Ramaad Al Hubb by Sara Shah readelle50009 Episode 30

” گڈ مارننگ ایوری ون۔۔۔۔۔”

ڈائینگ ہال میں آتے اسنے باآواز کہا تو سب نے مڑ کر اسکی طرف دیکھا۔۔۔۔وائٹ شرٹ بلیک پینٹ اور بلیو کوٹ میں وہ نک سک سے آفس کے لیے تیار تھا۔۔۔۔۔۔۔

رابعہ بیگم کو ناشتہ سرو کرتے ابیہا کے ہاتھ رکے۔۔۔۔اسکے وجیہہ چہرے کو دیکھتے اسکے لب بے ساختہ مسکرائے تھے۔۔۔۔۔۔کہاں کسی وقت وہ اسے دیکھنا بھی پسند نہیں کرتی تھی اور کہاں اب وہ اسکے دل پر پوری شان سے براجمان تھا۔۔۔۔۔۔۔۔

وہ اسکے لیے ایسا شجر تھا جس کے سائے میں وہ اور طلحہ پرسکون زندگی گزار رہے تھے۔۔۔۔۔ماضی میں وہ جو بھی رہا ہو اسکے لیے ہمیشہ ایسا شفیق اور مہربان رہا تھا کہ وقت کے ساتھ ساتھ اسکے تمام گلے شکوے دم توڑ گئے تھے۔۔۔۔۔۔

” اسلام علیکم۔۔۔۔”

آصف صاحب تنبیہی انداز میں بولے تو وہ کھسیاتا سر کھجا کر رہ گیا۔۔۔۔۔

” وعلیکم اسلام۔۔۔۔”

شرمندہ سی مسکراہٹ لبوں پر سجائے وہ انکی جھولی میں موجود طلحہ کو اٹھاتا اپنی چئیر پر بیٹھا۔۔۔۔اسکے بیٹھتے ہی ابیہا نے اسکے لیے ناشتہ نکالا۔۔۔۔۔۔۔

” آپ آفس نہیں آئیں گے؟؟۔۔۔”

انھیں عام سے لباس میں ملبوس دیکھتے وہ استفہامیہ ہوا۔۔۔۔۔

” ڈیڈ۔۔۔ بابا آج میرے ساتھ اپنا فل ڈے سپنڈ کریں گے۔۔۔۔۔”

اسکے گود میں موجود طلحہ اسے اہم اطلاع دیتا کھلے دل سے مسکرایا تھا۔۔۔۔۔بھوری آنکھیں چمک اٹھیں تھیں۔۔۔۔۔اسکی معصومیت پر سب مسکرا دئیے۔۔۔۔۔

” ویری گڈ۔۔پھر تو آپ کے مزے ہو گئے۔۔۔۔”

اسکے معصوم چہرے کو چومتے وہ نرمی سے بولا۔۔۔۔۔اسکا معصوم چہرہ اور بھوری آنکھیں کسی ایسے شخص کی یاد دلاتی جو اکثر اسے نظریں چرانے پر مجبور کر دیتی تھی۔۔۔۔۔۔۔

” ٹھیک ہے پھر میں نکلتا ہوں۔۔۔۔مجھے سائٹ پر بھی جانا ہے۔۔۔۔۔”

جوس کا گلاس خالی کرتے وہ طلحہ کو زور سے چومتا اٹھ گیا۔۔۔۔۔۔اسے پورچ میں جاتے دیکھ ابیہا بھی اسکے پیچھے گئی۔۔۔۔۔۔

” اللہ خافظ۔۔۔۔”

گیٹ پر رکتے مڑ کر اسکی روشن پیشانی چومتے وہ ہاتھ ہلاتا اپنی کار کی طرف بڑھ گیا۔۔۔۔۔۔زیر لب آیت کرسی دہراتے اسکی آنکھیں گیٹ سے نکلتی اسکی گاڑی پر مرکوز تھیں۔۔۔۔۔

کھڑکی سے باہر دیکھتے آج بھی اسکا دل اداس تھا۔۔۔۔۔گئے برسوں میں آج تک اسکا دل اس کسک،اداسی کو ختم نہیں کر پایا تھا۔۔۔۔۔

شاید کسی ایسے شخص کا دل دکھانا اسے اس کسک میں مبتلا کر گیا تھا۔۔۔جو کبھی اسکے دل پر بڑی شان سے براجمان ہوا کرتا تھا۔۔۔۔۔۔۔اور دکھ بھی تو اسنے خود اپنے لیے چنا تھا۔۔۔۔۔

گزرے وقت کے ساتھ وہ اسی لمحہ میں کہیں قید ہو گئی تھی۔۔۔جس سے رہائی پانا اب ممکن نہیں تھا۔۔۔۔۔اس شخص کی موجودگی کبھی دل کا سکون ہوا کرتی تھی مگر اب تو اسکی غیر موجودگی دل کی دھڑکنیں روکنے کا سبب بنتی تھی۔۔۔۔۔

زری کی موت نے اسے بلکل جامد کر دیا تھا۔۔۔۔پہلے دل کے ہاتھوں مجبور ہو کر سوچا کہ اس سے رابطہ کر لے مگر زری کی موت نے جیسے اسکے گرد انا کی فصیلیں اتنی بلند کر دیں کہ گزرے 6 سالوں میں وہ وہاں سے نکل ہی نا سکی۔۔۔۔

اور رہی سہی کسر اسکی غیر موجودگی نے پوری کر دی۔۔۔وہ کہاں گیا؟؟۔۔۔کوئی نہیں جانتا تھا۔۔۔۔۔اور جو جانتے تھے ان سے پوچھنے کی وہ کبھی ہمت ہی نا کر پائی۔۔۔۔۔۔۔

وہ شخص اسکے اندر اپنی جڑیں اتنی مضبوط کر گیا تھا کہ وہ چاہ کر بھی انھیں کاٹ نا سکی۔۔۔۔اور گھر والوں کے لاکھ چاہنے کے باوجود شادی کے لیے رضامند نا ہوئی۔۔۔۔۔شاید اندر کہیں دور اسکے لوٹ آنے کی امید زندہ تھی۔۔۔۔جسے وہ مار نہیں سکتی تھی۔۔۔۔۔۔۔۔

” میں جانتی ہوں میں تمہاری مجرم ہوں۔۔۔۔۔لیکن میرا جرم اتنا بھی بڑا نہیں تھا۔۔۔۔جتنی بڑی سزا تم نے مجھے دے دی ہے۔۔۔۔”

بھرائے لہجے میں بولتے کتنے ہی آنسو پلکوں کی دہلیز پھلانگتے رخساروں پر بہتے چلے گئے۔۔۔۔۔

مگر دل کا درد سننے والا ناجانے کہاں تھا۔۔۔۔اور انجان تھا کہ جس نے اسے خود سے دور جانے کا کہا تھا وہ تو برسوں سے اسکے انتظار میں اسی موڑ پر کھڑی تھی جہاں وہ اسے چھوڑ کر گیا تھا۔۔۔۔۔۔۔

دور کہیں ایک ویل ڈیکوریٹڈ کمرے میں ماسٹر چئیر پر بیٹھا وجود کسی گہری سوچ میں گم لگتا تھا۔۔۔۔سفید شرٹ اور سیاہ دھاری دار ٹائی پہنے وہ شاندار لگ رہا تھا۔۔۔گزرے وقت نے اگر اسکے دل کی دنیا تہہ وبالا کی تھی تو ظاہری طور پر اسے نکھار دیا تھا۔۔۔۔۔

سوائے آنکھوں میں موجود حزن کے وہ کتنی ہی نگاہوں کا مرکز تھا ۔۔۔۔۔۔اور جو اسکی مرکز نگاہ تھی اسے بچھڑے تو برسوں بیت گئے تھے۔۔۔۔

اتنے سالوں میں ایک بھی دن ایسا نہیں تھا کہ وہ اسے یاد نا آئی ہو۔۔۔۔۔دنیا کی رنگینیاں بھی اسے بہلا نہیں پائیں تھیں۔۔۔۔

لب ہنسنا بھول گئے تھے۔۔۔۔سینے میں ایک آگ بھڑک رہی تھی۔۔۔جو اسے جلا کر خاکستر کر دینے کے درپے تھی۔۔۔۔۔اور رہائی وہ شاید اب ممکن نہیں تھی۔۔۔۔۔۔

وہ لمحہ آج بھی اسے یاد تھا جب وہ اسے بے اعتبار کر کے منٹوں میں چلی گئی تھی۔۔۔۔۔اور ایک اور وجود بھی تو تھا جس سے دوری اور بھی زیادہ جانلیوا تھی۔۔۔۔۔

اسے دیکھے بنا تو دن نہیں گزرتا تھا۔۔اور اب کہاں اسے نا دیکھے دن بھی یاد نہیں تھے۔۔۔۔۔۔

کافی سے اٹھتی بھاپ گویا ان آنکھوں کو نمی بخش رہی تھی۔۔۔جو رونا جانتیں ہی نہیں تھیں۔۔۔۔۔سانس گویا سینے میں پھنسی ہوئی تھی ۔۔۔۔۔۔

” تمہیں دیکھے زمانہ بیت گیا۔۔۔وقت گزرتا چلا جا رہا ہے اور میں آج بھی وہیں ہوں۔۔۔۔۔”

خلائوں میں گھورتے اسکے لب بے آواز ہلے تھے۔۔۔۔کمرہ خوموشی سے یہ منظر دیکھ رہا تھا جیسے وہ بھی اپنے مکین کے دکھ سے واقف ہوں۔۔۔۔۔گہرا سانس لے کر خود پر قابو پاتے وہ اٹھ کر باہر کی طرف بڑھا۔۔۔۔۔اسکی شکستہ چال اسکے اندر جاری جنگ کی گواہ تھی۔۔۔۔۔۔۔

کراچی کی حدود میں داخل ہوئے انھیں آدھا گھنٹہ ہو گیا تھا۔۔۔۔۔سوچوں میں گم سارا سفر کٹا تھا۔۔۔نا اسنے کچھ کہنے کی ہمت کی اور نا ہی وہ کچھ کہہ سکا۔۔۔۔۔۔

” کچھ کھائو گی؟؟۔۔۔”

باہر موجود ریسٹورنٹ کو دیکھتے وہ سوالیہ ہوا۔۔۔مگر اسکی جانب سے جامد خاموشی پا کر وہ لب بھینچتا رخ موڑ گیا۔۔۔۔۔

” سپیڈ بڑھائو بخش۔۔۔۔”

سرد لہجے میں اسے حکم دے کر اسنے جیب سے سیگریٹ نکال کر لبوں سے لگائی۔۔۔۔۔اسے یوں گہرے کش لیتے دیکھ کر زری ایک پل کے لیے ٹھٹھکی۔۔۔۔۔مگر پھر نظریں چرا کر سر پیچھے ٹکاتی پلکیں موند گئی۔۔۔۔۔۔۔

وہ جو مرضی کرے وہ بھلا کیونکر اسے روکتی؟۔۔۔وہ منفی سوچوں میں گم تھی جب گاڑی سگنل پر رکی۔۔۔اسکی دائیں طرف جہاں اسامہ بیٹھا تھا ایک اور گاڑی آکر رکی۔۔۔۔۔چہرے پر موجود چادر ہوا کے دوش پر سرکی اور دائیم طرف موجود نفس پر بجلیاں گرا گئی۔۔۔۔۔۔

” ہاں بیا۔۔۔۔ٹھیک ہے میں آجائوں گا۔۔۔۔۔میں دراصل سائٹ پر جا رہا تھا۔۔۔۔۔لیٹ ہو۔۔۔۔۔۔۔۔”

وہ پشت سیٹ سے لگائے ریلیکس سا بول رہا تھا کہ نگاہ بائیں طرف اٹھی اور ساکت ہو گئی۔۔۔۔۔۔وہ بات کرنا بھول گیا۔۔۔۔سیل چھوٹ کر گود میں جا گرا۔۔۔۔۔

وہ مر جاتا لیکن یقین نا کرتا۔۔۔۔کہ جسے اپنے ہاتھوں سے لحد میں اتارا تھا وہ آج یوں مجسم بن کر اسکے سامنے آجائے گی۔۔۔۔۔۔لیکن نگاہ کے سامنے کا منظر جھٹلایا بھی نہیں جا سکتا تھا۔۔۔۔۔۔اسکے ساتھ بیٹھا مرد اسکے لیے انجان تھا ۔۔۔۔۔۔

کب سگنل کھلا اور کب وہ گاڑی وہاں سے گئی۔۔وہ نہیں جانتا تھا ہوش میں تو تب آیا جب پیچھے موجود گاڑیوں کے ہارن بجے۔۔بائیں طرف دیکھا تو گاڑی غائب تھی۔۔۔۔۔کانسٹیبل نے شیشہ کھٹکھٹا کر اسے متوجہ کیا تو وہ سرعت سے گاڑی سٹارٹ کرتا سائیڈ پر لگا گیا۔۔۔۔۔۔سٹئیرنگ ویل چلاتے اسکے ہاتھ واضع کانپ رہے تھے۔۔۔۔۔اور ذہن بہت سی سوچوں کی آماجگاہ بنا ہوا تھا۔۔۔۔۔۔۔

آنکھوں کے سامنے بار بار وہ منظر گھوم رہا تھا جس پر اسکا دل یقین کرنے کو تیار نا تھا۔۔۔۔۔۔اور دماغ جھٹلا بھی نہیں سکتا تھا۔۔۔۔۔۔۔۔

وہ تینوں لان میں بیٹے چائے پی رہے تھے جب گیٹ پر ہارن بجا۔۔۔۔۔

” مجھے لگتا ہے بھائی آئے ہیں۔۔”

اسکی گاڑی کا ہارن پہچانتے سب سے پہلے رانیہ چہکی۔۔۔۔۔۔اسکی ایکسائٹمنٹ دیکھتے وہ دونوں بے ساختہ مسکرا دئیے۔۔۔۔۔۔

” ایبک۔۔جا کر پرنس کے لیے فریش جوس لے کر آئیے۔۔۔۔۔”

پاس کھڑے ایبک کو حکم دیتے وہ اٹھیں تھیں تب تک گاڑی پورچ میں آکر رک گئی تھی۔۔۔۔۔لان سے پورچ کا منظر بہت آسانی سے دیکھا جا سکتا تھا۔۔۔۔۔۔

سب سے پہلے بخش اترا اور اسکی وہیل چئیر نکال کر اسے بیٹھنے میں مدد دی۔۔۔۔یہ سب دیکھتے ان کے لب بے ساختہ سکڑے تھے۔۔۔۔دل میں کسک سی اٹھی۔۔۔اتنے سال گزر جانے کے باوجود اسکا وہیل چئیر پر بیٹھنا انکی آنکھیں نم کر دیتا تھا۔۔۔۔۔۔

” عصرہ۔۔۔۔”

انھیں یوں غمزدہ دیکھ کر وہ انکے کندھے پر ہاتھ رکھتے تنبیہی لہجے میں بولے تو انھوں نے سرعت سے اپنی آنکھیں پونچھیں۔۔۔۔

” بھائی۔۔۔۔۔”

رانیہ چہک کر اسکی طرف بڑھی ہی تھی کہ سائیڈ ڈور سے نکلتے نفس کو دیکھتے اسکے قدم منجمند ہوئے۔۔۔۔۔برائون سوٹ پینے سیاہ چادر میں چھپا وجود ان تینوں کو ساکت کر گیا۔۔۔۔

عصرہ بیگم سن سی اسے دیکھتیں رہ گئیں جو بڑے استحقاق سے اسکا ہاتھ تھامے انکی طرف بڑھا تھا۔۔۔کون تھی وہ؟؟؟۔یہ سوال بڑی شدت سے ان تینوں کے ذہن میں ابھرا تھا۔۔۔۔۔۔

” ذوالنون۔۔۔۔۔۔”

اسکے پاس آتے ہی رجب صاحب حیرانگی سے بولے۔۔۔۔۔نظریں ہنوز سر جھکائے نسوانی وجود پر ساکت تھیں۔۔۔۔۔۔

” یہ میری بیوی اور آپ کی بہو ہے مام۔۔۔۔مسز ذوالنون اسامہ۔۔۔۔”

بڑے آرام سے وہ انکے سر پر بم گراتا انھیں ساکت کر گیا۔۔۔۔وہ پھٹی پھٹی نظروں سے اسے دیکھتے رہ گئے جو دلکشی سے مسکرا رہا تھا۔۔۔۔۔۔