Ramaad Al Hubb by Sara Shah readelle50009 Episode 20

” کہاں ہے وہ ایمپلوئے؟؟۔۔۔”

شام کے 4 بج رہے تھے جب وہ بخش کو دیکھ کر بولا۔۔۔۔پورا دن اسکا سپوئل ہو گیا تھا اس لڑکی کی وجہ سے کیسے ممکن تھا کہ وہ اسکی یاداشت سے محو ہو جاتی۔۔۔۔۔۔

” سر وہ اپنے کیبن میں ہے۔۔۔۔میں بلا دیتا ہوں۔۔۔۔”

اسے اپنے کف موڑتے دیکھ وہ سرعت سے بولا۔۔۔کہ ذالنون نے ہاتھ اٹھا کر منع کرتے اپنی وہیل چئیر کو موڑا۔۔۔۔۔۔

بخش میں معیت میں چلتے وہ اسکے کیبن کے باہر آکر رکا۔۔۔۔

” ہمم تم جائو گاڑی نکالو میں تھوڑی دیر تک آتا ہوں۔۔۔۔”

بخش کو حکم دیتے وہ دروازہ دکھیل کر اندر داخل ہوا۔۔۔دستک کی زحمت اسنے نہیں کی تھی۔۔۔۔۔اور یہ دستک نا دینا اسے کتنے بڑے دھچکے سے دوچار کرنے ولا تھا یہ بات وہ نہیں جانتا تھا۔۔۔۔۔۔۔

وہ منہ ہاتھ دھو کر باہر نکلی تھی۔۔۔۔سکارف سامنے چئیر پر پڑا تھا۔۔۔۔۔تولیے سے منہ تھپتھپاتے وہ خود کو کفی حد تک سنبھال چکی تھی۔۔۔ورنہ جو کچھ آج اسنے دیکھا تھا اسکی دھڑکنیں ایک پل کے لیے رک سی گئیں تھیں۔۔۔۔۔

دروازہ کھلنے کی آواز پر اسنے چونک کر سامنے دیکھا تو ساکت رہ گئی۔۔۔۔۔

اور پتھر کے مجسمے میں تو سامنے والا بھی ڈھل گیا تھا۔۔۔۔۔۔اسکے چہرے کو دیکھتے ذوالنون کی دھڑکنیں رک گئیں۔۔۔۔۔۔سیاہ آنکھیں بے یقینی سے پھیلیں اسکے بے ریا چہرے پر ساکت تھیں۔۔۔۔۔۔

اسے یوں زندہ اپنے اپنے سامنے کھڑے دیکھ کر ایک پل کے لیے دل لرزا کہیں خواب ہی نا ہو لیکن جب اسے بوکھلا کر اپنے سکارف کی طرف بھاگتے دیکھا تو دل کو قرار سا آیا۔۔۔۔معجزے دنیا میں بھی ہوتے ہیں اس بات پر آج یقین کامل ہوا تھا۔۔۔۔۔۔ذوالنون کے لیے معجزہ ہو گیا تھا۔۔۔۔۔اور یہ معجزہ دل کو اتنا لرزا رہا تھا کہ ایک پل کے لیے وہ پیسنے سے نہا گیا۔۔۔پورا بدن کپکپا اٹھا تھا۔۔۔۔۔۔

اور ادھر وہ بوکھلا کر اپنا سکارف سیدھا کرتی باہر کی طرف بھاگی۔۔۔اسے اس سے دور جانا تھا وہ صرف اتنا جانتی تھی۔۔۔لیکن وہ دروازے میں استادہ تھا۔۔۔فرار ناممکن تھی۔۔۔۔۔۔اپنی کلائی اسکی مضبوط گرفت میں محسوس کرتے وہ پتھر کے مجسمے میں ڈھل گئی۔۔۔۔۔۔

” کیا تم نے سانس کا رکنا محسوس کیا ہے نیناں؟؟۔۔۔۔”

اسکی کلائی تھامے وہ دھیرے سے بولتا حقیقتا فاطمہ کی سانسیں روک گیا۔۔۔۔۔۔

ناجانے اسے غفلت میں گئے کتنا وقت ہو گیا تھا۔۔لیکن اب جب آنکھ کھلی تو سر درد سے پھٹ رہا تھا۔۔۔۔۔کافی دیر چھت کو ناسمجھی سے دیکھتے وہ حواسوں میں آنے کی کوشش کر رہی تھی۔۔۔۔۔ذہن تھوڑا خاضر ہوا تو خود پر بیتی قیامت کا سوچتے زری کا دل پوری قوت سے سکڑ کر پھیلا تھا۔۔۔۔۔

جھٹکے سے اٹھ کر بیٹھتے اسنے سر کو تھامتے سامنے دروازے کو دیکھ کر اٹھنا چاہا مگر اعصاب اتنے مفلوج تھے کہ ایک قدم لینا محال تھا۔۔۔۔واپس بیڈ پر گرتے اسکی بھوری آنکھیں پانیوں سے بھرتیں چلیں گئیں۔۔۔۔۔

گھڑی پر نظر دوڑائی تو 7 بج رہے تھے۔۔۔وہ جب یہاں آئی تھی تو شام کے 8 بجے تھے۔۔۔اب ناجانے صبح کے 7 تھے یا رات کے جاننا مشکل تھا کیونکہ پورا کمرہ دبیز پردوں سے ڈھکا ہوا تھا۔۔۔۔۔گزرے وقت کا سوچتے اسکا دل آتھا گہرائیوں میں ڈوب کر ابھرا۔۔۔۔۔

” اسامہ کہاں ہیں؟؟۔۔وہ ضرور باہر ہوں گے۔۔۔۔ابھی آجائیں گے۔۔۔وہ۔۔۔وہ بھلا میرے ساتھ ایسا کیوں کریں گے؟؟وہ تو مجھ سے مم۔۔۔محب۔۔۔محبت کرتے ہیں۔۔۔۔۔۔”

خود کو جھوٹی تسلی دیتے اسکی آنکھیں بری طرح بھیگ گئیں۔۔۔۔

وہ نہیں جانتی تھی کہ اسکے ساتھ ہوا تھا۔۔۔۔وہ جوس پی رہی تھی کہ اعصاب مفلوج ہو گئے۔۔۔آنکھیں بند ہونے سے پہلے اسنے اسامہ کا چہرہ دیکھا تھا۔۔۔۔لیکن حماقت کی انتہا تھی کہ دل کے لرزنے کے باوجود وہ یہ ماننے سے انکاری تھی کہ یہ سب اسامہ نے کیا تھا۔۔۔۔

دماغ ملامت کر رہا تھا لیکن نادان دل ماننے سے انکاری تھا۔۔۔۔۔دل اب بھی اسے دغا باز کا کلمہ پڑھ رہا تھا جس کی دغا بازی کی گواہی ہر چیز دے رہی تھی۔۔۔۔۔

اپنے بھیگے گال صاف کرتے وہ سرعت سے اٹھی اور دیوار کا سہارا لیتی کھڑکی تک آئی۔۔۔پردہ سرکایا تو رات کا سناٹا ہر سو پھیلا ہوا تھا۔۔۔۔

باہر پھیلے اندھیرے کو دیکھتے اسکا دل ایک پل کو رکا ۔۔۔اگلی رات کے 7 بج رہے تھے۔۔۔۔یعنی رات گزر چکی تھی۔۔۔اور یہ گزری رات زری کی زندگی اندھیروں کی سیاہی سے بھر گئی تھی اس بات میں کوئی شبہ نہیں رہا تھا۔۔۔۔۔۔

اپنی امی کا خیال آتے ہی وہ بری طرح ہراساں ہو کر دروازے کی طرف بھاگی۔۔۔۔دروازہ کھولنا چاہا مگر وہ لاک تھا۔۔۔۔آنسوئوں سے روتے وہ چلائی۔۔۔۔۔

” کھولو دروازہ۔۔۔پلیز کھولو دروازہ۔۔۔۔اسامہ۔۔۔اسامہ پلیز دروازہ کھولیں۔۔۔میری امی مر جائیں گیں۔۔۔۔۔اسامہ۔۔۔۔۔۔”

ہچکیوں سسکیوں سے روتے وہ گڑگڑائی۔۔۔۔۔لیکن باہر پھیلی خاموشی گواہ تھی کہ باہر کوئی موجود نہیں تھا۔۔۔۔۔اور یہ خاموشی اسکا دل چیر رہی تھی۔۔۔۔۔

گزشتہ گزری رات اسکی ماں اور اسکے کردار پر کتنی سیاہی ملنے والی تھی یہ بات وہ بخوبی جانتی تھی۔۔۔۔۔۔زاہدہ بیگم کا بے ریا چہرہ یاد آتے ہی وہ تڑپ اٹھی۔۔۔وہ جانتی تھی کہ وہ برداشت نہیں کر پائیں گی۔۔۔۔۔

” دروازہ کھولو۔۔۔خدا کے لیے کوئی تو مجھے یہاں سے جانے دو۔۔۔”

لرزتے بدن اور بے جان ہوتی ٹانگوں سے وہ سسکتی فرش پر بیٹھتی چلی گئی۔۔۔۔۔بھوری آنکھیں سمندر بنی ہوئیں تھیں۔۔۔۔۔۔

مدھم کلک کی آواز پر وہ سرعت سے سیدھی ہوئی اور اٹھ کر پیچھے ہٹی۔۔۔۔۔دروازہ کھلتے ہی سامنے نظر آتے چہرے نے ایک پل کے لیے اسکی سانس روکی۔۔۔۔

” ہیلو ڈارلنگ۔۔۔۔کیسی ہو؟؟۔۔۔ رات کیسی گزری؟؟۔۔۔۔”

پینٹ کی پاکٹس میں ہاتھ پھنسائے وہ طنزیہ مسکان لبوں پر سجائے بولا۔۔۔۔چہرہ بے تاثر تھا یعنی وہ اس سب سے بے نیاز تھا۔۔۔اور اسکی اتنی سنگدلی اور بے نیازی پر زری کی آنکھیں پھیل گئیں۔۔۔دھوکہ!!!!

یعنی جس چیز کی گواہی اسکا دل و دماغ دے رہا تھا وہ سچ تھی۔۔۔۔۔یہ سب اسی ستمگر نے کیا تھا جو اسکے دل کے تخت پر براجمان تھا۔۔۔۔

” یہ۔۔۔یہ سب آپ۔۔نے۔ آ۔۔۔آپ تو محبت۔۔۔۔پھر یہ۔۔۔کیوں۔۔۔۔”

بمشکل بولی تو لہجہ بے ترتیب تھا۔۔۔۔پلکیں بری طرح بھیگیں تھیں۔ ۔اسکی یہ حالت دیکھ کر دل میں کسک سی جاگی لیکن پھر اپنا مقصد یاد آتے ہی لبوں کی مسکان گہری ہوئی۔۔۔۔۔۔

” آفکورس مائی لیڈی یہ میں نے ہی کیا ہے۔۔۔اور محبت۔۔۔کونسی محبت؟؟۔۔۔میں تو تم سے کوئی محبت نہیں کرتا۔۔۔اور جانتی ہو میں نے یہ سب کیوں کیا؟؟۔۔۔۔وہ تھپڑ تو یاد ہو گا نا جو تم نے سرے عام مجھے مارا تھا۔۔۔۔۔۔ بس تمہیں یہی بتانا تھا کہ اپنی اوقات سے باہر ہونا بعض دفعہ بہت مہنگا پڑ جاتا ہے۔۔۔۔۔”

اپنے خوبصورت لہجے میں وہ صور پھونک رہا تھا اسکے کانوں میں۔۔۔۔۔۔وہ صم سادھے اسے انگارے برساتا دیکھ رہی تھی۔۔۔۔۔

کوئی بت تھا جو پاش پاش ہوا۔۔۔کوئی دل تھا جو بلندی سے گرتے ٹکڑوں میں بٹ گیا۔۔۔۔۔۔۔کبھی نا جڑنے کے لیے۔۔۔۔۔۔آنسو ٹھٹھڑ کر پلکوں کی دہلیز پر رک گئے۔۔۔۔۔۔

وہ ساکت سی اسکی سیاہ آنکھوں میں نفرت دیکھ رہی تھی۔۔۔۔۔

ان آنکھوں میں اسکے لیے محبت ہوا کرتی تھی۔۔۔تو اب کیسے مان لیتی وہ کہ وہ اس سے نفرت کرتا تھا۔۔۔۔۔۔اور ایک معمولی تھپڑ کا اتنا بڑا کفارہ۔۔۔۔۔۔

” تو جو تھا وہ سب دھوکہ تھا؟؟۔۔۔۔۔”

سب کچھ واضع تھا لیکن وہ پھر بھی تصدیق چاہتی تھی۔۔۔۔۔۔اسکی غیر ہوتی حالت اور اسکا سوال ایک پل کے اسامہ کو ساکت کر گیا۔۔۔۔۔۔کیا کچھ نہیں تھا ان بھورے نینوں میں۔۔۔۔۔۔۔

اسکی سپید رنگت،پتھرائی آنکھیں اور کپکپاتے لب کچھ بھی تو نظرانداز کیے جانے کے قابل نا تھا۔۔۔۔مگر سامنے اسامہ ابراہیم تھا۔۔۔۔جو اپنی انا کو ہر چیز سے عزیز رکھتا تھا۔۔۔۔۔کیسے ممکن تھا اب ہار جاتا۔۔۔۔۔

” یس مائی ڈارلنگ۔۔۔سب جھوٹ تھا۔۔۔تم جیسی لڑکی سے محبت ہو بھی کیسے سکتی ہے جو ایک نامحرم کے بلاوے پر رات کے اندھیرے میں اسکے پاس چلی آئے۔۔۔۔۔ “

تلخی سے بولتے وہ زری کو نیلو نیل کر گیا تھا۔۔۔۔الفاظ نہیں تھے وہ۔۔۔زہر میں بجھے تیر تھے جو ٹھک سے اسکے سینے میں پیوست ہوئے۔۔۔اب تک تو اسے ڈھے جانا چاہیے تھا۔۔۔۔اتنی تذلیل اتنی بے عزتی۔۔۔۔لیکن وہ تو اپنے قدموں پر کھڑی اسکی سیاہ آنکھوں میں دیکھ رہی تھی جہاں اب بھی اسکا عکس تھا۔۔۔۔۔۔۔

” جھوٹ بول رہے ہیں آپ۔۔۔۔آپ نفرت کیسے کر سکتے ہیں مجھ سے۔۔مجھے آپ سے محبت ہے تو پھر آپ کو نفرت کیسے ہو سکتی ہے؟؟۔۔۔”

اسکے لب بے یقینی سے پھڑپھڑائے۔۔۔۔۔۔دل اب بھی انکاری تھا۔۔۔لہو لہو ہو کر بھی وہ اسی ستمگر کا کلمہ پڑھ رہا تھا۔۔۔۔۔۔۔۔

” او کم آن۔۔۔۔ڈونٹ بی سلی۔۔۔۔۔”

اندر سے بے چین ہوتے سرعت سے نظریں چراتے وہ بے زاری سے بولا۔۔۔۔۔۔

” نن۔۔نہیں اسامہ۔۔۔۔کہیں آپ مجھ سے محبت کرتے ہیں۔۔۔۔۔”

آگے بڑھ کر اسکا گال تھامتے وہ اتنی یاسیت اور امید سے بولی کہ ایک پل کو اسامہ کا دل بھی ڈگمگایا۔۔۔۔اسکی بھیگی بھوری آنکھوں میں دیکھتے وہ ساکت رہ گیا۔۔۔۔

” نیور ۔۔۔مجھے تم سے محبت ہو ہی نہیں سکتی۔۔۔۔۔خود کو دیکھا ہے کبھی۔۔۔۔۔اگر خود کو غور سے دیکھ لیتی تو کبھی کبھی اسامہ ابراہیم کی محبت کی طلبگار نا ہوتی۔۔۔۔۔”

اسکا ہاتھ جھٹکتے وہ اتنی شدت سے بولا کہ زری کی روح تک فنا ہو گئی۔۔۔۔۔۔۔اسنے اتنی بے دردی سے اسکے دل پر پیر رکھا تھا کہ اسکی آنکھیں نمکین پانیوں سے بھرتیں چلیں گئیں۔۔۔۔۔۔۔لڑکھڑا کر سنبھلتے اسنے تڑپ کر اسکا چہرہ دیکھا جو بے تاثر تھا۔۔۔لیکن سیاہ آنکھوں جنون ہلکورے لے رہا تھا۔۔۔۔۔ ۔کیوں تھا وہ اتنا سفاک؟؟۔۔۔

” سہی کہا تم نے۔۔۔۔مجھ جیسی لڑکیوں کو محبت نہیں بلکہ رسوائیاں ملتیں ہیں۔۔۔۔ہم لڑکیاں جب بھی اللہ کی بنائی حدود توڑتی ہیں ہمارے ساتھ ایسا ہی ہوتا ہے۔۔۔۔۔۔نامحرم کی محبت رسوائی ہے دنیا میں بھی اور آخرت میں بھی۔۔۔لیکن ہم کہاں سمجھتی ہیں۔۔۔۔تبھی تو یوں رسوا ہوتی ہیں ۔۔۔۔۔۔ قصور تمہارا نہیں ہے اسامہ ابراہیم۔۔۔۔۔۔بلکہ سارا قصور میرا ہے۔۔۔۔۔اور جو کچھ میرے ساتھ ہوا ہے وہی ہونا چاہیے تھا کیونکہ میں نے بے حیائی اور گمراہی کا راستہ چنا تھا۔۔۔۔۔۔۔۔”

لرزتے لہجے میں روانی سے بولتے وہ اسامہ کو پتھرکر گئی۔۔۔۔۔ساکت نظروں سے وہ اسکا چہرہ دیکھتا رہ گیا جہاں اذیت درد کی انوکھی داستان رقم تھی۔۔۔۔۔۔لہجے کی تڑپ اور آنکھوں کا درد مار ڈالنے کی حد تک اذیت ناک تھا تبھی بے جان ہوتے قدموں سے وہ زمین پر بیٹھتی پھوٹ پھوٹ کر روتی چلی گئی۔۔۔۔۔۔ندامت،دکھ،اذیت کیا کچھ نہیں تھا جو وہ محسوس نہیں کر رہی تھی۔۔۔۔۔

وہ پتھرائی نظروں سے اسے اپنے قدموں میں جھکا ہوا دیکھ رہا تھا۔۔۔۔۔۔دل سینے کی دیواریں توڑ کر باہر آنے کی کوششوں میں زخمی پرندے کی طرح تڑپ رہا تھا۔۔۔۔۔۔۔سختی سے لب بھینچے وہ خود پر ضبط کیے بڑی مشکل سے کھڑا تھا۔۔۔۔انتقام خوشی کہاں دیتا ہے۔۔۔۔کم از کم اسامہ کو آج پتا چل گیا تھا۔۔۔۔۔۔

” ہممم بس کرو ۔۔۔اپنی شال اٹھائو تمہیں گھر چھوڑ آئوں۔۔۔۔۔”

بھاری ہوتی آواز سے وہ بمشکل بولا۔۔۔جبکہ اسکی بات پر زری نے تڑپ کر اسکا چہرہ دیکھا۔۔۔ وہ بے ساختہ نظریں چرا گیا۔۔۔۔۔۔۔۔

” مجھے زندہ گاڑ دو لیکن مجھے کہیں نہیں جانا۔۔۔۔۔مجھ۔۔۔مجھے جان سے مار دو اسامہ۔۔۔۔۔”

اسکے پیروں پر نظریں جمائے وہ دیوانگی کے عالم میں بولتی اسے عجیب سے احساس سے دوچار کر گئی۔۔۔۔۔سرخ جوڑے میں دوپٹہ سے بے نیاز وہ بال بکھرائے اسکے قدموں میں بیٹھی فریاد کناں تھی۔۔۔۔۔

اسے یوں بے حال ہوتا دیکھ کوئی سوئی سی چبھی تھی دل میں۔۔۔۔سیاہ آنکھیں دہک اٹھیں۔۔۔اسکی بات کے پیچھے جو مقصد تھا وہ بخوبی اسامہ تک پہنچا۔۔۔۔۔اس نے آج تک اسے چھونے کی غلطی بھی نہیں کی تھی تو آج اسکا ایسا کہنا کہاں برداشت تھا۔۔۔۔۔۔

” دماغ درست ہے تمہارا؟؟۔۔۔۔۔کیا بکواس کر رہی ہو؟؟۔۔۔فورا شال اٹھائو اپنی تاکہ میں تمہیں اپنے گھر چھوڑ آئوں۔۔۔۔۔کم آن ہری آپ۔۔۔۔۔”

کہنی سے کھینچ کر اٹھاتے وہ اسے اپنے مقابل کرتا بولا نہیں غرایا تھا۔۔۔۔۔اسے یوں غیض و غضب کا شکار ہوتا دیکھ زری سانس لینا بھول گئی۔۔۔۔۔۔زبان تالو سے جا چپکی تھی۔۔۔۔۔۔اسکے چھوڑتے ہی وہ کسی معمول کی طرح بیڈ کی طرف گئی۔۔۔اور اپنی شال اٹھائی۔۔سکارف لپیٹا اور جوتے پہنے۔۔۔اس دوران اسکی آنکھیں آنسو بہاتیں رہیں۔۔۔۔۔۔

جبکہ وہ اس سب سے بظاہر بے نیاز بنا سیگریٹ پھونک رہا تھا ۔۔۔لیکن اندر کیا طوفان مچے تھے یہ صرف وہ جانتا تھا۔۔۔اسے ساکت و جامد کھڑا دیکھ کر وہ خود ہی آگے بڑھا اور اسکی کلائی تھامتے باہر کی طرف بڑھا۔۔۔

دل دہائیاں دے رہا تھا لیکن وہ اس پر پیر رکھے بے نیاز تھا۔۔۔۔۔اور زری وہ تو پتھر کے مجسمے میں ڈھلی ساکت تھی۔۔۔وہ جانتی تھی آگے کیا ہو گا۔۔۔ذلت رسوائی کا ایک بازار لگے گا جہاں وہ سرے عام رسوا ہو گی۔۔۔۔۔۔۔

لیکن وہ یہ سب روک بھی تو نہیں سکتی تھی۔۔۔۔۔ایک غلطی۔۔۔ایک نادانی نے اسے کہاں لا کھڑا کیا تھا۔۔۔۔۔کیا محبت کرنا جرم تھا؟؟۔۔۔۔یہ سوال بڑی شدت سے سر اٹھا رہا تھا۔۔۔لیکن جواب جو تھا وہ اس سے نظریں چرا رہی تھی۔۔۔۔۔۔ساتھ بیٹھے اسامہ کو دیکھنے کی غلطی نہیں کی تھی۔۔۔۔بس آنسو بہاتے نظریں اپنے ہاتھوں پر جمائے وہ ساکت بیٹھی تھی۔۔۔۔۔۔۔

دل خون کے آنسو رو رہا تھا۔۔۔ مگر مداوا کرنے والا انجان بنا ہوا تھا۔۔۔۔۔۔اور اب مداوا ہونا بھی کیا تھا؟؟۔۔اب تو یہ زخم تمام عمر کے لیے ناسور بننے والا تھا۔۔۔۔۔۔۔کاش وہ مر جائے لیکن زاہدہ بیگم سے سامنا نا ہو۔۔۔۔۔وہ سامنا اسے مار ڈالتا۔۔۔۔دل میں دعائیں کرتے ہوئے بھی وہ جانتی تھی کہ ذلت کی سیاہی اپنے چہرے پر ملنے سے وہ روک نہیں سکتی۔۔۔۔۔

گاڑی آصف ولا کے باہر آکر رکی تو ایک پل کے زری کا سانس رکا۔۔۔۔۔

ساکت نظروں سے وہ سامنے دیکھتی رہ گئی جہاں اسکے لیے رسوائی کا جہنم تیار تھا۔۔۔۔۔

” چلو اترو۔۔۔۔”

اسکی محویت کو اسامہ کی بھاری آواز نے توڑا۔۔۔چونک کر اسکی طرف دیکھا تو اسکی آنکھوں کا ہراس اور خوف ایک پل کے اسامہ کو بھی ہلا گیا۔۔۔۔۔۔کیا تھی وہ اس قابل؟؟؟۔۔اسکی بھیگی پلکوں کو دیکھتے دل میں شدت سے سوال ابھرا۔۔۔۔۔۔

جبڑے کس کر لب بھینچے وہ خود نیچے اتر کر اسکی طرف آیا۔۔۔۔اور اسکا دروازہ کھول کر اسے باہر نکالا۔۔۔۔۔۔

” اب جائو۔۔۔آج سے تمہارے اور میرے راستے الگ ہیں زرنین ریحان۔۔۔۔سبق تو مل گیا ہو گا۔۔۔ہوپ سو آئیندہ اپنی حد سے آگے نہیں بڑھو گی۔۔۔۔نائو اینجوائے یور ہیپیسٹ لائف۔اینڈ نیور فارگیٹ ذوالنون اسامہ ابراہیم ۔۔۔۔ “

اسکی بھوری آنکھوں میں دیکھتے وہ قدرے جھک کر اسکی آنکھوں میں جھانکتا تمسخر سے بولا۔۔۔لہجہ آگ برسا رہا تھا۔۔۔۔اور آنکھوں میں حقارت تھی۔۔۔جس نے زری کو زندہ زمین میں گاڑ دیا۔۔۔۔۔۔یہ تھی وہ آخری کیل جو بڑی شدت سے اسامہ نے اسکے تابوت میں ٹھونکی تھی۔۔۔۔۔۔

وہ اسکے قریب جھکا اپنی سلگتی سانسوں کی تپش سے اسکا چہرہ دہکا رہا تھا۔۔۔۔۔اور وہ یک ٹک اسکی سیاہ آنکھوں میں دیکھ رہی تھی۔۔۔۔۔۔حد تھی ضبط کی کہ آنکھیں آنسوئوں سے خالی تھیں۔۔۔۔۔۔۔

” صحیح کہا تم نے۔۔۔ہمارے راستے جدا ہو گئے ہیں۔۔۔۔۔میں اللہ سے دعا کروں گی کہ کبھی تمہارا اور میرا سامنا نا ہو۔۔۔۔۔۔لیکن ایک بات یاد رکھنا اللہ کی لاٹھی بڑی بے آواز ہے۔۔۔۔۔وہ انصاف ضرور کرے گا۔۔۔اور تب تمہیں احساس ہو گا۔۔لیکن تب تم تنہا ہو گے۔۔۔۔۔تب پچھتائو گے۔۔۔لیکن سوائے خسارے کے کچھ ہاتھ نہیں آئے گا۔۔تم تمہیں میں یاد آئوں گی۔۔۔تم دہکتے صحرا میں ننگے پائوں بھی سفر کرو گے نا تو بھی مجھے پا نہیں سکو گے۔۔۔بے مراد رہو گے۔۔۔تڑپو گے تم ذوالنون اسامہ۔۔۔۔۔لیکن زرنین فاطمہ کو پا نہیں سکو گے۔۔۔ “

اسے دور دکھیلتے وہ غضب سے چلائی۔۔۔بھوری آنکھیں دہک رہیں تھیں۔۔۔اور لہجہ انگارے چبا رہا تھا۔۔۔۔چہرے پر چھائی اذیت اور نفرت نے اسامہ کو منجمند کر دیا۔۔۔۔وہ گنگ سا اسکی آنکھوں میں دیکھتا رہ گیا۔۔۔۔۔جہاں پانی تھا لیکن پانی کی تہہ میں جو تھا اسنے اسامہ کا سینہ خالی کر دیا۔۔۔۔۔۔۔۔

” اور اللہ حساب صرف تم سے نہیں لے گا۔۔کفارہ تو مجھے بھی ادا کرنا ہو گا ۔۔۔۔۔”

وہ یکلخت یاسیت سے بڑبڑاتی بے ساختہ لڑکھڑائی تھی کہ وہ سرعت سے اسے تھام گیا۔۔۔۔اسکے ہاتھوں کو دیکھتے وہ بے دردی سے ہنسی۔۔۔۔ٹوٹے کانچ کی چھبن تھی اسکی ہنسی میں۔۔۔۔۔۔

” بلندیوں سے پستیوں کی گہرائیوں میں دھکا دینے والے ہاتھ سہارا دیتے کافی مضحکہ خیز لگتے ہیں۔۔۔۔۔”

اسکے ہاتھ جھٹکتی وہ تمسخر سے بولتی ہنستی چلی گئی۔۔۔۔۔اور آنکھوں سے نمکین پانی بہتا گالوں پر لڑک آیا تھا۔۔۔۔اسے یوں بےحال ہوتا دیکھا دل میں درد سا اٹھا تھا۔۔۔لیکن اب بہت دیر ہو چکی تھی۔۔۔۔۔۔۔

” چلے جائو یہاں سے اور ہو سکے تو اتنی دور چلے جانا کہ مجھے نظر تک نا آسکو۔۔۔۔۔جائوووووو۔۔۔۔”

دونوں ہاتھ سے اسے دھکا دیتی وہ تڑپ کر چلاتی گیٹ کی طرف بھاگتی چلی گئی۔۔۔۔۔اور پیچھے وہ اسکی پشت دیکھتا خالی سینہ، خالی آنکھوں اور خالی دل لیے ساکت کھڑا رہ گیا۔۔۔۔۔۔۔۔

خود پر بیتی قیامت تو قابل قبول تھی لیکن اندر جو ہوا تھا اسنے زری کو کھڑے قدموں سے ڈھا دیا۔۔۔۔۔اسکی شفیق ماں جو اسے جان سے بھی زیادہ چاہتیں تھیں ایسے سفر پر جا چکیں تھیں جہاں سے واپسی ناممکن تھی۔۔۔۔۔

جہاں جانے والا لوٹ کر نہیں آتا۔۔۔اور پیچھے رہ جانے والے صرف تڑپتے سسکتے رہ جاتے ہیں۔۔۔۔۔۔۔اور زری بھی سوائے سسکنے اور تڑپنے کے علاوہ اور کر بھی کیا سکتی تھی۔۔۔۔۔ماتھے پر دہکتا انکا آخری لمس جیسے انگارہ تھا جو اسکی پیشانی جلا رہا تھا۔۔۔۔۔

ابیہا خاموش تھی۔۔۔۔لیکن ولید اسکے سینے سے لگتا بری طرح سسک اٹھا تھا۔۔۔۔۔وہ بھی اسے بانہوں میں بھرے تڑپ تڑپ کر روتی چلی گئی۔۔۔۔۔۔۔

” اب کیا فائدہ اس سب ناٹک کا؟؟۔ رات باہر گزارنے سے پہلے سوچنا چاہیے تھا نا کہ پیچھے ماں بھی ہے۔۔۔اب جب رات گزار کر آئی ہو تو ماں یاد آتی ہے تمہیں۔۔۔۔۔۔ارے میں تو کہتی ہوان تمہیں سنگسار کر دینا چاہیے۔۔۔۔۔”

عقب سے رابعہ مامی کی آواز میں کوڑے تھے جو پوری قوت سے زری پر برسے۔۔۔جس کی اذیت اسنے اپنے پور پور میں اترتی محسوس کی تھی۔۔۔۔۔

سختی سے آنکھیں میچے دل سے دعا نکلی کہ زمین پھٹے اور وہ اس میں سما جائے لیکن ہر دعا قبول تھوڑی نا ہوتی ہے جو اسکی ہوتی۔۔۔۔۔۔

” تم مر کیوں نہیں گئی آپی۔۔۔۔۔مر جاتی تو صبر بھی آجاتا۔۔۔لیکن اب کیا؟؟؟۔۔۔تمہارے حصے کی ذلت میرے گلے کا طوق بنا دی گئی ہے۔۔۔۔۔”

وہ مامی کے حمے سے سنبھلی بھی نہیں تھی کہ ابیہا کی پھنکار پر جیتے جی مر گئی۔۔۔۔۔ کہاں سوچا تھا کہ وہ اسکے مقابل آئے گی۔۔۔۔لیکن وہ آچکی تھی۔۔۔۔۔

” ممم۔۔۔مطلب۔۔۔ “

وہ بمشکل بول پائی۔۔۔۔ اسکے سوال پر ابیہا بے دردی سے ہنسی۔۔۔۔۔۔

ابیہا وقاص احمد بنا دیا گیا ہے مجھے۔۔۔اور اس سب کی زمہدار صرف تم ہو۔۔۔۔۔”

اسکے کانوں میں سیسہ انڈھیلتے وہ تڑپ تڑپ کر روتی چلی گئی۔۔۔اور زری آنسو اسکی پلکوں پر جم گئے۔۔۔۔۔۔

” وقاص احمد۔۔۔۔۔نہیں یہ نہیں ہو سکتا۔۔۔تم اس زانی کے نکاح میں کیسے جا سکتی ہو؟؟۔۔۔ہر گز۔۔۔۔۔۔۔۔۔”

” خرافہ نام مت لے میرے بیٹے کا۔۔۔۔”

سرعت سے ہوش میں آتے وہ ہزیانی ہو کر چیخی لیک اسکا ادھا جملہ رابعہ مامی کے تھپڑ نے اسکے گلے میں دبا دیا۔۔۔نفرت سے چیختے وہ اس پر بل پڑیں۔۔۔۔اور انھوں نے ایک تھپڑ پر اکتفا نہیں کیا بلکہ وہ بے دردی سے اسے مارتی چلیں گئیں۔۔۔۔۔وہ بے بسی سے مار کھاتی تڑپ تڑپ کر روتی چلی گئی۔۔۔۔۔یہ ذلت خود اسکی منتخب کردہ تھی۔۔۔۔۔۔۔