Thaam Lo Daman By Hina Asad Readelle50349 (Thaam Lo Daman) Episode 17

“کچھ لوگ ہماری نفرت کے بھی قابل نہیں ہوتے اور ہم ان پر اپنا سب سے قیمتی جذبہ محبت وار دیتے ہیں۔۔۔۔
تم اس قابل ہی نہیں تھی،تمہاری بے وفائی نے ایسی ٹھوکر لگائی کہ مجھے محبت لفظ سے ہی نفرت ہوگئی”۔۔۔۔۔۔۔۔نہال اسے دیوار سے لگاتا اس کے شانے کے گرد بازوؤں کا جال بنا کر دھاڑا۔۔۔۔۔۔
“جھوٹھے، دوغلے ،دغا باز ۔۔۔۔شکی گھٹیا انسان ۔۔۔۔۔ایک بھی وقت بتاؤ تم نے کب وفا نبھائی؟؟؟؟؟؟
“کیوں آئے ہو اب میری ہنستی بستی زندگی میں زہر گھولنے۔۔۔۔۔؟؟؟؟
“دور رہو مجھ سے ورنہ میں”۔۔۔۔۔وہ دھمکی آمیز انداز میں غرائی۔۔۔۔۔۔۔
“ورنہ کیا ؟؟؟؟وہ اس کی گردن مٹھی میں دبوچ کر بولا۔۔۔۔۔
اس سے پہلے کہ طمر کا ہاتھ اس کے منہ پر نشان چھوڑتا۔۔۔۔
کسی نے پیچھے سے آکر اس کی شرٹ کے کالر
سے کھینچ کر طمر سے پیچھے دھکا دیا۔۔۔۔
اور ایک جاندار قسم کا مکا اس کے منہ پر مارا۔۔۔۔۔۔۔
“تمہاری ہمت بھی کیسے ہوئی میری بیوی کو یہاں لانے کی اور اسے ہراساں کرنے کی”۔۔۔۔
اس کے غصے سے کھولتے ہوئے لہجے میں اژدھوں کی سی پھنکار تھی۔۔۔۔۔
نہال کے ناک اور منہ سے خون رسنے لگا۔۔۔۔۔
وہ پھر سے نہال کی طرف بڑھا۔۔۔۔۔
“وامق جانے دیں اسے اس کے گندے خون سے اپنے ہاتھ گندے مت کریں”۔۔۔۔۔
“آج میں اس کی جان لے لوں گا”۔۔۔
جاؤ یہاں سے۔۔۔۔۔
طمر نے وامق کا بازو پکڑ کر نہال سے کہا۔۔۔۔
نہال انگوٹھے سے اپنے رستے ہوئے خون کو صاف کرکہ ایک تنفر بھری نگاہ وامق اور طمر پر ڈالتے ہوئے وہاں سے نکل گیا۔۔۔۔۔
اس وقت وہ سب بھول چکا تھا کہ وہ یہاں کیوں آیا تھا۔۔۔۔۔
اس نے گاڑی میں بیٹھ کر اس کی رفتار خطرناک حد تک تیز کردی۔۔۔۔۔۔۔
“وامق “۔۔۔۔۔۔وہ اس کے سینے سے لگی۔۔۔۔۔اور پھوٹ پھوٹ کر رو پڑی۔۔۔۔۔
وامق نے آنکھیں بند کر کہ ایک لمبی سانس لی۔۔۔۔۔اور خود کو پر سکون کرنا چاہا۔۔۔۔۔
“وامق میں اس پر ہراس مینٹ کا کیس کردوں گی اگر یہ شخص کبھی دوبارہ میری زندگی میں آیا “۔۔۔۔۔
“تم نے مجھے کیوں روکا” ؟؟؟آج میں اس گھٹیا شخص کو اس دنیا سے رخصت کردیتا ہمیشہ ہمیشہ کے لیے۔۔۔۔۔
“کیا ہوتا گر وہ مر جاتا۔۔۔۔۔آپ نے سوچا ہے کہ اس کی موت کے جرم میں آپ مجھ سے دور ہو جاتے۔۔۔۔
اور آپ کے بغیر ایک لمحہ بھی گزرنا سوہان روح ہے میرے لیے۔۔۔۔۔۔
آپ نہیں تو میں بھی نہیں۔۔۔۔آپ کسی کو کچھ نہیں کریں گے۔۔۔۔۔۔پلیز وامق”۔۔۔۔وہ رندھے ہوئے لہجے میں بولی۔
وامق نے اس کی آنکھوں میں آئی نمی صاف کی۔۔۔۔۔
“کرنا تو کسی اور طرح چاہتا تھا۔۔۔۔پر یہاں کوئی بچہ آگیا تو خواہ مخواہ ہی درگت بن جائے گی اس عمر میں”۔۔۔۔۔آخری بات اس نے ہلکے پھلکے انداز میں کہی۔۔۔۔۔
“ویسے اس سب میں ایک بات اچھی ہوئی “۔۔۔
“وہ کیا”طمر نے نظر اٹھا کر اسے دیکھا۔۔۔۔
“ہماری بیوٹیفل نے آج اتنا کھلے عام اظہار محبت کیا ہے۔۔۔۔۔”
“وامق آپ بھی نا “وہ پھر سے اس کے کشادہ سینے میں منہ چھپا گئی۔۔۔۔۔
💖💖💖💖💖
وہ سب کچھ دیر پہلے ہی اپنے اپنے گھروں کو لوٹے تھے۔۔۔۔۔اور اب تھکاوٹ کے باعث اپنے اپنے بستروں پر آرام فرما رہے تھے۔۔۔۔۔بدرا بھی بستر پر اپنی تمام تر معصومیت لئے نیند کی وادیوں میں گم تھی ۔۔۔۔۔۔۔۔
جب کھڑکی کھلی اور ہوا کا جھونکا سا اندر آیا ۔۔۔۔۔۔۔۔اسکے بال اُڑ کر اسے چہرے پر آئے ۔۔۔۔۔۔۔۔
لیکن وہ ہنوز نیند کی وادیوں میں کھوئی ہوئی تھی۔۔۔۔
وہ پہلے سے ایسی نہیں تھی نیند کی اتنی پکی ۔۔۔۔۔۔۔۔۔پہلے تو ذرا سی آہٹ پر ہی اٹھ جاتی تھی ۔۔۔۔۔۔
مگر آج تھکان کے باعث جلدی نیند غالب آگئی۔۔۔۔۔
وہ گہری نیند میں تھی ۔۔۔۔۔۔۔۔۔
جب کھڑکی سے ایک سایہ اندر نمودار ہوا تھا ۔۔۔۔۔۔۔۔۔ اور وہی بیڈ کے پاس بیٹھتے ہوئے اس نے بدرا کےہیزل بال چہرے سے ہٹائے تھے ۔۔۔۔۔۔۔۔
اور بیڈ پر بلکل اسکے قریب ہی بیٹھ گیا ۔۔۔۔۔۔۔۔۔۔
پھر اپنا چہرہ اس کے چہرے کے اتنا قریب کیا کہ اس سوئے ہوئے وجود کی سانسیں اسے اپنے چہرے پر محسوس ہو رہی تھی ۔۔۔۔
جب کہ اسکی اپنی سانسیں شاید اسے چھو رہی تھیں ۔۔۔۔۔۔۔۔۔۔۔۔ اپنی پیاسی نگاہیں اسکے چہرے پر جمائےوہ دنیا کو فراموش کئے انہیں سیراب کررہا تھا۔۔۔۔
بدرا نے نیند میں کسی کی پرتپش نظریں خود پر محسوس کیں۔۔۔۔
اسکی پلکوں پہ ہلکی سی جنبش ہوئی تھی ۔۔۔۔۔۔۔۔۔۔۔۔
اسے کسی کے قرب سے اٹھتی ہوئی مہک اپنے اپنی سانسوں کے بہت قریب محسوس ہوئی تو۔۔۔۔۔۔۔۔ آنکھیں کھولنے کی کوشش کی لیکن کھول نہیں پائی تھی ۔۔۔۔۔۔۔۔۔۔
جب کہ پیشانی پر پسینے کی بوندیں پھوٹنے لگیں۔۔۔۔۔
اب اسے وہی سانسیں اپنی گردن پر بھی محسوس ہوئی تھی لیکن وہ چاہ کربھی کچھ نہیں کر پا رہی تھی ۔۔۔۔۔۔۔۔۔
اب تم سے دوری میں برداشت نہیں کر پاؤں گا اب توتمہیں اتنے قریب سے دیکھ لینے کے بعد تو بالکل بھی نہیں ۔۔۔۔۔۔۔۔۔۔
آج سارا دن تم مجھے نظر نہیں آئی میں تمہیں بتا نہیں سکتا کہ میرا کیا حال ہے ۔۔۔۔
اس کی طرف دیکھتے ہوئےبذل کی آنکھوں میں اک جنون طاری تھا ۔۔۔۔۔۔۔۔عشق کا جنون ۔۔۔۔۔۔۔۔۔ اسکی آنکھوں سے جیسے شعلے لپک رہے تھے ۔۔۔۔۔
اففف اب بالکل بھی صبر نہیں ہوتا ۔۔۔۔۔۔۔۔۔ ایک دن آئیگا جب تم یوں ہی میرے کمرے میں میرے پہلو میں ہو گی۔۔۔۔۔۔۔۔۔
وہ سرگوشی نما آواز میں بولا۔۔۔
“ہاں میں بھی بدل گیا ہوں ،یہ دل بھی بدل گیا ہے،اور اب میں اپنے رشتے کو بھی بدلنا چاہتا ہوں، تو کیا تم میرا ساتھ دو گی؟؟؟
دراک کے بولے گئے الفاظ اس کے کانوں میں گونجنے لگے۔۔۔۔۔۔
اس کی بات سوچ کر بدرا کے چہرے پر مسکراہٹ بکھری۔۔۔۔۔۔
شاید اسے میرا ساتھ پسند آیا۔۔۔۔۔
یہ تصور کرتے ہی وہ دل و جان سے مسکرایا۔۔۔۔۔۔۔۔
اس کا دلکش چہرہ اپنی آنکھوں میں بسائے ۔۔۔آخر وہ وہیں سے باہر نکل گیا جہاں سے آیا تھا۔۔۔۔۔
بدرا نے اپنی آنکھیں کھولیں۔۔۔۔۔
اور کمرے میں نظر دوڑائی۔۔۔۔۔
مگر خالی کمرہ دیکھ سکون کا سانس لیا۔۔۔۔
تکیے کے نیچے رکھے موبائل پر وائیبریشن ہوئی تو اس نے موبائل نکال کر دیکھا میسج نوٹیفکیشن تھا۔۔۔۔۔
“جب سے تم سے مل کر آیا ہوں اپنا دل اپنی روح شاید وہیں بھول آیا ہوں۔۔۔۔
دراک کے بھیجے ہوئے الفاظ پڑھ کر اس کے چہرے پر شرمگیں مسکراہٹ بکھری۔۔۔۔۔۔
وہ بھول چکی تھی کہ تھوڑی دیر پہلے وہ کس الجھن کا شکار تھی۔۔۔۔۔۔
💖💖💖💖💖💖
آج تینوں ٹینشن میں تھے آج انکا رزلٹ آنے والا تھا
یار پاس تو ہوجائیں گے نا؟
علینا نے تقی اور بدرا دونوں سے پوچھا۔۔۔۔۔
“یہ تو تمہیں پتہ ہوگا نہ کے ہمیں ۔۔۔۔جو کرتوت پیپرز میں گھولیں ہیں ۔۔۔۔اسی کی بنا پر رزلٹ آئے گا۔۔۔۔۔
“تقی بھائی میرے پیپرز تو اچھے گئے ہیں بس دعا کریں رزلٹ بھی اچھا آجائے۔۔۔۔
“کچھ دیر میں پتا چل ہی جائے گا اب کھڑے کھڑے رزلٹ خود چل کر تو آنے سے رہا اس سے اچھا ہم ہی پاوں سے کام لے لیتے ہیں۔۔۔۔۔
دور سے اسکے ڈیپارٹمنٹ کی ایک لڑکی انکے پاس آکر کہنے لگی
“رزلٹ آگیا ہے تم لوگوں نے چیک کیا؟”
یہ سن کر تینوں نے ڈیپارٹمنٹ کی طرف دوڑ لگائی
وہاں پہنچ کر رش میں سے گھس کر وہ رزلٹ بورڈ تک آئیں مضربان نے ٹاپ کیا تھا ۔۔۔۔علینا پاس تھی ۔۔۔ایم بی اے میں
جب کے دوسری طرف جرنلزم ڈیپارٹمنٹ میں تقی اور بدرا کے دونوں کے نمبر برابر تھے۔۔۔
وہ ایک ایک بندے کو پکڑ پکڑ کر اپنا رزلٹ دکھا رہی تھی جیسے اسنے پوری یونی میں ٹاپ کیا ہو
“ہم سے زیادہ تو یہ خوش لگ رہی ہے جب کے اسکے پیپر تو تھے ہی فیل ہونے والے”
تقی نے بدرا سے کہا
“چلو چل کر پوچھتے ہیں”
“ہاں چلو”
دونوں اسکے پاس پہنچے۔۔۔۔
مضربان بھی وہاں پہنچ چکا تھا اس نے علینا سے پوچھا
“تم اتنی خوش ہو کیا تم نے ٹاپ کیا ہے ؟”
یہ بات سن کر وہ دونوں کو بورڈ کے اس پار لے کر گئی جہاں سٹوڈنٹس کے رزلٹ تھے
“یہ دیکھو”
وو بورڈ کی طرف انگلی کرکے کہنے لگی جہاں سب سے آخر میں اسکا نام تھا
مضربان اسکا چہرہ دیکھ رہا تھا۔۔۔۔۔
” کہیں مارکس کم آنے سے دماغ تو نہیں گھوم گیا ؟”
“علینا کوئی بات نہیں ہے تم نیکسٹ ٹائم اور محنت کرنا تو اچھے مارکس آجائیں گے”
بدرا نے علینا کا شانہ تھپتھپاکر کہا۔۔۔۔۔
“ارے تم لوگ نے ایسے سینٹی کیوں ہو رہے ہو “
“میں پاس ہوگئی ہوں۔میرے لیے اتنا ہی کافی ہے”
علینا نے پر جوش لہجے میں کہا۔۔۔۔
“اسی خوشی میں کچھ پیٹ پوجا ہو جائے؟” تقی بولا۔۔۔۔
“تم لوگ چلو ہم آرہے ہیں”مضربان نے کہا۔۔۔۔
بدرا اور تقی کینٹین کی طرف بڑھ گئے۔۔۔۔
“کیوں نا ایک رومینٹک ڈیٹ ہو جائے اس خوشی کے موقع پر؟”
“تم اور رومینس ؟؟؟”کتابی مچھر.”……
وہ بالوں ادا سے جھٹک کر مذاق اڑاتے ہوئے لہجے میں گویا ہوئی۔۔۔۔۔
“Ohh ! Gosh……
تمہیں میری رومانہ صلاحیتوں پر شک ہے ؟؟
وہ ابرو اچکا کر سینے پر ہاتھ باندھ کر دیوار سے ٹیک لگاتا ہوا بولا۔۔۔۔
“اب یہ رومانہ کون ہے ؟”وہ جھنجھلا کر بولی۔۔۔۔
مضربان کے منہ سے ہنسی کا فوارہ چھوٹا اس کے سوال پر۔۔۔۔۔۔
“ایک سے ایک لڑکی خوبصورت لڑکی موجود ہے یہاں پہ لے جاؤ کسی اپنی جیسی کو اپنے ساتھ ڈیٹ پر “وہ بھنا کر بولی پھر پلٹ کر جانے لگی ۔۔۔۔۔
مضربان نے اس کا ہاتھ پکڑ کر اسے جانے سے روکا۔۔۔۔۔
“مگر اس دل کا کیا کروں جو صرف تمہارے ساتھ کا خواہشمند ہے ؟؟؟وہ محبت سے چور لہجے میں بولا۔۔۔۔
“ٹھیک ہے اب اتنی بھی پتھر دل نہیں میں۔۔۔کہ کسی کا شیشیے جیسا نازک دل توڑوں ۔۔۔’
کہہ کر وہ مسکائی۔۔۔۔۔
“تمہیں پتہ ہے ڈیٹ پر کیا ہوتا ہے ؟؟؟
“آئے بڑے۔۔۔۔ تمہیں پتہ ہے ڈیٹ پر کیا ہوتا ہے؟ پوچھنے والے۔۔۔۔دنیا کا سارا علم توجیسے تم ہی گھول کر پی چکے ہو ……پتہ ہے مجھے ڈیٹ پر لوگ رومینٹک باتیں کرتے ہیں ڈنر کرتے ہیں اور ہو سکے تو گفٹس کا تبادلہ بھی کرتے ہیں”وہ اپنی طرف سے اسے معلومات فراہم کرتے ہوئے بولی۔۔۔۔۔
“کیا یار تم پرانی صدی کی باتیں کر رہی ہو …آج کل کی ڈیٹ وغیرہ زرا مختلف ہوتی ہے وہ ذو معنی انداز میں ایک آنکھ ونگ کرتے ہوئے بولا۔۔۔۔
“کِس وغیرہ تو عام سی بات ہے ۔۔۔۔۔اب یہ نا کہنا کس کسے کہتے ہیں؟؟آخری بات وہ دانتوں کی نمائش کرتے ہوئے بولا۔۔۔۔
“یار تم تو بڑے لوفر نکلے۔۔۔۔۔۔۔چچچچہ۔۔۔۔۔مجھے بالکل امید نہیں تھی تم سے اس چھچھورے پن کی۔۔۔۔۔۔وہ بھی اسے سلگانے سے باز نہ آئی۔۔۔۔۔
“تو بس پھر رہنے دو ڈیٹ پر جانا کینسل ۔۔۔وہ قطعی انداز میں بولا۔۔۔
“وہ کیوں “
“ڈیٹ پر جا کر بھی تم نے مجھے ایسے کھری کھری سنانی ہیں رومانس بھری باتوں کا تو تم سے دور دور تک کوئی واسطہ نہیں۔۔۔۔تو پھر جانے کا فائدہ؟؟”
وہ منہ پر مصنوعی ناراضگی سجائے بولا۔۔۔۔
“مچھر مجھ سے رومانس بھری باتوں کی بالکل توقع نا رکھنا۔۔۔۔۔”
“ٹھیک ہے پہلے تم نے مجھے ٹھیک مشورہ دیا تھا ۔۔۔۔میں کسی اور کو ہی ڈھونڈھ لیتا ہوں ڈیٹ کے لیے۔۔۔۔وہ اپنی نظریں ادھر ادھر دوڑاتے ہوئے بولا ۔۔۔۔
“میں تمہاری آنکھیں نکال کر چیل کوؤں کو کھلا دوں گی اگر انہوں نے میرے سوا کسی کو دیکھا ۔۔۔۔وہ دھمکی آمیز انداز میں دانت پیستے ہوئے سختی سے بولی۔۔۔۔۔
“چلو پھر بتاؤ کس کرنے دو گی ؟؟؟وہ شرارتی انداز میں اس کا ہاتھ اپنے ہاتھوں میں لیے بولا۔۔۔۔
اس کی بات سن کر پہلی بار اس بولڈ لڑکی کے گالوں پر گلال ٹوٹ کر برسا۔۔۔۔۔
“شٹ اپ مچھر”وہ نظریں جھکا کر بولی۔۔۔۔۔
“ہائے مضربان صدقے تمہارے شرمانے پر ۔۔۔۔وہ بھی اسے چھیڑنے سے باز نہ آیا۔۔۔۔۔
💖💖💖💖💖💖
وہ جو سیڑھیاں اتر کر نیچے آرہی تھی سامنے ہی ایک خوبرو سفید رنگت لیے بلیو جینز اور ریڈ ٹی شرٹ میں ملبوس جس کے سفید و سرخ بائیسیپس ریڈ کلر میں نمایاں ہو رہے تھے اسے دیکھ کر ٹھٹھکی۔۔۔۔۔
“ہیلو !”
“آپ کون ہیں پہلے کبھی دیکھا نہیں آپ کو ؟”
وہ ستائشی نظروں سے اسے دیکھتے ہوئے بولی۔۔۔۔۔
“ادا بیٹا یہ تمہارا پھپھو ذاد بھائی بذل ہے۔۔۔عائزہ کا بیٹا۔۔۔
ابھی ایک ماہ ہی ہوا ہے اسے آسٹریلیا سے آئے ہوئے۔۔۔ دو تین بار پہلے بھی آچکا ہے مگر اتفاقا تم گھر نہیں تھی۔۔۔۔
وہ اپنی مما کے اسے بھائی بولنے پر سخت بدمزہ ہوئی۔۔۔۔۔
اور اسے دلچسپ نگاہوں سے دیکھنے لگی۔۔۔۔۔
“میں چلتا ہوں وہ چائے کا کپ رکھے وہاں سے اٹھا۔۔۔۔۔
“آپ کچھ دیر اور بیٹھ جاتے ابھی تو ہم نے کوئی بات بھی نہیں کی۔۔۔۔۔
“پھر کبھی ایک ڈائیریکٹر سے میٹنگ ہے۔۔۔۔
وہ موبائل پر وقت دیکھ کر بولا۔۔۔۔۔
“آپ شو بز میں ہیں ؟”
“ہوں تو نہیں شاید ہو جاؤں “کچھ ڈائیریکٹرز نے کہا ۔۔۔۔
“میں تو آپ کی ابھی سے فین بن گئی۔۔۔۔۔
وہ اپنے لا ابالی انداز سے بولی ۔۔
وہ اسے کسی خاطر میں نا لاتا ہوا وہاں سے باہر نکلا۔۔۔۔۔۔
“اماں بی آپ کو کیا ہو گیا ہے ؟؟؟؟
“اٹھیں اماں بی “
وہ انہیں بے ہوش دیکھ کر انہیں ہلا ہلا کر چلانے لگی۔۔۔۔۔۔
“اماں بی اٹھیں نا”
وہ رونے لگی۔۔۔۔۔
بذل جو وہاں سے باہر نکل رہا تھا بدرا کی کرب زدہ آواز سن کر اندر آیا۔۔۔۔جہاں اماں بی بے ہوش تھیں۔۔۔۔۔۔
“کیا ہوا ہے اماں بی کو ؟؟”وہ پریشانی سے انہیں دیکھتے پوچھا ۔۔۔۔
“اماں بی کو ہوش نہیں آرہا یہ اپنی آنکھیں نہیں کھول رہیں ۔۔۔دیکھیں نا۔۔۔۔۔۔۔وہ رندھی ہوئی آواز میں بولی۔۔۔۔
بذل انہیں اٹھائے گاڑی کی طرف بڑھا۔۔۔۔۔۔۔
❤️❤️❤️❤️❤️❤️
“مام ڈیڈ مجھے آپ سے ایک ضروری بات کرنی ہے “تقی نے ڈائینگ ٹیبل پر بیٹھے ہوئے ڈنر کرتے طمر اور وامق دونوں کو مخاطب کر کے سنجیدہ انداز میں کہا۔۔۔۔
“جی بیٹا جی بتاؤ کیا بات ہے ؟؟؟؟؟
وامق نے چمچ پلیٹ میں رکھ کر اس کی طرف پوری طرح متوجہ ہوتے ہوئے پوچھا۔۔۔۔
“بابا میں شادی کرنا چاہتا ہوں “
“واٹ!!!!!!”
اس سے پہلے کہ وامق یا طمر کچھ بولتے مضربان حیرت سے چلایا ۔۔۔۔
“یہ کب ہوا ؟؟؟؟اور مجھے ذرا بھی بھنک بھی نا لگنے دی جناب نے۔۔۔۔۔
تم سے ایک منٹ بڑا میں ہوں اور شادی پہلے تیری قطعی نا منظور ۔۔۔۔۔۔۔
بابا یہ نا انصافی ہے میرے ساتھ۔۔۔۔۔۔
“میں تو ابھی تک تمہیں بچے سمجھ رہا تھا مجھے کیا پتہ میرے بچے اتنے بڑے ہو گئے ؟؟؟
“تم نے کوئی لڑکی ڈھونڈھ لی ہے تو تم بھی بتادو ۔۔۔۔۔طمر نے مضربان کی طرف دیکھ کر کہا۔۔۔۔۔
اس نے تو لگتا ہے ڈھونڈھ لی اسی لیے شادی کی بات کر رہا ہے۔۔۔۔۔
“کون ہے وہ بد نصیب ؟؟؟؟مضرںان نے تقی کو دیکھ کر شرارتی انداز میں پوچھا۔۔۔۔
“مضربان تنگ مت کر میرے بچے کو ۔۔۔۔۔تقی نے ڈھونڈی ہے تو یقیناً اچھی ہی ہو گی۔۔۔۔
زبیدہ خانم نے اپنے پوتے کی طرف داری کرتے ہوئے پیار بھرے لہجے میں کہا۔۔۔۔
“جاؤ تم دونوں صبح ہی اس لڑکی کو دیکھ کر آؤ ۔۔۔۔۔زبیدہ خانم نے انہیں فیصلہ سنایا۔۔۔۔
“مگر مام ابھی اس کی سٹڈی ان کمپلیٹ ہے ۔۔پہلے کچھ بن تو لے۔۔۔۔میں وہاں رشتہ لے کر جاؤں گا تو کیا بتاؤں گا کہ میرا بیٹا کیا کرتا ہے۔۔۔۔۔وامق جھنجھلا کر بولا۔۔۔۔
“کیوں اتنا بڑا بزنس ہے وہی سنبھالے گا۔۔۔۔اور کیا کرنا ہے ۔۔۔۔۔” زبیدہ خانم نے جواباً کہا۔
“مام یہ لارڈ صاحب بزنس کی پڑھائی ہی نہیں کر رہے یہ ماشاءاللہ سے جرنلزم میرا مطلب ہے صحافت کی تعلیم حاصل کر رہے ہیں ۔۔۔۔۔
ابھی اسے اپنا نام بنانے میں وقت لگے گا۔۔۔۔۔
“بابا میں کونسا فوراً شادی کرنے کا کہہ رہا ہوں بس انگیجمینٹ کردیں ۔۔تقی بولا۔۔۔۔۔
“وامق بس کرو ۔۔۔میں اب ایک نہیں سنوں گی۔۔۔۔صبح جاؤ اور جاکر دیکھو تو لو لڑکی
۔۔۔۔کیا پتہ تمہیں بھی پسند آجائے۔۔۔۔
“مجھے تو جو پسند آنی تھی وہ تو برسوں پہلے ہی آچکی ہے۔۔۔۔وامق نے اپنا شانہ طمر کے شانے سے مس کرتے ہوئے کہا۔۔۔۔
“میری بھی کوئی فریاد سن لے “مضربان نے دہائی دی۔۔۔۔۔
“ابھی پہلے ایک تو دیکھ لیں پھر تمہارے بارے میں بھی سوچتے ہیں۔۔۔۔۔۔۔
“لڑکی کون ہے ؟”
طمر نے پوچھا۔۔۔۔
“مما آپ اس سے مل چکی ہیں ۔۔۔۔وہ کان کھجا کر خجالت سے بولا۔۔۔
“کہیں بدرا یا علینا میں سے تو کوئی؟؟؟؟وہ اپنے تئیں اندازہ لگاتی ہوئی بولیں ۔۔۔۔
علینا کے نام پر مضربان کے دماغ میں خطرے کی گھنٹیاں بجیں۔۔۔۔۔
” تقی کے بچے تو نے کچھ بھی غلط کہا تو میں تیری گردن مروڑ دوں گا۔۔۔۔۔
وہ تقی کے کان کے پاس جا کر آہستگی سے دانت پیستے ہوئے بولا۔۔۔۔۔
“مام وہ علینا۔۔۔۔۔۔۔۔۔۔۔
اس سے پہلے کہ وہ اپنی بات مکمل کرتا۔۔۔۔
مضربان نے اس کے پاؤں پر زور سے اپنا پاؤں مارا۔۔۔۔۔
آہ !!!!! وہ کراہ کر رہ گیا۔۔۔۔۔
“اب بول”مضربان جل کر بولا۔۔۔۔
مما علینا کی کزن ادا کی بات کر رہا ہوں ۔۔۔تقی نے کراہتے ہوئے اپنی بات مکمل کی۔۔۔۔۔
مضربان نے ایک مسکراتی ہوئی نگاہ اس پر ڈالی۔۔۔۔۔
جواباً تقی گھور کر رہ گیا ۔۔۔۔۔۔
“بچی تو بہت پیاری ہے۔۔۔۔طمر نے اس کا چہرہ یاد آنے پر پیار بھرے انداز میں کہا۔۔۔۔۔
تم لوگ پھر تیار رہنا کل چلیں گے کیوں وامق ؟؟؟
“ٹھیک ہے جو حکم جناب ۔۔۔ہم تو آپ کے آرڈر پر چلتے ہیں۔۔۔۔وامق نے طمر کی طرف دیکھ کر عاجزانہ انداز میں کہا۔۔۔۔
“وہ مسکرا کر سر ہلانے لگی۔۔۔۔
کل پہلے مجھے ایک لیڈی سے اپنا بیگ اور فون بھی لینا ہے ۔۔۔پہلے وہاں چلیں گے پھر ادا کے گھر ۔۔۔وہ صبح کا پلان ترتیب دینے لگی ۔۔۔
❤️❤️❤️❤️❤️❤️
رات ہونے والی تھی مگر ابھی تک اماں بی کا کوئی پتہ نہیں چلا۔۔۔۔۔۔
وہ جائے نماز بچھائے نماز پڑھنے کے بعد گڑگڑا کر روتے ہوئے مسلسل تسبیح و تحمید میں محو تھی اور اماں بی کی صحت یابی کیلئے دعا کر رہی تھی۔۔۔۔۔
نہال اور عائزہ بھی ہسپتال پہنچ چکے تھے بذل کی اطلاع دینے پر۔۔۔۔۔
اماں بی کا بی۔پی اچانک شوٹ کر گیا تھا۔۔۔۔
جس کی وجہ سے ان کی یہ حالت ہوئی۔۔۔۔۔
کچھ دیر پہلے ہی انہیں ہوش آیا تھا۔۔۔۔
مگر ڈاکٹرز نے انہیں ایک دن مزید ہاسپٹل میں رک کر کچھ ٹیسٹ کروانے کی تاکید کی۔۔۔
“عائزہ بدرا ۔۔۔۔۔وہ اکیلی ہے گھر میں۔۔۔۔۔اماں بی نے اپنا جھریوں زدہ ہاتھ عائزہ کے ہاتھ پر رکھ کر کہا۔۔۔۔۔۔
میں علینا کو اس کے پاس بھیج دیتی ہوں آپ فکر مت کریں۔۔۔۔۔اس نے انہیں تسلی دی۔۔۔۔
بذل علینا کو وہاں چھوڑ آیا۔۔۔۔۔
ساری رات دونوں نے ساتھ گزاری ۔۔۔بدرا کی تو رات آنکھوں میں کٹی۔۔۔۔۔اماں بی کے لیے دعائیں کرتے ہوئے۔۔۔۔۔
صبح ہو چکی تھی ۔۔۔۔۔اس کی ہلکی سبز آنکھوں میں سرخ ڈورے جھلک رہے تھے رتجگے کی وجہ سے۔۔۔۔
“علینا مجھے بھی اماں بی کے پاس جانا ہے انہیں دیکھنا ہے پلیز تم مجھے ان کے پاس لے جاؤ گی۔۔۔۔۔وہ علینا سے منت بھرے انداز میں بولی۔۔۔۔
“ٹھیک ہے میں بھائی کو کال کرتی ہوں وہ ہمیں ہاسپٹل لے جائیں۔۔۔۔۔میں خود بائیک پر لے جاتی تمہیں مگر میری بائیک گھر ہے۔۔۔میں بھائی کے ساتھ جو آئی تھی رات کو گاڑی میں۔۔۔۔۔۔
“تم ایسا کرو شاور لے لو تھوڑا فریش فیل کرو گی۔۔۔۔تمہارا ایسا بجھا ہوا چہرہ دیکھ کر اماں بی کو اچھا نہیں لگے گا۔۔۔۔
علینا نے اسے مشورہ دیا۔
“ٹھیک ہے میں بس ابھی آئی ۔۔۔۔یہ کہتے ہوئے وہ اپنے دوسرے کپڑے لیے واش روم میں چلی گئی۔۔۔۔۔
💖💖💖💖💖💖
آج وہ سب خصوصی تیار ہوئے پورے ٹھاٹھ باٹھ سے تقی کا رشتہ لینے گھر سے نکلے تھے۔۔۔۔۔
وامق آج خود کار ڈرائیو کر رہا تھا جبکہ تقی اور طمر پیچھے بیٹھے تھے اور مضربان آگے۔۔۔۔۔
“گاڑی ادا کے گھر کے راستے پر دیکھ مضربان حیران ہوا ۔۔۔۔
“بابا آپ کو کیسے پتہ چلا کہ یہ ادا کے گھر کا راستہ ہے ؟؟؟؟
“میں نے تو اس راستے پر گاڑی ڈالی ہے جو اس لیڈی تعبیر نے سینڈ کیا تھا۔۔۔۔جس کے پاس تمہاری مما کی چیزیں ہیں ۔۔پہلے وہی پک کرنی تھیں۔۔۔۔۔
“او اچھا “
مگر جب گاڑی بالکل ادا کے گھر کے دروازے کے سامنے رکی تو وہ ششدر رہ گئے۔۔۔۔
“بابا یہ تو واقعی علینا کی کزن ادا کا ہی گھر ہے۔۔۔۔اس کا مطلب آپ نے جس سے ملنا ہے وہ بھی اسی گھر کی مکین ہیں۔۔۔۔مضربان نے اندازہ لگایا۔۔۔۔
May be…….
وامق نے کہا۔۔۔۔۔
وہ سب گاڑی سے نیچے اترے اور وامق نے گاڑی لاک کی۔۔۔۔
طمر نے بیل پر ہاتھ رکھا۔۔۔۔۔۔