Ramaad Al Hubb by Sara Shah readelle50009 Episode 19

شدید حیرت سے وہ اسے دیکھ رہا تھا جو فرش پر دنیا و مافیہا سے غافل پڑی تھی۔۔۔۔ایسا تو اسنے کچھ بھی نہیں کہا تھا کہ وہ یوں حواس کھو دیتی۔۔۔۔۔سٹاف اور مینجر وغیرہ فورا اسکی طرف دوڑے۔۔۔۔لیکن وہ اپنی جگہ سن سا اسے دیکھا رہا تھا۔۔۔۔۔

کلک سے ذہن کے پردے پر وہی لڑکی نمودار ہوئی جو اس دن اسکی گاڑی سے لگ کر بے ہوش ہوئی تھی۔۔۔۔ویسا ہی خلیہ سب کچھ وہی تھا۔۔۔تو کیا یہ وہی لڑکی تھی؟؟اسکا ذہن تانے بانے بن رہا تھا۔۔۔۔۔۔پرسوچ انداز میں سکڑی آنکھوں میں یکلخت سرخی ابھری۔۔۔۔۔غصہ کی شدید لہر تھی جس نے اسکے پورے وجود کو اپنے حصار میں لے لیا۔۔۔۔۔۔

غصہ کیوں آیا تھا۔۔یہ وہ نہیں جانتا تھا۔۔اور نا جاننے میں دلچسی رکھتا تھا۔۔۔۔اسکی وجہ سے پوری میٹنگ ڈسٹرب ہو گئی تھی۔۔۔۔اور یہ چیز اسکے اشتعال میں اضافہ کر رہی تھی۔۔۔۔کافی دیر اسی طرح وہ بیٹھا سامنے دیکھتا رہا۔۔۔۔۔

” سر میٹنگ سٹارٹ کرتے ہیں۔۔۔۔”

اسے سوچوں سے چونکانے کا باعث مینجر کی آواز بنی۔۔۔۔۔اسنے سرد نظروں سے اسے گھورا اور اپنی گھڑی پر نگاہ دوڑائی۔۔۔۔۔۔

” کینسل اٹ۔۔۔۔”

مدھم سرد لہجے میں کہہ کر اسنے وہیل چئیرموڑی۔۔۔۔۔۔جبکہ اسکے حکم پر مینجر ہکا بکا رہ گیا۔۔۔۔۔۔

” بٹ سر۔۔۔ “

” آئی سیڈ کینسل اٹ۔۔۔۔نو مور آرگیو۔۔۔۔”

وہ بوکھلا کر بولا۔۔۔۔ کہ ذوالنون کی جوابی دھاڑ پر زبان دانتوں میں دبا گیا۔۔۔۔مزید کچھ کہے بنا وہ میٹنگ ہال سے باہر نکل گیا۔۔۔۔جبکہ اسکی چوڑی پشت دیکھتے مینجر سخت حیرت میں تھا۔۔۔۔۔

” امی دراصل حبا کی برتھ ڈے پارٹی ہے تو مجھے جانا ہے۔۔۔۔”

وہ تخت پر بیٹھیں دال صاف کر رہیں تھیں جب زری وہاں آئی۔۔۔۔۔اسکا چہرہ دیکھ کر وہ سمجھ گئیں کہ وہ کچھ کہنا چاہتی ہے۔۔۔۔۔انکے کچھ پوچھنے سے پہلے وہ دھیرے سے بولی۔۔۔۔۔انھوں نے چونک کر اسکا چہرہ دیکھا جہاں عجیب طرح کی امید اور وسوسے تھے۔۔۔۔یوں جیسے وہ انکار نہیں کریں گی۔۔۔۔۔اور اگر کریں گی تو۔۔۔۔۔

فرصت سے اسکا چہرہ پڑتے وہ نرمی سے مسکرائیں۔۔۔۔۔وہ انکے لیے کھلی کتاب کی مانند تھی۔۔۔اسکے چہرے پر چھایا ہر تاثر وہ پڑھ سکتیں تھیں۔۔۔۔تبھی اسکی ہراساں آنکھوں میں دیکھتے مسکرائیں۔۔۔۔

” ہمم۔۔۔چلی جانا۔۔۔۔۔”

انھیں یوں مسکرا کر اجازت دیتے دیکھ اسکی آنکھیں چمک اٹھیں۔۔۔۔

اسے امید نہیں تھی کہ وہ اتنی جلدی مان جائیں گی۔۔۔۔دل میں کسک سی اٹھی تھی یوں جھوٹ بول کر۔۔۔لیلن کہتے ہیں محبت انسان کی عقل کھا جاتی۔۔۔زری کے ساتھ بھی یہی ہوا تھا۔۔۔۔۔

” تھینک یو سو مچ امی۔۔۔ “

انکے گلے کا ہار بنتے اسنے فرط مسرت سے انکا گال چوم لیا۔۔۔۔۔۔اسے یوں خوش دیکھ کر وہ روح تک آسودہ ہو گئیں تھیں۔۔۔۔۔۔انھوں نے بہت کم اسے یوں فرمائش کرتے دیکھا تھا۔۔۔۔تبھی سرعت سے اسے اجازت دے دی۔۔۔۔۔

لیکن اگر وہ جانتیں کہ یہ اجازت اسکی تباہی کا باعث بنے گی تو وہ مر کے بھی کبھی اسے جانے نا دیتیں۔۔۔۔۔۔لیکن سارا مسلہ تو یہی تھا کہ وہ انجان تھیں۔۔۔۔۔اور یہ لاعلمی انھیں کتنے بڑے نقصان سے دوچار کرنے والی تھی۔۔۔یہ وقت نے راز رکھا تھا۔۔۔۔۔

اور دوسری طرف وہ نادان محبت میں پاگل ہوئی جا رہی تھی۔۔۔۔۔جو محبت کہیں کا نہیں چھوڑتی کیسے ممکن تھا کہ وہ زری کو کہیں کا رہنے دیتی۔۔۔۔۔۔لیکن وہ تو وقتی مسرت کے زیراثر مسرور تھی۔۔۔۔لیکن یہ مسرت اسکے عمر بھر کے آنسوئوں کا باعث بننے والی تھی اس بات سے زرنین ریحان انجان تھی۔۔۔اور بعض دفعہ لاعلمی بھی کسی نعمت سے کم نہیں ہوتی۔۔۔۔۔۔۔۔۔

” بلیک جینز اور بلیک ہی شرٹ اور شوز پہنے وہ بے پناہ حسین لگ رہا تھا۔۔۔سیاہ آنکھوں میں ایک انوکھی چمک ہلکورے لے رہی تھی۔ ۔۔۔۔خود پر پرفیوم سپرے کرتے وہ دھیرے سے مسکرایا۔۔۔۔۔

آئینے میں نظر آتا اسکا واضح کر رہا تھا کہ اسامہ ابراہیم آج مسرور تھا۔۔۔کیوں تھا؟؟۔۔ یہ تو سوائے اسکے کوئی نہیں جانتا تھا۔۔۔۔۔۔

” آمم۔۔۔تو آج سارے رازوں سے پردہ اٹھے گا۔۔۔۔انٹرسٹنگ۔۔۔۔۔۔”

آئینے میں اپنی ہی سیاہ آنکھوں میں دیکھتے وہ دھیمے مگر پراسرار سے لہجے میں بولا۔۔۔۔۔کئی طرح کے بھید اسکی آنکھوں دفن تھے۔۔۔۔۔۔

” تم نے مجھے بڑا تنگ کیا ہے چاکلیٹ کوئین۔۔۔آج تفصیل سے تمہیں اپنا ہال دل سنائوں گا۔۔۔۔۔۔”

تخیل میں زری کے عکس سے مخاطب ہوتے اسکا لہجے جنونی ہو رہا تھا۔۔۔۔غضب کی جنوں خیزیاں اسکی آنکھوں میں طوفان اٹھا رہیں تھیں۔۔۔۔۔۔جن کی طغیانی میں زری کی بربادی چھپی تھی یا پھر محبت یہ تو صرف اسامہ ابراہیم جانتا تھا۔۔۔۔۔

اور اس جاننے نے کیا کیا غضب ڈھانا تھا یہ تو وقت نے دیکھانا تھا۔۔۔اور اسکے اثرات کیا کیا ہونے تھے یہ بھی راز تھا۔۔۔زری کی زندگی پر اور خود اسکی اپنی زندگی پر بھی۔۔۔۔۔۔

سرخ لمبی فراک اور چوڑی پاجامے اور سکارف اوڑھے وہ سادگی میں بھی پیاری لگ رہی تھی۔۔۔۔میک اپ اسنے نہیں کیا تھا۔۔۔۔دوپٹہ کندھوں پر پن اپ تھا۔۔۔۔۔۔پائوں فلیٹ شوز میں مقید تھے۔۔۔۔۔۔بے حد سادہ سی ڈریسنگ میں بھی اتنی شعائیں بکھیر رہی تھی کہ اندر آتیں زاہدہ بیگم بھی ایک پل کو ٹھٹھک گئیں۔۔۔۔۔۔

بھوری آنکھوں میں عجیب سی چمک تھی اور عنابی لب دھیمی مسکراہٹ لیے ہوئے تھے۔۔۔۔۔یہ سب انھیں کھٹک گیا۔۔۔۔۔۔لیکن پھر سر جھٹکتے وہ اسکی طرف بڑھیں۔۔۔۔۔

” ماشاءاللہ۔۔۔ بہت پیاری لگ رہی ہے میری بیٹی۔۔۔۔۔”

اسے کندھوں سے تھامتے وہ محبت بولیں۔۔۔۔جس پر بے ساختہ وہ مسکرائی۔۔۔۔۔۔دل میں کلیاں سی کھل رہیں تھیں۔۔۔۔تبھی بات بے بات لب مسکرا رہے تھے۔۔۔۔۔۔۔

” جلدی آنا۔۔۔۔”

آیت کرسی پڑھتے وہ دھیرے سے گویا ہوئیں ۔۔۔جس پر اسنے سر اثبات میں ہلایا۔۔۔۔۔۔

” حبا چھوڑ جائے گی۔۔۔آپ بے فکر رہیں۔۔۔۔۔”

انھیں دیکھتے وہ سنجیدگی سے بولی۔۔۔دل تیزی سے دھڑک رہا تھا جھوٹ بولتے ہوئے لیکن محبت ہر چیز پر غالب تھی۔۔۔۔۔

” جائو فی امان اللہ۔۔۔۔۔”

اسکی پیشانی چومتے وہ نرمی سے بولیں۔۔۔۔انکا لمس محسوس کرتے اسکا دل تیزی سے دھڑک اٹھا۔۔۔۔۔پتا نہیں کیا ہوا تھا لیکن ایک پل کے لیے ریڑھ کی ہڈی سنسنائی تھی۔۔۔۔۔۔۔بے ساختہ چونک کر انکا شفیق چہرہ دیکھا۔۔۔۔۔۔۔

” آئی لو یو امی۔۔۔۔”

غیر ارادی طور پر لبوں سے یہ الفاظ ادا ہوئے۔۔جس پر زاہدہ بیگم چونک گئیں۔۔۔۔پھر دھیرے سے مسکرائیں۔۔۔۔۔اور اسے اپنے سینے سے لگا لیا۔۔۔۔ایک پل کے لیے زری کا دل چاہا کہ وہ کہیں نا جائے بس یہیں اسی آغوش میں سما جائے۔۔۔۔لیکن میسج ٹون نے اسے چونکایا۔۔۔۔۔۔

وہ گہرا سانس لے کر ان سے الگ ہوتی انکی پیشانی چوم کر سیل اٹھاتی باہر نکلی۔۔۔۔وہ دروازے تک اسے چھوڑنے آئیں تھیں۔۔۔۔۔بیرونی گیٹ کراس کرنے تک انکی آنکھوں نے اسکی پشت دیکھی تھی۔۔۔۔۔ناجانے کیوں انکا دل ہمک ہمک کر کہہ رہا تھا اسے روک لیں کہیں نا جانے دیں۔۔۔۔

لیکن زبان کچھ کہنے سے قاصر تھی۔۔۔۔۔اسکی پشت دیکھتے انھیں ایسا لگ رہا تھا جیسے وہ اسے آخری بار دیکھ رہیں ہوں۔۔۔۔۔استغفار کا ورد کرتے انکا دل سوکھے پتے کی مانند لرز رہا تھا۔۔۔۔

جبکہ وہ بیرونی گیٹ کراس کرنے سے پہلے مڑ کر انکی طرف متوجہ ہوئی۔۔۔وہ وہیں کھڑیں تھیں۔۔۔۔۔کچھ تھا جو عجیب تھا۔۔تبھی اسکا دل بے چین تھا۔۔۔۔۔اپنا ماتھا انکے لمس سے سلگتا محسوس ہو رہا تھا۔۔۔۔کیوں سلگ رہا تھا؟؟ یہ تو وہ نہیں جانتی تھی لیکن دل بے سکون تھا۔۔۔۔۔

وہ صرف یہ نہیں جانتی تھی کہ یہ آخری لمس تھا انکا ۔۔۔۔اسکے بعد وہ انھیں دیکھ نہیں پائے گی۔۔۔۔۔۔۔۔وقت قضا لکھ چکا تھا۔۔۔۔۔قدرت کا فیصلہ ہو چکا تھا۔۔۔۔

وہ اسامہ کا ڈرائیور تھا۔۔۔اسنے میسج پر بتایا تھا کہ اسکا ڈرائیور آئے گا۔۔۔۔اسی لیے وہ حیران نہیں ہوئی۔لیکن دو آنکھوں نے اسے گاڑی میں بیٹھتے دیکھا تھا اور ان میں ابھرتا تمسخر زری کی تباہی کا گواہ تھا۔۔۔۔۔۔اسکے فارم ہائوس تک پہنچتے پہنچتے اسکی ہتھیلیاں بھیگ چکیں تھیں۔۔۔۔۔

فارم ہائوس پر ایسی کوئی خاص سجاوٹ نہیں کی گئی تھی۔۔۔تبھی وہ تھوڑی حیران ہوئی۔۔۔۔۔لیکن کیا پتا اسے شوق نا ہو یہ سوچ کر وہ خود کو پرسکون کر گئی۔۔۔۔۔۔

گاڑی سے نکلتے ہی وہ سمجھ گئی کہ سجاوٹ کی ضرورت کیوں نہیں تھی۔۔۔اندر ابھرتا بے ہنگم شور سن کر ایک پل کے لیے اسکا دل چاہا وہ یہاں سے دور بھاگ جائے۔۔۔۔

اس سے پہلے وہ وہاں سے واپس بھاگنے کا سوچتی اندر سے باہر آتے اسامہ کو دیکھ کر مبہوت رہ گئی۔۔۔۔۔سیاہ لباس اتنا کسی پر شاید جچا ہو گا جتنا اس پر جچ رہا تھا۔۔۔۔۔رات کی تاریکی وہ چودھویں چاند کی مانند دمک رہا تھا۔۔۔۔۔۔

اور اسے دیکھ کر تو ایک پل کے لیے اسامہ کے دل نے بھی بیٹ مس کی تھی۔۔۔۔۔سرخ لباس میں وہ اسکی دھڑکنیں بے ترتیب کر گئی تھی۔۔۔۔۔۔سرعت سے خود پر قابو پاتے وہ سر جھٹک کر اسکی طرف بڑھا۔۔۔۔۔

” ویلکم۔۔۔۔۔ویلکم ٹو مائی ہوم لٹل پرنسس۔۔۔۔۔”

اسکے سامنے آکر ہلکا سا جھکتے وہاسکی آنکھوں میں دیکھتا مدھم گھمبیر لہجے میں بولا کہ زری کی سانس بے اختیار رکی۔۔ان سیاہ آنکھوں کا جادو اتنا با اثر تھا کہ وہ پل میں زیر ہوئی۔۔۔۔۔۔وہ وجاہت کا شاہکار اسکے سامنے جھکا تھا تو اسیر کیسے نا ہوتی؟؟۔۔۔

” کم انسائیڈ۔۔۔”

کمال استحقاق سے اسکا ہاتھ تھامتے وہ دھیرے سے گویا ہوا۔۔۔جبکہ وہ اسکے بھرپور لمس پر کانپ گئی تھی۔۔۔۔۔۔پلکیں بے اجتیار جھکیں۔۔۔۔۔۔اور لب دھیرے سے مسکرائے تھے۔۔۔۔۔یہ دلکش منظر دیکھتے اسامہ کے لب بڑے پراسرا انداز میں مسکرائے تھے۔۔۔۔آنکھوں میں ایک الگ ہی تاثر ابھرا تھا۔۔۔۔۔

اندر کا ماحول دیکھتے زری کا دل سکڑ کر پھیلا تھا۔۔۔۔بے ہنگم شور،نیم عریاں لباس میں تھرکتی لڑکیاں اور انکی کمر میں ہاتھ ڈالے جھومتے لڑکے۔۔۔۔۔۔یہ اپر کلاس کی بے ہودہ یوتھ تھی۔۔۔۔جسے دیکھ کر اسنے حیرانی سے اسامہ کی طرف دیکھا۔۔۔۔۔

” ڈیٹس دا پارٹ آف آوور سوسائٹی۔۔۔۔۔”

اسکی آنکھوں میں پنپتے سوال کو سمجھ کر وہ بے پرواہی سے بولا۔۔۔۔۔جبکہ اسکی بے نیازی پر زری کو یہاں آنا سراسر حماقت لگا۔۔۔۔۔۔شدید حیرت سے اسکا چہرہ دیکھا جو بے تاثر تھا۔۔۔۔۔

” حبا کہاں ہے؟؟۔۔”

غیر محسوس طریقے سے اپنا ہاتھ چھڑواتے وہ زور سے بولی۔۔کہ اسامہ بے ساختہ چونکا۔۔۔۔۔۔اسکے چہرے پر چھائے ناپسندیدگی کے رنگ وہ باآسانی دیکھ سکتا تھا ۔۔۔۔ایک جاندار مسکراہٹ اسکے لبوں پر دوڑ گئی۔۔۔۔۔۔۔

” آتی ہو گی۔۔۔جسٹ ریلکس۔۔۔حیدر گیا ہے اسے پک کرنے۔۔تم آئو میرے ساتھ۔۔۔۔۔”

جوابا وہ بے نیازی سے کہہ کر اسے لیے ایک طرف بڑھا۔۔۔جہاں بیٹھنے کے لیے صوفے لگے تھے۔۔۔وہاں پر رش کم تھا۔۔۔۔۔۔

وہ اسکی معیت مین چلتی ایک صوفے پر آکر بیٹھ گئی۔۔۔۔۔۔وہ اسکے سامنے والے صوفے پر بیٹھ گیا۔۔۔زری کی نسبت وہ ریلکس تھا۔۔۔

” مجھے امید نہیں تھی کہ برتھ ڈے پارٹی ایسی ہو گی۔۔۔”

ہتھلیاں مسلتے وہ خود کو یہ کہنے سے ورک نہیں پائی۔۔۔۔اسکی بات پر اسامہ بے ساختہ ہنسا۔۔۔۔۔

” میں اپنا برتھ ڈے نہیں مناتا۔۔۔یہ تو ایک گیڈ ٹو گیدر ہے۔۔۔۔اور یہاں پارٹیز ایسی ہی ہوتی ہیں۔۔۔۔۔”

ویٹر کو اشارے کرتے وہ کندھے اچکا کر بولتا زری کو اس پر بے پرواہ اور عجیب لگا تھا۔۔۔۔کچھ تھا جو اسے کھٹک رہا تھا۔۔۔گھبراہٹ سی ہونے لگی تھی۔۔۔بھوری آنکھوں میں خوف اور بے چینی ہلکورے لینے لگی۔۔۔۔اس سے پہلے وہ کچھ کہتی ویٹر جوس لے آیا۔۔۔۔اسامہ نے ایک گلاس اسے اٹھا کر دیا جو اورنج جوس تھا۔۔۔ اور ایک خود لے لیا۔۔۔۔۔۔

گھبراہٹ سے گلا سوکھ رہا تھا جبھی وہ غٹاغٹ وہ جوس پی گئی۔۔۔۔۔اسے دیکھتے اسامہ کی آنکھوں کی چمک بڑھی تھی۔۔۔۔۔اپنے گلاس سے سپ لیتے وہ نظریں اسی پر جمائے بیٹھا تھا۔۔۔۔۔۔

ٹھنڈے موسم میں بھی زری کی پیشانی پسینے سے تر ہو گئی۔۔۔۔جوس ٹھنڈا تھا لیکن اسے گرمی لگ رہی تھی۔۔۔۔۔زبان پر عجیب سا ذائقہ سرائیت کر گیا۔۔۔۔۔گلے پر ہاتھ رکھتے اسنے گھومتے سر سمیت اسامہ کو دیکھا۔۔۔۔وہ اسے دھندھلا نظر آرہا تھا۔۔۔۔۔زری کا دل ڈوب کا ابھرا۔۔۔۔

” اسا۔۔اسامہ۔۔۔۔”

بمشکل بولتے اسنے اسکا نام لیا جو سرد مگر بے تاثر نظروں سے اسے ہلکان ہوتا دیکھ رہا تھا۔۔۔۔۔۔لیکن اس سے پہلے وہ اٹھ پاتی اعضاء مفلوج ہوتے چلے گئے۔۔۔بھوری آنکھیں پل میں بھیگیں تھیں۔۔۔۔۔زاہدہ بیگم کا شفیق چہرہ ذہن کے پردے پر نمودار ہوتا اسے تڑپا گیا۔۔۔۔۔

بند ہوتی آنکھوں میں اسامہ کا عکس تھا۔۔۔۔اور پھر ہر طرف اندھیرا چھا گیا۔۔۔بلکل ویسے ہی جیسے اسکی قسمت پر اندھیرے قابض ہو گئے تھے۔۔۔۔۔

” ویلکم ٹو ہیل نیناں ڈارلنگ۔۔۔۔”

اسے صوفے پر ڈھتے دیکھ وہ سرد لہجے میں پھنکارا۔۔۔سیاہ آنکھوں میں غضب کی سرخیاں تھیں۔۔۔۔۔اور لب طنزیہ انداز میں مسکرا رہے تھے۔۔۔۔۔۔۔