Ramaad Al Hubb by Sara Shah readelle50009 Episode 11

زندگی اتنی خوبصورت ہو جائے گی سوچا بھی نہیں تھا۔۔۔۔اسے دیکھنا،اسے سننا یہ سب اسکی عادت بنتا جا رہا تھا۔۔۔۔اور عادات بعض دفعہ جان لیوا ثابت ہوتی ہیں۔۔۔۔۔مگر وہ اس سب سے انجان ایک ایسے سفر پر روانہ تھی۔۔جہاں سے واپسی ناممکن تھی۔۔۔۔۔

بھوری آنکھوں میں ایک نئی چمک تھی۔۔۔۔لب ہمہ وقت مسکرانے لگے تھے۔۔۔۔ایسے میں زندگی کی تلخیاں کہیں بہت پیچھے رہ گئیں تھیں۔۔۔۔۔۔لیکن ان تلخیوں کو ختم کرنے کے لیے اسنے جو راستہ اختیار کیا تھا وہ غلط تھا۔۔۔۔۔۔اور اس سب سے وہ انجان تھی۔۔۔۔۔۔نامحرم قبر کا وہ سانپ ہوتا ہے جس کا ڈنک انسان کو تڑپا کر رکھ دیتا ہے۔۔۔۔۔اور زری غفلت کا شکار ہوتی اس سانپ کے دم پر پائوں رکھے کھڑی تھی۔۔۔۔۔۔۔ادھر وہ پائوں اٹھاتی ادھر وہ اسے ڈس لیتا۔۔۔۔۔۔لیکن ابھی قدرت نے اسے غافل رکھنا تھا۔۔۔۔۔۔۔

” تم میری مردہ زندگی کے لیے ایک نئی امید ہو اسامہ۔۔۔۔جسکے بنا شاید میں زندگی گزارتی۔۔۔۔مگر اب میں زندگی جی رہی ہوں۔۔۔۔۔۔”

کھڑکی سے نظر آتے لان کی ہریالی کو دیکھتے وہ دھیمے سے بولی۔۔۔۔لہجہ محبت سے لبریز تھا۔۔۔۔۔۔سانولے چہرے کی چمک دیدنی تھی۔۔۔۔۔۔۔

” زری بیٹا باہر آئو۔۔۔۔۔”

زاہدہ بیگم کی آواز پر وہ چونک کر حواسوں میں آتی باہر کی طرف بڑھی۔۔۔۔۔

” جی امی۔۔۔۔۔۔۔”

سامنے نظر آتے منظر نے اسکی زبان روک دی تھی۔۔۔۔۔۔وقاص کی نظروں سے چھلکتی خباثت محسوس کرتے اسنے سرعت سے دوپٹہ اوڑھ کر اپنے بال ڈھانپے جو اسنے نہا کر کھلے چھوڑے تھے۔۔۔۔۔۔

” کیسی ہو زری ڈارلنگ۔۔۔۔۔”

فاریہ کی طنزیہ آواز پر اسنے اپنا جھکا سر اٹھایا۔۔۔جہاں سامنے وہ سفید پینٹ اور بلیو شرٹ پہنے بال کھلے فل میک اپ میں بے حد حسین لگ رہی تھی۔۔۔۔۔۔سرخ و سپید رنگ قاتل تھا۔۔۔۔۔۔۔اور اس پر مزداد سرخ لبوں پر سجی طنزیہ مسکان۔۔۔۔۔۔

” ٹھیک ہوں فاریہ۔۔۔۔۔تم یہ جوس لو نا میں کباب لے کر آتی ہوں۔۔۔۔۔۔۔”

نظریں پھیر کر مختصر جواب دیتے وہ بات بدلتی سرعت سے کچن کی طرف بڑھ گئی۔۔۔۔۔۔۔۔وقاص کی نظروں کو برداشت کرنے کا مزید حوصلہ وہ اپنے اندر نہیں پاتی تھی۔۔۔۔۔۔ان کے جانے تک وہ پھر اندر ہی رہی۔۔۔۔۔وہ وہاں کیوں آئے تھے؟؟؟۔۔۔اس بات کا پتا بھی جلدی چل گیا۔۔۔۔ وقاص نے کوئی ڈیل فائنل کروائی تھی جس کی خوشی میں کل گھر میں پارٹی تھی۔۔۔۔۔

اور وہ دونوں وہاں خاص انویٹیشن دینے آئے تھے۔۔۔۔۔اور یہ تو زری جانتی تھی کہ بلاوہ محض اسکی زات کو بے مول کرنے کے لیے لایا گیا تھا۔۔۔۔۔وہ اسے سرے عام ڈی گریڈ کرنا چاہتے تھے۔۔۔جیسے بچپن سے کرتے آئے تھے۔۔۔۔لیکن مصیبت یہ تھی کہ امی کی آنکھوں پر بھتیجے،بھتیجی کی محبت کی پٹی بندھی تھی۔۔۔۔۔۔۔

زاہدہ بیگم کے چہرے پر سجی فخریہ مسکان نے اسکا دل برا کر دیا۔۔۔کہاں اسکی بے زر سی ماں اور کہاں وہ چالاک لوگ۔۔۔۔۔۔دکھ سے سوچتے وہ اٹھ کر کمرے کی طرف بڑھ گئی۔۔۔۔۔۔۔

جائے نماز پر بیٹھا وہ وجود مسلسل ہچکولوں کی زد میں تھا۔۔۔۔۔۔بدن لرزتا کانپ رہا تھا۔۔۔اور چہرہ آنسوئوں سے تر بتر تھا۔۔۔۔۔۔۔۔دعا کے لیے اٹھے ہاتھ کانپ رہے تھے۔۔۔۔۔۔۔

” میں نے آپکو بھلایا اللہ پاک اور آپ نے مجھے بھلا دیا۔۔۔۔۔۔۔لیکن آپ کا بھلانا بے حد اذیت ناک ہے۔۔۔۔۔۔”

کپکپاتے لبوں سے یہ الفاظ سرسراتے ہوئے نکلے تھے۔۔۔۔۔۔اشکوں کی روانی میں اضافہ ہوا تھا۔۔۔۔۔۔۔سفید دوپٹے میں قید اسکا چہرہ ضبط سے سرخ تھا۔۔۔۔۔۔۔

” آپ شراکت برداشت نہیں کرتے میرے اللہ۔۔۔۔۔اور میں نے یہ جرم سرانجام دیا تھا۔۔۔۔۔۔۔میرے دل کو خالص کر دیں۔۔۔۔۔اپنی محبت سے آباد کر دیں۔۔۔۔۔۔۔۔۔مجھے معاف کر دیں مولا پاک۔۔۔معاف کر دیں۔۔۔۔۔۔۔”

آنکھیں سختی سے میچے وہ بمشکل بولتی ناجانے کتنے برسوں سے معافی کی طلبگار تھی۔۔۔۔۔۔شدت ضبط سے روتے وہ سجدے میں جھک گئی۔۔۔۔۔۔رات کا تیسرا پہر ہمیشہ اسکا ایسے ہی رو کر گڑگڑا کر گزرتا تھا۔۔۔۔تڑپ تھی کہ بڑھتی جا رہی تھی۔۔۔۔۔۔لیکن سکون میسر نہیں تھا۔۔۔۔۔

روح اندر تک چھلنی تھی۔۔۔۔اور مداوا کہیں نہیں تھا۔۔۔۔۔۔۔مگر اللہ تو انجان نہیں تھا۔۔۔نا کل اور نا آج۔۔۔وہ تو شہ رگ سے بھی زیادہ نزدیک تھا۔۔۔۔۔پھر بھلا اسکی تڑپ پر کیونکر متوجہ نا ہوتا۔۔۔۔لیکن ہر چیز کا وقت مقرر تھا۔۔۔۔۔ابھی اسکی اذیت کا خاتمہ نہیں ہوا تھا۔۔۔۔۔ابھی تو آبلہ پائی کا سفر مزید تھا۔۔۔

” فاطمہ۔۔۔۔”

اسکی آہوں سسکیوں کو روکنے کا باعث بوا کی آواز تھی۔۔۔انکی پکار پر اسکا لرزتا وجود ساکت ہوا۔۔۔۔۔۔۔۔

اسے یوں سجدے میں بے حال ہوکر روتے دیکھ وہ دھیرے سے چلتیں اس تک آئیں اور اسکے نزدیک بیٹھ گئیں۔۔۔۔۔

” صبر رکھو بیٹے۔۔۔صبر۔۔۔۔”

اسکے سر پر شفقت سے ہاتھ پھیرتے وہ نرمی سے بولیں۔۔۔۔جس پر اسکی آنسوئوں کی روانی میں کمی آئی۔۔۔۔۔سجدے سے سر اٹھا کر اسنے انکی گود میں رکھا۔۔۔۔۔

” اللہ پاک مایوس نہیں کرتے میرے بچے۔۔۔۔۔”

جھک کر اسکی پیشانی چومتے وہ دھیرے سے بولیں۔۔۔۔۔۔لیکن اسکے لب خاموش تھے۔۔۔۔جیسے طوفان آنے کی بعد کی خاموشی ۔۔۔ایسی خاموشی جس میں بربادی کی وخشت چھپی ہو۔۔۔۔۔۔

” میں نے یہ سب نہیں چاہا تھا بوا۔۔۔۔۔میں نے اس سے سچے دل سے محبت کی تھی۔۔۔۔۔۔”

بند آنکھوں سمیت وہ دھیرے سے بڑبڑائی۔۔۔۔اسکی بڑبڑاہٹ پر وہ گہرا سانس لیتیں آیتکرسی کا ورد کرنے لگیں۔۔۔۔۔۔۔۔ اس پر دم کرتے انکی دکھی نظریں اسکی آنکھوں پر جمیں تھیں جن سے قطرہ قطرہ نمی اسکی کنپٹیوں میں جذب ہو رہی تھی۔۔۔۔۔۔

” نہیں۔۔۔۔۔۔”

جھٹکے سے آنکھیں کھولتے وہ پوری قوت سے چیخا تھا۔۔۔۔۔۔پورا بدن پسینے سے بھیگا ہوا تھا۔۔۔۔۔۔دھیرے دھیرے کانپتے اسکی آنکھوں میں وخشت چھائی ہوئی تھی۔۔۔۔۔۔ایک خوف نمایاں تھا۔۔۔۔جس نے اسے لرزا کر رکھ دیا تھا۔۔۔۔۔۔

خواب ہمیشہ کی طرح ویسا ہی تھا۔۔۔۔۔مگر آج اس دلدل نما کیچڑ میں وہ نہیں تھا۔۔۔بلکہ سیاہ لبادہ اوڑھے وہی نسوانی وجود تھا جو پچھلے دو خوابوں میں اسے نظر آ رہا تھا۔۔۔۔۔نقاب میں چپھے چہرے پر کوئی تاثر نہیں تھا۔۔۔۔اور نا ہی کوئی گھبراہٹ۔۔۔۔۔بلکہ وہ مسلسل اس پر نظریں گاڑے کھڑی تھی۔۔۔۔اسکی آنکھوں کی تپش اس صحرا کی گرمی سے زیادہ تھی۔۔۔۔

جس نے پور پور اسے بھیگا دیا۔۔۔۔۔۔ٹانگیں ہلنے سے انکاری تھیں۔۔۔۔جبکہ لب مسلسل اسے بچانے کے لیے ہل رہے تھے۔۔۔۔مگر وہ اسکی آنکھوں کے سامنے اس دلدل میں ڈوب گئی۔۔۔اور پھٹی پھٹی نظروں سے یہ منظر دیکھتے ذوالنون کو لگا اسکا دل پھٹ جائے گا۔۔۔۔۔۔۔

تبھی بے ساختہ چیختے ہوئے وہ اٹھا۔۔۔۔۔لیکن خود اپنے کمرے میں پا کر وہ مزید وخشزدہ ہوا۔۔۔۔۔۔سائیڈ لیمپ روشن کرتے اسکی مغرور آنکھیں بے ساختہ بند ہوئیں۔۔۔۔لب بھینچ کر خود پہ قابو پاتے اسنے ہاتھ بڑھا کر پانی کا گلاس اٹھایا۔۔۔۔۔۔

ایک ہی سانس میں گلاس خالی کرتے اسنے جھٹکے سے اسے سامنے دیوار پر دے مارا۔۔۔۔۔۔خفیف سے غصے کا شکار ہوتے اسنے اپنے جبڑے کسے۔۔۔۔۔ہر بار نئے سرے سے جاگتی بےبسی کو محسوس کرتے وہ غضبناک ہو جاتا تھا۔۔۔۔لیکن جب اپنی سزا یاد آتی تو یہ غصہ پانی کا بلبلہ بنتا اڑ جاتا۔۔۔۔۔

اب بھی کانچ کے ٹکڑوں پر نظریں جمائے اسنے گہرے سانس لیے۔۔۔۔۔۔

” اس کانچ سے بھی زیادہ بکھر چکا ہوں میں۔۔۔اور اس کانچ کو سمیٹنے میں عمریں بیت جائیں گی۔۔۔۔۔۔۔”

کانچ کو دیکھتے اسکی آنکھوں میں زخمی تاثر ابھرا۔۔۔۔۔لہجہ کانچ کی سی چھبن لیے ہوئے تھا۔۔۔۔

” یہ سب بہت اذیت ناک ہے جاناں۔۔۔لوٹ آئو یار۔۔۔۔۔۔۔۔”

سر بیڈ کروئون سے ٹکاتے وہ پلکیں موندتا دھیرے سے بڑبڑایا۔۔۔۔۔۔۔لہجہ زمانوں کی تھکن سمیٹے ہوئے تھا۔۔۔۔۔برسوں کی آبلہ پائی کا سفر اب جانلیوا ہوتا جا رہا تھا۔۔۔۔۔۔

جبیل ایمپائرزز۔۔؟؟؟۔۔۔۔۔”

بلڈنگ کے سامنے کھڑے ہوتے وہ حیرت کی شدت سے گنگ رہ گئی۔۔۔۔۔۔جہاں سے بھاگنا شروع کیا تھا قدرت وہیں لے آئی تھی۔۔۔۔۔رائمہ کے توسط ملی یہ نوکری اسکے لیے غنیمت تھی مگر یہاں نوکری؟؟؟۔۔۔یہ اذیت ناک تھا۔۔۔۔۔۔۔نہیں وہ یہ نہیں کر سکتی ۔۔۔اس ے پہلے وہ مڑتی بوا کا بوڑھا چہرہ ذہن کے پردے پر روشن ہوا۔۔۔۔۔۔

انکی دوائیاں،گھر کا خرچا اور دیگر ضروریات یہ سب اتنا ضروری تھا کہ اسکے قدم بے ساختہ زنجیر ہوئے۔۔۔۔۔آسمان کی طرف دیکھتیں اسکی نگاہوں میں دکھ،درد اور ازیت ہی اذیت تھی۔۔۔۔۔یعنی آزمائش ابھی ختم نہیں ہوئی۔۔۔۔۔۔۔

وہ کراچی میں ہوتا تھا۔۔۔یہاں اسکی موجودگی عبث تھی۔۔۔۔تبھی گہرا سانس لیتے وہ اللہ کا نام لے کراندر بڑھ گئی۔۔۔۔۔

پر ستائش عمارت کا اندورنی منظر اس سے بڑھ کر خوبصورت تھا۔۔۔۔۔آنکھوں میں ستائش سی ابھری۔۔۔۔۔۔۔۔ریسپشن پر بیٹھی لڑکی نے اسے عابد صاحب کا بتایا جو انٹرویو لے رہے تھے۔۔۔۔۔

وہ رائمہ کے شوہر کے جاننے والے تھے۔۔۔انکی سفارش اور اسکے خود کے تعلیمی ریکارڈ کو دیکھتے اسے ہائر کر لیا گیا۔۔۔۔۔۔اس سب سے اسکی خوشی کی انتہا نہیں رہی تھی۔۔۔لیکن عابد صاحب کے اگلے سوال نے اسکے نقاب کے پیچھے چھپے چہرے کی مسکراہٹ غائب کی۔۔۔۔۔۔۔

” آپ کراچی کی گریجویٹ ہیں۔۔۔۔۔تو پھر یہاں کیوں اپلائی کر رہی ہیں؟؟؟جبکہ آپ کراچی کی رہنے والی ہیں۔۔۔۔۔۔”

۔

انکے سوال پر اسکی دھڑکنیں رکیں۔۔۔۔۔۔آنکھوں میں اذیت سی ابھری۔۔۔۔۔۔

” جی دراصل میری بوا یہاں اکیلی ہوتی ہیں۔۔۔۔۔۔ تو میں یہاں انکے پاس رہتی ہوں کافی سالوں سے۔۔۔۔۔۔۔”

گہر سانس لیتے وہ بمشکل بول پائی جس پر انھوں نے سر ہلا کر فائل پر سیگنیچر کرتے اسے فائل پکڑا دی۔۔۔۔۔

” آپکو کل جوائننگ دینی ہے مس فاطمہ۔۔۔۔۔”

وہ پیشہ ورانہ انداز میں گویا ہوئے۔۔۔ جس پر وہ سر ہلا کر باہر کی طرف بڑھ گئی۔۔۔۔۔۔

” کیسے کہوں کہ تم تھے میرے دربدر ہونے کی وجہ؟؟۔۔۔۔اور میری بے بسی دیکھو کہ میں کچھ کہہ بھی نہیں سکتی۔۔۔۔۔۔”

قد آدم آئینے میں نظر آتے اپنے عکس سے مخاطب ہوتے اسکے لہجے میں دکھ تھا۔۔۔۔تڑپ اور اذیت کا ایک جہان آباد تھا۔۔۔۔

” معاف نہیں کروں گی کبھی تمہیں۔۔۔۔”

اپنی آنکھوں کو دیکھتے وہ نفرت سے بولی۔۔۔مگر آواز کپکپا گئی۔۔۔۔۔جبکہ لہجے کی لرزش اسے مزید کمزور کر رہی تھی۔۔۔۔۔۔فائل پر گرفت مضبوط کرتے وہ پتہ نہیں کس سے نظریں چراتے سرعت سے مڑ کر باہر نکلتی چلی گئی۔۔۔۔۔۔