Ramaad Al Hubb by Sara Shah readelle50009 Episode 09

” وہ زندہ نہیں ہے میرے بیٹے۔۔۔۔۔خدارا خود کو اس فریب سے نکال لیں۔۔۔۔۔۔”

اسکے کمرے کے بند دروازے کو دیکھتے وہ بے آواز روتیں بڑبڑائیں تھیں۔۔۔۔۔۔۔اسکے سامنے وہ کیسے کہہ دیتیں وہ تو پچھلے 6 سالوں سے اسی امید پر زندہ تھا کہ کہیں سے اسکے سامنے آجائے مگر یہ ناممکن تھا وہ یہ بات جانتیں تھیں۔۔۔۔۔۔

” آہ کاش آپ کو سکون مل جائے۔۔۔۔۔۔”

آنکھیں صاف کرتیں وہ مدھم آواز میں بولیں۔۔لہجہ ان دیکھے خدشات سے ڈگمگا رہا تھا۔۔۔۔۔پر یقین تو وہ بھی نہیں تھیں۔۔۔۔۔جس سے اسے سکون ملنا تھا وہ تو ایسی جگہ پر چلی گئی تھی جہاں سے واپسی ناممکن تھی۔۔۔۔۔۔۔۔

” وہ ذات کبھی برداشت سے زیادہ بوجھ انسان پر نہیں ڈالتی میم۔۔۔۔۔۔سر کو انشاءاللہ سکون ضرور ملے گا۔۔۔۔۔۔”

انکے پیچھے کھڑے کب سے انکی باتیں سنتا ایبک یقین سے بولا۔۔۔۔وہ بے ساختہ چونک کر مڑیں۔۔۔۔۔اسکی بات نے انکے تڑپتا دل کو سکون دیا۔۔۔۔۔۔

” انشاءاللہ ایبک انشاءاللہ۔۔۔۔”

انکے لب امید سے پھڑپھڑائے تھے۔۔۔۔۔۔۔

دروازہ بند کیے کافی دیر وہ اسکے آگے کھڑا کمرے کو گھورتا رہا۔۔۔اندر ایک جوار بھاٹا پک رہا تھا جس نے اسکی دھڑکنیں تیز کر دیں۔۔۔۔۔۔۔

” نہیںنںنن۔۔۔۔۔۔۔۔”

یکلخت اونچی آواز میں چلاتے اسنے ہاتھ بڑھا کر سائیڈ ٹیبل پر پڑی چیزیں جھٹکے سے گرا دیں۔۔۔۔۔۔خوبصورت کانچ سے بنے ڈیکوریشن پیسیز زمین پر بکھرتے اپنی ناقدری پر رو رہے تھے۔۔۔۔۔۔۔

” تم زندہ ہو۔۔۔۔۔میں جانتا ہوں تم یہیں کہیں ہو۔۔۔۔۔میری ہر چلتی سانس گواہ ہے کہ تم زندہ ہو۔۔۔۔۔۔۔۔”

ٹوٹے کانچ دیکھتے وہ لرزتی آواز میں چیخا۔۔۔۔۔لہجہ کمزور تھا مگر آنکھوں میں کسی معجزے کی امید تھی۔۔۔۔۔۔۔

” جب ہر سو وخشت چھائے گی تب ۔۔۔۔تب تم مجھے ڈھونڈو گے مگر تمہارے ہاتھ سوائے خاک کے کچھ نہیں آئے گا۔۔۔۔۔۔”

ایک روتی چیختی آواز سماعتوں میں اترتی اسے کسی اندھی قبر میں اتار گئی۔۔۔۔۔۔بے ساختی آنکھوں میں نمی ابھری جس نے منظر دھندھلا دیا۔۔۔۔۔۔لب بھینچ کر اسنے دل میں اٹھتے درد کو دبایا۔۔۔۔۔۔۔

دھیرے سے وہیل چئیر گھسیٹتے وہ آئینے کے سامنے آیا۔۔۔۔ہنی کلر شرٹ اوپر برائون کوٹ اور بلیو جینز پہنے وہ بے حد وجیہہ لگ رہا تھا۔۔۔۔سیاہ بال پیشانی پر بکھرے تھے۔۔۔۔۔اور آنکھوں میں نمی کی دبیز تہہ تھی۔۔۔۔۔۔سالوں کی پنپتی تڑپ نے انھیں سرخی بخش دی تھی۔۔۔۔۔۔

” میں خود خاک ہو گیا ہوں اللہ تعالی۔۔۔۔رحم کر دیں پلیز ایک بار اسے میرے سامنے لے آئیں۔۔۔۔۔پلیز۔۔۔۔۔”

آئینے میں دیکھتے وہ ہارے ہوئے لہجے میں بولا۔۔۔۔۔۔زمانوں کی تھکن نے آواز کو بوجھل کر دیا تھا۔۔۔۔۔۔کتنے ہی آنسو پلکوں کی باڑ توڑتے گالوں پر بہہ آئے۔۔۔۔۔

” پلیز کم بیک ہنی۔۔۔۔۔پلیز کم بیک پلیززز۔۔۔۔۔”

سر ڈریسنگ ٹیبل پر ٹکاتے وہ بولتا چلا گیا۔۔۔۔۔۔آواز کم سے کم ہوتی گئی مگر فریاد میں کمی نہیں آئی تھی۔۔۔۔۔۔۔کمرے کے درودیوار بھی کمرے کے مکین کے دکھ پر خاموش تھے۔۔۔۔۔۔۔وہ اسکی تڑپ تکلیف اذیت سے واقف تھے۔۔۔۔۔۔مگر بے بس تھے بلکل اسکی ذات کی طرح۔۔۔مگر ایک ذات ایسی بھی تو تھی جو بے بس نہیں تھی۔۔۔۔۔۔۔

حبا آج نہیں آئی تھی۔۔۔۔پورا دن وہ بے دلی سے کلاسز اٹینڈ کرتی رہی ۔۔۔۔۔دل صبح سے اسامہ کے عجیب رویے پر بوجھل تھا۔۔۔۔اسے رکنا چاہیے تھا۔۔۔۔۔لیکن کس رشتے سے؟؟ یہ سوچ آتے ہی اسنے گہرا سانس لیا بھلا کیا رشتہ تھا اسکا اسکے ساتھ اسنے اس دن انسانیت کے ناطے مدد کر دی اب اور کیا کرتا۔۔۔۔۔وہ کچھ زیادہ ہی امیدیں باندھ رہی تھی۔۔۔نہیں ایسا نہیں کرنا چاہیے۔۔۔۔افسردگی سے سوچتے وہ کینٹین کی طرف بڑھی۔۔۔۔۔

” ہائے۔۔۔۔”

وہ سوچوں میں گم تھی کہ اچانک دائیں طرف سے ابھرنے والی مردانہ آواز پر اچھل کر مڑی۔۔۔۔۔۔دل تیزی سے دھڑکا۔۔۔۔۔۔۔۔سامنے وہی تھا۔۔۔۔جو صبح بڑی بے دردی سے اسے نظرانداز کر چکا تھا۔۔۔۔مگر اب چہرے پر دھیمی مسکان سجائے بڑی فرصت سے کھڑا تھا۔۔۔۔۔۔۔

” کہاں گم ہو انوسینٹ گرل؟؟۔۔۔”

اسے یک ٹک اپنی طرف متوجہ دیکھ کر وہ اسکے سامنے چٹکی بجاتے ہنستے ہوئے بولا۔۔۔۔۔۔۔سیاہ آنکھیں زری پر گھڑیں تھیں جس نے اسکا سارا اعتماد ہوا کر دیا۔۔۔۔۔۔۔

” نن۔۔۔نہیں۔۔۔۔اسلام علیکم۔۔۔”

جب کچھ نا سوجا تو گڑبڑا کر سلام جھاڑ دیا۔۔۔۔اسکے سلام پر اسامہ کے لب اوو شیپ میں سکڑے۔۔۔۔۔

” وعلیکم اسلام ۔۔۔۔کیسی ہو اب؟؟۔۔۔اور اتنے دن کہاں تھی تم؟؟۔۔۔۔”

نرمی سے اسکے سلام کا جواب دیتے اسکے چہرے پر نظریں جمائے اسنے سوال داغا۔۔۔۔لہجہ عجیب سی بے چینی لیے ہوئے تھا۔۔۔۔۔۔۔

“ٹھیک ہوں۔۔اور بیمار تھی اسلیے۔۔”

اسکے بے ساختہ سوال پر وہ مخض منمنا کر رہ گئی۔۔۔۔پلکیں ہمیشہ کی طرح جھکی ہوئیں تھیں۔۔۔۔جھنہوں نے اسامہ کے لبوں پر دلکش مسکان بکھیر دی۔۔۔۔۔۔

” میں صبح سے آپکو ڈھونڈ رہی تھی۔۔۔مجھے آپکا شکریہ ادا کرنا تھا۔۔۔۔تھینک یو سو مچ!!۔۔۔۔۔۔”

ایک نظر اسکے مغرور چہرے کو دیکھتے وہ نرمی سے بولی۔۔۔۔۔اسکی دھیمی آواز نے عجیب طرح سے اسامہ کو چونکایا۔۔۔۔۔

” او نو اٹس اوکے۔۔۔۔۔ہمم۔۔۔تمہیں جب بھی مدد کی ضرورت ہو مجھے کہہ سکتی ہو۔۔۔۔۔۔”

خود پر قابو پاتے وہ عام سے لہجے میں بولا۔۔۔۔جبکہ اسکی بات پر زری نے چونک کر سوالیہ نظروں سے اسے دیکھا۔۔۔۔۔۔

” امم۔۔۔میرا مطلب ہے اب ہم دوست ہیں نا؟؟؟۔۔۔۔”

پینٹ کی پاکٹس میں ہاتھ گھساتے اسنے سنجیدگی سے استفسار کیا۔۔۔۔ اسکے انوکھے سوال پر زری کا دل عجیب طرح سے دھڑکا تھا۔۔۔۔۔۔۔پلکیں لرز کر جھک گئیں اور لب کپکپا اٹھے۔۔۔اس طرح کے حالات سے کبھی پالا نہیں پڑا تھا تو گھبرانا لازم تھا۔۔۔۔۔

” جج۔۔۔جی ٹھیک ہے۔۔۔۔۔”

بمشکل بولتے وہ اسامہ کو مسرور کر گئی۔۔۔۔سیاہ آنکھیں نگینوں کی مانند چمک اٹھیں تھیں۔۔۔۔۔اور عنابی لب جاندار انداز میں مسکرائے تھے۔۔۔۔۔۔۔

” ہمم۔۔۔گڈ۔۔۔کبھی بھی کوئی پرابلم ہو مجھے انفارم کر دینا۔۔۔۔۔میں تمہارا سینیئر ہوں۔۔۔سو آئم آلویز اویلیبل۔۔۔۔۔نائو ایکسکیوزمی۔۔۔۔”

سنجیدگی سے کہہ کر وہ رکا نہیں تھا بلکہ برآمدے کی سیڑھیاں اترتا چلا گیا۔۔۔۔۔اسکی پشت دیکھتے زری کا سانولا چہرہ دہک رہا تھا، بھوری آنکھیں نم تھیں۔۔نم اسلیے کہ اسامہ ابراہیم بڑے طمطراق سے زرنین ریحان کے دل میں بنا دستک چلا آیا تھا۔۔۔۔۔اور وہ مخض اسکی ایک نظر پر ہار گئی۔۔۔۔۔۔۔ لبوں پر بڑی پیاری مسکان تھی۔۔۔۔مسکان اسلیے کہ یہ ہار زری کو بے حد عزیز تھی۔۔۔۔۔۔

” اسامہ ابراہیم۔۔۔۔۔۔”

سرگوشی میں یہ نام لیتے اسکے لب بے ساختہ ہنسی میں ڈھلتے چلے گئے۔۔۔۔۔۔اسکی اس ہنسی کو دو آنکھوں نے بڑے غور سے دیکھا تھا۔۔۔۔۔

” یہ ہنسی بہت قیمتی ہے۔۔۔۔۔اور مجھے نایاب چیزوں کا جنون کی حد تک شوق ہے۔۔۔۔۔میں چرا لوں گا تم سے یہ ہنسی زرنین ریحان۔۔۔۔۔”

پلر کے پیچھے سے اسے بغور دیکھتے اسامہ عجیب سے لہجے میں بولا۔۔۔۔جبکہ لبوں پر اس وقت نافہم سی مسکراہٹ رقم تھی۔۔۔۔۔اور آنکھوں میں ایک پراسرا سی چمک تھی۔۔۔۔۔۔۔۔۔

نا نا کرتے بھی اسے ٹھیک ہونے میں ہفتہ لگ گیا تھا۔۔۔۔اور آج وہ سکول جانے کے لیے تیار تھی۔۔۔۔بیگ تو اس دن وہیں سڑک پر گر گیا تھا۔۔۔جس کی وجہ سے وہ سکول اطلاع نہیں دے پائی۔۔۔۔۔اور اب دل بہت پریشان تھا۔۔۔ہاسپٹل کے بل تو پے ہو چکے تھے مگر جو گھر میں دوائیاں وغیرہ لیں اس پر تو خرچا آیا تھا۔۔۔جو بوا نے ناجانے کیسے پورا کیا تھا۔۔۔۔۔

بہرحال اب یہ بات تو وہ جانتی تھی کہ وہاں سے اب جوب ملنے والا تھا۔۔۔پرائیوٹ ادارے والے کہاں اتنے نخرے برداشت کرتے ہیں۔۔۔۔۔اور ہوا بھی وہی۔۔۔۔وہاں سے جواب دے دیا گیا۔۔۔۔۔جس نے فاطمہ کو نڈھال کر دیا ۔۔۔۔اب کیا ہو گا جیسا سوال منہ کھولے اسے نگلنے کو تیار تھا۔۔۔۔۔

پیدل چلتے چلتے اسکا نڈھال وجود مزید بے جان ہو گیا تھا۔۔۔۔۔۔آنکھوں میں سخت شکوہ اور نمی تھی۔۔۔۔وہ بھی اس شخص کے لیے جو ہر بار اسکی بربادی کی وجہ بنتا تھا۔۔۔اگر وہ اس دن سامنے نا آتا تو یہ سب نا ہوتا ۔۔۔ہر بار اسکے خسارے کے پیچھے اسکی ذات نکلتی تھی۔۔۔۔۔۔۔

” تم ہمیشہ سے میری بربادی کی وجہ رہے ہو ذوالنون جبیل۔۔۔۔آئی ہیٹ یو۔۔۔آئی رئیلی ہیٹ یو۔۔۔۔”

سامنے دیکھتے اسکے لب نفرت سے بڑبڑائے تھے۔۔۔۔۔۔۔جبکہ آنکھوں میں آذیت ہی آذیت پہناں تھی۔۔۔۔۔۔۔۔

گھر پہنچی تو ساتھ والے گھر سے رائمہ آئی ہوئی تھی۔۔۔۔واحد وہ تھی جس کے ساتھ اسکی اچھی بات چیت تھی۔۔۔۔۔۔۔۔بے ساختہ خوش ہوتے وہ اسکی طرف بڑھی۔۔۔۔۔۔جوابا وہ بھی جوش سے ملی مگر اسکے چہرے پر نظر پڑتے ہی وہ چونکی۔۔۔۔۔۔

” میں تو ٹھیک ہوں ۔۔۔تم بتائو تمہیں کیا ہوا ہے؟؟۔۔۔”

اسکے چہرے کو کھوجتی نظروں سے دیکھتے وہ دھیرے سے بولی۔۔۔بوا کچن میں تھیں۔۔۔۔۔۔۔اسکے سوال پر فاطمہ نے بے ساختہ ساری بات اسے بتا دی۔۔۔۔۔جس پر رائمہ نے سر پیٹا۔۔۔۔

” اتنی سی بات پر اتنی پریشانی؟؟؟۔۔۔کیا ہوا جو نوکری چلی گئی۔۔۔اور مل جائے گی۔۔۔۔میں کچھ کرتی ہوں اس بارے میں تم بے فکر رہو اس بارے میں اوکے۔۔۔۔۔۔”

نرمی سے اسکا گال چومتے وہ محبت سے بولی۔۔

” تھینک یو۔۔تھینک یو سو مچ رائمہ۔۔۔۔۔۔”

بے طرح خوش ہوتے وہ اسکے گلے لگی۔۔۔۔۔جس پر رائمہ نے بھی ہنستے ہوئے اسکی پشت تھپتھپائی۔۔۔۔۔۔۔

“میں کچھ اچھا سا بنانے لگی ہوں جانا مت کہیں۔۔۔۔ اوکے میں ابھی آئی۔۔۔۔۔۔”

کچن کی طرف جاتے وہ جوش ے بولتی چلی گئی۔۔۔۔۔۔۔اسکی بات پر رائمہ نے دھیرے سے سر ہلایا۔۔۔۔۔۔بے شک یہ پیاری لڑکی اس قابل نا تھی کہ حالات کی اس چکی میں پستی۔۔۔۔۔۔۔افسردگی سے سوچتے وہ اسکی پشت دیکھ کر رہ گئی۔۔۔۔

پورا مہینہ کیسے گزرا وہ یہ نہیں جانتی تھی۔۔۔وقاص اپنے دوستوں کے ساتھ ٹرپ پر گیا ہوا تھا۔۔۔جس نے اسے مزید پرسکون کر دیا تھا۔۔۔۔مگر سب سے خوبصورت احساس یہ تھا کہ اسامہ ابراہیم نے وہ وقت اسکے ساتھ گزارا۔۔۔۔۔۔گوکہ وہ عام عاشقوں کی طرح اسکے پیچھے نہیں چلتا تھا۔۔۔۔بس صبح کا سلام اور ایک دو بار اسکی کی گئی مدد نے زری کو ہرا دیا۔۔۔۔۔۔

اسنے کبھی بھی اسے معنی خیز جملے نہیں بولے تھے۔۔ہمیشہ سنجیدہ رہا ۔۔۔اسکی مدد کرنا سامنا ہونے پر سلام اور چھوٹی چھوٹی باتوں نے زری کو ساتویں آسمان پر پہنچا دیا تھا۔۔۔۔۔۔۔حبا اکثر اسے ٹوکتی تھی مگر زری کا ننھا دل ہمک ہمک کر اسکی طرف لپکتا ۔۔۔۔جو کبھی تو نظرانداز کرتا کبھی مہربان ہو جاتا۔۔۔۔۔۔

اور یہ سب زری جیسی عام لڑکی کو محبت کے سفر پر چلا بیٹھا تھا۔۔۔۔۔وہ نہیں جانتی تھی کہ یہ سفر خاردار جھاڑیوں سے آراستہ تھا۔۔۔۔۔اور جہاں ننگے پائوں چلنا تھا۔۔۔۔۔۔۔اس سب سے انجان زرنین ریحان یہ سفر پر بڑے جوش و خروش سے گامزن تھی۔۔۔۔۔۔اب دیکھنا یہ تھا کہ اسے منزل نصیب ہونی تھی یا نہیں۔۔۔۔۔۔۔۔

” یار زری بیٹھ جائو۔۔۔۔آجائے گا وہ ہٹلر۔۔۔۔”

اسے مارچ پاسٹ کرتے دیکھ اب کے حبا چڑ کر بولی۔۔۔جس پر وہ بے ساختہ رکی۔۔۔۔۔۔گھور کر اسے دیکھا تو وہ کھلکھلا کر ہنستی چلی گئی۔۔۔۔۔۔

” کیا کروں یار مجھے وہ انسان کم اور ہٹلر کا جانشین زیادہ لگتا ہے۔۔۔۔۔”

اسکے تپے تپے چہرے کو دیکھتے وہ شرارت سے بولی۔۔۔۔اسکی ڈھٹائی پر زری پیر پٹختی مڑی کہ سامنے سے نظر آتے منظر نے اسکے قدم جکڑ لیے۔۔۔۔۔۔۔بھوری آنکھوں میں حیرت اور دکھ ایک ساتھ ابھرا تھا۔۔۔۔