گاگلز آنکھوں پر لگائے ۔۔۔مسکرا کر بائے کہتے چلا گیا ۔۔۔۔لاروش کل کے بارے میں تشویش میں پڑ گئ ۔۔۔۔جیسے تیسے پیر یڈ لیے ۔۔لاسٹ پیریڈ کے بعد ثنا کی بتائ گئ بینچ پر پہنچی جہاں چند کلاس فیلو کھڑی تہیں ۔۔۔۔تھوڑے سے انتظار کے بعد ثنا آئ ۔۔۔سلیقے سے کیے گئے میک اپ اور جیولری پہنے پیاری لگ رہی تہی ۔۔۔چلو تم سب آگئ ۔۔۔ہاں کب سے کھڑے ہیں ۔۔۔تمہارے انتظار میں ویسے لش لگ رہی ہو ۔۔۔کلاس فیلو طائشہ بولی ۔۔۔

تھینکس ثنا نے بولا ۔۔لاروش تو اتنی سادہ چلے گی ۔۔۔ان سب کو دیکھ کتنی اچھی لگ رہی ہیں اور تو میری بیسٹ فرینڈ ایسے ہی اٹھ کر آگئ ۔ ۔۔یہ لپ اسٹک لگا ۔۔۔کہتے ساتھ ہی لپ اسٹک نکال کر دی ۔۔۔جو بچاری حیرت کا مجسمہ بنے سب کو سن اور دیکھ رہی تہی ۔۔۔ کیا ہے ثنا یہ سب کیوں آئ ہیں۔ ۔۔۔ثنا سے حیرت سے سوال پوچھا ۔۔۔۔۔

یہ سب میرے ساتھ میری ڈیٹ پر جائیں گی ۔۔۔۔۔ثنا نے جواب دیا ۔۔۔

کیا لاروش کی چیخ نکلی ۔۔۔اللّہ میں کیا کروں اسکا ۔۔۔۔اللّہ سے ہاتھ اٹھا کر فریاد کی ۔۔۔مجھے یہ بتاو ڈیٹ پر جارہی ہو یا عمران خان کے دھرنے میں ۔۔۔جو یہ جلوس تیار کیا ہے ۔۔۔۔ثنا کو آڑے ہاتھوں لیا ۔۔۔اور تم سب کو پتہ ہے یہ ڈیٹ پراپنے فیانسی کے ساتھ جارہی پھر بھی بے شرموں کی طرح کباب میں ہڈی بننے چلی ۔۔۔دوسری لڑکیوں کو بھی ساتھ لپیٹا ۔۔۔۔

اس نے بولا تو ہم تیار ہوئے ۔۔۔مجھے لگا بچی ڈر رہی ہے تھوڑی سپورٹ ہوجائے گی ۔۔۔۔

ہاں بچی تو جنگ کرنے جارہی ہے ۔۔۔اور وہاں فیانسی کی جگہ را کا ایجنٹ ملے گا جو تم لوگ اسے بچاو گی ۔۔۔۔لاروش کا غصہ ہی ختم نہیں ہورہاتھا غزنوی سے ملاقات کی جنجھلاہٹ بھی نکالی ۔۔۔جلی کٹی سنا کر سب کو بھگایا ۔۔۔۔

اور تم اب تمہاری یہ سزا ہے اکیلی جاوں گی ۔۔۔۔میں بھی نہیں جارہی ۔۔۔۔سمجھی چلو نکلو انس انتظار کررہا ہوگا ۔۔۔۔

ثنا نے لاروش کا غصہ دیکھ چپ سادھ لی ۔۔۔تم۔ ہوسٹل کیسے جاوگی ۔۔۔

میں چلی جاونگی ۔۔میری فکر نہ کرو ۔۔۔۔لاروش نے ثنا کی فکر پر مسکرا کر کہا ۔۔۔۔

________________________________۔

یونی گیٹ پر لاروش کو شجاع نظر آئے جو آرمی یونیفارم میں آرمی جیپ کے ساتھ کھڑے کسی سے گفتگو کرہے تھے ۔۔۔لاروش نے بندے کے جاتے ہی شجاع کو سلام کیا ۔۔۔۔

شجاع کو اس اچانک ملاقات سے خوشی ہوئ ۔۔۔۔۔

کسی ہو ۔۔۔۔اکیلی کہاں جا رہی ہو ۔۔۔۔۔

ثنا کسی کام سے گئ ہے تھوڑے فاصلے سے ہوسٹل ہے پیدل چلی جاوں گی ۔۔۔۔

ُپیدل کیوں چلی جاو گی میں ہوں نہ آو تمہیں چھوڑ دو ۔۔۔ غزنوی نے سامنے آکر لاروش سے کہا ۔۔۔۔جسے انس نے میسج کر کے اکیلی جانے کی اطلاع دی ۔۔۔۔

غزنوی کی آواز سن کر لاروش کا چہرے کا رنگ اڑا ۔۔۔۔جسے شجاع نے فورا نوٹ کیا ۔۔۔۔۔ان کی تعریف ۔۔۔۔لاروش سے پوچھا ۔۔۔

میں ان کا یونی فیلو ہوں اور ان کا ہوسٹل میرے رستے میں پڑے گا تو میں ڈراپ کردوگا ۔۔۔غزنوی ہی نے جواب دیا ۔۔۔۔

نہیں میں ان کے ساتھ جاونگی ۔۔۔آپ کا بے حد شکریہ ۔۔۔۔چلیں شجاع ۔۔۔۔شجاع کا بازو تھاما ۔۔۔۔شجاع کی موجودگی نے لاروش کو حوصلہ دیا بغیر گھبرائے مستحکم لہجے میں غزنوی کی آفر رد کی اور شجاع کا بازو پکڑا ۔۔۔۔

غزنوی سرتاپا جھلسا ۔۔۔۔غصہ کی رفتار خطرناک حد تک پہنچی ۔۔۔نگاہیں انگارہ ہوئ ۔ ۔ ۔ ۔

اچھا آپ کا شکریہ آپ نے خیال کرنا چاہا ۔۔۔اب ہم چلتے ہیں ۔۔۔۔اللّہ حافظ کہتے لاروش کو جیپ میں بٹھایا ۔۔۔۔۔

غزنوی اس وقت تک جیپ کو گھورتا رہا جب تک نظر آتی رہی ۔۔۔۔

اویس کو اکشے سے بدلہ لینے کا موقع مل گیا ۔۔۔۔

لائبریری میں نوٹس لکھنے کے دوران کینٹین کی یاد نے اکشے کو بے حال کیا وہ سب چھوڑ چھاڑ پاس بیٹھے بندے کو سامان کا خیال رکھنے کو کہہ کر دوڑا ۔۔ ۔ ۔ پاس بیٹھا بندہ اپنے اسائمنٹ میں غرق تھا بات سنی ہی نہیں ۔۔۔وائبریٹ فون کی بار بار حل چل سے مائیکل کو غصہ آیا ۔۔۔وہ اٹھ کر مزید ریفرنس کے لیے بک لینے چل دیا ۔۔۔۔

شادان اور اویس لائبریری میں ان ہوئے ۔۔۔۔عین انکے کے سامنے کی ٹیبل پر بیٹھے ۔۔۔۔موبائل کی وائبریٹ پر اویس نے دیکھا ۔۔۔

موبائل پر اکشے کی پکس تھی ۔۔۔فادر کالنگ آرہا تھا ۔۔۔۔

کال پک کی ۔۔۔کانوں میں کڑک آواز گونجی ۔۔۔کب سے کال ملا رہا ہوں ۔۔۔کہاں تھے ۔۔۔۔۔

ہیلو ۔۔۔۔اویس نے لڑکی کی آواز نکالی ۔۔۔

اکشے کہاں ہیں ۔۔۔اچنبھے سے کال پر لڑکی کی آواز سن کر پوچھا ۔۔۔

Hello uncle .he is sleeping …so naughty . whole night disturbed me …when will get up then tell …right now i am feeling sleepy …ok bye

نمستے انکل جی وہ سو رہے ہیں بڑے شرارتی ہیں پوری رات مجھے تنگ کیا ۔۔۔۔۔جب اٹھیں گے تب بتادوں گی ۔۔۔ابھی مجھے بھی نیند آرہی ہے ۔۔۔۔۔۔اور انکل کے جواب آنے سے پہلے کال بند کردی ۔۔۔۔۔۔

بڑا ہی خبیث ہے تو ۔۔۔بچارے کو پھانسہ دیا ۔۔۔سب جانتے ہیں وہ اپنے باپ سے کتنا ڈرتا ہے ۔۔۔۔باپ کی وجہ سے تو وہ بن باس کاٹ رہا ورنہ کب کا انڈیا چلا جائے ۔۔۔۔۔شادان نے لتاڑا

چل تو زیادہ اس کا ول وشر نہ بن ۔۔۔وہ آگیا ہے ۔۔۔۔پڑھائ کر ۔۔۔۔

اویس نے لتاڑ کا اثر لیے بنا ہی اکشے کی طرف متوجہ کیا ۔۔۔

ہیلو گائز ۔۔۔۔۔اکشے نے دونوں کو ٹیبل پر بیٹھا دیکھ ہیلو ہائے کی ۔۔۔

اویس نے گھورا ۔۔۔شادان مسکرایا۔۔۔۔۔۔۔

موبائل پھر سے بجا ۔۔۔۔اکشے نے مسکراکر اٹھایا مگر پتا کی دھاڑ سے مسکراہٹ سمٹی ۔۔بے غیرت تجھے پڑھنے بہیجھا تھا یا رنگ رلیاں منانے ۔۔۔پھر سر پکڑا ۔۔۔۔۔۔

کون تھی وہ بےحیا اسی سے تیری شادی کروانگا۔۔آتا ہوں میں وہاں ۔۔۔۔۔ ۔۔اس کے بعد بدحواس ہوا ۔۔

پتا جی آپ کو غلط فہمی ہوئ ہے۔۔۔۔۔۔۔۔ ۔اونچی آواز میں ہی بول پڑا۔۔۔۔ جس پر لائبرین نے ڈانٹا اور گیٹ آوٹ کیا ۔۔۔

اویس ہنس ہنس کر لوٹ پوٹ ہوا فون پر ہی اس کے باپ نے اچھی خاصی درگت بنائ ۔۔۔شادان نے تاسف سے سر ہلایا اور اکشے کی جان خلاصی کے لیے اس کی طرف بڑھا ۔۔۔۔بڑی مشکل سے اکشے کی صفائ اس کے باپ کو دی ۔۔۔مگر وہ مشکوک ہی رہے ۔۔۔پیپرز تک اکشے کے پاس رہنے کا فیصلہ کرکے بات ختم کی ۔۔۔۔

اکشے بچارہ اس لمحے کو کوستا رہا جب اویس سے پنگا لیا ۔۔۔۔نہ وہ پنگا لیتا نہ اسکا باپ اس کی چوکیداری کرنے کا فیصلہ لیتا ۔۔۔۔

________________________________________________

ثنا سے معلومات ملنے سے پہلے ہی ایک بار غزنوی کا دل پھر جلا ۔۔۔اس بار پہلے سے زیادہ جلن محسوس ہوئ ۔۔۔۔پہلے سے بڑھ کر غصہ آیا۔ ۔ میں سوچ لیا کہ اب اس نے کیا کرنا ہے ۔۔۔گھرآیا۔ ۔۔۔جہاں سارے دوست لنچ کرنے کی تیاری پکڑ رہے ہیں ۔۔۔

آجا غزنوی لنچ لگادیا ۔۔۔۔آفتاب نے کہا لیکن غزنوی اگنور کرتا چلا گیا ۔۔۔۔۔

اس کا موڈ خراب ہے لاروش کو چھوڑنے گیا تھا ۔۔۔۔۔

غزنوی کیا ہوا ۔۔۔۔کچھ نہیں تم لنچ کرو ۔۔۔۔۔لہجہ بے حد سخت سنجیدہ ۔۔۔۔۔۔شہروز ٹھٹکا ۔۔۔۔غزنوی بتا یار موڈ کیوں آف ہے

جایار تنگ مت کر پہلے ہی غصہ ہے کچھ غلط نہ ہوجا ئے۔۔۔۔

اچھا ٹھیک ہے ۔۔۔۔تو اپنا خیال کر ۔۔۔۔۔ریلکس رہے ۔۔۔۔

ایک منٹ شہروز ۔۔۔۔شہروز کے بڑھتے قدم رکے ۔۔۔۔۔

غزنوی کی جانب نظر اٹھائ ۔۔۔ ۔

ایک سوال ۔۔۔چیونٹی کر پر نکل آئیں تو کیا کرنا چاہیے ۔۔۔۔

غزنوی نے شہروز کی سوالیہ نظروں پر سوال پوچھا ۔۔۔۔۔

کاٹ دینا چاہیے ۔۔۔چیونٹی پر ، پر اچھے نہیں لگتے ۔۔۔۔شہروز نے الجھن سے اس بے تکے بےوقت سوال کا جواب دیا ۔۔۔۔۔

غزنوی سرد مہری سے مسکرایا ۔۔۔۔۔ٹھیک جواب، میں نے بھی یہی سوچا تھا ۔۔ ۔۔۔

________

انس ثناکو ریسٹورنٹ میں لے گیا جہاں اس نے فیملی کیبن بک کرایا ۔۔کیبن میں سوائے ریڈ روز کے کوئی دوسرے پھول نظر نہ آئے۔ ۔ریڈ بلون اور ریڈ ربن سے کیبن چھت کو سجایا ۔۔۔ثنا کی آمد پر اسے ریڈ بوکے دیا ۔۔۔ساتھ ہی دل نما بکس کھولا اور اس میں سے ڈائمنڈ رنگ نکال کر پھر پرپوز کیا۔ ۔

ثنا نے شرما کر اقرار کیا ۔۔۔انس نے رنگ پہنائ اور ثنا کا ہاتھ چوم کر چھوڑ دیا ۔۔۔پہلے اسے چیئر پر بٹھایا ۔۔۔خود سامنے بیٹھا ۔۔۔

ثناء کا ہاتھ پکڑ کر بولا ۔۔۔۔شکریہ میرا پرپوز قبول کرنے کا ۔۔ ۔۔شکریہ ڈیٹ پر آنے کا ۔۔۔۔

ارے ارے شکریہ کی کیا بات ہے ۔۔۔۔ میرا تو فائدہ ہوا مجھے اتنی اچھی رنگ ملی۔ ۔اور زبردست لنچ ملے گا ۔۔۔۔۔آئندہ بھی مجھے بلانا ثنامعصومیت سے بولی ۔۔

انس ہنس پڑا ۔۔۔ثناء کی من پسند ڈشیسز منگوائ ۔۔

کسی تکلف کے بغیر کھانا کھاتے ثنانے افسوس کیا اچھا بھلا میرے ساتھ آتے آتے لاروش نے منع کر دیا تو اکیلی جا۔ ۔۔ اب کھا رہی ہوگی کالی دال ۔۔۔۔۔۔

تھینکس۔ ۔۔۔۔۔انس نے دل میں لاروش کا شکریہ ادا کیا۔ ۔۔۔

ثنا کی گل فشانی جاری تہی ۔۔۔۔ہم شادی کے بعد بھی ڈیٹ پر آئیں گے ۔۔۔تب لاروش بھی ساتھ ہوگی ۔۔۔۔

ہاں غزنوی نے ہم دونوں کو کباب میں ہڈی بننے پر مکھی بنا کر اڑا دینا ہے ۔۔۔انس نے دل میں سوچا

بتاو نہ ٹھیک کہہ رہی ہوں ۔۔۔۔۔

ہاں ضرور آئیں گے اگر لاروش کے ہسبینڈ کو اعتراض نہیں ہوگا ۔۔انس مسکرایا ۔۔۔

کیوں اعتراض ہوگا ۔۔۔شجاع بھائی اتنے پولائیٹ ہیں میں ریکویسٹ کروں گی وہ ضرور لاروش کے ساتھ آئیں گے ۔۔۔۔

اپنی بے دھیانی میں انس کے سر پر دھماکہ کیا ۔۔۔جس کے چہرے پر اس کے اثرات نمایاں ہیں ۔۔۔

انس نے کھانے سے ہاتھ روکا ۔۔۔۔کیا مطلب شجاع۔۔۔شجاع کون ۔۔۔۔

لاروش کا فیانسی ہے ۔۔بہت زبردست پرسنالٹی ہے ۔۔۔ثنا کھانے میں مگن بولی ۔۔۔۔۔

بغیر نوالے کے انس کو پھندا لگا ۔۔۔۔۔

ثنا نے جلدی پانی دیا۔۔۔۔آرام سے کھایے ۔۔۔۔مشورہ دے ڈالا ۔۔۔۔

انس نے گھورا ۔۔۔۔۔اور بولا ۔۔۔۔تم مجھے لاروش کے فیانسی کا بتا رہی تہیں ۔۔۔۔

ثنا نے نظر اٹھا کر چہرہ غور سے دیکھا انس کے چہرے پر عجب تاثر تھا ۔۔۔۔ ۔ سنجیدہ نظر لیے ثنا پر نظر جمائ ۔۔۔بتاو شجاع کیسے لاروش کا منگیتر ہے ۔۔۔کب ہوئ منگنی ۔۔۔۔

ثنا گھبرائ ۔۔۔لگتا ہے میں نے بے دھیانی میں غلط بندے کو بات بتادی ۔۔۔اللّہ خیر ۔۔۔۔ اگر یہ بات غزنوی تک پہنچی تو ۔۔۔تو کے بعد ثنا نے سر جھٹکا اس کا ردِعمل کیا ہوگا ۔۔۔مگر اب کیا ہوسکتا ہے ۔۔

تیر کمان سے نکل چکا ۔۔۔یہ دیکھنا ہے تیر کیا رنگ لائے گا زخمی کرے گا یا موت دے گا ۔۔۔۔

بتاو یار ۔۔۔۔انس نے پھر کہا ۔۔۔۔

اسی ہفتے بات پکی ہوئ ہے ۔۔۔زبانی۔۔۔ لاروش نے بھی ہاں کر دی ۔۔۔اس کے چچا کا بیٹا ہے ۔۔۔

انس نے اپنا سر تھام لیا ۔۔ اففف یہ کیا ہوگیا ۔۔اب غزنوی کیا کرے گا ۔۔۔۔۔۔

اور غزنوی اسکا کیا ہوگا ۔۔۔انس نے ثنا سے سوال کیا ۔۔۔۔

کچھ نہیں ہوگا یونی ختم ہوجائے گی اسکی مصروفیت دوسری ہوجائیں گی ۔۔۔۔میری دوست نے کون سا اس سے محبت کا اقرار کیا ہے ۔۔۔ہوننہہ۔ ۔ثنا نے تڑخ کر جواب دیا ۔۔۔۔

ہم لوگ یونی چھوڑیں گے یہ دنیا نہیں ۔۔۔جب غزنوی نے کہہ دیا اسے لاروش سے شادی کرنی ہے تو پھر کرنی ہے۔غزنوی کو لاروش سے محبت ہے ۔۔ٹائم پاس نہیں کررہا ۔۔۔۔انس غصے سے بولا ۔۔۔۔۔

تم اس کو سمجھانا ۔۔۔۔۔سمجھ جائے گا ۔۔۔اور لاروش کو بھی شجاع بھائ اچھے لگے وہ مطمئن ہے پھر اس معاملے میں

،میں کیا کرسکتی ہوں لاروش کے گھر والوں نے کیا ہے ۔۔۔ثنا انس کے غصے سے پریشان ہوئ ۔۔۔

انس کو غصہ تو بہت آرہا تھا مگر ثنا کی ڈری شکل دیکھ کر کنٹرول کیا ۔۔۔۔اوکے جلدی لنچ کروں ۔۔۔ تمہیں ہوسٹل ڈراپ کروں ۔۔۔ساری ڈیٹ کابیڑہ غرق ہوا ۔۔۔۔۔مجھے غزنوی کو بتانا پڑے گا ۔۔۔وہ اپنا پرپوزل بہیجے ۔۔۔۔۔انس کو غزنوی کی فکر لگی ۔۔۔۔

ثنا کو ڈراپ کرکے سیدھا گھر آیا ۔۔۔بلاول سے غزنوی کا پوچھا ۔۔۔جس نے اس کے خراب موڈ کا بتایا ۔۔۔۔

یار میرے پاس بری خبر ہے اگر ابھی بتادونگا تو وہ نہ جانے کیاریکٹ کرے ۔۔۔لیکن بتانی بھی ضروری ہے ۔۔۔انس کا لہجہ بےچارگی میں ڈوبا ۔۔۔

ایسا کر غزنوی کو رات میں بتانا موڈ اچھا ہوجائے گا تب تک ۔۔۔آفتاب نے مشورہ دیا ۔۔۔۔۔

میرے موڈ کی پرواہ مت کرو ۔۔۔جو بتانا ہے بتاو ۔۔۔۔غزنوی نے آفتاب کی پوری بات روم سے نکلتے سنی ۔۔۔۔

یار مجھے ثنا نے بتایا کہ ۔۔۔انس اٹکا ۔۔۔۔باقی چاروں کی نظریں انس پر ۔۔۔سب سے سرد نگاہیں غزنوی کی ۔۔۔۔

کیا بتایا بغیر رکے اپنی بات مکمل کر ۔۔۔غزنوی نے تنبہی کی ۔۔۔

لاروش کے کزن سے لاروش کی شادی طے کردی ۔۔۔۔

غزنوی نے خاموشی سے سنا ۔۔۔۔صوفے کی سیٹ سے ٹیک لگائ ۔۔اور سگریٹ سلگائ ۔۔۔۔

اس کے ردِعمل نہ دینے پر سارے پریشان وحیران ہوئے ۔۔۔لیکن کچھ نہ بولے ۔۔۔۔سمجھ گئے کوئ نہ کوئ پلاننگ غزنوی کرچکا ۔۔مگر کیا ۔۔۔کب پتہ چلےگا ۔۔۔یہ بھی نہیں پتہ ۔۔۔۔

یار تو کچھ بول کیوں نہیں رہا میں اپنی ڈیٹ ادھوری چھوڑ کر آیا ہوں ۔۔۔فکر کے مارے کھانا حلق سے نہ اترا ۔۔۔۔انس کو غزنوی کی خاموشی کھلی ۔۔۔اسے اکسایا ۔۔۔۔

بات پکی ہوئ ہے شادی نہیں ۔۔۔۔اور اگر شادی بھی ہوچکی ہوتی تو میں اسے اپنا ہی بنا کر دم لیتا ۔۔۔۔سگریٹ کا دھواں ہوا میں اڑایا ۔۔۔سرد لہجے کہا ۔۔۔۔

لیکن پھر بھی تو لاروش کے گھر پرپوزل بہیج ہوسکتا ہے ریکویسٹ قبول ہوجائے ۔۔۔۔آفتاب نے مشورہ دیا ۔۔۔

واہ جی ایک پٹھان ہوکر ایسا بے تکا مشورہ ۔۔۔۔پتہ نہیں کہ ایک بار بات پکی کردی تو موت بھی وہ نام اس لڑکی کے سر سے نہیں ہٹا سکتی ۔۔۔شہروز نے آفتاب کی بات رد کی ۔۔۔

یار اب زمانہ بدل رہا ہے وہ اپنی لڑکی شہر پڑھنے بہیج سکتے ہیں تو اس کی شادی بھی اس کی پسند سے کرسکتے ہیں ۔۔۔۔آفتاب اب بھی پر امید ہے ۔

۔۔۔۔بھائ زمانہ کتنا ہی کیوں نہ بدل جا ئے ابھی ہم بیٹیوں کے حوالے سے بڑے ہی غیرت مند ہیں ۔۔۔۔

تیرا کیا مطلب ہے جو بہنوں کی شادی ان کی پسند سے کروائیں وہ بے غیرت ہیں ۔۔۔بے غیرت وہ ہیں جو خود محبت کی شادی اپنی پسند کریں اور بہنوں پر اپنا حکم چلا کر محبت سے دور کریں ۔۔۔۔آفتاب غصہ سے بولا ۔۔۔۔

شٹ اپ کیا بے غیرت اور غیرت کی بحث میں پڑ گئے ۔۔۔غزنوی دھاڑا ۔۔۔۔

سوری یار ۔۔۔۔شہروز اور آفتاب دونوں نے ایک ساتھ سوری کیا۔ ۔۔

پلیز میرا مشورہ مان رشتہ بہیج ۔۔۔اس کے گھروالے لاروش کی پسند کو ترجیح دیں گے ۔۔۔۔آفتاب نے لجالت سے کہا ۔۔۔

ترجیح تو اس صورت میں دیں گے جب لاروش پسند کریں ۔۔۔۔لاروش نے خوشی سے حامی بھری ہے۔۔۔وہ اس رشتے سے خوش و مطئن ہے ۔۔۔ ۔۔۔۔انس نے آہستگی سے کہا ۔۔۔

انس کی بات پر ڈرائنگ روم میں سکونت چھا گیا ۔۔۔۔

ثنا نے بتایا شادی کب تک ہوگی ۔۔۔۔۔بلاول نے ڈرتے غزنوی کو دیکھتے انس سے سوال کیا ۔۔۔۔

انس نے گھورا ۔۔۔۔بھابھی بولنے کا تکلف کرلے ۔۔ماسٹرز کے بعد ہوگی ۔۔۔بلاول کو نصیحت ضروری سمجھی ۔۔۔

پھر تو کافی ٹائم ہے کچھ نہ کچھ کرہی لیں گے ۔۔۔۔لاروش ہماری ہی بھابھی بنے گی ۔۔۔بلاول نے عزم کیا ۔۔۔

آج سارے دن میں بلاول کی بات پر غزنوی کے چہرے پر اب مسکراہٹ آئ ۔۔۔۔۔۔

کیا خیال ہے جلد نہ بنادو تیری بھابھی ۔۔۔۔معنی خیز کہا ۔۔۔

سب جو غزنوی کی مسکراہٹ پر ریلکس ہوئے تھے ہی اس کی بات پر پھر پریشان ہو کر دیکھا ۔۔۔۔۔

کیا بے وقوفوں کی طرح کیا دیکھ رہے ہو ۔۔۔

مجھے ہر حال میں لاروش سےکل نکاح کرنا ہے ۔۔۔

غزنوی نے ببانگ دہل کہا ۔۔۔

انس شہروز بلاول چاروں حق دق رہ گئے ۔۔۔

حیران نظروں سے غزنوی کی طرف دیکھا ۔۔۔۔آفتاب نے ہمت کی ۔۔۔۔

کیوں یار چند دن تو رہ گئے یونی ختم ہونے میں ۔۔۔تھوڑا انتظار کرلے ۔۔۔

تاکے اسکا کزن لے اڑے ۔۔۔۔غزنوی نے برہمی سے جواب دیا ۔۔۔۔آفتاب نے انس کو گھورا ۔۔۔۔جس نے یہ فضول بکواس غزنوی کے سامنے کی ۔۔۔۔۔اور پانی کا گلاس بھر کر غزنوی کو دیا تاکہ اس کا غصہ ٹھنڈا ہو۔۔۔۔۔۔۔۔۔۔

غزنوی نے ایک ہی سانس میں غٹاغٹ پانی پیا ۔۔۔۔۔۔

یار نکاح بیسٹ حل ہے ۔۔۔میں اسے کسی کا بھی ہونے نہیں دونگا ۔۔۔

میرے سمجھانے پر بھی اس کی سمجھ میں نہیں آیا ۔۔۔ہٹ دھرمی لہجے میں برقرار ہے ۔۔۔۔

آفتاب نے پھر سمجھانے کی کوشش کی ۔۔۔۔۔

یار بغیر ولی کے نکاح جائز نہیں ۔۔۔۔۔۔۔۔۔

کیا مطلب شہروز نے سوال کیا ۔۔۔۔۔

مطلب یہ اگر لڑکی کا سر پرست موجود ہے اور اس سے اجازت لیے بغیر نکاح کیا تو نکاح حرام ہے ۔۔

حدیث پاک صلی اللّہ علیہ وسلم ہے جس عورت نے ولی کی اجازت کے بغیر نکاح کیا اس کا نکاح باطل ہے باطل ہے باطل ۔۔۔۔۔

۔۔واضح دو ٹوک حدیث موجود ہے ۔۔جو بھاگ کر شادی کرنے والے نوجوان نسل کو نصیحت دے رہی ہے مگر کوئ عمل نہیں کرتا ۔۔۔ماں باپ کی عزت روندتے ہیں ۔۔۔۔

اوکے ، سب رائٹ ہے ۔۔۔۔میں مانتا ہوں ۔۔۔۔میں نکاح نہیں کرتا ۔۔۔۔لیکن کورٹ میرج تو کرسکتا ہوں ۔۔ ۔ انس مجھے کل کورٹ کے پیپرز مع گواہ کے سائن کے چاہیے ۔۔۔۔بس مجھے چڑیا کے پر کاٹنے ہیں ۔۔۔قید میں لینا ہے ۔۔۔باقی پھر پیپرز کے بعد اس کے ولی کی اجازت لیکر شادی کرونگا ۔۔۔۔چند سیکنڈ میں پورا لائحہ ِ عمل دوستوں کے سامنے رکھ دیا ۔۔۔۔۔۔

چاروں نے ثبات میں سر ہلایا ۔۔۔۔مرتے نہ کرتے ۔۔۔۔دوست کا ساتھ تو دینا ہی تھا ۔۔۔۔

بھابھی مان جائیں گی ۔۔۔۔۔پھر تو ان پر حق تو نہیں جتائے گا ۔۔۔۔ان کو تنگ تو نہیں کرےگا ۔۔۔۔۔۔ذومعنی بات کی ۔۔۔۔۔بلاول نے پوچھا ۔

کل پیپرز لانا شام میں وہ میری قانونی بیوی ہوگی ۔۔۔رہے گیا حق تو میں جتاوں گا ۔۔۔۔۔ہاں تنگ تھوڑا کرونگا ۔۔۔۔۔مگر مکمل تنگ شادی کے بعد کرونگا ۔۔۔غزنوی نے مسکرا کر کہا ۔۔۔

بڑا ہی خبیث ہے تو انس نے اس کے کندھے پر ہاتھ مارا ۔۔۔۔

لاروش کے ہاتھ پکڑنے سے غزنوی کے ذہن نے بہت کچھ جان لیا تھا ۔۔۔گھر واپس آکر اس نے پلاننگ کرلی تھی ۔۔۔۔اسلیے انس کے انکشافات پر پرسکون ہی رہا ۔۔۔۔دل ودماغ میں غصہ تو ہے مگر کنٹرول کیا ۔۔۔۔۔۔۔۔۔۔

کل کا سورج لاروش کی زندگی کا سیاہ دن لکھے گا ۔۔۔۔کل ایک کوئ فتح پائے گا تو ہار کسی کا مقدر بنے گی ۔۔۔۔

____________________­___________________۔

یار یہ پرندہ کتنا خوبصورت ہے ۔۔۔غزنوی نے بلاول سے کہا ۔۔۔۔

ہاں زبردست ایسے قید کرلیتے ہیں آرام سے پکڑے ۔انس نے مشورہ دیا ۔۔۔کیا بکواس ہے ہم شکار کرنے آئے ہیں ۔۔۔۔تو شکار ہی کریں گے ۔۔۔غزنوی نے رائفل سے نشانہ باندھا گولی چلی جو سیدھے ڈال پر بیٹھی خوبصورت چڑیا کے لگ گی ۔۔۔چڑیا پھڑ پھڑا نے لگی ۔۔۔اوہو یہ تو زندہ ہے ۔۔۔چلو ایک اور گولی مار دیتا ہوں ۔۔۔۔

غزنوی نے پاس جا کر پھر نشانہ باندھا ۔۔۔۔گولی چلی ۔۔۔۔۔

آہ ۔۔۔۔گل ِجانا ں ڈر کر اٹھی ۔۔ رونے لگی ۔۔۔۔۔۔۔گل کی چیخ سے امو اور پلوشہ آئ ۔۔۔

گل جاناں گلے لگی ۔۔۔امو میں نے یہ خواب دیکھا صبح بھی دیکھا ۔۔لالہ نے ایک چڑیا کو مارا ۔۔۔۔۔

اففف تم چڑیا مرنے پر رو رہی ہو ۔ ۔گل تم بھی بدھو ہو ۔۔چڑیا ہی تو ماری ہے کسی انسان کو قتل نہیں کیا ۔۔۔خواب کی تعبیر ایسی ہے غزنوی کسی کو نقصان پہنچائے گا ۔۔۔۔۔پلوشہ چڑیا کا سن کر گل کو ڈرا نے لگی ۔۔۔۔۔

استغفر اللّہ ۔ پلوشہ کتنی خراب تعبیر بتائ ہے ۔۔۔بری بات بیٹا کبھی بھی خواب کی تعبیر خراب نہ بتاو اچھی بتاو ۔ ۔ یٹا خواب کی تعبیر بتانے میں کبھی عجلت یا جلدبازی نہیں کیا کرو ۔۔۔ ہمارے پیارے نبی کریم صلی اللّہ علیہ وسلم نے فرمایا

۔خواب ایک پرندے کے پیر پر ہوتا ۔۔۔جب تک اس کی تعبیر نہ بیان کردی جائے ۔۔۔اور جب اس کی تعبیر بیان کردی جائے تووہ واقع ہوجاتا ہے ۔۔۔۔

۔ ۔مہر بانو نے دل پر ہاتھ رکھا اور پلوشہ کو پیار سے ڈانٹا ۔۔ اور سمجھایا ۔۔۔۔

۔۔سوری تائ ۔۔۔میں تو بس گل کوڈرا رہی تہیں ۔۔۔یہ تو بس خواب تھا ۔۔۔

گل اور پلوشہ بیٹا خواب کی حقیقت ہوتی ہے ۔۔۔خواب تین طرح کے ہوتے ہیں ۔۔

اللّہ کی طرف سے مومن کو خوشخبری ۔۔۔۔اچھے خواب

دوسری قسم مسلمانوں کو شیاطین وسوسے اورڈراوے دیتے ہیں

تیسری قسم ۔۔۔ایسی ہے ہم جو دن بھر سوچتے ہیں ۔۔۔کام کرتے ہیں ۔۔۔وہی خواب بن کر پھر آجاتے ہیں ۔۔۔۔

اچھے خواب دیکھنے پر اللّہ کا شکر ادا کرو ۔۔۔۔

برے خواب پر اللہ سے مدد مانگو خواب کے شر سے بچنے کی دعا کرو ۔۔۔۔

کبھی بھی غلط گمان نہ کیا کرو ۔۔۔۔خواب کسی عالم کو یا سمجھدار نیک شخص کو ہی بتاو تو بہتر ہے ۔۔۔ اب تم نے پلوشہ کو بتایا اس نے غلط تعبیر بتائ ۔۔۔آپ تمہارا دل اس تعبیر میں ہی ہولتا رہے گا ۔۔۔ذہن پریشان رہے گا ۔۔۔۔اس لیے میرا بچہ خواب دیکھ کر اللّہ سے ہی دعا کرو ۔۔۔وہ تقدیر بدلنے پر قادر ہے ۔۔۔۔

پلوشہ نے پھر دونوں سے معافی مانگی ۔۔۔

جلدی چلیں تائ ، مورے گرگئ ۔۔۔۔۔ورشہ نے پھولی سانس میں آکر بتایا ۔۔۔۔

کیسے گرگئ سوال کرتی ورشہ کے ساتھ باہر نکلی ۔۔۔پلوشہ اور گل بھی ان کے پیچھے گئ ۔۔۔۔۔اس سب چکر میں گل جاناں دعا مانگ ہی نہ سکی ۔۔

۔دعا جو مومن کا ایسا ہتھیار جو مصیبت کو کاٹ کر پھینک دیتا ہے ۔۔ جو مسائل کی چکی کا چکر روک دیتا ہے ۔۔۔۔جو غم کو خوشی میں بدلنے کا ہنر جانتا ہے ۔۔۔جو تقدیر بدلنے کی طاقت رکھتا ہے ۔۔۔۔دعا بہترین عمل ۔۔۔بہترین تحفہ ہے ۔۔۔جو خالقِ کائنات نے بے پناہ نعمتیں نوازنے کے بعد بھی اپنے بندوں کو ان کی من پسند دینے کے لیے بندوں کو عطا کی۔ ۔۔۔

گل جاناں غزنوی کے لیے دعا کرنا بھول گئ ۔۔اشارہ بھی ملا پھر بھی بھول گئ ۔۔چاہے نادانستگی میں بھولی مگر بھول تو گئ ۔۔۔ ۔۔۔۔کیا یہ بھول کسی کی زندگی میں قیامت برپا کرسکتی ہے ۔۔۔

جاری ہے