Ramaad Al Hubb by Sara Shah readelle50009 Episode 31

وہ یک ٹک اسکا چہرہ دیکھتے رہ گئے جو انھیں بتا کر اب خاصا پرسکون لگ رہا تھا۔۔۔۔وہ یقین کرتے بھی تو کیسے۔۔۔جو کل تک کسی کے فراق میں جنون کی حد تک پاگل تھا۔۔آج کسی کو بیاہ کر لے آیا تھا۔۔۔۔۔۔

بے یقینی تو یقینی تھی۔۔۔۔۔لیکن اسکا پرسکون چہرہ کچھ اور کہہ رہا تھا۔۔۔اور ساتھ سیاہ چادر میں چھپی وہ لڑکی خاصی خوفزدہ لگ رہی تھی۔۔۔۔۔۔

” یہ کیا کہہ رہے ہیں آپ؟؟۔۔۔”

سب سے پہلے ہوش میں آتے عصرہ بیگم نے استفار کیا۔۔۔۔

” جو بھی کہہ رہا ہوں سچ ہے۔۔۔یہ مسز ذوالنون ہے۔۔۔زرنین جبیل۔۔۔۔۔آپ کی بہو۔۔۔۔”

اسکے ہاتھ کو زور سے دباتے وہ گہرے لہجے میں بولا۔۔۔۔اسکے لہجے میں کچھ تھا جس نے زری سمیت سب کو بونچھکا کر رکھ دیا۔۔۔۔۔وہ اپنے ہاتھ پر اسکی گرفت سے ہی سخت ہراساں تھی کہ ان سب کی ہونق چہرے اسکا رہا سہا اعتماد بھی ختم کر گئے۔۔۔۔۔

کپکپاتی ٹانگوں سمیت وہ بمشکل کھڑی تھی۔۔۔۔اور چادر میں چھپی پیشانی عرق آلود تھی۔۔۔

” ہمم۔۔۔۔لیکن آپ کو ہمیں بتانا چاہیے تھا اسامہ۔۔۔۔”

زری کی حالت اور اسکا نام سن کر اب کے رجب صاحب کسی اور کے کچھ کہنے سے پہلے سنجیدگی سے بولے۔۔۔۔

” سب بہت جلدی میں ہوا تو بتا نہیں پایا۔۔۔۔رانیہ تم بھابھی کو میرے روم میں چھوڑ آئو۔۔۔اور میرے سائیڈ ڈرا سے ایک بلیو پل نکال کر انھیں دودھ کے ساتھ دے دینا یہ بیمار ہیں۔۔۔۔جائو ہری اپ۔۔۔۔”

انکے سوال کا جواب دینے کے بجائے وہ نرم مگر دوٹوک لہجے میں رانیہ کو حکم دے گیا۔۔۔۔اسکی بات پر زری نے کرنٹ کھا کر اسکا سپاٹ چہرہ دیکھا تھا۔۔۔۔۔۔اور اسکی احتیاط کو دیکھتے رجب صاحب بھی چپ سادھ گئے۔۔

” جائو نیناں۔۔۔۔”

ہلکے دے اسکے ہاتھ کو دبا کر چھوڑتے وہ نرمی سے بولتا نظریں پھیر گیا۔۔گویا یہ اعلان تھا کہ وہ اب جا سکتی تھی۔۔۔۔۔۔ایک نظر سب کے سپاٹ چہرے دیکھتے وہ چپ چاپ رانیہ کے ساتھ چل پڑی۔۔۔جو نرم مسکراہٹ چہرے پر سجائے اسکی گھبراہٹ کو کسی حد تک کم کر گئی تھی۔۔۔۔۔۔

” اسلام علیکم!! میں رانیہ ہوں آپ بہن ہی سمجھیں مجھے۔۔۔۔۔”

اسے خاموشی سے اپنے ساتھ چلتا دیکھ وہ اسکی گھبراہٹ کو کم کرنے کے لیے دوستانہ لہجے میں گویا ہوئی۔۔۔۔تو سوچوں میں گم زری نے چونک کر اسکے ملیح چہرے کو دیکھا۔۔۔۔۔۔۔

وعلیکم اسلام۔۔۔”

بمشکل مسکراتے وہ دھیرے سے بولی۔۔۔۔جس پر رانیہ بھی مسکرا دی۔۔۔۔۔۔

” ایبک آپ ایک گلاس دودھ لے آئیں بھائی کے کمرے میں۔۔۔۔”

ایبک کو حیرانگی سے زری کو دیکھ رہا تھا رانیہ کی آواز پر ہوش میں آتا سرعت سے کچن میں گیا۔۔۔۔۔۔

رانیہ کے ساتھ کمرے میں داخل ہوتے اسکی نگاہیں ساکت ہو گئیں۔۔۔۔وہ کیا تھا یہ تو وہ یونیورسٹی کے دور سے جان گئی تھی لیکن آج آپنی آنکھوں سے اسکی شان و شوکت دیکھتے اسکا دل پوری قوت سے سکڑا تھا۔۔۔۔۔۔

چمکتا فرش،کنگ سائز بیڈ،بلیک اور گرے تھیم سے سجا کمرہ،ہر چیز سے امارت چھلک رہی تھی۔۔۔ہر چیز کسی کے شاندار ذوق کی نشاندہی کر رہی تھی۔۔۔۔۔۔اور باہر وسیع وعریض مینشن،سبز دلکش لان کچھ بھی تو عام نہیں تھا۔۔۔اس سب کے بیچ اسے اپنا آپ بڑا عجیب لگ رہا تھا۔۔۔۔آصف صاحب بھی امیر تھے لیکن ایسی شان وشوکت اسنے اپنی آنکھوں سے پہلی بار دیکھی تھی۔۔۔۔

” آپ بیٹھ جائیں۔۔۔۔اور یہ دودھ پہ لیں ساتھ یہ ٹیبلٹ ہے۔۔۔۔پھر آپ ریسٹ کرنا اوکے۔۔۔”

وہ ابھی سوچوں میں گم تھی کی رانیہ کی آواز پر ہوش میں آئی۔۔۔اسے دیکھا تو وہ دودھ کا گلاس اور ٹیبلٹ لے کر کھڑی تھی۔۔۔بے جان ہوتی ٹانگوں سے وہ سرعت سے بیٹھی تھی۔۔۔۔۔۔کپکپاتے ہاتھوں سے بمشکل اسنے دودھ کا گلاس سنبھالتے گولی کھائی۔۔۔۔۔۔

” یہ چادر اتار دیں۔۔اور شاور لے کر فریش ہو جائیں۔۔۔”

اسے کنفیوز سا بہٹھے دیکھ وہ نرمی سے بولی۔۔۔۔بخش اسکا سوٹ کیس چھوڑ گیا تھا۔۔ اس کی جھجھک کے خیال سے وہ خود ہی بیگ کی طرف بڑھی۔۔۔۔۔۔

ہاتھ کی پشت سے پسینہ صاف کرتے اسنے جھک کر گلاس ٹیبل پر رکھا اور اپنی شال اتاری۔۔۔۔۔۔ہاتھ بڑھا کر جوتے اتارے تب تک وہ آسمانی رنگ کا جوڑا نکال لائی تھی۔۔۔۔

” بہت شکریہ۔۔۔”

سوٹ لیتے وہ بمشکل بول پائی۔۔۔۔۔

” اٹس اوکے۔۔۔واشروم اس طرف ہے۔۔۔آپ ریسٹ کریں میں چلتی ہوں۔۔۔۔۔”

نرمی سے مسکراتے اسنے دروازے کی طرف اشارہ کیا۔۔۔۔وہ دھیرے سے سر ہلا کر واشروم کی طرف بڑھ گئی۔۔۔۔۔

” کیوٹ انوسینٹ گرل۔۔۔۔”

اسکی پشت دیکھتے وہ اسکی جھکی بھوری آنکھوں کو یاد کرتے نرمی سے مسکرائی اور دھیرے سے بڑبڑاتے باہر نکل گئی۔۔۔۔۔

” بیٹھ جائیں آپ دونوں پلیز۔۔”

ان دونوں سے نظریں ہٹا کر ہنوز عصرہ بیگم اور رجب صاحب کو کھڑا دیکھ کر وہ سنجیدگی سے بولا۔۔۔۔۔۔

” بیٹھ جائیں مام۔۔میں سب بتائوں گا آپ کو۔۔۔”

انکی حیران نظریں خود پر مرکوز پا کر وہ نرمی سے گویا ہوا۔۔۔۔

ایک دوسرے کو ایک نظر دیکھتے وہ بیٹھ گئے۔۔۔۔۔۔

” آپ کے اس خود سر اقدام کی وجہ جان سکتی ہوں میں؟؟؟۔۔۔۔”

رجب صاحب کے کچھ کہنے سے پہلے عصرہ بیگم نروٹھے لہجے میں بولیں۔۔۔ تو وہ انکے طنز کو محسوس کرتا سر جھکا کر مسکرا دیا۔۔۔۔۔۔

” برسوں کی تلاش کے بعد منزل ملی ہے مام۔۔۔کیا اب بھی میں نا رکتا؟؟۔۔۔۔”

عجیب سے لہجے میں بولتا وہ ان دونوں کو الجھا گیا۔۔۔۔۔۔

” کیا مطلب ہے آپ کا؟؟؟۔۔۔”

اسکے چہرے پر موجود عجیب سی چمک کو دیکھتے وہ سوالیہ ہوئے۔۔۔۔۔۔

” مطلب؟؟۔۔۔مطلب تو کچھ نہیں ہے چاچو۔۔۔ بس صرف یہ ہے کہ جس تلاش نے مجھے دہکتے صحرا کی خاک چھنوائی تھی وہ تمام ہوئی۔۔۔۔۔ذوالنون اسامہ کو اسکی منزل مل گئی ہے۔۔۔۔۔۔”

خلا میں کسی غیر مرئی نقطے پر نظریں جمائے وہ کھوئے کھوئے بھاری لب و لہجے میں بولتا ان دونوں کو بہت کچھ سمجھا گیا۔۔۔۔اسکی سیاہ آنکھوں میں برسوں بعد زندگی کی رمق جاگی تھی۔۔جس نے اسکے چہرے کو روشن کر دیا تھا۔۔۔۔۔۔

” یعنی وہ زندہ تھی؟؟؟۔۔۔۔”

اسکے چہرے کو غور سے دیکھتے انھوں نے تمہید پر وقت ضائع نہیں کیا تھا۔۔۔۔جبکہ عصرہ بیگم اسکے چہرے پر نظریں جمائے ساکت تھیں۔۔۔۔۔ایسا ہو سکتا تھا؟؟؟۔۔۔۔جس کی موت نے اسے ہر شے سے بیگانہ کر دیا تھا وہ آج زندہ مجسم انکے سامنے تھی۔۔۔۔۔اور اس بات پر یقین کرنا انکے لیے بہت مشکل تھا۔۔۔۔۔۔کیا قدرت یوں بھی مہربان ہوتی معجزے کرتی ہے؟؟۔۔۔۔

” جی وہ زندہ تھی۔۔۔۔۔اور حیدر آباد میں اپنی بوا کے ساتھ تھی۔۔۔۔۔”

انھیں اتنی جلدی بات کی تہہ تک پہنچتے دیکھ وہ دھیرے سے مسکراتے تمام بے مقصد معلومات خذف کر گیا۔۔۔۔۔۔۔اسکی بات سن کر رجب صاحب گہرا سانس لیتے مسکرا دئیے۔۔۔۔۔۔۔

” پھر تو مبارک ہو ینگ مین۔۔۔۔قدرت تمہارے درد سے بے خبر نہیں تھی۔۔۔کیسے ممکن تھا وہ رب رحم نا کرتا؟؟۔۔۔”

جاندار انداز میں مسکراتے وہ خوشی سے بولے تو وہ سر اثبات میں ہلاتا مسکرا دیا۔۔۔۔۔تفصیل بتانا فضول تھا۔۔تبھی صرف محدود معلومات انکے گوش گزاریں۔۔۔۔

” آپ خوش نہیں ہیں مام؟۔۔۔”

انھیں ہنوز چپ بیٹھا دیکھ وہ حیرت سے بولا۔۔۔۔۔۔

” میں خوش ہوں اسامہ۔۔بہت خوش ہوں۔۔۔۔اور اتنی ہی حیران ہوں کہ تمہاری محبت میں کتنی طاقت تھی۔۔اور اللہ کو تم سے کتنی محبت ہے۔۔جو تمہارے انتظار کو لاحاصل نہیں کیا۔۔۔۔۔۔۔”

ٹرانس سے بولتیں وہ اسکے لبوں پر سجی مسکراہٹ پھیکی کر گئیں ۔۔۔۔سیاہ آنکھوں کی جوت پل میں بجھی تھی۔۔۔سرعت سے لب بھینچتے اسنے خود پر قابو پایا تھا۔۔۔ورنہ دل کی دنیا پل میں بدلی تھی۔۔۔۔۔سیاہ آنکھوں میں طوفان اٹھا تھا۔۔۔۔

” جی۔۔آپ ایک کپ کافی میری سٹڈی میں بھجوا دیں۔”

پھیکے لہجے میں بولتے وہ نظریں چرا گیا۔۔۔۔کچھ کہنے کے لیے بچا ہی کیا تھا۔۔۔۔۔۔اور نا کچھ کہنے کی ہمت بچی تھی۔۔۔۔۔تبھی راہ فرار اختیار کرتے وہ اندر کی جانب بڑھ گیا۔۔۔۔کیونکہ رکنا محال تھا۔۔۔۔۔پیچھے ان کی حیران نظریں وہ اپنی پشت پر محسوس کر سکتا تھا۔۔۔

سیل فون ہاتھ میں گھماتے اسکی پرسوچ نگاہیں سامنے دیوار پر مرکوز تھیں۔۔۔۔آج جو کچھ اسکی بصارت نے دیکھا تھا اسنے حقیقتا اسے حیران کر دیا تھا۔۔۔۔

” ایسا کیسے ہو سکتا ہے؟؟۔۔۔۔کیسے؟؟؟۔۔۔”

دھیرے سے بڑبڑاتے وہ اب بھی بے یقین تھا۔۔۔۔لیکن زری کا چہرہ بھی تو نہیں دیکھا تھا انھوں نے۔۔۔مگر وہ چیزیں جو باڈی کے پاس سے ملیں تھیں۔۔۔۔۔کیا تھا وہ؟؟۔۔۔۔۔

سوچ سوچ کر اسکے دماغ کی نسیں پھول رہیں تھیں۔۔۔لیکن جواب نہیں مل رہا تھا۔۔۔۔اور اگر ایسا تھا بھی تو کیسے تھا؟؟؟ اسکی عقل دنگ تھی۔۔۔۔۔۔

” کیا بات ہے وقاص؟؟۔۔۔آپ جب سے آئے ہیں اسی طرح سوچوں میں گم ہیں۔۔۔”

چائے کا کپ لے کر آتی ابیہا اسے ہنوز یوں ہی بت بنا دیکھ حیرت سے بولی۔۔۔۔۔۔اسکی بات پر وہ بے ساختہ چونکا۔۔۔۔۔

” ہاں؟؟۔۔۔۔نہیں سب ٹھیک ہے۔۔۔۔۔”

وہ سرعت سے سنبھل کر مسکرایا۔۔۔۔اسکے ہاتھ سے کپ لے کر سائیڈ ٹیبل پر رکھتے ہاتھ بڑھا کر اسے پاس بٹھا لیا۔۔۔۔۔۔۔

” سچ کہہ رہے ہیں؟؟۔۔۔”

بغور اسکے چہرے کو دیکھتے وہ مشکوک تھی۔۔۔اسکی اتنی فکر اور محبت پر سر اثبات میں ہلاتے وہ جھک کر اسکی ٹھوڑی چوم گیا۔۔۔۔وہ بے ساختہ کان کی لوئوں تک سرخ ہوئی۔۔۔۔

” سب ٹھیک ہے تم فکر مت کرو۔۔۔۔”

پرشوق نظریں اسکے سرخ چہرے پر جمائے وہ دھیرے سے بولتا اسکے گرد حصار کھینچتے اسے اپنی پناہوں میں سمیٹ گیا۔۔۔۔

” تم سے کچھ پوچھنا تھا۔۔۔”

ٹھوڑی اسکے سر پر رکھتے وہ نرمی سے بولا تو وہ مسکرا دی۔۔۔جانتی تھی کہ کچھ تھا جو اسے الجھا رہا تھا۔۔۔اتنے سالوں میں اتنا تو وہ اسے جان ہی گئی تھی۔۔۔۔

” پوچھیے۔۔۔”

اسکی دھڑکنیں سنتے وہ مدھم لہجے میں بولی۔۔۔ ۔

” زری کی موت ۔۔۔آئی مین تمہیں کنفرم تھا کہ وہ زری ہی ہے؟؟۔۔۔”

ابھی بات اسنے شروع ہی کی تھی کہ وہ جھٹکا کھا کر اٹھی تھی۔۔۔۔۔آنکھیں پل میں سمندر بنی تھیں۔۔۔کسی نے برسوں کے زخموں سے کھرنڈ کھینچا تھا۔۔۔۔۔ایسی ہی اذیت محسوس ہوئی تھی اس وقت اسکا ذکر سن کے۔۔۔وہ جو کبھی دل کے بے حد نزدیک ہوا کرتی تھی۔۔۔۔۔۔

” ایسا۔۔۔ایسا کک۔۔۔کیوں بول رہے۔۔۔”

رندھے لہجے میں وہ بمشکل بول پائی۔۔۔۔آنسو بھل بھل بہتے چلے گئے۔۔۔۔۔اسکی ایسی دگرگوں حالت نے وقاص کو شرمندہ کر دیا۔۔۔۔۔۔۔

” بیا میں دراصل ویسے ہی پوچھ رہا تھا۔۔پلیز تم ریلکس ہو جائو۔۔۔۔آئم سوری جانم۔۔۔۔۔ پلیز چپ ہو جائو۔۔۔۔”

اس کے آنسو صاف کرتے وہ اسے اپنے سینے سے لگا گیا۔۔۔۔لہجہ سخت پشیمان تھا۔۔۔۔۔وہ اسکا سہارا پا کر بکھرتی چلی گئی۔۔۔۔۔

” میں سخت شرمندہ ہوں بیا۔۔۔پلیز۔۔۔”

اسے ہچکیوں سے لرزتا محسوس کرتے وہ اسکی کمر سہلاتے ندامت سے بولا۔۔۔۔۔۔تو وہ اسکی شرٹ مٹھیوں میں جکڑتی خود کو سنبھالنے لگی۔۔۔۔۔۔

” اٹس۔۔۔اوکے۔۔۔۔میں بس ایسے ہی۔۔۔۔”

سر اٹھا کر اپنے آنسو صاف کرتے وہ بمشکل بول پائی۔۔۔تو وہ بے خود ہوتا جھک کر اسکی سوجی آنکھیں چوم گیا۔۔۔۔۔۔

” میں آئیندہ نہیں پوچھوں گا۔۔۔۔نائو ریلکس۔۔۔۔”

بھاری گھمبیر لہجے میں بولتے وہ دھیرے سے مسکرایا۔۔۔۔۔۔

” مجھے یقین ہے وقاص وہ آپی ہی تھیں۔۔۔چہرہ تو نہیں دیکھا میں نے انکا۔۔اور نا ہی انھیں غسل دیا گیا۔۔۔ہوسپٹل والوں نے غسل دے کر باڈی ڈسچارج کی تھی۔۔۔وہ تابوت میں بند تھیں۔۔۔۔”

پھٹتے دل سمیت وہ دھیرے سے بولتی چلی گئی۔۔۔اس وقت کو یاد کرنا گویا دو دھاری تلوار پر برہنہ پا چلنے کے مترادف تھا۔۔۔۔کچھ ایسی ہی اذیت وہ اس وقت محسوس کر رہی تھی۔۔۔۔۔۔۔۔

” ہممم۔۔۔۔اٹس اوکے۔۔۔”

اسکا سر اپنے سینے پر رکھتے وہ مدھم لہجے میں بولا۔۔۔۔آنکھوں میں کسی گہری سوچ کی پرچھائیاں تھیں۔۔۔اور دل بے یقین تھا۔۔۔زری زندہ تھی یا نہیں یہ تو اب اس ہاسپٹل سے ہی پتا چل سکتا تھا جہاں ایکسیڈنٹ کے بعد اسے لے جایا گیا تھا۔۔۔۔اور وقاص احمد وہاں جانے کے لیے خود کو تیار کر چکا تھا۔۔۔۔اس راز سے پردہ اٹھنا ناگزیر تھا۔۔۔۔۔۔