Ramaad Al Hubb by Sara Shah readelle50009 Episode 32

سٹڈی روم کی فضا سیگریٹ کے دھویں سے بوجھل تھی۔۔۔۔۔نیم تاریکی میں صوفے پر دراز وہ کسی گہری سوچ میں گم سیگریٹ پر سیگریٹ پھونک رہا تھا۔۔۔۔۔۔باہر رات اپنے پر پھیلا چکی تھی۔۔۔۔اور چاند پوری آب و تاب سے روشن تھا۔۔۔۔۔۔

گئے سالوں میں وہ کیا سے کیا ہو گیا تھا لیکن دل میں چھبتی کسک کسی طور ختم ہونے میں نہیں آرہی تھی۔۔۔۔۔۔کھل کر سانس لینا محال تھا۔۔۔۔آج جب سب کچھ اس کے پاس تھا جس کی اسے چاہ تھی۔۔تب بھی سکون کہیں نہیں تھا۔۔۔۔۔۔

یا شاید سکون بھی نیناں کی طرح اس پر مہربان ہونے کےلیے رضامند نہیں تھا۔۔۔۔۔ایسا کیا کرتا کہ وقت گھوم کر وہیں آ ٹھہرتا جہاں سے اس سب کا آغاز ہوا تھا۔۔۔۔۔۔لیکن وہ سب کبھی ہوا ہے جس کی انسان کو چاہ ہو۔۔۔۔ملتا وہی ہے جو اس کے مقدر میں ہوتا ہے۔۔۔۔۔۔

اسے بھی وہ سب ملا تھا جس کی چاہ تھی اور جو اسکے مقدر میں تھا۔۔۔۔لیکن کہیں کمی تھی جو اسے سانس نہیں لینے دے رہی تھی۔۔۔۔۔

” ہممم سہی۔۔۔ تم سب کے لیے حیدر نواز اتنا ازراں ہے تو ٹھیک ہے۔۔۔اگر میرا جانا اتنا غیر اہم ہے تو میں چلا جاتا ہوں۔۔۔۔لیکن ایک بات یاد رکھنا ذوالنون اسامہ میں واپس مڑ کر نہیں آئوں گا۔۔۔۔۔”

ذہن کے چاروں طرف سے یہ بازگشت ابھرتی اسے بے چین کر گئی۔۔۔۔۔سیاہ آنکھوں میں سرخی سی ابھری تھی۔۔۔۔۔۔اور شاید آنکھوں کے گوشے نم بھی ہوئے تھے۔۔۔۔۔لب بھینچتے اس نے جارحانہ انداز میں سیگریٹ ایش ٹرے میں مسلا۔۔۔۔۔۔۔

” ایک میرے کہہ دینے سے وہ چلا گیا کیا اتنا ہی اعتبار تھا اسے۔۔۔؟؟؟؟یا اتنی ہی محبت تھی۔۔۔۔۔۔؟؟؟؟؟”

تنفر سے سوچتے اسنے سر جھٹکا۔۔۔دل میں کہیں ٹیس سی اٹھی تھی۔۔۔۔ہاتھ بڑھا کر ٹیبل پر رکھی تصویروں کو اٹھایا۔۔جہاں وہ زندگی سے بھرپور لمحے قید تھے۔۔۔جہاں وہ اسکے ساتھ تھا۔۔۔۔۔۔۔

” فرار تمہارے لیے آسان تھی۔۔۔تبھی چلے گئے۔۔۔۔اور پیچھے مڑ کر دیکھا تک نہیں۔۔۔۔۔۔یہ تک نہیں سوچا کہ مجھے تیری کتنی ضرورت تھی۔۔۔۔۔۔۔”

تصویر میں موجود حیدر کو دردزیدہ نظروں سے دیکھتے اسکا لہجہ مدھم تھا۔۔۔۔۔۔سیاہ آنکھیں دہک رہیں تھیں۔۔۔۔۔۔۔۔

” یا شاید میں ہی اس سب کی وجہ۔۔۔۔۔۔۔۔لیکن ایک بار تو مڑ کر دیکھتے میں اسی راہ پر کھڑا ہوں۔۔”

انگلی سے اسکا مسکراتا چہرہ چھوتے وہ اذیت کی بھٹی میں سلگ رہا تھا۔۔۔ دل اسے گلے لگانے کو ترس رہا تھا جسے اسنے اپنے ہاتھوں سے دور بھیجا تھا۔۔۔۔۔مگر کیا اس بار قدرت اس پر رحم کرتی یا نہیں۔۔۔۔۔؟؟؟؟؟؟

کیا وہ اسے کبھی ملتا۔۔۔۔۔؟؟؟؟؟ یہ سوال کسی انی کی مانند سینے میں پھنسا ہوا تھا۔۔۔۔ مٹھیاں بھینچتے اسنے گہرے سانس لے کر خود کو کمپوز کیا۔۔۔۔۔۔۔ورنہ دل زخمی پرندے کی مانند پھڑپھڑا رہا تھا۔۔۔۔۔۔۔اس سے پہلے وہ مزید بے اختیار ہو کر کوئی نقصان کرتا سرعت سے راہ فرار اختیار کرتے انٹرکام دبایا۔۔۔۔۔سیکنڈ کے ہزارویں حصے میں بخش حاضر ہوا تھا۔۔۔۔۔۔

” یس سر؟؟۔۔۔۔”

سر جھکائے وہ مودب لہجے میں بولا۔۔۔۔۔۔

” مجھے روم میں جانا ہے۔۔۔۔”

تصویریں واپس رکھتے اسنے بالوں میں ہاتھ پھیرتے سنجیدگی سے کہا۔۔۔۔۔۔لہجے میں بے چینی کا عنصر بھی نمایاں تھا۔۔۔۔۔۔بخش سر ہلاتے آگے بڑھا اور تھوڑی دیر بعد اسے وہیل چئیر پر بیٹھائے روم کے باہر چھوڑا۔۔۔۔۔۔

” ہممم۔۔۔تم جائو۔۔۔۔”

بند دروازے کو دیکھتے وہ دھیرے سے بولا۔۔۔۔۔آنکھوں میں گہری سوچ کی پرچھائیاں تھیں۔۔۔۔۔۔۔

” اوکے سر۔۔۔گڈ نائٹ۔۔۔”

وہ سرعت سے حکم کی تعمیل میں غائب ہوا۔۔۔۔۔۔گہرا سانس لیتے لاک کھولتے وہ اندر کی طرف بڑھا۔۔۔۔۔جہاں سائیڈ لیمپ کی روشنی کے علاوہ اندھیرا تھا۔۔۔۔۔ بیڈ پر محو خواب اسکا وجود اسامہ کو خوشگوار حیرت میں مبتلا کر گیا تھا۔۔۔۔۔

اسے تو لگا تھا کہ وہ ضرور کوئی سین کریٹ کرے گی مگر اسے یوں بے خبر سوتا پا کر وہ حیران رہ گیا تھا۔۔۔۔اچانک دماغ میں کچھ کلک ہوا۔۔۔ضرور رانیہ نے نیند کی دوا دی ہو گی۔۔۔جبکہ اسنے بخار کی دوا دینے کا کہا تھا۔۔۔۔ بہر حال جو بھی تھا اسے پر سکون کر گیا تھا۔۔۔۔۔۔

دھیرے سے بنا کسی آہٹ کے وہ عین اسکی بائیں جانب آرکا۔۔۔۔۔کمرے میں دبیز کالین ہونے کی وجہ سے پہیوں کی آواز نا ہونے کے برابر تھی۔۔۔تھوڑی جدوجہد کے بعد وہ بیڈ پر لیٹنے میں کامیاب ہو گیا تھا۔۔۔۔ سینے تک کمبل میں چھپا اسکا وجود اس وقت زرد رنگ کے لباس میں ملبوس تھا۔۔۔۔

دھیرے سے کھسکتے وہ اسکے قریب ہوا۔۔۔لیمپ کی روشنی میں اسکا وجود بھی زرد پھول کے مشابہ لگ رہا تھا۔۔۔۔۔

گالوں پر سایہ فگن لمبی پلکیں،آپس میں پیوست یاقوتی لب،اور آوارہ لٹیں اس سب نے مل کر اسے مبہوت کیا۔۔۔۔دلکشی سے مسکراتے وہ ہلکا سا جھکا تو اسکے دلفریب نقوش نے اسے باندھ لیا۔۔۔۔۔

کتنا تڑپا تھا وہ اسکے لیے ۔۔۔۔ اور وہ جان بوجھ کر اسکی نگاہوں سے اوجھل رہی۔۔۔۔۔کیا تھا اس میں۔۔؟؟؟جو اسکا دل اپنے پورے ایوانوں سے اسکے سامنے جھکتا اسے خاک کر گیا۔۔۔۔۔۔

وہ آج تک اسکا جواب نہیں جان پایا تھا۔۔۔۔۔کبھی لگتا اسکا سانولا رنگ متوجہ کرتا ہے۔۔۔اور کبھی لگتا اسکی بھوری آنکھیں اپنی اور کھینچتی ہیں۔۔۔۔ لیکن جو بھی تھا ذوالنون اسامہ کو گھٹنے ٹیکنے پر مجبور کر گیا تھا۔۔۔۔۔۔

” خواب سا لگ رہا ہے تمہارا یوں میری پناہوں میں ہونا۔۔۔”

اسکی بند آنکھوں پر نرمی سے انگلی کا لمس چھوڑتے وہ خوابناک لہجے میں بولا۔۔۔۔سیاہ آنکھوں میں یہ دلکش منظر دیکھتے جذبات کا سمندر ٹھاٹھیں مار رہا تھا۔۔۔ ۔ اور لبوں پر مسرور سے مسکراہٹ رقم تھی۔۔۔۔انگ انگ سرشار تھا۔۔۔۔۔۔۔

” ان آنکھوں نے مجھے 6 سال پہلے اسی کاریڈور میں جکڑ لیا تھا جہاں ہم پہلی بار ملے تھے۔۔۔۔”

جذبات کی شدت سے مغلوب ہوتے وہ ان کہے راز افشاں کرتا اسکی بند آنکھوں پر جھکا۔۔۔۔۔نرمی سے اپنے لبوں کا لمس چھوڑتے وہ کہیں اور تھا۔۔۔جہاں صرف محبت تھی جو آج فاتح ٹھہری تھی۔۔۔۔۔۔۔جہاں سکون تھا۔۔۔جہاں کائنات کے سبھی رنگ رقص کر رہے تھے۔۔۔۔۔۔۔

” ان لبوں کا کپکپانا مجھے وہیں خاک کر گیا تھا۔۔۔۔”

اسکے لبوں پر نظریں جمائے وہ بوجھل لہجے میں بولا۔۔۔۔۔۔آنکھیں جذبات کی شدت سے دہک رہیں تھیں۔۔۔۔ایک نظر اسکی بند پلکوں پر ڈالتے وہ نرمی سے جھکا۔۔۔۔۔۔۔

اسکے لبوں پر اپنا سلگتا لمس چھوڑتے اسکا دل دھڑکنا بھول گیا تھا۔۔۔۔۔۔کیا اس سے بڑھ کر دلفریب احساس کوئی تھا۔۔۔؟؟؟؟اسکا قرب اور اسکے دلکش نقوش اسے بے خود کرتے چلے گئے۔۔۔۔۔۔۔

دھڑکنیں بے ہنگم تھیں۔۔۔یہ احساس ہی جانلیوا تھا کہ وہ آج اسکے اس قدر قریب تھی۔۔۔دل کی دھڑکنیں الگ ہی لے پر دھڑکتیں اسے پاگل کر گئیں۔۔۔۔۔

آنکھوں میں کہیں نمی سی ابھری تھی۔۔۔۔۔۔تبھی سختی سے پلکیں میچتے وہ اسکی بے داغ پیشانی پر جھکا اور وہاں اپنا دہکتا لمس چھوڑا۔۔۔۔۔۔۔

” تم ذوالنون اسامہ کے زندہ ہونے کی وجہ ہو نیناں۔۔۔۔تمہارے بنا شاید میں زندہ لاش کے مترادف تھا۔۔۔۔۔”

ایک بار پھر اسکی پیشانی چھوتے وہ اسے اپنے حصار میں قید کرتا آنکھیں میچ گیا۔۔۔۔جذبات کو بیاں کرنا ناممکن تھا۔۔۔۔اور اگر ممکن تھا بھی تو وہ بیان نہیں کر سکتا تھا۔۔۔۔۔۔۔

منہ اسکے بالوں میں چھپاتے وہ اسکی خوشبو میں گم ہوتا نیند کی وادیوں میں اترتا چلا گیا۔۔۔۔۔اور وہ اسکی شدتوں سے انجان ہی رہی۔۔۔۔۔۔۔۔اگر جان جاتی تو شاید خاک ہو جاتی۔۔۔۔لیکن ابھی شاید کاتب تقدیر کو کچھ اور امتحان مقصود تھے۔۔۔۔۔۔

سرکاری ہسپتال میں ویسا ہی ماحول چھایا ہوا تھا جیسا ہمیشہ رہتا تھا۔۔۔ویسی ہی وخشت اور خاموشی جو ہڈیوں تک کو سرد کر دیتی تھی۔۔۔۔۔

ایسے میں رسپشن پر کھڑا وہ اس ایکسیڈنٹ کے بارے میں جاننے کی کوشش کر رہا تھا جو چھے سال پہلے ہوا تھا۔۔۔۔۔۔۔

لیکن وہ کوئی بھی ریکارڈ شئیر کرنے سے قاصر تھے۔۔۔کیونکہ یہ رول کے خلاف تھا۔۔۔۔۔۔

” دیکھیں پلیز سمجھنے کی کوشش کریں جس کا ایکسیڈنٹ ہوا تھا وہ میری کزن تھی۔۔۔زرنین ریحان۔۔۔۔آپ پلیز چیک کریں۔۔۔۔۔۔”

کاونٹر پر دھرے ہاتھوں کو مسلتے وہ بے چینی سے بولا تو رسپشنسٹ نے غور سے اسکا پریشان چہرہ دیکھتے کمپیوٹر پر کیز دبائیں۔۔۔۔۔جہاں پیشنٹس کی ساری ہسٹری موجود تھی۔۔۔۔۔۔۔

” دیکھیں سر یہ بہت مشکل کام ہے۔۔۔آپ اگر اس سال میں ہونے والے ایکسیڈنٹس کے بارے میں جاننا چاہتے تو میں با آسانی بتا دیتی۔۔۔بٹ اب چھ سال پرانا کیس میں کیسے ڈھونڈوں۔۔۔؟؟؟؟یہاں تو میں پچھلے سال ہی آئی ہوں۔۔۔مجھ سے پہلے پتا نہیں کتنی ریسپشنسٹس آئی ہوں۔۔۔۔”

تھوڑی دیر تک ڈھونڈنے کے بعد وہ تفصیل سے بولی تو وقاص کی تمام امیدیں دم توڑ گئیں۔۔۔۔۔اب وہ کیا کرے۔۔۔۔؟؟؟؟کیسے اس راز کو افشا کرے۔۔۔؟؟؟؟؟؟

” رکیں سر۔۔۔یہاں کی ہیڈ نرس ہیں وہ پچھلے کئی سالوں سے یہاں کام کر رہی ہیں۔۔۔شاید وہ کچھ جانتی ہوں۔۔۔۔۔۔”

ماتھے پر ہاتھ رکھے وہ گم صم سا اس سے پہلے پلٹا کہ عقب سے ابھرتی اس لڑکی کی آواز اسے چونکا گئی۔۔۔۔وہ سرعت سے پلٹا۔۔۔۔

” ہمم۔۔۔۔۔تو وہ کہاں ہیں آپ پلیز انھیں بلا دیں۔۔۔۔۔۔”

وہ بے چینی سے بولا تو اسنے سر ہلاتے فون اٹھایا۔۔۔۔۔۔

” وہ آ رہی ہیں۔۔۔۔۔”

وہ اسے اطلاع دیتی اپنے کام میں مشغول ہو گئی۔۔۔۔۔15 منٹ کا وہ انتظار وقاص کی زندگی کا طویل ترین انتظار تھا۔۔۔۔۔

اور پھر سامنے سے ایک فربہی مائل عورت چلی آئی جو نرس کے مخصوص لباس میں ملبوس تھی۔۔۔۔

” یس سر۔۔۔۔۔؟؟؟؟؟”

رسیپشنسٹ کے قریب آتے وہ سارا معاملہ سننے کے بعد وقاص کی طرف متوجہ ہوئی۔۔۔۔۔

” ہمم۔۔۔۔۔مجھے دراصل چھ سال پہلے 7 جون کو ہوئے ایک ایکسیڈنٹ کی ڈیٹیلز چاہیے۔۔۔۔۔۔یہ لڑکی تھی جس کی ایکسیڈنٹ میں ڈیتھ ہوئی تھی۔۔۔۔کیا آپ کچھ بتا سکتی ہیں اس ایکسیڈنٹ کے بارے میں۔۔۔۔؟؟ آئی مین کوئی ایسی بات جو غیر متوقع ہو۔۔۔؟؟؟؟؟ “

بے قراری سے بولتے وہ انھیں زری کی تصویر تھما گیا۔۔۔۔۔جسے دیکھتے وہ سوچ میں پڑ گئیں۔۔۔۔۔

” دراصل کسی بھی پیشنٹ کو یاد رکھنے کی کوئی نا کوئی وجہ ہوتی ہے۔۔۔اور یہ اس دن ایکسیڈنٹ کی وجہ سے لائیں گئیں تھیں۔۔۔۔اور یہ اکیلی نہیں تھیں بلکہ اس ایکسیڈنٹ کا شکار ایک اور لڑکی بھی ہوئی تھی۔۔۔۔۔۔۔ڈاکٹر خلیل نے انھیں آپریٹ کیا تھا۔۔۔۔۔۔۔اور یہ والی لڑکی تو صاف بچ گئی تھی۔۔۔۔۔۔بلکہ اگلے ہی دن اسے اسکی والدہ ڈسچارج کروا کر لے گئیں تھیں۔۔۔۔۔۔”

غور سے تصویر کو دیکھتے وہ ساری حقیقت بیان کرتی وقاص کو گویا ہوا میں معلق کر گئیں۔۔۔۔قدموں سے زمین کھسک گئی تھی۔۔۔۔۔۔دماغ سنسنا اٹھا تھا انکی بات سن کر۔۔۔۔۔ایسا ممکن تھا؟؟؟؟۔۔۔۔۔۔

” وا۔۔۔۔والدہ؟؟؟۔۔۔۔”

بے یقینی سے اسکے لب پھڑپھڑائے۔۔۔۔

” جی والدہ ہی تھیں انکے ساتھ جو اگلے دن انھیں ڈسچارج کروا کرلے گئیں تھیں۔۔۔۔۔۔”

شدو مد سے اسکی بات کی تصدیق کی گئی تو اسے اپنا سر گھومتا ہوا محسوس ہوا۔۔۔۔۔۔۔

” دیکھیں انکی والدہ کی ڈیتھ ہو گئی تھی اس ایکسیڈنٹ سے ایک ہفتہ پہلے۔۔۔۔پھر والدہ۔۔۔۔۔؟؟؟ کیا وہ یہ تھیں۔۔۔۔۔۔۔؟؟؟؟؟”

وہ الجھے ہوئے لہجے میں سوالیہ ہوا۔۔تو وہ بھی اسکی بات سن کر حیران ہوئیں۔۔۔۔۔پھر کچھ سوچ کر زاہدہ بیگم کی تصویر نکال کر انھیں دیکھائی۔۔۔۔۔۔

” نہیں یہ تو نہیں تھیں۔۔۔۔۔وہ کوئی اور تھیں۔۔۔۔۔”

پریقین لہجے میں بولتیں وہ اسے گونگا کر گئیں۔۔۔۔۔پھر وہ عورت کون تھی۔۔۔۔۔؟؟؟؟؟

یہ سوال بڑی شدت سے ابھرا تھا۔۔۔۔۔۔ان کا چہرہ دیکھتے اسکا رواں رواں کانپ اٹھا تھا۔۔۔۔۔تو کیا جیسے انھوں نے دفن کیا وہ کوئی اور تھی۔۔۔۔۔۔۔

” کیا کوئی فون نمبر ایڈریس یا کچھ اور ہے جس سے انکا پتا چل سکے۔۔۔۔۔؟؟؟؟؟؟ “

انکا چہرہ دیکھتے وہ شدت بے چینی سے بولا۔۔۔۔۔جس پر وہ سر نفی میں ہلا گئیں۔۔۔۔۔

” دراصل دو سال پہلے شارٹ سرکٹ کی وجہ سے سارا ڈیٹا جل گیا تو کچھ بھی ملنا ناممکن ہے آپ ڈاکٹر خلیل سے پوچھیں انھیں شاید پتا ہو۔۔۔۔۔۔”

فوٹو اسے واپس کرتے وہ اسکا ہیجان آمیز چہرہ دیکھتیں نرمی سے بولیں۔۔

” جی ضرور میں پتا کرلوں گا۔۔۔۔آپ کا بہت بہت شکریہ اتنی معلومات کے لیے۔۔۔۔۔”

ممنونیت سے بولتے باہر نکلا۔۔۔۔۔یہاں آتے وقت دماغ جتنا الجھا ہوا تھا۔۔۔اب واپسی پر اتنی ہی دماغ کی چولیں ہل رہیں تھیں۔۔۔۔جو کچھ پتا چلا تھا ناقابل یقین تھا لیکن یقین نا کرنے کی بھی کوئی وجہ سامنے نہیں تھی۔۔۔۔۔۔اور سب سے بڑھ کر جو اسنے دیکھا وہی سب پر بھاری تھا۔۔۔۔۔۔

اب جو بھی پتا چلنا تھا ڈاکٹر خلیل سے ہی چلنا تھا۔۔۔۔۔انگیشن میں چابی گھماتے اسکا رخ ڈاکٹر خلیل کے گھر کی طرف تھا۔۔۔۔۔۔۔

” اسلام علیکم برخوردار۔۔۔کیسے ہو۔۔۔؟؟؟؟ اور آصف کیسا ہے بہت وقت ہو گیا اس سے ملاقات نہیں ہوئی۔۔۔۔۔۔”

وہ ڈاکٹر صاحب کے لائونچ میں بیٹھا انتظار کر رہا تھا جب وہ ملازم کی اطلاع پر اندر آتے خوشدلی سے بولے۔۔۔۔۔۔۔

” وعلیکم اسلام انکل۔۔۔۔۔میں بلکل ٹھیک ہوں۔۔۔اور ڈیڈ بھی ٹھیک ہیں۔۔۔۔۔۔میں دراصل یہاں آپ سے کچھ پوچھنے آیا ہوں۔۔۔۔۔۔”

ان سے مصافحہ کرتے وہ تمہید پر وقت ضائع کیے بنا سنجیدگی سے بولا تو خلیل صاحب بھی ٹھٹھک گئے۔۔۔۔۔۔۔

” کیا بات ہے وقاص۔۔۔۔؟؟؟ خیریت ہے نا۔۔۔۔۔؟؟؟؟۔۔”

بغور اسکا بے چین چہرہ دیکھتے وہ کچھ پریشان ہوئے۔۔۔۔آصف صاحب سے انکے پرانے تعلقات تھے۔۔۔۔اور بچوں کو وہ ذاتی طور پر بھی جانتے تھے۔۔۔ایسے میں وقاص کا الجھن بھرا چہرہ انھیں کچھ مشکوک کر گیا۔۔۔۔۔

” جی خیریت ہے انکل۔۔۔مجھے دراصل آپ سے زری کے بارے میں کچھ انفارمیشن چاہیے تھی۔۔۔۔۔۔”

کرسی پر آگے ہو کر بیٹھتے وہ بے قراری سے بولتا انھیں ساکت کر گیا۔۔۔۔۔۔۔۔

” زری کے بارے میں۔۔۔۔؟؟ اتنے سالوں بعد۔۔۔۔۔؟؟؟اور جاننا کیا ہے تم نے۔۔۔۔؟؟؟”

آنکھیں سکیڑ کر اسکا جائزہ لیتے وہ حیرت سے بولے۔۔۔۔۔اتنے سالوں بعد زری کے حوالے سے پوچھ تاچھ انھیں بھی پریشان کر گئی تھی۔۔۔۔۔۔

” جی زری کے بارے میں۔۔۔۔۔اور مجھے یہ جاننا ہے کیا وہ زری ہی تھی؟؟؟؟۔۔۔۔ یا کوئی اور۔۔۔آئی مین آپ شیور ہیں وہ زری ہی تھی؟؟؟۔۔۔۔۔۔”

لبوں پر زبان پھیرتے اس سے جتنا آسان ہو سکا اسنے بیان کر دیا لیکن اسکی عجیب و غریب بات نے انھیں الجھا دیا۔۔۔۔۔دل تیزی سے دھڑکا تھا۔۔۔۔۔۔

” کیا مطلب ہے وقاص۔۔۔۔؟؟؟؟ وہ زری ہی تھی آئم ڈیم شیور۔۔۔۔۔اور اتنے سال گزر جانے کے بعد اب تمہیں جا کے خیال آرہا ہے کہ وہ زری تھی بھی یا نہیں۔۔۔؟؟۔۔۔”

اب کے وہ نظریں چرا کر کچھ ناراضگی سے بولے ۔۔۔

” نہیں انکل وہ زری نہیں تھی۔۔۔۔۔اور وہ زری ہو بھی کیسے سکتی تھی میں نے کل اسے گاڑی میں دیکھا ہے۔۔۔۔وہ زندہ ہے ۔۔۔۔آپ سوچیے نا ضرور کچھ ایسا ہو گا جو غیرمعمولی ہو یا کچھ بھی۔۔۔۔۔۔؟؟؟؟؟”

وہ تیزی سے انکی بات کاٹتے سارا سچ بیان کرتا انھیں سنسنا گیا۔۔۔۔۔۔وہ ساکت سے اسکا چہرہ دیکھتے رہ گئے۔۔۔۔۔

چھبتی نظروں سے اسکا چہرہ دیکھتے انکے لب خاموش تھے۔۔۔اسکے چہرے پر صاف لکھا تھا کہ وہ سچ بول رہا تھا۔۔۔۔۔

” مگر ۔۔۔۔۔۔میں نے خود اسے ہینڈل کیا تھا ایسا کیسے پاسبل ہو سکتا ہے۔۔۔۔۔۔۔۔؟؟؟؟؟؟؟ “

لبوں پر زبان پھیرتے وہ وثوق سے بولے۔۔۔۔۔لیکن وہ سرعت سے انکی بات کاٹ گیا۔۔۔۔۔۔

” ایسا ہو سکتا ہے انکل۔۔۔۔۔میں نے کل خود اپنی آنکھوں سے اسے دیکھا تھا۔۔۔۔۔آپ پلیز یاد کریں کچھ بھی۔۔۔۔”

اسکا لہجا پر یقین تھا۔۔تبھی وہ خاموشی سے اسکا چہرہ دیکھتے رہ گئے۔۔۔۔۔۔۔جہاں بے چینی،بے قراری رقم تھی۔۔۔۔۔۔۔۔۔۔

” آپ کچھ بول کیوں نہیں رہے انکل؟؟۔۔۔۔۔۔”

کافی دیر انھیں یوں چھبتی نظروں سے اپنی طرف متوجہ پا کر وہ جزبز ہوا۔۔۔۔۔۔۔

” دیکھ رہا ہوں کہ تمہیں کب سے اسکی اتنی فکر ہونے لگی۔۔۔؟؟؟؟؟ “

اسکے چہرے پر نظریں جمائے وہ بولے تو لہجہ خطرناک حد تک سرد تھا۔۔۔۔جس نے اسے چونکا دیا۔۔۔۔۔۔

” مطلب۔۔۔۔؟؟؟ “

الجھ کر پوچھتے وہ انھیں طنزیہ مسکرانے پر مجبور کر گیا۔۔۔۔۔۔۔

” مطلب یہ کہ وقاص احمد تمہاری والدہ اور بہن نے زری کو مارنے کی سازش کی تھی۔۔۔۔۔۔لیکن یہ قدرت کو منظور نہیں تھا تبھی وہ بچ گئی۔۔۔۔۔”

آگ برساتے لہجے میں بولتے وہ اسے کسی پاتال میں غرق کر گئے تھے۔۔۔۔بے یقینی سے انکا چہرہ دیکھتے وہ کسی خلا میں معلق تھا۔۔۔۔۔۔۔

” آپ۔۔۔۔۔؟؟؟؟۔۔۔۔”

بہت کچھ کہنے کی چاہ میں اسکے لب مخض پھڑپھڑا کر رہ گئے۔۔۔۔۔۔

” ہاں یہ سچ ہے کہ وہ لڑکی زری نہیں تھی۔۔۔۔۔وہ اس ایکسیڈنٹ میں زندہ بچ گئی تھی۔۔۔۔۔اسے بچانے والا میں ہی تھا۔۔۔۔۔۔اور اب وہ محفوظ جگہ پر پچھلے چھ سالوں سے رہ رہی ہے۔۔۔۔۔۔ “

اسکا سپید چہرہ دیکھتے وہ طنزیہ مسکرا کر سارا سچ بیان کرتے اسے ساکت کر گئے تھے۔۔۔۔۔پھٹی پھٹی نظروں سے انھیں دیکھتے اسکے دماغ میں دھماکے ہو رہے تھے۔۔۔۔۔۔جو کچھ بتایا گیا تھا ناقابل یقین تھا۔۔۔۔۔۔تبھی تو وہ سن سا انھیں دیکھتا رہ گیا۔۔۔۔۔۔۔۔۔