Ramaad Al Hubb by Sara Shah readelle50009 Episode 26

” ڈاکٹر کیا کہہ رہے ہیں رجب؟؟۔۔۔میرا بیٹا ٹھیک تو ہو جائے گا نا؟۔۔۔۔۔”۔

وہ سن سے دیوار کے ساتھ کھڑے تھے جب عصری بیگم کی آواز پرچونکے۔۔۔۔وہ پلٹے تو وہ بے حال سی سامنے کھڑی تھیں۔۔۔۔۔۔ابھی کل ہی اسکے ایکسیڈنٹ نے انھیں بدحواس کیا تھا کہ اب اسکی بے ہوشی نے مزید ہراساں کر دیا۔۔۔۔۔وہ پچھلے سولہ گھنٹوں سے بے ہوش تھا۔۔۔۔۔چوٹیں زیادہ آئیں تھیں جس کی وجہ سے وہ مسلسل بے ہوش تھا۔۔۔۔۔وہ خود بھی سخت پریشان تھے۔۔۔۔۔۔۔

” ان شا اللہ وہ ضرور ٹھیک ہو گا۔۔۔۔ بے فکر رہیں۔۔۔۔”۔۔

انھیں کندھوں سے تھامتے وہ تسلی دیتے لہجے میں بولے۔۔۔۔۔انکی تسلی نے عصری بیگم کو مزید اذیت دی ان کا کھوکھلہ لہجہ سب کہہ رہا تھا۔۔۔۔۔۔

یہ کیسی آفت آ پڑی تھی۔۔۔پریشانیاں جان ہی نہیں چھوڑ رہیں تھیں ۔۔۔اور اس سب کی لپیٹ میں سب سے زیادہ اسامہ کا اپنا وجود آیا تھا۔۔۔۔۔اور جس کے اثرات نے عمر بھر اسکی زندگی پر نشان چھوڑے تھے۔۔۔۔۔۔

جس سے نکلنے میں اسے اگلے چھ سال بھی کم پڑ گئے تھے۔۔۔۔۔عصرہ بیگم اور رجب صاحب نے اگلے چھ سال اسے بے دردی اور بے حسی کی انتہا کو چھوتے دیکھا تھا۔۔۔لیکن اسے اس سب سے نکالنے کی وجہ نا رجب صاحب کے پاس تھی اورنا ہی عصری بیگم کے پاس ۔۔۔اور جس کے پاس تھی وہ تو زمانے کی گرد میں کہیں چھپ گئی تھی۔۔۔۔۔۔جسے اسکی سیاہ آنکھیں ڈھونڈھنے کو مچلتی بالاآخر ساکت ہو گئیں تھیں۔۔۔۔۔۔

انھیں ڈھونڈنا آسان ہوتا ہے جو کھو جائیں۔۔لیکن انھیں کیسے ڈھونڈا جائے جو خود ہی چھپ جائیں۔۔۔۔۔۔زری کا اسامہ کی زندگی میں آنا اور پھر چلے جانا ایسا تھا جیسے اسے کہیں خلا میں معلق کر دیا گیا۔۔۔۔۔اسکے سر پر آسمان تھا نا پائوں تلے زمین۔۔۔۔۔اور قدرت نے اسکے قدم اس سے چھین لیے تھے۔۔۔گھٹنوں پر آئی شدید چوٹوں کا نتیجا تھا کہ وہ چلنے کی صلاحیت سے محروم ہو گیا۔۔۔ذہنی اور جسمانی طور پر وہ اتنا کمزور ہو چکا تھا کہ اسے پاگل پن کی سرحدوں پر جا کے واپس آتے ان دونوں نے خود دیکھا تھا۔۔۔کہیں بیٹھتا تو بیٹھا ہی رہتا اور اگرسوتا تو دن بھر سوتا رہتا۔۔۔۔غصہ اتنا بڑھ گیا تھا کہ کئی بار وہ خود کو چوٹ پہنچا چکا تھا۔۔۔۔۔۔

لیکن اگلے چھ سالوں میں اگر کچھ نہیں بدلہ تھا تو وہ تھا اسکا پیار۔۔۔زری کے لیے اسکی دیوانگی وقت کے ساتھ بڑھتی چلی گئی۔۔۔۔۔گزرے چھ سالوں میں وہ یہ تک نا مان سکا کہ وہ جا چکی ہے۔۔۔اسکا دل انکاری تھا۔۔۔اور وقت نے واقعی ثابت کیا کہ اسامہ ابراہیم اپنی محبت میں سچا تھا۔۔۔رب نے انھیں ہجر کے دہکتے صحرا سے نکال تو لیا تھا ۔۔لیکن ابھی آبلہ پائی باقی تھی۔۔۔جس میں ابھی اسے مزید جلنا تھا۔۔۔۔۔۔۔۔۔۔

بیک بون کی چوٹ اور گھٹنوں کا علاج ممکن تھا مگر اسامہ ابراہیم خود کے لیے سزا منتخب کر چکا تھا۔۔۔۔۔۔اسکے علاج کے لیے جتنا رجب صاحب کا اصرار بڑھتا گیا اتنی ہی اسامہ کی ضد بڑھتی گئی۔۔۔اور ان دونوں کی اس جنگ نے اسکے اگلے 6 سال نگل لیے۔۔۔

سڑک پر دائیں طرف سے لمحہ لمحہ بڑھتی اپنی موت کو دیکھتے اسکا دل مطمئن تھا کہ اب اس اذیت سے چھٹکارہ مل جائے گا ۔۔۔مگر عقب سے ابھرتی تیز گرفت نے اسے سرعت سے پیچھے کھینچا۔۔۔۔اسکا شال اور پرس وہیں کہیں گر گیا تھا۔۔۔۔۔اور جس مہربان ہستی نے اسے بچایا تھا وہ اسکی آنکھوں کے سامنے موت کی آغوش میں چلی گئی۔۔۔۔۔

ٹرک کے شدید ترین دھچکے سے وہ دور تک پھسلتی چلی گئی۔۔۔اور وہ خود جن کی بانہوں میں کھڑی تھی یہ ہولناک منظر نا سہتے ہوئے اپنے ہواس کھوتی چلی گئی۔۔۔۔۔۔

ہوش میں آئی تو پتا چلا کہ وہ لڑکی جس کا نام فاطمہ تھا۔۔۔۔اپنی ماں کی اکلوتی بیٹی تھی۔۔۔۔اور اب وہ اس دنیا میں نہیں رہی۔۔۔۔لیکن اس کے علاؤہ جو کچھ اس لڑکی کی ماں نے اسے بتایا وہ اسے ساکت کر دینے کو کافی تھا۔۔۔۔وہ ایکسیڈنٹ کوئی اتفاق نہیں تھا بلکہ سوچی سمجھی گئی سازش تھی۔۔۔وہ بھی کسی اور کی نہیں بلکہ اسکی اپنی ممانی کی۔۔۔۔۔۔بوا نے خود ان کی باتیں سنیں تھیں۔۔۔۔۔کچھ اپنی بیٹی کے دکھ میں نڈھال اور کچھ زری کے خسارے نے انھیں ایک بڑا فیصلہ لینے پر مجبور کر دیا۔۔۔۔۔۔وہ اسے اپنی بیٹی بنا کر حیدر آباد نکل آئیں۔۔۔فاطمہ کو زری کی جگہ لحد میں اتارا گیا۔۔۔اور اسکی موت زری کے لیے زندگی کی نوید بن گئی۔۔۔۔وہ اپنے خاندان کے لیے دفن ہو چکی تھی۔۔تبھی تو نا چاہتے ہوئے بھی اسے راہ فرار اختیار کرنا پڑا۔۔۔۔۔۔اور فرار نے اسکے اور اسامہ کے بیچ چھ سال کی جدائی لکھ دی۔۔۔۔۔۔

” مم۔۔میرے ساتھ چلو نیناں۔۔۔۔”

کافی دیر بعد ایک وہ بولنے کے قابل ہوا تو اسکے منہ سے نکلے لفظوں نے زری کو ساکت کر دیا۔۔۔۔وہ منتظر تھی کہ وہ کوئی بات دہرائے گا لیکن اب اسکا مطالبہ اسے حیران کر گیا تھا۔۔۔۔۔

” کیا مطلب؟….”

وہ دردزیدہ نظروں سے اسے دیکھتے سوالیہ ہوئی ۔۔۔۔

” مطلب میرے ساتھ چلو۔۔۔میں نہیں رہ سکتا تمہارے بنا۔۔۔چلو پلیز۔۔۔۔۔”

نظریں چراتے وہ عجیب سے لہجے میں بولا تو وہ طنزیہ ہنس دی۔۔۔۔اسکی ہنسی نے اسامہ کو مزید خفیف کیا۔۔۔۔۔۔

” نہیں رہ سکتے تو نا رہو۔۔تم رہے ہی کیوں؟؟۔۔۔ مر ہی کیوں نہیں گئے ذوالنون؟؟؟ ۔۔۔مر جاتے تو مجھے صبر بھی آجاتا ۔۔۔لیکن اب۔۔۔۔جب جب میں تمہاری صورت دیکھتی ہوں مجھے اپنے خسارے یاد آجاتے ہیں۔۔۔اپنی بربادی یاد آتی ہے۔۔۔۔کہو اب کیا کروں؟؟؟؟۔۔۔تمہارے ساتھ چلوں؟؟؟۔۔۔۔۔

کیسے؟؟؟۔۔۔۔۔”

اسکی سرخ آنکھوں میں اپنی لہو مانند بھیگی آنکھیں گاڑتے وہ خلق کے بل چیختی اسامہ کی ذات کی دھجیاں اڑا گئی۔۔۔۔۔۔وہ یک ٹک اسکی آنکھوں میں دیکھتا رہ گیا جہاں نفرت کا ایک جہاں آباد تھا۔۔۔۔اور یہ جہاں آباد کرنے والا بھی وہ خود تھا۔۔۔۔۔۔۔یہ سچ انی کی مانند اسکے سینے میں پھنسا ہوا تھا۔۔۔۔۔جس کی وجہ وہ کھل کر سانس لینے سے قاصر تھا ۔۔۔۔۔۔سیاہ آنکھیں پل میں دہک اٹھیں تھیں۔۔اور سینے میں آگ کا الگ آلائو دہک اٹھا تھا۔۔۔۔۔۔۔

” نیناں۔۔۔۔”

” زرنین ریحان نام ہے میرا ذوالنون اسامہ۔۔۔زرنین ریحان۔۔۔۔۔سنا تم نے۔۔۔۔۔۔”

اسکے لبوں سے اپنا نام اس طرز پر سنتے ٹیبل پر رکھی اشیاء ہاتھ سے گراتے وہ آپے سے باہر ہوتی چلائی تھی۔۔۔۔۔۔اور اسامہ کے کچھ کہنے کی چاہت میں لب محض پھڑپھڑا کر رہ گئے۔۔۔۔ رنگت پل میں زرد ہوئی تھی۔۔۔۔۔کتنے ہی الفاظ اسکے لبوں تک آکر دم توڑ گئے۔۔۔۔۔۔

” جتنا ہو سکتا ہے مجھ سے دور رہو۔۔۔۔۔مجھے تمہاری موجودگی سے وخشت ہوتی ہے۔۔۔دور رہو مجھ سے۔۔۔۔۔۔”

گہرے سانس لیتے انگلی اٹھا کر اسے وارن کرتے وہ باہر کی طرف بڑھی۔۔۔۔اور اسے یوں جاتے دیکھ اسامہ بے چین ہوا۔۔۔۔۔۔

” تم مجھ سے اب مزید مجھ سے دور نہیں جا سکتی نیناں۔۔۔ اور نا میں جانے دوں گا۔۔۔۔۔یہ وہم اپنے دماغ سے نکال دو کہ زرنین ریحان کو دنیا کی کوئی بھی طاقت اب مزید ذوالنون اسامہ سے دور رکھ سکتی ہے۔۔۔۔کبھی نہیں۔۔۔۔۔نیور۔۔۔۔۔”

اسکی پشت دیکھتے وہ چٹانوں کی سختی سے بولتا زری کو سنسنانے پر مجبور کر گیا۔۔۔۔۔ڈور ناب پر رکھا اسکا ہاتھ کپکپا اٹھا ۔۔۔۔اور پیشانی پل میں تر ہوئی تھی ۔۔۔۔۔سختی سے لب بھینچتے وہ بنا پیچھے مڑے سرعت سے باہر بھاگی۔۔۔۔۔اور اسکی پشت دیکھتے اسامہ کے لب عرصے بعد مسکرا اٹھے۔۔۔۔۔سیاہ آنکھوں کی چمک ستاروں کو مات دے رہی تھی۔۔۔۔۔۔۔

” ذوالنون اسامہ تمہارے لیے پاگل ہے نیناں۔۔۔۔۔اور پاگل کبھی بھی پیچھا نہیں چھوڑتے۔۔۔۔۔یو ول بھی مائن سون۔۔۔ویری سون۔۔۔۔۔۔”

کھلے دروازے کو دیکھتے وہ دلکشی سے مسکراتے ہولے سے بڑبڑایا اور کھل کر ہنستا چلا گیا۔۔آنکھیں نم تھیں مگر لب مسکرا رہے تھے۔۔۔۔۔۔وہ اسکی تھی۔۔۔۔۔اور ہمیشہ اسی کی رہنے والی تھی۔۔۔یہ سوچ ہی اسے گدگدا رہی تھی۔۔۔۔۔دل سینے کی دیواروں سے سر ٹکراتا مدہوش ہوا جا رہا تھا۔۔۔۔۔ایک تلاش تھی جو ختم ہوئی تھی۔۔۔۔جسنے اسے پرسکون کر دیا تھا ۔۔۔۔۔

وہ گھر کیسے پہنچی تھی یہ صرف اسکا اللہ جانتا تھا۔۔۔۔۔برسوں کے زخم تھے جو ادھڑ گئے تھے۔۔۔۔اور جن کی اذیت نے اسے ادموا کر دیا تھا۔۔۔۔آنکھیں سمندر بن چکیں تھیں۔۔۔۔اسکی حالت نے بوا کو بھی بوکھلا دیا ۔۔۔۔اسکے بے جان ہوتے وجود کو اپنے ناتواں بانہوں میں سمیٹتے وہ بمشکل اسے گرنے سے بچا پائیں۔۔۔۔۔۔

” فاطمہ؟؟…..میرے بچے کیا ہوا؟؟؟….یہ کیسی حالت بنا رکھی ہے تم نے؟؟؟؟….”

اسکا سر اپنے سینے سے لگاتے وہ فکرمندی سے بولتیں چلیں گئیں۔۔۔۔مگر وہ انکے مہربان سینے میں منہ چھپائے پھوٹ پھوٹ کر روتی چلی گئی۔۔۔۔۔۔۔اسکے رونے نے مزید انکے ہاتھ پائوں پھلائے۔۔۔۔۔۔۔

” فاطمہ؟؟…میرا دل دہل رہا ہے بتائو کیا ہوا؟؟….”

دل میں اٹھتے وسوسوں سے گھبراتے وہ بے چین ہوئیں۔۔۔۔۔اسکی ایسی حالت برسوں بعد دیکھ کر وہ دہل اٹھیں تھیں ۔۔۔۔۔وہ ماہی بے آب کی طرح تڑپ رہی تھی۔۔۔۔اور اذیت انھیں ہو رہی تھی۔۔۔۔۔۔گزرے برسوں میں وہ انھیں اپنی فاطمہ لگنے لگی تھی۔۔۔۔تبھی تو وہ اسے وہاں تڑپنے کے بجائے ساتھ لے آئیں تھیں اور آج اسکی حالت نے صحیح معنوں میں انھیں ہراساں کیا تھا۔۔۔۔۔۔

” بو۔۔۔بوا وہ۔۔۔وہ آ۔۔۔ آ گیا۔۔۔۔۔وہ۔۔پھر سے آگیا۔۔۔۔۔۔”

انکے سینے میں منہ دیے وہ خوف سے بولی۔۔لہجہ کپکپا رہا تھا۔۔۔اور بدن پر الگ لرزا طاری تھا۔۔۔۔۔اسکی بات پر وہ بے طرح حیران ہوئیں۔۔۔۔۔۔۔۔

” کون؟؟؟…کون آ گیا۔۔۔۔کس۔۔۔۔۔۔۔۔”

وہ حیرت سے بولیں مگر اسکی سرخ آنکھوں کے تاثر نے انکی زبان تالو سے لگا دی۔۔۔۔وہ یک ٹک اسکی آنکھوں میں دیکھتیں رہ گئیں۔۔۔۔۔وہ کون ہو سکتا تھا وہ جان گئیں تھیں۔۔۔۔۔ان بھوری آنکھوں کی تڑپ٫اذیت اور خوف نے سب عیاں کر دیا تھا۔۔۔۔۔۔۔

” کب؟؟؟۔۔۔۔کہاں؟؟….”

انکے لبوں سے محض یہ دو لفظ نکل پائے۔۔گزرے سالوں میں ایسا نہیں ہوا تھا۔۔۔۔۔تو اب ہونا انھیں سن کر گیا تھا۔۔۔یہ کیسے ممکن تھا۔۔۔۔۔مگر وہ شائد بھول گئیں تھیں ۔۔۔۔کہ وہ ذات ہر چیز پر قادر ہے۔۔۔۔۔انھیں پھر سے ملانا کی اسکے لیے ناممکن تھا۔۔۔۔۔ہر گز نہیں۔۔۔۔۔۔

” وہ مجھ۔۔۔مجھے لے جائے گا بوا۔۔۔وہ لے جائے گا ۔۔۔۔۔”

ہذیانی انداز میں چیختے وہ بے حال سی انکے بازوئوں میں جھول گئی۔۔۔اسکے بے جان ہوتے وجود کو اپنے بازوئوں میں سمیٹتے وہ وہیں دہلیز پر بیٹھیں چلیں گئیں۔۔۔۔اسکے زرد اور بھیگے چہرے نے انکا دل مٹھی میں لے کر مسلا۔۔۔تبھی تو نم ہوتیں آنکھوں سے وہ جھک کر اسکا ماتھا چوم گئیں۔۔۔۔۔۔۔

” یہ ازل سے طے تھا فاطمہ۔۔۔۔اسے تمہارے لیے آنا ہی تھا۔۔۔میں یا تم اسے روک نہیں سکتے تھے۔۔۔۔۔وہ ذات یہ سب چاہتی تھی۔۔۔پھر ہماری نفی کی کیا مجال؟؟…..”

دردزیدہ لہجے میں بولتے وہ ان کہا سچ بیان کر گئیں۔۔۔جس سے انجان وہ ہوش وحواس سے بیگانہ پڑی تھی۔۔۔۔۔۔لیکن اب جو ہونا تھا وہ اٹل تھا۔۔۔۔۔۔تبھی تو وہ تڑپ رہی تھی۔۔۔۔۔اسکی تڑپ دیکھ کر اس ذات نے رحم کیا تھا۔۔۔۔۔قدرت کے فیصلوں کو کون سمجھ سکا ہے جو وہ سمجھتی۔۔۔۔۔۔تبھی تو تڑپ رہی تھی۔۔۔۔۔۔۔

صبح صادق کا وقت تھا۔۔۔۔۔ایسے میں ایک وجود تھا جس کی آنکھوں سے نیند غائب تھی ۔۔۔۔۔وہ کل شام سے وہیں تھا۔۔۔اسی آفس میں۔۔۔۔۔وہ جانتا تھا کہ وہ نہیں آئے گی۔۔۔مگر پھر بھی اسکی راہ تکنا اسکے دل کو بھا رہا تھا۔۔۔۔۔

رتجگے سے سرخ ہوتی خمارالود نگاہوں میں اسکا عکس تھا۔۔۔۔جو اس سے نفرت کرتی تھی۔۔۔لیکن اسکی نفرت بھی اسکے لیے غیر اہم تھی۔۔۔۔۔تبھی تو وہ اسکی نفرت سے بے نیاز تھا۔۔۔۔کیونکہ وہ پریقین تھا کہ زرنین ریحان کے کورے دل پر فقط ذوالنون اسامہ لکھا ہے ۔۔۔۔۔دروازے پر ہوتی دستک نے اسے چونکایا۔۔۔۔

” کم ان۔۔۔۔۔”

بھاری لب و لہجے میں اجازت دی۔۔۔۔اور بخش دروازہ کھول کر اندر آیا۔۔۔۔اسے دیکھتے وہ بے اختیار سیدھا ہوا۔۔۔۔۔

” انکا ایڈریس مل گیا ہے سر۔۔۔۔۔وہ وہاں ایک بزرگ عورت کے ساتھ پچھلے چھ سال سے رہ رہیں ہیں۔۔۔۔۔۔”

اسکی بے چین نظروں کو سمجھتے وہ روانی سے بولتا چلا گیا۔۔۔اور اسکی باتیں سن کر اسامہ نے کرب سے اپنی آنکھیں میچیں۔۔۔۔۔۔وہ وہیں تھی اسکے اتنے قریب اور وہ انجان رہا۔۔۔۔کیوں؟؟؟؟؟

یہ سوال اسے تڑپا رہا تھا ۔۔۔۔۔مگر اب ۔۔۔اب وہ اسے دور جانے نہیں دے گا۔۔۔۔

” گاڑی نکالو بخش۔۔۔۔ہم ابھی وہاں جائیں گے۔۔۔۔۔”

تحکم سے بولتے اسنے کافی کا مگ لبوں سے لگایا۔۔۔۔سیاہ آنکھیں دہک رہیں تھیں۔۔۔۔اور دل سجدے میں جھکا اس ذات کا شکرگزار تھا جس نے انھیں ہجر کے دہکتے صحرا سے نکالا۔۔۔۔۔۔۔اور دور کہیں ایک وجود اس وصل کو محسوس کرتے تڑپ رہا تھا۔۔۔۔ایک کے لیے یہ جنت تھا اور ایک لیے یہ جہنم سے بھی بد تر تھا ۔۔۔۔۔۔مگر اب دیکھنا یہ تھا کہ کیا وہ وجود اسامہ کی قربت کو اپناتا؟؟؟؟۔۔۔۔۔ یا پھر اس بار دھتکار ذوالنون اسامہ کا نصیب بننے والی تھی۔۔۔۔۔۔۔