Chasham e Nam by Ayat Noor NovelR50721 Chasham e Nam by Ayat Noor Episode 20,21

بس نہ چل رہا تھا کہ اس کا وہ ہاتھ ہی توڑ ڈالے جس ہاتھ سے اس نے ابیہا کو چھوا تھا…

” مجھ سے پنگا مت لو… ورنہ انجام بہت برا ہو گا… ” فراز آفندی غرایا تھا… ” راجا خود پنگا لیتا نہیں کسی سے…لیکن خود سے پنگا لینے والے کو چھوڑتا بھی نہیں… اگر دم ہے بازوؤں میں تو جب چاہو آزما لینا… لکھ کر دے سکتا ہوں کہ مجھ سے لڑو گے تو شکست ہی تمہارا مقدر ٹھہرے گی… ” راجا کا لہجہ حد سے زیادہ مضبوط تھا… ابیہا حیران سی ان دونوں کو دیکھ اور سن رہی تھی… “فراز…آئ…آئم سوری… مجھے یاد نہیں رہا… آج واقعی میری فرینڈ کا برتھ ڈے ہے… اور میں نے اسے پرامس بھی کیا تھا کہ میں ضرور آؤں گی اس کی برتھ ڈے پارٹی پر… مجھے جانا ہو گا… پلیز ڈونٹ مائنڈ… ” ابیہا نے معاملہ سنبھالنے کی کوشش کہ کہیں وہ دونوں یہیں گتھم گتھا نہ ہو جائیں… فراز آفندی نے اس کی طرف دیکھا… بالوں میں ہاتھ پھیر کر خود کو نارمل کرنا چاہا… ” اوکے… یو کین گو… لیکن آئندہ میں جب بھی بلاؤں… اسے ساتھ مت لے کر آنا… ” راجا کی طرف اشارہ کرتے ہوۓ کہہ کر وہ نیچے کی جانب بڑھ گیا… “آئندہ تمہارے بلانے پر یہ بھی نہیں آئیں گی…. ” راجا نے تلخ لہجے میں کہا تھا لیکن وہ سنے بغیر جا چکا تھا… ابیہا نے سلگتی نظروں سے اسے دیکھا… ” یہ سب کیا تھا… ؟؟” سرد سی آواز میں پوچھا تھا…راجا نے اس کی طرف دیکھا…ایک نظر اس پر ڈالتے ہی سارا غصہ جھاگ کی طرح بیٹھ گیا تھا… “کیا…؟؟” کندھے اچکاتے وہ پھر ریلنگ کے ساتھ جا کھڑا ہوا… “میں نے تمہیں کب کہا تھا کہ میری فرینڈ کا آج برتھ ڈے ہے اور مجھے وہاں جانا ہے… ؟؟” ابیہا نے اسے گھورا… “اچھا…نہیں کہا تھا… مجھے لگا شاید آپ نے کہا تھا… ” راجا نے ابرو اچکاۓ… پھر رخ بھی موڑ گیا… کیسے ابیہا کو بتاۓ کہ اسے جلن ہو رہی تھی فراز آفندی سے…کیسے کہے اس سے کہ اسے فراز آفندی سے دور لے جانے کے لیے ہی اس نے ایسا کہا… جبکہ دوسری جانب ابیہا اس کے کچھ کہے بغیر ہی سب جان گئ تھی… خوبصورت سی مسکراہٹ نے اس کے لبوں کا احاطہ کیا… آج پہلی بار راجا نے اپنے کسی عمل سے یہ ثابت کیا تھا کہ اس کے دل میں بھی ابیہا کے لیے کوئ نرم گوشہ ہے… وہ مسرور تھی… بے حد مسرور…

_________

“کیا کہا ہے تم نے کل فراز آفندی سے… ؟؟” اسد شیرازی نے کڑی نظروں سے اسے دیکھتے ہوۓ پوچھا تھا… یقیناً فراز آفندی نے ہی اسد شیرازی سے راجا کی شکایت کی تھی… “کون فراز آفندی سر…؟؟” راجا نے حیران ہونے کی کوشش کی…ورنہ دل ہی دل میں اسے ہنسی آ رہی تھی فراز آفندی کے اس طرز عمل سے… “زیادہ ڈرامے مت کرو… تم اچھی طرح جانتے ہو کون فراز آفندی… ابیہا کا منگیتر… جس سے کل وہ ملنے گئ تھی… اور اس کے ساتھ تم بھی تھے… مجھے فراز نے بتایا ہے کہ تم نے خاصی بدتمیزی کی ہے اس کے ساتھ…” پہلی بار اسد شیرازی کو راجا کی کسی بات پر غصہ آیا تھا…اور وہ بھڑک رہا تھا راجا پر….راجا نے لب بھینچے… “اس نے شاید آپ کو یہ نہیں بتایا کہ وہ بدتمیزی کر رہا تھا ابیہا کے ساتھ… میں نے تو بس اسے منع کیا تھا… ” اس نے سرد سی آواز میں جواب دیا… “تم کون ہوتے ہو اسے روکنے والے… منگیتر ہے وہ اس کی… شادی ہونے والی ہے ان دونوں کی…جو چاہے کرے فراز اس کے ساتھ… ” اسد شیرازی آگ بگولہ ہوۓ تھے… پچھلے کچھ دنوں میں ان کا اچھا خاصا نقصان ہوا تھا…. ان کے خفیہ ٹھکانوں پر ریڈز پڑ رہی تھیں… اور غدار کا ابھی تک پتا نہ چل سکا تھا… اب وہ اپنی فرسٹریشن راجا پر نکال رہے تھے… “یہ آپ کہہ رہے ہیں سر… وہ بھی اپنی بیٹی کے بارے میں…؟؟ ” راجا نے ملامت کرنے کے انداز میں کہا جبکہ وہ یہ بات اچھی طرح جان چکا تھا کہ ابیہا اسد شیرازی کی بیٹی نہیں ہے… اسد شیرازی ایک لمحے کو سٹپٹایا… “ہاں میں ہی کہہ رہا ہوں…” لہجہ بھی دھیمہ ہوا تھا… ” آئم سوری سر…لیکن میں بے حیائ کے اس کھلم کھلا مظاہرے پر خاموش نہیں رہ سکتا… فراز آفندی سے کہیں کہ ابیہا کے ساتھ جب بھی ہو تمیز کے دائرے میں رہے..

وہ دوبارہ بدتمیزی کرے گا تو میں دوبارہ ایسا ہی جواب دوں گا… ” راجا کے لہجے سے نہ جانے کیوں ضد کی جھلک دکھائ دی… “شٹ اپ راجا… جسٹ شٹ اپ…” اسد شیرازی بھڑک اٹھا… راجا لب بھینچ کر رہ گیا…”آئندہ تم ایسا کچھ نہیں کرو گے… بلکہ جب ابیہا فراز سے ملنے جاۓ تم اس کے ساتھ ہی نہیں جاؤ گے… ان دونوں کو اکیلے ایک ساتھ وقت گزارنے دو… تا کہ وہ ایک دوسرے کو سمجھ سکیں… ایک دوسرے کو جان سکیں… اور شادی کے بعد ان کی زندگی بہتر انداز میں گزر سکے… دوبارہ مجھے شکایت کا موقع نہ ملے…سمجھ گۓ…” اسد شیرازی کے لہجے میں وارننگ تھی… اس وقت ان سے مزید بحث کرنے کا مطلب تھا اپنا بنا بنایا کھیل بگاڑنا…. “اوکے سر… ” راجا کہہ کر سر جھکاۓ وہاں سے نکل آیا…

“آج شام فراز آفندی نے پھر مجھے ملنے بلایا ہے… ساحل سمندر پر… ” یونیورسٹی جاتے ہوۓ ابیہا نے کن اکھیوں سے اسے دیکھا اور لبوں میں مسکان دباۓ اسے جتانے کی کوشش کی… حسب توقع اس کے چہرہ سرخ پڑنے لگا تھا… “تو…؟؟” لہجے کی درشتی چھپانے سے بھی نہ چھپی… “تو یہ کہ… آج میں اکیلی جاؤں گی اس سے ملنے… تم ساتھ نہیں جاؤ گے… ” وہ جان بوجھ کر اسے تنگ کرنے کی غرض سے کہہ رہی تھی… “آپ بھی نہیں جائیں گی اس سے ملنے… ” راجا کا لہجہ بارعب سا ہوا… شاید اسے خود بھی معلوم نہ تھا کہ وہ اپنے رویے سے اپنے جذبات ابیہا پر آشکار کرتا جا رہا ہے… ابیہا کو مزہ آنے لگا اسے ستانے میں… “کیوں… میرے منگیتر نے بلایا ہے مجھے… ملنے کے لیے… میں تو جاؤں گی… ” ابیہا نے بظاہر منہ بگاڑ کر کہا تھا… راجا نے سلگتی نگاہوں سے اسے گھورا… “بہت بے چین ہو رہی ہیں اس سے ملنے کے لیے…؟؟” لہجے میں جلن سی تھی… “ظاہر سی بات ہے… منگنی کے بعد ہر لڑکی کی دلی خواہش ہوتی ہے وہ اپنے فیانس کے ساتھ وقت گزارے… میری بھی یہ خواہش ہے… ” ابیہا نے چہرے کا رخ تھوڑا سا موڑا… کہ اس کے لبوں کی شرارتی مسکراہٹ کہیں اس کی نظروں میں آ جاۓ… “کچھ دن پہلے غالباً آپ مجھ سے محبت کی دعوے دار تھیں… ” راجا نے طنز کیا… ابیہا کا دل چاہا کھل کر ہنسے اس کی کیفیت پر… لیکن چہرے کو سنجیدہ بناتے ہوۓ اس کی طرف متوجہ ہوئ… ” ہاں بالکل…لیکن پھر کچھ ہی دن بعد مجھے عقل بھی آ گئ تھی کہ وہ صرف میری جذباتیت تھی اور کچھ نہیں… میں تو بس ایسے ہی پاگل سی لڑکی ہوں… مجھے احساس ہو گیا ہے کہ میں غلط تھی… ” ابیہا کی بات پر راجا نے افسوس اور صدمے کی ملی جلی کیفیت میں اسے دیکھا… “ہممم…” وہ خاموش ہو گیا تھا… بالکل خاموش…لیکن اس کی سنجیدگی ظاہر کر رہی تھی کہ اسے ابیہا کی بات بری لگی ہے… “آج نا…میں جینز شرٹ پہن کر جاؤں گی فراز آفندی سے ملنے… اس دن دیکھا تھا کیسے وہ میری ڈریسنگ پر چوٹ کر رہا تھا… ” راجا کو خاموش دیکھ کر اس کی زبان پر پھر کھجلی ہوئ… “کہا نا… آپ کہیں نہیں جائیں گی… اور اس سے ملنے تو کبھی بھی نہیں… ” راجا نے سرد سے لہجے میں کہا تھا… “کیوں… اس دن تو تم اس سے کہہ رہے تھے شادی ہونے والی ہے ہوئ نہیں… ابیہا کو کہیں بھی آنے جانے کے لیے تمہاری اجازت کی ضرورت نہیں… اب تم کس حق سے مجھے روک رہے ہو اس سے ملنے سے… ” ابیہا کے لہنے میں سختی پیدا کی… “حق بھی بہت جلد واضح کر دوں گا… لیکن فی الحال یہ بات اچھی طرح ذہن نشین کر لیں کہ آپ اس سے ملنے ہرگز نہیں جائیں گی… ” ابیہا نے اس کی بات پر آنکھیں سیکڑ کر اسے دیکھا… “تم جیلس ہو رہے ہو فراز آفندی سے… ؟؟” حیران ہوتے ہوۓ پوچھا تھا… اس کی بات پر راجا نے ایک پل کو اس کی طرف دیکھا… ایسی نظروں سے جیسے اسے ابیہا کا دماغ خراب ہونے کا خدشہ ہو… “میں اس سے جیلس ہوں گا…؟؟ آپ کی طبیعت ٹھیک ہے…؟؟ اس میں کوئ ایک بھی ایسی بات ہے جس کی وجہ سے مجھے اس سے جیلس ہونے کی ضرورت پیش آۓ…؟؟” کہہ کر دوبارہ چہرہ موڑ لیا…وہ اب اہنا پورا دھیان ڈرائیونگ پر مرکوز کر چکا تھا… “ہاں نا… ہے… بالکل ہے… ” ابیہا نے مزے سے کہتے ہوۓ کتابیں اور بیگ اٹھایا… وہ لوگ یونیورسٹی کی پارکنگ کی طرف بڑھ رہے تھے… “اچھا وہ کیا…؟؟” راجا نے بھی دلچسپی ظاہر کی… ابیہا نے نچلا لب دبا کر اسے دیکھا… آنکھوں میں ہلکی سی شرارت رقصاں تھی…گاڑی رک چکی تھی… اس نے گاڑی کے دروازے پر ہاتھ رکھا… راجا کی طرف مڑی… اس کی آنکھوں میں آنکھیں ڈالیں… “یہی کہ وہ ابیہا مراد کا فیانس ہے… یہی بات کافی ہے تمہارے جیلس ہونے کے لیے… ” پر اعتماد لہجے میں کہہ کر ایک نظر اس کے سنجیدہ چہرے پر ڈالی اور گاڑی دے نکل گئ… جبکہ راجا اس کی بات پر بہت دیر تک ہل بھی نہ سکا…

دن کے گیارہ بجے کا وقت تھا… سردیوں کے باعث تمام بچوں کو جیل سے نکال کر اس کھلے سے میدان میں لایا گیا تھا…جہاں جسم کو سکون دیتی دھوپ کی تمازت تھی… اس وقت بچوں کی کبڈی کروائ جا رہی تھی… جہاں سب بچے دائرے کی صورت کھڑے تھے… راجا ان سب سے بے نیاز دھوپ میں ایک جانب بیٹھا ہاتھ میں پکڑی کاپی پر کچھ لکھنے میں مصروف تھا… تبھی دورے کے لیے آۓ سب ڈی آئ جی کا وہاں سے گزر ہوا… سرسری سی نگاہ ان سب پر ڈالتے وہ آگے بڑھ رہے تھے جب ان کی نظر راجا پر پڑی… نہ جانے کیوں ان کے قدم رک سے گۓ اس الگ تھلگ سے بیٹھے ہوۓ بچے کو دیکھ کر… چند لمحے کچھ سوچنے کے بعد وہ کچھ فاصلے پر مستعد سے بیٹھے حوالدار کی طرف بڑھے… “یہ بچہ کون ہے جو ان سب سے الگ بیٹھا کچھ لکھنے میں مصروف ہے…؟؟” ان کی نظریں ابھی بھی راجا پر ہی تھیں… وہ خود بھی سمجھنے سے قاصر تھے کہ کس بات نے انہیں راجا کی طرف متوجہ ہونے پر مجبور کیا… حوالدار نے ایک نظر ان پر ڈال کر ان کی نظروں کے تعاقب میں راجا کو دیکھا… “وہ…؟؟ ابتہاج نام ہے اس کا صاحب…چند دن پہلے ہی آیا ہے یہاں… ” حوالدار ان کے احترام میں کھڑا ہو چکا تھا… “ہممم…. کس جرم میں لایا گیا ہے اسے یہاں…؟؟” آنکھیں سیکڑ کر بغور اس کا جائزہ لیا تھا… “دو لوگوں کے قتل کا الزام ہے اس پر صاحب… ” حوالدار نے سر جھکاتے ہوۓ انہیں بتایا… “قتل…؟؟ دو بندوں کا…؟؟” ڈی آئ جی نے اچھنبے سے حوالدار کو دیکھا… پھر راجا کو… راجا وہاں موجود سب لڑکوں سے چھوٹی عمر کا تھا… اور باقی سب چوری, ڈکیتی وغیرہ کے جرم میں ہی جیل میں موجود تھے… “اتنی چھوٹی عمر میں یہ بچہ قتل کیسے کر سکتا ہے…؟؟ چہرے سے کیسی معصومیت ٹپک رہی اس کے… اتنا خطرناک ہے یہ… ؟؟” ان کے لہجے میں حیرت تھی… “نہیں صاحب… اس نے قتل نہیں کیا… بس قسمت کا مارا ہے جو یہاں پڑا ہے…” حوالدار کا لہجہ افسردہ ہوا… “تم کیسے کہہ سکتے ہو یہ…؟؟” ڈی آئ جی نے بغور حوالدار کے چہرے کو دیکھا… “صاحب… پرسوں اس نے مجھے اپنے بارے میں سب بتایا ہے… وہ قاتل نہیں ہے صاحب…. بس پتا نہیں کیسے اس سب میں پھنس گیا… اس کے لہجے اور انداز سے ہی ظاہر ہوتا ہے کہ وہ سچ کہہ رہا ہے… ” حوالدار کا لہجہ دھیمہ ہوا… “ہممم… لگتا ہے پڑھنے لکھنے کا کافی شوق ہے اسے… ” ڈی آئ جی کی نظریں دوبارہ راجا پر ٹکیں… جو اب کاپی اپنے چہرے کے سامنے کیے غور سے کچھ دیکھ رہا تھا… “جی صاحب…. بہت اچھا بچہ ہے… اور بہت ذہین بھی… رات کو بھی اکثر مشعل کی روشنی میں کتابیں لیے بیٹھا رہتا ہے… اور آپ کو پتا ہے… وہ تصویریں بھی بہت اچھی بناتا ہے… ” حوالدار نے پرجوش ہوتے ہوۓ انہیں بتایا… ڈی آئ جی نے ہنکارا بھرنے پر اکتفا کیا جبکہ ان کی پرسوچ نگاہیں راجا پر ہی جمی تھیں جو فاتحانہ اور عقیدت مند نگاہوں سے سامنے کھلے صفحے کی طرف دیکھ رہا تھا جس پر اس نے اپنے ذہن کی اسکرین پر موجود مسکراتے ہوۓ چہرے کا اسکیچ بنایا تھا… ایک معصوم سی بچی کا اسکیچ… اینجل کا اسکیچ….

“ارے…تم آج پھر یہاں موجود ہو…؟؟” ابیہا پہلے سے جانتی تھی کہ وہ پورچ میں ہی موجود ہو گا… لیکن پھر بھی حیران ہونے کی ایکٹنگ کی… “کہاں جا رہی ہیں آپ..؟؟” راجا نے اس کی خصوصی تیاری پر نظر ڈالی… ابیہا نے ایک نگاہ اپنے سراپے پر ڈالی…. لبوں پر خوبصورت مسکراہٹ بکھری… “بتایا تو تھا تمہیں صبح…فراز نے بلایا ہے…اسی سے ملنے جا رہی ہوں… ” فراز کے نام پر اس کے چہرے پر ابھرتی مسکراہٹ نے راجا کا دل جلا کر راکھ کیا تھا… “میں نے کہا تھا نا آپ سے کہ آپ نہیں جائیں گی… ” راجا کی نگاہوں میں خفگی اور شکایت واضح دکھائ دی تھی ابیہا کو… “لیکن میں تو جاؤں گی… ” ابیہا نے بے نیازی سے کندھے اچکاۓ… راجا خاموش سا ہو گیا… “کی دے رہے ہو یا میں دوسری گاڑی میں جاؤں… ؟؟” ابیہا نے اپنی گلابی ہتھیلی اس کے سامنے پھیلائ… راجا نے ایک نظر اس کی ہتھیلی کی جانب دیکھا… پھر اس کے چہرے کو… جو ایکسائٹمنٹ کے باعث سرخ ہو رہا تھا… آنکھوں میں انوکھی سی چمک تھی… “ٹھیک ہے… بیٹھیں گاڑی میں…میں بھی آپ کے ساتھ چلوں گا… ” راجا نے کچھ سوچ کر حتمی انداز میں کہا… “لیکن تم وہاں کیا کرو گے…؟؟” ابیہا نے آنکھیں پھیلائیں… ” وہی…جو اس دن کیا تھا… ” راجا گاڑی کا دروازہ کھول چکا تھا… “اچھا مطلب تم ہماری آج کی شام بھی خراب کرو گے…؟؟” ابیہا کو تپ چڑھی… “یہی سمجھ لیں… ” راجا گاڑی میں بیٹھ کر گاڑی اسٹارٹ کر چکا تھا… ابیہا بظاہر پیر پٹختی لیکن دل ہی دل میں مسرور سی گاڑی میں آ بیٹھی…

گاڑی گھر سے نکلتے ہی اس نے فون پکڑا… “میں فراز کو میسیج کر کے یہ تو بتا دوں کہ تم آج بھی ساتھ آ رہے ہو… تاکہ وہ بھی آج پوری تیاری کے ساتھ آۓ… آج تم میرے سامنے اس کہ بے عزتی ہرگز نہیں کر سکتے… ” اس نے سیل اپنے سامنے کیا… راجا نے کڑی نگاہ اس پر ڈالی اور لب بھینچ کر ڈرائیونگ کی طرف متوجہ ہو گیا جبکہ ابیہا نے میسیجز کھولنے کی بجاۓ کیمرہ آن کیا… اور نچلا لب دانتوں تلے دباتے ہوۓ چپکے سے راجا کے بے تاثر چہرے کی چار تصویریں اپنے سیل میں مقید کر لیں…

“آپ تو غالباً آج جینز شرٹ پہن کر آنے والی تھیں اپنء اس “ہونے والے شوہر” کو متاثر کرنے کے لیے….. ” راجا نے ہونے والے شوہر پر زور دیتے ہوۓ اسے اس کی صبح کی بات یاد کروائ اور اس کی وائٹ فراک اور چوڑی دار پاجامے کے ساتھ ہم رنگ دوپٹے کی طرف اشارہ کیا… ابیہا کا اندازہ درست ثابت ہوا تھا… یقیناً راجا کے دل میں بھی اس کے لیے کچھ جذبات تھے تبھی تو وہ نہ صرف جیلس ہو رہا تھا بلکہ اس کی ڈریسنگ پر بھی دھیان دے رہا تھا… “آ… ہاں… ارادہ تو تھا…لیکن پھر موڈ نہیں بنا تو نہیں پہن کر آئ جینز شرٹ… ” وہ ایک پل کو اٹک گئ تھی لیکن پھر اعتماد کے ساتھ اپنی بات مکمل کر گئ… راجا پھر خاموش ہو چکا تھا…

وہ دونوں ساحل سمندر پہنچے تو فراز آفندی وہاں ابھی تک نہیں آیا تھا… ٹھنڈی ٹھنڈی ہوا میں گیلی ریت پر چہل قدمی کرنا ابیہا کو ہمیشہ سے نے حد پسند تھا… وہ دونوں اس وقت گاڑی سے ٹیک لگاۓ کھڑے تھے… ابیہا دور بھگتے دوڑتے بچوں کو دیکھ رہی تھی… ساتھ ہی بار بار اڑتے بالوں کو سمیٹ کر کانوں کے پیچھے اڑستی…

“آیا نہیں ابھی تک آپ کا فراز آفندی… ” راجا نے تیسری بار اس سے پوچھا تھا… لہجہ چبھتا ہوا سا تھا… “آ جاۓ گا… اتنی جلدی بھی کیا ہے… ” ابیہا نے بھی اپنا پہلا جواب ہی دہرایا… اسے اچھا لگ رہا تھا یوں راجا کے ساتھ ساحل سمندر کی اس ٹھنڈی ٹھنڈی ہوا کو محسوس کرنا… کوئ اس سے پوچھتا کہ یہ لمحے اس کے لیے کتنے دلکش اور حسین تھے… “ہنہہ… لگتا ہے میرے آنے کی خبر سن کر ڈر گیا ہے وہ… تبھی آیا نہیں…. اور شاید آۓ گا بھی نہیں… ” راجا کا لہجہ استہزائیہ ہوا… اس کی نظریں سامنے غروب ہوتے سورج پر جمی تھیں… ابیہا نے بغور اس کا چہرہ دیکھا… “مجھے فراز نے نہیں بلایا یہاں… میں خود یہاں آئ ہوں… تم سے جھوٹ بولا کیونکہ میں جانتی تھی اس کا سن کر تم ضرور ساتھ آؤ گے… ” ابیہا نے بھی رخ موڑ کر غروب ہوتے سورج کو دیکھا… اس کی دھیمی آواز سن کر راجا چند لمحے خاموش رہا… “اور یہ جھوٹ بولنے کی وجہ…؟؟” اس کا لہجہ خلاف توقع نرم تھا… ابیہا نے ایک بار پھر اسے دیکھا… راجا بھی اسے ہی تک رہا تھا… “کچھ نہیں… بس یونہی… تمہارے ساتھ کچھ لمحے گزارنا چاہ رہی تھی یہاں… ” اس کا لہجہ ایسا ہوا جیسے کوئ جرم سرزد ہو گیا ہو اس سے… اپنی بات کہہ کر وہ سر جھکا گئ تھی…کہ نہ جانے راجا کا کیا ردِعمل ہو… “بس یہیں…؟؟ ننگے پاؤں گیلی ریت ہر نہیں چلو گی میرے ساتھ…؟؟” راجا نے اس کے جھکے سر کو دیکھا… ابیہا نے اس کے نرم لہجے میں کی گئ بات پر ایک جھٹکے سے سر اٹھایا… راجا کے چہرے پر مسکراہٹ تھی…نرم مسکراہٹ… ابیہا کی بے یقین نظریں اس کے چہرے سے ہوتی ہوئ اس کے ہاتھ پر آن ٹکیں… وہ ہاتھ جس کی ہتھیلی راجا نے اس کے سامنے پھیلا رکھی… ابیہا کی آنکھوں میں بے ساختہ پانی جمع ہونے لگا… خوشی سے… اسے لگا جیسے وہ کوئ خواب دیکھ رہی ہے… کوئ حسین خواب…نیند سے جاگے گی تو خواب ٹوٹ جاۓ گا… لیکن وہ اس خواب کی تکمیل کے لیے ساری عمر سونے کو تیار تھی… کسی ٹرانس کی سی کیفیت میں اس نے اپنا نرم و نازک ہاتھ راجا کی مضبوط ہتھیلی پر رکھا… راجا نے کسی قیمتی متاع کی طرح اس کے ہاتھ کو تھاما تھا… محبت بہت چپکے سے ان دونوں کے درمیان آن وارد ہوئ تھی… جس نے ان دونوں کی آنکھوں کو روشن کر دیا تھا…ان کے چہرے جگمگانے لگے تھے… آج پہلی بار راجا نے اپنے دل کی سنی تھی..

اور ابیہا کے ان خوبصورت جذبات کو پذیرائ بخشی تھی… اور ابیہا… وہ تو گویا ہواؤں میں اڑ رہی تھی… خوشی اتنی تھی کہ سنبھالی نہ جا رہی تھی… وہ دونوں اپنے پیروں کے جوتوں سے آزاد کرتے اب دور جا رہے تھے…لہروں کے سنگ… ہواؤں کے رخ… دونوں کے چہروں پر دلکش مسکراہٹ تھی… اور ان دونوں کے درمیان چھائ اس معنی خیز خاموشی نے چپکے سے ان کے کانوں میں وہ رس انڈیل دیا جو پہلے صرف ان کے دلوں میں کسی راز کی طرح محفوظ تھا…

_______

“اف انکل…کیسی پینڈو سی لڑکی ڈھونڈی ہے آپ نے میرے لیے… ڈو یو نو…؟؟ شی از سو بورنگ…. ” فراز آفندی پاکستان میں اسد شیرازی کے عنایت کیے گۓ خوبصورت محل نما گھر میں صوفے پر نیم دراز ابیہا پر تبصرہ کر رہا تھا… مرزا جمال آفندی جو کچھ فاصلے پر لیب ٹاپ پر نظریں جماۓ کچھ کام کر رہے تھے انہوں نے ایک سرسری سی نگاہ فراز آفندی پر ڈالی… “کیوں کیا ہوا… ؟؟ جہاں تک مجھے معلوم ہے وہ لڑکی خاصی شوخ و چنچل سی ہے… تمہارے مزاج کے عین مطابق… ” مرزا جمال آفندی دوبارہ کام میں مصروف ہو چکے تھے… “شوخ و چنچل…؟؟ مذاق کا موڈ نہیں ہے میرا… ” وہ بیزاریت سے گویا ہوا… “ہوا کیا ہے آخر… میں اس سے پہلے بھی دو تین بار مل چکا ہوں… اور مجھے تو اچھی خاصی لگی تھی وہ…” اس بار مرزا جمال کے لہجے میں ہلکی سی حیرت کا عنصر تھا… “ہنہہ…اچھی خاصی… دس گز کا تو دوپٹا ہی ہوتا ہے اس کا… جسے اپنے گرد لپیٹے رکھتی ہے…اور ڈریسنگ… شلوار قمیض… بھلا خدا نے اتنا حسن دیا ہے تو وہ حسن دوسروں کو دیکھنے کا موقع بھی تو دے… کیا فائدہ یوں چھپا چھپا کر رکھنے کا… اور کرنے کو کوئ بات تک نہیں ہوتی اس کے پاس… اینڈ یو نو واٹ انکل… کچھ دن قبل میں نے اسے ڈنر پر بلایا…اور اسے ذرا سا چھو کیا لیا وہ ایسے بدک کر پیچھے ہٹی جیسے کرنٹ نے چھوا ہو اسے… ڈسگسٹنگ… ” وہ کڑواہٹ بھرے لہجے میں بولتا منہ کے زاویے بھی بگاڑ رہا تھا… “حیرت ہے… کچھ عرصہ قبل میں اس سے ملا تھا تب تو ماڈرن ڈریسز پہنتی تھی… اب شلوار قمیض پہننے کا بھوت سوار ہو گیا ہو گا اس پر… فکر مت کرو… انسان کی عادات نہیں بدلتیں… چند دن بعد جب یہ جنون سر سے اتر جاۓ گا تو پہن لے گی ماڈرن ڈریسز بھی… “مرزا جمال آفندی کے انداز میں لاپرواہی کی جھلک تھی… فراز آفندی کے منہ کے زاویے مزید بگڑے… “میں یہ سوچ کر خوش ہو رہا تھا کہ جتنے دن یہاں ہیں اس کے ساتھ وقت گزاروں گا… اس کے حسن کے بہتے دریا میں ہاتھ دھونے کا موقع مل جاۓ گا… لیکن پہلی ہی ملاقات میں شدید مایوس کیا ہے اس نے مجھے…