Blind Friends By Isra Rao NovelR50463 Blind Friends (Episode - 34)

Blind Friends By Isra Rao

یہ کیا کردیا میں نے؟”

وہ کمرے کا دروازہ لاک کیے ساکت کھڑی تھی

“نہیں۔۔۔آ۔۔آرب کو کچھ نہیں ہوگا”

اس کے گلے میں گٹھلی کی مانند کچھ پھسنے لگا تھا

“نہیں۔۔۔نہیں نہیں۔۔۔۔آرب۔۔۔پر کیسے چلا دی میں نے۔۔۔۔”

اس نے گن نکال کر دیکھی۔۔۔۔

پھر پوری قوت سے زمین پر دے ماری۔۔۔۔

“می۔۔۔میرے آرب کو کچھ نہیں ہوگا۔۔۔۔”

وہ بیڈ کر کنارے پر بیٹھی ۔۔

چہرے پر پسینے کی بوندیں ابھرنے لگی تھی ۔۔۔

..

( دیکھو ہم سب دوست ہیں۔۔۔۔اور دوستوں میں جھگڑے ہوجاتے ہیں۔۔۔ناٹ آ بگ ڈیل ۔۔۔۔)

منہا کے کانوں سے جملہ ٹکرایا۔۔۔۔

“ایبو۔۔۔آبی کو کچھ نہیں ہوا نا۔۔۔۔؟ وہ۔۔۔وہ اس نے ۔۔۔تو میں۔۔۔میرے لیے گولی کھا لی۔۔۔وہ۔۔۔۔”

وہ ہچکیاں لیتی بول رہی تھی۔۔۔۔

آنسوؤں کا سیلاب تھا جو باہر آنے کو تڑپ رہا تھا۔۔۔۔

ابراہیم نے بنا کچھ کہے اسے سینے سے لگایا اور منہا بلند آواز سے رونے لگی۔۔۔۔

ابراہیم کی آنکھ سے آنسوں گر رہے تھے۔۔۔۔

..

“آبی۔۔۔۔اٹھ جا یار۔۔۔۔۔”

نوریض زرد چہرہ لیے دیکھ رہا تھا۔۔۔۔

سامنے ہی وہ زرد چہرہ لیے آنکھیں موندے لیٹا تھا۔۔۔۔

جیسے کتنی ہی گہری نیند میں سورہا ہو۔۔۔۔

“دیکھ منہا اور ابراہیم رورہے ہیں۔۔۔۔تجھے۔۔۔تجھے ایسا لگتا تھا نا ہم ناراض ہیں تجھ سے۔۔۔۔قسم سے ہم میں سے کوئی ناراض نہیں ہے۔۔۔۔۔کوئی بھی نہیں”

نوریض سنجیدگی سے اسکے قریب زمین پر بیٹھا تھا۔۔۔۔

“معاف کردے ہمیں یار۔۔۔۔پلیز معاف کردے۔۔۔۔”

کہتے ہوئے اس کی آواز بھر آئی تھی۔۔۔

منہا نے ابراہیم کی جانب دیکھا تھا۔۔۔۔

ابراہیم اس کے قریب گیا۔۔۔۔۔

“نوریض ۔۔۔۔۔” ابراہیم نے اسے اٹھانا چاہا۔۔۔۔۔

“یار یہ کیسے جا سکتا ہے۔۔۔۔مجھے معافی مانگنی تھی اس سے۔۔۔۔یہ معاف کیے بنا کیسے جاسکتا ہے؟”

نوریض نے بہتے آنسوں کو صاف کرتے ہوئے کہا۔۔۔۔

ابراہیم کی آنسوں بہ رہے تھے۔۔۔جسے وہ بازوں سے صاف کرتا۔۔۔۔مگر اسے رونا نہیں تھا۔۔۔۔

وہ اتنا کمزور مرد تھا ہی نہیں ۔۔۔

..

“میرے کمرے میں کافی بھیج دینا۔۔۔۔”

وہ ملازمہ کو کہ رہا تھا کہ

اس کا فون شور مچانے لگا۔۔۔۔

اس نے فون کان سے لگایا۔۔۔۔

“واٹ۔۔۔۔؟” وہ چونکا۔۔۔۔۔

“آرب کی ڈیتھ ہوگئی۔۔۔۔۔ہا۔۔۔ہاسپیٹل کون۔۔۔کون سا ہے۔۔۔۔۔”

وہ بوکھلاتے ہوئے پوچھ رہا تھا۔۔۔۔

اس نے فون بند کیا اور باہر کی جانب بھاگا۔۔۔۔۔

ملازمہ جو اس کی بات سن چکی تھی جلدی سے ایدہ کے کمرے کی طرف گئی ۔۔۔۔

دروازہ بند تھا۔۔۔۔

دستک پر ایدہ نے دروازہ کھولا۔۔۔۔

“بی بی جی۔۔۔وہ۔۔۔آرب صاحب کی ڈیتھ ہوگئی”

اس نے گھبراتے ہوئے بتایا

ایدہ کو لگا وہ کھڑی نہیں رہ پائے گی

“ابھی ابھی کمیل صاحب کے پاس کال آئی تھی کسی کی۔۔۔۔”

ملازمہ کی بات سننے سے پہلے ہی اس کی آنکھوں کے سامنے اندھیرا چھایا۔۔۔

وہ لڑکھڑاتے ہوئے زمین پر گری۔۔۔۔

..

وہ بھاگتا ہوا ہاسپیٹل پہنچا تھا۔۔۔۔

سامنے ہی ابراہیم اور نوریض کھڑے تھے۔۔۔۔

ساتھ ہی منہا اور اور سارہ بیگم کھڑی تھی۔۔۔۔

سارہ بیگم مسلسل رو رہی تھی۔۔۔۔

“آرب۔۔۔۔۔آرب کہاں ہے؟”کمیل ہانپتا ان تک پہنچا۔۔۔۔

“کیا کرنے آئے ہو تم یہاں۔۔لاش دیکھنے آئے ہو؟۔۔تمہاری بہن نے مار دیا میرے بیٹے کو ۔۔۔میرے آرب کو قتل کردیا اس نے”

سارہ بیگم غصہ سے کہ رہی تھی۔۔۔

کمیل نے ناسمجھی سے ساتھ کھڑے ابراہیم اور نوریض کو دیکھا۔۔۔۔

یہ آپ کیا کہ رہی ہیں آنٹی؟”

وہ ہکا بکا انہیں دیکھ رہا تھا۔۔۔

“میں چھوڑوں گی نہیں تم لوگوں کو۔۔۔۔جیل میں مرو گے تم سب۔۔۔۔میرا بچہ مجھ سے چھین لیا اس نے۔۔۔۔”

سارہ بیگم یگم روتے روتے بڑبڑارہی تھی۔۔۔

“منہا آنٹی کو گاڑی میں بٹھاؤ۔۔۔ہم آتے ہیں”

ابراہیم نے کہا۔۔۔۔

منہا نے اثبات میں سر ہلایا۔۔۔۔اور انہیں ساتھ لیے چلی گئی۔۔

“ایبو آرب کہاں ہے؟ “

کمیل نے سوال کیا

وہ خاموشی سے مڑ گیا۔۔۔۔۔

“نوریض۔۔۔بتا دے یار۔۔۔۔آرب کہاں ہے”

اس کی آنکھوں میں نمی تھی

نوریض نے سامنے دیکھا۔۔۔۔

جہاں کچھ لوگ لاش کو لے آ رہے تھے۔۔۔۔

کمیل نے مڑ کر دیکھا۔۔۔۔

وہ برف کی مانند جم گیا تھا۔۔۔۔

نوریض برابر سے نکل کر ان کے ساتھ باہر کی جانب بڑھ گیا۔۔۔۔

کمیل پیچھے بھاگا۔۔۔۔

آرب کی لاش کو ایمبولینس میں رکھا جارہا تھا۔۔۔۔

“آرب۔۔۔۔” کمیل کے منہ سے بس اتنا ہی نکل سکا۔۔۔

پیچھے سے آتے ابراہیم نے اس کے کاندھے پر ہاتھ رکھا۔۔۔

اس نے ابراہیم کو دیکھا۔۔۔۔

سرخ آنکھیں لیے وہ اسے دیکھ رہا تھا۔۔۔

“گن کہا ہے۔۔۔۔؟” ابراہیم خون برساتی نگاہوں سے پوچھا

وہ اس کے سوال پر حیران ہوا۔۔۔۔

پاس کھڑا نوریض بھی ان کے قریب آیا

“کہاں ہے۔۔۔گن ، چاقو کوئی بھی ہتیار نہیں لایا تو؟”

ابراہیم نے پھر سے کہا

“ایبو کیا بول رہا ہے تو؟”

کمیل نے ناسمجھی سے کہا

“یہی تو آتا ہے تم دونوں بہن بھائی کو۔۔۔دھوکا دینا کڈنیپ کرنا قتل کرنا۔۔۔۔تو کرو نا۔۔۔۔پہلے مجھے مار پھر نوریض اور منہا کو بھی مار دینا۔۔۔۔”

وہ روہانسی ہوا

نوریض نے اس کا بازوں پکڑ اسے ٹھنڈا کرنا چاہا

“ارے چھوڑ یار۔۔۔۔میرے دوست کو مار دیا یار آرب کی جان لے لی انہوں نے۔۔۔۔۔”

وہ خود کو چھڑواتا دکھ بھرے لہجے میں کہنے لگا۔۔۔

آنسوں آنکھوں سے گرنے لگے تھے۔۔۔۔

“ایبو تجھے غلط فہمی ہوئی ہوگی۔۔۔ہم کیوں ماریں گے آرب کو۔۔۔۔وہ ہمارا دوست تھا۔۔۔۔۔”

کمیل نے صفائی دینی چاہی

“تیری بہن مارا ہے جا کر پوچھ اس سے ۔۔۔۔۔ہماری آنکھوں کے سامنے مارا ہے۔۔۔۔۔”

نوریض نے فوراً کہا

“کیا؟” اسے جیسے جھٹکا لگا

“تو ایک کام کر ہمیں بھی مار دے۔۔۔۔مار نا مار”

ابراہیم نے اسے دھکیلتے ہوئے کہا

وہ گرتے گرتے بچا۔۔۔۔۔

مگر اس کا دماغ ابھی تک وہیں اٹکا تھا ۔۔۔

“ایبو۔۔۔۔۔چھوڑ دے۔۔۔۔”

نوریض نے اسے پکڑا۔۔۔۔

“کیسے چھوڑ دوں یار۔۔۔۔ہم سے ہمارا دوست چھین لیا انہوں نے۔۔۔۔ایک ماں سے اس کا بچہ چھین لیا۔۔۔۔ایک معصوم سے اس کا باپ چھین لیا انہوں نے۔۔۔۔۔اگر ان کے جیسے دوست ہوتے ہیں نا تو میں آنے والی نسلوں کو کہوں گا کہ دوستی کبھی نا کرنا”

ابراہیم نے بھری آواز سے کہا۔۔۔۔

اور تیزی سے وہاں سے نکل گیا۔۔۔۔

کمیل اسی طرح ساکت کھڑا تھا۔۔۔

اسے لگا تھا وہ ہل نہیں پائے گا۔۔۔۔

..

“ایدہ ۔۔۔۔ایدہ۔۔۔۔کہاں ہے ایدہ۔۔۔۔؟”

کمیل نے گھر آتے ہی پوچھا ۔۔۔۔

“وہ جی ان کی طبیعت خراب ہوگئی تھی اپنے کمرے میں آرام۔۔۔۔”

اس سے پہلے ملازمہ اپنا جملہ پورا کرتی وہ تیزی سے اس کے کمرے کی جانب بڑھا۔۔۔۔

دروازہ کھول اندر داخل ہوا۔۔۔۔۔

سامنے ہی زمین پر پستول پر اس کی نظر پڑی ۔۔۔

وہ سامنے صوفے پر گھٹنوں میں سر دیے بیٹھی تھی۔۔۔۔

کمیل اس کی جانب لپکا۔۔۔۔

اور اسے بازو سے پکڑ جھٹکے سے کھڑا کیا۔۔۔۔

پھر آؤ دیکھا نا تاؤ ایک زوردار تھپڑ ایدہ کے منہ پر جھڑ دیا۔۔۔۔

ایدہ اسی طرح ساکت کھڑی تھی ۔۔۔

“مار دا تو نے آرب کو۔۔۔۔۔کیوں کیا تو نے ایسا؟”

وہ نم آنکھوں سے چلایا

“تجھے پتا ہے تونے کیا کیا ہے؟ تو نے اپنے ہی شوہر کو مار دیا ہے۔۔۔۔سمجھ آرہی ہے تجھے؟”

وہ اسے شانوں سے جھنجھوڑتا کہنے لگا ۔۔۔

وہ ایک بے جان وجود کے ساتھ کھڑی تھی۔۔۔۔

جو صرف سن رہی تھی۔۔۔۔

“مجھے تو اس بات پر غصہ آرہا کہ میں نے آج تک تیرا ساتھ کیوں دیا؟ کیوں میں نے یہ تھپڑ پہلے نہیں مارا تجھے۔۔۔۔کیوں میں بہن کی محبت میں اندھا ہوکر اتنا گرتا چلا گیا کہ اب اپنی ہی نظروں میں اٹھنے کے قابل نہیں رہا”

وہ دکھ بھرے لہجے میں کہنے لگا۔۔۔۔

آنسوں آنکھوں سے گر رہے تھے۔۔۔۔

“اپنی آنکھوں سے اپنے دوست کی لاش دیکھ کر آرہا ہوں میں۔۔۔۔”

وہ برابر والے صوفے پر گرنے کے انداز میں بیٹھا۔۔۔۔

“ایبو کہتا کہ ہم جیسے دوست خدا کو کسی کو نہ دے ۔۔۔۔۔صحیح کہتا ہے۔۔۔۔ہم نے اپنے دوست کو ہی کھا گئے ۔۔۔۔ہم نے جان لے لی اس کی”

وہ اب رو رہا تھا۔۔۔۔

سرخ چہرہ لیے۔۔۔۔سر جھکائے۔۔۔۔

چہرہ دونوں ہاتھوں میں گرائے۔۔۔۔۔

..

“تم آنٹی کے پاس ہی بیٹھ جاؤ۔۔۔۔کسی چیز کی ضرورت ہو تو بتا دینا ۔۔۔۔”

ابراہیم نے منہا کے گال پر ہاتھ دے رکھے اسے سمجھایا۔۔۔

وہ اثبات میں سر ہلانے لگی۔۔۔۔

تبھی سامنے سے خاور صاحب کمیل اور ایدہ آرہے تھے ۔۔۔

ابراہیم نے منہا کو دیکھا۔۔۔۔

پھر تیزی سے ان کی جانب بڑھ گیا۔۔۔۔۔

“یہاں تماشا مت کرواؤ کامی جاؤ تم لوگ یہاں سے”

ابراہیم نے قریب آتے ہی کہا

“ہم آرب کو دیکھنے آئے ہیں۔۔۔۔کیسے واپس جاسکتے ہیں”

کامی نے کہا۔۔۔۔۔

“آصف انکل اور سارہ آنٹی تم لوگوں کو یہاں برداشت نہیں کریں گے ۔۔۔بہتر ہے تم لوگ چکے جاؤ”

ابراہیم نے پھر سے کہا

“مگر بیٹا ہمیں بھی اتنا ہی دکھ ہے جتنا انہیں ہے۔۔۔۔میری بیٹی کی خوشیاں جڑی تھی آرب سے سب سے زیادہ نقصان تو اسی کا ہوا ہے”

خاور صاحب نے فوراً کہا

“نقصان، دکھ۔۔۔۔۔اسے فرق نہیں پڑتا۔۔۔۔اسے بس اپنا فائدہ چاہیے۔۔۔۔۔”

ابراہیم نے حقارت بھری نظروں سے سامنے کھڑی ایدہ کو دیکھا۔۔۔۔

جو خاموش سر جھکائے کھڑی تھی۔۔۔۔

“ایبو پلیز۔۔۔۔۔۔۔” کمیل نے ابراہیم کے کاندھے پر ہاتھ رکھا

جسے اس نے یک دم جھٹکا۔۔۔۔۔

“برا مت مانیے گا مگر میرا دوست آپ کی وجہ سے مرا ہے۔۔۔آپ کے بچوں کی وجہ سے مرا ہے وہ”

ابراہیم نے سرخ آنکھوں سے کہا

“ایبو میرے ڈیڈ کی طبیعت ٹھیک نہیں ہے۔۔۔پلیز ایسا مت کر۔۔۔”

کمیل نے منت کی ۔۔۔۔

“مجھے کچھ کرنے کی ضرورت نہیں۔۔۔اپنے باپ کو بے عزت کرنے کی کوئی کسر نہیں چھوڑی تم دونوں نے۔۔۔۔۔”

ابراہیم نے افسردگی سے کہا

“یہ سب کیا ہورہا ہے؟”

خاور صاحب نے پوچھا

چپ کیوں ہو ایدہ بتاؤ نا انکل کو۔۔۔۔ “

ابراہیم چلایا تھا

“کیا بتانا ہے؟ وہ حیرانی سے پوچھنے لگے۔۔۔

ایدہ بنا کچھ کہے احد کا ہاتھ پکڑے اندر کی جانب بڑھ گئی۔۔۔۔

“ایبو ” نوریض نے اسے چپ رہنے کا اشارہ کیا۔۔۔۔

ابراہیم سر جھٹکتا باہر کی جانب بڑھ گیا۔۔۔۔۔

..

” آصف صاحب اور سارہ بیگم نے ہمیں گھر سے جانے کا کہا ۔۔۔۔مجھے وہاں کسی کا رویہ ٹھیک نہیں لگا۔۔۔۔ابراہیم بھی جانے کیا کیا کہ رہا تھا؟”

خاور صاحب نے افسردگی اور حیرانی کے ملے جھلے تاثرات کے ساتھ کہا

“آپ چھوڑیں آپ بیٹھ جائیں آپ کی طبیعت ٹھیک نہیں۔۔۔۔۔”

کمیل نے انہیں کرسی پر بٹھایا۔۔۔

تبھی گیٹ سے اندر آتے شوکت صاحب پر ان کی نظر پڑی۔۔۔۔

کمیل کا حلق خشک ہوا۔۔۔۔

شوکت صاحب سرخ چہرہ لیے کھڑے تھے۔۔۔۔

“شوکت صاحب آپ؟” خاور صاحب نے نے فوراً کہا

وہ اٹھ کھڑے ہوئے۔۔۔۔

“تمہاری ہمت کیسے ہوئی”انہوں کرختگی سے کہا

آتے ہی ایک زوردار تھپڑ کمیل کے منہ پر مارا۔۔۔

وہ لڑکھڑایا۔۔۔۔

” ہوا کیا ہے؟” خاور صاحب نے کمیل کو پکڑا۔۔۔۔

“تمہارے بیٹے نے نا صرف میری بیٹی کو ڈرایا دھمکایا۔۔۔بلکہ اسے اغواء کیا اس کے ساتھ زیادتی کی۔۔۔۔اور اب تمہارا بیٹا سزا بھگتے گا۔۔۔۔میں نے اگر اس کی بھی زندگی برباد نہ کی تو میرا نام شوکت عزیز صدیقی نہیں۔۔۔۔۔”

“وہ غراتے ہوئے کہنے لگے تھے۔۔۔۔

خاور صاحب کے پاؤں تلے زمین نکلی۔۔۔۔

کمیل سر جھکائے خاموش کھڑا تھا۔۔۔۔

..

“کھانا کھایا تو نے ؟”

ابراہیم نے برابر بیٹھی منہا کو بغور دیکھا۔۔۔۔

سوجی ہوئی آنکھیں ۔۔۔بکھرا حلیہ۔۔۔۔

وہ اسے کہیں سے منہا نہیں لگ رہی تھی۔۔۔

منہا نے خاموشی سے نفی میں سر ہلایا ۔۔۔

وہ لمحہ بھر خاموش رہا ۔۔

“میں لے کر آتا ہوں”

وہ بیڈ سے اٹھنے لگا۔۔۔۔

“مجھے بھوک نہیں ہے ایبو۔۔۔۔”

منہا نے اس کا ہاتھ پکڑ اسے روکا۔۔۔۔

“تو بھوکی کیسے رہ سکتی ہے یار۔۔۔۔آبی کا دکھ ہے مجھے بھی ہے۔۔۔۔مگر تو میرے اور میرے بچے کے ساتھ زیادتی نہیں کرسکتی۔۔۔۔۔”

ابراہیم نے افسردگی سے کہا

“ایسا کبھی ہوسکتا ہے؟”

وہ اس کے گال پر ہاتھ رکھتی پوچھنے لگی۔۔۔۔

وہ ہلکا سا مسکرایا۔۔۔۔

اور اسے اپنے سینے سے لگایا۔۔۔۔۔

“آبی کا تو قصور نہیں تھا ایبو۔۔۔۔وہ میری وجہ سے مرگیا۔۔۔۔۔”

وہ اس کے سینے سے لگی بھری آواز میں کہنے لگی

“اس کا قصور تھا کہ اس نے ایدہ جیسی لڑکی پر بھروسہ کیا۔۔۔۔۔”

ابراہیم نے کہا

“یہ قصور تو ہم سب سے بھی ہوا ہے نا ایبو۔۔۔۔پھر سزا صرف اسے کیوں ملی۔۔۔۔۔؟”

وہ روتے ہوئے پوچھنے لگی

ابراہیم نے ضبط سے آنکھیں بند کی۔۔۔۔

اس جملے پر ابراہیم کی برداشت ختم ہورہی تھی۔۔۔۔

اس کا بس نہیں چل رہا تھا کہ ایدہ کا گلا اپنے ہاتھوں سے دبا دے۔۔۔۔۔

..

(تو نے اپنے ہی شوہر کو مار دیا)

کمیل کا جملہ اس کے کانوں سے ٹکرایا۔۔۔۔

“میں اپنے آبی کی قاتل ہوں”

آرب کا کفن میں لپٹا چہرہ اس کی نظروں سے سامنے لہرا رہا تھا۔۔۔۔۔

“نہیں ۔۔۔۔۔۔” وہ پوری وقت سے چلائی تھی۔۔۔۔

اس کی آواز اتنی اونچی تھی کہ درودیوار ہل جائیں ۔۔۔

کمیل اور خاور صاحب بھاگتے ہوئے اوپر آئے۔۔۔۔۔

وہ سامنے زمین پر بیٹھی چیخ رہی تھی۔۔۔۔

“ایدہ۔۔۔۔۔میرے بچے”

خاور صاحب نے اسے گلے سے لگایا

“پانی لاؤ۔۔۔۔۔”

کمیل نے ملازمہ کو حکم دیا۔۔۔۔

“ایدہ یہ پانی پی۔۔۔۔”

کمیل نے گلاس اس کے ہونٹوں کے قریب کیا ایدہ نے ہاتھ سے جھٹک دیا۔۔۔۔

“کامی تو میرا بھائی ہے نا ۔۔تو نے میرا بہت ساتھ دیا ہے۔۔۔۔پلیز آبی کو واپس لے آ۔۔۔۔میں مر جاؤں گی اس کے بنا ۔۔۔۔”

وہ روتے کمیل کی منت کرنے لگی۔۔۔۔

“ایدہ ۔۔۔۔رونا بند کر۔۔۔” کمیل اس کے گال پر بکھرے آنسوں کے قطرے ہاتھوں سے صاف کرتا اسے چپ کروا رہا تھا۔۔۔۔

“میں بہت بری ہو کامی۔۔۔۔میں نے مار دیا اسے۔۔۔۔میں نے اپنے آبی کو مار دیا۔۔۔۔۔”

وہ روتے روتے بول رہی تھی ۔۔۔

خاور صاحب نے چونک کر اسے دیکھا۔۔۔۔

کمیل نے فوراً ایدہ کے منہ پر ہاتھ رکھا۔۔۔۔۔

“چپ کرجا۔۔۔۔ایدہ خاموش ہوجا۔۔۔۔۔”

وہ کبھی خاور صاحب کو دیکھتا کبھی ایدہ کو چپ کرواتا۔۔۔۔

“تم نے مارا ہے آرب کو؟” خاور صاحب حواس باختہ کہنے لگے

“ڈیڈ۔۔۔آئی سویر ڈیڈ میں نے جان بوجھ کر نہیں۔۔۔میں تو۔۔۔میں تو منہا کو مارنے گئی۔۔۔پتا نہیں کیسے آبی آگے آگیا۔۔۔۔اور۔۔۔۔۔۔”

اس سے پہلے وہ اپنی بات پوری کرتی خاور صاحب کی آنکھیں بند ہونے لگی تھی ۔۔۔۔آنکھوں کے سامنے اندھیرا چھانے لگا تھا۔۔۔۔۔

“ڈیڈ۔۔۔۔۔ڈیڈ۔۔۔ “

کمیل نے انہیں سنبھالا۔۔۔۔

“کیا ضرورت تھی تجھے۔۔۔۔۔۔۔بکواس کرنے کی ۔۔۔۔۔۔ڈیڈ ڈیڈ ۔۔۔۔۔”

کمیل پریشانی سے کہنے لگا۔۔۔۔۔

“گاڑی نکالے ڈرائیور کو بولو جلدی گاڑی نکالے۔۔۔۔”

اس نے پاس کھڑی ملازمہ کو حکم دیا۔۔۔

..

“کھانا لگا دوں؟”

رتبہ نے سوال کیا۔۔۔۔

“نہیں۔۔۔۔بھوک نہیں۔۔۔۔”

وہ ہاتھ پر بندھی گھڑی کھول رہا تھا ۔۔۔

“تم ٹھیک ہو۔۔۔۔۔؟” رتبہ نے اس کی جانب بغور دیکھا

“مجھے کیا ہونا۔۔۔۔۔” اس نے نم آنکھوں سے کہا

“میں سمجھ سکتی ہوں آرب کے جانے کا دکھ تمہیں کتنا ہے۔۔۔”

رتبہ نے افسردگی سے کہا

“پتا ہے رتبہ وہ کبھی کسی سے جھگڑا نہیں کرتا تھا۔۔وہ ہم سب دوستوں میں سب سے زیادہ اچھا تھا پڑھائی میں۔۔۔۔

ایک بار اس نے ابراہیم سے ریس لگائی تھی اور وہ جیت گیا تھا۔۔۔۔”

نوریض اسے پرانی باتیں بتانے لگا

“وہ اتنا خوش تھا۔۔۔۔کچھ دن بعد اس کی بائیک چوری ہوگئی اور سب نے بہت مزاق اڑایا اس کا۔۔۔۔۔”

نوریض نم آنکھوں سے بھی مسکرا رہا تھا۔۔۔

رتبہ اس کی مسکراہٹ کے پیچھے کے آنسوؤں کو محسوس کر رہی تھی۔۔۔۔۔

..

“اگر ڈیڈ کو کچھ بھی ہوا۔۔۔۔میں جان سے مار دوں گا تجھے ایدہ”

کمیل سامنے بینچ پر بیٹھی ایدہ کو وارننگ دے رہا تھا

وہ بس روئے چلے جارہی تھی۔۔۔۔

تبھی سامنے سے پولیس آتی دکھائی دی ۔۔۔۔

کمیل حیرانی سے دیکھ رہا تھا۔۔۔۔

“ہم ایدہ رئیسی کو گرفتار کرنے آئے ہیں۔۔۔۔”

پولیس والے کی بات سنتے ہی جہان کمیل حیران ہوا وہاں روتی ایدہ نے بھی سر اٹھا کر دیکھا۔۔۔۔