Ramaad Al Hubb by Sara Shah readelle50009 Episode 08

گاڑی پارکنگ میں کھڑی کرتے وہ سیدھا اندر کی طرف بڑھا۔۔۔۔۔کی چین انگلیوں پر گھماتے وہ کافی ریلیکس تھا۔۔۔۔۔سیاہ آنکھیں کی ٹھنڈک ہنوز قائم تھی۔۔۔۔۔۔

” ایبک فریش جوس لے آئو فٹافٹ۔۔۔۔”

جوتوں سمیت کائوچ پر نیم دراز ہوتے وہ ایبک سے بولا ۔۔۔۔جس پر وہ سر ہلاتے سرعت سے کچن میں گیا۔۔۔۔۔اسکی فریشنیس کی وجہ عصرہ بیگم اور رجب صاحب کی گھر میں عدم موجودگی تھی۔۔۔۔تبھی تو اسکے تنے عصاب ڈھیلے تھے۔۔۔۔۔

ایل ای ڈی آن کرتے وہ چینل سرچنگ میں مصروف تھا جب ایبک جوس لے آیا۔۔۔۔۔۔

” ہممم نائس۔۔۔۔۔”

جوس کاگھونٹ لیتے اسنے بے ساختہ تعریف کی جس پر ایبک کی آنکھیں حیرت سے پھیل گئیں۔۔۔۔۔وہ بھلا کب اتنے موڈ میں ہوتا تھا۔۔۔آج کیا مختلف تھا؟؟ یہ سب جاننے سے ایبک کم ازکم قاصر تھا۔۔۔۔۔۔۔۔

” ڈنر میں چائنیز بنانا۔۔۔۔۔”

اسے مزید حیرتوں کے سمندر میں دھکیلتے اسامہ سامنے ٹی وی کی طرف متوجہ ہو گیا۔۔۔۔بمشکل سر اثبات میں ہلاتے ایبک اندر کچن کی طرف بڑھ گیا۔۔۔۔۔۔

” سٹوپڈ۔۔۔۔۔”

اسکی پشت دیکھتے وہ دھیرے بڑبڑاتے مسکرایا۔۔۔اسکی حیران نظروں سے وہ باخوبی واقف تھا۔۔۔۔۔اسکی ہونق شکل اسامہ کو مزہ دے گئی تھی۔۔۔۔۔۔اور آج اس چاکلیٹ کوئین کی آنکھوں کا ارتکاز بھی اسے نئے سرے سے لطف دے گیا تھا۔۔۔۔۔اسکی حیرانگی، ممنونیت، اور حیا سے اٹھتی گرتی پلکوں کا رقص اسنے بڑے شوق سے دیکھا تھا۔۔۔۔۔۔۔

” ہمم۔۔۔ سی یو اگین۔۔۔۔چاکلیٹ کوئین۔۔۔۔”

سامنے دیکھتے وہ مدھم سا بولا۔۔۔۔۔۔سر جھٹک کر جاندار سا مسکراتے وہ اٹھ کر کمرے کی طرف بڑھ گیا تھا۔۔۔۔۔۔عنابی لبوں کی تراش میں بکھری مسکان نئی تھی۔۔۔جس نے اسکے وجیہہ چہرے کو مزید نکھار دیا تھا۔۔۔۔۔۔

مدھم سی آواز میں وسل بجاتے وہ سیدھا سیڑھیوں کی طرف بڑھا۔۔۔۔اندر کچن میں کھڑے ایبک کی سماعتوں میں اترتی اسکی آواز اسے مزید حیران کر گئی۔۔۔۔۔اسکا صاحب تو ناک پر مکھی نہیں بیٹھنے دیتا تھا اور اب کیسے ہنس رہا تھا۔۔۔افف عجیب ہے سب۔۔۔۔سر جھٹک کر سوچتے وہ جلدی سے ہاتھ چلانے لگا ۔۔۔۔۔۔۔۔

آج 4 دن بعد وہ یونی جا رہی تھی۔۔۔۔چار دنوں میں اسامہ کا خیال ایک بار بھی ذہن سے محو نہیں ہوا تھا۔۔۔۔وہ اسکے لیے کسی مسیحا سے کم نہیں تھا۔۔۔۔۔زری کا معصوم دل ان سیاہ نگینوں کی چمک کے آگے ماند پڑ گیا تھا۔۔۔۔۔۔

” کہاں ہوتی ہو آجکل سویٹی؟۔۔۔”

وہ سوچوں میں گم چل رہی تھی کہ وقاص کسی کونے سے نکل کر اسکے آگے آ کھڑا ہوا۔۔۔۔۔اسکے یوں سامنے آ جانے پر وہ بدک کر دور ہٹی تھی۔۔۔۔۔اسکے بے باک سوال نے اسے مزید ہراساں کیا۔۔۔۔۔۔ہفتہ پہلے ہوئے سانحہ کے بعد وہ آج نظر آیا تھا۔۔۔سر پر بندھی پٹی گہری چوٹ کا پتا دے رہی تھی۔۔۔۔۔۔وہ نہیں جانتی تھی کہ پیچھے کیا ہوا۔۔۔۔اور نا ہی کسی نے اس چیز کاذکر کیا۔۔۔۔۔۔

اسکی سرخ آنکھوں میں ناچتی خباثت نے زری کو سمٹنے پر مجبور کر دیا۔۔۔۔اسکی غلیظ نظریں کسی لیزر کی مانند اسکے آر پار ہو رہیں تھیں۔۔۔۔۔۔چادر کو مظبوطی سے پکڑتے وہ مزید پیچھے ہٹی۔۔۔۔۔۔۔بھوری آنکھوں کا خوف اور لبوں کی کپکپاہٹ وقاص سے چھپی نہیں تھی۔۔۔۔۔

” جواب نہیں دیا تم نے جاناں؟؟؟۔۔۔اس دن جو اتنا بڑا قدم اٹھایا تھا تو اب میرا سامنا کرنے سے کیوں ڈر رہی ہو؟؟؟۔۔۔۔اتنی ہمت تو ہونی چاہیے تم میں کہ میری آنکھوں میں آنکھیں ڈال کر کھڑی ہو سکو۔۔۔۔۔ہمم؟؟؟۔۔۔”

جھپٹ کر اسکا بازو دبوچتے وہ اسکی آنکھوں میں جھانک کر دھیمی آواز میں غرایا اسکی آواز میں بھیڑیوں جیسی غراہٹ تھی۔۔۔۔۔۔اسکی غراہٹ پر وہ خوف سے زرد پڑ گئی۔۔۔۔ریڑھ کی ہڈی تک سنسنا اٹھی تھی۔۔۔۔بھوری آنکھوں میں تیزی سے نمی ابھری۔۔۔۔۔

” چھو۔۔۔۔چھوڑیں وقاص بھائی پلیز۔۔۔۔”

خود چھڑانے کی جان توڑ کوشش کرتے وہ روتے ہوئے بولی۔۔۔۔اسکا یوں خوف سے رونا تڑپنا اور مزاحمت کرنا وقاص کو پرسکون کر رہا تھا۔۔۔۔یہ سب اسکی مردانہ انا کی تسکین کر رہا تھا۔۔۔۔۔۔۔لان میں اس وقت کوئی نہیں تھا اور اس طرف کسی کا آنا ناممکن تھا تبھی تو وہ مطمئن تھا ۔۔۔۔۔۔لیکن زری کی جان پر بن آئی تھی۔۔۔۔۔

” ایسے کیسے چھوڑ دوں؟؟؟۔۔تم سے تو بہت سارے حساب نکلتے ہیں انھیں پورا کرنے دو پھر چھوڑ دوں گا۔۔۔۔۔”

اسے مزید پاس کرتے وہ اسکے کان کے پاس سرگوشی میں بولا۔۔۔۔۔اسکی بے رحم گرفت نے اسے پہلے ہی ادمواہ کر دیا تھا۔۔۔اوپر اسکی آگ برساتی قربت نے زری حواس مختل کر دئیے۔۔۔۔۔بھوری آنکھوں میں اذیت ہی اذیت تھی۔۔۔۔۔وہ کسی اژدھے کی مانند اسکے پورے وجود کو گھیرے ہوئے تھا۔۔۔۔بے بسی کے شدید احساس تلے وہ پھوٹ پھوٹ کر روتی چلی گئی۔۔۔۔۔۔۔

” نا نا رونا نہیں ۔۔۔۔۔روئو نہیں تمہارے یہ آنسو میرے دل پر گرتے ہیں۔۔۔۔”

اسے یوں بے حال ہوکر روتے دیکھ کمینگی سے بولتے وہ ہاتھ بڑھا کر اسکا گال صاف کر گیا۔۔اس کی اتنی جرآت نے زری کو زرد کر دیا۔۔۔۔۔۔اس سے پہلے کہ اسکا ہاتھ اسکی گردن کی طرف بڑھتا وہ جھک کر اسکے ہاتھ پر زور سے کاٹ گئی۔۔۔۔۔۔۔وہ اسکے سانولے نقوش غلاظت سے دیکھتا بہک رہا تھا کہ اسکی اتنی جرآت پر بلبلا کر پیچھے ہٹا۔۔۔۔

خونخوار نظروں سے اسے دیکھتے اسنے ہاتھ جھٹکا۔۔۔۔۔۔جبکہ وہ آنسو صاف کرتی نفرت بھری نظروں سے اسے دیکھ رہی تھی۔۔۔۔۔

” تم بھگتو گی دیکھنا۔۔۔۔”

انگلی اٹھا کر اسے وارن کرتے وہ غصے سے چیخا۔۔۔۔اسکی بات پر وہ طنزیہ ہنسی۔۔۔۔۔

” میں منتظر رہوں گی۔۔۔۔”

بےخوفی سے اسکی آنکھوں میں آنکھیں ڈال کر بولتے وہ وقاص کو ٹھٹھکا گئی۔۔۔۔اسے کہاں امید تھی اس سے اتنی بے خوفی کی۔۔۔۔۔

” ہنہ۔۔۔”

ہنکار بھرتے وہ مڑ کر ڈرائیووے کی طرف بڑھ گیا۔۔۔۔۔ نفرت بھری نظروں سے اسکی پشت دیکھتے اسنے اپنی چادر سیدھی کی۔۔۔۔۔ناجانے کیسے اسکے اندر اتنی ہمت آگئی تھی؟؟۔۔۔۔۔۔۔بھوری آنکھیں تیزی سے بھیگ رہیں تھیں اور دل کی دھڑکن حد سے سوا تھی۔۔۔۔۔اسکی گاڑی کے نکلتے ہی وہ بھی تھکے تھکے قدم اٹھاتی باہر نکلی۔۔۔۔

یونی آنے تک وہ خود کافی حد تک سنبھال چکی تھی۔۔۔۔۔پر پرمژدگی سے چلتے وہ یونی کے گیٹ سے اندر داخل ہوئی ہی تھی کہ دائیں طرف سے آتی بلیو سپورٹ کار نے اسکی توجہ کھینچی۔۔۔۔۔

کل اسی کار والے نے تو اسے بچایا تھا۔۔۔۔اسامہ۔۔یہ اسامہ کی کار تھی۔۔۔۔ایک میٹھی سی لہر پورے وجود میں دوڑ گئی تھی۔۔۔۔۔

بھوری آنکھیں چمک اٹھیں تھیں۔۔۔۔اسکے کار سے نکلنے تک وہ وہیں کھڑی رہی۔۔۔۔۔ونڈ سکرین سے وہ اسے دیکھ چکا تھا ایک بے ساختہ مسکراہٹ نے اسکے لبوں کا احاطہ کیا۔۔۔۔۔سیاہ سوٹ میں سیاہ ہی بڑی سے چادر میں خود کو لپیٹے بیگ کندھے سے لٹکائے اسکے انتظار میں کھڑی تھی۔۔۔۔۔اسکے عام سے حلیے میں اگر کوئی چیز خاص تھی تو وہ اسکے سانولے چہرے پر رقم وہ انوکھی چمک تھی جس نے اسامہ کو ٹھٹھکا دیا۔۔۔۔۔۔

یکلخت لب بھینچ کر ماتھے پر تیوری سجائے وہ باہر نکلا۔۔۔۔سیاہ جینز اور وائٹ ہائی نیک جرسی ٹائپ شرٹ اور سفید جاگرز پہنے وہ اس چمکتی صبح کا حصہ لگ رہا تھا۔۔۔۔۔وجیہہ مغرور چہرہ نظر کو بھٹکانے کی حد تک خوبصورت تھا۔۔۔۔۔سیاہ آنکھیں اسے مزید پرکشش بناتیں تھیں۔۔۔۔اب بھی ان سیاہ نگینوں میں ناگواری تھی جس نے زری کو چونکایا۔۔۔اس سے پہلے وہ آگے بڑھتی وہ کمال بے نیازی سے اسے اگنور کرتا تیز قدموں سے چلتا اندر بڑھ گیا۔۔۔۔اپنی پشت پر ٹھہری اسکی حیران نظروں کو محسوس کرتے ایک عجیب سی مسکراہٹ اسامہ کے عنابی لبوں پر چمکی۔۔۔۔۔۔

اسکی نظراندازی نے زری کو ساکت کر دیا۔۔۔۔وہ حیران نظروں سے اسے دیکھتی رہ گئی جو اب نظروں سے اوجھل ہو چکا تھا۔۔۔۔اس نے اسے دیکھ لیا تھا پھر بھی رکا نہیں کیوں؟؟۔۔۔۔اس سوال نے بڑی شدت سے سر اٹھایا تھا۔۔۔۔لیکن جواب ندارد۔۔۔۔۔اپنے پھیکے پڑتے چہرے پر ہاتھ پھیرتے اس نے خود کو سنبھالا۔۔۔۔۔۔وہ بھلا ایک عام سی لڑکی کی طرف کیونکر متوجہ ہوگا۔۔۔اسکے اس دن کے رویے کو دیکھتے اسے سمجھ جانا چاہیے تھا۔۔۔۔۔یاسیت سے سر جھکاتے وہ دھیرے سے چلتی اندر بڑھ گئی۔۔۔۔۔۔۔۔

تاحد نگاہ صرف ریت تھی۔۔۔اسکی ہرساں نظریں کسی کو ڈھونڈتی مایوسی سے لوٹ آئیں۔۔۔۔۔آج وہ کیچڑ نما دلدل میں ڈوب رہا تھا۔۔۔۔۔ہر سو اتنی وخشت تھی کہ اسکی دھڑکنیں سست پڑ گئیں۔۔۔۔خلق میں گویا کانٹے چھب آئے تھے۔۔۔۔۔تیز تیز سانس لیتے وہ لمحہ بہ لمحہ قریب ہوتی موت کو دیکھ رہا تھا۔۔۔۔۔۔

بے بسی اتنی تھی کہ پورا بدن سن تھا۔۔۔۔ہلنے کی صورت میں وہ اور اندر کھسک رہا تھا۔۔۔۔۔آسمان آگ برسا رہا تھا تبھی اسکا پور پور پسینے سے تر تھا۔۔۔۔۔۔۔

” کوئی ہے۔۔۔۔۔۔پلیز میری مدد کرو۔۔۔۔۔”

بے بسی کے شدید احساس تلے وہ دہل کر چیخا۔۔۔۔مگر اسکی آواز دور دور تک بازگشت بنتی اسکے کانوں میں لوٹ آئی۔۔۔۔۔۔

” اللہ پلیز مجھے معاف کر دیں۔۔۔۔۔۔مجھے اتنی اذیت مت دیں۔۔۔۔۔”

اکیلے ہونے کے احساس نے اسے مزید خوفزدہ کر دیا۔۔۔۔تبھی تو پھوٹ پھوٹ کر روتے اسنے خدا سے فریاد کی۔۔۔۔اسکی بھاری بھیگی آواز روتے روتے گھٹ گئی جب اسنے خود کو سینے تک کیچڑ میں دفن ہوتے دیکھا۔۔۔۔۔۔

سختی سے آنکھیں میچ کر اسکے لب اللہ سے فریاد کر رہے تھے جب اس خاموشی میں چوڑیوں کی آواز ابھری۔۔۔۔۔۔بے ساختہ چونک کر سر اٹھاتے سامنے دیکھا تو نقاب میں ایک لڑکی کھڑی اسے گھور رہی تھی۔۔۔۔۔۔۔

” تم۔۔تمم یہیں ہو۔۔۔۔میری مدد کرو پلیز۔۔۔۔۔ہیلپ می۔۔۔۔”

اسے اپنے سامنے دیکھ بے ساختہ ایک خوشی کی لہر اسکے بدن میں دوڑی۔۔۔۔اسکی آنکھوں کا تاثر دیکھنے کے بجائے وہ مدد کے لیے فریاد کناں ہوا۔۔۔۔لیکن وہ بجائے آگے بڑھنے کے ہلکے ہلکے قدم لیتے پیچھے ہوئی۔۔۔۔اسے پیچھے ہٹتے دیکھ ذوالنون کا دل ڈوبا۔۔۔۔۔

” نہیں ۔۔۔مت جائو۔۔۔رک جائو پلیز۔۔۔۔”

اسے روکنے کے لیے اسنے اپنا ہاتھ اٹھایا ہی تھا کہ اپنی کلائی سے لپٹے سیاہ سانپ کو دیکھ کر اسکی آنکھیں پھٹ گئیں۔۔۔۔۔۔دل تھا کہ اپنی دھڑکنیں کھو رہا تھا۔۔۔۔

” مم۔میری مدد کرو اسے ہٹائو پلیز۔۔۔۔نہیں مت جائو رک جائو ۔۔۔سنو خدا کے لیے رک جائو۔۔۔۔۔۔۔۔رکو پلیز۔۔۔۔۔۔۔”

گھٹی گھٹی آواز میں روتے وہ اسے ہنوز پیچھے ہٹ کر مڑتے دیکھ کر چیخا۔۔۔۔۔۔۔اسکی چیخ سن کر وہ تو رکی نہیں مگر وہ سانپ اپنا پھن پھیلاتا اسکی گردن کی طرف بڑھا۔۔۔۔اسے یوں اپنی طرف آتے دیکھ اسنے نظر اٹھا کر سامنے دیکھا جہاں وہ چلتی ایک سیاہ نقطے کی مانند لگ رہی تھی۔۔۔۔۔۔دفتا گردن پر تیز چھبن ابھری ۔۔۔۔

” نہیںںن۔۔۔۔۔”

خلق کے بل چلاتے اسنے تڑپ کر اپنی آنکھیں کھولیں۔۔۔ادھر ادھر دیکھا تو وہ اپنے کمرے میں تھا۔۔۔۔۔۔پورا بدن پیسنے سے شرابور تھا۔۔۔۔۔۔۔گردن پر پھیرتے اسکے ہاتھ میں واضح لرزش تھی۔۔۔۔سانس ایسا لگ رہا تھا جیسے میلوں کا سفر طے کیا ہو۔۔۔۔۔۔

” کیوں؟؟؟۔۔کیوں نہیں رکتی تم؟؟۔۔۔کیوں مجھے سنبھال لیتی؟؟؟آخر کب تک میں یوں ہی تڑپتا رہوں گا۔۔۔۔۔دنیا کے لیے تم زندہ نہیں ہو۔۔۔۔مگر میرے دل کی دھڑکتی ہر دھڑکن گواہ ہے کہ تم زندہ ہو۔۔۔۔۔بس مجھ سے دور ہو۔۔۔۔مگر تمہاری یہی دوری مجھے اندر سے کھوکھلا کر رہی ہے۔۔۔۔لمحہ با لمحہ موت کے گھاٹ اتار رہی ہے۔۔۔۔۔پلیز لوٹ آئو۔۔۔۔۔”

سر تکیے پر پٹحتے وہ اذیت سے گھٹی آواز میں بولتا چلا گیا۔۔۔۔مغرور آنکھوں میں نمی تیزاب تھی جس نے اسکا پور پور جلا دیا ۔۔۔۔

ہر خواب کے بعد اسکی حالت ایسی ہی ہو جاتی تھی۔۔۔۔اور پھر تڑپتے تڑپتے رات بیت جاتی تھی۔۔۔۔۔اب بھی وہ بے آواز روتا بے بسی کی تصویر لگ رہا تھا۔۔۔۔۔لیکن ابھی قدرت کو ناجانے اسکے اور کتنے امتحان منظور تھے۔۔۔۔۔۔

گاڑی شفاف سڑک پر رواں دواں تھی۔۔۔۔۔گاگلز کے پیچھے چھپی آنکھوں میں ایک عجیب ہی ویرانی تھی۔۔۔۔۔دل ایسا لگ رہا تھا جیسے پیچھے کچھ چھوٹ گیا ہو مگر کیا؟؟ اسکا جواب نہیں مل رہا تھا ۔۔۔اسکی بے چینی میں اضافہ ہو رہا تھا۔۔۔۔۔۔پورے راستے وہ بے چین رہا تھا۔۔۔۔۔

” گھر چلو بخش میں آج آفس نہیں جائوں گا۔۔۔۔”

اسے میں روڈ پر آتے دیکھ وہ سنجیدگی سے بولا۔۔۔جس پر بخش نے سر ہلاتے گاڑی کی رفتار بڑھا دی۔۔۔۔۔گارڈز کی گاڑی بھی پیچھے ہی تھی۔۔۔۔۔جبیل مینشن میں گاڑی کے رکتے ہی بخش نے اسے باہر نکلنے میں مدد دی۔۔۔۔باقی وہ خود مینج کر لیا کرتا تھا۔۔۔۔۔اب بھی سر جھٹکتے وہ اندر کی طرف بڑھا۔۔۔۔۔۔

اندر آتے اسکا سامنا مسز جبیل سے ہوا۔۔۔۔بے ساختہ گہرا سانس لیتے وہ انکی طرف بڑھا جو اسے دیکھتے ہوئے اسکی طرف بڑھیں تھیں۔۔۔۔۔۔

” اسلام علیکم مام۔۔۔۔”

انکے نزدیک آتے ہی اسنے دھیمے سے سلام جھاڑا۔۔۔۔۔

” وعلیکم اسلام۔۔۔۔کیسا ہے میرا بیٹا؟؟۔۔۔”

والہانہ انداز میں اسکی پیشانی چومتے وہ سے بولیں۔۔۔۔انکے والہانہ انداز پر اس نے کرب سےآنکھیں میچیں۔۔۔۔۔۔

” فائن مام۔۔۔۔آپ نے خود کو کیا کر لیا ہے ؟؟۔۔”

انکے ہاتھ چومتے وہ دھیرے سے بولا۔۔۔۔۔

” آپ ٹھیک نہیں ہیں ذوالنون۔۔۔۔۔آپکی آنکھوں میں تھکن نمایاں ہے۔۔۔۔جو ایک ماں کی نظر سے اوجھل نہیں ہو سکتی۔۔۔۔۔۔”

اسکے بال سنوارتے وہ بھیگی آواز میں بولتیں ذوالنون کی چھپانے کی تمام تدابیر کو بہا گئیں۔۔۔۔۔بے شک ماں سے کیا چھپا رہ سکتا ہے۔۔۔۔بے ساختہ اسنے نظر جھکائی تھی۔۔۔۔۔۔

” خود کو اذیت دینا چھوڑ دیں۔۔۔۔آپکو دیکھ کر مجھے تکلیف ہوتی ہے۔۔۔۔۔۔”

اسکے جھکے سر کو دیکھتیں وہ تڑپ کر بولیں۔۔۔۔۔۔انکی التجا پر اسنے اپنی شدت ضبط سے سرخ پڑتی آنکھیں اٹھائیں۔۔۔۔۔۔

” یہی اذیت میری زندگی کا حاصل ہے مام ۔۔۔۔۔اسے چھوڑ دیا تو مر جائوں گا۔۔۔۔۔”

بھینچی آواز میں دھیرے سے بولتے وہ انکا کلیجہ شک کر گیا۔۔۔۔لہجے میں تڑپ ہی تڑپ تھی۔۔۔۔۔اور لفظ اسکی بے پناہ اذیت کا مظہر تھے۔۔۔۔۔

” ذوالنون۔۔۔۔۔”

اسے اپنے کمرے کی طرف جاتے دیکھ وہ بے ساختہ پکار بیٹھیں۔۔۔مگر سننے والا جا چکا تھا۔۔۔۔انکی آنکھوں سے سیل رواں بہتا انکے گالوں پر لڑک آیا۔۔۔۔اسکی اذیت سے انھیں اپنا دل کٹتا محسوس ہوتا تھا۔۔۔۔۔۔۔۔اوپر دیکھتے انکے لبوں سے بے ساختہ ایک آہ نکلی ۔۔۔۔۔۔جو عرش الہی تک پہنچ چکی تھی۔۔۔۔۔اب صرف کن کا انتظار تھا۔۔۔۔۔۔