Ramaad Al Hubb by Sara Shah readelle50009 Episode 28

ناجانے کتنی دیر ہو گئی تھی اسے غفلت میں ڈوبے۔۔۔۔۔۔دھیرے سے آنکھیں کھولتے سامنے دیکھا جہاں پنکھا سبک رفتاری سے چل رہا تھا۔۔۔۔۔ذہن خالی تھا۔۔۔بھوری آنکھوں میں ویرانی تھی۔۔۔۔یکلخت بیتے پل یاد آتے وہ کرنٹ کھا کر اٹھی۔۔۔۔

سانسوں میں ارتعاش سا اٹھا تھا۔۔۔۔۔اور دل کی دھڑکن حد سے سوا ہوئی۔۔۔۔گہرے سانس لیتے ادھر ادھر دیکھا تو کمرہ خالی تھا۔۔۔یعنی بوا باہر تھیں۔۔۔۔۔۔

ماتھے سے پسینہ صاف کرتے وہ آہستہ سے اٹھ کر باہر کی طرف بڑھی ہی تھی کہ کال بیل کی آواز پر چونک اٹھی۔۔۔۔کہیں ؟؟؟۔۔۔اسامہ کا خیال آتے ہی دل کی دھڑکن بے ساختہ رکی تھی۔۔۔۔

باہر سے آتی اسکی بھاری آواز نے اسے ساکت کردیا۔۔۔۔۔قدم گویا زمین سے چپک گئے تھے۔۔۔۔۔اور سانسوں نے گویا چلنے سے انکار کر دیا تھا۔۔۔۔یعنی وہ افریت آن پہنچی تھی جس وہ پچھلے چھ سال سے بھاگ رہی تھی۔۔۔۔۔

خوف سے بدن لرز رہا تھا۔۔۔۔اس سب سے پیچھے چھڑانے کے لیے اسنے کیا کیا نہیں کیا تھا لیکن وہ کسی آسیب کی طرح اس پر نازل ہوچکا تھا۔۔۔جس سے پیچھا چھڑانا ناممکن تھا۔۔۔۔۔۔

اسکی تمام باتیں اسنے سنی تھیں۔۔۔بے بسی کے شدید احساس تلے بھوری آنکھیں نمکین پانیوں سے بھرتی چلیں گئیں۔۔۔۔وہ بھاگ جاتی تو بھی بھاگ کر کہاں جاتی۔۔۔۔بوا کا خیال ہی اسے ہراساں کر رہا تھا۔۔۔۔۔۔بھاری قدموں کی آواز سنتے وہ ہوش میں آتے سرعت سے آگے بڑھ کر دروازہ بند کر گئی ۔۔۔

اپنی پشت دروازے سے ٹکاتے وہ پھوٹ پھوٹ کر روتی بیٹھتی چلی گئی۔۔۔۔۔۔۔

” کیوں؟؟؟؟؟….ہر بار کیوں؟؟….کیوں ہر بار مجھے اذیت ملتی ہے؟؟؟؟؟….”

ہذیانی انداز میں چیخ چیخ کر روتے وہ باہر موجود اسامہ کو ذندہ زمین میں گاڑ گئی۔۔۔۔۔۔وہ ماہی بے آب کی مانند تڑپا۔۔۔۔۔

” نیناں۔۔۔۔۔”

سرعت سے آگے بڑھتے وہ بے چینی سے بولا۔۔۔۔۔اور اندر اسکی زبان سے اپنا نام سنتے وہ مزید بکھری۔۔۔۔۔۔۔

” نیناں پلیز سٹاپ۔۔۔۔۔اوپن دا ڈور۔۔۔۔۔۔۔اوپن اٹ۔۔۔۔۔۔۔”

اپنی بھاری ہاتھ دروازے پر مارتے وہ بے تابی سے بولا۔۔۔۔دل کی دھڑکن حد سے سوا تھی۔۔۔۔۔۔۔

” نہیں کھولوں گی۔۔۔چلے جائو یہاں سے اسامہ۔۔۔۔۔”

اندر سے وہ بلند میں چیخی۔۔۔لہجہ سخت نفی کر رہا تھا۔۔۔۔۔تبھی تو دروازے پر جمی سیاہ آنکھیں جلنے لگیں۔۔۔۔۔

” میں دوبارہ نہیں دہراؤں گا نینان۔۔۔۔۔اوپن دا ڈیم ڈور ادروائیز بی ریڈی فار کنسیکوینس۔۔۔۔”

جبڑے کس کر وہ سرد ترین لہجے میں بولتا زری کو خائف کر گیا۔۔۔۔۔لہجے کی ٹھنڈک اسکی رگوں کو جما گئی ۔۔۔۔۔تبھی نا چاہتے ہوئے بھی وہ سرعت سے اٹھتی دروازہ کھول گئی۔۔۔۔۔

کلک کی آواز پر اسامہ کے عنابی لب مسکراہٹ میں ڈھلتے چلے گئے۔۔۔۔۔۔انکھیں چمک اٹھیں تھیں سامنے کے منظر کو دیکھتے جہاں وہ گلابی ڈھیلے ڈھالے جوڑے میں دوپٹے سے بنیاز کھڑی تھی۔۔۔۔۔۔اسکا رویا رویا سرخی مائل چہرہ اسکے دل کی دھڑکنیں تیز کر گیا تھا۔۔۔۔۔۔

دائیں طرف سر جھکا کر کھڑے بخش کو دیکھتے اسنے ہاتھ اٹھا کر اشارہ دیا جس پر وہ بنا زری کی طرف دیکھے مڑ کر باہر نکل گیا۔۔۔۔۔۔

” کیوں اس لاحاصل کوشش میں خود کو ہلکان کرتی ہو؟؟؟…..جب جانتی ہو کہ اب فرار ناممکن ہے۔۔۔۔۔۔”

اسکی بھوری آنکھوں میں جھانکتے وہ مخظوظ کن لہجے میں بولا۔۔۔۔اسکے مسکراتے لہجے پر زری کے بدن میں بھانپڑ جلنے لگے۔۔۔۔۔۔

میں کوشش کرتی رہوں گی۔۔تب تک جب تک تم نہیں مرتے یا پھر میں خود نہیں مر جاتی۔۔۔۔۔۔”

شعلہ بار نظروں سے اسے دیکھتے وہ پھنکاری تھی۔۔۔۔اسکی طرف مسکرا کر دیکھتے ذوالنون کا دل کسی مٹھی میں لے کر مسلا تھا۔۔۔۔۔۔

” ایسا ممکن نہیں ہے۔۔۔۔۔میں ابھی مر نہیں رہا اور تمہیں میں مرنے نہیں دوں گا۔۔۔۔”

تپانے والی مسکراہٹ لبوں پر سجائے وہ وہیل چئیر کو حرکت دیتے آگے بڑھا۔۔۔۔۔اسے یوں پانی طرف آتے دیکھ وہ پیچھے ہٹتی چلی گئی۔۔۔۔۔

” جانتی ہو تمہاری ایک ایک ادا مجھے مزید تمہارا دیوانہ بنا رہی ہے۔۔۔۔”

اسکے ہراساں چہرے٫کپکپاتے لبوں اور لرزتے بدن کو دیکھتے وہ لو دیتے لہجے میں بولا۔۔۔۔اور اسکی نظروں کی دہکتی تپش اسے جھلسانے لگی۔۔۔دل پسلیاں توڑ کر باہر آنے کو مچل رہا تھا۔۔۔۔۔اور بے بسی اتنی تھی کہ آنسو قطار در قطار اسکے گالوں پر بہتے انھیں بگھو گئے۔۔۔۔۔

پیچھے موجود بیڈ کی وجہ سے وہ لڑکھڑا کر وہیں بیٹھ گئی۔۔۔۔اور وہ دوم کی دوری پر رک گیا۔۔۔

” مجھے جانے دو اسامہ ورنہ اس بار میں اپنی جان خود لے لوں گی۔۔۔۔۔۔”

اسکی سیاہ آنکھوں میں اپنی لہو رنگ بھیگی آنکھیں گاڑتے بے بسی سے بولتے وہ حقیقتا اسکی سانسیں روک گئی تھی ۔۔۔۔۔۔وہ ساکت سا اسے دیکھتا رہ گیا جو نفرت کی انتہا کو پہنچی اسے دار پر لٹکا گئی تھی۔۔۔۔۔۔

” لو جان اپنی۔۔۔۔خود کو خراش پہنچا کر دیکھائو نیناں۔۔۔۔میں بھی دیکھتا ہوں ذوالنون اسامہ کی پناہوں میں تمہیں کیسے کچھ ہوتا ہے۔۔۔۔۔۔”

جبڑے کس کر وہ چٹانوں کی سی سختی سے بولتا اسے خوفزدہ کرگیا۔۔۔۔۔۔۔کپکپاتے لبوں کو بھینچے تنفر بھری نظروں سے اسے دیکھتے وہ منہ پھیر گئی۔۔۔۔۔۔اسکا منہ پھیرنا تھا کہ وہ تڑپ کر آگے بڑھا ۔۔۔۔۔۔۔۔

” کب تک؟؟؟؟۔۔۔۔۔کب تک منہ پھیرو گی ؟؟؟ ۔۔۔ہاں؟؟؟؟…اب یہی چہرہ دیکھنے کو ملے گا تمام عمر۔۔۔۔۔۔بھول جائو اب کہ تم مجھ سے دور کہیں اور جا سکتی ہو۔۔۔۔۔۔”

بھپرے لہجے میں بولتا وہ اسکے قریب آرکا ۔۔۔۔جو اسکی بات سن کر خوفزدہ تھی اب اسکی دہکتی قربت پر خائف ہوتی سرعت سے پیچھے کھسکی۔۔۔لیکن اسکی سلگتی گرفت اپنی کلائی پر محسوس کرتے گویا پتھر ہو گئی۔۔۔۔۔۔۔یہ لمس چھ سال بعد دوبارہ ذندہ ہوا تھا۔۔۔اور اسے ساکت کر گیا۔۔۔کیا کچھ یاد نہیں آیا تھا اس لمس سے۔۔۔۔۔۔

تبھی بھوری آنکھیں اٹھا کر اسے دیکھا جو ویسا ہی تھا۔۔۔۔۔ویسا ہی چھا جانے والا٫ویسا ہی ساحر اور سیاہ آنکھوں میں ہلکورے لیتا جنون بھی ویسا تھا۔۔۔۔تو کیا بیتے وقت میں جو اذیت اسے دی تھی وہ جھوٹ تھا؟؟؟ ۔۔۔یا پھر یہ آنکھیں اور اسکی دہکتی قربت جھوٹ تھی؟؟؟۔۔۔۔جو اسے موم کی طرح پگھلا رہی تھی۔۔۔۔۔۔

” میں تمہیں کبھی معاف نہیں کروں گی ذوالنون۔۔۔۔۔کبھی نہیں۔۔۔۔۔سب کچھ چھین لیا تم نے میرا۔۔۔۔۔”

رکتی سانسوں اور بہتی آنکھوں سے وہ اذیت بھرے لہجے میں بولتی روتی چلی گئی۔۔۔۔اسکی بھوری آنکھوں سے بہتے آنسوئوں نے اسے تکلیف دی۔۔۔تبھی تو ہاتھ بڑھا کر اسکی تمام تر مزاحمت کو نظر انداز کرتے وہ اسے اپنے سلگتے سینے سے لگا گیا۔۔۔جہاں برسوں سے دہکتی آگ پر اسکا نرم وجود کسی پھوار کی مانند گرا تھا۔۔۔۔۔

” مت کرنا ۔۔کبھی مت کرنا معاف۔۔۔۔لیکن اب دور نہیں جانے دوں گا میں تمہیں۔۔۔کبھی نہیں۔۔۔۔”

جھک کر اسکا سر چومتے وہ بھاری گھمبیر لہجے میں بولتا سختی سے آنکھیں میچ کر اپنا چہرہ اسکے سر پر ٹکا گیا۔۔۔۔اسکی دھڑکنیں اپنے سینے پر محسوس کرتے وہ سرشار تھا۔۔۔۔۔۔اگر اب کوئی ذوالنون اسامہ سے پوچھتا جنت کیا تھی؟؟…. تو وہ کہتا اسکی بانہوں میں سانس لے رہی تھی۔۔۔۔۔۔۔اور رب کہاں تھا ؟؟؟..تو وہ کہتا اسکی شہ رگ سے بھی قریب۔۔۔۔کہیں بہت پاس ۔۔۔تبھی تو دل کی دھڑکنوں میں ارتعاش سا تھا ۔۔۔۔۔

کتنا وقت بیتا تھا وہ نہیں جانتا تھا۔۔۔اور وہ جاننا چاہتا بھی کب تھا۔۔۔۔جنت اسکی بانہوں میں تھی اور وہ وقت کو دیکھتا کیا ایسا پاگل تھا وہ۔۔۔۔۔۔۔

وہ برسوں کا جمع شدہ غبار اسکے سینے پر نکال رہی تھی اور وہ مسحور تھا۔۔۔۔برسوں بعد دل سکون میں آیا تھا۔۔۔یہ لمحے پرفسوں تھے۔۔۔جن کے سنگ وہ بہتا مدہوش تھا۔۔۔۔

معا اسکی مزاحمت پر ہوش میں آتے اسے نرمی سے خود سے علیحدہ کیا۔۔۔۔۔جو شائد خود سے بھی نظریں ملانے سے قاصر تھی۔۔۔۔۔۔

” اور رونا ہے؟؟….”

شریر سے لہجے میں بولتا وہ اسے خجل کر گیا۔۔۔۔اپنے بالوں کو سمیٹتے سر اٹھا کر اسنے اسے دیکھا۔۔۔۔۔بھوری سرخی مائل آنکھوں میں ٹوٹے کانچ کی چھبن تھی۔۔۔۔۔۔۔جس پر اسکے مسکراتے لب سکڑے۔۔۔۔۔۔

” تمہاری موجودگی میں صرف رو ہی سکتی ہوں ذوالنون اسامہ۔۔۔۔۔”

زہر آلود لہجے میں بولتے اسنے اٹھ کر بیڈ کے سرہانے پڑا اپنا دوپٹہ اوڑھا۔۔۔۔۔۔

” ہممم۔۔۔۔لٹس سی۔۔۔ابھی تو ریڈی ہو جائو ہم جا رہے ہیں۔۔کل نکاح ہے ہمارا۔۔۔۔۔”

اسکی بات کو نظر انداز کرتے وہ مضبوط لہجے میں بولتے وہ اسکے سر پر بم گر گیا۔۔۔۔۔بے یقین نظروں سے اسے دیکھتے اسکے دماغ کی نسیں پھٹنے کے قریب ہوئیں۔۔۔۔اور وہ جو بول کہ مڑا ہی تھا کہ اسکی طنزیہ آواز کانوں سے ٹکرائی۔۔۔۔

” اور تمہیں کیوں ایسا لگتا ہے کہ میں تمہارے ساتھ جائوں گی؟؟۔۔۔اور نکاح بھی کروں گی؟؟۔۔۔”

چھبتے لہجے میں کیا گیا سوال اسے مخظوظ کر گیا۔۔۔۔۔

“تم میرے ساتھ ضرور جائو گی نیناں۔۔۔۔بلکہ وہ سب کرو گی جو میں چاہوں گا۔۔۔ کیونکہ مجھے یقین ہے تم نہیں چاہو گی کہ میرے ایک اشارے پر تمہاری بہن کے بیٹے کو غائب کر دیا جائے۔۔۔۔”

سفاکی سے بولتے اسنے گویا زری کا دل نوچ لیا تھا۔۔۔۔۔۔وہ پھٹی پھٹی نظروں سے اسے دیکھتی رہ گئی جو بے دردی سے مسکرا رہا تھا۔۔۔۔۔۔بھوری آنکھوں کی پتلیاں ساکت تھیں۔۔۔۔۔۔اور رنگ لٹھے کی ماند سفید ہوتا چلا گیا۔۔۔۔۔۔

” اب۔۔۔ابی۔۔۔۔ابیہا۔۔۔۔۔۔”

لب بے یقینی سے پھڑپھڑائے۔۔۔۔مدتوں بعد کسی اپنے کا حوالہ اسے مٹی کر گیا تھا۔۔۔۔۔۔

” نن۔۔۔ننہیں۔۔۔۔۔۔کچ۔۔کچھ مت کرنا ۔۔۔۔۔مم۔۔۔۔میں تیار ہوں۔۔۔۔۔”

برائے لہجے میں بولتی یقینا اپنے حواسوں میں نہیں تھی تبھی تو خود کو دار پر لٹکا گئی تھی۔۔۔۔۔۔۔دوسری طرف اسکے لبوں سے اقرار سنتے اسامہ کا دل شدتوں سے دھڑک اٹھا۔۔

” گڈ۔۔۔۔۔ویری گڈ۔۔۔۔مگر نکاح ابھی ہو گا۔۔۔۔۔سو تیار ہو جائو ۔۔۔۔۔۔”

سلگتی نظروں سے اسکے چہرے کو دیکھتے وہ سرد لہجے میں بول کر رکا نہیں تھا ۔۔۔۔اور پیچھے وہ اس ستمگر کی سفاکی کو یاد کرتی بلک اٹھی۔۔۔۔۔۔۔

” زرنین ریحان ولد ریحان مرزا کیا آپکو ذوالنون اسامہ ولد ابراہیم جبیل سے پچاس لاکھ حق مہر سکہ رائج الوقت نکاح قبول ہے؟؟۔۔۔۔۔۔”

مولوی صاحب کی آواز اسکی سماعتوں میں سیسہ انڈیل گئی۔۔۔۔چادر سے ڈھکے وجود نے سختی سے آنکھیں میچتے اس پل اپنی دھڑکنوں کے رک جانے کی دعا بڑی شدت سے کی تھی۔۔۔۔کتنے ہی آنسو بے مول ہوتے اسکی پلکوں کی دہلیز پھلانگتے گالوں پر بہہ آئے۔۔۔

اسکی جانب سے اٹھتا سکوت ذوالنون کو اندیکھے خدشوں میں گھیر گیا۔۔۔۔۔ اسے دیکھتے اسکی سیاہ آنکھوں بے چینی ہلکورے لے رہی تھی۔۔۔۔۔۔۔

” بیٹا جواب دیں۔۔۔۔کیا آپکو ذوالنون اسامہ ولد ابراہیم جبیل سے پچاس لاکھ حق مہر سکہ رائج الوقت نکاح قبول ہے؟؟۔۔۔۔۔۔”

مولوی صاحب ملاہت سے اپنا سوال دہراتے اسے مزید اذیت کی بھٹی میں سلگا گئے۔۔۔۔۔۔خلق میں تیزاب کی مانند پھنسے آنسوئوں کو نگلتے اسکے لب دھیرے سے ہلے۔۔۔۔۔۔

” قب۔۔۔قبول ہے۔۔۔۔۔”

تھکے تھکے لہجے میں بولتے جہاں وہ اسامہ کو سرشار کر گئی تھی۔۔۔وہیں خود کی دھڑکنیں رک گئیں تھیں۔۔۔۔بھوری آنکھوں میں تڑپ٫اذیت اور درد کا الگ ہی جہاں آباد تھا۔۔۔۔۔۔دل میں اٹھتے درد کو سہتے وہ لب بھینچ کر آنکھیں موندتی سر ساتھ بیٹھی بوا کے شانے پر ٹکا گئی۔۔۔۔۔۔