراً رپلائی آیا۔۔۔۔

وہ دیکھ مسکرا دی

“میں صبح جاؤں گا اماں بی۔۔۔۔میرے ایگزامز قریب ہیں۔۔۔۔”

وہ ان کو خود سے لگاتا ان کے برابر بیڈ پر بیٹھا تھا

“بس جلدی سے ختم کرو اپنی پڑھائی۔۔۔۔میں اپنے بچے سے دور نہیں رہ سکتی پتا نہیں کتنی زندگی ہے”

وہ خوف ظاہر کرنے لگی

“بس ایگزامز ہیں نیکسٹ منتھ۔۔۔۔پھر میں آپ کے پاس آجاؤں گا”

وہ انہیں پیار کرنے لگا

“اپنا خیال رکھا کریں آپ۔۔۔۔”

وہ اسے لاڈ کرنے لگی۔۔۔

“میں تو رکھ لوں گا آپ نے رکھنا ہے اب اپنا۔۔۔۔میں واپس اؤ تو ڈانس کرتی ہوئی نظر آئیں آپ مجھے۔۔۔۔”

اس کی بات پر وہ ہنس دی۔۔۔۔

رات بارش کی وجہ سے کافی ٹھنڈ بڑھ چکی تھی۔۔۔

اس نے کمبل سے ہاتھ نکال کر الارم بند کیا۔۔۔۔

اٹھنے کا بلکل دل نہیں کر رہا تھا۔۔۔۔

مگر اسے کالج جانا تھا۔۔۔۔اس نے بنا وقت ضائع کیے۔۔۔کمبل پھینکا۔۔۔۔

اور اٹھ بیٹھا۔۔۔۔۔۔

پھر نظر اس کے برابر سوئے ایبو پر پڑی۔۔۔۔

“ابے تو کب آیا ۔۔۔۔؟”

وہ اپنے برابر سوئے اسے دیکھ چونکا۔۔۔

“ہممم۔۔۔رات میں”

وہ بند آنکھوں سے جواب دے رہا تھا۔۔۔۔

“تو۔۔۔۔میرے بیڈ پر کیا کر رہا کمینے۔۔۔۔؟”

اس نے اس کا کمبل پھینکا

“اٹھ۔۔۔۔۔۔” وہ اکتایا

“ابے۔۔۔جاہل آدمی۔۔۔۔تو ایسے ریئکٹ کر رہا جیسے تو لڑکی ہے ۔۔”

وہ غنودگی اتارتا اٹھ بیٹھا

“ہاں تو کیا لڑکوں کی عزت نہیں ہوتی۔۔۔۔”

وہ بنیان پہنتا کہنے لگا۔۔۔۔

“تو میں نے کون سی تیری عزت خراب کردی۔۔۔۔”

وہ اٹھ کھڑا ہوا۔۔۔۔

“تو یہاں کیا کر رہا تھا۔۔۔اپنے روم میں کیوں نہیں سویا!؟”

وہ پھر پوچھنے لگا

“ابے رات سفر سے اتنی ٹھنڈ لگ رہی تھی۔۔۔۔اور میرے روم کا ہیٹر ہی نہیں چل رہا تھا ۔۔۔میں یہاں سوگیا۔۔۔۔”

وہ سادگی سے بتاتا باہر نکل گیا۔۔۔۔

اور نوریض اپنا یونیفارم اٹھائے باتھروم کی جانب بڑھ گیا

“تو کب آیا؟”

آرب نے ابراہیم سے ملتے ہوئے پوچھا

“رات آیا۔۔۔۔اور میرے بیڈ پر سوگیا آکر۔۔۔حالت دیکھ”

نوریض نے برا سا منہ بناتے ہوئے سب کو بتایا

“ہاں مزہ بڑا آیا۔۔۔۔شرٹ اتار کر سویا ہوا تھا”

ابراہیم نے تپانے کے لیے ہنس کر بتایا

“ابے تم دونوں کو شرم نہیں۔۔۔۔ایسی حرکتیں کرتے ہو؟”

کامی نے ہنستے ہوئے ٹوکا

“اسی لیے تو یہ لوگ ایک ہی فلیٹ شیئر کرتے ہیں۔۔۔۔”

آرب نے بھی لقمہ لگایا۔۔۔۔

“بکواس نا کر۔۔۔۔تو پہلے اپنی عزت بچا۔۔۔وہ دیکھ ماسی کیسے تجھے نہار رہی ہے”

نوریض سے اسے شرمندہ کرنا چاہا

“ابے یہ واقع آبی کو گھورتی ہے۔۔۔میں نے بھی نوٹس کیا ہے کچھ دن سے”

کامی نے کہا۔۔۔۔

آرب نے اسے گھورا۔۔۔۔

اس کی بات پر ابراہیم اور نوریض نے ایک دوسرے کو دیکھا۔۔۔۔پھر یک دم ہی بے اختیار ہنس دیے۔۔۔۔قہقہہ لگا کر

“کیا کیوں ہنس رہے ہو۔۔۔۔۔فالتو میں”

آرب نے سوالیا نظروں سے کہا۔۔۔

“وہ صحیح کہ رہا ہے۔۔۔۔واقع تجھے گھورتی ہے۔۔۔کیوں کہ اس دن جب تو لائبریری میں بند تھا۔۔۔۔۔یاد ہے؟”

نوریض نے پوچھا۔۔۔

“ہاں۔۔۔تو؟”

وہ سمجھا نہیں تھا

“تو ایبو نے ماسی کو باتوں میں لگایا تھا۔۔۔۔”

وہ تصحیح کرنے لگا

“ہاں۔۔۔۔۔”

ہ مختصر کہنے لگا

“تو میں نے ماسی کو بس اتنا کہا کہ آرب آپ کو پسند کرتا ہے۔۔۔۔اسے آپ سے پہلی نظر میں محبت ہوگئی ہے۔۔۔مگر وہ کہے گا نہیں”

ایبو نے شرارت بھرے لہجے میں کہا۔۔۔

اور آرب کے تیور بگڑے۔۔۔۔

“کمینے۔۔۔حرامی۔۔۔۔۔تجھے اور کوئی بہانہ نہیں ملا تھا۔۔۔۔آج تو بچے گا نہیں”

وہ اس سے پہلے اسے کاندھے سے اتارتا بیگ مسرتا وہ تیزی سے بھاگا۔۔۔

اور آرب اسے بکتا اس کے پیچھے دوڑا۔۔۔۔

نوریض اور کامی کو اپنی ہنسی روکنا محال لگ رہا تھا۔۔۔

“یہ میں تم سب کے لیے لایا ہوں”

کامی نے سب کو بریسلیٹ دیا۔۔۔

جس پر بلائنڈ فرینڈز لکھا تھا۔۔۔۔

وہ سب اسے دیکھ مسکرائے۔۔۔۔

وہ واقع خوبصورت تھا

سب نے اسے کلائی پر باندھا۔۔۔۔

“یہ ہمارے کمینہ گروپ اس بینڈ سے مکمل ہوگیا۔۔۔۔”

کامی نے کہا

یہ لوگو ہے ہمارے گروپ کا۔۔۔۔”نوریض نے مسکرا کر بات لگائی۔

“ایدہ کہاں رہ گئی؟”

آرب نے پوچھا۔۔۔۔

کیونکہ وہ پانچوں موجود تھے۔۔۔مگر ایدہ نہیں تھی۔۔۔

“ابے کل تیرے ساتھ آئسکریم جو کھانے گئی تھی۔۔۔اوپر سے بارش میں بھی بھیگ گئی۔۔۔۔ٹھنڈ لگ گئی۔۔۔۔فلو ہوگیا”

وہ سنجیدگی سے بتانے لگا

“تم آئسکریم کھانے گئے تھے۔۔۔مجھے کیوں نہیں لے کر گئے؟”

وہ خفگی سے بولی۔۔۔

“میڈم تمہارا منہ جو بنا ہوا تھا۔۔۔رپلائے کر رہی تھی؟”

وہ الٹ پوچھنے لگا۔۔۔

“ابے ان دونوں کو کوئی کام نہیں ہے۔۔۔۔”

ابراہیم اکتایا

“دفع ہوجا”

ارب نے ٹیبل سے ٹشو اٹھا کر اسے پھینکا۔۔۔

جو اڑ کر نیچے گرا

ابراہیم مسکرایا

“کچھ منگوا لو یار۔۔۔۔۔”

نوریض نے کہا

“ہاں۔۔۔آرب آرڈر کر۔۔۔۔”

کامی نے کہا

“میں نے کیا تو تم سب مجھ سے ہی بل بھرواؤ گے”

وہ ہنس کر کہنے لگا

“ارے۔۔۔۔نہیں۔۔۔سب مل کر بھریں گے”

ابراہیم نے سنجیدگی سے کہا۔۔۔

آرب اٹھ کر گیا اور آرڈر دینے چلا گیا۔۔۔۔

“کلثوم۔۔۔کلثوم”

وہ چلاتے ہوئے نیچے آئی

ہاتھ میں ٹشو تھا۔۔۔

ناک لال ہوئی تھی۔۔۔۔

“جی بی بی۔۔۔۔”

ملازمہ بھاگتی ہوئی آئی

“یہاں واز تھا کہاں گیا؟”

وہ سامنے کھڑکی کے پاس اشارا کرتے پوچھنے لگی ۔۔

“جی وہ۔۔۔صفائی کرتے ہوئے۔۔۔۔ٹوٹ گیا”

وہ نظریں جھکائے کہنے لگی

“ٹوٹ گیا۔۔۔کس سے؟”

وہ غرائی

“مجھ سے”

وہ شرمندہ ہوئی

“کیا؟ تم نے وہ واز توڑ دیا۔۔۔۔؟ تمہیں پتا تھا وہ کتنا مہنگا تھا ۔۔۔؟”

وہ غصے سے کہنے لگی۔۔۔

“کیا ہوا میری گڑیا کو؟”

خاور صاحب وہاں آئے

“بابا واز توڑ دیا۔۔۔۔پتا بھی ہے وہ کتنا مہنگا تھا۔۔۔وہ آبی نے گفٹ دیا تھا مجھے۔۔۔۔”

وہ خفگی سے شکایت کرنے لگی۔۔۔

انہوں نے ملازمہ کو جانے کا اشارہ کیا

“کوئی بات نہیں چیز تھی ٹوٹ گئی۔۔۔

“

وہ سمجھانے لگے

“نو۔۔۔۔مجھے ویسا ہی چاہیے بس۔۔۔۔۔”

وہ تلخی سے کہتی پیر پٹختی اپنے کمرے کی جانب بڑھ گئی۔۔۔

خاور صاحب اس کی ضد اور غصہ دیکھ مسکرا دیے۔۔۔

وہ ہمیشہ سے ایسی ہی تھی۔۔۔