Ramaad Al Hubb by Sara Shah readelle50009 Episode 16

” گڈ مارننگ ڈیڈ۔۔۔۔”

وہ ٹیبل۔پر بیٹھے اخبار پر نظر ثانی کر رہے تھے۔۔۔جب وہ ڈائننگ ہال میں آیا۔۔۔۔مسز جبیل بھی چونک کر مڑیں۔۔۔۔سامنے وہ سیاہ ٹو پیس میں بالوں کو نفاست سے سیٹ کیے اور ٹخنوں سے اوپر چڑھی جینز سے جھانکتے سپید پیر سیاہ جاگرز میں قید تھے۔۔۔۔فورٹرز پر دھرے پائوں نئے سرے سے مسز جبیل کا دل دکھ سے بھر گئے۔۔۔۔

کہاں انھیں گوارہ تھا اپنے بیٹے کو یوں محتاجی کی زندگی گزارتے دیکھنا۔۔۔۔جبیل صاحب کے دل میں بھی ہوک سی اٹھی تھی۔۔۔۔۔۔وقت کی سازشوں کو آج تک کون سمجھ سکا ہے جو وہ سمجھتے۔۔۔اور اس انہونی کو ٹالتے جو بیت چکی تھی۔۔۔۔۔وہ بے بس تھے کاتب تقدیر کے سامنے۔۔۔۔۔

” مارننگ سن۔۔۔۔”

گہرا سانس لے کر خود کو کمپوز کرتے وہ مسکرائے تھے۔۔۔۔بعض دفعہ مسکراہٹ کی ضرورت اشد پیش آجاتی تھی۔۔۔۔

” اسلام علیکم مام۔۔۔۔”

مسز جبیل کو دیکھتے وہ سنجیدگی سے بولا۔۔۔۔

” وعلیکم اسلام۔۔۔۔۔کہیں جا رہے ہو؟؟۔۔۔”

اسکے سلام کا جواب دیتے وہ اسکی تیاری کا جائزہ لیتے سوال کر گئیں۔۔۔۔کیونکہ وہ آفس 10 بجے جاتا تھا۔۔۔۔اور ایسی فارمل ڈریسنگ بھی نہیں کرتا تھا۔۔۔تبھی وہ حیران ہوئیں۔۔۔۔۔۔۔۔

” یس۔۔۔۔حیدر آباد جانا ہے۔۔۔۔وہاں کی برانچ میں کچھ گڑ بڑ ہے۔۔۔۔۔”

انھیں جواب دے کر اسنے جبیل صاحب کو حالات سے آگاہ کیا۔۔۔۔جس پر وہ سر ہلا گئے۔۔۔۔۔۔مسز جبیل نے سرعت سے فریش جوس اور آملیٹ اسکے سامنے رکھا۔۔۔۔۔۔۔اسکے تمام کام وہ اپنے ہاتھوں سے سر انجام دیتیں تھیں۔۔۔۔

” کب لوٹو گے؟؟۔۔۔۔”

اسے نیپکن سے لب تھپتھپاتے دیکھ وہ دھیرے سے گویا ہوئیں۔۔۔۔۔۔

” جلدی۔۔۔مے بی کل شام تک۔۔۔۔۔اوکے بائے۔۔۔۔”

انکی طرف بڑھتے وہ نرمی سے بولا اور انکا گال چوم کر باہر کی طرف بڑھ گیا۔۔۔جہاں بخش اسکا بریف کیس لے کر گیا تھا۔۔۔۔۔۔

” یہ مت کیا کریں۔۔۔بس اسکے حق میں دعا کیا کریں۔۔ماں کی دعا رد نہیں ہوتی۔۔۔۔۔”

اسکی پشت دیکھتے انکی آنکھوں میں نمی ابھری آئی۔۔۔۔۔انھیں یوں افسردہ دیکھ کر وہ انکا ہاتھ دباتے نرمی سے بولے۔۔۔۔۔۔

آمین کہتے انھوں نے دھیرے سے آنکھوں میں آئی نمی صاف کی۔۔۔اسکے حق میں دعا تو وہ سالوں سے کرتیں آ رہیں تھیں۔۔۔اب تو کی جانے والی دعائوں کا شمار کرنا بھی چھوڑ دیا تھا انھوں نے۔۔۔۔۔

” آج دھیان سے گاڑی چلانا بخش۔۔۔۔”

گاڑی کے مین روڈ پر آتے ہی وہ سنجیدگی سے بولا۔۔۔پچھلا تجربہ کچھ خاص نہیں تھا ۔۔۔تبھی خبردار کرنا مناسب سمجھا۔۔۔۔جس پر وہ سر ہلاتے گاڑی کی رفتار بڑھا دھیمی کر گیا۔۔۔۔۔۔

پچھلی بار کا سفر بہت ہی ناخوشگوار تھا اسکے لیے۔۔۔۔۔۔سیاہ عبائے میں لپٹی اس لڑکی کا سامنا۔۔۔اور اسکی وجہ سے کافی سے دن اسکا بے چین رہنا سوائے اسے طیش دلانے کے اور کچھ بھی نہیں تھا۔۔۔۔

جو بھی تھا کم از کم اسکے لیے بہت برا تھا۔۔۔۔۔اب بھی اسکے لاشعور میں وہ لڑکی ہی قید تھی۔۔۔۔۔۔گزری رات کا شائبہ تک نہیں تھا اسکے چہرے پر۔۔مگر دل بوجھل تھا۔۔۔۔رات کاوہ خواب پچھلے کئی خوابوں کی نسبت بہت دردناک تھا۔۔۔۔

ایک مدت گزر گئی تھی اسے دیکھے۔۔۔۔اور آج جب دیکھا بھی تو اس طرح۔۔۔۔یہ سب اسکے دل کو تڑپانے کے سبب بن رہا تھا۔۔۔۔۔۔ان آنکھوں کی تڑپ،درد،اذیت اور نفرت نئے سرے سے اسے بے چین کرنے لگیں۔۔۔۔۔۔

تیری یادوں کی سرد راہوں پر۔۔۔۔۔

میں روز زرد پتوں کی طرح بکھرتا ہوں۔۔۔۔۔

بے خیالی میں اسکے عنابی لب ہلے۔۔۔۔۔ایک درد بھری مجروح مسکان اسکے لبوں کو چھو گئی۔۔۔۔۔۔وہ بھی تو گزرے سالوں کی ہر شب اسی طرح بکھرتا تھا۔۔۔۔۔۔۔

اتنی تڑپ اوراذیت کا کیا حاصل ہوا؟؟۔۔۔۔۔ایک اذیت بھرا ہجر۔۔اور نارسائی کی آگ میں جلتا دل۔۔۔یا پھر آبلہ پائی کا سفر جس پر وہ مدت سے برہنہ پا چلتا آرہا تھا۔۔۔لیکن سفر تھا کہ ختم ہونے میں نہیں آرہا تھا۔۔۔۔۔۔صرف وہ اور اسکا وجود خاک ہو رہا تھا۔۔۔۔۔

لیکن رہائی کہیں نہیں تھی۔۔۔۔۔اب تو صرف موت کا انتظار تھا۔۔۔۔۔وہ ناجانے کب اسے اپنی آغوش میں لیتی؟؟۔۔۔۔۔

لیکن موت سے پہلے اسکے دل میں اس سے ملنے کی تڑپ تھی۔۔جو دنیا کے لیے مر چکی تھی۔۔۔۔۔اتنا عرصہ گزر جانے کے باوجود وہ یہ ماننے پر تیار نہیں تھا کہ وہ ایک ایسے سفر پر جا چکی ہے جہاں سے واپسی ممکن نہیں۔۔۔۔۔۔دل تھا کہ اب بھی اسکا منتظر تھا جس سے ملنا ناجانے اسکے مقدر میں تھا بھی یا نہیں۔۔۔۔۔۔۔

” ان ہاتھوں نے خود تمہیں دور کیا تھا۔۔۔۔اب انھیں تمہیں چھونے کی تڑپ درد دے رہی ہے۔۔۔۔۔۔آہ کاش وہ نا ہوا ہوتا جو ہو چکا تھا۔۔۔۔”

اپنے ہاتھوں کی ہتھیلیوں کو گھورتے اسکا دل نوحہ کناں تھا۔۔۔۔۔۔مغرور آنکھوں میں کسک جاگی جو انھیں سرخ کر گئی تھی۔۔۔۔۔۔۔۔

” اسامہ کی برتھ ڈے ہے سنڈے کو حیدر بتا رہا تھا۔۔۔۔۔۔وہ تو سلیبریٹ نہیں کرتا مگر حیدر کہہ رہا تھا کہ اس بار کچھ سپیشل کیا جائے۔۔۔۔۔کیا خیال ہے تمہارا۔۔۔۔۔”

آج سورج بڑے عرصے بعد اپنی پوری آب و تاب سے چمکا تھا۔۔۔کراچی یونیورسٹی اسکی پر حدت کرنوں سے چمک رہی تھی۔۔۔۔وہ گھاس پر بیٹھی حبا کے ساتھ مل کر نوٹس بنا رہی تھی۔۔۔۔۔۔جب اچانک وہ بولی۔۔۔ایک پل کو نوٹس پر چلتا اسکا ہاتھ کپکپایا تھا۔۔۔۔۔۔

” مم۔۔میں کیا کہوں؟؟۔۔۔”

اسامہ کا خیال آتے ہی اسکا دل پوری شدت سے دھڑکا تھا۔۔۔۔۔

” کیا کہوں کا کیا مطلب ہے۔؟؟۔۔۔۔لیکن چلو خیر ہے۔۔۔۔۔ بھئی تم تو سپیشل ہو اسکے لیے۔۔۔۔اور کسی سپیشل چیز کی بھلا اسے کیا ضرورت؟۔۔۔”

اسے تیکھے چتونوں سے گھورتے وہ آخر میں شرارتی ہوئی۔۔جس پر زری بوکھلاہٹ میں اسے گھور بھی نا سکی۔۔۔۔۔دل نے بے اختیار ایک بیٹ مس کی تھی۔۔۔۔۔۔اسکا خیال ہی اتنا جان لیوا تھا کہ وہ کان کی لوئوں تک سرخ پڑی۔۔۔۔۔۔۔

” یہ تو سہی کہا حبا ڈیئر تم نے۔۔۔۔۔”

اس سے پہلے وہ کچھ کہتی عقب سے ابھرتی حیدر کی شرارتی تائید نے اسے ہڑبڑا دیا۔۔۔۔۔وہ کرنٹ کھا کر مڑی تو نظر سیدھا اسی سے جا ٹکرائی جو آج کل اسکی دھڑکنوں کا امین بنا ہوا تھا۔۔۔۔اب بھی وہ دھیرے سے مسکراتا پوری طرح اسکی طرف متوجہ تھا۔۔۔۔۔۔

حبا کی بات اسنے یقینا سن لی تھی۔۔۔تبھی لبوں پر ایک دلکش مسکان رقم تھی۔۔۔۔شرمندگی تھی یا کچھ اور وہ سر جھکاتی کان کی لوئوں تک سرخ پڑ گئی۔۔۔۔۔۔۔

” یہ بات اگر اسامہ اپنے منہ سے کہیں گے تو مانوں گی۔۔۔۔۔اسلیے تم اپنی چونچ بند رکھو۔۔۔۔۔”

حیدر کو خفگی سے گھورتے وہ اسامہ کی طرف متوجہ ہوئی۔۔۔۔جبکہ حیدر اپنی سرے عام بے عزتی پر کھسیا گیا۔۔۔۔۔۔

” میں اس معاملے میں اپنی رائے محفوظ رکھتا ہوں۔۔۔۔اسکا جواب میں پھر کبھی دوں گا۔۔۔صحیح موقع پر۔۔۔لیکن آپ دونوں کو انوائیٹ کرنے کا حق رکھتا ہوں۔۔۔سو سنڈے ایوننگ کو آپ دونوں انوائیٹ ہیں۔۔۔۔حیدر آپ دونوں کو پک کر لے گا۔۔۔۔۔۔۔ “

پرشوق نظروں سے زری کا سرخی مائل چہرہ دیکھتے وہ سنجیدگی سے بولا۔۔۔۔۔جس پر حبا سمیت حیدر بھی بری طرح بدمزہ ہوا۔۔۔۔زری کا دل اسکی معنی خیز بات پر بے ساختہ دھڑکا تھا۔۔۔۔۔اسکے انویٹیشن پر وہ کچھ خفیف سی ہوئی۔۔۔لیکن ابھی کچھ کہنا مناسب نہیں تھا۔۔۔۔تبھی خاموش رہ گئی۔۔۔۔۔

” یہ کیا بات ہوئی اسامہ یار۔۔۔بول دے ابھی ورنہ تیرا یار یہیں اپنی جان دے دے گا۔ ۔۔۔”

اسکا کندھا تھپتھپاتے حیدر جزباتی ہو کر بولا۔۔۔جس پر حبا اور زری بھ ساختہ حیران ہوئیں۔۔۔۔ اسامہ نے بمشکل اپنی ہنسی ضبط کی۔۔۔۔۔

” تو دے دے نا۔۔۔۔لیکن دے گا کیسے؟؟۔۔۔بتا دے نہیں تو پیٹرول کا انتظام کرتا ہوں۔۔۔آگ لگا لینا خود کو۔۔۔۔۔۔سب سے موثر اور آسان طریقہ ہے مرنے کا۔۔۔۔بتا منگوائوں؟؟۔۔۔”

اپنی جیب سے سیل نکالتے وہ اتنی سنجیدگی سے بولا کہ ایک پل کو حیدر کے ہوش اڑے۔۔۔۔۔سرعت سے سیل فون اسکےہاتھ سے کھینچا مبادہ کہیں وہ کال ملا ہی نا دے۔۔۔۔

” در فٹے منہ۔۔۔۔لعنتی انسان بجائے مجھے روکنے کے تو مجھے راستے دکھا رہا ہے۔۔۔۔۔۔”

خشمگیں نظروں سے اسکا وجیہہ دیکھتے وہ تڑپ کر بولا۔۔۔۔۔۔اسکی بوکھلاہٹ اور ملامت پر وہ دونوں کھلکھلا کر ہنسیں۔۔۔۔

” تجھے ہی شوق تھا۔۔۔ورنہ میں تو یرا ایکسیڈنٹ پلان کر رہا تھا ۔۔۔وہاں بچنے کا کوئی چانس نہیں ہوتا۔۔۔۔بتا کروائوں؟؟۔۔۔”

لبوں کو سختی سے بھینچے وہ ہنسی ضبط کرنے کے چکر میں سرخ ہوتا ایک بار پھر سنجیدگی سے بولتا اسے جلتے توے پر بیٹھا گیا۔۔۔۔

” کمینے انسان۔۔۔آج تو مجھ سے بچ کر دکھا۔۔۔۔آج تو تیری لاش گھر جائے گی۔۔۔۔۔”

دانت پیستے وہ غرا کر اسکے پیچھے بھاگا جو بلند قہقہ لگا کر اسے مزید اشتعال دلاتا کسی چھلاوے کی طرح وہاں سے بھاگا تھا۔۔۔۔۔۔انھیں یوں ٹام جیری کی طرح ایک دوسرے کے پیچھے بھاگتے دیکھ وہ ہنستیں چلیں گئیں۔۔۔۔۔۔

گرائونڈ اسامہ کے قہقوں اور حیدر کی صلواتوں سے گونج رہا تھا۔۔۔۔۔چمکتی بھوری آنکھوں کا ارتکاز صرف وہ تھا جو لاکھوں میں نمایاں تھا۔۔۔۔۔اسکےلبوں کی ہنسی نے ایک بار پھر اسکی دھڑکن بے ترتیب کی تھی۔۔۔۔۔۔۔

وہ آفس کا کام کر رہی تھی جب اسکی کسی کولیگ نے آکر بتایا کہ آج وہاں باس آرہے ہیں۔۔۔یہ خبر کس بم کی طرح فاطمہ کے حواسوں پر پھٹا تھا۔۔۔۔۔اب اپنے کیبن میں وہ پریشان حال تھی کہ کیا کیا جائے۔۔۔کاش آج وہ آتی ہی نا۔۔۔بوا نے بولا بھی تھا۔۔۔لیکن اب کیا ہو سکتا تھا۔۔؟؟۔

نقاب تو خیر تھا ہی لیکن اتنے سالوں بعد اسکا باضابطہ طور پر سامنا اسے عجیب سے احساس سے دوچار کررہا تھا۔۔۔۔۔اس دن کی ہوئی ملاقات میں تو شیشے کی دیوار حائل تھی دونوں کے درمیان۔۔۔لیکن آج وہ سامنے ہوگا۔۔۔۔یہ احساس ہی اسے ادموا کر رہا تھا۔۔۔۔۔۔۔۔

بے چینی میں وہ اب تک 3 گلاس پانی لی چکی تھی۔۔مگر دل کی دھڑکن تھی کی تھمنے میں نہیں آرہی تھی۔۔۔۔دل چاہا وہاں سے بھاگ جائے۔۔۔لیکن یہ نوکری اسکے پیروں میں بیڑی کی مانند بندھی ہوئی تھی۔۔۔۔۔تبھی ہتھیلیاں مسلتے وہ فائل پر نظریں جمائے ساکت بیٹھی تھی۔۔۔۔۔

” فاطمہ آپکو مینجر سر بلا رہے ہیں۔۔۔۔۔وہ باس کے روم میں ہیں۔۔۔۔۔۔۔”

زویا کی آواز پر وہ اچھلی۔۔۔۔اسکے پیغام پر اسکی پیشانی عرق آلود ہوئی۔۔۔یعنی وہ آچکا تھا۔۔۔۔بمشکل سر ہلا کر وہ مرتے کیا نا کرتے کے مصداق اپنا نقاب سیدھا کرتی باہر کی طرف بڑھی۔۔۔۔۔۔۔۔ٹانگیں کپکپاہٹ کا شکار تھیں۔۔۔۔۔۔۔

دل ہی دل میں مختلف آیتوں کا ورد کرتے وہ جی کڑا کرتی ناک کر گئی۔۔۔۔۔اندر سے ابھرتی مدھم یس کی آواز اسے سہما گئی۔۔۔۔۔۔وہ وہی تھا۔۔یہ آواز تو لاکھوں کے مجمع میں بھی پہچان جاتی۔۔۔دل اتنی تیزی سے دھڑکا کہ لگا سینے سے باہر آجائے گا۔۔۔۔۔۔دل شدت سے چاہ رہا تھا کہ وہ وہاں سے بھاگ جائے۔۔۔۔۔۔۔۔

اس سے پہلے وہ وہاں سے سچ مچ بھاگ جاتی اندر سے دروازہ کھل گیا۔۔۔اور فاطمہ کو لگا کہ اسکے لیے موت کا در کھل گیا ہو۔۔دل کی دھڑکن بے ساختہ رکی تھی۔۔۔۔۔۔۔۔۔