Ramaad Al Hubb by Sara Shah readelle50009 Episode 17

“اسامہ۔۔۔۔۔”

وہ پارکنگ میں کھڑی اپنی کار کی طرف بڑھ رہا تھا جب عقب سے زری کی پکار پر رکا۔۔۔۔۔چونک کر مڑتے پیچھے دیکھا تو ہو تیزی سے اسی کی طرف بڑھ رہی تھی۔۔۔۔۔۔

” کیا ہوا؟؟۔۔۔۔۔”

اسے پھولی سانسوں سمیت اپنے قریب آکر رکتے دیکھ وہ حیرانگی سے بولا۔۔۔۔۔

” وہ مجھے آپ سے کچھ کہنا تھا۔۔۔۔۔”

اپنی سانسوں کو سنبھالتے وہ دھیرے سے بولی۔۔۔۔اسامہ نے اسکی بات پر آنکھیں سکیڑ کر اسکا چہرہ جانچا جہاں تذبذب کے تاثرات رقم تھے۔۔۔۔۔

” ہمم۔۔۔کہہ لینا۔۔۔۔ابھی بیٹھو اور پانی پی کر بات مکمل کرو۔۔۔۔۔۔”

اسکی اتھل پتھل سانسوں نے ایک پل کو اسے عجیب سے احساس سے دوچار کیا۔۔۔۔تبھی اسکے عنابی لبوں سے نظریں چراتے وہ نرمی سے بولتا کار کا دروازہ کھول گیا۔۔۔۔۔۔ پچھلی بار کے اسکے ریکشن کا سوچتے وہ ہچکچا کر بیٹھ گئی۔۔۔۔۔۔

گھوم کر ڈرائیونگ سیٹ سنبھالتے پانی کی بوتل اسے تھما کر اسنے برق رفتاری سے کار آگے بڑھائی۔۔۔۔۔زری ایک پل کو ہراساں ہوئی۔۔۔۔لیکن کہنے کی جرآت کہاں تھی۔۔۔ لب تر کرتے نظریں ہاتھوں میں موجود بوتل پر جما دیں۔۔اپنے اور اسکے درمیان ٹھہرتی معنی خیز خاموشی پر اسکا خلق خشک ہو رہا تھا۔۔۔تبھی بوتل کھول کر اسنے چند گھونٹ لیے ۔۔۔۔سانسوں میں اعتدال سا آیا تھا۔۔۔۔۔

ایک ریسٹورنٹ کے سامنے گاڑی روکتے وہ اسکی طرف متوجہ ہوا۔۔۔۔جو کافی غیر آرام دہ نظر آرہی تھی۔۔۔۔۔

” چلو اترو۔۔۔۔اندر چل کے بات کرتے ہیں۔۔۔۔تمہیں لنچ بھی کروا دوں گا۔۔۔کم آن اترو بھی۔۔۔۔ “

” نن۔۔۔۔نہیں اسامہ۔۔۔یہیں بات کر لیتے ہیں۔۔۔۔۔مجھے اندر نہیں جانا۔۔۔۔”

دوستانہ مسکراہٹ لبوں پر سجائے وہ نرمی سے بولتا اس سے پہلے کار کا دروازہ کھولتا وہ سرعت سے بول اٹھی۔۔۔۔لاک کے لیے بڑھے ہاتھ کی مٹھی بنائے وہ مسکراہٹ کا گلا گھونٹ کر ضبط سے لب بھینچتا اسکی طرف متوجہ ہوا۔۔۔۔۔جو کچھ خائف نظر آ رہی تھی۔۔۔۔۔۔۔۔

” ہممم۔۔۔بولو۔۔۔۔”

اسکی بھوری آنکھوں کے تاثر نے ایک پل کو اسے اشتعال دلایا لیکن خود پر قابو پاتے قہر بار نظروں سے اسے گھورتے وہ سرد لہجے میں بولا۔۔۔۔

” وہ۔۔وہ ایکچولی۔۔۔۔آپنے جس پارٹی میں بلایا ہے۔۔مم۔۔۔میں وہاں نہیں آپائوں گی۔۔۔۔آئم سوری۔۔۔۔۔”

نظریں جھکا کر وہ بمشکل بول پائی ۔۔۔جبکہ اسکی بات نے اسامہ کو آگ لگا دی تھی۔۔۔۔

” کیا مطلب ہے نہیں آ سکتی؟؟؟۔۔۔یہ پارٹی میں نے تمہارے لیے ارینج کی تھی۔۔۔۔۔”

جبڑے کس کر اس کی جھکی پلکوں کو دیکھتے وہ غرایا۔۔۔۔جبکہ اسکی بات نے زری کو بجائے خائف کرنے کے حیرت کے سمندر میں غرق کر دیا۔۔۔۔۔۔

” میرے لیے؟؟۔۔۔لیکن کیوں؟؟۔۔۔”

حیرت کی انتہا تھی یا معصومیت کی آخری حد۔۔۔لیکن اسامہ کا پارہ ہائی ہو گیا تھا۔۔۔ت ھی جھپٹ کر اسکی کلائی دبوچتے اسے قریب کیا۔۔۔۔۔اور زری کو کہاں امید تھی اس بے باکی ۔۔۔تبھی حیرت کی زیادتی سے آنکھیں پھیل گئیں۔۔۔۔

” تم نہیں جانتیں؟؟؟؟۔۔۔ہمم؟؟۔۔۔نہیں جانتیں کہ میں نے یہ سب کیوں کیا؟؟۔۔یو ڈیم فول۔۔۔۔۔۔”

وہ خود پر اختیار کھوتا اس شدت سے چیخا کہ زری کا دل دھڑکنا بھول گیا۔۔۔۔۔۔سیاہ آنکھوں میں اٹھتے طوفان اور اسکی سانسوں کی سلگتی تپش نے اسکا چہرہ دہکا دیا۔۔۔دل پسلیاں توڑ کر باہر آنے کو مچلا۔۔۔۔۔ بھوری آنکھیں پل میں سمندر بنیں تھیں۔۔۔۔۔۔۔

” اسامہ۔۔۔پلیز یو ہرٹ می۔۔۔۔۔”

شدید بے بسی سے وہ بپھک کر رودی۔۔۔۔وہ اسکے آنسوئوں دیکھ کر ہی موم ہو گیا تھا۔۔۔۔اسکے یوں تڑپ کر رونے پر بوکھلا گیا۔۔۔۔۔۔

” آئم سو سوری نیناں۔۔۔پلیز سٹاپ کرئینگ۔۔۔۔ پلیز۔۔۔۔”

سرعت سے اسکی کلائی چھوڑتے وہ سیدھا ہو کر بیٹھ گیا۔۔۔۔۔بالوں میں ہاتھ پھیرتے وہ سخت شرمندہ تھا۔۔۔

جبکہ وہ اپنے آنسو صاف کرتی سسکیاں لے رہی تھی۔۔۔۔کہاں امید تھی اسے اسکے اتنے شدید ریکشن کی۔۔۔۔۔۔

” لسن سویٹی۔۔۔۔کیا تم سچ میں نہیں جانتی کہ تم میرے لیے کیا ہو؟؟۔۔۔”

اسکا ہاتھ اپنی گرفت میں لے کر نرمی سے سہلاتے وہ خوابناک لہجے میں بولا۔۔۔اسکی سیاہ آنکھوں میں کوئی تاثر تھا جس نے زری کو باندھا۔۔۔۔۔ایک ارتھ تھا جو اسکی آنکھوں سے نکلتا زری کی بھوری آنکھوں سے ہوتا ہوا اسکے پورے وجود میں سرائیت کر گیا۔۔۔۔۔۔

پلکیں بھاری ہوتیں اسکے سلونے گالوں پر جھک آئیں۔۔۔۔۔۔جواب کی ضرورت کہاں رہ گئی تھی؟؟؟؟۔۔۔دل الگ ہی لے پر دھڑکتا زری کو پاگل کر رہا تھا۔۔۔۔۔

” I Don’t Know It’s Love…But This Feelings!!….My Heartbeats Say Somthing To Me…..I Don’t Know What??..But….You Are Best Thing Ever Happened To Me…..”

اسکی خاموشی پر مدھم پرحدت لہجے میں بولتا وہ زری کو ساکت کر گیا۔۔۔۔۔کچھ تھا اسکے لہجے میں محبت،جنون،مدھم سا کچھ سلگتا ہوا۔۔۔۔وہ سمجھنے سے قاصر تھی۔۔۔۔جو بھی تھا بے حد دلفریب اور دلکش تھا۔۔۔۔

اظہار سے زیادہ محبت اور محبت سے زیادہ اظہار۔۔۔۔۔۔۔لیکن جو بھی نکلا تھا بے ساختہ نکلا تھا۔۔۔جس کا ادارک اسامہ کو بھی تھا۔۔۔۔اسکی سیاہ آنکھوں حیرت کے ساتھ الجھن بھی ابھری۔۔۔یہ پل میں کیا ہوا؟؟۔۔۔۔زبان نے کیا ادا کیا؟؟۔۔۔دل آج کیوں خاموش تھا؟؟؟۔۔۔جیسے وہ یہی تو چاہتا ہو۔۔۔۔۔۔

” امم۔۔ سنڈے ایوننگ تمہیں آنا ہے۔۔میں کوئی ایکسکیوز ایکسیپٹ نہیں کروں گا۔۔۔۔اینڈ آئی تھنک تمہیں اب گھر ڈراپ کر دینا چاہیے۔۔۔۔”

اسکا ہاتھ چھوڑتے وہ دھیمی مگر مستحکم آواز میں بولا۔۔وہ پل میں اس کیفیت سے نکل آیا تھا۔۔۔جس سے نکلنے میں زری کو وقت درکار تھا۔۔۔۔اسکا لہجہ بے لچک تھا۔۔۔گنجائش کہیں نہیں تھی۔۔۔۔اسکی سنجیدگی اور لہجے کے دو ٹوک پن نے زری کو چپ کرا دیا۔۔۔۔۔۔سر ہلا کر وہ اپنے ہاتھوں پر نظریں جما گئی۔۔جہاں دائیں ہاتھ کی پشت اب بھی اس کا لمس سلگ رہا تھا۔۔۔۔۔۔

” اللہ خافظ۔۔۔”

اپنے گھر کی سڑک پر گاڑی کے رکتے وہ مدھم آواز میں کہہ کر گاڑی کا دروازہ کھولنے لگی۔۔۔۔۔۔اسکی پشت دیکھتے اسامہ بے چین ہوا۔۔۔۔۔

” ہئیے۔۔۔۔نیناں۔۔۔”

بے ساختہ وہ پکار بیٹھا۔۔۔لیکن زری کے چونک کر اپنی طرف متوجہ ہونے پر وہ بھول گیا کہ اسے کیا کہنا تھا۔۔۔۔

” امم۔۔۔کچھ نہیں تم جائو۔۔گڈ بائے۔۔سنڈے کو ملتے ہیں۔۔۔”

وہ نظریں چرا کر سنجیدگی سے بولتا زری کو الجھا گیا۔۔۔اسے لگا جیسے وہ کچھ کہنا چاہتا ہو۔۔۔۔لیکن رک گیا تھا۔۔۔۔بہرحال جو بھی تھا وہ سر ہلا کر گاڑی سے اتری اور دروازہ بند کر دیا۔۔۔۔۔ وہ ابھی زرا سا پیچھے ہٹی تھی کہ وہ ہوا کی سپیڈ سے کار نکال کر لے گیا۔۔۔۔۔زری نے الجھن بھری نظروں سے پیچھے اڑتی دھول کو بہت دیر تک دیکھا تھا۔۔۔۔

” او مائی گاڈ۔۔کیا ہو گیا تھا مجھے؟؟۔۔۔افف ۔۔۔”

سٹیرنگ ویل پر مکہ رسید کرتے وہ حیرت سے بڑبڑایا۔۔۔کس چیز نے اسے باندھا تھا۔۔۔۔کیوں وہ اتنا بے اختیار ہو گیا۔۔۔۔۔لیکن جو بھی تھا وہ سب اسے سخت مضطرب کر رہا تھا۔۔۔۔۔۔

” اسامہ اٹس ٹو مچ یار۔۔۔۔”

اپنی باتوں کو یاد کرتے اسنے خود کو ملامت کی تھی۔۔۔اپنا ٹمپر لوز کرنا،اسکی پلخوں کو دیکھ کر بے خود ہونا یہ سب اسکے لیے نیا تھا۔۔اور کافی عجیب بھی۔۔۔۔۔۔

” تم ساحرہ ہو چاکلیٹ کوئین۔۔۔۔۔باندھ لیا ہے تم نے مجھے۔۔۔۔۔”

اسکا سانولا مگر ہلکا سرخ ہوتا چہرہ تخیل میں ابھرتا اسے مسرور کر گیا۔۔اسکا رونا،ہنسنا یہ سب اسے دلفریب لگ رہا تھا۔۔۔بے چینی،بےبسی اور اضطراب جیسے غائب ہو گیا تھا۔۔۔۔ایک سرور تھا جو اسکے رگ وپے میں دوڑتا اسے مسرور کر رہا تھا۔۔۔

” آہ۔۔۔اسامہ ابراہیم کو زیر کر ہی لیا تم نے۔۔۔۔۔”

بے بسی سے مسکراتے وہ اعتراف کر رہا تھا جو اسکے سامنے نہیں کر پایا۔۔۔۔ہاں وہ گھٹنے ٹیک چکا تھا۔۔۔اب بس اظہار باقی تھا۔۔۔۔۔۔۔۔

” وہ شام ہماری زندگی کی بہترین شام ہو گی نیناں۔۔۔۔۔۔نا تم اسے بھول پائو گی اور نا میں۔۔۔۔۔۔کیونکہ اس شام اسامہ ابراہیم خود کو عیاں کرے گا۔۔۔ ۔۔”

دھیرے سے مسکراتے وہ معنی خیزی سے بولا۔۔۔سیاہ آنکھوں کی چمک جگنوئوں کو مات دے رہی تھی۔۔۔۔۔۔ دل میں جیسے گدگدی سی ہو رہی تھی۔۔۔۔۔۔۔لبوں پر ایک جاندار مگر پراسرار اور عجیب سا تبسم بکھرا تھا۔۔۔۔۔جاندار انداز میں مسکراتے وہ گاڑی کی سپیڈ بڑھا گیا۔۔۔۔۔

دروازے پر منیجر سر تھے۔۔۔فاطمہ کو سانس آیا۔۔۔۔تر بتر پیشانی کو ہاتھ کی پشت سے صاف کرتے وہ انکی طرف متوجہ ہوئی جو اسے اشارے سے اپنے پیچھے آنے کا کہتے اپنے کیبن کی طرف بڑھے تھے۔۔۔۔

ایک نظر بند دروازے پر ڈالتے وہ گہرا سانس لیتی انکے پیچھے چل دی۔۔۔۔۔

” باس کو رپورٹ ملی ہے آفس کی بدانتظامی کی۔۔۔وہ کافی اشتعال میں ہیں۔۔۔مس ہما کے ساتھ مل کر آپ سارے سٹاف کی روٹین چیک کریں۔۔۔اور ایک میٹنگ ارینج کریں باس سب سے ملنا چاہتے ہیں۔۔۔۔۔کل کوئی بھی مس نا ہو۔۔۔۔۔۔”

انکی تفصیل میں موجود ایک جملے نے فاطمہ کو مضطرب کیا۔۔۔۔۔یعنی کل غیر خاضر بھی نہیں ہو سکتی۔۔۔اسکا سامنا لازم تھا۔۔۔۔۔وہ پھر سے ایک ایسی خندق کے سامنے آ کھڑی ہوئی تھی جس سے وہ سالوں سے بچتی آ رہی تھی ۔۔۔۔۔اب بچائو ناممکن تھا۔۔۔

” یس سر۔۔۔۔”

وہ انکی سوالیہ نظروں پر دھیرے سے کہتی باہر کی طرف بڑھی۔۔۔۔۔باہر نکلتے نظر پھر سامنے اٹھی۔۔۔جہاں اسکے کمرے کی گلاس وال سے وہ نظر آرہا تھا۔۔۔۔۔۔سیاہ ٹو پیس میں بالوں کو نفاست سے سیٹ کیے وہ آج بھی ویسا تھا جیسا برسوں پہلے تھا۔۔۔فرق کہاں تھا؟؟؟؟۔۔۔وہ اتنا ہی جان لیوا تھا جتنا عرصہ قبل تھا۔۔۔۔۔۔

وہ آج بھی اسکی دھڑکنیں روکنے کی صلاحیت رکھتا تھا۔۔۔گزرے 6 سال جیسے غائب ہو گئے تھے۔۔۔۔سب کچھ وہیں تھا۔۔۔۔وہ خود بھی وہیں تھیں۔۔اسی کھائی کے کنارے جہاں سے وہ منہ کے بل گری تھی۔۔۔۔۔۔

” تم کیوں لوٹ آئے ہو؟؟؟۔۔۔میں نے ایک مدت کا سفر طے کیا ہے اس سامنے سے بچنے کے لیے۔۔۔لیکن دیکھو میرا رب آج پھر ہمیں مقابل لے آیا ہے۔۔۔۔۔”

اسے دیکھتے اسکے لب دھیرے سے پھڑپھڑائے تھے۔۔۔۔آنکھیں سمندر لٹا رہیں تھیں۔۔۔اور دل؟؟۔۔۔دل زخمی پرندے کی طرح تڑپ تڑپ کر سسک رہا تھا۔۔۔۔۔۔جس کی اذیت فاطمہ کے پورے وجود میں پھیل گئی تھی۔۔۔۔

سر جھٹکتے وہ تیزی سے مس ہما کے کیبن کی طرف بڑھی۔۔۔۔باقی کا سارا ٹائم اسنے خود کو مصروف اور کسی حد تک ذوالنون کی پہنچ سے بچا کر رکھا۔۔۔۔۔۔۔دل دہائیاں دیتا ٹرپ رہا تھا۔۔۔لیکن سننے والی سماعت سننے سے قاصر تھی۔۔۔۔۔۔