Blind Friends By Isra Rao NovelR50463 Blind Friends (Episode - 5)

Blind Friends By Isra Rao

” آپ کو اسائمنٹ دینی ہی نہیں چاہیے تھی”

پرنسپل نے سامنے کھڑی کرن کو دیکھا۔۔۔

“ایم سوری سر”

وہ سر جھکائے کہنے لگی۔۔۔

“اور آپ دونوں۔۔۔کلاس میں بھی سر بتاتے ہیں۔۔۔۔آپ لوگوں کا پڑھائی میں بلکل دھیان نہیں۔۔۔۔”

وہ اب سامنے کھڑے ابراہیم اور کمیل کو ڈانٹ رہے تھے۔۔۔

“ان دونوں کے پیرنٹس کو کال کریں۔۔۔۔آج ہی”

پرنسپل کے جملے پر دونوں نے یک دم سر اٹھا کر انہیں دیکھا۔۔۔۔

“نو سر۔۔۔۔ایم سوری۔۔میری اسائمنٹ سیم نہیں ہے سر۔۔۔۔۔”

ابراہیم فوراً صفائی دینے لگا۔۔۔۔

“مگر اسائمنٹ تو اپنے لی تھی نا۔۔۔۔۔۔اور فون جب الاؤ ہی نہیں تو آپ لاتے کیوں ہیں۔۔۔۔؟”

وہ غصے سے کہنے لگے۔۔۔

“سوری۔۔۔سر۔۔۔۔۔آئندہ شکایت کا موقع نہیں ملے گا۔۔۔پلیز سر”

ابراہیم نے گزارش کی۔۔۔۔

“یس سر ایم سوری۔۔۔۔”

کمیل نے بھی فوراً کہا۔۔۔

“ٹھیک ہے آئندہ اگر اپ لوگوں کی شکایت آئی۔۔۔تو۔۔۔۔۔”

وہ اپنی بات پوری کرتے مگر اس سے پہلے ہی دروازے پر دستک ہوئی۔۔۔۔

“مے آئی کم ان سر؟”

دروازے پر آرب تھا۔۔۔

“جی جی آئیے آپ ہی کا انتظار تھا۔۔۔۔۔”

انہوں نے طنزیہ کہا۔۔۔۔

“یس سر”

وہ سر جھکائے ان دونوں کے برابر آکھڑا ہوا۔۔۔

“آرب آج کل بڑے ہاتھ پاؤں چل رہے ہیں آپ کے۔۔لوگوں کو مارتے پھر رہے ہیں۔۔۔۔”

اس بار پرنسپل سامنے کھڑے آرب سے مخاطب تھے

سر۔۔۔سر وہ ہماری دوست کو چھیڑ رہا تھا”

آرب نے یک دم کہا۔۔۔

پھر برابر کھڑے ان دونوں کو دیکھا۔۔۔

جو خاموش نظریں جھکائے کھڑے اپنی مسکراہٹ دبانے کی ناکام کوشش کر رہے تھے۔۔۔

“تو۔۔۔۔آپ کو کالج نے ٹھیکہ دیا ہے۔۔۔۔آپ سدھارتے پھر رہے ہیں سب کو۔۔۔آپ کا کام ہمیں شکایت لگانا ہے۔۔۔آگے ہم دیکھ لیں گے۔۔۔۔۔”

انہوں نے غصے سے کہا۔۔۔

“سوری سر۔۔۔۔”

وہ شرمندہ ہوا۔۔۔

“نیکسٹ ٹائم آپ تینوں کی شکایت یہاں آئی تو بات پھر آپ لوگوں کے پیرنٹس سے ہوگی۔۔۔۔اب لوگ جا سکتے ہیں”

انہوں نے سختی سے کہا۔۔۔۔

“تھینک یو سر۔۔۔۔”

آواز صرف آرب کے حلق سے نکلی تھی۔۔۔۔

وہ تینوں چپ چاپ آفس سے باہر نکلے۔۔۔۔

باہر آتے ابراہیم اور کمیل کا زوردار قہقہہ نمودار ہوا۔۔۔

“کمینوں۔۔۔۔بتا نہیں سکتے تھے غلطی باسل کی تھی۔۔۔۔”

وہ غرایا تھا۔۔۔

“ہیرو بننے کا شوق کسے تھا؟”

کمیل نے ابراہیم کو دیکھا۔۔۔۔

ابراہیم نے ہنستے ہوئے آرب کی جانب انگلی کی۔۔۔

“اور لڑکی کو امپریس کرنے کا شوق بھی اسے ہی تھا۔۔۔۔”

ابراہیم نے جتاتے ہوئے کہا۔۔۔

وہ تینوں اب کلاس کی طرف جارہے تھے۔۔۔

“ہاں۔۔۔بدنام ہم دونوں ہیں بس۔۔۔۔”

کمیل نے جل کر کہا۔۔۔۔

آرب نے حقارت بھری نظروں سے دونوں کو دیکھا۔۔۔

“اچھا تو فکر مت کر آبی۔۔۔۔دیکھ مرد کا تبھی نام ہوتا ہے۔۔۔جب وہ بدنام ہوتا ہے۔۔۔۔”

ابراہیم نے اس کے کاندھے پر ہاتھ پھیلاتے ہوئے کہا۔۔۔

“ہاں تو۔۔۔تو کیوں ڈر رہا تھا اپنے باپ کے نام سے۔۔۔پرنسپل نے باپ کی دھمکی دی۔۔۔۔اس نے فوراً پاؤں پکڑ لیے۔۔۔”

کمیل اب ابراہیم کی کھچائی کرنے کے موڈ میں تھا۔۔۔

“بیٹا میرا باپ مجھے انارکلی سمجھ کر زندہ دیوار میں چنوا دے گا۔۔۔”

ابراہیم نے اس کے سر پر چپت لگاتے ہوئے کہا۔۔۔

“مجھے ضرور بتانا میں شاہ جہان کی طرح تاج محل تو نہیں بنواؤں گا۔۔۔۔تیری قبر پکی ضرور کرواؤ گا”

کمیل نے معصومیت کے سارے ریکارڈ توڑتے ہوئے کہا۔۔۔۔

“ابے۔۔۔۔جاہل آدمی۔۔۔۔تو پہلے یہ بتا تجھے میں نے کیا بولا تھا۔۔۔کہ اسائمنٹ کاپی مت کرنا۔۔۔۔تونے اس بے چاری کو پھنسا دیا۔۔۔۔۔”

ابراہیم کی بات سنتے ہی کمیل دبک کر آگے بھاگا۔۔۔

“رک تجھے چھوڑوں گا نہیں میں لعنتی انسان۔۔۔۔۔”

وہ اس کے پیچھے بھاگا۔۔۔۔

اور آرب سر جھٹک کر آگے بڑھ گیا۔۔۔

“تم جاؤ گے کیسے؟”

منہا نے برابر کھڑے آرب کو دیکھا۔۔۔۔

جو سڑک کی جانب دیکھ رہا تھا۔۔۔

“ایبو چھوڑ دے گا”

اس نے پیچھے دیکھتے ہوئے کہا۔۔۔

کمیل اور ابراہیم بحث کرتے ہوئے آرہے تھے۔۔۔

“میں چھوڑ دوں گی۔۔۔۔”

ایدہ نے ان کے قریب کھڑے ہوتے ہوئے کہا۔۔۔

“تو۔۔۔کیسے چھوڑے گی اسے۔۔۔تیرا روٹ تو الگ ہے ۔۔۔۔”

منہا نے یاد دہانی کروائی۔۔۔

“ہاں۔۔۔مگر مجھے وہاں کام ہے۔۔۔مال جانا ہے۔۔۔۔تو آبی کا گھر راستے میں پڑے گا چھوڑ دوں گی۔۔۔۔”

ایدہ نے مسکرا کر کہا۔۔۔

“یہ ٹھیک ہے۔۔۔۔تھینک یو یار ایدہ۔۔۔”

آرب نے خوش دلی سے کہا۔۔۔

“نو پرابلم۔۔۔۔اوکے منہا ٹیک کیئر”

ایدہ گاڑی کی جانب بڑھ گئی۔۔۔

“جاؤ۔۔۔؟” آرب نے منہا کو مسکرا کر دیکھا۔۔۔

“میں نہیں کہوں گی تو نہیں جاؤ گے؟”

منہا نے ہنسی دباتے ہوئے پوچھا۔۔۔

“بلکل بھی نہیں۔۔۔۔”

آرب نے چہک کر جواب دیا ۔۔۔

بدلے میں منہا زور سے ہنسی۔۔۔

“جاؤ۔۔۔۔۔بائے”

منہا نے اسے دیکھتے ہوئے کہا۔۔۔۔

اور آرب بھی ہاتھ ہلاتا آگے بڑھ گیا۔۔۔۔

“بڑا رومینس چل رہا ہے آج کل۔۔۔۔۔”

کمیل نے منہا کے قریب کھڑے ہوئے کہا

منہا نے اس گھور کر دیکھا۔۔۔

“ہم تو یونہی آگئے دنیا میں”

برابر کھڑے ابراہیم نے برا سا منہ بناتے ہوئے کہا۔۔۔

“سدھرو تم سب۔۔۔۔۔”

منہا نے انہیں کھا جانے والی نظروں سے دیکھا۔۔۔

“استغفر اللہ”

وہ تینوں کھلکھلا کر ہنس دیے۔۔۔۔

“پرنسپل کو باسل نے شکایت لگائی؟”

وہ ڈرائیو کرتے ہوئے پوچھنے لگی۔۔۔

“شاید۔۔۔۔” وہ چانے اچکا کر رہ گیا۔۔۔

“کوئی بات نہیں۔۔۔۔پر اس تمہیں باسل کو مارنا نہیں چاہیے تھا”

ایدہ نے سامنے دیکھتے ہوئے کہا۔۔۔

“وہ بدتمیزی کر رہا تھا منہا کے ساتھ۔۔۔۔دوبارا کرے گا تو میں دوبارا بھی ماروں گا”

وہ سنجیدگی سے کہنے لگا۔۔۔

“ہممم۔۔۔۔۔اگر وہ میرے ساتھ بدتمیزی کرتا تو کیا تمہیں تب بھی اتنا ہی برا لگتا”

ایدہ نے سوال کیا۔۔۔

“ہاں۔۔۔۔بلکل۔۔۔۔کوئی اگر تمہارے ساتھ بدتمیزی کرے گا تب بھی میرا رئکشن سیم ہوگا”

وہ بھی سامنے دیکھ رہا تھا۔۔۔

ایدہ ہلکا سا مسکرائی۔۔۔

“تمہاری گاڑی کہاں گئی۔۔۔۔؟”

وہ پوچھ بیٹھی۔۔۔

“یار وہ ورک شاپ پر ہے۔۔۔روز پرابلم کرتی ہے۔۔۔۔۔مجھے تو بائکس پسند ہیں۔۔۔بس وہی لوں گا اب۔۔۔۔۔”

وہ سادگی سے کہنے لگا۔۔۔

“اچھا کون سی لو گے؟”

وہ مسکرا کر پوچھنے لگی۔۔۔

“کیوے سپرلائٹ۔۔۔۔۔جو ایبو کے پاس ہے۔۔۔۔”

وہ پرجوش انداز میں کہنے لگا۔۔۔

اور ایدہ سامنے دیکھ ڈرائیو کرنے لگی۔۔۔

وہ جب کمرے میں آیا تو ایبو اپنا بیگ بنا رہا تھا۔۔۔

وہ اسے دیکھ حیران ہوا۔۔۔

“کیا ہوا۔۔۔گھر جارہا ہے کیا؟”

نوریض اس کی تیاری دیکھ سمجھ گیا تھا۔۔۔

“ہاں یار اماں بی کی طبیعت صحیح نہیں ہے۔۔۔۔یاد کر رہی ہیں مجھے”

وہ پریشان تھا۔۔۔۔

وہ اپنی دادی سے واقع بہت محبت کرتا تھا۔۔۔

“اوہ۔۔۔۔چل ٹھیک ہے۔۔کسی ہیلپ کی ضرورت ہوئی تو بتانا مجھے”

نوریض نے کہا۔۔۔۔

اور روم سے باہر چلا گیا۔۔۔

“مام۔۔۔۔میری بائک کب آئے گی؟”

وہ صوفے بیٹھتے ہوئے معصومیت سے پوچھنے لگا۔۔۔

“میں نے کہا ہے تمہارے بابا کو آبی۔۔۔”

وہ سنجیدگی سے کہنے لگی۔۔۔

“بابا نے تو ابھی دلوادی مجھے۔۔۔۔بھول ہی جاتا ہوں”

وہ برا سا منہ بناتا اٹھ کھڑا ہوا۔۔۔۔

“آبی۔۔۔۔اب تم بڑے ہورہے ہو۔۔۔۔۔میچور ہوجاؤ۔۔۔کل کو تمہاری شادی بھی ہونی ہے”

وہ ڈانتتے ہوئے کہنے لگی۔۔۔

“میری ضد پوری ہوتی کہاں ہے۔۔۔کل کو لڑکی بھی اپنی پسند کی ڈھونڈو گے آپ لوگ”

وہ خفگی سے کہنے لگا۔۔۔

“اچھا بیٹھو۔۔۔۔تو”

وہ اس کا ہاتھ پکڑ کر واپس بٹھاتے ہوئے کہنے لگی۔۔۔

“لڑکی تمہاری پسند کی ہوگی۔۔۔پرامس”

سارہ بیگم مسکرا کر کہنے لگی۔۔۔۔

“سچ میں۔۔۔”

وہ خوش ہوا۔۔۔

“ہاں۔۔۔لیکن اگر تمہاری بیوی نے ہمیں ہی برداشت نہیں کیا پھر۔۔۔۔؟”

وہ شرارت سے پوچھنے لگی ۔۔

“میں ایسی لاؤں گا ہی نہیں۔۔۔۔میں تو ایسی لاؤں گا جو میری مام کی خدمت کرے۔۔۔۔”

وہ مسکرا کر ان کے کاندھے پر سر رکھ گیا۔۔۔

“کون ہے وہ یہ بھی بتا دو؟”

وہ آخر کو پوچھ ہی بیٹھی۔۔۔

آرب نے سر اٹھا کر انہیں دیکھا۔۔۔۔

وہاں کوئی غصہ نہیں تھا۔۔۔

“منہا”

وہ مسکرایا

“وہ تمہاری دوست منہا۔۔۔۔؟”

انہوں نے اکثر اس کا ذکر سنا تھا اسی لیے فوراً پہنچان گئی۔۔

“جی۔۔۔۔وہ بہت اچھی ہے مام۔۔۔۔”

آرب اس کے بارے میں بتانے لگا۔۔۔

“وہ تو میں مل کر ہی بتاؤں گی”

وہ ہنس کرکہنے لگی۔۔۔

“تھینک یو مام۔۔۔آئی لو یو”

وہ ان کے گرد بازوں حمائل کرتا خوشی ظاہر کرنے لگا۔۔۔

وہ بھی اسے دیکھ مسکرا دی۔۔۔

“اماں بی۔۔۔۔۔” ابراہیم نے بیڈ پر لیٹی اپنی دادی کا ہاتھ تھاما۔۔۔

” میرا بچہ۔۔۔۔”

وہ اسے دیکھ مسکرا دی۔۔۔

“کیا ہوگیا اماں بی۔۔۔آپ مجھے کہتی ہیں خیال رکھنے کو۔۔۔۔اور اپنا رکھتی نہیں ہیں۔۔۔”

وہ خفگی سے کہنے لگا۔۔۔

“بس بچے۔۔۔عمر ہوگئی اب تو۔۔۔۔بس آپ کی شادی دیکھ لوں۔۔۔۔یہی خواہش رہ گئی اب تو”

وہ اس کے چہرے پر ہاتھ پھیرتے ہوئے کہنے لگی۔۔۔

“اماں بی۔۔۔آپ میری شادی کیا میرے بچے بھی دیکھیں گی۔۔۔۔”

وہ انہیں خوش کرنے کے لیے کچھ بھی کہ رہا تھا۔۔۔

پیچھے کھڑی زیمل اس کی بات پر ہنس دی۔۔۔

“کچھ دن پہلے کوئی رہا تھا کہ ابھی شادی نہیں کرنی۔۔۔۔اور اب دیکھیں”

وہ طنزیہ کہنے لگی۔۔۔

اس کی بات پر ابراہیم نے مڑ کر اسے دیکھا۔۔۔

“اماں بی۔۔۔پہلے اس چڑیل کی شادی کردیں۔۔۔میں بتا رہا ہوں یہ میری بیوی کو ٹکنے نہیں دے گی۔۔۔”

ابراہیم نے منہ بناتے ہوئے کہا۔۔۔

“بہنوں کو ایسے نہیں کہتے”

اماں بی مسکرا دی۔۔۔۔۔۔۔

وہیں زیمل منہ بناتی باہر نکل گئی۔۔۔

وہ تیار ہو رہا تھا جب ہارن کی آواز آئی۔۔۔۔

پھر اس کا فون بجنے لگا ۔۔۔

اس نے فون دیکھا ایدی کالنگ۔۔۔

“ہاں ایدہ۔۔۔۔باہر تم آئی ہو؟”

وہ حیرانگی سے پوچھنے لگا

“ہاں۔۔۔۔جلدی آؤ”

وہ کہنے لگی۔۔۔

“خیریت اتنی مہربانی۔۔۔۔”

وہ ہنس کر پوچھنے لگا۔۔۔

“بس دیکھ لو۔۔۔۔۔اب جلدی آرہے ہو یا میں جاؤں؟”

وہ پوچھنے لگی۔۔۔

“اندر تو آجاؤ۔۔۔۔میں نے ناشتہ بھی نہیں کیا ابھی”

آرب نے بتایا۔۔۔

اور ہاتھ میں پکڑی گھڑی پہننے لگا۔۔۔

“اوکے۔۔۔۔”

وہ بند کر گاڑی سے اتری۔۔۔

“اسلام وعلیکم آنٹی۔۔۔۔”

اندر آتے ہی اس کی نظر سارہ بیگم پر پڑی۔۔۔جو ناشتے کی ٹیبل پر بیٹھی تھی۔۔۔

“ایدہ؟” وہ پوچھنے لگی۔۔۔

“جی جی۔۔۔۔ایک بار پہلے میں آئی تھی آپ کے گھر ردا آپی کی شادی پر۔۔۔”

وہ مسکرا کر یاد کروانے لگی۔۔۔

“ہاں مجھے یاد ہے۔۔۔۔اس دن شاید منہا نہیں آئی تھی۔۔۔۔”

وہ یاد کرتی کہنے لگی۔۔۔

“جی۔۔۔۔اسے پرمیشن نہیں ملی تھی”

وہ سنجیدگی سے کہنے لگی۔۔۔

“کیسی ہے منہا۔۔۔۔تمہاری تو دوست ہوگی۔۔۔تم جانتی ہوگی”

سارہ بیگم مسکرائی۔۔۔۔

“جی۔۔۔اچھی ہے پیاری بھی ہے۔۔۔بس تھوڑی چینج ہے۔۔۔مڈل کلاس فیملی سے ہے نا۔۔۔یو نو آنٹی۔۔۔۔بٹ دل کی بہت اچھی ہے”

ایدہ نے جتاتے ہوئے کہا۔۔۔

جانے کیوں وہ اس سے حسد کرنے لگی تھی۔۔۔

“آنے سے پہلے کال تو کردیتی”

پیچھے سے آتی آرب کی آواز پر وہ چونکی۔۔۔

“تم ٹائم پر تیار نہیں ہوسکتے تھے۔۔۔؟”

ایدہ نے مسکرا کر طنزیہ کہا

“تم یہ کہنا چاہ رہی ہو کہ میں نے دیر کردی تیار ہونے میں؟”

وہ بھی الٹ پوچھنے لگا۔۔۔۔

“تو تم یہ کہنا چاہ رہے ہو کہ میں جلدی آگئی؟”

وہ بھی ہنسی دبائے پوچھنے لگی۔۔۔

“بس بس۔۔۔ناشتہ کرلو۔۔۔بیٹھو دونوں”

سارہ بیگم جو انکی لوک جھوک سن رہی تھی فوراً ٹوکا۔۔۔

“سوری آنٹی میں ابھی ناشتہ کر کے آئی ہوں”

ایدہ نے معذرت کی۔۔۔

“لڑکی۔۔۔جوس تمہارا فیورٹ ہے بیٹ روٹ”

آرب نے ہنس کر ٹوکا۔۔۔

اور خود گلاس میں جوس ڈالنے لگا۔۔۔

“پھر میں پی لوں گی۔۔۔۔” وہ کرسی کھسکا کر بیٹھی۔۔۔

اور آرب کے سامنے سے گلاس اٹھایا۔۔۔

ارب نے اسے دیکھا۔۔۔پھر ہنس دیا۔۔۔

“وہ صاحبزادے اٹھ گئے”

فرقان صاحب جو ناشتے کی ٹیبل پر ابھی آکر بیٹھے تھے۔۔۔

پاس کھڑی سونیا بیگم خاموش سر جھکائے کھڑی تھی

سر پر دوپٹہ اوڑھے۔۔۔۔وہ بہت سادہ سی خاتون تھی۔۔۔

“اٹھاؤ اسے۔۔۔۔مجھے بات کرنی ہے”

وہ سنجیدگی سے کہتے ناشتہ کرنے لگے

“جی۔۔۔۔”سونیا بیگم سر کو خم دیتی وہاں سے چلی گئی

ان کا رخ ابراہیم کے کمرے کی جانب تھا۔۔۔

وہ دروازہ کھول اندر آئی۔۔۔۔

وہ سامنے بیڈ پر اوندھے منہ سورہا تھا۔۔۔۔پوری بیڈ پر پھیل کر۔۔۔۔سر پر ہمیشہ کی طرح تکیہ جمایا ہوا تھا۔۔۔۔

وہ اسے دیکھ مسکرائی۔۔۔

“ابراہیم۔۔۔۔۔اٹھ جائیں”

وہ اس کے منہ سے تکیہ ہٹاتی کہنے لگی۔۔۔

پھر اس کے ماتھے پر آئے بالوں کو ہتھیلی سے ہٹانے لگی۔۔۔

“ابھی سونے دیں نا مام۔۔۔۔”

وہ نیند میں ان کا ہاتھ تھام کو لبوں سے لگائے بولا تھا۔۔۔

“آپ کے بابا بلارہے ہیں بیٹا۔۔۔۔۔۔”

انہوں نے محبت سے کہا۔۔۔۔

“بابا۔۔۔۔۔” وہ آنکھیں کھول کر دیکھا۔۔۔

“ہاں۔۔۔اگر آپ کو سونا ہے تو میں انہیں کہ دیتی ہوں کہ ابراہیم نے کہا ہے وہ سورہے ہیں۔۔۔۔”

وہ شرارت سے کہنے لگی۔۔۔

وہ جانتی تھی فرقان صاحب کا نام ہی اس کے چودہ طبق روشن کرنے کے لیے کافی تھا۔۔۔

“پٹوائیں گی کیا؟”

وہ جلدی سے اٹھ کھڑا ہوا۔۔۔

“فریش ہوکر آجائیں نیچے۔۔۔۔انہیں کچھ بات کرنی ہے آپ سے”

وہ ہنس کر کہنے لگی۔۔۔

“کیا بات کرنی ہے۔۔۔۔؟ امی قسم سے میں نے کچھ نہیں کیا تھا وہ سب آبی اور کامی کی حرکت تھی۔۔۔۔”

وہ روانی سے کہ گیا۔۔۔

“کیا؟ اب کیا کیا ہے ابراہیم آپ نے۔۔۔جو اتنا ڈر رہے ہیں۔۔۔؟”

وہ ناسمجھی سے دیکھنے لگی۔۔۔

“پرنسپل کی کال نہیں آئی؟”

وہ حیرانی سے پوچھنے لگا

“نہیں تو۔۔۔۔”

انہوں نے اسے دیکھتے ہوئے جواب دیا ۔۔۔

اور ابراہیم کی سانس میں سانس آئی۔۔۔

وہ جیسے ہی گاڑی سے اترا۔۔۔کالج کے گیٹ کے سامنے ایک نیو کیوے سپر لائٹ چمچماتی کھڑی تھی۔۔۔۔

اسے دیکھ آرب کی آنکھوں میں خوشی ابھری۔۔۔

“تمہارے لیے ہے؟”

پیچھے سے سرگوشی کی گئی۔۔۔

اس نے پلٹ کر دیکھا۔۔۔۔

ایدہ مسکرا رہی تھی۔۔۔

پھر ہاتھ میں پکڑی چابی اس کے چہرے کے سامنے لہرائی۔۔۔

وہ حیرانی سے دیکھنے لگا۔۔۔

“میرے لیے۔۔۔۔؟”

وہ چونکا تھا

“ہاں۔۔۔کل تم نے کہا تھا نا تمہیں چاہیے تو میں نے سوچا میں گفٹ کردیتی ہوں اپنے دوست کو”

وہ چہک کر بتانے لگی۔۔۔

“نہیں میں یہ نہیں لے سکتا ایدہ۔۔۔۔تمہارا دماغ ٹھیک ہے۔۔۔۔؟”

وہ سنجیدگی سے کہتا پلٹ گیا۔۔۔

“مگر کیوں؟”

وہ اس کے پیچھے لپکی۔۔۔

“اتنے مہنگے گفٹس نہیں لیتا میں۔۔۔۔”

آرب نے بے رخی سے کہا۔۔۔

“سیریسلی؟۔۔۔۔ہم کوئی مڈل کلاس فیملی سے نہیں ہیں آبی۔۔۔ہمارے لیے یہ مہنگی تو نہیں”

وہ اسے شرمندگی سے بچانا چاہتی تھی۔۔۔

“پھر بھی۔۔۔۔اچھا نہیں لگتا”

وہ چلتا جارہا تھا۔۔۔

“آبی تمہیں لینی ہوگی۔۔۔۔میں نے تمہارے لیے لی ہے”

وہ خفگی سے کہنے لگی۔۔۔

“جب وہ اتنے پیار سے دے رہی ہے تو لے لو”

پیچھے سے آتی منہا نے ٹوکا۔۔۔

“نہیں۔۔۔۔” وہ اٹل ہو جیسے۔۔۔

وہ سیڑھیاں چڑھتا کلاس کی جانب بڑھ گیا

“ایدہ یہ تم مجھے دے دو۔۔۔میں دے دوں گی اسے۔۔۔”

منہا نے ہاتھ بڑھایا۔۔۔۔

اور ایدہ نے خاموشی سے اسے چابی دے دی۔۔۔

“آج آپ کو میرے ساتھ چلنا ہے۔۔۔۔میرے دوست ہیں بہت اچھے۔۔۔۔ان کے گھر”

انہوں نے سامنے سر جھکائے بیٹھے ابراہیم کو دیکھتے ہوئے کہا۔۔۔

“جی بابا۔۔۔۔”

وہ بنا نظریں اٹھائے بس اتنا کہ سکا۔۔۔

“پوچھیں گے نہیں کیوں جانا ہے؟”

انہوں نے اسے بغور دیکھا۔۔۔

ابراہیم نے بنا سر اٹھائے نفی میں سر ہلایا۔۔۔

“گڈ۔۔۔۔رفیق صاحب نے کچھ ٹائم پہلے مجھ سے آپ کے رشتے کے لیے کہا تھا۔۔۔اس وقت میں نے ٹال دیا تھا۔۔۔۔مگر اب دوبارا انہوں نے آپ سے ملنے کی خواہش ظاہر کی ہے۔۔۔۔”

انہوں نے سنجیدگی سے پوری بات مکمل کی۔۔۔

مگر بابا۔۔۔۔”

ابراہیم کو جیسے جھٹکا لگا تھا۔۔۔

“آپ اپنی بات کہ سکتے ہیں۔۔۔۔”

انہوں نے نرمی سے کہا۔۔۔

“بابا۔۔۔میں بس یہ کہ رہا تھا کہ۔۔۔شادی اتنی جلدی”

وہ جھجکتے ہوئے کہنے لگا۔۔۔

“مجھے کوئی جلدی نہیں ہے۔۔۔مگر اماں بی کو آپ کی شادی کی جلدی ہے۔۔۔۔اور میں انہیں ٹال نہیں سکتا۔۔۔۔”

وہ کہتے ساتھ اٹھ کھڑے ہوئے۔۔۔

وائٹ کاٹن کے سوٹ پر مجال جو بیٹھنے پر بھی زرا چن پڑی ہو۔۔۔۔

ابراہیم کی نظر ان کے سوٹ میں ہی الجھ کر رہ گئی۔۔۔چہرے پر نظر ڈالنے کی ہمت اس نے کبھی کی ہی نہیں تھی۔۔۔

“بحرحال شام کو تیار تیار رہیے گا”

وہ کہتے ہی قدم اٹھاتے باہر کی جانب بڑھ گئے۔۔۔

“اس نے پلٹ کر ماں کو دیکھا جو خاموش کھڑی تھی۔۔۔

“چلے جانا۔۔۔۔ملنا ہی تو ہے۔۔۔کون سا شادی ہورہی ہے ابھی”

وہ اس کی نظروں کا مفہوم جانتے ہوئے سمجھانے لگی۔۔۔

وہ کلس کر رہ گیا۔۔۔۔

“آبی۔۔لے لو یار”

وہ اس کے پاس بیٹھی۔۔۔

“دماغ ٹھیک ہے۔۔۔پتا بھی ہے کتنے کی ہے۔۔۔۔؟”

وہ الٹ پوچھنے لگا

“گفٹ کی قیمت نہیں دیکھتے دوست کے خلوص کو دیکھتے ہیں۔۔۔۔کتنی محبت سے لائی ہوگی وہ۔۔۔”

منہا نے معصومیت سے کہا

“تو کیوں لائی یار۔۔۔۔؟”

وہ روہانسی ہوا

“ہوسکتا ہے اسے برا لگا ہو کل تمہیں دیکھ کر”

منہا نے جتاتے ہوئے کہا۔۔۔

“پھر بھی منہا”

آرب نے اسے دیکھا

“پلیز آبی۔۔۔تم بھی کوئی اتنا ہی مہنگا گفٹ اسے دے کر بدلہ اتار دینا۔۔۔۔”

منہا نے حل بتایا۔۔۔۔

“ضدی بہت ہو تم”

آرب نے مسکرا کر کہا

“میری ساری ضد پوری کرنے کے لیے تم ہو نا”

اس نے اسے بازو سے تھامتے ہوئے کہا۔۔۔

آرب مسکرا کر رہ گیا۔۔۔۔

دور کھڑی ایدہ انہیں دیکھ رہی تھی۔۔۔۔

بے تاثر چہرہ لیے۔۔۔

“یہ بائک کس کی ہے؟”

انہوں نے اسے بائک سے اترتے دیکھا تھا۔۔۔

“یہ مجھے گفٹ ملی ہے”

وہ مسکرا کر بتانے لگا۔۔۔

“گفٹ میں۔۔۔منہا نے دی ہے؟”

وہ مسکرا کر پوچھنے لگی۔۔۔

“نہیں ایدہ نے۔۔۔۔”

وہ وہیں لان میں کرسی کھسکا کر بیٹھا۔۔۔

“یہ ایدہ کے فادر کیا کرتے ہیں؟”

وہ اتنا مہنگا گفٹ دیکھ پوچھ ہی بیٹھی۔۔۔

“ان کی فیکٹری ہیں بہت سی۔۔۔۔”

وہ سادگی سے بتانے لگا ۔۔۔

اور سارہ بیگم سوچ میں ڈوبی۔۔۔

“آگے کیا پلان ہے بیٹا؟”

رفیق صاحب جو لگ بھگ فرقان صاحب کی عمر کے ہی تھے۔۔۔

سامنے نظریں جھکائے ابراہیم کو دیکھتے ہوئے کہنے لگے۔۔۔

“کرنا کیا ہے اپنی کمپنی سنبھالے گا۔۔۔۔میرے ساتھ”

فرقان صاحب نے جواب دیا۔۔۔۔

تبھی روم میں ایک لڑکی داخل ہوئی سر پر دوپٹہ جمائے۔۔۔

رنگت نارمل تھی۔۔۔۔چہرے پر کوئی میک اپ نہیں تھا۔۔۔۔

اس کا ہر روپ سادگی جھلکا رہا تھا۔۔۔

ہاتھ میں چائے کی ٹرے تھی۔۔۔۔

اس نے سلام کیا اور ٹرے میز پر رکھی۔۔۔۔

ابراہیم نے ایک نظر اس پر ڈالی پھر نظر جھکا گیا۔۔۔

“یہ میری بیٹی ہے۔۔۔۔صدف۔۔۔۔”

وہ تعارف کروانے لگے۔۔۔

وہ کپ میں چائے ڈال رہی تھی۔۔۔۔

خاموشی سے۔۔۔

“پہلے فرقان صاحب اور عمران صاحب(ابراہیم کے چچا) کو کپ بڑھایا۔۔۔۔

جسے انہوں نے مسکرا کر تھام لیا۔۔۔

پھر ابراہیم کی جانب کپ بڑھایا۔۔۔۔

جسے ابراہیم نے خاموشی بنا کسی تاثر کے تھام لیا۔۔۔

اس کا بس نہیں چل رہا تھا کہ وہ اٹھ کر بھاگ جائے۔۔۔

“باہر آجا۔۔۔۔۔”

نوریض کا میسج دیکھا اور وہ باہر نکل آیا۔۔۔

“تو یہاں۔۔۔۔؟”

وہ حیران ہوا۔۔۔

“ہاں۔۔۔بور ہورہا تھا گھر پر۔۔۔۔چل کامی ویٹ کر رہا ہے۔۔۔۔”

نوریض کی بات پر اس نے بائک نکالی۔۔۔

تبھی اس کا فون بجنے لگا۔۔۔

“ایک منٹ۔۔۔” وہ کہتا سائیڈ پر چلا گیا۔۔۔

“دس منٹ میں کافی شاپ پہنچو۔۔۔۔۔”

منہا نے حکم دیا۔۔۔

“سوری یار ارجنٹ ہے۔۔۔میں نہیں آسکتا “

آرب نے نوریض کے پاس آکر کہا۔۔۔

“ابھی تو آرہا تھا۔۔۔۔تو۔۔۔”

وہ حیران ہوا۔۔۔

“ابھی کال آگئی ایک رشتے دار کے یہاں جانا ہے ارجنٹ۔۔۔”

اس نے بہانہ بنایا۔۔۔۔۔

“چل ٹھیک ہے”

نوریض اس کا کاندھا تھپکا اور وہاں سے چلا گیا۔۔۔

“چاچو۔۔۔یار آپ نے بھی کچھ نہیں کہا۔۔۔۔۔”

ابراہیم گھر آتے ہی عمران صاحب پر برس پڑا۔۔۔

“میں کیا کہتا؟”

وہ شانے اچکا کر رہ گئے۔۔۔

“ایسے میں کسی سے بھی شادی کرلوں کیا؟ مجھے نہیں کرنی ابھی”

وہ خوب تپا تھا۔۔۔

“تو منع کردیتے نا۔۔۔۔گئے کیوں؟”

وہ الٹ ٹوکنے لگے۔۔۔

“میں نے کہا تھا مجھے نہیں کرنی۔۔۔۔مگر مغل اعظم کسی کے سنتے ہیں کیا؟”

وہ جل بھن کر رہ گیا۔۔۔

“آپ کو کوئی پسند ہے تو بتا دیں آپ بھائی”

زیمل نے فوراً کہا۔۔۔

“نہیں کوئی نہیں ہے۔۔۔۔”

اس نے سادگی سے نفی میں سر ہلایا

“تو مسئلہ کیا ہے۔۔۔کبھی نہ کبھی تو شادی کرنی ہی ہے۔۔۔۔ابھی صحیح”

عمران صاحب نے سمجھانے میں انداز میں کہا

“میں ابھی پڑھ رہا ہوں یار چاچو۔۔۔۔سمجھا کریں۔۔۔۔”

وہ برا سا منہ بنا کر رہ گیا۔۔۔

“تو منع کردو کہ لڑکی سمجھ ہی نہیں آئی “

پیچھے سے آتی عظمیٰ چچی نے مشورہ دیا ۔۔۔

“اتنی ہمت بھی تو ہو اس میں”

عمران صاحب نے ہنس کر کہا۔۔۔

“تو آپ منع کردیں۔۔۔۔مجھے نہیں کرنی ابھی”

ابراہیم نے انہیں غور سے دیکھا

“ٹھیک ہے۔۔۔۔میں کردوں گا۔۔۔۔مگر لڑکی کا نام تم مجھے بتاؤ گے؟”

انہوں نے شرط رکھی۔۔۔

“یار۔۔۔حد ہے بے اعتباری کی۔۔۔۔سنگل ہونے پر بھی لوگ یقین نہیں کرتے “

وہ پیر پٹختا اپنے کمرے کی جانب بڑھ گیا۔۔۔