Blind Friends By Isra Rao NovelR50463 Blind Friends (Episode - 1)

Blind Friends By Isra Rao

وہ بلیک تھری پیس پہنے۔۔۔۔چمکتے شوز بڑھاتا۔۔۔ ہوٹل میں داخل ہوا۔۔۔۔

یچھے ایک آدمی ادب سے چل رہا تھا۔۔۔۔

بالوں کو جیل سے سیٹ کیا ہوا تھا۔۔۔۔اور ہاتھ میں موبائل پکڑے شاہانا انداز میں چلتا آرہا تھا۔۔۔۔

ڈیزائر کی مہک اتنی تیز تھی کہ پاس سے گزرنے والوں کو بھی حصار میں لے لیتی۔۔۔۔

لفٹ میں داخل ہوکر اس نے مڈل فنگر سے بٹن دبایا۔۔۔۔

فائیو۔۔۔۔فلور۔۔۔۔۔

چہرے پر کوئی تاثرات نہیں تھے

انگلی میں ہمیشہ کی طرح فیروزہ پہنا تھا۔۔۔اور ہاتھ میں اومیگا کی واچ۔۔۔۔

چند ہی لمحے بعد لفٹ رکی۔۔۔۔۔وہ اسی مصروفیت سے باہر نکلا۔۔۔۔موبائل پر نظریں جمائے۔۔۔۔

پیچھے چلتا شخص بھی اسی رفتار سے چل رہا تھا۔۔۔۔

مانو وہ اس کا سیکریٹری ہو۔۔۔۔۔

اس نے ہنوز پلکیں اٹھا کر روم کا نمبر دیکھا۔۔۔۔

ٹو سکس فور۔۔۔۔

اس نے شہادت کی انگلی بڑھا کر بیل بجائی۔۔۔۔

فوراً ہی دروازہ کھلا۔۔۔۔جیسے کوئی انتظار میں ہی ہو۔۔۔۔

اس نے فون سائیڈ بٹن دبا کر بند کیا۔۔۔۔

اور سامنے کھڑی لڑکی کو دیکھا ۔۔۔۔

جو جینس پر وائٹ ٹاپ پہنے ، گھنریالے بالوں کو رومال سے قید لیے پیچھے باندھا ہوا تھا۔۔۔۔

رنگت سفید۔۔اور پر کشش۔۔۔خوبصورت تو وہ تھی۔۔۔مگر اتنی نہیں کہ ابراہیم ہاشمی کو مائل کرسکے۔۔۔۔

“میں آپ کا ہی ویٹ کر رہی تھی” وہ خوش دلی سے کہنے لگی۔۔۔۔

اس نے سر کو خم دیا اور اندر کی جانب بڑھ گیا۔۔۔۔

مگر اگلے ہی لمحے اس کے قدم رکے۔۔۔۔

اس نے بھوری آنکھیں گھما کر پورے کمرے کا جائزہ لیا۔۔۔۔

سامنے ہی ٹیبل پر ڈرنکس اور بہت سے کھانے رکھے تھے۔۔۔۔

آس پاس کینڈلز سجی تھی۔۔۔۔

خوشبو سے کمرہ مہک رہا تھا۔۔۔۔۔

“یہ سب۔۔۔۔؟ مس انابیہ۔۔۔آئی تھنک آپ نے مجھے میٹنگ کے لیے بلایا تھا”

وہ یاد دہانی کروانے لگا۔۔۔۔

اسے وہ سب عجیب لگ رہا تھا

“آف کارس۔۔۔۔بٹ۔۔۔میں نے سوچا ڈنر بھی ہوجائے گا اور۔۔۔۔”

وہ بات پوری بھی نہیں کرپائی تھی کہ ابراہیم کی بات نے اسے چپ رہنے پر مجبور کیا

“سوری ۔۔۔۔بٹ میں ڈنر اپنی بیوی کے ساتھ ہی کرتا ہوں”

وہ کوٹ درست کرتا دو ٹوک کہنے لگا۔۔۔۔

“بیوی۔۔۔۔؟” اسے جیسے جھٹکا لگا۔۔۔۔

“آئی تھنک ڈنر پر بلانے سے پہلے آپ کو میرے بارے میں انفارمیشن نکالنی چاہیے تھی۔۔۔میں پچھلے چار سال سے شادی شدہ ہوں۔۔۔۔”

وہ اپنی بات مکمل کرتے ہی مسکرایا۔۔۔۔

پھر پلٹ گیا۔۔۔

“مسٹر ابراہیم۔۔۔۔” اس نے بے اختیار پکارا

“عموماً تو روم میں میٹنگ ہوتی نہیں ہے۔۔۔لیکن آپ نے کہا کہ آپ کو ملک سے باہر جانا ہے کل اور ارجنٹ ڈیٹیلز مجھے دینی ہیں تو میں آگیا۔۔۔۔”

وہ مڑ کر اسے دیکھنے لگا۔۔۔

“مگر یہ سب دیکھ کر لگ نہیں رہا کہ اپ کو میٹنگ کرنی تھی۔۔۔۔آپ کانٹریکٹ کسی اور کمپنی کو دے سکتی ہیں۔۔۔۔نو پرابلم۔۔۔۔”

وہ سنجیدگی سے کہتا پلٹ گیا ۔۔۔۔اور باہر نکل گیا۔۔۔۔

وہ خاموش کھڑی تھی۔۔۔۔

“احد۔۔۔۔بیٹا۔۔۔گر جاؤ گے۔۔۔۔۔”

وہ زمین پر بیٹھا اسے پکار رہا تھا۔۔۔۔

تین سالہ احد جو سیڑھیا چڑھ رہا تھا مڑ کر اپنے بابا کو دیکھنے لگا۔۔۔۔

اور جانے کب وہ پھسلا۔۔۔۔پھر گرتا ہی چلا گیا۔۔۔۔

وہ اٹھ کر تیزی سے اس کی جانب بھاگا۔۔۔۔اور اچک کر اسے تھاما۔۔۔۔

احد کے ماتھے اور کہنیوں پر ہلکی خراش آگئی تھی۔۔۔۔

وہ اس کو چومتے ہوئے چپ کروا رہا تھا۔۔۔۔جو مسلسل روئے جارہا تھا۔۔۔۔

“ایدہ۔۔۔۔۔۔ایدہ ” وہ جھنجھلا کر اٹھ کھڑا ہوا۔۔۔۔

چہرے پر بلا کر سنجیدگی تھی۔۔۔۔

دکھنے میں وہ بہت خوبصورت تھا۔۔۔پر کشش نقوش۔۔۔ہلکی سی بیئرڈ ۔۔۔۔سفید رنگت۔۔۔۔جو اس وقت غصے سے سرخ ہوچکی تھی۔۔۔

“جی صاحب۔۔۔۔” ملازمہ بھاگتی ہوئی آئی تھی۔۔۔۔

ہاتھ میں دودھ کا فیڈر تھا۔۔۔۔

“ایدہ کہاں ہے؟”

وہ تلخ لہجے میں پوچھنے لگا۔۔۔

احد کو کاندھے سے لگایا ہوا تھا۔۔۔

“جی وہ تو۔۔۔۔۔باہر گئی ہیں۔۔۔۔”

وہ جھجھکتے ہوئے کہنے لگی۔۔۔

سنتے ہی آرب کے اعصاب مزید تن گئے۔۔۔اور چہرے پر غصہ ابھرا۔۔۔۔

مگر وہ کچھ کہے بنا۔۔۔سیڑھیاں چڑھتا اوپر روم کی جانب بڑھ گیا۔۔۔۔

“پاپا میں اپنی دوست کو نوٹ بک دی تھی۔۔۔ہوم ورک کرنے کے لیے۔۔۔۔اس نے یہ پھاڑ دی۔۔۔۔”

وہ معصومیت سے دکھانے لگی۔۔۔

“آپ نے اسے کیوں دی گھر کے لیے۔۔۔۔آپ کلاس میں دیتی”

وہ سمجھانے لگا۔۔۔

“پاپا وہ میری دوست تھی نا اس لیے دی تھی”

وہ الٹ سمجھانے لگی۔۔۔۔

“دوستوں پر بھی کبھی اندھا اعتبار نہیں کرنا چاہیے بیٹا۔۔۔۔”

وہ جانے کس کرب سے کہ رہا تھا۔۔۔۔

جانے کتنے دکھ سمٹ آئے تھے اس کے اس لائن میں۔۔۔۔

ڈریسنگ ٹیبل کے سامنے کھڑی وہ خود دیکھ رہی تھی۔۔۔۔

پھر سلک لمبے بالوں کو فولڈ کر کے جوڑا بنانے لگی۔۔۔۔

بڑی بڑی آنکھیں شیشے پر جمی تھی۔۔۔

تبھی کلک کی آواز آئی قدموں کی چاپ سنائی دی۔۔۔۔

اس کے جوڑا بناتے ہاتھ لمحہ بھر رکے پھر دوبارا مصروف ہوگئے۔۔۔۔

جوڑا بنا کر اس نے کانوں میں پہنے ٹاپس اتارے۔۔۔۔

اور جیولری باکس میں رکھ دیے۔۔۔۔

ایک بار پھر سے اس نے شیشے میں دیکھا وہ اس کے پیچھے ہی کھڑا تھا۔۔۔۔

مسکراتا چہرہ لیے۔۔۔۔

مگر اس کے چہرے کے تاثرات نہیں بدلے۔۔۔۔

اس نے ہاتھ بڑھا کر ٹشو باکس سے ٹشو نکالا۔۔۔۔

اور ہونٹوں پر رگڑ کر لپسٹک صاف کی۔۔۔۔

“کیا کر رہی ہو۔۔۔۔اتنی پیاری لگ رہی تھی۔۔۔۔”

وہ آئینے میں اسے دیکھ گلہ کرنے لگا۔۔۔۔

وہ جانتا تھا وہ ناراض ہے۔۔۔۔

“کہاں تھے تم؟” وہ سنجیدگی سے پوچھنے لگی۔۔۔

“اپنی دوسری بیوی کے پاس؟”

وہ شرارت چھپائے کہنے لگا۔۔۔۔

وہ آئینے میں اس کا چہرہ دیکھ کر رہ گئی۔۔۔۔

پھر گہرہ سانس خارج کیا۔۔۔۔

اور پلٹ کر جانے لگی تھی کہ اس نے ہاتھ پکڑ کر اسے روکا۔۔۔۔

“اچھا سوری نا۔۔۔۔۔مجھے دیر ہوگئی۔۔۔۔”

وہ اس کی پشت پر کھڑا اسے اپنے حصار میں لے چکا تھا۔۔۔۔

“لیکن پتا ہے میں نے کھانا نہیں کھایا۔۔۔۔” وہ اس کے کاندھے پر چہرہ ٹکائے معصومیت سے کہ رہا تھا۔۔۔۔

“تو کھا لیتے” وہ بے رخی سے کہنے لگی۔۔۔

“ایسے کیسے میں اپنی بیوی کے بنا ڈنر کرتا ہی نہیں۔۔۔۔”

وہ محبت سے کہنے لگا۔۔۔

“ایبو۔۔۔۔تم جھوٹ کے سارے رکارڈ توڑ چکے ہو”

وہ ہنسی دبائے کہنے لگی۔۔۔

“ارے۔۔۔۔میں نے سچ میں نہیں کھایا”

وہ صفائی دینے لگا۔۔۔

“کیوں۔۔۔آپ کی دوسری بیوی نے۔۔۔جس سے ابھی آپ مل کر آرہے ہیں۔۔۔بقول آپ کے۔۔۔۔کھانا نہیں کھلایا؟”

وہ بھی الٹا طنز کرنے لگی۔۔۔۔

“ارے نہیں کی دوسری شادی۔۔۔۔ایک ہی کر کے پھنس گیا ہوں اور۔۔۔۔”

وہ کہتے کہتے رکا۔۔۔۔۔

سامنے کھڑی منہا کے چہرے کے تاثرات بدلے تھے

وہ آنکھوں میں آئی نمی کو پرے دھکیلتی دروازے کی جانب بڑھ گئی۔۔۔۔

“میں مزاق کر رہا تھا یار۔۔۔۔منہا۔۔۔۔یار۔۔۔۔” وہ بے بسی سے آواز لگانے لگا۔۔۔۔

(یو نو واٹ؟ تو کبھی چینج نہیں ہوسکتی۔۔۔ہاں ٹھیک ہے اس نے چھوڑ دیا تجھے۔۔۔۔۔ہر وقت کا رونا دھونا۔۔۔۔میں پھنس گیا ہوں تجھ سے شادی کر کے۔۔۔میری غلطی ہے۔۔۔۔مجھے کرنی نہیں چاہیے تھی)

اس کی سماعت سے جملا ٹکرایا۔۔۔۔

وہ خود کو آئینے میں دیکھ رہا تھا۔۔۔۔

وہ جتنی کوشش کرتا ہے اسے خوش رکھنے کی۔۔۔اتنا ہی ناکام ہوتا ہے۔۔۔۔

“میری غلطی تھی میں نے تم سے شادی کی۔۔۔نا ہی تم بیوی ہونے کا کوئی فرض پورا کر پائی ہو۔۔۔نا ہی ماں ہونے کا۔۔۔۔”

وہ اسے دیکھتے ہی اس پر برس پڑا تھا۔۔۔

“آبی۔۔۔۔۔کول ڈاؤن۔۔۔۔ہوا کیا ہے ہنی؟” وہ نرم لہجے میں پوچھنے لگی۔۔۔

وہ جینس پر ڈھیلی سی ٹی شرٹ پہنے، بالوں کو ہلکے سے جوڑے میں قید کیے۔۔۔۔ابھی گھر میں داخل ہی ہوئی تھی۔۔۔۔

“کیا ہوا ہے؟ تمہیں کیوں پتا ہوگا۔۔۔تمہیں گھومنے پھرنے سے فرصت ہی نہیں۔۔۔تھی کہاں تم؟”

وہ کافی غصے میں لگ رہا تھا۔۔۔

“میں پارلر گئی تھی۔۔۔۔آبی۔۔۔۔کل کامی کی برتھ ڈے پارٹی ہے۔۔۔بس”

وہ اب صفائی دینے لگی تھی۔۔۔

لہجہ نرم تھا۔۔۔۔

“تمہارے یہ لیم ایکسکیوز مجھے نہیں چاہیے۔۔۔اوپر جاکر دیکھو۔۔۔کیا حال کیا ہے تم نے میرے بیٹے کا”

وہ غصے سے کہتا کچن کی جانب بڑھ گیا۔۔۔۔

“احد۔۔۔۔۔۔” وہ بڑبڑاتی تیزی سے سیڑھیاں چڑھتی اوپر بھاگی تھی۔۔۔۔

سامنے ہی بیڈ پر وہ سویا ہوا تھا۔۔۔ماتھے پر چوٹ کی وجہ سے پٹی چپکی تھی۔۔۔۔

“احد۔۔۔۔مائی لو۔۔۔۔” وہ اس کے پاس بیٹھی اس کا ہاتھ تھاما۔۔۔چہرے پر ہاتھ پھیرنے لگی۔۔۔۔

“زیادہ فکر ظاہر کرنے کی ضرورت نہیں ہے۔۔۔۔تم بلکل بھی ایک اچھی ماں نہیں ہو۔۔۔۔”

وہ ہاتھ میں فیڈر لیے کمرے داخل ہوا تھا۔۔۔۔

“آبی یہ چوٹ کیسے لگی۔۔۔۔؟” وہ پوچھنے لگی۔۔۔۔

“تمہیں جب فکر ہے ہی نہیں تو کیوں پریٹینڈ کر رہی ہو۔۔۔جاؤ پارٹی کی تیاری کرو”

وہ بے رخی سے کہتا ڈریسنگ روم کی جانب بڑھ گیا۔۔۔۔

اس نے ابھی تک چینج نہیں کیا تھا ۔۔۔۔

“تم نے ایسا کیوں کیا ایدہ۔۔۔تم تو میری دوست تھی”

وہ بھیگی آنکھوں سے سوال کرنے لگی

“میں اب بھی تمہاری دوست ہوں۔۔۔۔مجھے تم سے نفرت نہیں ہے۔۔۔۔نا کبھی کرسکتی ہوں۔۔۔۔میں دشمن نہیں ہوں تمہاری”

وہ نرمی سے صفائی دینے لگی۔۔۔۔

“تم دشمن ہو۔۔۔۔تم نے میری زندگی خراب کردی ایدہ”

وہ روتے ہوئے جھنجھلائی تھی۔۔۔

“منہا۔۔۔میری جان۔۔۔۔تجھے میری نیچر کا پتا ہے۔۔۔تو سمجھ سکتی ہے نا۔۔۔مجھے کوئی چیز پسند آجاتی ہے تو مجھے وہ ہر حال میں چاہیے ہوتی ہے”

وہ اسے شانوں سے تھامے سمجھانے لگی۔۔۔۔

“مگر آبی چیز نہیں تھا ایدہ۔۔۔۔وہ میرا سب کچھ تھا”

وہ اس کے ہاتھ جھٹک پوری قوت سے چلائی تھی۔۔۔۔

“منہا۔۔۔میری شادی ہوگئی ۔۔۔تیری بھی تو ہوگئی ہے نا۔۔۔۔سب بھول جا۔۔۔۔۔پلیز۔۔۔۔” وہ بات پوری کرتی اس سے پہلے ہی پیچھے سے آتے ابراہیم کی آواز پر دونوں چونکے۔۔۔۔

“کیا بھولنے کو کہ رہی ہے تو اسے۔۔۔۔۔”

وہ مسکراتا ہوا آیا تھا

“ایبو۔۔۔۔کیسے ہو؟ میں بس کہ رہی تھی اتنے دنوں بعد ملے ہیں کتنا اچھا لگ رہا ہے۔۔۔۔پرانے دن یاد آگئے۔۔۔۔”

اس نے جھٹ بات بدلی۔۔۔۔

مگر اس سے پہلے وہ کچھ کہتا منہا بنا کچھ کہے تیزی سے باہر کی جانب بھاگی۔۔۔۔

سالن گرم کرتا ہاتھ جب بے دھیانی میں کڑھائی سے ٹکرایا تو ماضی کے خیالات فک سے اڑ گئے۔۔۔۔

اور منہ سے سسکی نکلی۔۔۔۔

“کر کیا رہی ہو تم دھیان کہاں ہے؟ وہ تیزی سے اس کے جانب آیا تھا۔۔۔۔

اس کا ہاتھ تھام کر دیکھنے لگا۔۔۔۔

پھر سنک کا نل چلا کر اس کا ہاتھ نیچے کیا۔۔۔۔

ایک سکون ملا اس کی آنکھ سے دو آنسوں گرے۔۔۔۔

وہ یک ٹک اسے دیکھ رہی تھی۔۔۔۔

سارا سکون۔۔۔سارا آرام اس شخص کے اندر رکھ دیا گیا ہو جیسے۔۔۔۔

وہ جانتی تھی سامنے کھڑا شخص اس کا شوہر، دوست ، اس کا پارٹنر۔۔۔۔اس کی فکر کرنے والا۔۔۔اس کے پوری دنیا ہے۔۔۔۔

“ایسے مت دیکھو۔۔۔پیار ہوجائے گا”

وہ اس کے ذرا قریب ہوکر شرارت سے کہنے لگا۔۔۔۔

اور منہا ہنس دی۔۔۔۔

“بچی کو کیا سمجھا رہے تھے۔۔۔۔؟”

رتبہ ابھی کمرے میں داخل ہوئی تھی۔۔۔۔

وہ اپنی بیٹی کو ابھی سلا کر ہی اس کے پاس بیٹھا کوئی کتاب پڑھ رہا تھا۔۔۔۔

جب اس کی بات پر اس کو دیکھا۔۔۔۔

پھر کتاب بند کر اسے دیکھ مسکرایا۔۔۔۔

“کیا کچھ غلط کہا تھا۔۔۔۔؟”

وہ اسے دیکھ پوچھنے لگا۔۔۔۔

وہ اس کے سامنے آ بیٹھی۔۔۔۔

پھر ہاتھ بڑھا کر اسے اس کا ہاتھ تھاما۔۔۔۔

“دوستی بہت خوبصورت رشتہ ہوتا ہے نوریض۔۔۔۔تم ہماری بیٹی کو اس رشتے کا غلط رخ دکھا رہے ہو۔۔۔۔۔

ایسے تو وہ کبھی دوست نہیں بنا پائے گی۔۔۔کبھی کسی سے باتیں شیئر نہیں کرپائے گی۔۔۔کبھی گھل مل نہیں سکے گی۔۔۔۔”

وہ اسے سمجھانے لگی۔۔۔۔

“یہی تو میں چاہتا ہوں۔۔۔۔وہ کسی سے دوستی نا کرے کسی پر بھروسہ نہ کرے۔۔۔۔کیونکہ رتبہ جب یہ بھروسہ ٹوٹتا ہے نا تو بہت تکلیف ہوتی ہے۔۔۔۔ایک گلٹ ہوتا ہے اندر کہ میں نے ایسے دوست بنائے تھے۔۔۔۔”

وہ کرب سے کہنے لگا۔۔۔

اس کے انداز میں دکھ تھا۔۔۔۔

جسے رتبہ ہر بار محسوس کرتی تھی۔۔۔۔

“تم اپنے دوستوں سے ملتے کیوں نہیں ہو نوریض۔۔۔کل بھی منہا آئی تھی۔۔۔پوچھ رہی تھی۔۔۔۔مگر تم نہیں ملے۔۔۔۔تم اپنے دوستوں سے اتنا چڑتے کیوں ہو؟”

وہ اب جاننا چاہتی تھی۔۔۔

“میں دوستوں سے چڑتا نہیں ہوں۔۔۔۔دوستی بہت خوبصورت رشتہ ہے۔۔۔ بس۔۔۔دوستی کے بیچ کبھی محبت نہیں آنی چاہیے۔۔۔”

وہ کہتے ساتھ اٹھ کھڑا ہوا۔۔۔۔

وہ چپ چاپ بیٹھی تھی۔۔۔۔

“اور ہاں۔۔۔میں منہا سے چڑتا نہیں ہوں۔۔۔وہ بہت اچھی ہے۔۔۔میں بس اس کا سامنا نہیں کرسکتا”

وہ کہتے ساتھ مڑ گیا۔اور واش روم کی جانب بڑھ گیا۔۔۔۔

“سکینہ۔۔۔سکینہ۔۔۔۔۔” وہ چلاتی سیڑھیاں اتر رہی تھی۔۔۔۔

چہرے پر غصہ بےپناہ تھا

“جی بیگم صاحبہ” سامنے بھاگتی ہوئی ملازمہ آئی۔۔۔۔

“احد گرا کیسے؟۔۔۔۔میں تمہارے حوالے چھوڑ کر گئی تھی نا اسے۔۔۔۔۔؟”

وہ غرائی تھی۔۔۔۔

“بیگم صاحبہ میں بس۔۔۔۔وہ۔۔۔جی بس میں دو منٹ کے لیے۔۔۔کچن میں گئی تھی۔۔۔دودھ لینے۔۔۔۔وہ یہیں کھیل رہا تھا۔۔۔۔پتا نہیں کیسے گر گیا؟”

وہ ہچکچاتے ہوئے بتانے لگی۔۔۔

“دوسرے ملازم مرگئے تھے جو تم گئی۔۔۔۔ تمہاری وجہ سے میرے بچے کو چوٹ لگی۔۔۔تمہیں میں کبھی معاف نہیں کروں گی”

وہ غصے سے دھمکی دینے لگی۔۔۔

“نن۔۔نہیں بیگم صاحبہ۔۔۔۔آئندہ ایسا نہیں۔۔۔۔”

وہ گھبرا گئی تھی۔۔۔

“آئندہ تمہیں موقع ملے گا تب نا۔۔۔۔کل سے آنے کی ضرورت نہیں ہے۔۔۔۔تمہارا حساب ہوجائے گا۔۔۔۔ناو گیٹ آؤٹ”

وہ تلخ لہجے میں اس کے سر آسمان گراتی کچن کی جانب بڑھ گئی۔۔۔

(تم نے ایسا کیوں کیا میرے ساتھ ایدہ۔۔۔کیوں؟)

وہ روم میں آتے ہی ہچکیوں کے ساتھ رونے لگی۔۔۔۔

وہ اس کے پیچھے روم میں بھاگتا ہوا آیا۔۔۔۔

وہ زمین پر بیٹھی تھی۔۔۔پاؤں میں پہنی سینڈلز بھی نہیں اتاری تھی۔۔۔۔

“منہا کیوں رو رہی ہے تو؟” وہ اس کے پاس گھٹنوں کے بل بیٹھا۔۔۔۔

وہ بنا کوئی جواب دیے بس روئے چلے جا رہی تھی۔۔۔۔

آنسوں متواتر بہ رہے تھے۔۔۔۔

“ایدہ نے کچھ کہا ہے۔۔۔؟ ہوا کیا ہے بتائے گی مجھے؟” وہ اس کے چہرے کو بغور دیکھ رہا تھا۔۔۔۔

مگر وہ کوئی جواب نہیں دے رہی تھی۔۔۔۔

ابراہیم کو اب غصہ آنے لگا تھا۔۔۔۔

“یار بتائے گی نہیں تو کیسے پتا لگے گا ہوا کیا ہے؟ رونے سے کچھ ٹھیک نہیں ہوتا یار۔۔۔۔”

وہ بے بسی سے اٹھ کھڑا ہوا۔۔۔

مگر وہ سر جھکائے ہچکیوں سے روئے چلے جارہی تھی۔۔۔

“منہا۔۔۔۔یار تم بھول کیوں نہیں جاتی ہو سب کچھ۔۔۔۔۔؟”

وہ زمین پر بیٹھی لڑکی کو دیکھتے ہوئے کہنے لگا۔۔۔۔

“یو نو واٹ؟ تو کبھی چینج نہیں ہوسکتی۔۔۔ہاں ٹھیک ہے اس نے چھوڑ دیا تجھے۔۔۔۔ہر وقت کا رونا دھونا۔۔۔۔میں پھنس گیا ہوں تجھ سے شادی کر کے۔۔۔۔میری غلطی ہے۔۔۔مجھے کرنی ہی نہیں چاہیے تھی”

وہ غصہ سے بولتا چلا جارہا تھا۔۔۔۔

اس کی بات سنتے ہی جیسے روتی منہا چپ ہوئی۔۔۔ہتھیلی سے رگڑ کر آنسوں صاف کیے۔۔۔

اور کرنٹ کھا کر اٹھ کھڑی ہوئی۔۔۔۔

“تو کیوں کی تھی شادی؟ میں نے کہا تھا؟ تم نے خود کی تھی۔۔۔۔”

وہ غرائی تھی۔۔۔۔

“ایم سوری۔۔۔میرا وہ مطلب نہیں تھا”

وہ یک دم صفائی دینے لگا۔۔۔

“نہیں چھوڑ دو مجھے۔۔۔۔طلاق دو۔۔۔۔بولو ابھی بولو۔۔۔۔میں سن رہی ہوں۔۔۔۔تم بھی چھوڑ دو۔۔۔۔”

منہا نے غصے سے کہا۔۔۔۔

“تجھ سے بات کرنا ہی فضول ہے۔۔۔۔”

وہ کہتے ساتھ ہی باہر نکل گیا۔۔۔۔اور دروازہ زور سے مار کر بند کیا۔۔۔۔

تبھی وہ جو بیڈ کراؤن سے ٹیک لگائے ماضی کے خیالوں میں گم تھا۔۔۔دروازہ کھلنے کی آواز سنتے ہی۔۔۔فورا سے واپس آیا۔۔۔۔

اور سیدھا ہوکر بیٹھا۔۔۔۔

وہ مسکراتی ہوئی آئی ہاتھ میں پانی سے بھرا جگ تھا۔۔۔۔

اس نے سائیڈ ٹیبل پر رکھا۔۔۔۔

“ہوگئی فارغ؟” وہ اسے دیکھ پوچھنے لگا۔۔۔۔

“ہممم۔” وہ مسکرا کر سر کو خم دیتی بیٹھی۔۔۔

“کتنی بار کہا ہے۔۔۔ملازمہ رکھ لو یہ کھانا وغیرہ مت بنایا کرو۔۔۔۔دیکھو آج ہاتھ بھی جلا لیا۔۔۔۔”

وہ اس کا ہاتھ دیکھتے ہوئے کہنے لگا۔۔۔

“مجھے اچھا لگتا ہے گھر کے کام کرنا۔۔۔۔تمہارے لیے کھانا بنانا”

وہ اس کا ہاتھ تھام کر کہنے لگی۔۔۔

“تم مجھ سے ناراض تو نہیں ہو نا؟”

وہ اس کی آنکھوں میں دیکھتا پوچھنے لگا۔۔۔

وہ اسے دیکھ نفی میں سر ہلانے لگی۔۔۔۔

پھر مسکرا دی۔۔۔

اس نے اس کے گرد بازو حمائل کیے۔۔۔اور اسے خود سے قریب کیا۔۔۔۔

“ایم سوری۔۔۔۔میں جان بوجھ کر تمہیں اپ سیٹ نہیں کرتا۔۔۔۔”

وہ اس کے بالوں پر لب لگاتا کہنے لگا۔۔۔۔

جن سے خوشبو کی لہریں اٹھ رہی تھی۔۔۔۔

“میں جانتی ہوں۔۔۔۔۔” وہ اس کے سینے پر سر ٹکائے آنکھیں موندے کہنے لگی۔۔۔۔

وہ جانتی تھی۔۔۔۔وہ جان بوجھ کر اسے کبھی تکلیف نہیں دے سکتا۔۔۔۔

ایک وہی تو تھا اس کا اپنا جب سب نے ساتھ چھوڑ دیا تھا ایک یہی تو تھا جو اس کے ساتھ کھڑا تھا۔۔۔۔

اور آج بھی ایسے بھی ایسے ہی ساتھ ہے۔۔۔۔