Thaam Lo Daman By Hina Asad Readelle50349 (Thaam Lo Daman) Episode 19

اس کے خود کی طرف بڑھتے ہوئے قدم دیکھ کر وہ سراسیماں نظروں سے اسے دیکھنے لگی۔۔۔۔۔۔
اپنے خشک ہوتے لبوں پر زبان پھیری۔۔۔قوت ِ گویائی جیسے سلب ہوئی۔۔۔۔۔
بذل کی پراسرار خاموشی اور نا قابل فہم حرکات و سکنات دیکھ اسے اپنا دماغ سرسراتا ہوا محسوس ہوا۔۔۔۔۔
وہ بالکل اس کے قریب پہنچ تھا بس چند قدموں کی دوری تھی۔۔۔۔
بدرا کو اپنا سانس گلے میں اٹکتا ہوا محسوس ہو رہا تھا۔۔۔۔۔۔
بذل بھائی۔۔۔۔اسے خود کی ہی آواز اجنبی لگی۔۔۔۔۔
“ہمیشہ تمہیں دور سے دیکھ کر ترستا رہا۔۔۔۔
اور کل رات تو اتنے قریب سے دیکھ کر رہے سہے حواس بھی گنوا بیٹھا۔۔۔۔۔
“اور آج تو وللہ کیا غضب ڈھایا۔۔۔۔۔۔
اس نے بدرا کی نازک کلائی کو اپنی قید میں لیا۔۔۔۔۔
“یہ ۔۔یہہ۔۔۔۔کیا کر رہے ہیں آپ ؟؟؟
اس کے تو جیسے کاٹو تو بدن میں لہو نہیں والا حساب ہوا۔۔۔۔
“دیکھیں مجھے جانے دیں”
“اتنی جلدی بھی کیا ہے ؟پہلے مجھے وہ تو لینے دو جس کے لیے میں کب سے تڑپ رہا ہوں۔۔۔۔اس نے بدرا کا ریشمی آنچل اپنے ہاتھ پر لیٹتے ہوئے خمار ذدہ آواز میں کہا۔
بدرا کو اپنا جسم کوئلوں کی مانند جلتا ہوا محسوس ہوا۔۔۔
بذل نے اس کی پشت سے ہاتھ لے جاتے ہوئے دروازے کو نیچے سے بھی لاک کیا۔
“یہ۔۔۔یہ۔۔۔کیا کر رہے ہیں ؟؟؟؟
“وہی جو تمہارے اس چھپے ہوئے پاکیزہ حسن نے مجھے کرنے پر مجبور کیا ہے “
اس کی وحشی نظریں اسے اپنے جسم کے آر پار ہوتی ہوئی محسوس ہوئیں۔۔۔
“آ۔۔۔۔آپ مجھے غلط سمجھ رہے ہیں میں ویسی لڑکی نہیں خدارا !!!!!! مجھ پر ترس کھائیں”
“مجھے جانے دیں،وہ اس کے سامنے اپنے کانپتے ہوئے ہاتھ جوڑ کر لڑکھڑاتی ہوئی آواز میں بولی۔۔۔۔اس کا مرمریں وجود خوف کے باعث لمحوں میں پسینے میں نہا گیا۔۔۔۔
“خدا کے لیےمجھے بخش دیں۔”
اپنی جانب اس کے بڑھتے ہوئے قدم دیکھ وہ اپنے قدم پیچھے لیتی ہوئی دہشت سے چیخی۔۔۔۔۔
“بس اب آواز نا آئے انکار سے سخت عداوت ہے مجھے”وہ اس کے جبڑوں کو اپنی مٹھی میں بھینچ کر غرایا۔۔۔۔اس وقت اس کے لہجے میں اژدھوں کی سی پھنکار تھی۔۔۔
وہ شدید مزاحمت کیے اس کی آہنی گرفت سے خود کو چھڑوانے کے لیے مچل رہی تھی۔۔۔
“,ترس تو تم مجھ پر کھاؤ یار۔۔۔۔کب سے پیاسا ہوں “اب کنویں کے پاس آکر پانی پیئے بنا کیسے لوٹ جاؤں “؟
“آپ نہایت ہی گھٹیا انسان ہیں “تنہائی میں اس وقت اس کے اتنے پاس ہونے پر بدرا کو سخت وحشت محسوس ہوئی۔۔۔
“پہلے ہی بہت وقت ضائع کر چکی ہو اب مزید نہیں”اس نے بدرا کو بازو سے پکڑ کر جھٹکا دیا اور بستر پر گرایا۔۔۔۔۔
وہ نازک وجود حیرت کے مارے جھٹکوں کی زد میں تھا۔۔۔۔
“بذل بھائی آپ ہوش میں نہیں ۔۔۔۔ہلیز مجھے جانے دیں۔۔۔۔
وہ اس کو اپنے پر جھکتا دیکھ گڑگڑائی۔۔۔۔۔
“تم جیسی قاتل حسینہ کو دیکھ کر کون کافر ہوش میں رہنا چاہتا ہے۔۔۔۔۔
اس وقت وہ سب رشتے ناطے بھلائے ہوئے بس یہ جانتا تھا کہ سامنے اس کی چاہت ہے۔۔۔۔
بدرا نے اس کے خوبرو چہرے کو دیکھا جس پر اس وقت شیطان نے قبضہ جما رکھا تھا۔۔۔۔
اپنی سنگین غلطی کا احساس ہوا کیوں اس نے رات کے اس پہر اٹھ کر دروازہ کھولا۔۔۔۔
وہ خود کے لیے پر ماتم کرنے لگی۔۔۔۔مگر ابھی اس سب کا وقت نہیں تھا ۔۔۔وہ پل بھر میں ہی ہوش کی منازل طے کرتے ہوئے واپس حواسوں میں لوٹی۔۔۔۔
“وہ کیسے بچائے خود کو۔۔۔۔
آنکھوں سے بھر بھر بہتے آنسووں سے اس شیطان صفت کا چہرہ دھندھلا گیا۔۔۔۔
مت بہاؤ ان آنسوؤں کو ۔۔۔۔میں تمہاری ان آنکھوں میں آنسو نہیں دیکھ سکتا۔۔۔۔ان میں صرف اپنا عکس دیکھنا چاہتا ہوں ۔۔۔۔
بذل شاید آج سب کچھ بھلائے واقعی اپنے ہوش گنوا بیٹھا تھا شیطان اس پر حاوی ہو چکا تھا ۔۔۔۔اگر وہ ہوش میں ہوتا تو یہ سب کبھی نہ کرتا۔۔۔۔۔
اس نے بدرا کی دونوں کلائیوں کو جکڑا۔۔۔۔۔
اسے لگا جیسے کسی دہکتے ہوئے انگارے نے چھو لیا ۔۔۔۔۔
“خدا کے واسطے مجھے جانے دیں”وہ منت بھرے انداز میں اس کی مضبوط گرفت میں مچلتی ہوئی بولی۔۔۔۔
نجانے اس میں اتنی قوت کہاں سے آئی ۔۔۔۔
وہ اسے خود سے پیچھے دھکیلتے ہوئے کھڑی ہوئی۔۔۔۔
اور دروازے کی طرف بھاگی۔۔۔۔
اس سے پہلے کہ وہ دروازہ کھول پاتی بذل نے اس کی کمر میں ہاتھ ڈال کر اسے اپنی طرف کھینچا۔۔۔۔
رِدا اس کے تن سے جدا ہو کر اسی کھینچا تانی میں زمین بوس ہوئی۔۔۔۔
“چھوڑ دو مجھے ذلیل انسان ۔۔۔۔۔۔اس بار وہ سب ادب و لحاظ بھلائے اس کی گھٹیا حرکت پر تلملا کر چیخی۔۔۔۔۔
مجھے اندازہ بھی نہیں تھا آپ اس طرح کی گھٹیا حرکت بھی کر سکتے ہیں ۔۔۔۔
وہ اس کی گردن سے بال ہٹا رہا تھا۔۔۔۔
بدرا کو اپنے جسم سے جان نکلتی ہوئی محسوس ہوئی۔۔۔۔ایسا لگ رہا تھا روح کسی بھی وقت اس جسم سے نکل کر پرواز کر جائے گی ۔۔۔۔
“بدرا کا مطلب مکمل چاند…….اور چاند پر داغ۔۔۔۔۔
آج دیکھ بھی لیا۔۔۔۔۔وہ اس کی گردن پر موجود چاند گرھن کے نشان کو دیکھ کر مخمور لہجے میں بولا۔۔۔۔
بدرا نے ادھر ادھر نظریں دوڑائیں خود کے بچاؤ کے لیے کوئی چیز ڈھونڈھنے کے لیے۔۔۔۔
پاس پڑا گلدان نظر آیا۔۔۔۔
وہ اس کی گردن پر جھک رہا تھا ۔۔۔بدرا نے اس کی نرمی کا فایدہ اٹھا کر پھرتی سے گلدان اچک لیا۔۔۔۔۔
اور اس کے شانے پر زور سے مارا۔۔۔۔
وہ اپنے شانے پر ہاتھ رکھ کر پیچھے ہوا۔۔۔۔
“ہا ہا ہا۔۔۔۔۔اس کا جاندار قہقہہ گونجا۔۔۔۔
Impressive attempt……
وہ طنزیہ ہنسی ہنس کر اس کی آنکھوں میں دیکھتے ہوئے بولا۔۔۔۔۔
“مگر کوئی فائدہ نہیں ۔۔۔۔۔چپ چاپ میری بات مان جاؤ ۔۔۔۔۔
I swear ……
کسی سے بھی کچھ نہیں کہوں گا۔۔۔۔۔
“دیکھیں میں آخری بار کہہ رہی ہوں جائیں یہاں سے۔۔۔۔۔جائیں یہاں سے۔۔۔۔۔۔۔۔۔۔۔۔۔اس نے فلک شگاف چیخ ماری۔۔۔۔۔
“داد دیتا ہوں تمہاری ہمت کو جو اس حالت میں بھی مجھے دھمکیاں دے رہی ہے۔۔۔ وہ حذ اڑانے والے انداز میں بولا۔۔۔۔
“تم جیسی بے نام و نشاں یتیم لڑکیاں جن کی کوئی عزت نہ ہوں ایسے دھمکیاں دیتے اور غرور کرتے کچھ جچتی نہیں۔۔۔۔وہ اپنی بئیرڈ پر ہاتھ پھیر کر خباثت سے بولا۔۔۔۔
بدرا اس کی بات پر پھٹی ہوئی نگاہوں سے اسے دیکھنے لگی۔۔۔۔۔
“جسے اس کے پیدا کرنے والوں نے کوئی عزت نہ دی اسے پھینک گئے۔۔۔۔وہ دوسروں سے عزت ملنے کی توقع رکھے۔۔۔۔۔چچچچچچچہ۔۔۔
یہ بات کچھ ہضم نہیں ہوئی۔۔۔۔۔
ایسا سوچنا بھی مت۔۔۔۔۔”
“تم جیسی طوائف زادیاں صرف مردوں کو رجھانے کے کام ہی آتی ہیں۔۔۔۔
تو جو کام ہے تمہارا ۔۔۔۔وہی کرو۔۔۔۔
کرو مجھے خوش۔۔۔۔۔
وہ یک ٹک کھڑی تھی ۔۔۔اس کی باتوں کے نشتر اور کے دل اور روح کو بری طرح گھائل کر چکے تھے۔۔۔۔۔
آج اسے اپنی اصل اوقات کا پتہ چلا۔۔۔۔۔
وہ بے یقینی کے سفر میں تھی۔۔۔۔۔
“پہلا تجربہ ۔۔۔۔وہ بھی اتنے ہینڈسم نوجوان سے ۔۔۔۔۔خود کو خوش قسمت سمجھو۔۔۔۔۔”
آج اس نے کمینے پن کی ہر حد پار کر دی۔۔۔۔۔
“میں تھوکتی ہوں تمہارے منہ پر ۔۔۔۔”وہ غرائی۔۔۔۔۔۔
بدرا نے بذل کے منہ پر تھوکا۔۔۔۔۔
You bitch ……
بذل نے کہتے ہوئے اس کے منہ پر اپنے جاندار ہاتھ کا تھپڑ مارا۔۔۔۔۔
وہ نازک وجود دور جا گرا۔۔۔۔۔
لرزتا وجود ۔۔۔۔آنسووں سے تر آنکھیں ۔۔۔۔اپنے سرخ دہکتے ہوئے گال پر ہاتھ رکھے۔۔۔۔نچلے ہونٹ سے خون کی ہلکی سی لکیر نمایاں تھی۔۔۔۔
“خدا کرے میں مر جاؤں ۔۔۔۔ایسی ذلت بھری زندگی سے توموت بہتر ہے ۔۔۔۔
وہ چہرہ نیچے کیے ہچکیوں سے رونے لگی۔۔۔۔
اپنا ہی ہاتھ کان میں موجود جھمکے کو چھو گیا ۔۔۔
“دراک “………اس کے منہ سے سسکی کی طرح نکلا۔۔۔۔۔۔
وہ فرش پر کھسکتی ہوئی بستر کے پاس پہنچی۔۔۔۔اوراس کی نگاہوں سے بچ کر تکیے کے نیچے سے فون نکالا۔۔۔۔
مگر یہ منظر بذل کی زیرک نگاہوں سے مخفی نا رہ سکا۔۔۔۔۔
“مجھ سے ہوشیاری !!!!!
اس نے بدرا کے ہاتھ سے موبائل چھین کر دیوار پر دے مارا۔۔۔۔۔
جو ایک ہی جھٹکے میں ٹوٹ گیا۔۔۔۔۔۔
“مرو کی تو تم ضرور مگر میرے طریقے سے ۔۔۔۔تم نے ۔۔۔۔۔مجھ پر ۔۔۔۔یعنی بذل پر تھوکا۔۔۔۔۔
وہ اس بال اپنی مٹھی میں جکڑ کر بولا۔۔۔۔
اور زور سے اسے کھینچا۔۔۔۔۔
وہ پوری کی پوری ہل کر رہ گئی۔۔۔۔۔
اس وقت اس کے سر پر جنون سوار تھا۔۔۔۔۔
بذل کے دوسرے نا قابل برداشت زور دار تھپڑ نے اس کے رہے سہے حواس بھی چھین لیے۔۔۔۔
اور وہ وہیں ڈھ گئی۔۔۔۔۔
“اب دیکھنا تجھے ایسی جگہ پہنچاؤں گا جہاں روز لوگ تجھے استعمال کر کے تیری اصل اوقات یاد دلائیں گے اور تھوکیں گے تجھ پہ۔۔۔۔۔۔
“تم تو میرے استعمال کے قابل بھی نہیں۔۔۔۔
“یہ ہے تیری اصل اوقات۔۔۔۔۔اس نے ایک زور دار ٹھوکر اس کے گھٹنے پر ماری۔۔۔۔۔
وہ شدید درد سے بلبلا اٹھی۔۔۔۔۔
آنکھوں کے سامنے اندھیرا چھانے لگا۔۔۔۔۔
یاد تھا تو بس یہ کہ اماں بی بھی اسے چھوڑ کر اکیلا کر گئی۔۔۔۔
اب وہ دنیا کی ٹھوکروں کی زد میں آ چکی ہے۔۔۔۔۔
🌷🌷🌷🌷🌷🌷🌷🌷
تقریباً صبح فجر کے وقت طمر کو ہوش آیا ۔۔۔
“اب کیسا محسوس کر رہی ہو ؟؟؟
وامق جو طمر کے پاس موجود تھا ،اس کا ہاتھ نرمی سے اپنے ہاتھ میں لیے پوچھ رہا تھا۔
“ٹھیک ہوں “
وامق مجھے آپ کو کچھ بتانا ہے ۔۔۔۔
وہ آہستگی سے بولی۔۔۔
“طمر ابھی تمہیں آرام کی ضرورت ہے۔۔۔۔
زیادہ بول کر تھک جاؤ گی۔۔۔تھوڑا آرام کرو۔۔۔۔
وامق نے اسے نصیحت کی۔۔۔۔
“وامق مجھے بتا لینے دیجیے ۔۔۔۔ وہ منت بھرے انداز میں بولی۔۔۔۔
وامق اسے سننے لگا۔۔۔۔۔
“آپ کو پتہ ہے آج میں نے کس کو دیکھا۔۔۔۔
یہ بات کرتے ہوئے طمر کے چہرے پر وامق کو رونق واضح نظر آئی ۔۔۔
“مجھے میری کھوئی ہوئی بیٹی مل گئی ۔۔۔وامق ۔۔۔میں بہت خوش ہوں آج۔۔۔وہ مسرور لہجے میں بولی۔۔۔۔
“سچ۔۔۔۔کہاں ہے وہ ؟؟؟
کون ہے ؟؟؟
کب ملی؟؟؟؟
وامق نے بھی اس سے دوگنی خوشی محسوس کرتے ہوئے ایک دم سوالوں کی بوچھاڑ کر دی۔۔۔۔۔
“بدرا “
“وامق وہ بدرا ہے ۔۔۔۔میری بیٹی۔۔۔۔اس کے جسم پر ہو بہو وہی نشان ہے جو میری گڑیا کا تھا۔۔۔۔
وہ۔۔۔وہی میری بیٹی ہے۔۔۔۔
وامق مجھے اس کے پاس لے چلو۔۔۔۔۔
ابھی کے ابھی ۔۔۔۔۔میں ۔۔۔میں اسے گلے سے لگا کر پیار کرنا چاہتی ہوں اپنے جسم کے ٹکرے کو محسوس کرنا چاہتی ہوں ۔۔۔۔
پلیز وامق مجھے وہاں لے چلو ۔۔جانے کیوں میرا دل بہت گھبرا رہا ہے۔۔۔۔وہ اپنی جگہ سے اٹھ کر بولی۔۔۔۔
“طمر ہم چلیں گے ضرور چلیں گے مگر ابھی تمہاری طبیعت ٹھیک نہیں۔۔۔۔۔۔تم پہلے ٹھیک ہو جاؤ ۔۔۔
وہ طمر کے خیال سے بولا۔
“میں ٹھیک ہوں۔۔۔۔اور اسے دیکھ لیا تو اور بھی ٹھیک ہو جاؤں گی ۔۔۔
“اچھا ٹھیک ہے میں ڈاکٹر سے اجازت لے کر آتا ہوں ۔۔۔۔۔
تقی تم اپنی مام کو سہارا دے کر گاڑی تک لے جاؤ ۔۔۔
اور مضربان تم پارکنگ سے گاڑی باہر نکالو میں بھی تمہارے پیچھے بس ابھی آیا ۔۔۔۔۔
وہ دونوں صرف اتنا جانتے تھے کہ ان کی ایک بہن بچپن میں گم ہوئی تھی۔۔۔۔۔
اور اب اپنی مام کے منہ سے سن کر کہ وہ کھوئی ہوئی بہن بدرا ہے وہ دونوں خوش ہوئے۔۔۔۔۔
یقیناً وہ ایک اچھی بہن کی خصوصیات سے لبریز تھی۔۔۔۔
🌷🌷🌷🌷🌷🌷
وہ سب گھر کے دروازے کے باہر ہی پہنچے تھے ۔۔۔۔تو گھر کا مین گیٹ کھلا ہوا دیکھ پریشان ہوئے۔۔۔۔۔
سوسائٹی کے لوگ اندر آ جا رہے تھے۔۔۔۔
باہر لان میں دریاں بچھائی گئیں تھیں۔۔۔۔۔
جہاں کچھ مرد حضرات بیٹھے تھے۔۔۔۔
وہ پریشان نظروں سے ایک دوسرے کو دیکھنے لگے۔۔۔۔۔
پھر اندر کی طرف قدم بڑھائے۔۔۔۔۔
لاؤنج خالی کر کہ وہاں بھی دریاں بچھائی گئیں تھیں۔۔۔۔
اور عورتوں کا ہجوم تھا وہاں ۔۔۔۔
درمیان میں کسی کی سفید کفن میں میت رکھی گئی تھی۔۔۔۔
ایک عورت اور لڑکی۔۔۔۔۔گریہ و زاری کر رہی تھیں۔۔۔۔
انہوں نے غور سے دیکھا وہ لڑکی علینا تھی۔۔۔
وہ سب معاملے کو سمجھنے کے لیے وہیں رکے۔۔۔۔۔
علینا کی نظر جب اچانک ان پر پڑی تو وہ روتی ہوئی ہی اپنی جگہ سے اٹھی۔۔۔۔بھاگ کر طمر کے پاس آئی ۔۔۔۔
“آنٹی میری اماں بی “۔۔۔۔۔
وہ میت کی طرف اشارہ کرکہ رندھے ہوئے لہجے میں بولی۔۔۔۔
طمر نے اسے اپنے ساتھ لگایا۔۔۔۔اور اس کے آنسو پونچھے۔۔۔۔۔
“بس اللّٰہ تعالیٰ کا یہی حکم تھا ۔۔۔۔صبر سے کام لو۔۔۔۔۔وہ تسلی آمیز انداز میں بولی۔۔۔۔۔
“تم لوگ پھر سے آگئے۔۔۔۔۔
پچھلی بار تو یونہی جانے دیا تھا ۔۔۔۔۔
اس بار زلیل ہو کہ جاؤ گے یہاں سے ۔۔۔۔”
نہال شاہ جو سفید کپڑے پہنے ہوئے اماں بی کی تدفین کے لیے سیڑھیوں سے نیچے اتر رہا تھا۔۔۔۔۔
گردیزی فیملی کو سامنے دیکھ اشتعال انگیز لہجے میں گویا ہوا۔۔۔۔
نہال شاہ کی دھمکی سن کر تقی اور مضربان دونوں طمر اور وامق سے آگے آئے اور ان کی ڈھال بن کر کھڑے ہوئے۔۔۔۔۔
“ان تک رسائی حاصل کر کہ انہیں نقصان پہنچانے سے پہلے ہمارا سامنا کرنا ہو گا ۔۔
تقی غصیلی آواز میں دھاڑا۔۔۔۔
وامق نے اس کے شانے پر ہاتھ رکھ کر اسے بولنے سے منع کیا۔۔۔۔۔
“نہال شاہ ہم یہاں لڑنے نہیں آئے بس ہماری بیٹی ہمارے حوالے کر دو ۔۔۔۔ہم چپ چاپ یہاں سے چلے جائیں گے ۔۔۔۔
لیکن اگر تم نے ایسا نا کیا ۔۔۔۔تو یہاں جو بھی تماشہ لگے گا اس کے زمہ دار صرف تم ہو گے ۔۔۔وامق سپاٹ و سرد لہجے میں بولا
“یہ کس بیٹی کی بات کر رہے ہیں ؟تعبیر بھی اپنی جگہ سے اٹھ کر ان کے پاس آئی اور نہال کی طرف دیکھ کر اس سے پوچھا۔
“میں خود نہیں جانتا کس کی بات کر رہے ہیں ۔۔۔۔؟
طمر میں تم سے ہمیشہ تمیز سے پیش آئی ہوں تو تم بھی مجھے تمیز سے بات بتاؤ آخر چاہتی کیا ہو؟؟؟؟بار بار یہاں آنے کا مقصد ؟؟؟؟؟
میری ساس کی میت پڑی ہے ۔۔۔تم لوگوں نے زرا بھی خیال نہ کیا ۔۔۔اور چلے آئے تماشہ لگانے۔۔۔۔۔
“سچائی سننا چاہتی ہو تو سنو آج سب کان کھول کر ۔۔۔۔۔
وہاں موجود ہر ذی روح کے کان کھڑے ہوئے۔۔۔۔
عائزہ بھی اٹھ کر علینا کے ساتھ جا کھڑی ہوئی۔۔۔۔۔
“یہ جو نہال شاہ ہے ۔۔۔۔اس نے مجھ سے نکاح کیا تھا۔۔۔۔۔
طمر کی پہلی بات ہی تعبیر سمیت سب کے کانوں کا دھواں نکال گئی۔۔۔۔۔
ہماری ایک بیٹی تھی صرف ایک ماہ کی ۔۔۔۔۔اس شخص نے شک کی بنا پر مجھے طلاق دے دی۔۔۔۔۔اور میری بچی کو اغوا کر کہ مجھ سے دور کر دیا۔۔۔۔۔۔
“کیا بکواس کر رہی ہو میں کیوں کسی کے گندے خون کو اغوا کروں گا “
اسکے لہجے میں اژدھوں کی سی پھنکار تھی۔۔۔۔
“خدا کا خوف کرو نہال شاہ۔۔۔۔۔۔جب اصلیت تمہارے سامنے آئے گی تو بہت پچھتاؤ گے ۔۔۔۔
وہ تمہارا ہی خون ہے۔۔۔۔۔
مگر اس میں میرے خون کی بھی آمیزش ہے اسی لیے وہ بچی با وفا ہے ۔۔۔۔تمہاری طرح بے وفا نہیں۔۔۔۔۔
چاہے تو تصدیق کے لیے ڈیایناے ٹیسٹ کروا لینا۔۔۔۔۔
اور جب یقین ہو جائے تو اکیلے بیٹھ کر رونا۔۔۔۔
دیکھنا یہ میری بدعا ہے۔۔۔۔اس وقت تمہارے آنسو پونچھنے کے لیے کوئی بھی کاندھا میسر نہیں ہو گا تمہیں۔۔۔۔۔
بھری دنیا میں تنہا نہ رہ جاؤ تو میرا نام بدل دینا ۔۔۔۔یہ ایک تڑپتی ہوئی ماں کی بدعا ہے۔۔۔۔۔
وہ کرب زدہ آواز میں بولی۔۔۔۔۔
تقی اور مضربان کا تو ساری سچائی سن کر خون کھول اٹھا۔۔۔۔۔
انہیں اپنی ضبط کی طنابیں ٹوٹتی ہوئی محسوس ہو رہی تھیں۔۔۔۔۔
وہ دونوں مٹھیاں بھینچ کر جانے کیسے اپنے غصے کو قابو کیے ہوئے تھے۔۔۔۔
وامق نے انہیں درمیان میں بولنے سے منع کیا۔۔۔۔
“کون ہے وہ بچی ؟آپ کس کی بات کر رہی ہیں ؟؟؟نہال نے کسے اغوا کیا ہے ؟؟؟؟؟
عائزہ نے بات میں مداخلت کی۔۔۔۔
“بدرا ہے میری بیٹی میں نے اسے پہچان لیا ہے “طمر نے کڑے دل سے کہا۔۔۔۔۔
اس بار بدرا کا نام سن کر حیران ہونے کی باری نہال شاہ کی تھی۔۔۔۔۔
وہ اپنی جگہ سن ہوا۔۔۔۔۔
“دیکھیں بہن آپ میری بات کا یقین کریں نہال نے بدرا کو اغوا نہیں کیا۔۔۔۔۔
میں آپ کو بتاتی ہوں سچ کیا ہے۔۔۔۔۔عائزہ نے کہا۔۔۔۔۔
سب کی نظریں اب عائزہ پر تھیں۔۔۔
“دراصل اماں بی کو ۔۔۔۔۔۔۔۔عائزہ نے شروع سے کے کر آخر تک سب سچائی بتائی کہ کسطرح کتا گھسٹتا ہوا اس بچی کو اماں بی کے پاس لایا۔۔۔۔اور پھر کس طرح اماں بی نے سب سے چھپ کر اسے پالا ۔۔۔۔
سب سچائی سن کر حیرت زدہ رہ گئے۔۔۔۔۔
اور دل میں اماں بی کی اچھائی کے متعرف ہوئے۔۔۔۔۔۔
“میری بیٹی کہاں ہے ؟؟؟
مجھے میری بیٹی لوٹا دیں۔۔۔۔مجھے اور کچھ نہیں چاہیے یہاں سے ۔۔۔۔۔
طمر نے عائزہ کی طرف دیکھ کر کہا۔۔۔۔۔
“علینا جاؤ بدرا کو لے کر آو۔۔۔۔۔
“مگر مما مجھے نہیں پتہ کہ وہ کہاں ہے ….
علینا نے کہا۔۔۔
“یہ کیا بات ہوئی انیکسی میں ہو گی اور کہاں ہونا ہے ۔۔۔۔۔عائزہ نے تشویش بھرے انداز میں کہا۔۔۔۔
“مما میں نے یہاں آتے ہی سب سے پہلے اسے ڈھونڈھا تھا اماں بی کے بارے میں بتانے کے لیے۔۔۔۔۔
مگر وہ مجھے کہیں دکھائی نہیں دی۔۔۔۔۔
“یہ کیا کہہ رہی ہو ؟؟؟کہاں جا سکتی ہے وہ ۔۔۔۔۔عائزہ پریشانی سے بولی ۔۔۔۔
“نہال شاہ سچ سچ بتاؤ میری بیٹی کہاں ہے ؟؟؟؟اس بار وامق نے جا کر نہال کا گلہ دبوچا۔۔۔۔۔
“میں نہیں جانتا۔۔۔۔میں سچ کہہ رہا ہوں۔۔۔۔۔
نہال شاہ نے خود کو اس کی گرفت سے آزاد کروایا۔۔۔۔
“ہم آپ پر پولیس کیس کر دیں گے اپنی بہن کو اغوا کرنے کے جرم میں ۔۔۔۔۔مضربان نے اسے بلند آواز سے دھمکی دی۔۔۔۔
تعبیر تو نہال کی پہلی شادی اور بچی کے بارے میں جان کر ہی آدھی مرنے والی ہو چکی تھی۔۔۔۔
خاموشی سے سر جھکائے کھڑی تھی۔۔۔۔۔
“دیکھیں جنازے کا وقت ہوگیا ہے ۔۔۔ابھی آپ جائیں یہاں سے عائزہ نے ان سب کی طرف دیکھ کر کہا۔۔۔۔
وامق نے سب کو فی الوقت وہاں سے نکلنے کا اشارہ کیا۔۔۔۔۔
اور روتی ہوئی طمر کو اپنے حصار میں لیے باہر نکلا۔۔۔۔۔
“طمر ہمیں پتہ چل گیا ہے نا ہماری بیٹی کا ۔۔۔۔
اب دیکھنا ہم سب مل کر اسے جلد ہی ڈھونڈ لیں گے۔۔۔۔۔وامق نے اسے تسلی دی۔۔۔۔۔
نہال شاہ کے دل میں طمر کی باتوں نے گہرا شگاف ڈال دیا۔۔۔۔
وہ سوچنے پر مجبور ہوا ۔۔۔۔اگر طمر واقعی سچ کہہ رہی ہے کہ بدرا میری بیٹی ہے تو ۔۔۔۔تعبیر نے مجھ سے جھوٹ۔۔۔۔۔
نہال شاہ نے چیرتی ہوئی نگاہ سامنے کھڑی تعبیر پر ڈالی۔۔۔۔۔
جو اسے دیکھ نظروں کا زاویہ پھیر گئی۔۔۔۔نہال اپنے محلے داروں کے ساتھ مل کر جنازہ اٹھانے لگا۔۔۔۔۔
بذل کہاں ہے ؟؟؟؟
نہال نے اس کی غیر موجودگی کو دیکھ کر عائزہ سے پوچھا۔۔۔۔۔
“معزرت خواہ ہوں بھائی اس کی طرف سے اسے پتہ تھا کہ اماں بی بیمار ہیں مگر اس بات کا اندازہ نہیں تھا کہ وہ اس طرح سے اچانک ہمیں چھوڑ جائیں گی۔۔۔۔۔
رات کو ہی وہ کسی ایڈ کی شوٹنگ کے لیے پیرس چلا گیا۔۔۔۔اس نے مجھے بھی میسج پر اطلاع دی ہے۔۔۔۔۔
اگر اسے پتہ ہوتا کہ یہ سب ہوجائے گا تو وہ کبھی نہیں جاتا۔۔۔۔۔
عائزہ کو جو پتہ تھا اس نے تفصیلی بتایا۔۔۔۔
نہال نے اس کی بات سن کر محض سر ہلایا ۔۔۔۔۔
اور پھر جنازہ اٹھاتے ہی ماحول میں رونے کی آوازوں کے ساتھ ساتھ کلمہ ء شہادت کی آوازیں بھی گونج اٹھیں۔۔۔۔
🌷🌷🌷🌷🌷🌷🌷🌷
بوجھل آنکھوں کو مسلتے ہوئے کھولا تو خود کو ایک چھوٹے سے بند کمرے میں پایا۔۔۔
جہاں لال رنگ کا زیرو پاورکا بلب روشن تھا۔۔۔جس نے ماحول میں عجب سحر پھیلا رکھا تھا ۔۔۔
کھڑکیوں پر لگے ست رنگی شیشے۔۔۔۔
باہر سے آتی ہوئی گھنگرووں کی مدھر آوازیں،ستار کا ساز اور طبلے کی تھاپ …….
سارے جسم میں بجلیاں سی کوندیں۔۔۔۔۔
وہ وہ چکراتے سر اور درد سے کراہتے وجود لیے ہمت باندھ کر اٹھی۔۔۔۔۔
اور ادھ کھلے دروازے کو کھول کر بمشکل لڑکھڑا کر چلتے ہوئے باہر نکلی۔۔۔۔۔
دیوار پر ہاتھ رکھ کر اس کی مدد کر زریعے باہر نکلی۔۔۔۔۔
عجیب و غریب ماحول دیکھ کر دماغ شل ہوا۔۔۔۔۔
ایک موٹی سی عورت جس نے شاکنگ کلر کی بھڑکیلی سی بنارسی ساڑھی باندھ رکھی تھی۔۔۔۔
پاندان سامنے رکھے ۔۔۔۔پان کی گلوری منہ میں ڈالے۔۔۔۔
طبلے کی تھاپ پر رقص کرتی ہوئی لڑکیوں پر کڑے تیور لیے بگڑ رہی تھی۔۔۔ساتھ ساتھ پچکاری پاس رکھے غوال دان میں تھوک رہی تھی۔۔۔۔
“اٹھ گئی مہارانی!!!!!!
اس کی طنزیہ آواز پر سب آوازیں تھمیں۔۔۔۔
گھنگرو ،طبلے ستار ،سب جامد ہوئے۔۔۔۔
سب لڑکیاں درمیان سے ہٹ کر پیچھے دیواروں کے ساتھ جا لگیں ۔۔۔
اب وہ بیچ و بیچ کھڑی سب کی مرکزِ نگاہ بنی کھڑی تھی۔۔۔۔
“میں کہاں ہوں ؟؟؟اور آپ سب کون ہیں ؟؟؟
اس کی باریک سی آواز خاموشی میں گونجی۔۔۔۔۔
“”لو جی اور سنو “اس نے وہاں موجود ستار اور طبلہ بجانے والوں کو ہاتھ سے مخاطب کیے ہوئے کہا۔۔۔۔۔
“بڑی بھولی پنچھی نکلی یہ تو…….لگتا ہے بڑی محنت کی ضرورت ہو گی اس پر ۔۔۔۔۔۔
وہ ناک چڑھا کر ناز و نخرے سے بولیں۔۔۔۔۔
“او بی بی۔۔۔۔یہ ہیرا منڈی ہے ،اور یہاں ہیرے تراشے جاتے ہیں۔۔۔۔۔پر تو پہلے سے ہی تراشی ہوئی۔۔۔۔۔۔ بڑھیا مال ہے۔۔۔۔۔کیا غضب کا مال ہاتھ لگا ہے اس بار۔۔۔۔۔وہ اس کے جسمانی خدو خال پر تفصیلی چبھتی ہوئی نگاہ ڈال کر بولی۔۔۔۔
“بدرا نے اپنے آپ کو دوپٹے کے بغیر دیکھا۔۔۔۔تو کانپ کر رہ گئی۔۔۔۔۔ذلت اور شرمندگی کے احساس سے ۔۔۔۔۔
جس نے آج تک خود کو اتنا سینچ سینچ کر چھپا کر رکھا۔۔۔۔۔
اس کی کیا غلطی تھی کہ وہ آج یہاں نامحرم مردوں کے سامنے بے پردہ ہو گئی۔۔۔۔۔۔
اس نے اپنے دونوں ہاتھوں سے اپنا سینہ چھپایا۔۔۔۔۔
دل بند ہونے کو تھا۔۔۔۔بدن تھر تھر کانپ رہا تھا۔۔۔۔۔
اب کیا ہونے والا تھا آگے اس کے ساتھ ۔۔۔۔۔یہی سوچ کر اس نے جھرجھری لی۔۔۔اور کرب سے آنکھیں بند کر گئی۔۔۔۔۔
🌷🌷🌷🌷🌷🌷