Ramaad Al Hubb by Sara Shah readelle50009 Episode 33

” یہ۔۔۔یہ کیا کہہ رہے ہیں آپ۔۔۔؟؟؟ “

اسکے لب بے یقینی سے ہلے تھے۔۔۔۔۔اسکی حیرت انھیں طنزیہ مسکرانے پر مجبور کر گئی۔۔۔۔۔۔۔

” سچ کہہ رہا ہوں۔۔۔اور جس سچ سے تم اچھی طرح آگاہ تھے۔۔۔۔۔۔”

چھبتے لہجے میں استفار کرتے وہ اسے حقیقتا گونگا کر گئے تھے۔۔۔۔۔۔ساکت نظروں سے انھیں دیکھتے اسکا رنگ متغیر ہوا تھا۔۔۔۔۔۔وہ تڑپ کر سیدھا ہوا۔۔۔۔۔

” نن۔۔۔۔نہیں بلکل نہیں۔۔۔میں اس بارے میں کچھ نہیں جانتا تھا۔۔۔۔”

لبوں کو تر کرتے وہ بمشکل اپنی صفائی دے پایا جس نے انھیں حیران کر دیا۔۔۔۔۔۔

” کیا مطلب تم انجان تھے۔۔۔؟؟؟ “

آنکھیں سکیڑ کر اسکا سپید چہرہ دیکھتے وہ ٹھٹھکے۔۔۔۔۔۔

” جی انکل میں نہیں جانتا تھا اس بارے میں۔۔۔۔۔اور اگر جانتا ہوتا تو کیا آپ کے پاس تصدیق کے لیے آتا۔۔۔۔؟؟ “

اب کہ وہ کچھ سنبھل کر بولا تو وہ چپ رہ گئے۔۔۔۔۔اسکی آنکھوں میں نظر آتا تاثر انھیں سمجھا گیا تھا کہ وقاص احمد سچا تھا۔۔۔۔۔۔۔۔

” ہمم۔۔۔۔ٹھیک ہے مان لیا کہ تم کچھ نہیں جانتے تھے۔۔۔۔۔لیکن اب میں کیا کروں۔۔۔۔؟؟ “

مشکوک نظروں سے اسکا چہرہ دیکھتے وہ انجان لہجے میں بولے۔۔۔۔۔۔

” دیکھیں انکل آپکی ناراضگی بجا ہے۔۔لیکن آپ پلیز مجھے زری کے بارے میں بتائیں۔۔۔۔۔وہ کہاں ہے۔۔۔۔؟؟ کس کے ساتھ ہے۔۔۔۔؟؟؟؟ کیونکہ کل میں نے اسے کسی لڑکے کے ساتھ گاڑی میں دیکھا تھا۔۔۔۔ میں اس سے مل کر سارا راز افشا کرنا چاہتا ہوں تاکہ سب کی اصلیت سامنے آسکے۔۔۔۔۔ “

پھٹتے دل کو سنبھالتے وہ سنجیدگی سے بولا تو وہ حیران رہ گئے۔۔۔۔۔بے یقین نظروں سے اسے دیکھتے وہ ساکت تھے۔۔۔۔

” وہ کسی لڑکے کے ساتھ کیسے ہو سکتی ہے۔۔۔ ؟؟؟؟ وہ تو ایک خاتون کے ساتھ پچھلے 6 سالوں سے حیدر آباد میں ہے۔۔۔۔۔”

اسکی بات کی نفی کرتے وہ اسے بھی الجھا گئے۔۔۔۔۔۔اگر زری حیدر آباد میں پچھلے 6 سالوں سے رہ رہی تھی تو اب یہاں کیسے تھی۔۔۔۔؟؟؟؟ وہ بھی ایک لڑکے کے ساتھ۔۔۔۔؟؟

تمام سوچوں نے اسکا دماغ ہلا ڈالا تھا۔۔۔۔۔۔سب کچھ سلجھنے کے بجائے ریشم کی طرح الجھتا جا رہا تھا۔۔۔۔۔

” اچھا۔۔۔۔۔آپ مجھے ان خاتون کا ایڈریس دے دیں تاکہ میں ان سے مل کر پتا کر سکوں۔۔۔۔”

کافی دیر تک جب کوئی سرا ہاتھ نا آیا تو وہ جلدی سے بولا۔۔۔اب اس پزل کا آخری ٹکڑا وہ خاتون ہی لگا سکتیں تھیں۔۔۔۔۔۔۔اسلیے اب وقاص احمد کی منزل حیدر آباد تھی۔۔۔۔۔۔۔۔

خود کو کسی چیز کے شکنجے میں محسوس کرتے وہ کسمسا کر آنکھیں کھول گئی۔۔۔۔کچھ دیر تو خالی الذہنی سے چھت کو دیکھا۔۔۔۔ جب دماغ خاضر ہوا تو سرعت سے سیدھا ہونا چاہا مگر خود کو کسی کے مضبوط حصار میں قید پاتے وہ تڑپ کر دائیں طرف مڑی۔۔۔۔۔۔

جہاں وہ دنیا جہاں سے بے خبر اسکے گرد اپنے مضبوط بازوئوں کا حصار بنائے ہوئے تھا۔۔۔۔سیاہ فسوں خیز آنکھیں موندی ہوئیں تھیں۔۔۔۔۔گھنی شیو اور مونچھیں اسکی وجاہت میں مزید اضافہ کر رہیں تھیں۔۔۔۔لب جو کسی زمانے میں گلابی ہوا کرتے تھے اب کناروں سے سیاہی مائل محسوس ہوتے تھے۔۔۔۔۔۔۔

6 سال پہلے نسبت اگر اب دیکھا جائے تو اسکی وجاہت میں اضافہ ہوا تھا۔۔۔۔۔سیاہ شرٹ میں اسکا کسرتی بدن کسی طور یہ باور نہیں کرواتا تھا کہ وہ محتاج تھا۔۔۔۔۔۔یکلخت وہ نظریں اسکے پائوں پر جما گئی۔۔۔۔۔صاف شفاف پائوں اس وقت سیاہ کمفرٹ سے جھانکتے الگ ہی منظر پیش کر رہے تھے۔۔۔۔۔

” کاش صورت سے زیادہ سیرت کے اچھے ہوتے تم۔۔۔۔۔۔”

افسردگی سے اسے دیکھتی وہ سوچ کر رہ گئی۔۔۔۔۔۔۔نظروں کی تپش تھی یا کچھ اور وہ دھیرے سے آنکھیں کھول گیا۔۔۔۔۔۔گلابی مائل ڈوروں سے بھری سیاہ آنکھیں غضب ڈھا گئیں تھیں۔۔۔۔زری کا دل تیزی سے دھڑکا ۔۔۔۔۔۔

اور وہ اسے سامنے پا کر ساکت تھا۔۔۔۔ وہ جو کبھی خوابوں میں آیا کرتی تھی آج اسکے بازئوں میں سانس لے رہی تھی۔۔۔۔۔اس دلکش منظر نے اسے پوری طرح اپنے حصار میں لیا۔۔۔۔۔۔۔خمار آلود نظروں سے اسے دیکھتے اسکا دل شدتوں سے دھڑک رہا تھا۔۔۔۔۔۔۔۔

اسکی لو دیتی نظروں پر وہ سرعت سے نظریں چراتی اسکا بازو خود پر سے ہٹانے لگی ۔۔۔۔۔اسکی پر زور مزاحمت نے ذوالنون کو مکمل طور پر بیدار کر دیا۔۔۔۔۔۔دھیرے سے مسکراتے وہ اپنا ہاتھ ہٹا گیا۔۔۔۔جس پر وہ تڑپ کر اٹھتی بیڈ سے اتر گئی۔۔۔۔۔۔۔

اسکی برق رفتاری نے اسے کھل کر مسکرانے پر مجبور کر دیا۔۔۔۔۔۔

” کیا بے ہودگی تھی یہ۔۔۔۔۔؟؟؟؟ “

اسکی بے باک نظروں کو سہتی وہ چٹخ کر بولی۔۔۔۔۔

” کیا۔۔۔؟؟؟ کونسی بے ہودگی۔۔۔۔؟؟؟؟”

لب دانتوں میں دباتے وہ انجان بن کر بولتا اسے تپا گیا۔۔۔۔۔۔

” آئیندہ مجھ سے دور رہنا سمجھے۔۔۔۔۔”

انگلی اٹھا کر اسے وارن کرتے وہ اسے دلکشی سے مسکرانے پر مجبور کر گئی۔۔۔۔۔

” سوری مسز۔۔۔یہ تو پاسبل نہیں ہے۔۔۔۔ کچھ اور کہتی تو میں مان بھی لیتا۔۔۔۔۔۔۔”

شانے اچکا کر بے نیازی سے بولتا وہ اسے زہر سے بھی زیادہ برا لگا تھا۔۔۔مزید اسکی مسکراہٹ نے جلتی پر تیل کا کام کیا۔۔۔۔۔۔

” کیوں پاسبل نہیں ہے۔۔۔؟؟؟؟ اور مجھے مزید کچھ نہیں کہنا تم سے۔۔۔۔بہتر ہو گا جو کہا ہے اسے مان لو ورنہ۔۔۔۔۔۔۔”

” ورنہ۔۔۔۔۔؟؟؟؟؟ “

دانت پیس کر بولتی وہ انگاروں پر لوٹ رہی تھی۔۔۔۔۔بھوری آنکھیں دہک اٹھیں تھیں۔۔۔۔۔اسکی ایسی حالت نے اسامہ کو لطف سا دیا۔۔۔تبھی تو اسکی بات کاٹتے وہ چلینچنگ انداز میں بولا۔۔۔۔۔لبوں پر تپانے والی مسکان مچل رہی تھی۔۔۔۔۔

” ورنہ پہلے تو چھ سال لگے تھے مجھے ڈھونڈھنے میں۔۔۔۔۔اب ساری زندگی ڈھونڈتے رہو گے۔۔۔۔۔”

چبا چبا کر بولتی وہ اسے تپا گئی۔۔۔۔۔ساری ہنسی پل میں غائب ہوئی تھی۔۔۔۔جسے محسوس کرتی وہ طنزیہ مسکرا کر واشروم کی طرف بڑھ گئی۔۔۔۔۔۔پیچھے وہ پیچ و تاب کھاتا رہ گیا۔۔۔۔۔۔۔

” ہنہ۔۔۔آئی بڑی ساری زندگی کی کچھ لگتی۔۔۔۔۔۔”

غصے سے بڑبڑاتے وہ واشروم کے بند دروازے کو گھور کر رہ گیا۔۔۔۔۔۔

سیدھے ہوتے انٹر کام بجاکر بخش کو بلایا۔۔۔جو اگلے پانچ منٹ میں جوس کا گلاس لے کر خاضر تھا۔۔۔۔۔۔۔

” گڈ مارننگ سر۔۔۔۔۔”

مودب لہجے میں اسے مارننگ وش کرتا وہ اسکا پارہ ہائی کر گیا۔۔۔۔۔۔کیسی گڈ مارننگ۔۔ ؟؟؟؟ جو وہ بڑے اطمینان سے برباد کر چکی تھی۔۔۔۔ غصے سے سوچتے وہ سر ہلا گیا۔۔۔۔۔

” ہمم۔۔۔۔ڈریس ریڈی کرو میں تھوڑی دیر تک شاور لوں گا۔۔۔۔۔۔۔”

اکھڑے لہجے میں اسے حکم دیتا وہ اسکا بڑھایا ہوا جوس تھام گیا۔۔۔۔۔۔اور وہ وارڈروب سے اسکے لیے کپڑے نکال کر باہر نکل گیا۔۔۔۔۔۔

گھونٹ گھونٹ جوس پیتے اسکے ماتھے پر گہرے بل تھے۔۔۔۔۔۔کتنا اچھا موڈ تھا اسکا جس کا بیڑا غرق کرنے میں اسے پانچ منٹ بھی نہیں لگے تھے۔۔۔۔۔افف۔۔۔۔ایک ہی سانس میں جوس پیتے اسنے اپنے اندر لگی آگ کو کم کرنے کی ادنی سی کوشش کی۔۔۔۔۔۔

کھٹکے کی آواز پر سامنے دیکھا جہاں وہ گیلے منہ اور ہاتھ سمیت کھڑی تھی۔۔۔۔۔زرد لباس میں وہ بال سمیٹے دھلے چہرے سے کہیں بھی شادی شدہ نہیں لگ رہی تھی۔۔۔۔۔۔گہری نظروں سے اسے دیکھتے وہ ٹھٹھکا۔۔۔۔شادی شدہ۔۔۔۔؟؟؟ شادی بھی کونسا عام شادیوں کی طرح تھی۔۔۔ہونہہ۔۔۔۔۔ سر جھٹک کر طنزیہ انداز میں مسکراتے وہ گلاس ٹیبل پر رکھتا اپنا سیل فون چیک کرنے لگا۔۔۔۔

اور وہ جو اسکی لو دیتی نظروں پر پزل ہو رہی تھی اسے اپنے سیل پر متوجہ دیکھ سکھ کا سانس لیتی آگے بڑھی اور بیڈ پر پڑا اپنا دوپٹہ اوڑھا۔۔۔۔۔

” ہمم۔۔۔۔ٹھیک ہے تم سب ریڈی رکھو میں 10 بجے آفس پہنچ جائوں گا۔۔۔۔۔۔”

فون پر اپنے کسی ماتحت سے کہتے اسکا لہجہ خاصہ سرد تھا۔۔۔تحکم بھرے لہجے نے ناجانے کیوں زری کی پیشانی نم کی۔۔۔ ۔۔سر جھکاتے وہ دھیرے سے چلتی سامنے صوفے پر بیٹھ گئی۔۔۔۔۔۔اور وہ بظاہر سیل کی طرف متوجہ اسکی ایک ایک حرکت کو نوٹ کر رہا تھا۔۔۔۔۔۔

” کیا بات ہے ریڈی نہیں ہونا تم نے ۔۔۔۔۔۔؟؟؟؟ “

سیل ہاتھوں میں گھماتے وہ سپاٹ لہجے میں بولا جس پر زری نے چونک کر سر اٹھایا۔۔۔۔۔۔۔جہاں وہ اپنی تمام تر حسوں سے اسکی طرف متوجہ تھا۔۔۔۔۔۔اسکی سیاہ نظروں کا ارتکاز محسوس کرتے اسکا دل شدتوں سے دھڑک اٹھا تھا۔۔۔۔

” کیا مطلب۔۔؟؟؟ تیار کیوں ہونا میں نے۔۔۔۔؟؟؟ “

اسکے عجیب سوال پر وہ حیران رہ گئی۔۔۔۔۔بھلا اس نے کہاں جانا تھا جو تیار ہوتی۔۔۔۔؟؟؟ دل ہی دل میں سوچتے وہ اسکی طرف متوجہ تھی جو اسکے جواب پر دانت پیستا کر رہ گیا تھا۔۔۔۔۔

” کیا مطلب کیوں تیار ہونا۔۔۔۔۔؟؟؟ بی بی تم میری بیوی ہو اور غالبا کل ہی ہماری شادی ہوئی ہے اگر آپکو یاد ہو تو ۔۔۔۔۔اس لحاظ سے ہم نیولی کپل ہیں۔۔اسلیے تیار ہونا آپ نے۔۔۔۔۔۔”

چبا چبا کر طنزیہ بولتے وہ زری کو عجیب سے احساس سے دو چار کر گیا۔۔۔۔۔۔وہ یک ٹک اسکا چہرہ دیکھتی رہ گئی جو غصے سے دہک رہا تھا۔۔۔۔۔۔۔

” شادی۔۔۔؟؟؟ یہ شادی تو نہیں تھی۔۔۔۔۔زبردستی کسی کو اپنے نکاح میں لینا شادی نہیں ہوتی۔۔۔اور سجنا سنورنا وہاں اچھا لگتا ہے جہاں دل کی رضا شامل ہو۔۔۔۔جبکہ یہاں تو میرے دل کو اپنے پائوں تلے مسلے تم بڑی شان سے کھڑے ہو۔۔۔۔”

زہر خند لہجے میں بولتی وہ اسے ہتھے سے اکھاڑ گئی تھی۔۔۔۔۔اسکا لہجا آگ برسا رہا تھا۔۔۔اور لفظوں نے گویا اسامہ کے تن بدن میں آگ لگا دی تھی۔۔۔۔۔ بھوری آنکھوں میں نمی،اذیت اور درد کی گہری پرچھائیاں تھیں۔۔۔۔جس نے اسے سلگا دیا۔۔۔۔۔۔۔

” بخش۔۔۔۔۔۔۔”

جبڑے کس کر وہ خلق کے بل چیختا زری کو خائف کر گیا۔۔۔۔۔۔خوفزدہ نظروں سے اسکا چہرہ دیکھتے اسکا دل تیزی سے دھڑک رہا تھا۔۔۔۔۔جو غصے کی شدت سے سرخ ہوتا دہک اٹھا تھا۔۔۔۔۔۔سیاہ آنکھوں میں غضب کی سرخیاں تھیں۔۔۔۔۔۔جنھیں محسوس کرتے زری کا رواں رواں کانپ اٹھا تھا۔۔۔۔۔۔

اسکی دھاڑ پر بخش سرعت سے حاضر ہوا۔۔۔۔۔۔بے دردی سے زری کو اگنور کرتے وہ بخش کی مدد سے وہیل چئیر پر بیٹھا۔۔۔۔اسے یوں بخش کے سہارے کا محتاج دیکھتے زری کی آنکھوں میں مرچیں سی بھر گئیں تھیں۔۔۔۔۔تبھی یہ سب نا سہتے ہوئے وہ سرعت سے اٹھ کر ڈریسنگ روم میں بند ہو گئی۔۔۔۔۔۔

اور پیچھے اسکی پشت کو دیکھتے اسامہ کی سیاہ آنکھوں میں آگ جل رہی تھی۔۔۔رواں رواں جل اٹھا تھا۔۔۔۔۔اور دماغ ایسا لگ رہا تھا پھٹ جائے گا ۔۔۔۔۔گردن کی نسیں تک ابھر آئیں تھیں۔۔۔۔۔۔۔۔واشروم میں شاور کے نیچے بیٹھا وہ ٹھنڈے پانی سے اپنے اندر لگی آگ کو بجھانے کی کوشش کرنے لگا۔۔۔۔۔

” کیا بات ہے وقاص۔۔؟؟؟ آپ اتنی ارجنٹ حیدر آباد کیوں جا رہے ہیں۔۔۔۔۔”

اسکی پیکنگ کرتے کب سے دل میں پنپتا سوال آخر ابیہا کے لبوں پر آہی گیا۔۔۔۔جس پر فون کو چیک کرتے وقاص کے ہاتھ تھم گئے۔۔۔۔۔۔۔

” کام ہے بیا۔۔۔۔اور کام کے لیے تو میں اکثر کہیں نا کہیں جاتا ہی رہتا ہوں۔۔۔۔۔۔”

زبردستی مسکراتے وہ اسے بہلا گیا۔۔۔۔۔لیکن اسکی بات پر وہ ٹھہر کر اسے دیکھنے لگی جو اسکی طرف ہی متوجہ تھا۔۔۔۔۔

” ہاں جاتے ہیں آپ۔۔۔۔۔لیکن آج سے پہلے کبھی بھی اتنے پریشان نہیں لگے آپ مجھے۔۔۔۔۔۔”

پر سوچ نظروں سے اسے دیکھتے وہ پر یقین لہجے میں بولتی اسے چونکا گئی۔۔۔۔۔۔ دل شدتوں سے دھڑک اٹھا تھا۔۔۔۔۔۔

” نن۔۔۔۔نہیں پریشان تو نہیں ہوں۔۔۔۔۔”

نظریں چراتے وہ دھیمے سے بولا۔۔۔۔۔تو گہرا سانس لیتی اسکے پاس بیٹھ گئی۔۔۔۔۔

” اگر آپ شئیر نہیں کرنا چاہتے تو اٹس اوکے۔۔۔۔۔”

اسکے ہاتھ تھپکتے وہ نرمی سے گویا ہوئی تو وہ بے ساختہ مسکرا دیا۔۔۔۔۔۔

” تم جانتی ہو۔۔۔۔۔تم میرے لیے اللہ تعالی کا خاص تحفہ ہو۔۔۔۔جسے انھوں نے بن مانگے ہی مجھے دے دیا۔۔۔۔۔ ورنہ میری کوتاہیوں پر جائو تو میں اس سب کا قطعی حقدار نہیں تھا۔۔۔۔۔۔”

اسکے ہاتھوں کو مضبوطی سے تھامتے وہ پشیمان سا بولتا چلا گیا۔۔۔لہجے میں گئے وقت میں کیے گئے گناہوں کے پچھتاوے مچل رہے تھے۔۔۔۔

وہ لب سیے بس اسے دیکھتی رہ گئی جو سر جھکائے شاید کہیں اور تھا۔۔۔۔۔۔

” میں نے جو کچھ کیا اس سب کے باوجود بھی تم نے مجھے معاف کر دیا اور اتنی محبت بھی دی۔۔۔۔سوچوں تو یہ سب چھبتا ہے مجھے۔۔۔میں یہ سب ڈیزرو نہیں کرتا تھا بیا۔۔۔۔۔۔”

اسکی بھوری آنکھوں میں دیکھتے وہ پھر سے ماضی کو دہرا رہا تھا جسے وہ کئی سال پہلے ہی دفن کر چکی تھی۔۔۔۔۔۔اسکے شرمندہ لہجے پر وہ نرمی سے مسکرا دی۔۔۔۔۔۔

” وہ سب آپ کا ماضی تھا وقاص۔۔۔اور جو کچھ آپ نے آپی کے ساتھ کیا وہ مشکل سے ہی سہی لیکن میں نے اسلیے معاف کیا کیونکہ وہ جا چکی ہیں۔۔۔۔۔اور جانے والوں پر قرض نہیں رکھے جاتے۔۔۔۔اب بس یہ امید اور دعا ہے وہ بھی آپ کو معاف کر دیں۔۔۔۔۔ “

ٹھہر ٹھہر کر نرم لہجے میں بولتے وہ وقاص کے مچلتے دل کو سکون بخش گئی۔۔۔۔ناجانے کتنی ہی منتیں کی تھی اس نے ابیہا کی تب جا کر وہ اسے معاف کر پائی تھی۔۔۔۔۔وہ اسکے لیےناپسندیدہ شخص تھا۔۔تبھی تو اسکا من پسند بننے کے لیے وہ تمام گناہوں سے تائب ہو گیا۔۔۔۔اور شادی کے ڈیڑھ سال بعد انھوں نے نئی شروعات کی تھی۔۔۔۔اور بلاشبہ وقاص احمد کی توبہ سچی تھی کہ ابیہا ریحان اس سے محبت کرتی تھی۔۔۔۔۔۔۔

” تھینک یو سو مچ بیا۔۔۔بس دعا کرو زری مجھے معاف کر دے۔۔۔۔۔”

بے بس لہجے میں بولتے اسکی آنکھوں میں پچھتاوے کی آگ دہک رہی تھی۔۔۔۔۔۔

” ان شاء اللہ۔۔۔۔”

پر یقین لہجے میں بولتے اسکی آنکھیں میں نمی سی لہرائی تھی۔۔۔۔۔

” اب جلدی سے مسکرا کر دیکھائو۔۔۔اور دو کپ کافی لے آئو مل کر پیتے ہیں۔۔۔۔۔۔جلدی شاباش۔۔۔”

اسکی آنکھیں صاف کرتے وہ سرعت سے موضوع بدل گیا۔۔۔۔اسکی جلدی مچانے پر وہ دھیمے سے مسکراتی اٹھ گئی۔۔۔۔۔

” میں ان شاءاللہ زری کو لے کر آئوں گا بیا۔۔۔۔بس وہ ایک بار مل جائے۔۔۔۔۔”

سامنے دروازے کو دیکھتے اسکے لب امید سے بڑبڑائے تھے۔۔۔۔۔

ٹیبل پر پڑا اسکا فون مسلسل بج رہا تھا۔۔۔۔اور وہ فائلوں میں سر دئیے بے نیاز تھا۔۔۔۔۔فون کرنے والا اگر ڈھیٹ تھا تو وہ بھی ڈھیٹ ابن ڈھیٹ تھا۔۔۔۔۔

مجال ہو سیل فون کی وائبریشن سے اسے کوئی فرق پڑا ہو۔۔۔بے نیازی سے اپنے کام میں مشغول رہا۔۔۔۔۔

” یس کم ان۔۔۔۔”

ناک کی آواز پر وہ دھیرے سے بولا۔۔۔۔دروازہ کھول کر اسکی سیکرٹری اندر آئی۔۔۔۔۔۔

” سر آپ کی میٹنگ ہے بارہ بجے ۔۔ آپ نے ریمائنڈ کروانے کے لیے کہاتھا۔۔۔۔۔”

شستہ انگریزی میں وہ اسے یاد کرواتی نرمی سے مسکرائی۔۔۔۔۔جس پر وہ سر ہلاتا پن واپس رکھتا پیچھے کرسی سے ٹیک لگا گیا۔۔۔۔۔۔

” ہممم اوکے۔۔۔۔۔ون کپ کافی۔۔۔۔”

سرد لہجے میں بولتے وہ مسلسل بج رہے فون کی طرف متوجہ ہوا۔۔۔۔جہاں پاکستان کی نمبر شو ہو رہا تھا۔۔۔۔۔۔۔اسکے حکم پر یس سر کہتے وہ ایک نظر اسکے فون کو دیکھتی مڑ گئی۔۔۔۔۔پچھلے ہفتے سے مسلسل اسکا سیل اسی طرح بجتا تھا اور وہ اگنور کر دیتا تھا۔۔۔۔۔

” آخر چھ سال دو مہینے بعد تمہیں میری یاد آ ہی گئی۔۔۔۔ “

سپاٹ نظروں سے سکرین دیکھتے وہ طنزیہ لہجے میں بڑبڑایا۔۔۔۔۔آنکھوں میں سرد سا تاثر تھا۔۔۔۔۔اور موبائل مسلسل بج بج کر اب خاموش ہو چکا تھا۔۔۔۔اور سکرین پر 9 مسڈ کالز شو ہو رہی تھیں۔۔۔۔۔

” اب وہ وقت گزر چکا ہے جب حیدر نواز کو کسی کی ضرورت تھی۔۔۔۔۔”

سر جھٹک کر زہر خند لہجے میں بولتے وہ زخمی سا مسکرایا تھا۔۔۔۔۔۔۔۔۔