Ramaad Al Hubb by Sara Shah readelle50009 Episode 13

” اترو۔۔۔”

پارکنگ میں گاڑی رکتے ہی اسکی بھاری آواز اسکی سماعتوں سے ٹکراتی اسے چونکنے پر مجبور کر گئی۔۔۔۔وہ ہوش میں آتی سرعت سے اپنی چادر سنبھالتی نیچے اتری۔۔۔۔تب تک اسامہ بھی ڈرائیونگ سیٹ سے اتر چکا تھا۔۔۔۔

” اللہ خافظ۔۔۔۔”

اسکے کچھ کہنے سے پہلے وہ بنا پیچھے مڑے تیزی سے بولتی گیٹ کی طرف لپکی۔۔۔جبکہ وہ اسکی پھرتی پر عجیب سے احساس سے دوچار ہوتا وہیں کھڑا اسکا لہراتا گرے آنچل دیکھتا رہ گیا۔۔۔۔۔

” ہئیے برو۔۔۔کیا ہوا؟؟۔۔کونسے مراقبے میں گم ہو؟؟۔۔”

وہ لایعنی سوچوں کے حصار میں گم ساکت کھڑا تھا جب پارکنگ میں حیدر کی کار آکر رکی۔۔۔۔۔وہ اسے یوں بت بنا دیکھ کر چونکا۔۔۔۔۔۔

” ہمم؟؟۔۔نتھنگ یار ایسے ہی۔۔۔۔”

اسکے سوال کو گول کرتا وہ سرجھٹک کر آگے بڑھا۔۔۔لیکن عقب سے ابھرتی حیدر کی آواز نے اسے ساکت کر دیا تھا۔۔۔

زری کے بارے میں سوچ رہے تھے؟؟۔۔۔”

اسے حیدر سے اتنے ڈائریکٹ سوال کی امید نہیں تبھی ایک پل کو تھم سا گیا تھا۔۔۔۔۔۔گلے میں گلٹی ڈوب کر ابھری تھی۔۔۔۔۔۔

” وہ اسامہ ابراہیم کے لیے اتنی اہم نہیں ہے کہ میری سوچوں پر قابض ہو جائے۔۔۔۔۔۔۔”

سامنے دیکھتے وہ بے تاثر لہجے میں بولا۔۔۔سیاہ آنکھیں کناروں سے سرخ تھیں۔۔۔۔۔۔اسکا کمزور لہجہ حیدر کو مسکرانے پر مجبور کر گیا۔۔۔۔۔۔وہ اسے اندر سے جانتا تھا تبھی تو اسکے لہجے میں چھپی نفی اسے محظوظ کر گئی۔۔۔۔۔وہ اس سے زیادہ خود کو تسلی دے رہا تھا۔۔۔۔۔

” ہمم۔۔۔لیکن دل پر تو قابض ہو سکتی ہے نا؟؟۔۔”

اسکی پشت پر نظریں گاڑے اب کی بار اسکا لہجہ پر یقین تھا۔۔جس نے اسامہ کو عجیب سے احساس سے دوچار کر دیا۔وہ بری طرح ڈسٹرب ہوا۔۔۔۔۔تبھی تو وہ فوری طور پر انکار نا کر سکا ۔۔۔۔۔۔۔

” واٹ ربش حیدر ۔۔۔۔آئیندہ ایسی فضول باتیں مت کرنا۔۔۔۔انڈرسٹینڈ۔۔۔۔”

دھیرے سے سرزنش کرتے وہ مزید اسکے سوالوں سے بچنے کے لیے لمبے ڈاگ بھرتا گیٹ کراس کر گیا۔۔۔اسکی پشت کو دیکھتے حیدر کے لبوں پر جاندار مسکراہٹ رقم تھی۔۔۔۔۔یوں جیسے وہ اسکا بھید پا گیا ہو۔۔۔۔۔۔

” ہوں؟۔۔۔کیا بنا بخش۔۔۔۔”

کافی دیر بعد بخش کے آنے تک وہ خود کو سنبھال چکا تھا۔۔۔تبھی مصروف سے لہجے میں استفسار کیا۔۔۔۔مغرور نظریں فائل پر مرکوز تھیں۔۔۔۔بخش اسکے سوال پر سرعت سے اسے تمام حالات سے آگہی دے گیا۔۔۔۔۔ایک پل کے لیے تو خود ذوالنون بھی سوچ میں پڑ گیا۔۔۔ابھی کچھ عرصہ پہلے ہی تو وہ وہاں سے ہو کر آیا تھا۔۔۔۔تب تو حالات اتنے خراب نہیں تھے۔۔۔پھر اچانک اتنی نازک سیچویشن؟؟؟؟

” ہمم۔۔۔تم ایسا کرو اس فرائیڈے کی ٹکٹ بک کروا لو۔۔۔۔۔ہم فوری طور پر وہاں جائیں گے۔۔اوکے۔۔۔۔۔”

کچھ توقف سوچنے کے بعد وہ اسے حکم دیتا فائل میں گم ہو گیا۔۔۔۔ یہ اشارہ تھا کہ اب وہ جا سکتا ہے۔۔۔۔تبھی وہ سر کو خم دیتا مڑ کر باہر نکل گیا۔۔۔۔۔۔

” پرنس بیٹے۔۔۔۔”

وہ یونی سے لوٹ کر سیدھا اپنے کمرے کی طرف بڑھ رہا تھا کہ عقب سے ابھرتی عصرہ بیگم کی آواز اسے طیش میں مبتلا کر گئی۔۔۔ریلنگ پر ہاتھ رکھتے وہ کافی مشکل سے مڑا۔۔۔۔۔ورنہ دل تو وہاں سے بھاگ جانے کو کر رہا تھا۔۔۔۔

” یس؟؟۔۔۔۔”

ان کی مسلسل محویت پر وہ جبڑے کسے بمشکل بول پایا۔۔۔اسکی آواز پر وہ بے ساختہ چونکیں۔۔۔ماتھے پر کئی بل سجائے،لب بھینچے وہ جیسے ضبط کی حدوں پر تھا۔۔۔۔۔ماتھے کی پھڑکتی رگ اسکے اشتعال کی گواہ تھی۔۔۔۔۔۔اسے دیکھتے عصرہ بیگم کے اندر زمانوں کی تھکن امڈ آئی۔۔۔۔۔۔۔

” شام کو مسٹر آصف کے گھر پارٹی ہے ۔۔۔مجھے خوشی ہو گی آگر آپ ساتھ چلیں تو؟؟۔”

اسکے وجیہہ چہرے کو دیکھتے وہ محبت سے لبریز لہجے میں بولیں۔۔۔۔آنکھوں میں اسکے لیے ممتا اور محبت تھی۔۔۔۔۔۔

” نو۔۔۔۔مجھے کوئی انٹرسٹ نہیں ہے اس سب میں۔۔۔۔۔اور کچھ؟؟؟۔”

انکی بات مکمل ہوتے ہی وہ سرعت سے انکار کر گیا۔۔۔۔۔۔۔۔اسکا انکار اتنا دوٹوک تھا کہ عصرہ بیگم کا چہرہ پل میں پھیکا پڑا۔۔۔۔۔وہ ایسا ہی تھا بد لحاظ اور بے مروت ۔۔۔۔

” نہیں۔۔۔۔”

اسکی سیاہ آنکھوں میں اپنے لیے نفرت کا جہاں آباد ہوتے دیکھ وہ افسردگی سے بولتیں اسے دیکھتیں رہ گئیں جو تیزی سے سیڑھیاں پھلانگتا بنا پیچھے مڑے اپنے کمرے میں بند ہو گیا تھا۔۔۔۔۔۔

اسکے کمرے تک کا فاصلہ اتنا زیادہ تو نہیں تھا۔۔مگر انھیں یہ فاصلہ صدیوں کا لگ رہا تھا۔۔۔جسے پاٹنا انکے بس کی بات نہیں تھی۔۔۔۔۔آنکھیں پانیوں سے بھرتیں بے آواز اپنے قیمتی اشک اسکے گالوں پر بہاتیں بے مول کر رہیں تھیں۔۔۔۔۔۔۔۔

” آپ کا ہتک آمیز رویہ مجھے کند چھری سے ذبخ کرتا ہے پرنس۔۔۔۔۔۔”

اپنے آنسو صاف کرتے وہ مدھم سا بڑبڑاتیں مڑ کر کچن کی طرف بڑھ گئیں۔۔۔۔۔

” ہاں بول؟؟۔۔۔کیا ہوا؟؟۔”

کمرے میں آتے ہی اسکا موڈ حیدر کی کال نے ٹھیک کر دیا ورنہ تو عصرہ بیگم کا سامنا اسے ہر بار آپے سے باہر کر دیتا تھا۔۔۔۔اور ایسے وقت میں وہ خود سمیت ہر چیز کو توڑ پھوڑ دیتا تھا۔۔۔لیکن ابھی حیدر کا فون کسی نعمت سے کم نہیں تھا۔۔۔۔اپنی کنپٹیاں دباتے وہ صوفے پر گرتا اسے سن رہا تھا ۔۔۔۔۔۔

” یار حبا کہہ رہی تھی زری کے گھر کوئی پارٹی ہے۔۔۔جس کی وجہ سے وہ جلدی چلی گئی تھی۔۔۔۔۔۔۔۔۔”

اسنے حبا سے سنی تمام بات اسکے گوش گزار دی جاے سن کر وہ چونکا۔۔۔۔۔آف ٹام اسنے اسے ڈھونڈا تو پتا چلا کہ وہ گھر جا چکی تھی۔۔۔۔حیدر کو اسنے حبا سے معلومات نکلوانےکا کہا۔۔۔جو اسنے اب اسے بتا دیں تھیں۔۔۔۔۔

” وہ جائے گی؟؟؟۔۔۔”

اپنی داڑھی نوچتے وہ دھیرے سے بولا۔۔۔۔۔

” بول رہی ہے نہیں جائے گی۔۔۔۔۔اسکی کزن فاریہ آصف نام ہے ۔۔۔اس سے حبا کی نہیں بنتی تو اسلیے وہ وہاں نہیں جائے گی۔۔۔۔۔”

اسامہ کے سوال پر اسنے تفصیل سے ساری بات اسے بتائی جا پر اسکے آبرو بے ساختہ ستائشی انداز میں اٹھے۔۔۔۔۔۔

” ہممم۔۔۔گڈ جاب بڈی۔۔۔۔شام کو ملتے ہیں۔۔۔۔چل رکھتا ہوں۔۔۔۔رک رک۔۔۔۔۔۔بات سن ابھی تو نے کیا بولا۔۔۔فاریہ آصف رائیٹ۔۔۔۔”

نرمی سے مسکراتے وہ اسکی تعریف کرتا فون رکھنے ہی لگا تھا کہ آصف نام پر بے ساختہ چونکا۔۔۔۔۔۔اگر وہ ابھی عصرہ بیگم سے یہ نام سن کر نا آتا تو کبھی نا چونکتا۔۔۔لیکن ایک ہی نام کے دو لوگوں کے گھر پارٹی ہونا کوئی اتفاق نہیں ہو سکتا۔۔۔تبھی کنفرمشن چاہی۔۔۔۔جس پر بے ساختہ حیدر حیران ہوا۔۔۔۔۔

” ہاں فاریہ آصف نام بتایا ہے۔۔۔۔باپ کا نام آصف احمد ہے بزنس ٹائیکون ہے۔۔۔ ماموں ہے وہ زری کا۔۔۔۔۔”

حیدر کی دی گئی انفارمیشن اسامہ کو مسرور کر گئی۔۔۔۔جاندار مسکراہٹ اسکے لبوں کو گھیر گئی۔۔۔۔۔سیاہ آنکھیں چمک اٹھیں تھیں۔۔۔۔

” ویل ڈن حیدر شام کو ریڈی رہنا۔۔۔ہم انکی پارٹی میں جا رہے ہیں۔۔۔۔۔میں 8 بجے تجھے پک کر لوں گا ۔۔۔۔گڈ بائے۔۔۔۔”

وہ نہیں جانتا تھا کہ اسے کیا ہوا تھا۔۔۔لیکن انکی پارٹی میں جانے کا پلان وہ اچانک بنا بیٹھا تھا۔۔۔۔۔۔دل مسرور سا تھا۔۔۔سیاہ آنکھیں چمک رہیں تھیں جبکہ عنابی لب دھیرے سے مسکرا رہے تھے۔۔۔۔۔۔۔۔

” ہمم۔۔۔۔سی یو ٹونائیٹ نین ڈئیر۔۔۔”

فون بیڈ پر پھینکتے وہ گہرا مسکراتا گنگناتے ہوئے واشروم کی طرف بڑھ گیا۔۔۔۔۔۔

آج جو کچھ بھی ہوا تھا اسنے اسے بلکل بدہواس کر دیا تھا۔۔اسکا غصہ،اسکی نرمی، اسکا جانلیوا لمس اور اسکی دہکتی قربت اس سب نے اسے بلکل بے بس کر دیا تھا۔۔۔۔۔یہ تو وہ اول روز سے جا گئی تھی کہ وہ اسکے دل کا دروازہ دھڑلے سے کھولتا بڑی شان سے اسکے دل کے ایوانوں پر قابض ہو چکا تھا۔۔۔۔۔۔۔۔

اسکی سیاہ آنکھوں کے حصار میں وہ اول روز ہی قید ہو گئی تھی۔۔۔۔۔۔مگر آج انتہا ہو گئی تھی۔۔۔۔۔ اسے محبت تھی اسامہ ابراہیم سے اور یہ سب اسے مزید بوکھلا رہا تھا۔۔۔۔۔دل میں خدشے بھی پنپ رہے تھے۔۔ مگر وہاں رقص کرتی اسکی محبت بھی اسکا دل گداز کر رہی تھی۔۔۔۔۔۔

اب تو ایسا لگ رہا تھا جیسے وہ اسکی روح میں سرائیت کرتا جا رہا تھا۔۔۔اسکی محبت رگ رگ میں بہتی اسے سرشار کر رہی تھی۔۔۔

” زرنین ریحان کو تم سے محبت ہے اسامہ ابراہیم۔۔۔۔۔۔ بے حد و حساب۔۔۔۔”

بھوری آنکھوں کی چمک نرالی تھی۔۔۔اور لہجے میں محبت کی تڑپ پنپ رہی تھی۔۔۔۔ایک سلگتا احساس ہلکورے لے رہا تھا جس نے زری کا پور پور دہکا دیا۔۔۔۔۔

بلیک لمی میکسی میں بالوں کو نفیس سے حجاب میں قید کیے ہلکا پھلکا میک اپ کیے دلکشی کی حدوں کو چھوتی وہ اسامہ ابراہیم کی نگاہوں کو جکڑ گئی۔۔۔۔

دلکشی و رعنائی کا پیکر وہ سیدھا اسکے دل پر بجلیاں گرا گئی تھی۔۔۔پاکیزگی اور نور کا ملا جلا ملاپ اسامہ کو ساکت کر گیا تھا۔۔۔۔۔دل کہیں اندر سینے کے پنجرے میں پھڑپھڑاتا زخمی پرندے کی مانند تڑپ رہا تھا۔۔۔۔۔۔سیاہ آنکھیں اسکے چمکتے روپ پر مرکوز تھیں۔۔۔۔۔اپنے دل کی بدلتی کیفیت اسے عجیب سے احساس سے دوچار کر گئی تھی۔۔۔جس پر وہ بے ساختہ لب بھینچ گیا۔۔۔۔۔۔