Ramaad Al Hubb by Sara Shah readelle50009 Episode 05

” جائو معاف کیا۔۔۔تم بھی کیا یاد کرو گی کہ تمہارا پالا کس سے پڑا ہے۔۔۔۔۔۔۔”

اسکے چہرے پر چھائی حیرت کو دلچسپی سے دیکھتے وہ پر اسرار لہجے میں بولا۔۔۔۔۔اسکی سیاہ آنکھوں کو اپنے اندر تک اترتے محسوس کرتے زری چونک کر سیدھی ہوئی۔۔۔۔۔پیشانی پل میں عرق آلود ہوئی تھی۔۔۔۔اسکی آنکھوں کی لپک اتنی تیز تھی کہ اسے اپنا پورا وجود جلتا محسوس ہوا۔۔۔۔۔

” تھ۔۔تھینک یو۔۔۔۔”

خفیف سا پیچھے ہٹتے وہ نظریں جھکاتی ہکلا کر بولی۔۔۔۔بھوری آنکھوں کا خوف اسامہ سے مخفی نہیں تھا۔۔۔۔۔اسکی غیر ہوتی حالت دیکھتے اسکی گھنی مونچھوں تلے دبے عنابی لبوں پر ایک تمسخر اڑاتی مسکراہٹ ابھری تھی۔۔۔۔۔۔

” ہمم۔۔۔اٹس اوکے۔۔۔ایم اسامہ ابراہیم اینڈ یو؟؟؟۔۔۔۔”

پینٹ کی پاکٹس میں ہاتھ گھساتے وہ سنجیدگی سے بولا۔۔۔۔لہجے کے برعکس آنکھوں میں ایک عجیب ہی تاثر تھا۔۔۔۔سیاہ آنکھیں کسی نگینے کی مانند چمکتیں زری کی جھکی پلکوں پر گھڑیں تھیں۔۔۔۔۔جن سے نکلتی تپش نے زری کا چہرہ دہکا دیا ۔۔۔۔۔اسکے سوال پر اسنے بے ساختہ خلق تر کیا۔۔۔۔۔زمین پر گھڑی اسکی بھوری آنکھوں کا مرکز اسکے جوتے تھے۔۔۔۔۔

” زری۔۔۔زرنین ریحان۔۔۔اب مم۔۔میں چلتی ہوں۔۔۔۔۔۔”

مسلسل اسکی نظروں کے ارتکاز پر خائف ہوتے وہ تیزی سے بولتی بنا اسکی بات سنے مڑ کر چلتی اسکی نظروں سے اوجھل ہو گئی۔۔۔۔۔اسکے کوریڈور مڑنے تک اسامہ کی نظروں نے اسکا پیچھا کیا تھا۔۔۔۔۔۔اسکی آنکھوں میں ایک الگ ہی چمک ہلکورے لے رہی تھی۔۔۔۔اور عنابی لبوں پر رقصاں مسکراہٹ میں ایک عجیب ہی تاثر تھا۔۔۔۔۔۔۔

” تمہاری آنکھوں کا یہ گریز اسامہ ابراہیم چھین لے گا زرنین ریحان۔۔۔۔۔۔”

اسکی جھکی پلکیں یاد کرتے وہ مدھم سلگتے لہجے میں بولا۔۔۔۔۔لہجے میں ایک الگ ہی آگ دہک رہی تھی اور سیاہ آنکھوں کا مرکز وہی کوریڈور تھا جہاں سے زری مڑی تھی۔۔۔۔

” اسامہ۔۔۔۔یہ سب کیا تھا؟؟۔۔۔۔۔”

پیچھے سے ابھرتی حیدر کی حیرت بھری آواز پر وہ بے ساختہ چونکا۔۔۔۔۔

” نتھنگ یار۔۔۔معافی مانگ رہی تھی مجھ سے سو میں نے بھی معاف کر دیا۔۔۔۔۔”

پیچھے مڑنے تک وہ خود پر قابو پا چکا تھا تبھی تو اسکی بات کا جواب دیتے اسکا چہرہ سپاٹ تھا جس سے حیدر اسکے موڈ کا اندازہ نہیں لگاپایا ۔۔۔

” بٹ۔۔۔یہ۔۔۔”

” لیو اٹ حیدر۔۔۔آئی نیور وانٹ ٹو ٹاک آبائوٹ اٹ۔۔۔۔چل کافی پیتے ہیں چل کر۔۔۔۔”

اسنے کچھ کہنا چاہا مگر اسکے کندھے پر ہاتھ رکھتے وہ ٹھنڈے ٹھار لہجے میں اتنا دوٹوک بولا کہ باقی کے تمام سوال حیدر کے خلق میں ہی دب گئے۔۔۔۔۔

بغور اسکا وجیہہ سپاٹ چہرہ دیکھتے حیدر کا دل بے چین تھا۔۔۔۔وہ جانتا تھا اسامہ ابراہیم معاف کرنے والوں میں سے نہیں تھا تو پھر یہ سب کیا تھا؟؟؟؟ ۔اسکی بے چینی سے واقف ہونے کے باوجود اسامہ ابراہیم کے چہرے پر بڑی عجیب سی مسکراہٹ رقم تھی۔۔۔۔۔۔اور سیاہ آنکھوں کی چمک الگ ہی داستان رقم کرنے کو تیار تھی۔۔۔۔۔۔۔۔

” افف۔۔۔آنکھیں تھیں یا دہکتی آگ۔۔۔۔اتنی تپش؟؟۔۔۔۔۔”

کلاس میں بینچ پر بیٹھتے اپنے دہکتے گالوں پر ہاتھ رکھتے وہ جھرجھری لے کر بولی۔۔۔۔۔۔سیاہ آنکھیں اب بھی کسی اژدھے کا مانند اپنے وجود سے لپٹی محسوس ہورہیں تھیں۔۔۔۔۔اسکی سانسیں اتنی تیزی سے چل رہیں تھیں جیسے وہ میلوں کا سفر طے کر کے یہاں تک پہنچی ہو۔۔۔۔۔

پیشانی عرق آلود تھی۔۔۔۔۔کپکپاتے ہاتھوں سے بمشکل اپنا پسینہ صاف کرتے وہ سیدھی ہوئی۔۔۔۔

” ہائے۔۔۔۔کیا میں یہاں بیٹھ سکتی ہوں؟۔۔”

وہ اپنے بیگ پر جھکی ہوئی تھی جب اجنبی نسوانی آواز پر چونکی۔۔۔۔سامنے دیکھا تو سیاہ جینز گرین ٹاپ میں نفاست سے حجاب کیے لڑکی لبوں پر مسکان سجائے کھڑی اسکے ساتھ والی سیٹ پر بیٹھنے کی اجازت مانگ رہی تھی۔۔۔۔۔

” جی بیٹھ جائیے۔۔۔”

نرمی سے بول کر وہ دوبارہ بیگ پر جھکی۔۔۔جبکہ اسکی اجازت ملتے ہی وہ لڑکی جلدی سے اسکے ساتھ والی سیٹ پر بیٹھ گئی تھی۔۔۔۔۔

” بائے دا وے ایم حبا فیصل اینڈ یو؟؟۔۔۔۔۔ “

اسنے اپنی بک ابھی کھولی ہی تھی کہ اسنے اپنا ہاتھ بڑھاتے اپنا تعارف کروایا۔۔۔۔۔

” زرنین ریحان۔۔۔۔۔”

ہاتھ ملاتے وہ مدھم لہجے میں بولی۔۔۔۔۔۔

” ماشاءاللہ بہت پیارا نام ہے۔۔۔۔سو مس زرنین کیا آپ میری دوست بنیں گی؟؟۔۔۔”

گرمجوشی سے اسکا ہاتھ ہلاتے وہ جوش سے بولی۔۔۔۔اسکی یہ گرمجوشی اور اپنی تعریف سنتے زری کے لبوں پر ناچاہتے ہوئے بھی مسکراہٹ ابھری۔۔۔۔اسکی مسکان دیکھتے حبا کھلکھلا کر ہنسی۔۔۔۔۔

” ہمم۔۔۔گڈ اب سے ہم دوست ہیں ہے نا زری۔۔۔۔۔”

اسکے چہرے کو دیکھتے وہ شرارت سے بولی۔۔۔۔۔

” یس آفکورس ۔۔۔”

اب کے وہ بھی شرارت سے بولی۔۔۔ایک دوسرے کو دیکھتے وہ بے ساختہ کھلکھلا کر ہنستیں چلیں گئیں ۔۔۔۔۔۔۔

” ویسے تم وہاں بیٹھی کافی ڈری ہوئی کیوٹ لگ رہی تھی تو میں نے سوچا کیوں نا تم سے دوستی کی جائے ۔۔۔۔سو میں نے ہاتھ بڑھایا اور تم نے قبول کر لیا۔۔۔۔۔”

گرائونڈ میں چلتے وہ زری کو دیکھ کر بولتی اینڈ میں کھلکھلا کر ہنسی۔۔اسکی زندہ دلی دیکھتے زری کے لب بھی بے ساختہ مسکرائے تھے۔۔۔۔۔وہ کافی باتونی تھی مسلسل باتیں کیے جا رہی تھی اسی کی بدولت ہی تو انکے درمیان چھائی اجنبیت کی دیوار ٹوٹی تھی۔۔۔۔۔وہ ایک زندہ دل اور پیاری لڑکی تھی۔۔۔۔۔زری کے لیے وہ کسی نعمت سے کم نہیں تھی۔۔۔۔۔۔

” گڈ مارنگ بابا۔۔۔”

مسٹر جبیل ٹیبل پر بیٹھے ناشتہ کر رہے تھے جب انھوں نے یہ مدھم آواز سنی۔۔۔۔سامنے دیکھا تو وہ ویل چیئر کے بٹن پریس کرتا انکی طرف آرہا تھا۔۔۔۔۔۔سیاہ جینز اور برائون شرٹ پہنے بالوں کو سلیقے سے سنوارے وہ کافی فریش لگ رہا تھا۔۔ چہرہ ہر طرح کے تاثر سے پاک تھا مغرور آنکھوں کا سرد پن ہنوز قائم تھا۔۔۔۔۔

فورٹرز پر دھرے برائون شوز میں قید پائوں دیکھتے انکی آنکھوں میں زخمی پن چھایا ۔۔۔۔۔۔شہزادوں سی آن لیے انکا بیٹا خود کو کیسا روگ لگا بیٹھا تھا۔۔۔۔جس سے رہائی ناممکن تھی کیونکہ یہ روگ اسکا خود کا لگایا ہوا تھا۔۔۔۔۔

” مارنگ مائی سن۔۔۔۔”

خود پر قابو پاتے وہ نرمی سے بولے۔۔۔۔۔جس پر وہ مدھم سا مسکراتا اپنے لیے جوس نکالنے لگا۔۔۔۔۔۔۔

” مام کہاں ہیں؟؟۔۔”

مسز جبیل کی غیر موجودگی محسوس کرتے چونکا۔۔۔۔۔۔گلاس ٹیبل پر رکھتے وہ حیرت سے بولا ۔۔۔۔۔

” رات کو انکا بی پی ہائی ہو گیا تھا اسلیے وہ ابھی ریسٹ کر رہی ہیں۔۔۔۔”

اسکے چہرے کو دیکھتے وہ سنجیدگی سے بولے۔۔۔۔جس پر وہ کچھ پریشان ہوتا جلدی سے مڑا۔۔۔۔۔

” وہ سو رہیں ہیں ذوالنون۔۔آپ بعد میں مل لینا ان سے۔۔۔۔۔”

اسے یوں ناشتہ ادھورا چھوڑ کر جاتے دیکھ وہ سرعت سے بولے جس پروہ بے ساختہ رکا۔۔۔۔۔۔

” ہمم۔۔اوکے۔۔۔آپ آج گھر پر ہیں؟؟۔۔۔”

واپس مڑتے وہ انھیں یوں کیجویل خلیے میں بیٹھا دیکھ کر سنجیدگی سے بولا۔۔۔۔۔

” یس آفکورس۔۔ آج تو آفس جانے سے رہا ۔۔۔”

وہ متبسم ہوتے گویا ہوئے۔۔۔جبکہ جو سپیتے ذوالنون کے لبوں پر انکا جواب سنتے ایک دھیمی سی مسکان ابھری ۔۔۔۔۔۔

” اوکے انجوئے یور لیو۔۔آئی ہیو ٹو گو۔۔مجھے آج سائیٹ ورک کے لیے حیدر آباد جانا ہے۔۔ ہو سکتا ہے ایک دو دن لگ جائیں تب تک اپنا اور مام کا دھیان رکھیے گا۔۔۔۔اللہ خافظ۔۔۔۔”

خالی گلاس ٹیبل پر رکھتے وہ انھیں تفصیل سے آگاہ کرتے مڑ کر باہر کی طرف بڑھ گیا۔۔۔۔۔

” ہمم اللہ خافظ۔۔۔۔”

اسکی پشت دیکھتے وہ مدھم آواز میں بولے۔۔۔۔یہ انکا وہ شاندار بیٹا تھا جسے دیکھتے انکا سینا فخر سے چوڑا ہو جاتا تھا۔۔۔۔۔سنجیدہ تو وہ بچپن سے تھا مگر پچھلے 6 سالوں سے وہ اپنی زات کے ایک ایسے خول میں قید ہو گیا تھا جہاں باقی سب کا داخلہ ممنوع تھا۔۔۔۔۔وہ ہنسنا بھول گیا تھا۔۔۔۔۔

اسکی آنکھوں میں ہمہ وقت ایک ان دیکھا دکھ ہلکورے لیتا تھا ۔۔۔۔جو کسی دیمک کر طرح اسے اندر ہی اندر چاٹ رہا تھا۔۔۔مگر وہ کچھ کرنے سے قاصر تھے۔۔۔کہ یہ سزا اسکی خود کی چنی تھی۔۔۔۔یہ مختاجی یہ اذیت اسکی خود کی چنی ہوئی تھی۔۔۔۔اور اس سب کو گلے لگائے وہ پچھلے 6 سالوں سے کسی پتھر کی مانند زندگی گزار رہا تھا۔۔۔۔۔

اسکی ماں اسے دیکھتے کڑھتی آج ڈھے جانے کو تیار تھی۔۔۔۔مگر وہ بےحس ہو چکا تھا جسے کسی کی اذیت تو دور خود کی اپنی اذیت سے کوئی سروکار نہیں تھا۔۔۔۔ایسے حالات میں انکا دل صرف اللہ سے کسی معجزے کا منتظر تھا۔۔۔ایک ایسا معجزہ جو اسکی زندگی بدل دیتا ۔۔۔۔۔اب بھی انکا دل پوری سچائی سے اس پاک پروردگار سے رحم مانگ رہا تھا۔۔۔۔۔۔

” فاطمہ دھیان سے بیٹا۔۔۔۔”

وہ اپنے دھیان میں چلتی اپنا پرس چیک کر رہی تھی کہ ٹھوکر لگنے سے بال بال بچی۔۔۔۔تیز تیز دھڑکتے دل پر ہاتھ رکھتے وہ پیچھے پڑی کرسی پر بیٹھی۔۔۔۔۔

” ٹھیک ہو نا بیٹا؟؟۔۔چوٹ تو نہیں آئی۔۔۔۔۔”

اسکے قریب آتے وہ پریشانی سے بولیں۔۔۔جس پر وہ خود پر قابو پاتے سیدھی ہوئی۔۔۔

” ہمم میں ٹھیک ہوں بوا۔۔۔۔آپ مجھے اپنی دوائوں کی لسٹ دے دیں میں لیتی آئوں گی ۔۔۔۔۔”

تیزی سے بولتے وہ انکے سامنے جھکی۔۔۔۔اسکی پیشانی چوم کر اپنی دوائوں کی لسٹ اسے تھماتے وہ اسے الوداع کرنے گیٹ تک آئیں۔۔۔۔۔وہ جب تک گلی مڑی نہیں تب تک انکی بوڑھی آنکھوں نے اسکا پیچھا کیا تھا۔۔۔۔۔

مین روڈ پر آتے وہ رکشہ کی تلاش میں ادھر ادھر نظریں دوڑانے لگی۔۔۔۔آج سیلری ملی تھی تو سوچا بوا کی دوائیں اور گھر کا کچھ سامان لے آئے۔۔۔۔۔کافی دیر دور دور تک کسی رکشے کا آثار نظر نا آتے وہ گہری سانس بھرتی آگے بڑھی۔۔۔۔۔ابھی وہ روڈ کے درمیان ہی پہنچی تھی کہ دائیں طرف سے آتی گاڑی کو راستے دینے کے لیے وہ جلدی سے آگے بڑھی مگر برا ہو جو پائوں مڑ گیا وہ بے ساختہ گری۔۔۔۔۔۔۔اسے بچانے کے لیے ڈرائیور نے سرعت سے گاڑی موڑی جس کے نتیجے میں گاڑی ڈس بیلنس ہوتی فٹ پاتھ پر چڑھ گئی۔۔۔۔۔اسکا بونٹ فاطمہ کے دائیں کندھے کو ٹھوکر مار گیا۔۔۔درد کی ایک تیز لہر نے اسکے پورے وجود کا احاطہ کیا تھا۔۔۔۔۔۔لب بھینچ کر اپنی چیخ کو روکتے وہ سر اپنے گھٹنوں پر ٹکا گئی۔۔۔۔۔۔

” میم آر یو اوکے؟؟۔۔۔”

تیزی سے گاڑی کا دروازہ کھول کر ڈرائیور اسکی طرف بڑھا۔۔۔۔

” جی مم۔۔ میں ٹھیک ہوں۔۔۔۔”

بمشکل اپنے آنسو روکتے وہ بول پائی۔۔۔ورنہ درد سے کندھا اور پائوں دونوں سن تھے۔۔۔۔کھڑے ہونے کے چکر میں وہ بے ساختہ لڑکھڑائی تھی۔۔۔۔۔سیاہ گائون اور حجاب گرد آلود ہو چکا تھا۔۔۔اور نقاب آنسوئوں سے تر تھا۔۔۔۔۔۔

” سب ٹھیک ہے بخش؟؟۔۔۔”

فرنٹ سیٹ سے ابھرتی بھاری مردانہ آواز کسی صور اسرافیل کی طرح فاطمہ کی سماعتوں میں اتری۔۔۔۔دل دھک سے رہ گیا۔۔۔۔لاکھوں کی بھیڑ میں بھی وہ اس آواز کو پہچان سکتی تھی۔۔۔۔۔۔۔۔بونٹ کا سہارا لیتے اسنے بڑی دقت سے نظریں اٹھا کر سامنے دیکھا جہاں وہ اپنی پوری آب و تاب سے بیٹھا تھا۔۔۔۔۔۔۔اسکی آنکھوں نے یہ منظر دیکھنے سے پہلے بند ہونے کی تمنا کی تھی۔۔۔۔۔بدن کپکپا اٹھا۔۔۔۔دل دھڑکنے سے انکار کر رہا تھا اور دھڑکنیں ایک بار تو رکیں تھیں۔۔۔اسکی آنکھیں ہنوز اس چہرے پر ساکت تھیں۔۔۔۔۔جو خود بھی اسے ہی دیکھ رہا تھا۔۔۔۔۔۔

بے جان ہوتی ٹانگوں نے اسکا بوجھ سہارنے سے انکار کر دیا۔۔۔۔ہر چیز پیچھے چلی گئی تھی ۔۔جہاں صرف اسکی بربادی تھی اور ذمہدار بھی سامنے تھا۔۔۔حواس ساتھ چھوڑتے اسے بے جان کر گئے۔۔سماعتیں سن تھیں اور زبان تالو سے جا چپکی تھی۔۔۔۔۔آنکھوں میں ایک سیلاب امڈتا اسکے گالوں پر رواں تھا۔۔۔۔۔۔۔بے جان ہوتا وجود پورے قد سے گرا تھا۔۔۔۔۔۔۔آنکھوں میں چھاتے اندھیرے کو دیکھتے اسنے اپنے دل کے بند ہونے دعا بڑی شدت سے کی تھی۔۔۔۔۔