Ramaad Al Hubb by Sara Shah readelle50009 Episode 34

تاحد پھیلے ریگستان میں پھیلی وخشت دل کو دہلا رہی تھی۔۔۔۔۔ہر طرف ریت کا سمندر الگ ہی منظر پیش کر رہا تھا۔۔۔ایسے میں وہ پسینے سے شرابور گھٹنوں کے بل بیٹھا ہانپ رہا تھا۔۔۔خلق میں پیاس کی شدت سے کانٹے اگ آئے تھے۔۔۔پانی ملنا محال تھا۔۔۔۔تاحد نگاہ میں اگر کچھ تھا تو صرف ریت اور سر پر آگ برساتا سورج۔۔۔جو ایسا لگ رہا تھا سوا نیزے پر تھا۔۔۔۔۔

” میں تھک چکا ہوں مالک۔۔۔اب تو رحم فرما دے۔۔۔۔”

خشک پپڑی زدہ ہونٹوں سے الفاظ سرگوشی کی مانند نکلتے فضا میں پھیل گئے۔۔۔۔۔۔سیاہ آنکھوں میں برسوں کی تھکن نمایاں تھی۔۔۔۔۔اور دل جیسے ڈھے جانے کو تیار تھا۔۔۔۔۔

” ابھی سے تھک گئے۔۔۔۔؟؟؟؟؟ ابھی تو بہت سفر باقی ہے۔۔۔۔۔”

عقب سے ابھرتی آواز دل کی دھڑکنیں روک گئی تھی۔۔۔۔لہجے کا سرد پن رگوں میں خون جما رہا تھا۔۔۔۔۔پیچھے مڑنے کی ہمت اب بچی ہی کہاں تھی۔۔۔تبھی تو سختی سے آنکھیں میچے وہ سر جھکا گیا۔۔۔۔۔

” میں نے بھی یہ صحرا پار کیا ہے۔۔۔۔۔کیا تمہیں میری اذیت نظر نہیں آتی۔۔۔۔؟؟؟؟؟”

اب کے آواز سامنے اور بےحد نزدیک سے ابھری۔۔۔۔وہ کرنٹ کھا کر آنکھیں کھول گیا۔۔۔جہاں ویسے ہی سیاہ لبادے میں سر سے پائوں تک چھپے وہ دو زانوں اسکے سامنے بیٹھی تھی۔۔۔۔۔۔

اسکا سوال نہیں کوئی زہر میں ڈوبا نشتر تھا جس نے اسکے سینے کو چھلنی کر دیا۔۔۔۔۔تڑپ کر اسکا چہرہ اپنے ہاتھوں کے پیالے میں لیتے وہ پیشانی اسکے نم ماتھے سے ٹکا گیا۔۔۔۔۔۔

” نظر آتا ہے سب۔۔۔سب نظر آتا ہے۔۔۔۔۔بس کہہ نہیں سکتا جاناں۔۔۔۔۔کہہ دیا اور تم نے معاف نہیں کیا تو۔۔۔۔؟؟؟؟ یہ سب سہنے کی ہمت نہیں ہے۔۔۔۔۔اب یہ دل بہت کمزور ہو چکا ہے۔۔۔۔۔۔”

گہرے سانس لیتے وہ تھکے تھکے لہجے میں بولتا حقیقتا ڈھے چکا تھا۔۔۔۔۔غرور تو عرصہ ہوا پاش پاش ہو گیا تھا۔۔۔اب اگر کچھ تھا بھی تو صرف اسکی محبت۔۔۔۔۔جس نے اسے خاک کر دیا تھا۔۔۔۔۔۔۔مقابل کی طرف سے خاموشی تھی۔۔۔کافی دیر خاموشی کے بعد ایک صور اسکے کانوں میں پھونکا گیا۔۔۔۔۔جس نے اسے تڑپا دیا۔۔۔۔

” تو نوچ کر پھینک دو اس دل کو۔۔۔۔جیسے کبھی میرا نوچا تھا۔۔۔۔۔کر سکتے ہو ایسا۔۔۔۔؟؟؟؟”

بے دردی سے پوچھا گیا سوال اسے توڑ کر رکھ گیا۔۔۔۔آنکھیں جل سی اٹھیں تھیں۔۔۔اور جواب۔۔۔۔وہ کہاں تھا اسکے پاس۔۔۔۔تبھی راہ فرار اختیار کرتے وہ پلکیں سختی سے میچ گیا۔۔۔۔۔

اک عجب سی کیفیت ہے میری تم بن

رہ بھی لیتا ہوں اور رہا بھی نہیں جاتا

درد سے چور لفظ اذیت سے بھیگا لہجہ اور تھکن زدہ چہرہ سب کچھ دھڑکنیں روکنے کی سکت رکھتا تھا۔۔۔۔۔۔

مگر سننے والا بے نیاز تھا اور شاید یہی ذوالنون کی قسمت تھی۔۔۔لیکن اس سے پہلے وہ کچھ سمجھتا اسے محسوس ہوا جیسے وہ اسکے ہاتھوں سے سرک رہی ہو۔۔۔سرعت آنکھیں کھولیں تو سامنے وہ غائب تھی اور اسکے ہاتھوں میں سوائے خاک کے کچھ نا تھا۔۔۔۔وہ تو کب کی ہوائوں میں بکھر گئی تھی۔۔۔

دل بے طرح ڈوبا تھا۔۔۔۔کسی انہونی کے احساس تلے دل شدتوں سے دھڑک اٹھا۔۔۔۔۔سیاہ آنکھوں میں وحشت کا طوفان اٹھا تھا۔۔۔۔

” زری۔۔۔۔۔۔۔”

خلق کے بل چیختے اسنے اٹھنا چاہا مگر ٹانگیں برف کی مانند ساکت رہ گئیں اور اسکی دلدوز پکار فضائوں میں دور دور تک بکھرتی چلی گئی۔۔۔۔۔

” نہیں۔۔۔۔۔”

جھٹکے سے آنکھیں کھولتے وہ گہرے سانس لینے لگا۔۔۔دل ایسا لگ رہا تھا جیسے پسلیاں توڑ کر باہر آجائے گا۔۔۔۔۔

بمشکل خود کو گھسیٹتے اسنے خود کو بیڈ کرائون سے ٹکایا۔۔۔۔پانی پیتے اسکے ہاتھوں میں واضح لرزش تھی۔۔۔۔پورا بدن پسینے سے شرابور تھا۔۔۔اور آنکھوں میں نمی سی تیر رہی تھی۔۔۔۔۔

وہ پچھلے چار دن سے فلیٹ پر تھا۔۔۔جب بھی اسکا دماغ خراب ہوتا وہ وہیں آتا تھا۔۔اور اس دن زری کے طعنے نے گویا اسے سلگا دیا تھا تبھی کچھ سخت کہنے کے بجائے وہ یہاں آگیا۔۔۔۔ اور اب اس خواب نے اسے پریشان کر دیا تھا۔۔۔۔دل پہلے کبھی اتنا ہراساں نہیں ہوا تھا جتنا اب ہو رہا تھا۔۔۔دھڑکنیں اعتدال پر آنے کا نام ہی نہیں لے رہیں تھیں۔۔۔۔۔

اتنے دن اسے دیکھا نہیں تو یقین تک نہیں آرہا تھا کہ وہ اتنا لاپرواہ کیسے ہو سکتا ہے۔۔۔۔؟؟؟؟

اسے اپنے اعصاب چٹختے ہوئے محسوس ہوئے۔۔۔۔کنپٹیوں کو دباتے وہ اذیت کی انتہا پر تھا۔۔۔

سرخ رنگ فراک کے ساتھ چوڑی دار پاجامہ، بال سلیقے سے بنائے وہ سر پر سرخ ہی دوپٹہ اوڑھے دلکشی کی حدوں کو چھو رہی تھی۔۔۔۔۔

بنا میک اپ کے صاف شفاف چہرہ اور بھوری آنکھیں الگ ہی قہر ڈھا رہی تھیں۔۔۔ذوالنون کا دل شدتوں سے دھڑک اٹھا۔۔۔کچھ دیر پہلے ہوئی بدمزگی سرے سے ہی غائب ہوتی ایک نیا سرور بخش گئی تھی جس کے زیر اثر اسکے عنابی لب مسکرا اٹھے۔۔۔۔

رب نے بھی کہاں لا کر اسے گھٹنوں کے بل گرایا تھا کہ سامنے تک نا توجہ تھی۔۔۔اسکی ایسی بے نیازی نے اسے بے بسی سے ہنسنے پر مجبور کر دیا۔۔۔۔۔

اسکے ہنسنے کی آواز اسے چونکا گئی۔۔۔وہ سرعت سے مڑی جہاں وہ سامنے کائوچ پر بیٹھا اکیلا ہی مسکرا رہا تھا۔۔اسکی ایسی حالت نے زری کو حیران کر دیا۔۔۔۔۔۔

پچھلے چار دن سے وہ غائب تھا۔۔۔اس دن کی چھڑپ کے بعد وہ ناجانے کہاں چلا گیا تھا۔۔۔۔پیچھے وہ ہراساں ہو کر رہ گئی تھی۔۔۔عصرہ بیگم اور رانیہ کی کوششیں ہی تھیں جو خود کو کمپوز کر پائی تھی۔۔۔۔۔ورنہ وہ تو بن بلائے مہمان کے جیسے سلوک کرتا گدھے کے سر طرح غائب تھا۔۔۔۔۔

اب اسے اتنے دن بعد اپنے روبرو پانا اور یوں بلاوجہ اسکا مسکرانا زری کو آگ لگا گیا تھا۔۔۔۔کیوں تھا وہ اتنا سفاک کے اپنے کیے تک کا احساس نا ہوتا تھا۔۔۔۔۔

” پوچھ سکتی ہوں کہاں تھے تم۔۔۔؟؟؟”

سینے پر ہاتھ باندھتے وہ چھبتے لہجے میں بولی تو ذوالنون کے مسکراتے لب مزید پھیلے۔۔۔۔اسکا روائتی بیویوں والا سوال اسامہ کا دل گدگدا گیا۔۔۔۔۔

” بلکل پوچھ سکتی ہو ۔۔۔پوچھو۔۔۔”

لبوں پر جاندار مسکراہٹ سجائے وہ اسے صاف چڑا رہا تھا۔۔۔جسے محسوس کرتے زری کے ماتھے پر بل پڑے۔۔۔۔۔

” کہاں تھے آپ۔۔۔۔۔؟؟؟؟ “

بے چین نظریں اسکے وجیہہ چہرے پر جمائے وہ دھیرے سے بولی۔۔۔۔

” تم آج بہت خوبصورت لگ رہی ہو۔۔۔۔”

اسکے سوال کو سرے سے اگنور کرتے وہ گہرے لہجے میں بولا۔۔۔۔آنکھیں بے تابانہ اسکے شفاف چہرے کا طواف کر رہیں تھیں۔۔۔۔۔۔

اسکے لہجے میں کچھ تھا جس نے اسے پلکیں جھکانے پر مجبور کر دیا۔۔۔۔۔

” با۔۔بات کو گھما رہے ہو۔۔۔۔؟؟؟”

لفظ ٹوٹ ٹوٹ کر اسکے لبوں سے نکلے۔۔اسکی غیر ہوتی حالت نے جیسے اسامہ کو لطف سا دیا تھا تبھی عنابی لب جاندار انداز میں مسکرائے۔۔۔۔۔

” اور تم مجھے اپیل کر رہی ہو۔۔۔۔”

لب دانتوں میں دباتے وہ خمار آلود لہجے میں بولتے زری کو سنسنا گیا۔۔۔۔۔بے باک لہجے میں بولے گئے اسکے بے دھڑک جملے نے زری کو کان کی لوئوں تک سرخ کیا تھا۔۔۔۔وہ بے باک تھا۔۔۔یہ وہ جانتی تھی۔۔لیکن وہ پل میں اسکا دل اپنی مٹھی میں لے سکتا تھا یہ بات اسے آج پتا چلی تھی۔۔۔۔شدتوں سے دھڑکتے دل نے جیسے سارے راز افشا کر دئیے تھے۔۔۔۔ اس سے پہلے یہ راز اسامہ پر آشکار ہوتا وہ سرعت سے مڑی۔۔۔۔

” ایک کپ کافی بھیجوا دو سٹڈی میں۔۔۔۔”

اسے بوکھلا کر بھاگتے دیکھ وہ نرمی سے بول کر سٹڈی کی طرف بڑھ گیا۔۔۔پیچھے وہ وہیں کھڑی اپنی دھڑکنیں شمار کرتی رہ گئی۔۔۔۔۔۔

وہ پل میں اسے ہراساں کر دیتا تھا۔۔لہجہ٫انکھیں اوران آنکھوں میں پنپتے جذبات سب کچھ دھڑکنیں منتشر کر دیتے تھے۔۔۔۔۔اب بھی وہ کھڑی خود کو کمپوز کر رہی تھی۔۔۔چہرہ ایسا لگ رہا تھا جیسے آگ اگل رہا ہو ۔۔۔

” ہنہ۔۔ چائے لے آئؤں ۔۔ میں ملازم نہیں ہو تمہاری۔۔۔۔۔”

تڑخ کر بڑبڑاتے وہ سیدھا کچن میں چلی گئی جہاں رات کے لیے ڈنر تیار ہو رہا تھا۔۔۔۔

وہ پچھلے چار دن سے خوار ہو رہا تھا لیکن مجال ہے جو اسے سکینہ خاتون کا گھر ملا ہو۔۔۔سارا دن خوار ہونے کے باوجود وہ ابھی تک انکا بتایا گیا ایڈریس نہیں ڈھونڈھ پایا تھا۔۔۔۔صرف اتنا پتا چلا تھا کہ جس گھر میں وہ پہلے رہتیں تھیں وہ چھے سال پہلے ہی چھوڑ دیا تھا انھوں نے۔۔۔اب انکا ملنا معجزہ ہی ہو سکتا تھا۔۔۔

اور وقاص احمد کو کسی معجزے کی کوئی امید نہیں تھی۔۔۔۔کیوں کہ معجزہ ان جیسوں کے لیے بنا ہی کہاں تھا۔۔۔یاسیت سے سوچتے وہ اس سے پہلے گاڑی کو دائیں طرف موڑتا سامنے سے سڑک کراس کرتیں ایک خاتون اسکی گاڑی کی زد میں آتیں دور تک پھسلتیں چلیں گئیں۔۔۔۔۔

سرعت سے گاڑی کو روکتے وہ پھرتی سے باہر نکلا۔۔۔انکی طرف بھاگتے وہ دیکھ سکتا تھا کہ وہ اچھی خاصی زخمی ہو چکیں تھیں۔۔۔اٹھنے کی کوشش میں وہ ہلکان ہو رہیں تھیں جب وہ ان تک پہنچا۔۔۔

” ایم سو سوری ۔۔میں ایسا نہیں چاہ رہا بس دھیان بٹ گیا اور یہ ۔۔۔۔۔۔۔”

لبوں پر زبان پھرتے وہ ہواس باختہ سا بولا ۔۔۔۔چہرہ سخت ندامت کا اظہار کر رہا تھا۔۔۔۔۔

” کوئی بات نہیں شاید میں نے بہت جلدی کر دی۔۔۔۔۔”

اسکی شرمندگی کو کم کرتے وہ اسکے بڑھائے ہوئے ہاتھوں کو تھامتے اٹھیں مگر پائوں میں اٹھتے درد نے انھیں پھر سے لڑکھڑا دیا۔۔۔۔۔

” بہر حال غلطی تو میری ہی تھی ۔۔۔۔ آئیں آپکو ہاسپٹل لے چلوں لگتا ہے گہری چوٹ آئی ہے۔۔۔۔”

ان کے گھٹنے اور پائوں سے رستے خون کو دیکھتے وہ شرمندگی سے بولا۔۔۔۔۔

” ضرورت نہیں ہے بیٹا میں ٹھیک ہوں ۔۔۔۔۔”

وہ اسکے خوبرو چہرے کو غور سے دیکھتے تجاہل عارفانہ لہجے میں بولیں۔۔۔۔۔

” نہیں ٹھیک نہیں آپ بس آرام سے چلیں میں ابھی آپکو ہاسپٹل لے جائوں گا۔۔۔ آئیں پلیز۔۔۔۔۔”

انکے انکار کو سرے سے نظر انداز کرتے وہ انھیں لیے گاڑی کی طرف بڑھ گیا۔۔۔۔۔

” نام کیا ہے تمہارا بیٹا….؟؟؟؟”

سامنے ونڈ سکرین کی طرف دیکھتے اسکے کانوں سے انکا سوال ٹکرایا۔۔۔جس پر وہ بے ساختہ چونکا۔۔۔۔۔۔

” جی۔۔۔۔۔وقاص احمد۔۔۔۔۔”

بیک مرر سے انھیں دیکھتے وہ بولا۔۔۔۔۔اسکا نام سنتے وہ چونک سی گئیں۔۔۔۔۔۔

” باپ کا نام….؟؟؟؟؟”

ابکی بار پوچھا گیا سوال اسے حقیقتا چونکا گیا۔۔وہ کچھ الجھا۔۔۔۔۔

” جی آصف احمد۔۔۔۔”

الجھی نظروں سے انھیں دیکھتے وہ مختصراً بولا۔۔۔۔۔اور اب کی بار دیا گیا جواب انکے تمام تر خدشوں کی تصدیق کر گیا۔۔۔۔۔وہ ساکت سی اسکا چہرہ دیکھتیں رہ گئیں جو الجھی نظروں سے انھیں دیکھ رہا تھا۔۔۔۔۔

” یہاں رہتے ہو……؟؟؟”

لرزتے لہجے میں پوچھتے انکا دل تیزی سے دھڑک رہا تھا۔۔۔۔۔۔اور آنکھیں خائف تھیں۔۔۔۔۔۔

” جی نہیں میں یہاں نہیں رہتا ۔۔۔ آج ہی آیا ہوں کسی کام کے سلسلے میں۔۔۔”

سنجیدگی سے جواب دیتے اسکا ذہن مسلسل کلک کررہا تھا۔۔۔۔۔

” کیسا کام۔۔۔۔۔۔؟؟؟؟”

اور یہ سوال جیسے تابوت میں آخری کیل ثابت ہوا۔۔۔۔۔وہ ساکت نظروں سے انھیں دیکھتا رہ گیا۔۔۔۔۔۔وہ اس سے اتنے سوال کیوں کر رہیں تھیں….؟؟؟؟؟؟؟

اور انکے چہرے پر اتنا خوف کیوں تھا۔۔۔۔۔۔؟؟؟؟

ان تمام سوالوں کا جواب انکے چہرے پر نقش تھا جسے وقاص آرام سے پڑھ سکتا تھا ۔۔۔۔۔وہ وہیں تھیں جن کی اسے تلاش تھی۔۔۔رب بھی کہاں کہاں انسان کو بتاتا ہےکہ اسکے لیے کچھ بھی ممکن نہیں بے شک۔۔۔۔۔۔

اور وقاص احمد جان گیا تھا کہ اس زات نے تمام پردوں کو ہٹا دیا تھا۔۔۔۔اور اب جو نظر آرہا تھا وہ واضح تھا۔۔۔۔۔۔۔انکے چہرے کو دیکھتے اسکا دل تیزی سے دھڑک رہا تھا۔۔۔۔۔کیوں دھڑک رہا تھا یہ وہ جان نہیں پایا تھا ۔۔۔۔۔۔۔۔

” اور پھر وہ اسے اپنے نکاح میں لیے ساتھ لے گیا۔۔۔۔۔”

سب کچھ اس پر آشکار کرتیں وہ گہرے سانس لینے لگیں۔۔۔جیسے میلوں کا سفر طے کر لیا ہو ۔۔۔اور بے شک یہ سفر ہی تو تھا انکے لیے جہاں وہ پچھلے 6 سالوں سے زری کے ساتھ محو سفر تھیں۔۔۔۔۔۔۔یوں لگتا تھا جیسے کتنے ہی زمانے انھوں نے ساتھ پار کیے ہوں ۔۔۔۔۔۔

” میرے لیے وہ میری فاطمہ ہی ہے۔۔۔۔اس میں مجھے اپنی بیٹی نظر آتی ہے۔۔۔۔۔وہ مجھ سے دور ہے تو ایسا لگتا ہے جیسے دل ساکت ہو۔۔۔۔لیکن یہ دوری ضروری ہے ۔۔۔۔تاکہ وہ سمجھ سکے کہ کیا اسکے لیے اچھا ہے اور کیا برا۔۔۔اور یہ کہ وہ اپنے نصیب سے نہیں لڑ سکتی۔۔۔۔۔۔۔۔”

خلائوں میں دیکھتے ان کا لہجہ اسکی محبت سے لبریز تھا ۔۔۔۔۔بے شک وہ اسکے لیے زاہدہ بیگم سے بڑھ کر ثابت ہوئیں تھیں۔۔۔۔۔۔

” کراچی میں ہے نا وہ۔۔۔۔۔؟؟؟؟”

کب سے ساکت بیٹھے وقاص کے لب دھیرے سے ہلے۔۔۔انھوں نے سر اثبات میں ہلایا تو وہ تھک کر آنکھیں موند گیا۔۔۔۔۔انکے بتائے ایک ایک لفظ نے گویا اسکے پورے وجود کو اندیکھی زنجیروں میں جکڑ لیا تھا۔۔۔جن سے رہائی ناممکن تھی۔۔۔۔۔۔

وہ دنگ تھا اس زات کی کرامات کو دیکھ کر جس نے پچھلے 6 سال سے انھیں آنکھیں رکھنے کے باوجود اندھا بنائے رکھا۔۔۔۔۔کیا اسکے لیے کچھ مشکل تھا۔۔۔بے شک نہیں۔۔۔۔

آج وہاں ہسپتال میں ایک کمرے میں موجود صوفے پر بیٹھے وقاص احمد کا رواں رواں رب العزت کی کبریائی کے سامنے کانپ رہا تھا۔۔۔۔۔

وہ کتنے حقیر تھے اس پاک زات کے سامنے ۔۔۔۔اور پھر بھی وہ خود کو فرعون سمجھتے ظلم کرتے تھے لیکن نہیں جانتے تھے کہ اس زات نے فرعون کو تا قیامت تک انسانیت کے لیے عبرت کا نشان بنا دیا تھا۔۔۔لیکن پھر انسان اندھے بنے ایک دوسرے کو زک پہنچا رہے تھے۔۔۔۔

تیزی سے دھڑکتے دل کی تمام دھڑکنیں اسکے سامنے سر سجود تھیں۔۔۔اور آنکھوں میں شرمندگی ہلکورے لے رہی تھی ۔۔۔۔اب اسکی منزل کراچی تھی جہاں اس پزل کا آخری ٹکڑا موجود تھا۔۔۔۔۔۔

” نکل جائو اس گھر سے ابھی کے ابھی۔۔۔۔”

انگلی اٹھا کر دروازے کے طرف اشارہ کرتے وہ خلق کے بل غراتی اسے ساکت کر گئی۔۔۔۔آنکھیں لہو رنگ بھیگی ہوئیں تھیں۔۔۔اور میں ہلکورے لیتا درد وہاں موجود تمام نفوس کو تڑپا گیا۔۔۔۔۔۔۔۔۔۔۔

” مم۔۔میری بات۔۔۔۔۔۔۔۔۔۔”

وہ اس سے پہلے اپنی بات مکمل کرتا کہ مقابل کا سرعت سے اٹھتا ہاتھ اسکا گال سرخ گیا۔۔۔۔لب بھینچے وہ سختی سے آنکھیں میچتے سر جھکا گیا۔۔۔۔۔نظریں اسکے پائوں پر جمیں تھیں جو اسکے کانوں میں سیسہ انڈھیلتی اسے روح تک تڑپا رہی تھی۔۔۔۔۔

” کیا دیکھنے آئے ہو۔۔۔۔؟؟؟؟ یہی کہ جسے مل کر زندگی دفنایا تھا وہ کیسی ہے۔۔۔۔؟؟؟ یا پھر یہ کہ جسے عرصے سے مرا سمجھ رہے تھے وہ زندہ کیسے ہو گئی۔۔۔۔۔؟؟؟؟؟؟ میں زندہ نہیں ہوں۔۔۔نہیں ہوں زندہ ۔۔۔۔۔مر چکی ہوں۔۔۔۔تب ہی مر گئی تھی جب میری ماں نے اپنی آخری سانسیں لیں تھیں ۔۔۔سنا تم نے ۔۔۔سنا۔۔۔مر چکی ہوں میں ۔۔۔۔”

خلق کے بل چیختے وہ تڑپ تڑپ کر روتی چلی گئی۔۔بے جان قدموں سے زمین پر ڈھے گئی۔۔۔۔۔دوزانوں بیٹھتے وہ ان زخموں کو رو رہی تھی جو برسوں سے اسکے سینے کا ناسور بنے ہوئے تھے۔۔۔۔۔